ﺋﺎﻓﻐﺎﻧﯩﺴﺘﺎﻧﺪﺍ 8 - ﺋﺎﻳﺪﺍ ﭘﯧﺮﯨﺰﯨﺪﯦﻨﺘﻠﯩﻖ ﺳﺎﻳﻠﯩﻤﻰ ﺋﯧﻠﯩﭗ ﺑﯧﺮﯨﻠﯩﭗ، ﻧﻪﺗﯩﺠﯩﺴﻰ 9 - ﺋﺎﻳﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺋﯩﺪﻯ. ﺑﯘﻧﯩﯖﺪﺍ ﺋﺎﺑﺪﯗﻟﻼﻫ ﺋﺎﺑﺪﯗﻟﻼﻫﻨﯩﯔ 31 ﭘﯩﺮﺳﻪﻧﺖ ﺋﺎﯞﺍﺯﻏﺎ، ﺧﺎﻣﯩﺖ ﻛﺎﺭﺯﺍﺋﯩﻨﯩﯔ 48 ﭘﯩﺮﺳﻪﻧﺖ ﺋﺎﯞﺍﺯﻏﺎ ﺋﯧﺮﯨﺸﻜﻪﻧﻠﯩﻜﻰ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﺴﯩﻤﯘ، ﺳﺎﻳﻼﻡ ﻧﻪﺗﯩﺠﯩﺴﻰ ﺭﻩﺳﻤﯩﻲ ﺋﯧﻼﻥ ﻗﯩﻠﯩﻨﻤﯩﻐﺎﻥ ﺋﯩﺪﻯ. ﭼﯜﻧﻜﻰ ﺳﺎﻳﻼﻣﺪﺍ ﺳﺎﺧﺘﯩﭙﻪﺯﻟﯩﻚ ﻗﯩﻠﯩﻨﻐﺎﻧﻠﯩﻘﻰ ﯞﻩ ﺧﺎﻣﯩﺖ ﻛﺎﺭﺯﺍﺋﯩﻨﯩﯔ ﭼﯩﺮﯨﻜﻠﯩﻚ ﻗﯩﻠﯩﯟﺍﺗﻘﺎﻧﻠﯩﻘﯩﻐﺎ ﺩﺍﺋﯩﺮ ﻛﯚﭘﻠﻪﭖ ﺋﻪﺭﺯ ﯞﻩ ﺗﺎﻻﺵ - ﺗﺎﺭﺗﯩﺸﻼﺭ ﺑﻮﻟﯘﯞﺍﺗﻘﺎﻥ، ﻫﻪﺗﺘﺎ ﺑﯘﻧﯩﯖﻐﺎ ﺩﺍﺋﯩﺮ ﺋﯩﺴﭙﺎﺗﻼﺭﻣﯘ ﺗﯧﭙﯩﻠﻐﺎﻥ ﺋﯩﺪﻯ.

ﺑﯘﻧﯩﯔ ﺑﯩﻠﻪﻥ ﺋﺎﻓﻐﺎﻧﯩﺴﺘﺎﻧﺪﺍ ﺳﺎﻳﻼﻣﻨﻰ ﻗﺎﻳﺘﺎ ﺋﯚﺗﻜﯜﺯﯛﺵ ﻗﺎﺭﺍﺭ ﻗﯩﻠﯩﻨﯩﭗ، 7 - ﻧﻮﻳﺎﺑﯩﺮ ﻛﯜﻧﯩﮕﻪ ﺑﯧﻜﯩﺘﯩﻠﮕﻪﻥ ﺋﯩﺪﻯ. ﺋﻪﻣﻤﺎ 1 - ﻧﻮﻳﺎﺑﯩﺮ ﻛﯜﻧﻰ ﺳﺎﺑﯩﻖ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺋﺎﺑﺪﯗﻟﻼﻫ ﺋﺎﺑﺪﯗﻟﻼﻫ ﺋﯚﺯﯨﻨﯩﯔ ﺳﺎﻳﻼﻣﺪﯨﻦ ﭼﯧﻜﯩﻨﮕﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﯩﭗ، ﺋﺎﻓﻐﺎﻧﯩﺴﺘﺎﻥ ﺳﺎﻳﻼﻡ ﻛﻮﻣﯩﺘﯧﺘﻰ ﯞﻩ ﻫﯚﻛﯜﻣﻪﺗﻜﻪ ﻧﺎﺭﺍﺯﯨﻠﯩﻘﯩﻨﻰ ﺑﯩﻠﺪﯛﺭﯛﺵ ﺋﯜﭼﯜﻥ ﻣﯘﺷﯘﻧﺪﺍﻕ ﻗﯩﻠﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ. ﭼﯜﻧﻜﻰ ﺋﺎﺑﺪﯗﻟﻼﻫ ﺋﺎﺑﺪﯗﻟﻼﻫ ﺋﯩﻜﻜﯩﻨﭽﻰ ﻧﯚﯞﻩﺗﻠﯩﻚ ﺳﺎﻳﻼﻣﻨﯩﯔ ﺋﺎﺩﯨﻞ ﺑﻮﻟﯘﺷﻰ ﺋﯜﭼﯜﻥ ﺧﺎﻣﯩﺖ ﻛﺎﺭﺯﺍﺋﯩﺪﯨﻦ ﺳﺎﻳﻼﻡ ﻛﻮﻣﯩﺘﯧﺘﯩﻨﯩﯔ ﺑﻪﺯﻯ ﺑﺎﺷﻠﯩﻘﻠﯩﺮﯨﻨﻰ ﯞﻩﺯﯨﭙﯩﺴﯩﺪﯨﻦ ﻗﺎﻟﺪﯗﺭﯗﺷﻨﻰ ﺗﻪﻟﻪﭖ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻫﺎﺯﯨﺮﻏﯩﭽﻪ ﺧﺎﻣﯩﺖ ﻛﺎﺭﺯﺍﺋﯩﺪﯨﻦ ﺟﺎﯞﺍﺏ ﺋﺎﻻﻟﻤﯩﻐﺎﻥ ﺋﯩﺪﻯ.

ﺋﺎﺑﺪﯗﻟﻼﻫ ﺋﺎﺑﺪﯗﻟﻼﻫ ﺑﯘﻧﺪﺍﻕ ﺑﯩﺮ ﯞﻩﺯﯨﻴﻪﺗﺘﻪ ﺳﺎﻳﻼﻣﻨﻰ ﻗﺎﻳﺘﺎ ﺋﯧﻠﯩﭗ ﺑﺎﺭﻏﺎﻥ ﺗﻪﻗﺪﯨﺮﺩﯨﻤﯘ، ﻧﻪﺗﯩﺠﯩﻨﯩﯔ ﻳﻪﻧﯩﻼ ﺋﻮﺧﺸﺎﺵ ﺑﻮﻟﯩﺪﯨﻐﺎﻧﻠﯩﻘﯩﻨﻰ، ﺷﯘﯕﺎ ﺋﯚﺯﯨﻨﯩﯔ ﺳﺎﻳﻼﻣﺪﯨﻦ ﭼﯧﻜﯩﻨﮕﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﺪﻯ. ﺋﯘ ﻗﺎﺭﺍﺭﯨﻨﻰ ﺋﺎﺷﻜﺎﺭﯨﻠﯩﻐﺎﻧﺪﯨﻦ ﻛﯧﻴﯩﻦ ﺋﺎﻓﻐﺎﻥ ﺧﻪﻟﻘﯩﮕﻪ ﻗﯩﻠﻐﺎﻥ ﺳﯚﺯﯨﺪﻩ: "ﻛﻮﭼﯩﻼﺭﻏﺎ ﭼﯩﻘﯩﭗ ﺑﯘﻧﯩﯖﻐﺎ ﻧﺎﺭﺍﺯﯨﻠﯩﻖ ﻗﯩﻠﻤﺎﯕﻼﺭ. ﻛﯚﯕﻠﯜﯕﻼﺭﻧﯩﻤﯘ ﻳﯧﺮﯨﻢ ﻗﯩﻠﻤﺎﯕﻼﺭ، ﺑﯘﻧﯩﯔ ﻗﯧﻴﯩﻨﻠﯩﻘﯩﻨﻰ ﺑﯩﻠﯩﻤﻪﻥ، ﺋﻪﻣﻤﺎ ﺑﯩﺰ ﺩﯦﻤﻮﻛﺮﺍﺗﯩﻚ ﺑﯩﺮ ﺷﺎﺭﺍﺋﯩﺘﺘﺎ ﻳﺎﺷﯩﻤﺎﻳﯟﺍﺗﯩﻤﯩﺰ. ﺋﻪﻣﻤﺎ ﻛﯧﻴﯩﻨﻜﻰ ﺋﻪﯞﻻﺩﻻﺭﻧﯩﯔ ﻛﯧﻠﻪﭼﯩﻜﯩﻨﯩﯔ ﮔﯜﺯﻩﻝ ﺑﻮﻟﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﻤﻪﻥ،" ﺩﻩﻳﺪﯗ.

ﺳﺎﻳﻼﻡ ﻧﻪﺗﯩﺠﯩﺴﯩﻨﯩﯔ ﺗﯜﻧﯜﮔﯜﻥ ﺭﻩﺳﻤﯩﻲ ﺋﯧﻼﻥ ﻗﯩﻠﯩﻨﯩﺸﻰ ﺑﯩﻠﻪﻥ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﺎﺭﺍﻙ ﺋﻮﺑﺎﻣﺎ ﺧﺎﻣﯩﺖ ﻛﺎﺭﺯﺍﺋﯩﻨﻰ ﺗﻪﺑﺮﯨﻜﻠﻪﺵ ﺑﯩﻠﻪﻥ ﺑﯩﺮﻟﯩﻜﺘﻪ ﻳﻪﻧﻪ ﺋﯘﻧﯩﯖﻐﺎ ﻫﺎﻛﯩﻤﯩﻴﻪﺗﻨﯩﯔ ﺗﯜﺯﯨﺘﯩﻠﯩﺸﻰ، ﺩﯙﻟﻪﺗﺘﯩﻜﻰ ﭼﯩﺮﯨﻜﻠﯩﻜﻨﯩﯔ ﻳﻮﻗﯘﺗﯘﻟﯘﺷﻰ ﯞﻩ ﺧﻪﯞﭘﺴﺰﻟﯩﻚ ﻛﯜﭼﻠﯩﺮﯨﻨﯩﯔ ﺗﻪﺭﺑﯩﻴﯩﻠﯩﻨﯩﺸﻰ ﻫﻪﻗﻘﯩﺪﻩ ﻗﺎﺗﺘﯩﻖ ﺳﯚﺯﻟﻪﺭﻧﻰ ﻗﯩﻠﻐﺎﻥ. ﺧﺎﻣﯩﺖ ﻛﺎﺭﺯﺍﺋﯩﻤﯘ ﺑﺎﺭﺍﻙ ﺋﻮﺑﺎﻣﺎﻏﺎ ﺑﯘ ﻫﻪﻗﺘﻪ ﯞﻩﺩﻩ ﺑﻪﺭﮔﻪﻥ. ﺋﻮﺑﺎﻣﺎ ﺑﯘ ﻫﻪﻗﺘﻪ ﻣﻪﺗﺒﯘﺋﺎﺗﻼﺭﻏﺎ ﻗﯩﻠﻐﺎﻥ ﺳﯚﺯﯨﺪﻩ : "ﻛﺎﺭﺯﺍﺋﯩﻲ ﻣﺎﯕﺎ ﺋﺎﻓﻐﺎﻧﯩﺴﺘﺎﻧﻨﯩﯔ ﻫﺎﺯﯨﺮ ﻗﺎﻧﭽﯩﻠﯩﻚ ﻣﯘﻫﯩﻢ ﺑﯩﺮ ﭘﻪﻳﺘﺘﻪ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ ﺑﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ ﯞﻩ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﭼﯩﺮﯨﻜﻠﯩﻚ ﺑﯩﻠﻪﻥ ﻣﯘﺟﺎﺩﯨﻠﻪ ﻗﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﺩﻯ. ﺋﻪﻣﻤﺎ ﻣﻪﻥ ﯞﻩﺩﯨﮕﻪ ﺋﻪﻣﻪﺱ، ﺋﻪﻣﻪﻟﯩﻴﻪﺗﻜﻪ ﻗﺎﺭﺍﻳﺪﯨﻐﺎﻧﻠﯩﻘﯩﻤﻨﻰ ﺗﻪﻛﯩﺘﻠﯩﺪﯨﻢ،" ﺩﯦﺪﻯ.

ﻛﺎﺭﺯﺍﺋﯩﻨﯩﯔ ﻗﺎﻳﺘﯩﺪﯨﻦ ﺋﺎﻓﻐﺎﻧﯩﺴﺘﺎﻧﻨﯩﯔ ﭘﺮﯦﺰﯨﺪﯦﻨﺘﻰ ﺑﻮﻟﻐﺎﻧﻠﯩﻘﯩﻐﺎ ﺧﻪﻟﻘﺌﺎﺭﺍﺩﯨﻜﻰ ﭼﻮﯓ ﻣﻪﺗﺒﯘﺋﺎﺗﻼﺭﺩﯨﻤﯘ ﻛﻪﯓ ﻳﻪﺭ ﺑﯧﺮﯨﻠﺪﻯ ﯞﻩ ﺋﻮﺧﺸﯩﻤﺎﻳﺪﯨﻐﺎﻥ ﭘﯩﻜﯩﺮﻟﻪﺭ ﺑﺎﺭﻟﯩﻘﻘﺎ ﻛﻪﻟﺪﻯ. ﺋﺎﻣﯧﺮﯨﻜﯩﺪﺍ ﭼﯩﻘﯩﺪﯨﻐﺎﻥ ﭼﻮﯓ ﮔﯧﺰﯨﺘﻠﻪﺭﺩﯨﻦ ﻧﻴﯘﻳﻮﺭﻙ ﯞﺍﻗﺘﻰ ﯞﻩ ﻟﻮﺱ ﺋﺎﻧﺠﯧﻠﯩﺲ ﯞﺍﻗﺘﻰ ﻗﺎﺗﺎﺭﻟﯩﻖ ﮔﯧﺰﯨﺘﻠﻪﺭ ﻫﻪﻣﻤﯩﺴﻰ ﺑﯩﺮﺩﻩﻙ ﺋﺎﻣﯧﺮﯨﻜﯩﻨﯩﯔ ﺋﺎﻓﻐﺎﻧﯩﺴﺘﺎﻧﺪﺍ ﺑﯩﺮ ﻧﻪﺗﯩﺠﯩﮕﻪ ﺋﯧﺮﯨﺸﯩﺶ ﺋﯜﭼﯜﻥ ﺗﯧﺨﯩﻤﯘ ﻛﯚﭖ ﺧﯩﺰﻣﻪﺗﻠﻪﺭﻧﻰ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ، ﺋﺎﻓﻐﺎﻧﯩﺴﺘﺎﻧﺪﯨﻜﻰ ﭼﯩﺮﯨﻜﻠﯩﻚ ﺑﯩﻠﻪﻥ ﻣﯘﺟﺎﺩﯨﻠﻪ ﻗﯩﻠﯩﺶ ﺋﯜﭼﯜﻥ ﻫﻪﺭ ﻗﺎﻳﺴﻰ ﻳﻪﺭﻟﯩﻚ ﻛﯜﭼﻠﻪﺭ ﺑﯩﻠﻪﻥ ﺋﺎﻻﻗﻪ ﺋﻮﺭﻧﯩﺘﯩﺸﻘﺎ ﻛﯜﭺ ﭼﯩﻘﯩﺮﯨﺸﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﺪﻯ.

ﻟﻮﺱ ﺋﺎﻧﺠﯧﻠﯩﺲ ﯞﺍﻗﺘﻰ ﮔﯧﺰﯨﺘﻰ ﺑﯘ ﻫﻪﻗﺘﻪ ﻣﯘﻧﺪﺍﻕ ﺩﻩﭖ ﻳﺎﺯﯨﺪﻯ: "ﺋﻪﮔﻪﺭ ﺋﻮﺑﺎﻣﺎ ﺋﺎﻓﻐﺎﻧﯩﺴﺘﺎﻧﺪﯨﻦ ﭘﯜﺗﯜﻧﻠﻪﻱ ﭼﯧﻜﯩﻨﯩﭗ ﭼﯩﻘﯩﺸﻨﻰ ﺧﺎﻟﯩﻤﯩﺴﺎ، ﭼﯩﺮﯨﻜﻠﯩﻜﻜﻪ ﻛﯚﺯ ﻳﯘﻣﯘﭖ ﻛﺎﺭﺯﺍﺋﯩﻴﻨﻰ ﻗﻮﻟﻼﺷﺘﯩﻦ ﺑﺎﺷﻘﺎ ﭼﺎﺭﯨﺴﻰ ﻳﻮﻕ. ﺋﻮﺑﺎﻣﺎ ﺑﯩﺮ ﻳﺎﻧﺪﯨﻦ ﻳﯧﯖﻰ ﻫﯚﻛﯜﻣﻪﺗﻨﯩﯔ ﻗﯘﺭﯗﻟﯘﺷﻰ ﺋﯜﭼﯜﻥ ﻛﯜﭼﯩﺴﻪ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﻳﻪﺭﻟﯩﻚ ﻛﯜﭼﻠﻪﺭ ﯞﻩ ﻳﻪﺭﻟﯩﻚ ﺭﻩﻫﺒﻪﺭﻟﻪﺭ ﺑﯩﻠﻪﻧﻤﯘ ﺋﺎﻻﻗﯩﻨﻰ ﻛﯜﭼﻪﻳﺘﯩﺸﻰ ﻛﯧﺮﻩﻙ. ﻣﯘﺷﯘﻧﺪﺍﻕ ﻗﯩﻠﻐﺎﻧﺪﯨﻼ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺋﺎﻓﻐﺎﻧﯩﺴﺘﺎﻧﻐﺎ ﻗﯩﻠﻐﺎﻥ ﻳﺎﺭﺩﻩﻣﻠﯩﺮﯨﻨﯩﯔ ﺧﺎﻣﯩﺖ ﻛﺎﺭﺯﺍﺋﯩﻲ ﯞﻩ ﺋﯘﻧﯩﯔ ﺋﺎﺩﻩﻣﻠﯩﺮﯨﻨﯩﯔ ﻗﻮﻟﯩﻐﺎ ﭼﯜﺷﯜﭖ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﺎﻟﻐﯩﻠﻰ ﺑﻮﻟﯩﺪﯗ. ﺋﺎﻓﻐﺎﻧﯩﺴﺘﺎﻧﺪﺍ ﺗﯧﻨﭽﻠﯩﻘﻨﯩﯔ ﺑﻪﺭﭘﺎ ﺑﻮﻟﯘﺷﻰ ﯞﻩ ﺗﺎﻟﯩﺒﺎﻧﻨﯩﯔ ﻗﻮﻟﻠﯩﻐﯘﭼﯩﻠﯩﺮﯨﻨﻰ ﺋﺎﺯﺍﻳﺘﯩﺸﻨﯩﯔ ﺑﯩﺮﺩﯨﻦ ‏ - ﺑﯩﺮ ﭼﺎﺭﯨﺴﻰ ﻗﺎﻧﯘﻧﻐﺎ ﺋﻪﻣﻪﻝ ﻗﯩﻠﯩﺪﯨﻐﺎﻥ ﯞﻩ ﺧﻪﻟﻘﻨﻰ ﻫﻪﻗﯩﻘﯩﻲ ﺋﻮﻳﻼﻳﺪﯨﻐﺎﻥ ﺑﯩﺮ ﻫﺎﻛﯩﻤﯩﻴﻪﺗﻨﯩﯔ ﺑﺎﺭﻟﯩﻘﻘﺎ ﻛﯧﻠﯩﺸﯩﺪﯗﺭ."

ﺋﻪﻧﮕﯩﻠﯩﻴﯩﺪﻩ ﭼﯩﻘﯩﺪﯨﻐﺎﻥ ﺩﺍﯕﻠﯩﻖ ﮔﯧﺰﯨﺘﻠﻪﺭﻧﯩﯔ ﺑﯩﺮﻯ ﺑﻮﻟﻐﺎﻥ ﻣﯘﺳﺘﻪﻗﯩﻠﻠﯩﻖ ﮔﯧﺰﯨﺘﻰ ﺑﯘ ﻫﻪﻗﺘﯩﻜﻰ ﺧﻪﯞﻩﺭﮔﻪ : "ﺳﺎﺧﺘﯩﭙﻪﺯ، ﺧﯩﻴﺎﻧﻪﺗﭽﻰ ﯞﻩ ﻫﯚﺭﻣﯩﺘﻰ ﻗﺎﻟﻤﯩﻐﺎﻥ ﺑﯩﺮ ﻫﺎﻛﯩﻤﯩﻴﻪﺗﻨﯩﯔ ﻏﻪﻟﯩﺒﯩﺴﻰ" ﺩﻩﭖ ﻣﺎﯞﺯﯗ ﻗﻮﻳﺪﻯ ﯞﻩ ﻣﯘﻧﺪﺍﻕ ﺩﻩﭖ ﻳﺎﺯﯨﺪﻯ: " ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺳﺎﻳﻼﻣﻨﯩﯔ ﻧﻪﺗﯩﺠﯩﺴﻰ ﺑﯘ ﺳﺎﻳﻼﻡ ﺋﯜﭼﯜﻥ ﺋﻪﺟﯩﺮ ﻗﯩﻠﻐﺎﻥ ﻫﻪﻣﻤﻪ ﻛﯩﺸﻰ ﺋﯜﭼﯜﻥ ﺑﯩﺮ ﭘﺎﻻﻛﻪﺕ ﻫﯧﺴﺎﺑﻠﯩﻨﯩﺪﯗ. ﺋﯩﭽﻜﯩﺮﻯ ﯞﻩ ﺗﺎﺷﻘﯩﺮﯨﺪﯨﻜﻰ ﻗﻮﻟﻠﯩﻐﯘﭼﯩﻠﯩﺮﻯ ﺑﯩﺮﯨﻨﭽﻰ ﻗﯧﺘﯩﻤﻠﯩﻖ ﺳﺎﻳﻼﻣﺪﺍ ﺋﯘﻧﯩﯔ ﺳﺎﺧﺘﯩﭙﻪﺯﻟﯩﻚ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯘﺗﯘﭖ ﭼﯩﻘﻘﺎﻧﻠﯩﻘﯩﻨﻰ ﺑﯩﻠﯩﭗ ﺗﯘﺭﺳﯩﻤﯘ، ﺋﻪﻣﻤﺎ ﺧﺎﻣﯩﺖ ﻛﺎﺭﺯﺍﺋﯩﻲ ﻳﻪﻧﻪ 5 ﻳﯩﻞ ﺑﯘ ﺩﯙﻟﻪﺗﻨﯩﯔ ﺑﯧﺸﯩﻐﺎ ﻛﻪﻟﺪﻯ."

ﺋﺎﻣﯧﺮﯨﻜﺎ ﯞﻩ ﺋﯩﺘﺘﯩﭙﺎﻗﺪﺍﺷﻠﯩﺮﻯ ﺧﺎﻣﯩﺖ ﻛﺎﺭﺯﺍﺋﯩﻴﻨﻰ ﺭﯨﻘﺎﺑﻪﺗﭽﯩﺴﻰ ﺋﺎﺑﺪﯗﻟﻼ ﺋﺎﺑﺪﯗﻟﻼﻫ ﺑﯩﻠﻪﻥ ﺋﯩﺘﺘﯩﭙﺎﻗﺪﺍﺵ ﻫﯚﻛﯜﻣﻪﺕ ﻗﯘﺭﯗﺷﻘﺎ ﺯﻭﺭﻟﯩﺸﻰ ﻛﯧﺮﻩﻙ. ﺑﯘ ﻫﯧﭻ ﺑﻮﻟﻤﯩﻐﺎﻧﺪﺍ ﺧﺎﻣﯩﺖ ﻛﺎﺭﺯﺍﺋﯩﻴﻨﯩﯔ ﺩﯙﻟﻪﺗﻨﻰ ﻳﺎﻟﻐﯘﺯ ﺑﺎﺷﻘﯘﺭﻏﯩﻨﯩﺪﯨﻦ ﻳﺎﺧﺸﻰ.

ﻣﯘﺳﺘﻪﻗﯩﻠﻠﯩﻖ ﮔﯧﺰﯨﺘﻰ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ ﻳﻪﻧﻪ، ﺑﯘ ﻗﺎﺭﺍﺭﻧﯩﯔ ﺋﺎﻣﯧﺮﯨﻜﺎ ﺋﯜﭼﯜﻧﻤﯘ ﭘﺎﻳﺪﯨﻠﯩﻖ ﺋﻪﻣﻪﺳﻠﯩﻜﯩﻨﻰ ﺗﻪﻛﯩﺘﻠﻪﭖ: "ﺋﻮﺑﺎﻣﺎ ﺩﯗﻧﻴﺎﻧﯩﯔ ﺋﻪﯓ ﭼﯧﺮﯨﻜﻠﻪﺷﻜﻪﻥ ﻫﺎﻛﯩﻤﯩﻴﯩﺘﯩﻨﻰ ﻗﻮﻟﻼﻳﻤﻪﻥ ﺩﻩﭖ ﺋﺎﻓﻐﺎﻧﯩﺴﺘﺎﻧﻐﺎ ﻳﻪﻧﻪ ﺋﻪﺳﻜﻪﺭ ﺋﻪﯞﻩﺗﯩﺸﻜﻪ ﻣﻪﺟﺒﯘﺭ ﺑﻮﻟﯩﺪﯗ" ﺩﻩﭖ ﻳﺎﺯﯨﺪﻯ.

ﺋﻪﻧﮕﯩﻠﯩﻴﯩﺪﻩ ﭼﯩﻘﯩﺪﯨﻐﺎﻥ ﺩﺍﯕﻠﯩﻖ ﮔﯧﺰﯨﺘﻠﻪﺭﺩﯨﻦ ﺑﯩﺮﻯ ﺑﻮﻟﻐﺎﻥ ﮔﺎﺭﺩﯨﻴﺎﻥ ﮔﯧﺰﯨﺘﯩﻤﯘ ﺧﻪﻟﻖ ﯞﻩ ﺋﺎﻓﻐﺎﻧﯩﺴﺘﺎﻧﻐﺎ ﺋﻪﺳﻜﻪﺭ ﺋﻪﯞﻩﺗﻜﻪﻥ ﺩﯙﻟﻪﺗﻠﻪﺭﻧﯩﯔ ﻫﻪﻣﻤﯩﺴﯩﻨﯩﯔ ﻛﺎﺭﺯﺍﺋﯩﻴﻨﻰ ﺳﺎﺧﺘﯩﭙﻪﺯ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ، ﺑﯘﻧﯩﯔ ﺑﻪﺩﯨﻠﯩﻨﻰ ﻳﻪﻧﻪ ﺷﯘ ﺋﺎﻓﻐﺎﻥ ﺧﻪﻟﻘﯩﻨﯩﯔ ﺋﯚﺗﻪﻳﺪﯨﻐﺎﻧﻠﯩﻘﯩﻨﻰ ﻳﺎﺯﺩﻯ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز