ﺗﯜﻧﯜﮔﯜﻥ ﻳﻪﻧﻪ، ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻫﯩﻼﺭﯨﻲ ﻛﻠﯩﻨﺘﻮﻥ، ﺧﯩﺘﺎﻳﻐﺎ ﺩﯙﻟﻪﺕ ﺑﺎﻳﺮﯨﻤﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺗﻪﺑﺮﯨﻚ ﻳﻮﻟﻠﯩﻐﺎﻥ. ﺗﻪﺑﺮﯨﻜﻨﺎﻣﯩﺪﻩ، ﺧﯩﺘﺎﻳﻨﯩﯔ ﻳﯧﻘﯩﻨﻘﻰ 30 ﻳﯩﻠﺪﯨﻦ ﺑﯧﺮﻯ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﺯﻭﺭ ﺩﻩﺭﯨﺠﯩﺪﻩ ﺗﻪﺭﻩﻗﻘﯩﻲ ﻗﯩﻠﻐﺎﻧﻠﯩﻘﻰ، ﻣﯩﻠﻴﻮﻧﻠﯩﻐﺎﻥ ﻛﯩﺸﯩﻠﻪﺭﻧﯩﯔ ﻧﺎﻣﺮﺍﺗﻠﯩﻘﺘﯩﻦ ﻗﯘﺗﯘﻟﻐﺎﻧﻠﯩﻘﻰ، ﺑﯘﻧﯩﯔ ﺗﺎﺭﯨﺨﯩﻲ ﺑﯩﺮ ﺋﯘﺗﯘﻕ ﺋﯩﻜﻪﻧﻠﯩﻜﻰ ﺑﺎﻳﺎﻥ ﻗﯩﻠﯩﻨﻐﺎﻥ.

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ، ﺧﯩﺘﺎﻱ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺑﻮﻟﺴﯩﻤﯘ، ﺑﯘ ﺗﻪﺭﻩﻗﻘﯩﻴﺎﺗﺘﯩﻦ ﺋﺎﺯ ﺳﺎﻧﺪﯨﻜﻰ ﻛﯩﺸﯩﻠﻪﺭﻧﯩﯔ ﺑﻪﻫﺮﯨﻤﻪﻥ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻳﺪﯨﻜﻰ ﺋﯩﻘﺘﯩﺴﺎﺩﯨﻲ ﺋﯩﻠﮕﯩﺮﯨﻠﻪﺷﻨﯩﯔ ﺧﯩﺘﺎﻳﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﯞﻩﺯﯨﻴﯩﺘﯩﮕﻪ ﺗﻪﺳﯩﺮ ﻛﯚﺭﺳﯩﺘﯩﻠﻤﯩﮕﻪﻧﻠﯩﻜﯩﻨﻰ، ﺑﻪﺯﻯ ﺳﺎﻫﻪﻟﻪﺭﺩﻩ ﺋﺎﺭﻗﯩﻐﺎ ﻗﺎﺭﺍﭖ ﭼﯧﻜﯩﻨﯩﺶ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.
 
ﺗﯜﻧﯜﮔﯜﻥ ﺟﯘﻣﻬﯘﺭﯨﻴﻪﺗﭽﻰ ﭘﺎﻻﺗﺎ ﺋﻪﺯﺍﻟﯩﺮﯨﺪﯨﻦ Christopher Smith، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﻠﻪﺭ ﯞﻩ ﺋﯘﻳﻐﯘﺭﻻﺭﻧﻰ ﻗﺎﻧﻠﯩﻖ ﺑﺎﺳﺘﯘﺭﯗﯞﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻱ ﺩﯦﻤﻮﻛﺮﺍﺗﭽﯩﻠﯩﺮﻯ ﯞﻩ ﻓﺎﻟﯘﻧﮕﻮﯕﭽﯩﻼﺭﻏﯩﻤﯘ ﺯﯗﻟﯘﻡ ﺳﯧﻠﯩﯟﺍﺗﻘﺎﻧﻠﯩﻘﯩﻨﻰ ﺷﯘﯕﺎ ﺧﯩﺘﺎﻳﺪﯨﻜﻰ ﺑﺎﻳﺮﺍﻡ ﻛﻪﻳﭙﯩﻴﺎﺗﯩﻨﻰ ﺳﺎﺧﺘﺎ ﻛﻪﻳﭙﯩﻴﺎﺕ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
 
ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﺑﺎﻳﺮﺍﻡ ﻫﺎﺭﭘﯩﺴﯩﺪﺍ، ﺧﯩﺘﺎﻳﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﺳﺎﻫﻪﺳﯩﺪﻩ ﻛﯚﺯﮔﻪ ﻛﯚﺭﯛﻧﻪﺭﻟﯩﻚ ﺋﯩﻠﮕﯩﺮﯨﻠﯩﮕﻪﻧﻠﯩﻜﯩﻨﻰ، ﺧﯩﺘﺎﻳﻨﯩﯔ ﻫﺎﺯﯨﺮﻏﺎ ﻗﻪﺩﻩﺭ ﺋﯩﻨﺴﺎﻥ ﻫﻪﻗﻠﯩﺮﻯ ﺳﺎﻫﻪﺳﻰ ﺑﻮﻳﯩﭽﻪ 25 ﺗﯜﺭﻟﯜﻙ ﺧﻪﻟﻘﺌﺎﺭﺍ ﻛﯧﻠﯩﺸﯩﻤﮕﻪ ﻗﻮﻝ ﻗﻮﻳﻐﺎﻧﻠﯩﻘﯩﻨﻰ، 20 ﺩﯙﻟﻪﺕ ﺑﯩﻠﻪﻥ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﻩ ﺋﺎﻟﺪﯨﻨﻘﻰ ﻛﯜﻧﻰ ﺋﯧﭽﯩﻠﻐﺎﻥ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ، ﺧﯩﺘﺎﻳﻨﯩﯔ ﺋﯚﺯﻯ ﻗﻮﻝ ﻗﻮﻳﻐﺎﻥ ﺧﻪﻟﻘﺌﺎﺭﺍ ﻛﯧﻠﯩﺸﯩﻤﻠﻪﺭﮔﻪ ﺋﻪﻣﻪﻝ ﻗﯩﻠﻤﺎﻳﯟﺍﺗﻘﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ. ﺑﻮﻟﯘﭘﻤﯘ، ﺧﯩﺘﺎﻳﻨﯩﯔ ﺟﯩﻨﺎﻳﻪﺗﭽﯩﻠﻪﺭﻧﻰ ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﻗﺎﻧﯘﻧﻰ ﺗﻪﻧﻘﯩﺪ ﻗﯩﻠﯩﻨﻐﺎﻥ.

ﻳﯩﻐﯩﻨﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﺷﯩﭽﻪ، ﺋﺎﻣﯧﺮﯨﻜﯩﻨﯩﯔ ﺑﯧﻴﺠﯩﯖﺪﯨﻜﻰ ﺋﺎﻻﻗﯩﺪﺍﺭ ﺋﻮﺭﮔﺎﻧﻠﯩﺮﻯ، ﺑﯩﺮ ﻗﯩﺴﯩﻢ ﺗﯜﺭﻣﯩﻠﻪﺭﺩﻩ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ ﯞﻩ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﮕﻪ ﺋﺎﺳﺎﺳﻪﻥ 13 ﺩﯦﻠﻮ ﺗﯘﺭﻏﯘﺯﯗﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯩﺮ ﺗﻪﺭﻩﭖ ﻗﯩﻠﯩﺸﯩﻐﺎ ﺳﯘﻧﻐﺎﻥ، ﺋﻪﻣﻤﺎ ﻣﻪﺳﯩﻠﻪ ﻫﺎﺯﯨﺮﻏﯩﭽﻪ ﺑﯩﺮ ﺗﻪﺭﻩﭖ ﻗﯩﻠﯩﻨﻤﯩﻐﺎﻥ.
 
 ﺋﺎﯞﺍﻡ ﭘﺎﻻﺗﺎ ﺗﺎﺷﻘﻰ ﺋﯩﺸﻼﺭ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ، Howard Berman ﺧﯩﺘﺎﻳﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﺗﯧﻤﯩﺴﯩﺪﯨﻜﻰ ﺑﺎﻳﺎﻧﺎﺕ ﯞﻩ ﺋﯩﺠﺮﺍﺳﯩﻨﯩﯔ ﻛﯜﻟﻜﯩﻠﯩﻚ ﺩﻩﺭﯨﺠﯩﺪﻩ ﺑﯩﺮ - ﺑﯩﺮﯨﮕﻪ ﺯﯨﺖ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﺋﯘ، ﺋﯚﻛﺘﯩﭽﻰ ﺯﺍﺕ ﻟﻴﯘ ﺷﺎﯞﺑﯘﻧﯩﯔ ﻗﻮﻟﻐﺎ ﺋﯧﻠﯩﻨﯩﺸﯩﻨﻰ ﺑﯘﻧﯩﯔ ﺑﯩﺮ ﺋﯩﺴﭙﺎﺗﻰ ﺩﻩﭖ ﻛﯚﺭﺳﻪﺗﺘﻰ.

ﺋﯚﻛﺘﯩﭽﻰ ﺯﺍﺕ ﻟﻴﯘ ﺷﻴﺎﯞﺑﻮ، ﺋﯚﺗﻜﻪﻥ ﻳﯩﻠﻰ، ﺧﯩﺘﺎﻳﺪﺍ ﻧﯩﺰﺍﻣﻨﺎﻣﻪ ﻫﻪﺭﯨﻜﯩﺘﻰ ﺑﺎﺷﻠﯩﻐﺎﻥ."2008 ﻧﯩﺰﺍﻣﻨﺎﻣﯩﺴﻰ" ﺩﻩﭖ ﺋﺎﺗﺎﻟﻐﺎﻥ ﺑﯘ ﺩﯦﻤﻮﻛﺮﺍﺗﯩﻚ ﺋﯩﺴﻼﻫﺎﺕ ﺗﻪﻟﻪﭘﻨﺎﻣﯩﺴﯩﮕﻪ، ﺑﯩﺮﻗﺎﻧﭽﻪ ﻣﯩﯔ ﻛﯩﺸﻰ ﺋﯩﻤﺰﺍ ﻗﻮﻳﻐﺎﻥ. ﻟﻴﯘ ﺷﻴﺎﯞﺑﻮ ﻧﯩﺰﺍﻣﻨﺎﻣﯩﻨﻰ ﻻﻳﯩﻬﯩﻠﯩﮕﻪﻥ ﯞﻩ ﺋﯩﻤﺰﺍ ﺗﻮﭘﻼﺷﻘﺎ ﻳﯧﺘﻪﻛﭽﯩﻠﯩﻚ ﻗﯩﻠﻐﯩﻨﻰ ﺋﯜﭼﯜﻥ، ﺑﯘ ﻳﯩﻞ 6 ‏ - ﺋﺎﻳﺪﺍ ﻗﻮﻟﻐﺎ ﺋﯧﻠﯩﻨﻐﺎﻥ.
 
ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻰ ﺑﯩﻠﻪﻥ ﺋﯩﻨﺴﺎﻥ ﻫﻪﻗﻠﯩﺮﻯ ﯞﻩﺯﯨﻴﯩﺘﻰ، ﻧﯚﯞﻩﺗﺘﻪ ﺧﻮﯕﻜﻮﯕﺪﯨﻤﯘ ﺟﯩﺪﺩﯨﻲ ﺗﺎﻻﺵ - ﺗﺎﺭﺗﯩﺶ ﻗﯩﻠﯩﻨﻤﺎﻗﺘﺎ. ﺧﻮﯕﻜﻮﯕﻨﯩﯔ ﺳﺎﺑﯩﻖ ﭘﺎﺭﻻﻣﯧﻨﺖ ﺋﻪﺯﺍﺳﻰ Si Tuhua ﺑﯜﮔﯜﻥ ﺑﯘ ﻫﻪﻗﺘﻪ ﻣﯘﻧﺪﺍﻕ ﺩﯦﮕﻪﻥ:" ﺋﯩﻨﺴﺎﻧﻨﯩﯔ ﺋﯧﻐﯩﺰﻯ ﻳﺎﻟﻐﯘﺯ ﻳﯧﻴﯩﺶ ﺋﯜﭼﯜﻥ ﻳﺎﺭﯨﺘﯩﻠﻐﺎﻥ ﺋﻪﻣﻪﺱ، ﺑﻪﻟﻜﻰ ﻳﻪﻧﻪ ﺳﯚﺯﻟﻪﺵ ﺋﯜﭼﯜﻥ. ﺋﻪﮔﻪﺭ ﺑﯩﺮ ﺟﻪﻣﺌﯩﻴﻪﺕ ﻛﯩﺸﯩﻠﯩﺮﻯ ﻳﯧﻴﯩﺶ ﭘﯘﺭﺳﯩﺘﯩﮕﻪ ﺋﯩﮕﻪ ﺑﻮﻟﯘﭖ، ﺳﯚﺯﻟﻪﺵ ﭘﯘﺭﺳﯩﺘﯩﮕﻪ ﺋﯧﺮﯨﺸﻪﻟﻤﯩﺴﻪ، ﺑﯘ ﺟﻪﻣﺌﯩﻴﻪﺗﻨﻰ ﻗﺎﻧﺪﺍﻗﻤﯘ ﺗﻪﺭﻩﻗﻘﯩﻲ ﻗﯩﻠﺪﻯ ﺩﯦﮕﯩﻨﻰ ﺑﻮﻟﺴﯘﻥ؟"

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.