ﺋﯘﻳﻐﯘﺭﻻﺭﻧﯩﯔ ﺑﯩﺮﻻ ﺩﯛﺷﻤﯩﻨﻰ ﺑﺎﺭ، ﺋﯘ ﺑﻮﻟﺴﯩﻤﯘ ﺧﯩﺘﺎﻱ ﻫﯚﻛﯜﻣﯩﺘﻰ

ﺋﯩﺰﺍﻫﻨﺎﻣﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻫﻪﺭﺑﯩﻲ ﺳﻮﺕ ﭘﻪﺭﻫﺎﺕ ﻫﯘﺯﻩﻳﻔﺎﻧﯩﯔ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﻰ ﺑﯩﻠﻪﻥ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﯩﯔ ﺑﻮﻟﺴﺎ ﯞﻩ ﺗﺎﻟﯩﺒﺎﻥ ﯞﻩ ﺋﻪﻟﻘﺎﺋﯩﺪﻩ ﺑﯩﻠﻪﻥ ﻣﯘﻧﺎﺳﯩﯟﯨﺘﻰ ﺑﻮﻟﻐﯩﻨﻰ ﺋﯜﭼﯜﻥ ﺩﯛﺷﻤﻪﻥ ﺟﻪﯕﭽﯩﺴﻰ ﺩﻩﭖ ﻫﯚﻛﯜﻡ ﭼﯩﻘﺎﺭﻏﺎﻥ. ﺋﻪﺭﺯﯨﻴﻪﺕ ﺳﻮﺗﯩﻨﯩﯔ ﻗﺎﺭﯨﺸﯩﭽﻪ، ﻣﯘﻧﺎﺳﯩﯟﻩﺗﻠﯩﻚ ﻗﺎﻧﯘﻥ ﺋﯚﻟﭽﻪﻣﻠﯩﺮﻯ ﺑﯘﻳﯩﭽﻪ، ﺩﯛﺷﻤﻪﻥ ﺟﻪﯕﭽﯩﺴﻰ ﺑﻮﻟﯘﺵ ﺋﯜﭼﯜﻥ 3 ﺷﻪﺭﺕ ﻫﺎﺯﯨﺮﻟﯩﻨﯩﺸﻰ ﻛﯧﺮﻩﻙ. ﺑﯩﺮﯨﻨﭽﻰ، ﺗﺎﻟﯩﺒﺎﻥ ﯞﻩ ﺋﻪﻟﻘﺎﺋﯩﺪﻩ ﺗﻪﺷﻜﯩﻼﺗﯩﻐﺎ ﺋﻪﺯﺍﺳﻰ ﺑﻮﻟﯘﺷﻰ ﻛﯧﺮﻩﻙ. ﺋﯩﻜﻜﯩﻨﭽﻰ، ﺋﯘﻻﺭ ﺑﯩﻠﻪﻥ ﻫﻪﻣﻜﺎﺭﻻﺷﻘﺎﻥ ﺑﻮﻟﯘﺷﻰ ﻛﯧﺮﻩﻙ. 3 ‏ - ﺳﻰ ﺑﻮﻟﺴﺎ، ﺋﺎﻣﯧﺮﯨﻜﯩﻐﺎ ﻗﺎﺭﯨﺘﺎ ﺩﯛﺷﻤﻪﻧﻠﯩﻚ ﻧﯩﻴﯩﺘﻰ ﺑﻮﻟﯘﺷﻰ ﻛﯧﺮﻩﻙ.

ﭘﻪﺭﻫﺎﺕ ﻫﯘﺯﻩﻳﻔﺎ ﺳﻮﺭﺍﻕ ﺟﻪﺭﻳﺎﻧﯩﺪﺍ، "ﻣﯧﻨﯩﯔ ﯞﻩ ﻣﯩﻠﻠﯩﺘﯩﻤﻨﯩﯔ ﻳﻪﻧﻰ ﺋﯘﻳﻐﯘﺭﻻﺭﻧﯩﯔ ﺑﯩﺮﻻ ﺩﯛﺷﻤﯩﻨﻰ ﺑﺎﺭ، ﺋﯘ ﺑﻮﻟﺴﯩﻤﯘ ﺧﯩﺘﺎﻱ ﻫﯚﻛﯜﻣﯩﺘﻰ،" ﺩﻩﭖ ﺟﺎﯞﺍﺏ ﺑﻪﺭﮔﻪﻥ. ﺋﯘ ﺑﯘ ﺳﯚﺯﯨﻨﻰ ﺳﻮﺭﺍﻕ ﺟﻪﺭﻳﺎﻧﯩﺪﺍ ﻛﯚﭖ ﻗﯧﺘﯩﻢ ﺗﻪﻛﺮﺍﺭﻟﯩﻐﺎﻥ. ﺋﺎﻣﯧﺮﯨﻜﺎ ﺋﻪﺭﺯﯨﻴﻪﺕ ﺳﻮﺗﻰ ﭘﻪﺭﻫﺎﺗﻨﯩﯔ ﺑﯘ ﺳﻮﺯﻟﯩﺮﻯ ﺑﯩﻠﻪﻥ ﺑﯩﻠﻠﻪ ﺋﯘﻧﯩﯔ ﭘﺎﺋﺎﻟﯩﻴﻪﺗﻠﯩﺮﯨﺪﯨﻤﯘ ﺋﺎﻣﯧﺮﯨﻜﯩﻐﺎ ﻗﺎﺭﺷﻰ ﻫﻪﺭ ﻗﺎﻧﺪﺍﻕ ﺩﯛﺷﻤﻪﻧﻠﯩﻚ ﺋﯩﭙﺎﺩﯨﺴﻰ ﻳﻮﻕ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﭗ ﺋﯘﻧﯩﯔ ﺩﯛﺷﻤﻪﻥ ﺟﻪﯕﭽﯩﺴﻰ ﺋﯩﻜﻪﻧﻠﯩﻜﯩﻨﻰ ﺋﯩﻨﻜﺎﺭ ﻗﯩﻠﻐﺎﻥ.

ﭘﻪﺭﻫﺎﺕ، ﺗﺎﻟﯩﺒﺎﻥ ﯞﻩ ﺋﻪﻟﻘﺎﺋﯩﺪﻩ ﺩﯦﮕﻪﻥ ﻧﺎﻣﻨﻰ ﺋﺎﯕﻼﭖ ﺑﺎﻗﻤﯩﻐﺎﻥ

ﭘﻪﺭﻫﺎﺕ ﻫﯘﺯﻩﻳﻔﺎ، ﺳﻮﺭﺍﻕ ﺟﻪﺭﻳﺎﻧﯩﺪﺍ ﺋﯚﺯﯨﻨﯩﯔ ﯞﻩﺗﻪﻧﺪﯨﻦ ﺋﺎﻳﺮﯨﻠﻐﺎﻥ ﭼﯧﻐﯩﺪﺍ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺗﻮﺭﺍﺑﻮﺭﺍ ﻏﺎﺭﯨﻨﻰ ﻛﯚﺯﻟﻪﭖ ﻳﻮﻟﻐﺎ ﭼﯩﻘﻘﺎﻧﻠﯩﻘﯩﻨﻰ، ﺋﯘ ﻳﻪﺭﺩﻩ ﺋﯚﺯﯨﻨﯩﯔ ﺋﻪﺳﻜﯩﺮﯨﻲ ﺗﻪﺭﺑﯩﻴﻪ ﻛﯚﺭﮔﻪﻧﻠﯩﻜﯩﻨﻰ، ﺋﯚﺯﻯ ﺗﻪﺭﺑﯩﻴﻪ ﻛﯚﺭﮔﻪﻥ ﻫﻪﺭﺑﯩﻲ ﻻﮔﯧﺮﺩﺍ ﻗﻮﻣﺎﻧﺪﺍﻥ ﻫﻪﺳﻪﻥ ﻣﻪﺧﺴﯘﻣﻨﯩﯔ ﻳﯧﺘﻪﻛﭽﯩﻠﯩﻚ ﻗﯩﻠﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ، ﺋﻪﻣﻤﺎ ﺋﯘ ﺗﺎﻟﯩﺒﺎﻥ ﯞﻩ ﺋﻪﻟﻘﺎﺋﯩﺪﻩ ﺩﯦﮕﻪﻥ ﻧﺎﻣﻨﻰ ﺋﺎﯕﻼﭖ ﺑﺎﻗﻤﯩﻐﺎﻧﻠﯩﻘﯩﻨﻰ، ﺋﯚﺯﻯ ﺋﻪﺳﻜﯩﺮﯨﻲ ﺗﻪﻟﯩﻢ ﺋﺎﻟﻐﺎﻥ ﻻﮔﯧﺮﻧﻰ ﺋﺎﻓﻐﺎﻥ ﻫﯚﻛﯜﻣﯩﺘﻰ ﻫﺎﺯﯨﺮﻻﭖ ﺑﻪﺭﺩﻯ ﺩﻩﭖ ﺑﯩﻠﯩﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ.

ﻫﻪﺭﺑﯩﻲ ﺳﻮﺕ ﻛﻮﻟﻠﯧﮕﯩﻴﯩﺴﻰ ﭘﻪﺭﻫﺎﺕ ﻫﯘﺯﻩﻳﻔﺎﻧﯩﯔ ﻗﻮﻣﺎﻧﺪﺍﻥ ﻫﻪﺳﻪﻥ ﻣﻪﺧﺴﯘﻣﻨﯩﯔ ﻳﯧﺘﻪﻛﭽﯩﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﻐﯩﻨﯩﻐﺎ ﺋﺎﺳﺎﺳﻪﻥ ﺋﯘﻧﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﯩﯔ ﺋﻪﺯﺍﺳﻰ ﺋﯩﻜﻪﻧﻠﯩﻜﯩﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﮔﻪﻥ. ﻫﻪﺭﺑﯩﻲ ﺳﻮﺕ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﯩﯔ ﺗﺎﻟﯩﺒﺎﻥ ﯞﻩ ﺋﻪﻟﻘﺎﺋﯩﺪﻩ ﺑﯩﻠﻪﻥ ﺋﺎﻻﻗﯩﺴﻰ ﺑﺎﺭﻟﯩﻘﯩﻐﺎ ﺑﯘﺵ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺗﻪﻳﻴﺎﺭﻻﻧﻐﺎﻥ ﺩﻭﻛﻼﺗﻨﻰ ﺋﺎﺳﺎﺱ ﻗﯩﻠﻐﺎﻥ. ﺑﯘ ﺩﻭﻛﻼﺕ ﺋﺎﻣﯧﺮﯨﻜﺎ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﺋﻮﺭﮔﯩﻨﻰ، ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﯞﻩ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﻰ ﺗﻪﻣﯩﻨﻠﯩﮕﻪﻥ ﻣﻪﻟﯘﻣﺎﺗﻘﺎ ﺋﺎﺳﺎﺳﻼﻧﻐﺎﻥ. ﺋﻪﻣﻤﺎ ﺑﯘ ﻫﯚﻛﯜﻣﻪﺗﻨﯩﯔ ﻣﻪﻟﯘﻣﺎﺗﯩﻤﯘ ﺋﯧﻨﯩﻖ ﻫﯚﻛﯜﻡ ﺧﺎﺭﺍﻛﺘﯧﺮﯨﺪﺍ ﺋﻪﻣﻪﺱ، ﭘﻪﺭﻩﺯ ﺧﺎﺭﺍﻛﺘﯧﺮﯨﺪﺍ ﺑﺎﻳﺎﻥ ﻗﯩﻠﯩﻨﻐﺎﻥ. ﺑﯘ ﻣﻪﻟﯘﻣﺎﺗﺘﺎ ﻫﯧﭽﻘﺎﻧﺪﺍﻕ ﭘﺎﻛﯩﺖ ﻛﯚﺭﺳﯩﺘﯩﻠﻤﯩﮕﻪﻥ، ﭘﻪﻗﻪﺕ " ﺋﺎﯕﻼﺷﻼﺭﻏﺎ ﻗﺎﺭﯨﻐﺎﻧﺪﺍ، ﻣﻪﻟﯘﻣﺎﺗﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ" ﺩﯦﮕﻪﻧﮕﻪ ﺋﻮﺧﺸﺎﺵ ﻣﯘﺟﯩﻤﻪﻝ ﺋﯩﺒﺎﺭﯨﻠﻪﺭ ﻗﻮﻟﻠﯩﻨﯩﻠﻐﺎﻥ ﺑﻮﻟﯘﭖ، ﺋﻪﺭﺯﯨﻴﻪﺕ ﺳﻮﺗﻰ ﺑﯘ ﺩﻭﻛﻼﺗﺘﺎ، ﭘﺎﻛﯩﺖ ﺋﻪﻣﻪﺱ ﭘﻪﺭﻩﺯ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﻐﺎﭼﻘﺎ، ﺩﻭﻛﻼﺗﻨﻰ ﭘﺎﻛﯩﺖ ﺳﯜﭘﯩﺘﯩﺪﻩ ﭘﺎﻳﺪﯨﻠﯩﻨﯩﺸﻘﺎ ﺑﻮﻟﻤﺎﻳﺪﯗ ﺩﻩﭖ ﻗﺎﺭﯨﻐﺎﻥ.

"ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺵ ﺕ ﺋﻰ ﻫ ﻫﻪﻗﻘﯩﺪﯨﻜﻰ ﭘﯩﻜﯩﺮﻟﯩﺮﯨﻨﻰ ﺋﻮﺑﻴﯧﻜﺘﯩﭗ ﯞﻩ ﺗﻪﺭﻩﭘﺴﯩﺰ ﺩﯨﻴﯩﺸﻜﻪ ﺑﻮﻟﻤﺎﻳﺪﯗ"

ﻫﻪﺭﺑﯩﻲ ﺳﻮﺕ ﻛﻮﻟﻠﯧﮕﯩﻴﯩﺴﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﯩﯔ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﯞﻩ ﺏ ﺩ ﺕ ﺑﯩﺨﻪﺗﻪﺭﻟﯩﻚ ﻛﯧﯖﯩﺸﻰ ﺗﻪﺭﯨﭙﯩﺪﯨﻦ ﺗﯧﺮﺭﻭﺭﭼﯩﻼﺭ ﺗﯩﺰﯨﻤﻠﯩﻜﯩﮕﻪ ﺋﯧﻠﯩﻨﻐﺎﻧﻠﯩﻘﯩﻨﻰ، ﭘﻪﺭﻫﺎﺕ ﻫﯘﺯﻩﻳﻔﺎﻧﯩﯔ ﺩﯛﺷﻤﻪﻥ ﺟﻪﯕﭽﯩﺴﻰ ﺋﯩﻜﻪﻧﻠﯩﻜﯩﮕﻪ ﭘﺎﻛﯩﺖ ﻗﯩﻠﻐﺎﻥ. ﺋﺎﻣﯧﺮﯨﻜﺎ ﺋﻪﺭﺯﯨﻴﻪﺕ ﺳﻮﺗﻰ ﺑﻮﻟﺴﺎ، ﻣﻪﺯﻛﯘﺭ ﺋﯩﻜﻜﻰ ﺗﯩﺰﯨﻤﻠﯩﻜﻨﯩﯔ ﺋﯚﺯﻟﯩﺮﯨﮕﻪ ﻳﯧﺘﯩﭗ ﻛﻪﻟﻤﯩﮕﻪﻧﻠﯩﻜﯩﻨﻰ، ﺗﯧﺨﯩﻤﯘ ﻣﯘﻫﯩﻤﻰ، ﻫﺎﺯﯨﺮﻏﺎ ﻗﻪﺩﻩﺭ ﺋﻮﺗﺘﯘﺭﯨﺪﺍ ﭘﺎﻛﯩﺖ ﻳﻮﻗﻠﯘﻗﯩﻨﻰ ﺑﺎﻳﺎﻥ ﻗﯩﻠﻐﺎﻥ. ﺋﻪﺭﺯﯨﻴﻪﺕ ﺳﻮﺗﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﯩﯔ ﺋﻪﻟﻘﺎﺋﯩﺪﻩ ﯞﻩ ﺗﺎﻟﯩﺒﺎﻥ ﺑﯩﻠﻪﻥ ﺑﻮﻟﻐﺎﻥ ﺋﺎﻻﻗﯩﺴﻰ ﯞﻩ ﺋﯘﻧﯩﯔ ﺗﯧﺮﺭﻭﺭﭼﻰ ﺗﻪﺷﻜﯩﻼﺕ ﺋﯩﻜﻪﻧﻠﯩﻜﯩﮕﻪ ﺋﺎﺋﺖ ﺗﻪﻳﻴﺎﺭﻻﻧﻐﺎﻥ ﺋﯘﭼﯘﺭﻻﺭﻧﯩﯔ ﺗﻪﺭﻩﭘﺴﯩﺰ ﻣﻪﻧﺒﻪﻟﻪﺭﺩﯨﻦ ﺋﻪﻣﻪﺱ، ﭘﻪﻗﻪﺕ ﺑﯩﺮﻻ ﻣﻪﻧﺒﻪﺩﯨﻦ ﻳﻪﻧﻰ ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﺋﯧﻠﯩﻨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ. ﺋﻪﺭﺯﯨﻴﻪﺕ ﺳﻮﺗﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﻰ ﺧﯩﺘﺎﻳﺪﯨﻦ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﯩﯟﺍﺗﻘﺎﻥ ﺋﯘﻳﻐﯘﺭﻻﺭ ﻗﯘﺭﻏﺎﻥ ﺗﻪﺷﻜﯩﻼﺕ ﺑﻮﻟﻐﯩﻨﻰ ﺋﯜﭼﯜﻥ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﻪﺷﻜﯩﻼﺕ ﻫﻪﻗﻘﯩﺪﯨﻜﻰ ﭘﯩﻜﯩﺮﻟﯩﺮﯨﻨﻰ ﺋﻮﺑﻴﯧﻜﺘﯩﭗ ﯞﻩ ﺗﻪﺭﻩﭘﺴﯩﺰ ﺩﻩﭖ ﻗﻮﺑﯘﻝ ﻗﯩﻠﯩﺸﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺷﯘﯕﺎ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﻰ ﺗﯧﺮﺭﻭﺭﭼﻰ ﺩﻩﻳﺪﯨﻐﺎﻧﻐﺎ ﺋﺎﺳﺎﺱ ﻳﻮﻗﻠﯘﻗﯩﻨﻰ، ﭘﻪﺭﻫﺎﺕ ﻫﯘﺯﻩﻳﻔﺎﻧﻰ ﺩﯛﺷﻤﻪﻥ ﺟﻪﯕﭽﯩﺴﻰ ﺳﺎﻧﺎﺷﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ.

ﺋﻪﺭﺯﯨﻴﻪﺕ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﻫﯚﻛﯜﻡ ﺋﯩﺰﺍﻫﻨﺎﻣﯩﺴﯩﺪﻩ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﺯﯗﻧﺪﯨﻦ ﺑﯧﺮﻯ ﺋﯘﻳﻐﯘﺭﻻﺭﻏﺎ ﺯﯗﻟﯘﻡ ﺳﯧﻠﯩﭗ ﻛﯧﻠﯩﯟﺍﺗﻘﺎﻧﻠﯩﻘﻰ، ﻣﻪﻫﺒﯘﺳﻼﺭﻧﯩﯔ ﻗﯩﻴﯩﻦ - ﻗﯩﺴﺘﺎﻗﻘﺎ ﺋﯧﻠﯩﻨﻐﺎﻧﻠﯩﻘﻰ، ﺑﻮﯞﺍﻗﻼﺭﻧﯩﯔ ﺋﺎﻧﺎ ﻗﺎﺭﻧﯩﺪﺍ ﺗﯘﺭﯗﭘﻼ ﺋﯚﻟﺘﯜﺭﯛﻟﯜﯞﺍﺗﻘﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ؛ ﺑﯘﻧﯩﯔ ﺑﯩﻠﻪﻥ ﺑﯩﻠﻠﻪ ﭘﻪﺭﻫﺎﺕ ﻫﯘﺯﻩﻳﻔﺎﻧﯩﯔ ﺧﯩﺘﺎﻳﻐﺎ ﻗﺎﺭﺷﻰ ﺟﻪﯕﭽﻰ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻳﻨﯩﯔ ﺑﻮﻟﺴﺎ، ﺗﺎﻟﯩﺒﺎﻧﻐﺎ ﻗﺎﺭﺷﻰ ﺋﯘﺭﯗﺷﺘﯩﻜﻰ ﺋﯩﺘﺘﯩﭙﺎﻗﺪﺍﺷﻠﯩﺮﻯ ﺋﺎﺭﯨﺴﯩﺪﺍ ﻳﻮﻗﻠﯘﻗﯩﻨﻰ ﺗﻪﻛﯩﺘﻠﯩﮕﻪﻥ. ﺋﻪﺭﺯﯨﻴﻪﺕ ﺳﻮﺗﻰ ﭘﻪﺭﻫﺎﺕ ﯞﻩ ﺋﻪﺯﺍ ﺩﻩﭖ ﻗﺎﺭﺍﻟﻐﺎﻥ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﯩﯔ ﺋﺎﻣﯧﺮﯨﻜﯩﻐﯩﻼ ﺋﻪﻣﻪﺱ، ﺋﺎﻣﯧﺮﯨﻜﯩﻨﯩﯔ ﺋﯩﺘﺘﯩﭙﺎﻗﺪﺍﺷﻠﯩﺮﯨﻐﯩﻤﯘ ﺩﯛﺷﻤﻪﻧﻠﯩﻚ ﺋﻮﻱ ﯞﻩ ﻫﻪﺭﯨﻜﯩﺘﻰ ﺑﻮﻟﻤﯩﻐﯩﻨﻰ ﺋﯜﭼﯜﻥ، ﻫﻪﺭﺑﯩﻲ ﺳﻮﺕ ﻛﻮﻟﻠﯩﮕﯩﻴﯩﺴﯩﻨﯩﯔ ﻫﯚﻛﯜﻣﯩﻨﻰ ﺋﯩﻨﻜﺎﺭ ﻗﯩﻠﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ.