ﺋﺎﭘﺘﻮﺭ ﮔﯟﻭ ﺑﺎﯞﺷﯧﯔ ﺋﻪﭘﻪﻧﺪﻯ ﺑﯘ ﻣﺎﻗﺎﻟﯩﺴﯩﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﺩﻩﭘﺴﻪﻧﺪﻩ ﻗﯩﻠﯩﻨﻐﺎﻧﻠﯩﻘﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﭖ ﺋﯚﺗﻜﯜﺯﮔﻪﻥ ﻗﺎﻧﯘﻧﻠﯘﻕ ﻧﺎﻣﺎﻳﯩﺸﯩﻨﻰ ﺑﺎﺳﺘﯘﺭﯗﺵ ﺋﯜﭼﯜﻥ، ﺋﯚﺯﯨﻨﯩﯔ ﺟﺎﺳﯘﺳﻠﯩﺮﯨﻐﺎ ﺋﯘﺭﯗﺵ، ﭼﯧﻘﯩﺶ، ﻛﯚﻳﺪﯛﺭﯛﺵ، ﺑﯘﻻﺵ ﺟﯩﻨﺎﻳﯩﺘﻰ ﺳﺎﺩﯨﺮ ﻗﯩﻠﻐﯘﺯﺩﻯ، ﺩﻩﭖ ﺑﺎﻳﺎﻥ ﻗﯩﻠﺪﻯ.

ﺋﯩﻜﻜﻰ ﯞﻩﻗﻪﻧﯩﯔ ﺑﺎﺷﻠﯩﻨﯩﺶ ﺷﻪﻛﻠﻰ ﺋﻮﺧﺸﺎﺵ

ﺋﺎﭘﺘﻮﺭﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯩﺮﯨﻨﺠﯩﺪﯨﻦ، ﺋﯩﻜﻜﻰ ﯞﻩﻗﻪﻧﯩﯔ ﻗﺎﻧﺪﺍﻕ ﻣﻪﻗﺴﻪﺕ ﺑﯩﻠﻪﻥ ﺑﺎﺷﻼﻧﻐﺎﻧﻠﯩﻘﻰ ﺋﻮﺧﺸﺎﺵ. 1989‏ - ﻳﯩﻠﯩﺪﯨﻜﻰ 4‏ - ﺋﯩﻴﻮﻥ ﯞﻩﻗﻪﺳﯩﺪﻩ ﺋﻮﻗﯘﻏﯘﭼﯩﻼﺭ 'ﺧﯘﻳﺎﯞﺑﺎﯕﻨﻰ ﺧﺎﺗﯩﺮﯨﻠﻪﺵ' ﺩﯦﮕﻪﻥ ﺷﻪﻛﯩﻞ ﺋﺎﺭﻗﯩﻠﯩﻖ، ﺟﻮﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﻗﺎﻧﯘﻧﯩﺪﺍ ﺑﻪﻟﮕﯩﻠﻪﻧﮕﻪﻥ ﺳﯩﻴﺎﺳﯩﻲ ﻫﻮﻗﯘﻗﻨﻰ ﺋﯩﺸﻠﯩﺘﯩﭗ، ﺋﻪﺭﻛﯩﻨﻠﯩﻚ ﯞﻩ ﺩﯦﻤﻮﻛﺮﺍﺗﯩﻴﯩﮕﻪ ﺑﻮﻟﻐﺎﻥ ﺋﯩﺮﺍﺩﯨﺴﯩﻨﻰ ﺋﯩﭙﺎﺩﯨﻠﯩﮕﻪﻥ ﺑﻮﻟﺴﺎ، 2009‏ - ﻳﯩﻠﻰ ﺑﻪﺷﯩﻨﺠﻰ ﺋﯩﻴﻮﻝ ﻛﯜﻧﻰ ﺋﯜﺭﯛﻣﭽﯩﺪﻩ ﺋﯘﻳﻐﯘﺭ ﺋﻮﻗﯘﻏﯘﭼﯩﻠﯩﺮﻯ ﯞﻩ ﺋﯘﻳﻐﯘﺭ ﺧﻪﻟﻘﻰ، ﻫﯚﻛﯜﻣﻪﺗﺘﯩﻦ ﺷﺎﯞﮔﯘﻩﻧﺪﻩ ﻳﯜﺯ ﺑﻪﺭﮔﻪﻥ ﺋﺎﺩﺍﻟﻪﺗﺴﯩﺰﻟﯩﻜﻨﻰ ﻫﻪﻝ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﯩﺶ ﺷﻪﻛﻠﻰ ﺋﺎﺭﻗﯩﻠﯩﻖ، ﺋﯚﺯﻟﯩﺮﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺩﭘﺴﻪﻧﺪﻩ ﻗﯩﻠﯩﻨﯩﯟﺍﺗﻘﺎﻧﻠﯩﻘﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺩﻯ ﯞﻩ ﺋﯚﺯﯨﻨﯩﯔ ﺋﻪﺭﻛﯩﻨﻠﯩﻜﻜﻪ ﺑﻮﻟﻐﺎﻥ ﺋﯩﺮﺍﺩﯨﺴﯩﻨﻰ ﺋﯩﭙﺎﺩﯨﻠﯩﺪﻯ.

ﻫﻪﺭ ﺋﯩﻜﻜﻰ ﻫﻪﺭﯨﻜﻪﺗﻨﯩﯔ ﺗﯩﻨﺠﻠﯩﻖ ﺑﯩﻠﻪﻥ ﺑﺎﺷﻼﻧﻐﺎﻧﻠﯩﻘﻰ ﯞﻩ ﺑﺎﺭﻏﺎﻧﺴﯩﺮﻯ ﺋﯘﻟﻐﯘﻳﯘﭖ ﺗﻪﺭﻩﻗﻘﻰ ﻗﯩﻠﻐﺎﻧﻠﯩﻘﻰ ﺋﻮﺧﺸﺎﺵ.

ﺋﯩﻜﻜﻰ ﯞﻩﻗﻪﻧﯩﯔ ﺋﺎﻗﯩﯟﯨﺘﯩﻤﯘ ﺋﻮﺧﺸﺎﺵ

ﺋﯩﻜﻜﯩﻨﺠﯩﺪﯨﻦ، ﻫﻪﺭ ﺋﯩﻜﻜﻰ ﯞﻩﻗﻪﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﻗﺎﻧﻠﯩﻖ ﺑﺎﺳﺘﯘﺭﯗﻟﻐﺎﻥ ﺋﺎﻗﯩﯟﯨﺘﻰ ﺋﻮﺧﺸﺎﺵ. ﺋﺎﭘﺘﻮﺭﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، 'ﺗﯚﺗﯩﻨﺠﻰ ﺋﯩﻴﻮﻥ'ﺩﺍ ﺧﯩﺘﺎﻱ ﻫﯚﻛﯜﻣﯩﺘﻰ 200 ﻣﯩﯔ ﻛﯩﺸﯩﻠﯩﻚ ﻗﻮﺭﺍﻟﻠﯩﻖ ﻗﯩﺴﯩﻢ ﺋﯩﺸﻠﻪﺗﻜﻪﻥ ﺑﻮﻟﺴﺎ، 'ﺑﻪﺷﯩﻨﺠﻰ ﺋﯩﻴﻮﻝ'ﺩﺍ 130 ﻣﯩﯔ ﻛﯩﺸﯩﻠﯩﻚ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻢ ﺋﯩﺸﻠﻪﺗﺘﻰ ﯞﻩ ﻟﻪﻧﺠﻮ ﻫﻪﺭﺑﯩﻲ ﺭﺍﻳﻮﻧﯩﻨﻰ ﻳﻪﻧﻪ ﺑﯘﻧﯩﯖﻐﺎ ﺯﺍﭘﺎﺱ ﻗﻮﻳﺪﻯ، ﺑﻪﻟﻜﻰ ﺋﯜﺭﯛﻣﭽﯩﺪﻩ ﻧﺎﻣﺎﻳﯩﺸﻨﻰ ﺑﺎﺳﺘﯘﺭﻏﺎﻥ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻤﻠﯩﺮﯨﻨﯩﯔ ﺑﺎﺳﺘﯘﺭﯗﺵ ﺋﯩﻘﺘﯩﺪﺍﺭﻯ ﺗﻴﻪﻧﺌﻪﻧﻤﯧﻨﺪﻩ ﻧﺎﻣﺎﻳﯩﺸﻨﻰ ﺑﺎﺳﺘﯘﺭﻏﺎﻥ ﻗﻮﺭﺍﻟﻠﯩﻖ ﻗﯩﺴﯩﻤﺪﯨﻦ ﻳﯘﻗﯘﺭﻯ.

'ﺗﯚﺗﯩﻨﺠﻰ ﺋﯩﻴﻮﻥ' ﺩﺍ ﺧﯩﺘﺎﻱ ﺩﯙﻟﻪﺕ ﻛﺎﺑﯩﻨﯩﺘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﻳﯘﻩﻧﻤﯘ 23 ﺋﺎﺩﻩﻡ ﺋﯚﻟﺪﻯ، ﺩﯦﺴﻪ، ﺩﯙﻟﻪﺕ ﺭﻩﺋﯩﺴﻰ ﻳﺎﯓ ﺷﺎﯕﻜﯘﻥ 600 ﺋﺎﺩﻩﻡ ﺋﯚﻟﺪﻯ، ﺩﯦﮕﻪﻥ ﺋﯩﺪﻯ. 'ﺑﻪﺷﯩﻨﺠﻰ ﺋﯩﻴﻮﻝ' ﺩﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﺮ ﺗﯘﺭﯗﭖ 197ﺋﺎﺩﻩﻡ ﺋﯚﻟﺪﻯ، ﺩﯦﺴﻪ، ﺑﯩﺮ ﺗﯘﺭﯗﭖ 1600 ﺩﻩﻙ ﺋﺎﺩﻩﻡ ﺋﯚﻟﺪﻯ ﯞﻩ ﻳﺎﺭﯨﻼﻧﺪﻯ، ﺩﯦﺪﻯ.

ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ 'ﺗﯚﺗﯩﻨﺠﻰ ﺋﯩﻴﻮﻥ' ﺩﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﮔﯧﭙﯩﮕﻪ ﺋﯩﺸﻪﻧﻤﯩﮕﻪﻧﮕﻪ ﺋﻮﺧﺸﺎﺵ، 'ﺑﻪﺷﯩﻨﺠﻰ ﺋﯩﻴﻮﻝ' ﺩﯨﻤﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﮔﯧﭙﯩﮕﻪ ﺋﯩﺸﻪﻧﻤﯩﺪﻯ. ﺑﻪﻟﻜﻰ ﺧﯩﺘﺎﻱ ﻗﯩﺰﯨﻞ ﻛﯩﺮﯨﺴﺖ ﺟﻪﻣﺌﯩﻴﯩﺘﯩﻨﯩﯔ 'ﺗﯚﺗﯩﻨﺠﻰ ﺋﯩﻴﻮﻥ' ﺩﺍ 3000 ﺋﺎﺩﻩﻡ ﺋﯚﻟﺪﻯ ﯞﻩ ﻳﺎﺭﯨﻼﻧﺪﻯ، ﺩﯦﮕﯩﻨﻰ ﯞﻩ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﯩﻨﯩﯔ 'ﺑﻪﺷﯩﻨﺠﻰ ﺋﯩﻴﻮﻝ' ﺩﺍ ﺋﯚﻟﮕﻪﻥ ﯞﻩ ﻳﺎﺭﯨﻼﻧﻐﺎﻥ ﺋﺎﺩﻩﻡ ﺳﺎﻧﻰ 400 ﺩﯨﻦ 1000 ﻏﯩﭽﻪ ﺩﯦﮕﯩﻨﯩﻨﻰ ﺗﻮﻏﺮﺍ ﺩﻩﭖ ﻗﺎﺭﯨﺪﻯ.

ﻫﻪﺭ ﺋﯩﻜﻜﻰ ﯞﻩﻗﻪﺩﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﭼﯘﺭ ﯞﺍﺳﺘﯩﻠﯩﺮﯨﻐﺎ ﺑﻮﻟﻐﺎﻥ ﻛﻮﻧﺘﺮﻭﻟﻠﯘﻗﻰ ﺋﻮﺧﺸﺎﺵ

ﺋﺎﭘﺘﻮﺭﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻫﻪﺭ ﺋﯩﻜﻜﻰ ﯞﻩﻗﻪﺩﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﭼﯘﺭ ﯞﺍﺳﺘﯩﻠﯩﺮﯨﻨﻰ ﻛﻮﻧﺘﺮﻭﻝ ﻗﯩﻠﯩﯟﯦﻠﯩﺸﻰ ﺋﻮﺧﺸﺎﺵ.'ﺗﯚﺗﯩﻨﺠﻰ ﺋﯩﻴﻮﻥ'ﺩﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﭼﯘﺭ ﯞﺍﺳﺘﯩﻠﯩﺮﯨﻨﻰ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﯟﯦﻠﯩﭗ، ﺩﯦﻤﻮﻛﺮﺍﺗﯩﻚ ﻫﻪﺭﯨﻜﻪﺗﻨﻰ ﻫﻪﺭﺧﯩﻞ ﺑﻪﺩﻧﺎﻣﻼﺭ ﺑﯩﻠﻪﻥ ﻗﺎﺭﯨﻼﭖ 'ﭼﻪﺗﺌﻪﻟﻠﻪﺭﺩﯨﻜﻰ ﺟﻮﯕﮕﻮﻏﺎ ﻗﺎﺭﺷﻰ ﻛﯜﭼﻠﻪﺭ ﻗﻮﺯﻏﺎﺗﺘﻰ'، 'ﺑﯩﺮ ﺋﯘﭼﯘﻡ ﻗﺎﺭﺍ ﻛﯜﭼﻠﻪﺭ، ﻟﯜﻛﭽﻪﻛﻠﻪﺭ ﻗﺎﻳﻤﯘﻗﻘﺎﻥ ﺋﺎﻣﻤﯩﻨﻰ ﺋﯘﺭﯗﺵ، ﭼﯧﻘﯩﺶ، ﻛﯚﻳﺪﯛﺭﯛﺵ، ﺑﯘﻻﺷﻘﺎ ﻗﯘﺗﺮﺍﺗﺘﻰ'، 'ﻫﻪﺭﺑﯩﻲ ﻗﯩﺴﯩﻤﻼﺭﻏﺎ ﻫﯘﺟﯘﻡ ﻗﯩﻠﺪﻯ' ﺩﯦﮕﻪﻥ ﯞﻩ ﻫﻪﺭﺑﯩﻲ ﺋﺎﭘﺘﻮﻣﻮﺑﯩﻠﻼﺭﻧﯩﯔ ﻛﯚﻳﺪﯛﺭﯛﻟﮕﻪﻧﻠﯩﻜﯩﻨﯩﻼ ﻛﯚﺭﺳﻪﺗﻜﻪﻥ، ﺧﻪﻟﻘﻨﯩﯔ ﮔﯧﺰﯨﺘﻼﺭﻏﺎ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﯞﻩﻗﻪﻧﯩﯔ ﺋﻪﻳﻨﯩﻨﻰ ﭼﯜﺷﻪﻧﺪﯛﺭﯛﺷﻜﻪ ﺭﯗﺧﺴﻪﺕ ﻗﯩﻠﻤﯩﻐﺎﻥ ﺑﻮﻟﺴﺎ، 'ﺑﻪﺷﯩﻨﺠﻰ ﺋﯩﻴﻮﻝ'ﺩﯨﻤﯘ، ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﻟﻘﻨﯩﯔ ﺋﯩﻨﺘﯧﺮﻧﯧﺖ ﯞﻩ ﺗﯧﻠﯧﻔﻮﻥ ﺋﺎﻻﻗﯩﻠﯩﺮﯨﻨﻰ ﺋﯜﺯﯛﭖ ﺗﺎﺷﻼﭖ، ﺑﯘ ﻫﻪﺭﯨﻜﻪﺗﻨﻰ 'ﺋﯘﺭﯗﺵ، ﭼﯧﻘﯩﺶ، ﻛﯚﻳﺪﯛﺭﯛﺵ، ﺑﯘﻻﺵ ﺟﯩﻨﺎﻳﯩﺘﻰ ﺳﺎﺩﯨﺮ ﻗﯩﻠﺪﻯ'، 'ﭼﻪﺗﺌﻪﻟﺪﯨﻜﻰ ﺭﺍﺑﯩﻴﻪ ﻗﺎﺩﯨﺮ ﭘﻪﻳﺪﺍ ﻗﯩﻠﺪﻯ'، ﺩﯦﺪﻯ.

ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ 'ﺑﻪﺷﯩﻨﺠﻰ ﺋﯩﻴﻮﻝ'ﺩﺍ ﯞﻩﻗﻪﻧﯩﯔ ﭘﯜﺗﯜﻥ ﺟﻪﺭﻳﺎﻧﯩﻨﻰ ﻓﻮﺗﻮﻏﺎ ﺋﺎﻟﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻧﯩﯖﺪﯨﻜﻰ'ﺋﯘﺭﯗﺵ، ﭼﯧﻘﯩﺶ، ﻛﯚﻳﺪﯛﺭﯛﺵ، ﺑﯘﻻﺵ' ﻛﯚﺭﯛﻧﯜﺷﻠﯩﺮﯨﻨﯩﻼ ﺋﯧﻼﻥ ﻗﯩﻠﺪﻯ، ﺋﯘﻧﻰ ﻗﯩﻠﻐﺎﻥ ﻛﯩﺸﯩﻠﻪﺭﻧﯩﯔ ﺋﯩﺴﻤﯩﻨﻰ ﺋﯧﻼﻥ ﻗﯩﻤﯩﺪﻯ، ﻫﯚﻛﯜﻣﻪﺕ ﺋﯧﻼﻥ ﻗﯩﻠﻐﺎﻥ ﻓﻮﺗﻮ ﺭﻩﺳﯩﻤﻠﻪﺭﺩﯨﻤﯘ ﺋﯘﻻﺭﻧﯩﯔ ﭼﯩﺮﺍﻳﻰ ﺋﯧﻨﯩﻖ ﺋﻪﻣﻪﺱ، ﻛﯩﻤﻠﯩﻜﯩﻨﻰ ﭘﻪﺭﻗﻠﻪﻧﺪﯛﺭﮔﯩﻠﻰ ﺑﻮﻟﻤﺎﻳﺪﯗ.

ﻫﻪﺭ ﺋﯩﻜﻜﻰ ﯞﻩﻗﻪﺩﻩ ﺧﯩﺘﺎﻱ ﻫﯚﻛﯜﻣﯩﺘﻰ ﻗﻮﻟﻼﻧﻐﺎﻥ ﺑﺎﺳﺘﯘﺭﯗﺵ ﺋﯜﭼﯜﻥ ﺑﺎﻧﺎ ﺗﯧﭙﯩﺶ ﻣﻮﺩﯦﻠﻰ ﺋﻮﺧﺸﺎﺵ

ﺧﯩﺘﺎﻱ ﻫﯚﻛﯜﻣﯩﺘﻰ ﻫﻪﺭ ﺋﯩﻜﻜﻰ ﯞﻩﻗﻪﺩﻩ ﻗﻮﻟﻼﻧﻐﺎﻥ ﺑﺎﺳﺘﯘﺭﯗﺵ ﺋﯜﭼﯜﻥ ﺑﺎﻧﺎ ﺗﯧﭙﯩﺶ ﻣﻮﺩﯦﻠﻰ ﺋﻮﺧﺸﺎﺵ. 'ﺗﯚﺗﯩﻨﺠﻰ ﺋﯩﻴﻮﻥ'ﺩﺍ ﺋﺎﺯﺍﺩﻟﯩﻖ ﺋﺎﺭﻣﯩﻴﻪ ﺗﻴﻪﻧﺌﻪﻧﻤﯧﻨﮕﻪ ﻛﯩﺮﮔﻪﻧﺪﯨﻦ ﻛﯧﻴﯩﻦ، ﺋﯚﺯﻟﯩﺮﯨﻨﯩﯔ ﺟﺎﺳﯘﺳﻠﯩﺮﻯ ﻛﯩﺮﯨﭗ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﻨﯩﯔ ﺋﺎﭘﺘﻮﻣﻮﺑﯩﻠﻠﯩﺮﯨﻨﻰ ﻛﯚﻳﺪﯛﺭﮔﻪﻥ ﺋﯩﺪﻯ. ﺑﯘﻧﯩﯔ ﺟﻪﺭﻳﺎﻧﯩﻨﻰ 1989‏ - ﻳﯩﻠﻰ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﻨﯩﯔ ﺟﺎﺳﯘﺳﻠﯘﻕ ﺭﻭﺗﯩﺴﯩﺪﺍ ﺗﯘﺭﻏﺎﻥ، ﻛﯧﻴﯩﻦ ﻗﻮﻣﺎﻧﺪﯨﻐﺎ ﺑﻮﻱ ﺳﯘﻧﻤﯩﻐﺎﻧﻠﯩﻘﻰ ﺋﯜﭼﯜﻥ ﻗﺎﻣﺎﻗﻘﺎ ﺋﯧﻠﯩﻐﺎﻥ ﯞﯗ ﺋﻪﭘﻪﻧﺪﻯ ﭘﺎﺵ ﻗﯩﻠﺪﻯ. 2008‏ - ﻳﯩﻠﻰ ﺗﯩﺒﻪﺕ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻢ ﺑﺎﺵ ﻗﻮﻣﺎﻧﺪﺍﻧﻰ ﻟﻰ ﻟﻴﻪﻧﺸﯜ ﻗﯩﺴﯩﻤﻠﯩﺮﯨﻐﺎ ﭼﯜﺷﯜﺭﮔﻪﻥ ﺑﯘﻳﺮﯗﻗﻨﯩﯔ 5 ‏ - ﻣﺎﺩﺩﯨﺴﯩﺪﺍ، ﻣﻪﺧﺴﯘﺱ ﺋﯚﺯﯨﻨﯩﯔ ﺟﺎﺳﯘﺳﻠﯘﻕ ﺭﻭﺗﯩﺴﯩﻐﺎ 'ﺋﯩﻜﻜﻰ ﻳﯜﺯ ﺟﻪﯕﭽﻰ ﺭﺍﻫﯩﭙﭽﻪ ﻳﺎﺳﯩﻨﯩﭗ، ﺋﯩﺒﺎﺩﻩﺗﺨﺎﻧﯩﻼﺭﻏﺎ ﻛﯩﺮﯨﭗ ﻧﻮﻡ ﻛﯚﻳﺪﯛﺭﯛﺵ ﯞﻩ ﮔﻪﻧﺴﯘ ﺳﻮﺩﯨﮕﻪﺭﻟﯩﺮﯨﻨﯩﯔ ﺩﯗﻛﺎﻧﻠﯩﺮﯨﻨﻰ ﺑﯘﻻﺵ' ﺗﻮﻏﺮﯨﺴﯩﺪﺍ ﯞﻩﺯﯨﭙﻪ ﺗﺎﭘﺸﯘﺭﻏﺎﻧﻠﯩﻘﯩﻤﯘ ﺳﯩﺮ ﺋﻪﻣﻪﺱ.

ﺋﺎﭘﺘﻮﺭﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، 'ﺑﻪﺷﯩﻨﺠﻰ ﺋﯩﻴﻮﻝ' ﺩﯨﻤﯘ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﯨﻨﯩﯔ ﺟﺎﺳﯘﺳﻠﯩﺮﯨﻐﺎ ﺟﯩﻨﺎﻳﻪﺕ ﺳﺎﺩﯨﺮ ﻗﯩﻠﻐﯘﺯﻏﺎﻧﻠﯩﻘﻰ ﺋﯧﻨﯩﻖ. ﺋﯘﻳﻐﯘﺭﻻﺭ ﻧﺎﻣﺎﻳﯩﺶ ﻗﯩﻠﻐﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ 'ﺋﯘﺭﯗﺵ ﭼﯧﻘﯩﺶ، ﻛﯚﻳﺪﯛﺭﯛﺵ، ﺑﯘﻻﺵ ﺟﯩﻨﺎﻳﯩﺘﻰ ﺳﺎﺩﯨﺮ ﻗﯩﻠﺪﻯ' ﺩﯦﮕﻪﻥ ﻛﯩﺸﯩﻠﻪﺭﻧﯩﯔ ﺭﻩﺳﯩﻤﯩﻨﻰ ﺳﺎﭘﻼ ﻛﻪﻳﻨﻰ ﺗﻪﺭﻩﭘﺘﯩﻦ ﺗﺎﺭﺗﻘﺎﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻧﯩﯔ ﻛﯩﻤﻠﯩﻜﯩﻨﻰ ﺋﺎﺷﻜﺎﺭﯨﻠﯩﻤﺎﻳﯟﺍﺗﯩﺪﯗ.

ﺧﯩﺘﺎﻳﻨﯩﯔ ﺭﺍﺩﯨﻮ - ﺗﯧﻠﯩﯟﯨﺰﯨﻴﯩﻠﯩﺮﻯ ﺋﯘﻳﻐﯘﺭﻻﺭﻧﻰ 'ﺑﯩﺮ ﺋﺎﭘﺘﻮﻣﻮﺑﯩﻞ ﺳﻮﺩﯨﮕﯩﺮﯨﻨﯩﯔ 20 ﺩﺍﻧﻪ ﻳﯧﯖﻰ ﺋﺎﭘﺘﻮﻣﻮﺑﯩﻠﯩﻨﻰ ﻛﯚﻳﺮﯛﯞﻩﺗﺘﻰ'، ﺩﻩﭖ ﺧﻪﯞﻩﺭ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﺷﯘ ﺳﻮﺩﯨﮕﻪﺭ ﭼﻪﺗﺌﻪﻝ ﺋﯘﭼﯘﺭ ﯞﺍﺳﺘﯩﯩﻠﯩﺮﯨﻐﺎ ﯞﻩﻗﻪﻧﻰ ﭼﯜﺷﻪﻧﺪﯛﺭﯛﭖ 'ﺳﺎﻗﭽﻰ ﭘﻮﻧﻜﯩﺘﻰ ﻣﺎﯕﺎ ﻟﯚﻛﭽﻪﻛﻠﻪﺭ ﻛﯧﻠﯩﯟﺍﺗﯩﺪﯗ، ﺩﻩﭖ ﺋﺎﻟﺪﯨﻦ ﺋﯘﭼﯘﺭ ﺑﻪﺭﮔﻪﻥ ﺋﯩﺪﻯ، ﺋﻪﻣﻤﺎ ﻣﻪﻥ ﺗﻪﻳﻴﺎﺭﻟﯩﻖ ﻗﯩﻠﯩﭗ ﺑﻮﻟﻐﯩﭽﻪ، ﻟﯜﻛﭽﻪﻛﻠﻪﺭ ﻣﯩﻨﯩﯔ ﻳﯧﯖﻰ ﺋﺎﭘﺘﻮﻣﻮﺑﯩﻠﻠﯩﺮﯨﻤﯩﻨﻰ ﻛﯚﻳﺪﯛﺭﯨﯟﻩﺗﺘﻰ' ﺩﯦﺪﻯ.

ﺩﯦﻤﻪﻙ، ﺧﯩﺘﺎﻱ ﺳﺎﻗﭽﻰ ﭘﻮﻧﻜﯩﺘﻰ ﺷﯘ ﯞﺍﻗﯩﺘﺘﺎ ﻟﯜﻛﭽﻪﻛﻠﻪﺭﻧﻰ ﺑﯩﻠﯩﺪﯗ. ﺷﺎﯕﺨﻪﻳﺪﯨﻜﻰ ﺋﺎﺩﯞﯨﻜﺎﺕ ﺟﯧﻦ ﺋﯩﻨﭽﻮﯕﻨﯩﯔ ﭘﺎﺵ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ 7‏ - ﺋﺎﻳﻨﯩﯔ 1‏ - ﻛﯜﻧﯩﻼ ﺋﯜﺭﯛﻣﭽﯩﮕﻪ ﻗﻮﺭﺍﻟﻠﯩﻖ ﻗﯩﺴﯩﻢ ﻳﯚﺗﻜﻪﺷﻜﻪ ﺑﺎﺷﻠﯩﻐﺎﻥ ﯞﻩ ﺋﯚﻟﺴﻪ ﺋﺎﺋﯩﻠﻪ - ﺗﻪﯞﻩﻟﯩﺮﯨﮕﻪ 400 ﻣﯩﯔ ﻳﯘﻧﻪﻧﺪﯨﻦ ﻧﻪﭘﯩﻘﻪ ﺑﯧﺮﯨﺶ ﺋﯜﭼﯜﻥ 100 ﻣﯩﻠﻴﻮﻥ ﻳﯘﻩﻥ ﻣﻪﺑﻠﻪﻍ ﺋﺎﺟﺮﺍﺗﻘﺎﻥ.

ﺧﯩﺘﺎﻱ ﻫﯚﻛﯜﻣﯩﺘﻰ 'ﺑﻪﺷﯩﻨﺠﻰ ﺋﯩﻴﻮﻝ' ﺩﯨﻦ ﺗﺎﺭﺗﯩﭗ ﻫﺎﺯﯨﺮﻏﺎ ﻗﻪﺩﻩﺭ، ﺋﯚﺯﯨﻨﯩﯔ ﺟﯩﻨﺎﻳﻪﺗﻠﯩﺮﻯ ﺧﻪﻟﻘﺌﺎﺭﺍﻏﺎ ﺋﺎﺷﻜﺎﺭﯨﻠﯩﻨﯩﭗ ﻗﯧﻠﯩﺸﯩﺪﯨﻦ ﻗﻮﺭﻗﯘﭖ، ﺧﻪﻟﻘﻨﯩﯔ ﺗﯧﻠﯧﻔﻮﻥ ﯞﻩ ﺋﯩﻨﺘﯧﺮﻧﯧﺖ ﺋﺎﻻﻗﯩﺴﯩﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﻣﻪﻳﯟﺍﺗﯩﺪﯗ.