ﺑﯘ ﺋﺎﺭﯨﺪﺍ ﺋﺎﻣﯧﺮﯨﻜﺎ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﻛﯩﺸﯩﻠﯩﻚ ﻫﻮﻗﯘﻗﻘﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﯩﺪﯨﻦ ﺋﯜﻣﯩﺪﺳﯩﺰﻟﻪﻧﮕﻪﻧﻠﯩﻜﯩﻨﻰ، ﺑﻮﻟﯘﭘﻤﯘ ﺧﯩﺘﺎﻳﻨﯩﯔ ﭘﯜﺗﯜﻥ ﺩﯗﻧﻴﺎﻏﺎ ﺳﯚﺯ ﻗﯩﻠﯩﺶ ﯞﻩ ﺩﯨﻨﯩﻲ ﺋﻪﺭﻛﯩﻨﻠﯩﻜﻜﻪ ﻛﻪﯓ ﭘﯘﺭﺳﻪﺕ ﺑﯧﺮﯨﺸﻨﻰ ﺟﺎﻛﺎﺭﻻﻳﺪﯨﻐﺎﻥ ﺑﯩﺮ ﭘﯘﺭﺳﻪﺗﻨﻰ ﻗﻮﻟﺪﯨﻦ ﺑﯧﺮﯨﭗ ﻗﻮﻳﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ. ﺑﯘ ﻫﻪﻗﺘﻪ ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩ ﺳﯩﻠﻪﺭﮔﻪ ﻣﻪﻟﯘﻣﺎﺕ ﺑﯧﺮﯨﺪﯗ.

ﺋﺎﻕ ﺳﺎﺭﺍﻱ ﻫﯚﻛﯜﻣﯩﺘﯩﻨﯩﯔ ﻣﯘﺋﺎﯞﯨﻦ ﺋﺎﺧﺒﺎﺭﺍﺕ ﻛﺎﺗﯩﭙﻰ ﻓﯘﻻﺗﻮ ﺩﯛﺷﻪﻧﺒﻪ ﻛﯜﻧﻰ، ﺧﯩﺘﺎﻱ ﺩﯗﻧﻴﺎﻏﺎ ﺳﯚﺯ ﻗﯩﻠﯩﺶ ﺋﻪﺭﻛﯩﻨﻠﯩﻜﻰ ﺑﯩﻠﻪﻥ ﺩﯨﻨﯩﻲ ﺋﻪﺭﻛﯩﻨﻠﯩﻚ ﺋﯜﭼﯜﻥ ﻛﻪﯓ ﭘﯘﺭﺳﻪﺕ ﺑﻪﺭﮔﻪﻧﻠﯩﻜﯩﻨﻰ ﺋﯩﭙﺎﺩﯨﻠﻪﻳﺪﯨﻐﺎﻥ ﺑﯩﺮ ﭘﯘﺭﺳﻪﺗﻨﻰ ﻗﻮﻟﺪﯨﻦ ﻛﻪﺗﻜﯜﺯﯛﭖ ﻗﻮﻳﺪﻯ ﺩﻩﭖ ﺑﯩﻠﺪﯛﺭﺩﻯ. ﻳﯘﻗﯩﺮﺩﺍ ﺗﻪﻛﯩﺘﻠﯩﻨﯩﭗ ﺋﯚﺗﯜﻟﮕﯩﻨﯩﺪﻩﻙ ﺧﯩﺘﺎﻱ ﺑﯘ ﺋﺎﺭﯨﺪﺍ ﺗﯩﺒﻪﺕ ﻫﻪﺭﯨﻜﯩﺘﯩﻨﻰ ﻫﯩﻤﺎﻳﻪ ﻗﯩﻠﯩﺪﯨﻐﺎﻥ 10 ﻧﻪﭘﻪﺭ ﭼﻪﺗﺌﻪﻟﻠﯩﻚ ﭘﺎﺋﺎﻟﯩﻴﻪﺗﭽﯩﻨﻰ ﻗﻮﻳﯘﭖ ﺑﻪﺭﮔﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯘﻻﺭﻧﯩﯔ 8 ﻧﻪﭘﯩﺮﻯ ﺋﺎﻣﯧﺮﯨﻜﯩﻠﯩﻖ، 1 ﻧﻪﭘﯩﺮﻯ ﺋﻪﻧﮕﻠﯩﻴﯩﻠﯩﻚ ﻳﻪﻧﻪ ﺑﯩﺮﻯ ﮔﯧﺮﻣﺎﻥ ﺩﯙﻟﻪﺕ ﺗﻪﯞﻩﻟﯩﻜﯩﮕﻪ ﺋﯩﮕﻪ ﺗﯩﺒﻪﺕ ﺋﯩﺪﻯ.

" ﺋﻪﺭﻛﯩﻦ ﺗﯩﺒﻪﺕ ﺋﻮﻗﯘﻏﯘﭼﯩﻼﺭ ﻫﻪﺭﯨﻜﯩﺘﻰ" ﻧﯩﯔ، ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﯨﻜﻰ ﻧﺎﺭﺍﺯﻟﯩﻖ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﻣﻪﺳﺌﯘﻝ ﺧﺎﺩﯨﻤﻰ Han Shan ﻧﯩﯔ ﺗﻮﻧﯘﺷﺘﯘﺭﯗﺷﯩﭽﻪ، ﺩﯙﻟﯩﺘﯩﮕﻪ ﻗﺎﻳﺘﯘﺭﯞﯦﺘﯩﻠﮕﻪﻧﻠﻪﺭ ﺋﺎﺭﯨﺴﯩﺪﺍ 3 ﻛﯩﺸﻰ، ﻣﻪﺯﻛﯜﺭ ﺗﻪﺷﻜﯩﻼﺗﻨﯩﯔ ﺋﻪﺯﺍﺳﻰ ﺋﯩﻜﻪﻥ. ﺧﺎﻥ ﺷﺎﻧﻨﯩﯔ ﻳﻪﻧﻪ ﺑﯩﻠﺪﯛﺭﯨﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ 10 ﭘﺎﺋﺎﻟﯩﻴﻪﺗﭽﯩﻨﻰ ﺑﯩﺮ ﻗﺎﻧﭽﻪ ﺳﺎﺋﻪﺕ ﺳﻮﺭﺍﻕ ﻗﯩﻠﯩﺶ ﺑﯩﻠﻪﻥ ﺑﯩﺮﮔﻪ، ﺋﯘﻻﺭﻏﺎ ﺟﯘﯕﮕﻮﻟﯘﻗﻼﺭﻧﯩﯔ ﻳﺎﺭﺩﻩﻡ ﻗﯩﻠﯩﭗ ﻗﯩﻠﻤﯩﻐﺎﻧﻠﯩﻘﯩﻨﻰ ﻗﺎﺗﺘﯩﻖ ﺳﯜﺭﯛﺷﺘﯜﺭﯛﺵ ﻗﯩﻠﻐﺎﻥ، ﯞﻩ ﺑﯘ ﺋﺎﺭﻗﯩﻠﯩﻖ ﺗﯧﺨﯩﻤﯘ ﻛﯚﭖ ﻛﯩﺸﯩﻨﻰ ﻗﻮﻟﻐﺎ ﺋﯧﻠﯩﺸﻘﺎ ﺋﯘﺭﯗﻧﻐﺎﻥ. ﺑﯩﺮﺍﻕ ﺑﯘ ﻛﯩﺸﯩﻠﻪﺭﻧﯩﯔ ﻣﻪﻗﺴﯩﺪﻯ ﻛﯩﺸﯩﻠﯩﻚ ﻫﻮﻗﯘﻗﻰ ﺋﺎﻳﺎﻕ ‏ - ﺋﺎﺳﺘﻰ ﻗﯩﻠﯩﻨﯩﯟﺍﺗﻘﺎﻥ ﺗﯩﺒﻪﺗﻠﻪﺭﮔﻪ ﻳﺎﺭﺩﻩﻡ ﺑﯧﺮﯨﺶ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ، ﺋﺎﻏﺰﯨﺪﯨﻦ ﻫﯩﭽﻘﺎﻧﺪﺍﻕ ﮔﻪﭖ ﻗﺎﭼﯘﺭﻣﯩﻐﺎﻥ. ﺷﯘﯕﺎ ﺗﯘﺗﯘﭖ ﺗﯘﺭﯗﻟﯘﺵ ﺟﻪﺭﻳﺎﻧﯩﺪﺍ ﺋﯘﻻﺭ، ﻳﯧﻤﻪﻛﺴﯩﺰ ﯞﻩ ﺳﯘﺳﯩﺰ ﻗﺎﻟﺪﯗﺭﯗﻟﻐﺎﻧﺪﯨﻦ ﺳﯩﺮﺕ، ﺋﯘﻳﻘﯘﺳﯩﺰ ﻗﺎﻟﺪﯗﺭﯗﻟﻐﺎﻥ.

ﻧﻴﻮﻳﻮﺭﯨﻜﺘﯩﻜﻰ ﻣﯘﺳﺘﻪﻗﯩﻞ ﻓﯩﻠﯩﻢ ﺋﯩﺸﻠﯩﮕﯜﭼﻰ Tom Grant ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﭼﯧﮕﺮﯨﺪﯨﻦ ﻗﻮﻏﻼﭖ ﭼﯩﻘﺎﺭﻏﺎﻥ 8 ﺋﺎﻣﯧﺮﯨﻜﯩﻠﯩﻘﻨﯩﯔ ﺑﯩﺮﻯ، ﺋﯘﻧﯩﯔ ﺋﯧﻴﺘﯩﺸﯩﭽﻪ، 19 ‏ - ﺋﺎﯞﻏﯘﺳﺖ ﻛﯜﻧﻰ ﺧﯩﺘﺎﻱ ﺳﺎﻗﭽﯩﻠﯩﺮﻯ، ﺋﯘﻻﺭﻧﯩﯔ ﺋﺎﺭﺳﯩﺪﯨﻜﻰ ﺑﯩﺮﻩﻳﻠﻪﻧﻨﯩﯔ ﺋﺎﺭﻗﯩﻐﺎ ﭼﯜﺷﯜﭖ، ﻗﺎﻟﻐﺎﻥ ﭘﺎﺋﺎﻟﯩﻴﻪﺗﭽﯩﻠﻪﺭﻧﻰ ﺑﯩﺮﺩﻩﻙ ﻗﻮﺭﺷﺎﭖ ﺋﺎﻟﻐﺎﻥ ﻫﻪﻣﺪﻩ ﺋﯘﻻﺭﻧﻰ ﺗﯘﺗﯘﭖ ﺗﯘﺭﯗﺵ ﺋﻮﺭﻧﯩﻐﺎ ﺋﯧﻠﯩﭗ ﺑﯧﺮﯨﭗ ﺳﻮﻻﭖ ﻗﻮﻳﻐﺎﻥ. ﺋﯘﻻﺭ ﺋﺎﻳﺮﯨﻢ ‏ - ﺋﺎﻳﺮﯨﻢ ﺧﺎﻧﯩﻼﺭﻏﺎ ﻗﺎﻣﺎﻟﻐﺎﻥ ﯞﻩ ﺳﻮﺭﺍﻕ ﻗﯩﻠﯩﺶ ﯞﺍﻗﺘﻰ ﺋﻮﺧﺸﺎﺵ ﺑﻮﻟﻤﯩﻐﺎﻥ. ﺋﯩﻜﻜﻰ ﻛﯜﻧﺪﯨﻦ ﻛﯧﻴﯩﻦ ﺋﯘﻻﺭﻧﯩﯔ 10 ﻛﯜﻥ ﻗﺎﻣﯩﻠﯩﺪﯨﻐﺎﻧﻠﯩﻘﻰ ﺋﯘﻗﺘﯘﺭﯗﻟﻐﺎﻥ. ﺑﯘ ﻗﺎﺭﺍﺭ ﺳﻮﺗﭽﻰ ﯞﻩ ﻳﺎﻛﻰ ﻗﺎﻧﯘﻧﻼﺭﻏﺎ ﺋﺎﺳﺎﺳﻪﻥ ﭼﯩﻘﯩﺮﯨﻠﻤﯩﻐﺎﻥ ﺑﻮﻟﯘﭖ، ﺋﻪﻛﺴﯩﭽﻪ ﺳﺎﻗﭽﯩﻨﯩﯔ ﺑﯩﯟﺍﺳﺘﻪ ﻗﺎﺭﺍﺭ ﺑﯧﺮﯨﺸﻰ ﺑﯩﻠﻪﻥ ﺑﯧﻜﯩﺘﯩﻠﮕﻪﻥ.

8 ﺋﺎﻣﯧﺮﯨﻜﯩﻠﯩﻖ 4 ‏ﻛﯜﻧﮕﻪ ﻗﻪﺩﻩﺭ، ﺋﺎﻣﯧﺮﯨﻜﯩﻨﯩﯔ ﺑﯧﻴﺠﯩﯖﺪﻩ ﺗﯘﺭﯗﺷﻠﯘﻕ ﺋﻪﻟﭽﯩﺨﺎﻧﺎ ﺧﺎﺩﯨﻤﻠﯩﺮﻯ ﺑﯩﻠﻪﻥ ﺋﯘﭼﺮﯨﺸﺎﻟﻤﯩﻐﺎﻥ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﺪﺍ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﺨﺎﻧﺎ ﺋﻪﻟﭽﯩﺴﻰ ﻟﯧﻴﺪﯤ ﻣﻪﺯﻛﯜﺭ ﯞﻩﻗﻪﮔﻪ ﺑﯩﯟﺍﺳﺘﻪ ﻗﻮﻝ ﺗﯩﻘﯩﭗ ﺋﺎﺭﯨﻼﺷﻘﺎﻥ ﺷﯘﻧﯩﯖﺪﻩﻙ ﺋﯘﻻﺭﻧﯩﯔ ﻗﻮﻳﯘﭖ ﺑﯧﺮﯨﻠﯩﺸﻰ ﺋﯜﭼﯜﻥ ﻛﯜﭖ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﻪﺗﻜﻪﻥ.

Tom Grant ﻧﯩﯔ ﺗﻮﻧﯘﺷﺘﯘﺭﯗﺷﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ 24 ‏ - ﺋﺎﯞﻏﯘﺳﺖ ﻛﯜﻧﻰ ﺋﯘﻻﺭﻧﻰ ﻗﻮﻳﯘﯞﯦﺘﯩﺪﯨﻐﺎﻧﻠﯩﻘﯩﻨﻰ ﺋﯘﻗﺘﯘﺭﯗﭖ، ﺷﯘ ﻛﯜﻧﻰ ﻛﯧﭽﯩﺴﯩﻼ ﺋﯘﻻﺭﻧﻰ ﺋﯚﺯ ﺩﯙﻟﯩﺘﯩﮕﻪ ﻗﺎﻳﺘﯘﺭﯗﯞﻩﺗﻜﻪﻥ. ﺧﯩﺘﺎﻱ ﺳﺎﻗﭽﯩﻠﯩﺮﻯ Tom Grant ﻧﯩﯔ ﺳﯩﻦ ﺋﺎﻟﻐﯘ ﺋﺎﭘﺎﺭﺍﺗﻰ، ﻛﻮﻣﭙﻴﯘﺗﯧﺮﻟﯩﺮﯨﻨﻰ ﻣﯘﺳﺎﺩﯨﺮﻩ ﻗﯩﻠﯩﯟﺍﻟﻐﺎﻥ.

" ﺋﻪﺭﻛﯩﻦ ﺗﯩﺒﻪﺕ ﺋﻮﻗﯘﻏﯘﭼﯩﻼﺭ ﻫﻪﺭﯨﻜﯩﺘﻰ" ﺗﻪﺷﻜﯩﻼﺗﯩﻨﯩﯔ ﺋﺎﺷﻜﺎﺭﯨﻠﯩﺸﯩﭽﻪ، ﺷﯩﻤﺎﻟﯩﻲ ﺋﺎﻣﯧﺮﯨﻜﺎ، ﻳﺎﯞﺭﯗﭘﺎ ﯞﻩ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﯨﻦ ﻛﻪﻟﮕﻪﻥ 53 ﻧﻪﭘﻪﺭ ﭘﺎﺋﺎﻟﯩﻴﻪﺗﭽﻰ، ﺋﻮﻟﯩﻤﭙﯩﻚ ﺗﻪﻧﺘﻪﺭﺑﯩﻴﻪ ﻣﯘﺭﺍﺳﯩﻤﻰ ﻣﻪﺯﮔﯩﻠﯩﺪﻩ ﺗﯩﺒﻪﺗﻨﻰ ﻫﯩﻤﺎﻳﻪ ﻗﯩﻠﯩﺪﯨﻐﺎﻥ ﻧﺎﺭﺍﺯﻟﯩﻖ ﻫﻪﺭﯨﻜﻪﺗﻠﻪﺭﮔﻪ ﻗﺎﺗﻨﺎﺷﻘﺎﻧﻠﯩﻖ ﺳﻪﯞﻩﺑﯩﺪﯨﻦ ﻣﻪﺟﺒﯘﺭﯨﻲ ﻫﺎﻟﺪﺍ ﺋﯚﺯ ﺩﯙﻟﯩﺘﯩﮕﻪ ﻗﺎﻳﺘﯘﺭﯞﯨﺘﯩﻠﮕﻪﻥ.

ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺩﯛﺷﻪﻧﺒﻪ ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺑﯩﺮ ﺑﺎﻳﺎﻧﺎﺗﯩﺪﺍ، ﭼﻪﺗﺌﻪﻝ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﻰ ﻗﻮﻟﻐﺎ ﺋﺎﻟﻐﺎﻥ ﻗﯩﻠﻤﯩﺸﯩﻨﻰ ﺋﺎﻗﻼﭖ، ﺑﯘ ﻛﯩﺸﯩﻠﻪﺭﻧﯩﯔ ﺗﯩﺒﻪﺕ ﻣﯜﺳﺘﻪﻗﯩﻠﻠﯩﻘﯩﻨﻰ ﻗﻮﻟﻼﻳﺪﯨﻐﺎﻥ ﻫﻪﺭﯨﻜﻪﺗﻠﻪﺭﻧﻰ ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ، ﺑﯘﻧﯩﯔ ﺟﻮﯕﮕﯘ ﻗﺎﻧﯘﻧﯩﻐﺎ ﺗﺎﻣﺎﻣﻪﻥ ﺧﯩﻼﭖ ﻫﯧﺴﺎﺑﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﺎﻻﻫﯩﺪﻩ ﺗﻪﻛﯩﺘﻠﯩﮕﻪﻥ. ﯞﻩ ﺑﺎﻳﺎﻧﺎﺗﺘﺎ " : ﺑﯩﺰ ﻫﻪﺭﻗﺎﻳﺴﻰ ﺩﯙﻟﻪﺗﻠﻪﺭﻧﻰ ﺋﯚﺯ ﭘﯘﻗﺮﺍﻟﯩﺮﯨﻐﺎ، ﺟﻮﯕﮕﯘﻧﯩﯔ ﻗﺎﻧﯘﻧﯩﻨﻰ ﻫﯚﺭﻣﻪﺕ ﻗﯩﻠﯩﺶ ﻫﻪﻗﻘﯩﺪﻩ ﻳﺎﺧﺸﻰ ﺗﻪﺭﺑﯩﻴﻪ ﻳﻮﻟﻐﺎ ﻗﻮﻳﯘﺷﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ، ﺷﯘﻧﺪﺍﻕ ﻗﯩﻠﻐﺎﻧﺪﺍ ﺑﯘﻧﺪﺍﻕ ﯞﻩﻗﻪﻟﻪﺭﻧﯩﯔ ﻗﺎﻳﺘﺎ ﺳﺎﺩﯨﺮ ﺑﻮﻟﯘﺷﯩﻨﯩﯔ ﺋﺎﻟﺪﯨﻨﻰ ﺋﺎﻟﻐﯩﻠﻰ ﺑﻮﻟﯩﺪﯗ" ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ. ﺑﯘﻧﯩﯖﺪﯨﻦ ﺳﯩﺮﺕ ﺧﯩﺘﺎﻱ ﻫﯚﻛﯜﻣﯩﺘﻰ ﻳﻪﻧﻪ ﺋﯚﺯﻟﯩﺮﯨﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﯩﯔ ﺳﺎﻫﯩﭙﺨﺎﻧﻠﯩﻘﯩﻐﺎ ﺋﯧﺮﯨﺸﻜﻪﻧﺪﻩ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺳﯚﺯ ﻗﯩﻠﯩﺶ ﺋﻪﺭﻛﯩﻨﻠﯩﻜﻰ ﺗﻮﻏﺮﯨﺴﯩﺪﺍ ﺑﻪﺭﮔﻪﻥ ﯞﻩﺩﯨﺴﯩﮕﻪ ﺋﻪﻣﻪﻝ ﻗﯩﻠﻐﺎﻧﻠﯩﻘﯩﻨﻰ ﺋﺎﻻﻫﯩﺪﻩ ﺗﻪﻛﯩﺘﻠﯩﮕﻪﻥ.

ﺋﻪﻣﻤﺎ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭ، ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﺧﯩﺘﺎﻳﻨﯩﯔ ﺑﺎﺷﻘﺎ ﺋﯚﻟﻜﯩﻠﯩﺮﯨﺪﻩ ﺋﻪﻣﻪﺱ ﺑﯧﻴﺠﯩﯖﻨﯩﯔ ﺋﯚﺯﯨﺪﻩ ﭘﯘﻗﺮﺍﻻﺭﻧﯩﯔ، ﺳﯚﺯ ﻗﯩﻠﯩﺶ ﺋﻪﺭﻛﯩﻨﻠﯩﻜﻰ، ﺩﯨﻨﯩﻲ ﺋﻪﺭﻛﯩﻨﻠﯩﻜﻰ ﻗﺎﺗﺎﺭﻟﯩﻖ ﺑﺎﺭﻟﯩﻖ ﻛﯩﺸﯩﻠﯩﻚ ﻫﻪﻕ - ﻫﻮﻗﯘﻗﻠﯩﺮﯨﻨﯩﯔ ﻗﯩﻠﭽﯩﻤﯘ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﻨﻤﯩﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ. ﺧﻪﯞﻩﺭﻟﻪﺭﺩﻩ ﻳﻪﻧﻪ ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﻳﻮﻟﻐﺎ ﻗﻮﻳﻐﺎﻥ ﻧﺎﻣﺎﻳﯩﺶ ﻗﯩﻠﯩﺶ ﻫﻮﻗﯘﻗﻰ ﺑﻮﻳﯩﭽﻪ ﻧﺎﻣﺎﻳﯩﺶ ﻗﯩﻠﯩﺶ ﺋﯩﻠﺘﯩﻤﺎﺳﻰ ﺳﯘﻧﻐﺎﻥ ﻳﺎﺷﺎﻧﻐﺎﻥ ﺋﯩﻜﻜﻰ ﭘﯘﻗﺮﺍﻧﯩﯔ ﺑﯩﺮ ﻳﯩﻠﻠﯩﻖ ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﺟﺎﺯﺍﺳﯩﻐﺎ ﺗﺎﺭﺗﯩﻠﯩﺸﻰ، ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﻰ ﺋﺎﺭﯨﺴﯩﺪﺍ ﻛﯜﭼﻠﯜﻙ ﻏﯘﻝ - ﻏﯘﻻ ﻗﻮﺯﻏﯩﻐﺎﻥ ﺋﯩﺪﻯ.