ﻣﯘﺷﯘ ﺑﯩﺮ ﻧﻪﭼﭽﻪ ﻛﯜﻥ ﺋﯩﭽﯩﺪﻩ، ﭼﻪﺗﺌﻪﻟﻠﻪﺭﺩﻩ ﺗﺎﺭﻗﯩﻠﯩﺪﯨﻐﺎﻥ ﺧﯩﺘﺎﻳﭽﻪ 'ﺑﻮﺷﯜﻥ ﺗﻮﺭ ﮔﯧﺰﯨﺘﻰ' ﻣﯘ ﺧﯘﺟﯩﻨﺘﺎﯞ ﻫﻪﻗﻘﯩﺪﻩ ﺑﯩﺮ ﺋﻮﺑﺰﻭﺭ ﺋﯧﻼﻥ ﻗﯩﻠﺪﻯ. ﺋﻪﻣﻤﺎ ﺧﯩﺘﺎﻳﻨﯩﯔ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺯﯗﯞﺍﻧﻰ ﺑﻮﻟﻐﺎﻥ 'ﺷﯩﻨﺠﺎﯓ ﺧﻪﯞﻩﺭ ﺗﻮﺭﻯ' ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞﻧﯩﯔ ﺷﯩﻨﺠﺎﯕﻐﺎ ﻛﯧﻠﯩﭗ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ ﺗﺎ ﻫﺎﺯﯨﺮﻏﺎ ﻗﻪﺩﻩﺭ ( ﺑﯜﮔﯜﻥ ﺋﯜﺭﯛﻣﭽﻰ ﯞﺍﻗﺘﻰ ﻛﻪﭺ ﺳﺎﺋﻪﺕ 12ﻏﺎ ﻗﻪﺩﻩﺭ) ﺗﯧﺨﯩﭽﻪ ﺧﻪﯞﻩﺭ ﻗﯩﻠﻤﯩﺪﻯ.

'ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ' ﻧﯩﯔ 25‏ - ﺋﺎﯞﻏﯘﺳﺖ ﻛﯜﻧﻰ ﻛﻪﭺ ﺳﺎﺋﻪﺕ 8 ﺩﯨﻦ ﺋﯚﺗﻜﻪﻧﺪﻩ ﺋﯜﺭﯛﻣﭽﯩﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞ 8‏ - ﺋﺎﻳﻨﯩﯔ 22‏ - ﻛﯜﻧﯩﺪﯨﻦ ﺑﺎﺷﻼﭖ ﺷﯩﻨﺠﺎﯕﺪﺍ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ. ﺧﯘ ﺟﯩﻨﺘﺎﯞ ﻣﯘﺷﯘ ﻛﯜﻧﻠﻪﺭﺩﻩ ﯞﺍﯓ ﻟﯧﭽﯘﻩﻥ، ﻧﯘﺭ ﺑﻪﻛﺮﯨﻠﻪﺭﻧﯩﯔ ﻫﻪﻣﺮﺍﻫﻠﯩﻘﯩﺪﺍ ﺋﺎﻗﺴﯘ، ﺳﺎﻧﺠﻰ، ﻗﺎﺭﺍﻣﺎﻱ، ﺷﯩﺨﻪﻧﺰﻩ، ﺋﯜﺭﯛﻣﭽﻰ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ، ﺧﯩﺘﺎﻱ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻤﻠﯩﺮﯨﺪﯨﻦ، 5‏ - ﺋﯩﻴﻮﻝ ﯞﻩﻗﻪﺳﯩﺪﯨﻜﻰ ﻗﻪﻫﺮﯨﻤﺎﻧﻰ ﺟﺎﯞﮔﺎﯕﻨﯩﯔ ﺧﯘﺗﯘﻧﯩﺪﯨﻦ ﻫﺎﻝ ﺳﻮﺭﯨﻐﺎﻥ، 39 ﻳﯩﻠﺪﯨﻦ ﺑﯘﻳﺎﻥ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﻨﻰ ﺳﯜﻳﮕﻪﻧﻠﯩﻜﻰ ﻫﻪﻗﻘﯩﺪﻩ 1000 ﭘﺎﺭﭼﯩﺪﯨﻦ ﺋﺎﺭﺗﯘﻕ ﺧﺎﺗﯩﺮﻩ ﻳﺎﺯﻏﺎﻥ 75 ﻳﺎﺷﻠﯩﻖ ﻗﺎﺩﯨﺮ ﺑﺎﻗﻰ ﺑﯩﻠﻪﻥ، 5‏ - ﺋﯩﻴﻮﻝ ﯞﻩﻗﻪﺳﯩﺪﻩ ﺧﻪﺗﻪﺭﮔﻪ ﺋﯘﭼﺮﺍﺵ ﺋﯧﻬﺘﯩﻤﺎﻟﻰ ﺑﻮﻟﻐﺎﻥ 15 ﺧﯩﺘﺎﻳﻨﻰ ﻳﯘﺷﯘﺭﯗﭖ ﻗﻮﻳﻐﺎﻥ ﺧﻪﻣﯩﺖ ﺋﻪﺧﻤﻪﺕ ﺑﯩﻠﻪﻥ ﯞﻩ ﯞﻩﻗﻪﺩﻩ ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﺩﯨﻨﯩﻲ ﺯﺍﺗﻼﺭ ﺑﯩﻠﻪﻥ ﻛﯚﺭﯛﺷﻜﻪﻥ.

ﺧﯘ ﺟﯩﻨﺘﺎﯞ ﺑﯘ ﻗﯧﺘﯩﻤﻘﻰ ﺗﻪﻛﺸﯜﺭﯛﺵ ﭘﺎﺋﺎﻟﯩﻴﯩﺘﯩﺪﻩ ﻳﻪﻧﻪ، ﺷﯩﻨﺠﺎﯓ ﻫﻪﺭﺑﯩﻲ ﺭﺍﻳﻮﻧﯩﻨﯩﯔ ﺋﺎﻗﺴﯘﺩﺍ ﺗﯘﺭﯗﺷﻠﯘﻕ ﻣﻪﻟﯘﻡ ﺑﯩﺮ ﭘﻮﻟﻜﯩﻨﻰ ﯞﻩ ﺧﯩﺘﺎﻱ ﻧﯧﻔﯩﺖ ﺷﯩﺮﻛﯩﺘﯩﻨﯩﯔ ﻣﺎﻳﺘﺎﻍ ﯞﻩ ﺷﯩﺨﻪﻧﺰﯨﻠﻪﺭﺩﯨﻜﻰ ﺷﯚﺑﯩﻠﯩﺮﯨﻨﻰ ﻛﯚﺯﺩﯨﻦ ﻛﯜﭼﯜﺭﯛﭖ، ﺋﯘﻻﺭﻏﺎ ﺋﯩﻠﻬﺎﻡ ﺑﻪﺭﮔﻪﻥ.

ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯘ ﺟﯩﻨﺘﺎﯞ ﺑﯜﮔﯜﻥ 8‏ - ﺋﺎﻳﻨﯩﯔ 25 ‏- ﻛﯜﻧﻰ ﺋﯜﺭﯛﻣﭽﯩﺪﻩ ﺋﯧﭽﯩﻠﻐﺎﻥ ﻛﺎﺩﯨﺮﻻﺭ ﻳﯩﻐﯩﻨﯩﺪﺍ ﺳﯚﺯ ﻗﯩﻠﯩﭗ، ﺳﯚﺯﯨﺪﻩ 'ﺩﯙﻟﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺋﯜﭺ ﺧﯩﻞ ﻛﯜﭼﻠﻪﺭ 5‏ - ﺋﯩﻴﻮﻝ ﻛﯜﻧﻰ ﺋﯜﺭﯛﻣﭽﯩﺪﻩ ﺋﯘﺭﯗﺵ، ﭼﯧﻘﯩﺶ، ﺑﯘﻻﺵ، ﻛﯚﻳﺪﯛﺭﯛﺵ ﯞﻩﻗﻪﺳﯩﻨﻰ ﭘﻪﻳﺪﺍ ﻗﯩﻠﺪﻯ، ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻫﯚﻛﯜﻣﻪﺕ، ﻫﻪﺭﺑﯩﻲ ﻗﯩﺴﯩﻤﻼﺭ ﯞﻩ ﺑﯩﯖﺘﯘﻩﻥ ﭘﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺘﯩﻨﯩﯔ ﺭﻩﻫﺒﻪﺭﻟﯩﻜﯩﺪﻩ ﺑﯩﺮﺩﻩﻙ ﻫﻪﺭﯨﻜﻪﺗﻜﻪ ﻛﯧﻠﯩﭗ، ﺋﯜﺭﯛﻣﭽﯩﻨﯩﯔ ﻣﯘﻗﯩﻤﻠﯩﻘﯩﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﺩﻯ' ﺩﻩﭖ ﺑﺎﻫﺎ ﺑﻪﺭﮔﻪﻥ. ﺷﯘﻧﺪﺍﻗﻼ ﻳﻪﻧﻪ ﭘﯜﺗﯜﻥ ﻛﺎﺩﯨﺮﻻﺭﻧﻰ ﺷﯩﻨﺠﺎﯕﺪﺍ ﺳﻮﺗﺴﯩﻴﺎﻟﯩﺰﻣﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﻘﺎ، ﺑﯚﻟﮕﯜﻧﭽﯩﻠﻪﺭﻧﻰ ﻣﻪﻏﻠﯘﭖ ﻗﯩﻠﯩﭗ، ﺧﻪﻟﻖ ﺗﯘﺭﻣﯘﺷﯩﻨﻰ ﻳﺎﺧﺸﯩﻼﺷﻘﺎ ﭼﺎﻗﯩﺮﻏﺎﻥ.

ﺧﯘ ﺟﯩﻨﺘﺎﯞﻧﯩﯔ ﺑﯘ ﻗﯧﺘﯩﻢ ﺋﯜﺭﯛﻣﭽﯩﮕﻪ ﻛﻪﻟﮕﻪﻧﻠﯩﻜﻰ ﻫﻪﻗﻘﯩﺪﻩ ﭼﻪﺗﺌﻪﻝ ﺋﯘﭼﯘﺭ ﯞﺍﺳﺘﯩﻠﯩﺮﯨﺪﯨﻦ ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻤﯘ ﺧﻪﯞﻩﺭ ﺋﯧﻼﻥ ﻗﯩﻠﺪﻯ. ﺋﯘﻧﯩﯖﺪﺍ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯘ ﺟﻨﯩﻨﺘﺎﯞ ﺑﯜﮔﯜﻥ ﺋﯜﺭﯛﻣﭽﯩﺪﻩ ﻗﯩﻠﻐﺎﻥ ﺳﯚﺯﯨﺪﻩ ﺋﺎﺳﺎﺳﻪﻥ ' ﺋﯜﺭﯛﻣﭽﯩﺪﻩ ﺋﯚﺗﻜﻪﻥ ﺋﺎﻳﺪﺍ ﺗﻮﺭﺍﻗﺴﯩﺰﻟﯩﻖ ﭘﻪﻳﺪﺍ ﻗﯩﻠﻐﺎﻥ ﺑﯚﻟﮕﯜﻧﭽﻰ ﻛﯜﭼﻠﻪﺭﻧﻰ ﭼﯘﻗﯘﻡ ﻣﻪﻏﻠﯘﭖ ﻗﯩﻠﯩﻤﯩﺰ' ﺩﻩﭖ ﺧﯩﺘﺎﭖ ﻗﯩﻠﻐﺎﻥ.

ﺧﯘ ﺟﯩﻨﺘﺎﯞ ﺋﯜﺭﯛﻣﭽﻰ ﻗﺎﺗﺎﺭﻟﯩﻖ ﺟﺎﻳﻼﺭﻧﻰ ﻛﯚﺯﺩﯨﻦ ﻛﯚﭼﯜﺭﯛﯞﺍﺗﻘﺎﻥ ﻣﯘﺷﯘ ﻛﯜﻧﻠﻪﺭﺩﻩ، ﭼﻪﺗﺌﻪﻟﻠﻪﺭﺩﻩ ﺗﺎﺭﻗﯩﺘﯩﻠﯩﺪﯨﻐﺎﻥ ﺑﻮﺷﯘﻥ ﺗﻮﺭ ﮔﯧﺰﯨﺘﯩﺪﻩ ﺧﯘ ﺟﯩﻨﺘﺎﯞ ﻫﻪﻗﻘﯩﺪﻩ ﺑﯩﺮ ﺋﻮﺑﺰﻭﺭ ﺋﯧﻼﻥ ﻗﯩﻠﯩﻨﺪﻯ. ﺋﯘﻧﯩﯖﺪﺍ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯘ ﺟﯩﻨﺘﺎﯞ ﯞﻩﺯﯨﭙﻪ ﺋﯚﺗﻪﺷﻜﻪ ﺑﺎﺷﻠﯩﻐﺎﻥ ﻫﺎﻣﺎﻥ ﺧﯩﺘﺎﻳﺪﺍ ﺑﺎﻳﻠﯩﻖ ﻣﻪﻧﺒﻪﻟﯩﺮﯨﻨﯩﯔ ﺋﯩﺴﺮﺍﭖ ﻗﯩﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺳﯧﺰﯨﭗ، ﺑﯘﻧﯩﯖﻐﺎ ﻗﺎﺭﯨﺘﺎ ﭘﻪﻥ - ﺗﯧﺨﻨﯩﻜﯩﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﺷﯘﺋﺎﺭﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ. ﺋﻪﻣﻤﺎ ﻫﺎﺯﯨﺮﻏﺎ ﻗﻪﺩﻩﺭ، ﺧﯘ ﺟﯩﻨﺘﺎﯞﻧﯩﯔ ﯞﻩﺯﯨﭙﻪ ﺋﯚﺗﻪﺵ ﻣﯘﺩﺩﯨﺘﯩﻨﯩﯔ ﺋﯜﭼﺘﻪﻥ ﺋﯩﻜﻜﻰ ﻗﯩﺴﻤﻰ ﺗﯜﮔﻪﭖ ﺑﻮﻟﻐﺎﻧﺪﯨﻤﯘ، ﺗﯧﺨﯩﭽﻪ ﺑﯘ ﺗﻪﺩﺑﯩﺮﯨﻨﯩﯔ ﺋﯜﻧﯜﻣﻰ ﻛﯚﺭﯛﻟﻤﯩﺪﻯ. ﺑﻪﻟﻜﻰ ﺋﯩﺸﺴﯩﺰﻟﯩﻖ ﻛﯚﭘﻪﻳﺪﻯ، ﺧﻪﻟﻖ ﺗﯘﺭﻣﯘﺷﻰ ﺗﯚﯞﻩﻧﻠﯩﺪﻯ، ﺋﻮﺗﺘﯘﺭﺍﻫﺎﻝ ﻣﯜﻟﯜﻙ ﺋﯧﮕﯩﻠﯩﺮﻯ ﺋﺎﺯﻟﯩﺪﻯ، ﭘﯩﻜﯩﺮ ﺋﻪﺭﻛﯩﻨﻠﯩﻜﻰ ﺗﯧﺨﯩﻤﯘ ﭼﻪﻛﻠﻪﻧﺪﻯ، ﺩﯙﻟﻪﺕ ﺋﯩﭽﯩﺪﯨﻜﻰ ﺯﯨﺪﺩﯨﻴﻪﺗﻠﻪﺭ ﺑﺎﺭﻏﺎﻧﺴﯩﺮﻯ ﻛﻪﺳﻜﯩﻨﻠﻪﺷﺘﻰ، ﺟﺎﻳﻼﺭﺩﺍ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﻪﺭ ﻛﯚﭘﻪﻳﺪﻯ. ﺑﯘﻧﺪﺍﻕ ﺋﻪﻫﯟﺍﻟﺪﺍ ﺧﯘ ﺟﯩﻨﺘﺎﯞﻧﯩﯔ ﻫﯚﻛﯜﻣﻪﺗﻨﻰ ﺋﯩﺪﺍﺭﻩ ﻗﯩﻠﯩﺶ ﺋﯩﻘﺘﯩﺪﺍﺭﻯ ﺋﺎﺟﯩﺰﻻﭖ، ﭘﻪﻗﻪﺕ ﻗﻮﺭﺍﻟﻠﯩﻖ ﻗﯩﺴﯩﻤﻼﺭﻏﺎ ﯞﻩ ﺳﺎﻗﭽﻰ ﻗﯩﺴﯩﻤﻼﺭﻏﺎ ﺗﺎﻳﯩﻨﯩﭗ ﺧﻪﻟﻘﻨﻰ ﺑﺎﺳﺘﯘﺭﯗﺷﻘﺎ ﻳﯜﺯﻟﻪﻧﺪﻯ.
 
'ﺑﻮﺷﯜﻥ ﺗﻮﺭ ﮔﯧﺰﯨﺘﻰ'ﺩﻩ ﺋﯧﻼﻥ ﻗﯩﻠﻐﺎﻥ ﺧﯘ ﺟﯩﻨﺘﺎﯞ ﻫﻪﻗﻘﯩﺪﯨﻜﻰ ﺑﯘ ﺋﻮﺑﺰﻭﺭﺩﺍ، ﺧﯘ ﺟﯩﻨﺘﺎﯞﻧﯩﯔ ﺳﯩﻴﺎﺳﻪﺕ ﭼﯩﻘﯩﺮﯨﭗ ﻣﺎﺕ ﺑﻮﻟﻐﺎﻧﻠﯩﻘﯩﻐﺎ ﺩﺍﺋﯩﺮ ﺑﯩﺮﻧﻪﭼﭽﻪ ﻣﯧﺴﺎﻝ ﺗﻪﭘﺴﯩﻠﯩﻲ ﺑﺎﻳﺎﻥ ﻗﯩﻠﯩﻨﻐﺎﻥ. ﺋﯘﻧﯩﯖﺪﺍ ﺋﯧﻴﺘﯩﻠﯩﺸﯩﭽﻪ، ﺧﯘ ﺟﯩﻨﺘﺎﯞ ﺑﯘﻟﺘﯘﺭ ﻗﯩﺸﺘﺎ ﺋﻪﻧﺨﯘﻳﻐﺎ ﺑﺎﺭﻏﺎﻧﺪﺍ 'ﻳﻪﺭﻧﻰ ﺋﯚﺗﯜﻧﯜﭖ ﺑﯧﺮﯨﺶ' ﺳﯩﻴﺎﺳﯩﺘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺑﯘﻧﻰ ﻳﯧﯖﻰ ﺋﯩﺴﻼﻫﺎﺗﻨﯩﯔ ﻳﻮﻝ ﺑﻪﻟﮕﯩﺴﻰ ﺩﻩﭖ ﺗﻪﺷﯟﯨﻖ ﻗﯩﻠﻐﺎﻥ ﺋﯩﺪﻯ. ﺋﯘﻧﯩﯖﺪﯨﻦ ﻛﯧﻴﯩﻨﻼ، ﯞﯦﻦ ﺟﻴﺎﺑﺎﯞ ﺑﯘ ﺳﯩﻴﺎﺳﻪﺗﻨﻰ ﺩﻩﺭﻫﺎﻝ ﭼﻪﻛﻠﻪﭖ، ﻳﯧﺰﯨﻼﺭﺩﺍ ﭼﻮﯓ ﻗﺎﻻﻳﻤﯩﻘﺎﻧﭽﯩﻠﯩﻖ ﭘﻪﻳﺪﺍ ﺑﻮﻟﯘﺷﻨﯩﯔ ﺋﺎﻟﺪﯨﻨﻰ ﺋﺎﻟﺪﻯ، ﺩﻩﭖ ﺗﻪﺷﯟﯨﻖ ﻗﯩﻠﯩﻨﻐﺎﻧﺪﺍ، ﺧﯘ ﺟﯩﻨﺘﺎﯞ ﻳﻪﻧﻪ ﺑﯩﺮ ﻗﯧﺘﯩﻢ ﻣﺎﺕ ﺑﻮﻟﺪﻯ.

ﺑﯘ ﻳﯩﻞ، ﺧﯘ ﺟﯩﻨﺘﺎﯞ ﻳﺎﺷﻼﺭﻏﺎ ﻗﺎﺭﯨﺘﺎ 'ﺳﯧﺮﯨﻖ' ﻗﺎ ﺯﻩﺭﺑﻪ ﺑﯧﺮﯨﺶ ﺳﯩﻴﺎﺳﯩﺘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﻛﻮﻣﭙﻴﯘﺗﯧﺮﻻﺭﻏﺎ 'ﻳﯧﺸﯩﻞ ﺗﻮﺳﻤﺎ' ﺋﻮﺭﻧﯩﺘﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﺪﻯ. ﺑﯘﻧﯩﯖﻐﺎ 40 ﻣﯩﻠﻴﻮﻥ ﻳﯘﻩﻥ ﺳﻪﺭﭖ ﻗﯩﻠﯩﻨﻐﺎﻥ ﺋﯩﺪﻯ. ﻧﻪﺗﯩﺠﯩﺪﻩ ﺧﯘ ﺟﯩﻨﺘﺎﯞ ﺑﯘ ﻳﯘﻣﺸﺎﻕ ﺩﯦﺘﺎﻟﻨﯩﯔ ﭘﺎﺗﯧﻨﺖ ﻫﻮﻗﯘﻗﻰ ﺑﺎﺭ ﺋﺎﻣﯧﺮﯨﻜﯩﺪﯨﻜﻰ ﺑﯩﺮ ﺷﯩﺮﻛﻪﺕ ﺋﺎﻟﺪﯨﺪﺍ ﻳﻪﻧﻪ ﻣﺎﺕ ﺑﻮﻟﺪﻯ. ﺑﯘﻧﯩﯖﺪﯨﻦ ﺑﯩﺮ ﻳﯩﻞ ﺑﯘﺭﯗﻧﻤﯘ، ﺧﯘ ﺟﯩﻨﺘﺎﯞ ﺋﺎﯞﺳﺘﺮﺍﻟﯩﻴﯩﺪﯨﻜﻰ ﺑﯩﺮ ﺷﯩﺮﻛﻪﺗﭽﻰ ﺧﯩﺘﺎﻱ ﺑﯩﻠﻪﻥ ﺑﯧﻴﺠﯩﯖﺪﯨﻜﻰ ﺧﻪﻟﻖ ﺳﺎﺭﯨﻴﯩﺪﺍ ﻛﯚﺭﯛﺷﻜﻪﻥ ﺋﯩﺪﻯ.

ﺑﯩﺮ ﻧﻪﭼﭽﻪ ﺋﺎﻱ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺑﯘ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺋﻪﺗﻜﻪﺳﭽﯩﺴﻰ ﺋﺎﯞﺳﺘﺮﺍﻟﯩﻴﯩﺪﻩ ﻗﻮﻟﻐﺎ ﺋﯧﻠﯩﻨﯩﭗ، ﺧﯘ ﺟﯩﻨﺘﺎﯞ ﺗﺎﺯﺍ ﻣﺎﺕ ﺑﻮﻟﻐﺎﻥ ﺋﯩﺪﻯ. ﻳﯧﻘﯩﻨﺪﺍ ﻳﻪﻧﻪ ﺧﯘ ﺟﯩﻨﺘﺎﯞﻧﯩﯔ ﺋﻮﻏﻠﻰ ﺧﯘ ﺧﻪﻳﻔﯧﯔ 'ﺧﻪﻟﻘﺌﺎﺭﺍﻟﯩﻖ ﺋﯩﻘﺘﯩﺴﺎﺩﯨﻲ ﺋﯚﺗﯜﺷﻤﻪ ﻗﯘﺭﯗﺵ' ﺩﯦﮕﻪﻥ ﻧﺎﻡ ﺑﯩﻠﻪﻥ ﻫﻪﺭ ﻗﺎﻳﺴﻰ ﺗﺎﻣﻮﮊﻧﯩﻼﺭﻏﺎ x ﻧﯘﺭﻯ ﺋﻪﺳﯟﺍﭘﻠﯩﺮﯨﻨﻰ ﺋﻮﺭﻧﺎﺗﻘﯘﺯﯗﭖ، ﺑﯘ ﺟﻪﺭﻳﺎﻧﺪﺍ 12 ﻣﯩﻠﻴﻮﻥ 280 ﻣﯩﯔ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﺗﺎﭘﺎﻥ ﻫﻪﻗﻘﻰ ﺋﺎﻟﻐﺎﻧﻠﯩﻘﻰ ﭘﺎﺵ ﻗﯩﻠﯩﻨﯩﭗ، ﺑﯘ ﺩﯦﻠﻮﺩﯨﻤﯘ ﺧﯘ ﺟﯩﻨﺘﺎﯞ ﻣﺎﺕ ﺑﻮﻟﺪﻯ.

ﻣﯘﺷﯘ ﺑﯩﺮ ﻧﻪﭼﭽﻪ ﻛﯜﻥ ﺋﯩﭽﯩﺪﻩ ﻛﯩﺸﯩﻠﻪﺭﻧﻰ ﺗﯧﺨﯩﻤﯘ ﻫﻪﻳﺮﺍﻥ ﻗﺎﻟﺪﯗﺭﯗﯞﺍﺗﻘﺎﻥ ﺑﯩﺮ ﻣﻪﺳﯩﻠﻪ ﺷﯘﻛﻰ، ﮔﻪﺭﭼﻪ ﺧﯘ ﺟﯩﻨﺘﺎﯞﻧﯩﯔ 8‏ - ﺋﺎﻳﻨﯩﯔ 22 ‏ - ﻛﯜﻧﯩﺪﯨﻦ 25‏ - ﻛﯜﻧﯩﮕﯩﭽﻪ ﺑﻮﻟﻐﺎﻥ ﺑﯩﺮ ﻧﻪﭼﭽﻪ ﻛﯜﻥ ﺋﯩﭽﯩﺪﻩ، ﺋﯜﺭﯛﻣﭽﻰ ﻗﺎﺗﺎﺭﻟﯩﻖ ﺟﺎﻳﻼﺭﻧﻰ ﺗﻪﻛﺸﯜﺭﮔﻪﻧﻠﯩﻜﻰ، ﺋﯜﺭﯛﻣﭽﯩﺪﻩ ﻛﺎﺩﯨﺮﻻﺭ ﻳﯩﻐﯩﻨﯩﺪﺍ ﺳﯚﺯ ﻗﯩﻠﯩﭗ ﺧﯩﺰﻣﻪﺕ ﺗﺎﭘﺸﯘﺭﻏﺎﻧﻠﯩﻘﻰ ﻫﻪﻗﻘﯩﺪﻩ، ﺧﯩﺘﺎﻱ ﻣﻪﺭﻛﯩﺰﻯ ﻛﻮﻣﯩﺘﯧﺘﯩﻨﯩﯔ ﺯﯗﯞﺍﻧﻰ ﺑﻮﻟﻐﺎﻥ 'ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ' ﺗﻪﻛﺮﺍﺭ - ﺗﻪﻛﺮﺍﺭ ﺧﻪﯞﻩﺭ ﺋﯧﻼﻥ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﯞﺍﯓ ﻟﯧﭽﯘﻩﻧﻨﯩﯔ ﻛﻮﻧﺘﺮﻭﻟﻠﯘﻗﯩﺪﯨﻜﻰ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺯﯗﯞﺍﻧﻰ ﺑﻮﻟﻐﺎﻥ 'ﺷﯩﻨﺠﺎﯓ ﺧﻪﯞﻩﺭ ﺗﻮﺭﻯ' ﺑﯘ ﻫﻪﻗﺘﻪ ﺗﯧﺨﯩﭽﻪ ﻫﯧﭽﻘﺎﻧﺪﺍﻕ ﺑﯩﺮ ﺗﻪﭘﺴﯩﻠﯩﻲ ﺧﻪﯞﻩﺭ ﺋﯧﻼﻥ ﻗﯩﻠﻤﯩﺪﯨﻼ ﺋﻪﻣﻪﺱ، ﻫﻪﺗﺘﺎ ﺧﯘ ﺟﯩﻨﺘﺎﯞﻧﯩﯔ ﺷﯩﻨﺠﺎﯕﻐﺎ ﻛﻪﻟﮕﻪﻧﻠﯩﻜﯩﻨﯩﻤﯘ ﺧﻪﯞﻩﺭ ﻗﯩﻠﻤﯩﺪﻯ.