ﺑﯩﺰ 16 - ﺋﯚﻛﺘﻪﺑﯩﺮ ﻛﯜﻧﯩﺪﯨﻜﻰ ﺋﺎﯕﻠﯩﺘﯩﺸﯩﻤﯩﺰﺩﺍ، "ﺧﯩﺘﺎﻱ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﻰ ﻳﯩﻠﺘﯩﺰﯨﺪﯨﻦ ﻳﻮﻗﺎﺗﻤﺎﻗﭽﻰ" ﺩﯦﮕﻪﻥ ﻣﺎﻗﺎﻟﯩﺴﯩﻨﻰ ﺗﻮﻧﯘﺷﺘﯘﺭﻏﺎﻥ ﺋﯩﺪﯗﻕ، ﺑﯜﮔﯜﻥ ﺋﯘﻧﯩﯔ "ﺷﯩﻨﺠﺎﯕﺪﯨﻜﻰ ﺋﺎﻗﺎﺭﻏﺎﻥ ﺳﯚﯕﻪﻛﻠﻪﺭ ﯞﻩ ﻣﺎﺯﺍﺭﻻﺭ" ﺩﯦﮕﻪﻥ ﻣﺎﻗﺎﻟﯩﺴﯩﻨﻰ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﻧﯩﯔ ﻫﯘﺯﯗﺭﯨﻐﺎ ﺳﯘﻧﻤﺎﻗﭽﯩﻤﯩﺰ.

ﺋﺎﭘﺘﻮﺭ "ﺷﯩﻨﺠﺎﯕﺪﯨﻜﻰ ﺋﺎﻗﺎﺭﻏﺎﻥ ﺳﯚﯕﻪﻛﻠﻪﺭ ﯞﻩ ﻣﺎﺯﺍﺭﻻﺭ" ﻣﺎﻗﺎﻟﯩﺴﯩﺪﯨﻤﯘ، ﺋﺎﻟﺪﯨﻨﻘﻰ ﻣﺎﻗﺎﻟﯩﺴﯩﮕﻪ ﺋﻮﺧﺸﺎﺷﻼ، ﺋﯚﺯﯨﻨﯩﯔ ﺳﺎﻳﺎﻫﻪﺕ ﺟﻪﺭﻳﺎﻧﯩﺪﺍ ﻛﯚﺭﮔﻪﻥ ‏- ﺋﺎﯕﻠﯩﻐﺎﻧﻠﯩﺮﯨﻨﻰ ﺑﺎﻳﺎﻥ ﻗﯩﻠﯩﺶ ﻫﻪﻡ ﺋﯚﺯ ﻣﯘﻻﻫﯩﺰﯨﻠﯩﺮﯨﻨﻰ ﻗﯩﺴﺘﯘﺭﯗﺵ ﺷﻪﻛﻠﯩﺪﻩ ﺋﯚﺯﯨﻨﯩﯔ ﻛﯚﺯ ﻗﺎﺭﺍﺵ ‏- ﭘﯩﻜﯩﺮﻟﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.
 
ﺋﺎﭘﺘﻮﺭ " ﺷﯩﻨﺠﺎﯕﺪﯨﻜﻰ ﺋﺎﻗﺎﺭﻏﺎﻥ ﺳﯚﯕﻪﻛﻠﻪﺭ ﯞﻩ ﻣﺎﺯﺍﺭﻻﺭ" ﻧﺎﻣﻠﯩﻖ ﻣﺎﻗﺎﻟﯩﺴﯩﻨﻰ، ﺋﯘﻳﻐﯘﺭ ﻗﯩﺰﻯ ﺋﯩﭙﺎﺭﺧﺎﻥ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﯩﺘﻰ ﺑﯩﻠﻪﻥ ﺑﺎﺷﻠﯩﻐﺎﻥ ﺑﻮﻟﯘﭖ، ﺋﯩﭙﺎﺭﺧﺎﻥ ﻫﻪﻗﻘﯩﺪﯨﻜﻰ ﺗﻪﺳﯟﯨﺮﯨﻨﻰ ﻣﯘﻧﺪﺍﻕ ﻳﺎﺯﯨﺪﯗ:

ﺋﯘ ﻣﯧﻨﯩﯔ ﺋﯩﻠﮕﯩﺮﻯ ﺑﯧﻴﺠﯩﯖﺪﺍ ﺑﯩﺮ ﻣﻪﺯﮔﯩﻞ ﺗﯘﺭﻏﺎﻧﻠﯩﻘﯩﻤﻨﻰ ﺑﯩﻠﮕﯩﻨﯩﺪﻩ، ﺋﻪﭘﺴﯘﺳﻼﻧﻐﺎﻥ ﻫﺎﻟﺪﺍ:

-- ﻣﻪﻥ ﺋﻮﻗﯘﺵ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ، ﺋﯘ ﻳﻪﺭﺩﻩ ﻗﯧﻠﯩﺸﻨﻰ ﺑﻪﻛﻤﯘ ﺋﺎﺭﺯﯗ ﻗﯩﻠﻐﺎﻥ ﺋﯩﺪﯨﻢ. ﺋﯘ ﻳﻪﺭﺩﻩ ﭘﯘﺭﺳﻪﺗﻠﻪﺭ ﻛﯚﭘﺮﻩﻙ ﺋﯩﺪﻯ. ﺑﯩﺮﺍﻕ ﺑﯘ ﻳﻪﺭﺩﻩ ﺋﯘﻳﻐﯘﺭﻻﺭ ﺋﯜﭼﯜﻥ ﻫﯧﭽﻘﺎﻧﺪﺍﻕ ﺋﯩﺶ ﻳﻮﻕ.

ﺋﯩﭙﺎﺭﺧﺎﻥ ﺳﯚﺯﯨﻨﻰ ﺩﺍﯞﺍﻣﻼﺷﺘﯘﺭﯗﭖ، - ﻫﺎﺯﯨﺮ ﻫﻪﺭ ﻫﺎﻟﺪﺍ ﻳﺎﺧﺸﻰ، ﻣﻪﻥ ﺋﺎﺋﯩﻠﻪﻣﺪﯨﻜﯩﻠﻪﺭﺩﯨﻜﯩﻠﻪﺭﮔﻪ ﻳﯧﻘﯩﻦ ﺗﯘﺭﯗﯞﺍﺗﯩﻤﻪﻥ - ﺩﯦﺪﻯ. ﻣﻪﻥ ﺋﯘﻧﯩﯖﺪﯨﻦ ﺷﯩﻨﺠﺎﯕﺪﺍ ﺋﯩﺶ ﺗﯧﭙﯩﺶ ﺋﯩﻤﻜﺎﻧﯩﻴﯩﺘﻰ ﻗﺎﻧﺪﺍﻕ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﺳﻮﺭﯨﻐﯩﻨﯩﻤﺪﺍ، ﺋﯘ ﻗﻮﺷﯘﻣﯩﺴﯩﻨﻰ ﺗﯜﺭﮔﻪﻥ ﻫﺎﻟﺪﺍ ﻣﯘﻧﺪﺍﻕ ﺩﯦﺪﻯ:

-- ﺑﯘ ﻳﻪﺭﺩﻩ ﻛﻪﻣﺴﯩﺘﯩﺶ ﺑﻪﻛﻼ ﺋﯧﻐﯩﺮ ﺑﻮﻟﻐﺎﭼﻘﺎ ﻣﻪﻥ ﺧﯩﺰﻣﻪﺕ ﺗﺎﭘﺎﻟﻤﯩﺪﯨﻢ، ﻫﻪﺗﺘﺎ "5 - ﺋﯩﻴﯘﻝ ﯞﻩﻗﻪﺳﻰ"ﺩﯨﻦ ﺋﯩﻠﮕﯩﺮﯨﻤﯘ ﻛﯩﺸﯩﻠﻪﺭ، ﺋﯘﻳﻐﯘﺭﻻﺭﻧﻰ ﺧﯩﺰﻣﻪﺗﻜﻪ ﻳﺎﻟﻼﺷﻨﻰ ﺧﺎﻟﯩﻤﺎﻳﺘﺘﻰ - ﺩﯦﺪﻯ، ﺋﯘ ﺋﯚﺯﯨﻨﯩﯔ ﻛﯚﭖ ﺳﺎﻧﺪﯨﻜﻰ ﺧﯩﺘﺎﻱ ﺳﺎﯞﺍﻗﺪﺍﺷﻠﯩﺮﯨﻨﯩﯔ ﻫﺎﺯﯨﺮ ﻣﯘﻗﯩﻢ ﺧﯩﺰﻣﻪﺕ ﺗﺎﭘﻘﺎﻧﻠﯩﻘﯩﻨﻰ ﺳﯚﺯﻟﻪﭖ ﺑﻪﺭﺩﻯ. ﺋﯘ ﺳﯚﺯﯨﻨﻰ ﺩﺍﯞﺍﻣﻼﺷﺘﯘﺭﯗﭖ ﺷﯘﻧﺪﺍﻕ ﺩﯦﺪﻯ:

-- ﻫﺎﺯﯨﺮ ﺑﯘ ﺷﻪﻫﻪﺭﻧﯩﯔ ﯞﻩﺯﯨﻴﯩﺘﻰ ﺗﻮﻟﯩﻤﯘ ﻳﺎﻣﺎﻥ، ﺑﯩﺰ ﻣﻪﻳﻠﻰ ﺧﯩﺘﺎﻳﻼﺭ ﺑﻮﻟﺴﯘﻥ ﻳﺎﻛﻰ ﺋﯘﻳﻐﯘﺭﻻﺭ ﺑﻮﻟﺴﯘﻥ، ﺋﯘﻻﺭﻧﯩﯔ ﻧﯧﻤﻪ ﺋﯜﭼﯜﻥ ﺑﯘ ﺷﻪﻫﻪﺭﮔﻪ ﺳﺎﻳﺎﻫﻪﺗﻜﻪ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﻤﻪﻳﻤﯩﺰ. ﺑﯩﺰ ﺋﯘﻻﺭﻧﯩﯔ ﺑﯘ ﻳﻪﺭﺩﻩ ﻗﺎﻧﺪﺍﻕ ﺋﺎﯞﺍﺭﯨﭽﯩﻠﯩﻘﻼﺭﻏﺎ ﺋﯘﭼﺮﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﯩﺸﻜﻪ ﻫﻪﺭ ﯞﺍﻗﯩﺖ ﻗﯩﺰﺯﯨﻘﯩﻤﯩﺰ."

ﺋﺎﭘﺘﻮﺭ ﺋﯩﭙﺎﺭﺧﺎﻥ ﻫﻪﻗﻘﯩﺪﯨﻜﻰ ﻛﯧﻴﯩﻨﻜﻰ ﺑﺎﻳﺎﻧﻠﯩﺮﯨﻨﻰ ﻣﯘﻧﺪﺍﻕ ﻳﺎﺯﯨﺪﯗ:

" ﺋﯩﭙﺎﺭﺧﺎﻥ ﺗﯩﭙﯩﻚ ﻫﺎﻟﺪﯨﻜﻰ ﻳﯧﯖﻰ ﺑﯩﺮ ﺋﻪﯞﻻﺩ ﺋﯘﻳﻐﯘﺭ ﻳﺎﺷﻠﯩﺮﯨﺪﯨﻦ ﺑﻮﻟﯘﭖ، ﺋﯘﻧﯩﯖﻐﺎ ﺋﻮﺧﺸﺎﺵ ﻳﺎﺷﻼﺭ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺧﯧﻠﻰ ﻛﯚﭖ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯗ، ﺋﯘﻻﺭ ﺧﯩﺘﺎﻱ ﺗﯩﻠﯩﻨﻰ ﺋﯜﮔﻪﻧﮕﻪﻧﺪﯨﻦ ﻛﯧﻴﯩﻦ، ﺷﻪﺭﻗﯩﻲ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺑﯧﺮﯨﭗ، ﺋﯘ ﻳﻪﺭﺩﻩ ﺧﯩﺘﺎﻱ ﺋﯘﻧﯩﯟﯦﺮﺳﯩﺘﯧﺘﻠﯩﺮﯨﺪﺍ ﺋﻮﻗﯘﻳﺪﯗ. ﺋﯘﻻﺭ ﻛﯚﺭﯛﻧﯜﺷﺘﻪ ﺧﯩﺘﺎﻳﻼﺭ ﺑﯩﻠﻪﻥ ﺋﯩﻨﺎﻗﺘﻪﻙ، ﺧﯩﺘﺎﻳﻼﺭ ﺋﺎﺭﯨﺴﯩﻐﺎ ﺳﯩﯖﯩﭗ ﻛﻪﺗﻜﻪﻧﺪﻩﻙ ﻛﯚﺭﯛﻧﺴﯩﻤﯘ، ﺋﻪﻣﻤﺎ ﺋﻪﻣﻪﻟﯩﻴﻪﺗﺘﻪ ﺋﯘﻻﺭ ﺧﯩﺘﺎﻱ ﺋﯜﭼﯜﻥ ﺋﻪﯓ ﭼﻮﯓ ﺗﻪﻫﺪﯨﺖ ﺋﯩﺪﻯ."

ﺋﺎﭘﺘﻮﺭ ﺋﯩﭙﺎﺭﺧﺎﻧﻨﯩﯔ ﺋﯚﺯﻯ ﺑﯩﻠﻪﻥ ﺑﻮﻟﻐﺎﻥ ﺋﺎﺧﯩﺮﯨﻘﻰ ﺳﯚﻫﺒﻪﺕ ﺧﺎﺗﯩﺮﯨﺴﯩﻨﻰ ﻣﯘﻧﺪﺍﻕ ﻳﺎﺯﯨﺪﯗ:

"ﺋﯩﭙﺎﺭﺧﺎﻥ ﻣﺎﯕﺎ ﺑﯘ ﻳﻪﺭﺩﯨﻜﻰ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﺋﯚﺯﯨﮕﻪ ﺋﻮﺧﺸﺎﺵ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﺪﻯ: -- ﺑﯘﻧﺪﺍﻕ ﺋﯩﺸﻼﺭ ﻫﻪﻣﻤﯩﻼ ﻳﻪﺭﺩﻩ ﺑﺎﺭ، ﺑﯩﺰﮔﻪ ﻧﯩﺴﺒﻪﺗﻪﻥ ﻫﯧﭽﻘﺎﻧﺪﺍﻕ ﺑﯩﺮ ﭘﯘﺭﺳﻪﺕ ﺑﯧﺮﯨﻠﻤﯩﮕﻪﻥ. ﻣﯧﻨﯩﯔ ﺧﯩﺘﺎﻱ ﺳﺎﯞﺍﻗﺪﺍﺷﻠﯩﺮﯨﻢ ﭘﻪﻗﻪﺗﻼ ﻣﯘﺋﻪﻟﻠﯩﻢ ﯞﻩ ﻫﯚﻛﯜﻣﻪﺗﻨﯩﯔ ﺋﯘﻻﺭﻏﺎ ﺩﯦﮕﻪﻧﻠﯩﺮﯨﮕﻪ ﺋﯩﺸﯩﻨﯩﺪﯗ. ﺋﯘﻻﺭ ﻫﺎﺯﯨﺮ ﻳﯜﺯ ﺑﯧﺮﯨﯟﺍﺗﻘﺎﻥ ﺋﯩﺸﻼﺭﻧﻰ ﭼﻪﺗﺌﻪﻟﺪﯨﻜﯩﻠﻪﺭ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ ﺩﻩﭖ ﻗﺎﺭﯨﺸﯩﺪﯗ ﻫﻪﻡ ﻫﯚﻛﯜﻣﻪﺗﻨﯩﯔ ﺗﻪﺷﯟﯨﻘﺎﺗﯩﻐﺎ ﺋﯩﺸﯩﻨﯩﺸﯩﺪﯗ، ﺋﻪﻣﻤﺎ ﺋﯘﻻﺭ ﻫﯧﭽﻘﺎﭼﺎﻥ ﺑﯘ ﺋﯩﺸﻼﺭﻧﯩﯔ ﻧﯧﻤﻪ ﺋﯜﭼﯜﻥ ﻳﯜﺯ ﺑﻪﺭﮔﻪﻧﻠﯩﻜﻰ ﯞﻩ ﻳﺎﻛﻰ ﺋﯘﻧﯩﯔ ﺳﻪﯞﻩﺑﯩﻨﻰ ﺳﻮﺭﯨﻤﺎﻳﺪﯗ. ﺑﯩﺰ ﺑﻮﻟﺴﺎﻕ ﺋﯚﺯﯨﻤﯩﺰﻧﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﻤﯩﺰﻧﻰ ﺗﻮﻧﯘﭖ ﯞﻩ ﻫﻪﺭ ﻛﯜﻧﻰ ﻛﻪﻣﺴﯩﺘﯩﺸﻠﻪﺭﻧﻰ ﻛﯚﺭﯛﭖ ﭼﻮﯓ ﺑﻮﻟﻐﺎﻧﻠﯩﻘﯩﻤﯩﺰ ﺋﯜﭼﯜﻥ ﻫﯚﻛﯜﻣﻪﺗﻨﯩﯔ ﺩﯦﮕﻪﻧﻠﯩﺮﯨﮕﻪ ﺋﯩﺸﻪﻧﻤﻪﺳﻠﯩﻜﻨﻰ ﺋﯚﮔﻪﻧﺪﯗﻕ."

ﺋﺎﭘﺘﻮﺭ ﭘﺎﺋﯘﻝ ﻣﻮﺯﻭﺭ ﺳﺎﻳﺎﻫﻪﺕ ﻳﯧﺘﻪﻛﭽﯩﺴﻰ ﺋﯩﭙﺎﺭﺧﺎﻧﻨﯩﯔ ﺳﯚﺯﯨﮕﻪ ﻗﺎﺭﯨﺘﺎ ﺋﯚﺯ ﻗﺎﺭﯨﺸﯩﻨﻰ ﻧﻴﯘﻳﻮﺭﻛﺘﯩﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﺧﺎﺩﯨﻤﻰ ﻧﯩﻜﻮﻻﺱ ﺑﯧﻜﯘﻟﯩﻨﻨﯩﯔ ﻛﯚﺯ ﻗﺎﺭﺍﺷﻠﯩﺮﯨﻐﺎ ﺋﺎﺳﺎﺳﻪﻥ ﺑﺎﻳﺎﻥ ﻗﯩﻠﯩﺪﯗ. ﺋﯘﻧﯩﯔ ﺋﯩﻠﮕﯩﺮﻯ ﺳﯜﺭﯛﺷﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﮔﻪﺭﭼﻪ ﺑﯘ ﺟﺎﻳﺪﯨﻜﻰ ﺋﯩﻘﺘﯩﺴﺎﺩﯨﻲ ﻣﻪﺳﯩﻠﯩﻨﻰ ﻫﻪﻝ ﻗﯩﻠﻐﺎﻥ ﺗﻪﻗﺪﯨﺮﺩﯨﻤﯘ، ﺑﯘ ﺭﺍﻳﻮﻧﻨﻰ ﻛﻮﻧﺘﺮﻭﻝ ﻗﯩﻠﯩﺶ ﻳﻪﻧﯩﻼ ﺗﻪﺳﻜﻪ ﺗﻮﺧﺘﺎﻳﺪﯗ. ﻫﯚﻛﯜﻣﻪﺕ 10 ﻳﯩﻞ ﯞﺍﻗﯩﺖ ﺳﻪﺭﭖ ﻗﯩﻠﯩﭗ ﺑﯘ ﻳﻪﺭﺩﯨﻜﻰ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﻰ ﺧﯩﺘﺎﻱ ﺗﯩﻠﯩﻨﻰ ﺭﺍﯞﺍﻥ ﺳﯚﺯﻟﻪﻳﺪﯨﻐﺎﻥ ﻫﺎﻟﻪﺗﻜﻪ ﻛﻪﻟﺘﯜﺭﯛﺷﻨﻰ ﭘﯩﻼﻧﻠﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﺭﯦﺌﺎﻟﻨﻰ ﺋﻪﻣﻪﻟﯩﻴﻪﺗﻜﻪ ﺋﯘﻳﻐﯘﻥ ﺋﻪﻣﻪﺱ، ﭼﯜﻧﻜﻰ ﻣﻪﺩﻩﻧﯩﻴﻪﺗﻨﻰ ﺋﯚﺯﮔﻪﺭﺗﯩﺶ ﺋﯘﻧﭽﻪ ﺋﺎﺳﺎﻥ ﺑﻮﻟﻤﯩﺴﺎ ﻛﯧﺮﻩﻙ. ﻟﯧﻜﯩﻦ ﻫﺎﺯﯨﺮﻗﻰ ﻫﯚﻛﯜﻣﻪﺕ ﺋﺎﺩﺩﯨﻲ ﻫﺎﻟﺪﯨﻜﻰ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﻗﻮﻟﻠﯩﻨﯩﭗ، ﻣﯘﻗﯩﻤﻠﯩﻘﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﻤﺎﻗﭽﻰ ﺑﻮﻟﯘﯞﺍﺗﯩﺪﯗ، ﺋﯘﻻﺭ ﺑﯘﻧﺪﺍﻕ ﻗﯩﻠﯩﺶ ﻧﻪﺗﯩﺠﯩﺴﯩﺪﻩ، ﺋﯘﻳﻐﯘﺭﻻﺭﺩﯨﻦ ﻳﯩﺮﺍﻗﻼﭖ ﻛﻪﺗﺘﻰ، ﻫﯚﻛﯜﻣﻪﺗﻨﯩﯔ ﺑﯘ ﺧﯩﻞ ﺳﯩﻴﺎﺳﯩﺘﻰ ﺋﯘﻳﻐﯘﺭﻻﺭﻧﻰ ﻏﻪﺯﻩﭘﻠﻪﻧﺪﯛﺭﯛﭖ، ﺧﯩﺘﺎﻳﻼﺭﻧﻰ ﻧﺎﺭﺍﺯﻯ ﻗﯩﻠﺪﻯ. ﺗﯧﺨﯩﻤﯘ ﻳﺎﻣﺎﻥ ﺑﻮﻟﻐﯩﻨﻰ، ﺋﯘﻻﺭ ﺑﺎﺭﻟﯩﻖ ﺋﯘﭼﯘﺭ ﯞﺍﺳﺘﯩﻠﯩﺮﯨﻨﻰ ﻗﺎﻣﺎﻝ ﻗﯩﻠﯩﯟﯦﻠﯩﭗ، ﻛﻮﭼﺎ ﺋﯧﻐﯩﺰﻟﯩﺮﯨﻐﺎ ﺗﻮﺳﺎﻕ ﻗﻮﻳﯘﭖ ﻗﺎﺗﺘﯩﻖ ﺗﻪﻛﺸﯜﺭﯛﭖ، ﻛﻮﭼﯩﻼﺭﺩﺍ ﻫﻪﺭﺑﯩﻴﻠﻪﺭ ﯞﻩ ﺧﻪﻟﻖ ﺋﻪﺳﻜﻪﺭﻟﯩﺮﯨﻨﻰ ﺗﯘﺭﻏﯘﺯﺩﻯ.

ﭘﺎﺋﯘﻝ ﻣﻮﺯﻭﺭ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﻳﯜﺭﮔﯜﺯﯛﯞﺍﺗﻘﺎﻥ ﺳﯩﻴﺎﺳﯩﺘﯩﮕﻪ ﻗﺎﺭﯨﺘﺎ ﺋﯚﺯ ﺗﻪﻫﻠﯩﻠﯩﺮﻯ ﯞﻩ ﻗﺎﺭﺍﺷﻠﯩﺮﯨﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ. ﺋﯘﻧﯩﯔ ﺗﻪﻫﻠﯩﻠﯩﺮﯨﻨﻰ ﺗﯚﯞﻩﻧﺪﯨﻜﯩﺪﻩﻙ ﻣﻪﺯﻣﯘﻧﻼﺭﻏﺎ ﻳﯩﻐﯩﻨﭽﺎﻗﻼﺵ ﻣﯘﻣﻜﯩﻦ: "ﻫﺎﺯﯨﺮ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ، ﺋﯘﻳﻐﯘﺭﻻﺭ ﯞﻩ ﺋﯘﻻﺭﻧﯩﯔ ﺑﺎﻟﯩﻠﯩﺮﻯ ﺋﯜﭼﯜﻥ ﻣﻪﺧﭙﯩﻲ ﻣﺎﺯﺍﺭ ﺳﺎﻟﻤﺎﻗﭽﯩﻤﯘ ؟ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﯩﻠﯩﯟﺍﺗﻘﺎﻥ ﺑﯘ ﺧﯩﻞ ﻗﺎﺗﺘﯩﻖ ﻗﻮﻝ ﺳﯩﻴﺎﺳﻪﺕ، ﺳﻮﻓﯩﺰﻡ ﺋﻪﻗﯩﺪﯨﺴﯩﻨﻰ ﺋﯚﺯﯨﮕﻪ ﺳﯩﯖﺪﯛﺭﮔﻪﻥ ﺑﯘ ﻣﯘﻻﻳﯩﻢ ﻣﯩﻠﻠﻪﺗﺘﯩﻤﯘ، ﺋﯚﭺ ﺋﺎﻟﯩﺪﯨﻐﺎﻥ ﻫﻪﺭﯨﻜﻪﺗﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺸﻰ ﻣﯘﻣﻜﯩﻦ. ﺋﻪﮔﻪﺭ ﺧﯩﺘﺎﻱ ﺷﯩﻨﺠﺎﯕﺪﯨﻦ ﺋﺎﻳﺮﯨﻠﯩﭗ ﻗﺎﻟﺴﺎ، ﺋﯩﭙﺎﺭﺧﺎﻧﻐﺎ ﺋﻮﺧﺸﺎﺵ ﻳﯧﯖﻰ ﺑﯩﺮ ﺋﻪﯞﻻﺩ ﺋﻮﺗﺘﯘﺭﺍ ﺗﻪﺑﯩﻘﯩﻐﻪ ﻣﻪﻧﺴﯘﭖ ﺋﯘﻳﻐﯘﺭ ﻳﺎﺷﻠﯩﺮﻯ، ﻣﻪﻟﯘﻡ ﭘﯘﺭﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ، ﺑﯘ ﺭﺍﻳﻮﻧﺪﯨﻜﻰ ﺋﯚﺯﮔﯩﺮﯨﺸﻨﻰ ﺑﺎﺭﻟﯩﻘﻘﺎ ﻛﻪﻟﺘﯜﺭﯛﺷﻰ ﻣﯘﻣﻜﯩﻦ."

ﺋﺎﭘﺘﻮﺭ، "ﺋﺎﻗﺎﺭﻏﺎﻥ ﺳﯚﯕﻪﻛﻠﻪﺭ ﯞﻩ ﻣﺎﺯﺍﺭﻻﺭ" ﻧﺎﻣﻠﯩﻖ ﻣﺎﻗﺎﻟﯩﺴﯩﻨﻰ ﻣﯘﻧﯘ ﺟﯜﻣﻠﯩﻠﻪﺭ ﺑﯩﻠﻪﻥ ﺋﺎﻳﺎﻗﻼﺷﺘﯘﺭﯨﺪﯗ:

"ﺷﯩﻨﺠﺎﯕﻨﯩﯔ ﻳﻪﺭ ﻳﯜﺯﻯ ﺋﯚﻟﯜﻛﻠﻪﺭ، ﻣﯘﻣﯩﻴﺎﻻﺭ ﯞﻩ ﻣﺎﺯﺍﺭﻟﯩﻘﻼﺭ ﺑﯩﻠﻪﻥ ﻗﺎﭘﻼﻧﻐﺎﻥ، ﺑﯘﻻﺭ ﻛﯩﺸﯩﻨﻰ ﺋﻪﯓ ﻣﻪﻫﻠﯩﻴﺎ ﻗﯩﻠﯩﺪﯨﻐﺎﻥ ﻣﻪﻧﺰﯨﺮﯨﻠﯩﻚ ﺟﺎﻳﻼﺭ ﻫﻪﻡ ﻗﺎﺑﺎﻫﻪﺗﻠﯩﻚ ﺗﺎﺭﯨﺨﻨﯩﯔ ﻫﯩﻜﺎﻳﯩﻠﯩﺮﻯ. ﺑﻪﺧﺘﺴﯩﺰﻟﯩﻚ ﺷﯘﻛﻰ، ﺧﯩﺘﺎﻱ ﺟﯘﻣﻬﯘﺭﯨﻴﯩﺘﯩﻨﯩﯔ 60 ﻳﯩﻠﻠﯩﻖ ﺗﺎﺭﯨﺨﯩﺪﺍ، ﺷﯩﻨﺠﺎﯕﻨﯩﯔ ﺗﺎﻻﺵ- ﺗﺎﺭﺗﯩﺶ ﯞﻩ ﺗﻮﭘﯩﻼﯓ ﺋﯩﭽﯩﺪﯨﻜﻰ ﺗﺎﺭﯨﺨﻰ ﺑﯘ ﻳﻪﺭﺩﯨﻜﻰ ﺋﯩﻨﺘﺎﻳﯩﻦ ﺋﺎﺯ ﺳﺎﻧﺪﯨﻜﻰ ﻫﯚﻛﯜﻣﺮﺍﻧﻼﺭﻏﯩﻼ ﺋﯚﺯﯨﻨﻰ ﺗﯘﺗﯩﯟﯦﻠﯩﺶ ﻫﻪﻡ ﻛﻪﭼﯜﺭﯛﻡ ﻗﯩﻠﯩﺸﻨﻰ ﺋﻮﻳﻠﯩﺸﯩﭗ ﺑﯧﻘﯩﺸﻨﻰ ﺋﯚﮔﻪﺗﺘﻰ. ﺋﻪﻛﺴﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯜﺯﻟﯜﻛﺴﯩﺰ ﻫﺎﻟﺪﺍ ﺋﯩﻠﮕﯩﺮﯨﻜﯩﻠﻪﺭﻧﯩﯔ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺋﻪﻧﺌﻪﻧﯩﺴﯩﮕﻪ ﯞﺍﺭﺳﻠﯩﻖ ﻗﯩﻠﯩﺸﻰ ﺑﯘ ﻳﻪﺭﻧﻰ ﺩﺍﯞﺍﻣﻠﯩﻖ ﻫﺎﻟﺪﺍ ﺋﺎﻗﺎﺭﻏﺎﻥ ﺳﯚﯕﻪﻛﻠﻪﺭ ﯞﻩ ﻣﺎﺯﺍﺭﻟﯩﻘﻼﺭﻏﺎ ﺋﺎﻳﻼﻧﺪﯗﺭﻣﺎﻗﺘﺎ."

ﻗﻪﺩﯨﺮﻟﯩﻚ ﺋﻮﻗﯘﺭﻣﻪﻥ ﺩﻭﺳﺘﻼﺭ، ﭘﺎﺋﻮﻝ ﻣﻮﺯﻭﺭ ﻫﺎﺯﯨﺮ ﺗﻪﻳﯟﻩﻧﺪﻩ ﺧﯩﺘﺎﻱ ﺗﯩﻠﻰ ﺋﯚﮔﯩﻨﯩﯟﺍﺗﻘﺎﻥ ﺑﻮﻟﯘﭖ، ﺋﯘ ﺑﯜﮔﯜﻥ ﺭﺍﺩﯨﺌﻮﻣﯩﺰ ﺋﯘﻳﻐﯘﺭ ﺑﯚﻟﯜﻣﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺋﯚﺯﯨﻨﯩﯔ ﺑﯘ 3 ﭘﺎﺭﭼﻪ ﻣﺎﻗﺎﻟﯩﻨﻰ ﻳﯧﺰﯨﺸﯩﻐﺎ ﺳﻪﯞﻩﺑﭽﻰ ﺑﻮﻟﻐﺎﻥ ﺋﺎﻣﯩﻠﻼﺭ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ. ﺑﯩﺰ ﻛﯧﻠﻪﺭ ﻗﯧﺘﯩﻤﻠﯩﻖ ﺋﺎﯕﻠﯩﺘﯩﺸﯩﻤﯩﺰﺩﺍ ﭘﺎﺋﻮﻝ ﻣﻮﺯﯗﺭ ﺑﯩﻠﻪﻥ ﺋﯘﻧﯩﯔ ﻳﺎﺯﻣﯩﻠﯩﺮﻯ ﻫﻪﻗﻘﯩﺪﻩ ﺗﻪﻳﻴﺎﺭﻟﯩﻐﺎﻥ ﭘﺮﻭﮔﺮﺍﻣﻤﯩﻤﯩﺰﻧﻰ ﺋﻮﻗﯘﺭﻣﻪﻧﻠﯩﺮﯨﻤﯩﺰﻧﯩﯔ ﻫﻮﺯﯗﺭﯨﻐﺎ ﺳﯘﻧﻤﺎﻗﭽﯩﻤﯩﺰ.

 

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز