ﺋﺎﺑﺪﯗﻟﻘﺎﺩﯨﺮ ﺩﺍﻣﻮﻟﻼﻡ ﺑﯩﻠﻪﻥ ﺯﺍﻣﺎﻧﺪﺍﺵ ﻣﻪﺷﻬﯘﺭ ﺋﺎﻟﯩﻢ، ﺋﺎﺗﺎﻗﻠﯩﻖ ﺷﺎﺋﯩﺮ ﻫﯜﺳﻪﻳﯩﻨﺨﺎﻥ ﺗﻪﺟﻪﻟﻠﯩﻨﯩﯔ ﺗﯩﻠﻰ ﺑﯩﻠﻪﻥ ﺋﯧﻴﺘﻘﺎﻧﺪﺍ،ﺋﺎﺑﺪﯗﻟﻘﺎﺩﯨﺮ ﺩﺍﻣﻮﻟﻼﻡ ﻧﺎﺯﯗﻛﻠﯘﻗﺘﺎ ﺭﻭﻫﻘﺎ، ﺋﯩﺮﺍﺩﯨﺴﯩﻨﯩﯔ ﻣﯘﺳﺘﻪﻫﻜﻪﻣﻠﯩﻜﯩﺪﻩ ﺗﺎﻏﻘﺎ، ﺋﯩﻠﻤﯩﻨﯩﯔ ﻣﻮﻟﻠﯘﻗﯩﺪﺍ ﺩﯦﯖﯩﺰﻏﺎ ﺋﻮﺧﺸﺎﻳﺘﺘﻰ.

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﯨﻜﻰ ﺋﯩﺴﻼﻡ ﺋﯘﻧﯩﯟﯦﺮﺳﺘﯧﺘﯩﻨﻰ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ، ﻣﻪﻛﻜﻪ ﺷﻪﻫﯩﺮﯨﺪﻩ ﺋﯩﻠﻤﯩﻲ ﺧﯩﺰﻣﻪﺗﻠﻪﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ ﻛﯧﻠﯩﯟﺍﺗﻘﺎﻥ ﺋﺎﺑﺪﯗﻟﺌﻪﺯﯨﺰ ﺋﻪﭘﻪﻧﺪﯨﮕﻪ ﻣﻪﺭﻫﯘﻡ ﺋﺎﺑﺪﯗﻟﻘﺎﺩﯨﺮ ﺩﺍﻣﻮﻟﻼﻣﻨﯩﯔ ﻣﯩﻔﺘﺎﻫﯘﻝ ﺋﻪﺩﻩﺏ ﻧﺎﻣﻠﯩﻖ ﺋﻪﺳﯩﺮﻯ ﻫﻪﻗﻘﯩﺪﻩ ﺑﯩﺮ ﻗﺎﻧﭽﻪ ﺳﻮﺋﺎﻝ ﺑﯩﻠﻪﻥ ﻣﯘﺭﺍﺟﯩﺌﻪﺕ ﻗﯩﻠﻐﺎﻥ ﺋﯩﺪﯗﻕ.

ﺋﺎﺑﺪﯗﻟﺌﻪﺯﯨﺰ ﺋﻪﭘﻪﻧﺪﻯ ﻣﯩﻔﺘﺎﻫﯘﻝ ﺋﻪﺩﻩﺏ ﻧﺎﻣﻠﯩﻖ ﺋﻪﺳﻪﺭﻧﻰ ﺗﻮﻧﯘﺷﺘﯘﺭﯗﭖ ﻣﯘﻧﺪﺍﻕ ﺩﯦﺪﻯ: ﺋﻪﺭﻩﺏ ﺗﯩﻠﯩﻨﻰ ﺋﯚﮔﻪﻧﮕﯜﭼﯩﻠﻪﺭ ﻣﻮﺭﻓﻮﻟﻮﮔﯩﻴﻪ، ﮔﺮﺍﻣﻤﺎﺗﯩﻜﺎ ﯞﻩ ﻗﯩﺴﻘﯩﭽﻪ ﺳﯚﺯﻟﯜﻛﻠﻪﺭﻧﻰ ﺋﯚﮔﻪﻧﮕﻪﻧﺪﯨﻦ ﻛﯧﻴﯩﻦ ﺩﯗﭺ ﻛﯧﻠﯩﺪﯨﻐﺎﻥ ﺋﺎﺳﺎﺳﻠﯩﻖ ﻣﻪﺳﯩﻠﻪ ﻗﯩﻴﯩﻦ، ﻛﻪﻡ ﺋﯘﭼﺮﺍﻳﺪﯨﻐﺎﻥ ﺳﯚﺯﻟﯜﻛﻠﻪﺭ ﻫﻪﻣﺪﻩ ﺗﻪﺭﺟﯩﻤﻪ ﻗﯩﻠﯩﺶ ﻗﺎﺑﯩﻠﯩﻴﯩﺘﯩﻨﻰ ﺋﺎﺷﯘﺭﯗﺵ ﻣﻪﺳﯩﻠﯩﺴﯩﺪﯗﺭ. ﺷﯘﯕﺎ ﺋﻪﺭﻩﺏ ﺗﯩﻠﯩﻨﻰ ﺋﯚﮔﻪﻧﮕﻪﻥ ﻫﻪﺭ ﻗﺎﻧﺪﺍﻕ ﺋﺎﺩﻩﻡ ﺋﻪﺭﻩﺑﻠﻪﺭﻧﯩﯔ ﻣﻪﺷﻬﯘﺭ ﺷﯧﺌﯩﺮﻯ ﯞﻩ ﺋﻪﺩﻩﺑﯩﻲ ﻛﯩﺘﺎﺑﻠﯩﺮﯨﻨﻰ ﻛﯚﭖ ﺋﻮﻗﯘﺷﻘﺎ ﻣﯘﻫﺘﺎﺝ ﺑﻮﻟﯩﺪﯗ. ﺋﺎﺑﺪﯗﻟﻘﺎﺩﯨﺮ ﺩﺍﻣﻮﻟﻼﻡ ﺑﯘ ﻣﻪﺳﯩﻠﯩﻨﻰ ﻧﻪﺯﻩﺭﺩﻩ ﺗﯘﺗﯘﭖ " ﻣﯩﻔﺘﺎﻫﯘﻝ ﺋﻪﺩﻩﺏ" ﻳﻪﻧﻰ (ﺋﻪﺩﻩﺑﯩﻴﺎﺕ ﺋﺎﭼﻘﯘﭼﻰ) ﺩﯦﮕﻪﻥ ﺷﺎﻧﻠﯩﻖ ﺋﻪﺳﯩﺮﯨﻨﻰ ﻫﺎﺯﯨﺮﻻﭖ ﺋﯘﻧﻰ ﻣﻪﺩﺭﯨﺴﻪ ﺗﺎﻟﯩﺒﻠﯩﺮﻯ ﺋﯜﭼﯜﻥ ﺋﻮﻗﯘﺷﻠﯘﻕ ﺳﯜﭘﯩﺘﯩﺪﻩ ﺋﯚﮔﻪﺗﻜﻪﻥ. ﺋﺎﺑﺪﯗﻟﻘﺎﺩﯨﺮ ﺩﺍﻣﻮﻟﻼﻡ ﺑﯘ ﺋﻪﺳﻪﺭﻧﻰ ﺗﻪﻳﻴﺎﺭﻻﺷﺘﺎ، ﺋﯚﺯﯨﻨﯩﯔ ﺑﻪﺯﻯ ﺷﯧﺌﯩﺮﻟﯩﺮﻯ ﺑﯩﻠﻪﻥ ﺑﯩﺮﮔﻪ، ﺋﻪﺭﻩﺑﻠﻪﺭﻧﯩﯔ ﻛﻼﺳﺴﯩﻚ ﺋﻪﺳﻪﺭﻟﯩﺮﻯ ﯞﻩ ﺷﯧﺌﯩﺮ ﺗﻮﭘﻼﻣﻠﯩﺮﯨﺪﯨﻦ ﺗﺎﻟﻼﭖ ﺋﺎﻟﻐﺎﻥ. ﻛﯩﺘﺎﺑﻘﺎ ﺋﻪﺭﻩﺑﻠﻪﺭﻧﯩﯔ ﺋﯚﺯ ﯞﺍﻗﺘﯩﺪﺍ ﺋﯧﺴﯩﻠﻠﯩﻜﯩﺪﯨﻦ ﻛﻪﺑﯩﮕﻪ ﺋﯧﺴﯩﻠﻐﺎﻥ ﺷﯧﺌﯩﺮﻟﯩﺮﻯ ﯞﻩ ﻫﺎﺯﯨﺮﻏﯩﭽﻪ ﺋﯩﺴﺘﯩﻠﯩﺴﺘﯩﻜﯩﻠﯩﻖ ﮔﯜﺯﻩﻝ ﺋﯩﭙﺎﺩﯨﻠﻪﺵ ﺋﯜﻟﮕﯩﻠﯩﺮﻯ ﺩﻩﭖ ﺳﺎﻧﺎﻟﻐﺎﻥ ﻣﻪﺷﻬﯘﺭ ﺷﯩﺌﯧﺮﻻﺭ، ﺋﺎﻗﯩﻠﻼﺭﻧﯩﯔ ﺋﻪﻗﻠﯩﻴﻪﺕ ﺳﯚﺯﻟﯩﺮﻯ ﯞﻩ ﻫﯧﻜﻤﻪﺗﻠﯩﻚ ﺳﯚﺯﻟﻪﺭﻣﯘ ﻛﯩﺮﻛﯜﺯﯛﻟﮕﻪﻥ.

ﻣﯩﻔﺘﺎﻫﯘﻝ ﺋﻪﺩﻩﺑﻨﯩﯔ ﺧﯘﺳﯘﺳﯩﻴﻪﺗﻠﯩﺮﻯ

ﺋﺎﺑﺪﯗﻟﺌﻪﺯﯨﺰ ﺋﻪﭘﻪﻧﺪﻯ ﻣﯩﻔﺘﺎﻫﯘﻝ ﺋﻪﺩﻩﺏ ﻧﺎﻣﻠﯩﻖ ﺋﻪﺳﻪﺭﻧﯩﯔ ﺧﯘﺳﯘﺳﯩﻴﯩﺘﻰ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯦﺪﻯ: "ﻣﯩﻔﺘﺎﻫﯘﻝ ﺋﻪﺩﻩﺏ" ﺋﻪﺭﻩﺑﭽﻪ ﺑﻮﻟﯘﭖ، ﺋﯘﻧﯩﯔ ﺋﯘﻳﻐﯘﺭﭼﻪ ﻣﻪﻧﯩﺴﻰ: ﺋﻪﺩﻩﺏ-ﺋﻪﺧﻼﻕ ﯞﻩ ﺋﻪﺩﻩﺑﯩﻴﺎﺕ ﺋﺎﭼﻘﯘﭼﻰ ﺩﯦﮕﻪﻧﻠﯩﻜﻨﻰ ﺋﯩﭙﺎﺩﯨﻠﻪﻳﺪﯗ. ﭼﯜﻧﻜﻰ ﺑﯘ ﻛﯩﺘﺎﺏ ﺋﻪﺭﻩﺏ ﺋﻪﺩﻩﺑﯩﻴﺎﺗﯩﺪﯨﻜﻰ ﺋﯩﺴﺘﯩﻠﯩﺴﺘﯩﻜﯩﻠﯩﻖ ﺋﻪﯓ ﺋﯧﺴﯩﻞ ﺋﯩﭙﺎﺩﯨﻠﻪﺵ ﺋﯘﺳﯘﻟﻠﯩﺮﯨﻨﻰ ﺋﯚﮔﯩﺘﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺋﻪﺩﻩﺏ-ﺋﻪﺧﻼﻕ ﻗﺎﺋﯩﺪﯨﻠﯩﺮﯨﻨﯩﻤﯘ ﺋﯚﮔﯩﺘﯩﺪﯗ. ﺷﯘﯕﺎ ﺋﺎﺑﺪﯗﻟﻘﺎﺩﯨﺮ ﺩﺍﻣﻮﻟﻼﻡ ﻛﯩﺘﺎﺑﯩﻨﻰ ﻣﯘﻧﯘ ﺷﯧﺌﯩﺮ ﺑﯩﻠﻪﻥ ﺑﺎﺷﻠﯩﻐﺎﻥ:

ﺑﻪﺭﻣﯩﺪﻯ ﺋﺎﻟﻼﻫ ﺑﯩﺮﺍﯞﻏﺎ ﺋﻪﻗﯩﻞ ﯞﻩ ﺋﻪﺩﻩﺑﺘﯩﻦ ﺋﺎﺭﺗﯘﻕ ﺑﯩﺮﯨﻨﻰ،
ﺋﻪﻗﯩﻞ ﺑﯩﻠﻪﻥ ﺋﻪﺩﻩﺏ ﻳﺎﺷﻼﺭ ﺋﯜﭼﯜﻥ ﻫﯚﺳﯩﻦ ﺟﺎﻣﺎﻝ.
ﺋﯚﻟﮕﻪﻧﮕﻪ ﺗﻪﯓ ﻫﻪﺭ ﻛﯩﻢ ﺑﯘ ﺋﯩﻜﻜﯩﺴﯩﺪﯨﻦ ﺋﺎﻳﺮﯨﻠﻐﺎﻥ ﻫﺎﻣﺎﻥ.

ﺑﯘ ﻛﯩﺘﺎﺑﺘﯩﻜﻰ:

ﺋﯚﮔﻪﻧﮕﯩﻦ ﺋﻪﻱ ﻳﯩﮕﯩﺖ! ﺑﯩﻠﯩﻤﺴﯩﺰﻟﯩﻚ ﻧﻮﻣﯘﺳﺘﯘﺭ.
ﺋﯩﺸﻪﻛﺘﯩﻦ ﺑﺎﺷﻘﺎ ﻫﯧﭽﺒﯩﺮﻯ ﺋﺎﯕﺎ ﺭﺍﺯﻯ ﺋﻪﻣﻪﺳﺘﯘﺭ.

ﺩﯦﮕﻪﻥ ﺑﯧﻴﺘﻼﺭﺩﺍ ﺋﻮﻗﯘﺵ ﯞﻩ ﺋﯚﮔﯩﻨﯩﺸﻜﻪ ﻛﯜﭼﻠﯜﻙ ﺗﻪﺷﻪﺑﺒﯘﺱ ﻗﯩﻠﯩﻨﻐﺎﻥ ﻫﻪﻣﺪﻩ ﺋﯩﻨﺴﺎﻧﻨﯩﯔ ﺋﻪﺷﻪﺩﺩﻯ ﺩﯛﺷﻤﯩﻨﻰ ﺑﻮﻟﻐﺎﻥ ﺑﯩﻠﯩﻤﺴﯩﺰﻟﯩﻜﻨﻰ ﻗﺎﺗﺘﯩﻖ ﺳﯚﻛﻜﻪﻥ. ﺷﯘﻧﺪﺍﻗﻼ ﺑﯩﻠﯩﻤﺴﯩﺰ، ﺟﺎﻫﯩﻠﻼﺭﻧﻰ ﺋﺎﺩﻩﻡ ﻗﺎﺗﺎﺭﯨﺪﯨﻦ ﺳﺎﻧﯩﻤﯩﻐﺎﻥ.

ﻳﻪﻧﻪ ﺗﯚﯞﻩﻧﺪﯨﻜﻰ:

ﺳﻪﻥ ﻗﺎﻧﭽﻪ ﻗﯧﺘﯩﻢ ﺗﯘﺳﯩﺴﻪﻥ، ﻫﺎﻟﺒﯘﻛﻰ ﺋﯚﺯﯛﯓ ﻳﺎﻧﻤﺎﻳﺴﻪﻥ،
ﻗﺎﻧﭽﻪ ﻗﯧﺘﯩﻢ ﻧﻪﺳﯩﻬﻪﺕ ﻗﯩﻠﯩﺴﻪﻧﯘ، ﺋﯚﺯﯛﯓ ﺋﺎﯕﻠﯩﻤﺎﻳﺴﻪﻥ؟!
ﻫﻪﻱ ﺑﯩﻠﻪﻳﺘﺎﺵ! ﺳﻪﻥ ﻗﺎﭼﺎﻧﻐﯩﭽﻪ
ﺗﯚﻣﯜﺭ ﺋﯩﺘﺘﯩﻜﻠﯩﺘﯩﭗ ﻧﯧﻤﯩﺸﻘﺎ ﺋﯚﺯﯛﯓ ﻛﻪﺳﻤﻪﻳﺴﻪﻥ؟!

ﺩﯦﮕﻪﻥ ﺷﯧﺌﯩﺮﻻﺭﺩﺍ ﺑﯩﺮ ﻗﯩﺴﯩﻢ ﺩﯨﻨﯩﻲ ﺋﺎﻟﯩﻤﻼﺭﻧﯩﯔ ﻛﯩﺸﯩﻠﻪﺭﻧﻰ ﻳﺎﺧﺸﻰ ﺋﯩﺸﻼﺭﻏﺎ ﺑﯘﻳﺮﯗﭖ ﻗﻮﻳﯘﭖ، ﺋﯚﺯﻟﯩﺮﻯ ﻗﯩﻠﻤﺎﺳﻠﯩﻘﻰ ﯞﻩ ﻳﺎﻣﺎﻥ ﺋﯩﺸﻼﺭﺩﯨﻦ ﺑﺎﺷﻘﯩﻼﺭﻧﻰ ﺗﻮﺳﯘﭖ ﺗﯘﺭﯗﭖ ﺋﯚﺯﻟﯩﺮﻯ ﻳﺎﻧﻤﺎﺳﻠﯩﻘﯩﺪﻩﻙ ﺳﻪﻟﺒﯩﻲ ﻫﺎﻟﯩﺘﯩﻨﻰ ﺗﻪﻧﻘﯩﺪﻟﻪﺵ ﺑﯩﻠﻪﻥ ﺑﯩﺮﮔﻪ، ﻣﯘﻧﺪﺍﻕ ﻗﯩﻠﯩﺸﻨﯩﯔ ﺗﻪﺭﺑﯩﻴﻪ ﺋﯘﺳﯘﻟﯩﻐﺎ ﺋﻮﻳﻐﯘﻥ ﻛﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺩﯦﻤﻪﻙ، ﻣﻪﺭﻫﯘﻡ ﺋﺎﺑﺪﯗﻟﻘﺎﺩﯨﺮ ﺩﺍﻣﻮﻟﻼﻣﻨﯩﯔ "ﻣﯩﻔﺘﺎﻫﯘﻝ ﺋﻪﺩﻩﺏ" ﻧﺎﻣﻠﯩﻖ ﺷﺎﻧﻠﯩﻖ ﺋﻪﺳﯩﺮﻯ ﺋﻪﺩﻩﺏ-ﺋﻪﺧﻼﻕ ﺋﯚﮔﯩﺘﯩﺶ ﺑﯩﻠﻪﻥ ﺑﯩﺮﮔﻪ، ﺋﻪﺭﻩﺏ ﺗﯩﻠﯩﻨﯩﯔ ﺋﻪﺩﻩﺑﯩﻴﺎﺗﯩﺪﯨﻜﻰ ﺋﯩﺴﺘﯩﻠﯩﺴﺘﯩﻜﯩﻠﯩﻖ ﺋﯩﭙﺎﺩﯨﻠﻪﺵ ﺋﯘﺳﯘﻟﻠﯩﺮﯨﻨﯩﯔ ﻗﺎﺋﯩﺪﻩ-ﭘﺮﯨﻨﺴﯩﭙﻠﯩﺮﯨﻨﻰ ﺋﯚﮔﯩﺘﯩﺪﯨﻐﺎﻥ ﻗﯩﻤﻤﻪﺗﻠﯩﻚ ﺋﻪﺳﻪﺭ ﺑﻮﻟﯘﭖ، ﺑﯘ ﻛﯩﺘﺎﺏ ﻫﺎﺯﯨﺮﻣﯘ ﺋﯘﻳﻐﯘﺭﻻﺭ ﺩﯨﻴﺎﺭﯨﺪﯨﻜﻰ ﺩﯨﻨﯩﻲ ﻣﻪﺩﺭﯨﺴﯩﻠﻪﺭﺩﻩ ﺩﻩﺭﺳﻠﯩﻚ ﻗﯩﻠﯩﭗ ﺋﻮﻗﯘﺗﯘﻟﻤﺎﻗﺘﺎ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز