ﺳﯩﻨﮕﺎﭘﻮﺭ ﺋﯩﭽﻜﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻟﻰ ﮔﯘﺍﯕﺨﯘﻱ 29 - ﺋﯚﻛﺘﻪﺑﯩﺮ ﻛﯜﻧﻰ ﺋﺎﻗﺴﺎﺭﺍﻳﺪﺍ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﺎﺭﺍﻙ ﺋﻮﺑﺎﻣﺎ ﺑﯩﻠﻪﻥ ﻛﯚﺭﯛﺷﻜﯩﻨﯩﺪﻩ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺋﻮﺑﺎﻣﺎﻏﺎ ﻧﯚﯞﻩﺗﺘﯩﻜﻰ ﯞﻩﺯﯨﻴﻪﺗﺘﻪ، ﺋﺎﻣﯧﺮﯨﻜﯩﻨﯩﯔ ﺷﻪﺭﻗﯩﻲ ﺟﻪﻧﯘﺑﯩﻲ ﺋﺎﺳﯩﻴﺎ ﻫﻪﻡ ﺷﻪﺭﻗﯩﻲ ﺋﺎﺳﯩﻴﺎ ﺭﺍﻳﻮﻧﯩﻐﺎ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻥ ﺩﻩﯞﺭﯨﻨﯩﯔ ﻳﯧﺘﯩﭗ ﻛﻪﻟﮕﻪﻧﻠﯩﻜﯩﻨﻰ ﺋﯩﭙﺎﺩﯨﻠﻪﭖ، ﺋﺎﻣﯧﺮﯨﻜﯩﻨﯩﯔ ﺷﻪﺭﻗﯩﻲ ﺟﻪﻧﯘﺑﯩﻲ ﺋﺎﺳﯩﻴﺎ ﺩﯙﻟﻪﺗﻠﯩﺮﻯ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﺘﻪ ﺗﻪﯕﺸﯩﮕﯜﭼﻠﯜﻙ ﺭﻭﻝ ﺋﻮﻳﻨﯩﺸﯩﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﮕﻪﻥ.

ﻟﻰ ﮔﯘﺍﯕﺨﯘﻳﻨﯩﯔ ﭘﺮﯦﺮﯨﺪﯦﻨﺖ ﺋﻮﺑﺎﻣﺎ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺗﻪﻟﯩﭙﻰ ﺧﻪﻟﻘﺌﺎﺭﺍﺩﺍ ﻛﯜﭼﻠﯜﻙ ﺋﯩﻨﻜﺎﺱ ﻗﻮﺯﻏﯩﻐﺎﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ 4 - ﻧﻮﻳﺎﺑﯩﺮ ﻛﯜﻧﻰ ﺑﯘ ﻫﻪﻗﺘﻪ ﻣﯘﻻﻫﯩﺰﻩ ﻣﺎﻗﺎﻟﯩﺴﻰ ﺋﯧﻼﻥ ﻗﯩﻠﻐﺎﻥ. ﻣﺎﻗﺎﻟﯩﺪﺍ، " ﻟﻰ ﮔﯘﺍﯕﺨﯘﻳﻨﯩﯔ ﺋﻮﺑﺎﻣﺎﻧﯩﯔ ﺑﯘ ﻧﯚﯞﻩﺗﻠﯩﻚ ﺯﯨﻴﺎﺭﯨﺘﯩﺪﯨﻦ ﻛﯜﺗﻜﻪﻥ ﺗﻪﻟﯩﭙﻰ، ﻧﯚﯞﻩﺗﺘﻪ ﺧﯩﺘﺎﻱ ﺋﯩﻘﺘﯩﺴﺎﺩﯨﻨﯩﯔ ﺗﻪﺭﻩﻗﻘﯩﻴﺎﺗﻰ، ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﻯ ﺟﻪﻫﻪﺗﺘﯩﻨﻼ ﺋﻪﻣﻪﺱ ﺑﻪﻟﻜﻰ ﺳﯩﻴﺎﺳﯩﻲ ﺟﻪﻫﻪﺗﻠﻪﺭﺩﯨﻤﯘ، ﺷﻪﺭﻗﯩﻲ ﺋﺎﺳﯩﻴﺎ ﯞﻩ ﺷﻪﺭﻗﯩﻲ ﺟﻪﻧﯘﺑﯩﻲ ﺋﺎﺳﯩﻴﺎ ﺭﺍﻳﻮﻧﻠﯩﺮﯨﺪﺍ ﺋﯚﺯ ﺗﻪﺳﯩﺮﯨﻨﻰ ﻛﯚﺭﺳﯩﺘﯩﭗ، ﺋﻪﺗﺮﺍﭘﺘﯩﻜﻰ ﺩﯙﻟﻪﺗﻠﻪﺭﻧﻰ ﺑﯩﺌﺎﺭﺍﻡ ﻗﯩﻠﯩﯟﺍﺗﻘﺎﻧﻠﯩﻘﻰ ﺳﻪﯞﻩﺑﯩﺪﯨﻦ ﺑﻮﻟﻐﺎﻥ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺗﻪﻫﻠﯩﻞ ﻗﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺑﯘ ﻳﯩﻠﻼﺭﺩﯨﻜﻰ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﺑﺎﺵ ﻛﯚﺗﯜﺭﯛﺷﻰ، ﺩﯗﻧﻴﺎﺩﺍ ﺋﺎﺳﯩﻴﺎﺩﯨﻜﻰ "4 ﻛﯩﭽﯩﻚ ﺋﻪﺟﺪﯨﻬﺎ " ﺩﻩﭖ ﻧﺎﻡ ﺋﯧﻠﯩﭗ ﻛﯧﻠﯩﯟﺍﺗﻘﺎﻥ ﻳﺎﭘﻮﻧﯩﻴﻪ، ﺟﻪﻧﯘﺑﯩﻲ ﻛﻮﺭﯦﻴﻪ، ﺳﯩﻨﮕﺎﭘﻮﺭ، ﻣﺎﻻﻳﺸﯩﻴﺎ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﯩﻐﺎ ﺗﻪﻫﺪﯨﺖ ﺋﯧﻠﯩﭗ ﻛﻪﻟﮕﻪﻥ ﺑﻮﻟﯘﭖ، ﺧﯩﺘﺎﻳﻨﯩﯔ ﺗﻪﻧﻨﻪﺭﻗﻰ ﺋﻪﺭﺯﺍﻥ ﻣﺎﻟﻠﯩﺮﯨﻨﯩﯔ ﻳﺎﯞﺭﻭﭘﺎ ﯞﻩ ﺋﺎﻣﯧﺮﯨﻜﺎ ﺑﺎﺯﺍﺭﻟﯩﺮﯨﻨﻰ ﺋﯩﮕﯩﻠﯩﯟﯦﻠﯩﺸﻰ، ﺑﯘ ﺩﯙﻟﻪﺗﻠﻪﺭ ﺋﯩﺸﻠﻪﭘﭽﯩﻘﺎﺭﻏﺎﻥ ﺗﻪﻧﻨﻪﺭﻗﻰ ﻳﯘﻗﯩﺮﻯ، ﺳﯜﭘﯩﺘﻰ ﻳﺎﺧﺸﻰ ﻣﺎﻟﻼﺭﻧﯩﯔ ﺳﯧﺘﯩﻠﯩﺸﯩﻐﺎ ﺗﻮﺳﺎﻟﻐﯘ ﺑﻮﻟﻐﺎﻥ.

ﺳﯩﻨﮕﺎﭘﻮﺭ ﺩﯙﻟﻪﺗﻠﯩﻚ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺳﯩﻴﺎﺳﻪﺕ ﻓﺎﻛﯘﻟﺘﯧﺘﯩﻨﯩﯔ ﺋﻮﻗﯘﺗﻘﯘﭼﯩﺴﻰ ﮔﺎﯞ ﺟﯩﺸﯧﻦ ﺋﻪﭘﻪﻧﺪﻯ، ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﯩﻨﯩﺪﺍ، ﻟﻰ ﮔﯘﺍﯕﺨﯘﻳﻨﯩﯔ ﭘﺮﯦﺮﯨﺪﯦﻨﺖ ﺋﻮﺑﺎﻣﺎ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺗﻪﻟﯩﭙﯩﻨﻰ ﺋﻮﺭﯗﻧﻠﯘﻕ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﻣﯘﻧﺪﺍﻕ ﺩﯦﮕﻪﻥ: "ﻟﻰ ﮔﯘﺍﯕﺨﯘﻱ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺗﻪﻟﻪﭖ ﺋﻪﻣﻪﻟﯩﻴﻪﺗﺘﻪ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﻨﯩﯔ ﺗﻪﻟﯩﭙﻰ ﺩﯦﻴﯩﺸﻜﻪ ﺑﻮﻟﯩﺪﯗ، ﭼﯜﻧﻜﻰ ﻧﯚﯞﻩﺗﺘﯩﻜﻰ ﺷﺎﺭﺍﺋﯩﺘﺘﺎ ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﺑﺎﺵ ﻛﯚﺗﯜﺭﯛﺷﻰ، ﺋﻪﺗﺮﺍﭘﺘﯩﻜﻰ ﻗﻮﺷﻨﺎ ﺩﯙﻟﻪﺗﻠﻪﺭﻧﯩﯔ ﻧﻮﺭﻣﺎﻝ ﺋﯩﮕﯩﻠﯩﻚ ﺗﻪﺭﻩﻗﻘﯩﻴﺎﺗﯩﻐﺎ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﯟﺍﺗﯩﺪﯗ، ﺋﯘﻧﯩﯔ ﺋﯜﺳﺘﯩﮕﻪ ﺧﯩﺘﺎﻱ ﺋﯚﺯ ‏ - ﺋﺎﺭﺍ ﻫﻪﻣﻜﺎﺭﻟﯩﻖ ﺋﺎﺳﺎﺳﯩﺪﯨﻜﻰ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕ ﻧﯩﺸﺎﻧﻰ ﺋﻪﻣﻪﺱ، ﺑﻪﻟﻜﻰ ﻣﻮﻧﻮﭘﻮﻝ ﻗﯩﻠﯩﯟﯦﻠﯩﺶ ﺧﺎﺭﺍﻛﺘﯧﺮﯨﺪﯨﻜﻰ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕ ﺗﯜﺯﯛﻟﻤﯩﺴﯩﻨﻰ ﻗﻮﻟﻠﯩﻨﯩﯟﺍﺗﻘﺎﻧﻠﯩﻘﻰ ﺋﯜﭼﯜﻥ، ﺋﻪﺗﺮﺍﭘﺘﯩﻜﻰ ﺩﯙﻟﻪﺗﻠﻪﺭﻧﯩﯔ ﺧﯩﺘﺎﻳﻐﺎ ﺑﻮﻟﻐﺎﻥ ﺋﯩﺸﻪﻧﭽﻰ ﺗﯚﯞﻩﻧﻠﻪﭖ، ﺷﻪﺭﻗﯩﻲ ﺋﺎﺳﯩﻴﺎ ﺭﺍﻳﻮﻧﯩﺪﯨﻜﻰ ﺩﯙﻟﻪﺗﻠﻪﺭ ﺧﯩﺘﺎﻳﻨﻰ ﺑﯘ ﺭﺍﻳﻮﻧﻨﯩﯔ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﯩﻐﯩﻼ ﺋﻪﻣﻪﺱ، ﺑﻪﻟﻜﻰ ﺋﯩﺠﺘﯩﻤﺎﺋﯩﻲ ﯞﻩﺯﯨﻴﯩﺘﯩﮕﯩﻤﯘ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﺸﻰ ﻣﯘﻣﻜﯩﻦ ﺩﻩﭖ ﻗﺎﺭﺍﯞﺍﺗﯩﺪﯗ. ﺷﯘﯕﺎ ﺑﯘ ﺩﯙﻟﻪﺗﻠﻪﺭ ﺋﺎﻣﯧﺮﯨﻜﯩﺪﻩﻙ ﺑﯩﺮ ﭼﻮﯓ ﺩﯙﻟﻪﺗﻨﯩﯔ، ﺷﻪﺭﻗﯩﻲ ﺋﺎﺳﯩﻴﺎ ﺩﯙﻟﻪﺗﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺗﻨﻰ ﻛﯜﭼﻪﻳﺘﯩﭗ، ﺧﯩﺘﺎﻱ ﺑﯩﻠﻪﻥ ﺑﯘ ﺩﯙﻟﻪﺗﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﺘﻪ ﺗﻪﯕﺸﯩﮕﯜﭼﻠﯜﻙ ﺭﻭﻝ ﺋﻮﻳﻨﯩﺸﯩﻨﻰ ﺋﯜﻣﯩﺪ ﻗﯩﻠﻤﺎﻗﺘﺎ."

ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻗﺎﺭﯨﺸﯩﭽﻪ، ﭘﺮﯦﺰﯨﺪﯦﻨﺖ ﺋﻮﺑﺎﻣﺎﻧﯩﯔ 12 ‏- ﻧﻮﻳﺎﺑﯩﺮﺩﯨﻦ 19 - ﻧﻮﻳﺎﺑﯩﺮﻏﺎ ﻗﻪﺩﻩﺭ ﺷﻪﺭﻗﯩﻲ ﺋﺎﺳﯩﻴﺎﺩﯨﻜﻰ ﻳﺎﭘﻮﻧﯩﻴﻪ، ﺟﻪﻧﯘﺑﯩﻲ ﻛﻮﺭﯨﻴﻪ، ﺳﯩﻨﮕﺎﭘﻮﺭ ﺧﯩﺘﺎﻱ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﮔﻪ ﺑﻮﻟﻐﺎﻥ ﺯﯨﻴﺎﺭﯨﺘﯩﺪﻩ، ﺧﯩﺘﺎﻱ ﺋﻪﯓ ﻣﯘﻫﯩﻢ ﺑﯧﻜﻪﺗﻠﻪﺭﻧﯩﯔ ﺑﯩﺮﻯ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ. ﺋﻮﺑﺎﻣﺎﻧﯩﯔ ﺑﯘ ﺯﯨﻴﺎﺭﯨﺘﻰ ﺷﻪﺭﻗﯩﻲ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﻨﯩﯖﻼ ﺩﯨﻘﻘﯩﺘﯩﻨﻰ ﺟﻪﻟﭗ ﻗﯩﻠﯩﯟﺍﺗﻘﺎﻥ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﺧﯩﺘﺎﻱ ﯞﻩ ﺋﺎﻣﯧﺮﯨﻜﯩﺪﯨﻦ ﺋﯩﺒﺎﺭﻩﺕ ﻫﻪﺭ ﺋﯩﻜﻜﯩﻼ ﺩﯙﻟﻪﺕ ﺋﯜﭼﯜﻧﻤﯘ ﻧﺎﻫﺎﻳﯩﺘﻰ ﻣﯘﻫﯩﻢ ﺑﻮﻟﯘﭖ، ﺋﯩﻜﻜﻰ ﺩﯙﻟﻪﺗﻨﯩﯔ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﻠﯩﺮﻯ ﺋﻮﺑﺎﻣﺎﻧﯩﯔ ﺧﯩﺘﺎﻳﺪﯨﻜﻰ ﺯﯨﻴﺎﺭﯨﺘﯩﮕﻪ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﻮﺑﺎﻣﺎﻧﯩﯔ ﺯﯨﻴﺎﺭﯨﺘﻰ ﻣﻪﺯﮔﯩﻠﻰ ﺧﯩﺘﺎﻱ ﺋﯜﭼﯜﻥ ﭘﻪﯞﻗﯘﻟﺌﺎﺩﺩﻩ ﺑﯩﺮ ﯞﻩﺯﯨﻴﻪﺕ ﺑﻮﻟﯘﭖ، ﮔﻪﺭﭼﻪ ﺧﯩﺘﺎﻱ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﺋﯚﺭﻟﻪﺵ ﺑﺎﺳﻘﯘﭼﯩﺪﺍ ﺗﯘﺭﯗﯞﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﯩﺘﺎﻱ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﻩﺗﻜﯜﭼﯩﻠﯩﺮﻯ ﺗﻪﺭﯨﭙﯩﺪﯨﻦ ﺋﯜﺯﻟﯜﻛﺴﯩﺰ ﺋﻪﻳﯩﺒﻠﯩﻨﯩﯟﺍﺗﻘﺎﻥ؛ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ 5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﯩﺪﯨﻦ ﻛﯧﻴﯩﻨﻜﻰ ﯞﻩﺯﯨﻴﻪﺕ ﺗﯧﺨﻰ ﺗﻮﻟﯘﻕ ﻛﻮﻧﺘﺮﻭﻝ ﻗﯩﻠﯩﻨﯩﭗ ﺑﻮﻟﻤﯩﻐﺎﻥ ﺑﻮﻟﯘﭖ، 4 ﺋﺎﻳﺪﯨﻦ ﺑﯘﻳﺎﻥ ﺋﯜﺯﯛﯞﯦﺘﯩﻠﮕﻪﻥ ﺋﯩﻨﺘﯧﺮﻧﯧﺖ - ﺗﯧﻠﯧﻔﻮﻥ ﺋﺎﻻﻗﯩﻠﯩﺮﻯ ﺗﯧﺨﻰ ﺋﻪﺳﻠﯩﮕﻪ ﻛﻪﻟﻤﯩﮕﻪﻥ؛ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ 100 ﻛﯜﻧﻠﯜﻙ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ؛ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺑﻮﻟﺴﺎ ﺋﻪﺭﺯﺩﺍﺭﻻﺭ ﻛﯚﭘﯩﻴﯩﭗ، ﻫﯚﻛﯜﻣﻪﺕ ﺋﯘﻻﺭﻏﺎ ﻗﺎﺭﺷﻰ ﻗﺎﺗﺘﯩﻖ ﺗﻪﺩﺑﯩﺮ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ؛ ﺩﺍﻻﻱ ﻻﻣﺎﻧﯩﯔ ﺧﯩﺘﺎﻱ - ﻫﯩﻨﺪﯨﺴﺘﺎﻥ ﭼﯧﮕﺮﺍ ﺭﺍﻳﻮﻧﯩﺪﯨﻜﻰ ﺯﯨﻴﺎﺭﯨﺘﻰ ﺧﯩﺘﺎﻳﻨﻰ ﺑﯩﺌﺎﺭﺍﻡ ﻗﯩﻠﯩﯟﺍﺗﻘﺎﻥ ﺑﯩﺮ ﻣﻪﺯﮔﯩﻠﮕﻪ ﺗﻮﻏﺮﺍ ﻛﻪﻟﮕﻪﻥ. ﺧﯩﺘﺎﻳﻨﯩﯔ ﻣﯘﺋﺎﯞﯨﻦ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺩﻩﻱ ﺑﯩﯖﮕﻮ ﺋﻮﺑﺎﻣﺎﻧﯩﯔ ﺯﯨﻴﺎﺭﯨﺘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، " ﺑﯘ ﺧﯩﺘﺎﻱ - ﺋﺎﻣﯧﺮﯨﻜﺎ ﻣﯘﻧﺎﺳﯩﯟﯨﺘﯩﺪﯨﻜﻰ ﺯﻭﺭ ﺗﺎﺭﯨﺨﯩﻲ ﯞﻩﻗﻪ" ﺩﻩﭖ ﺗﻪﺭﯨﭙﻠﻪﺵ ﺑﯩﻠﻪﻥ ﺑﯩﻠﻠﻪ، ﺗﻪﺭﻩﭘﻠﻪﺭﻧﻰ ﺋﯚﺯ ‏ - ﺋﺎﺭﺍ ﺑﯩﺮ ‏ - ﺑﯩﺮﯨﻨﯩﯔ ﻣﻪﻧﭙﻪﺋﻪﺗﯩﮕﻪ ﻫﯚﺭﻣﻪﺕ ﻛﯚﺭﺳﯩﺘﯩﺸﻜﻪ ﺋﯜﻧﺪﯨﮕﻪﻥ.

ﺋﺎﻗﺴﺎﺭﺍﻱ ﺑﺎﻳﺎﻧﺎﺗﭽﯩﺴﻰ ﻟﻰ ﮔﯘﺍﯕﺨﯘﻱ ﺑﯩﻠﻪﻥ ﺋﻮﺑﺎﻣﺎ ﺋﻮﺗﺘﯘﺭﯨﺴﯩﺪﯨﻜﻰ ﺳﯚﻫﺒﻪﺗﻨﯩﯔ ﻛﻮﻧﻜﺮﯦﺖ ﻣﻪﺯﻣﯘﻧﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﺎﻟﻤﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﻮﺑﺎﻣﺎ ﺑﯩﻠﻪﻥ ﻟﻰ ﮔﯘﺍﯕﺨﯘﻳﻨﯩﯔ ﺳﯚﻫﺒﯩﺘﯩﺪﻩ ﺷﻪﺭﻗﯩﻲ ﺟﻪﻧﯘﺑﯩﻲ ﺋﺎﺳﯩﻴﺎ ﺭﺍﻳﻮﻧﯩﻨﯩﯔ ﺳﯩﻴﺎﺳﯩﻲ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﭘﯩﻜﯩﺮ ﺋﺎﻟﻤﺎﺷﺘﯘﺭﻏﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺗﻪﻫﻠﯩﻞ ﻗﯩﻠﯩﺸﯩﭽﻪ، ﺋﻮﺑﺎﻣﺎﻧﯩﯔ ﺧﯩﺘﺎﻱ ﺯﯨﻴﺎﺭﯨﺘﻰ ﺗﻮﻏﺮﺍ ﻛﻪﻟﮕﻪﻥ ﯞﺍﻗﯩﺘﻨﯩﯔ ﺋﯚﺯﻯ ﺋﺎﻣﯧﺮﯨﻜﺎ ﺋﯜﭼﯜﻧﻤﯘ ﺋﺎﻻﻫﯩﺪﻩ ﺑﯩﺮ ﺩﻩﯞﺭ ﺑﻮﻟﯘﭖ، ﺑﯘ ﺩﻩﯞﺭ ﺋﺎﻣﯧﺮﯨﻜﯩﻨﯩﯔ ﺋﯩﻘﺘﯩﺴﺎﺩﻯ ﻛﺮﯨﺰﯨﺴﻨﯩﯔ ﺧﯩﺮﯨﺴﯩﻐﺎ ﺩﯗﭺ ﻛﯧﻠﯩﯟﺍﺗﻘﺎﻥ، ﺩﯗﻧﻴﺎ ﭘﯘﻝ - ﻣﯘﺋﺎﻣﯩﻠﻪ ﺑﺎﺯﯨﺮﯨﻰ ﺗﯘﺭﺍﻗﺴﯩﺰ ﻫﺎﻟﻪﺗﺘﻪ ﺗﯘﺭﯗﯞﺍﺗﻘﺎﻥ، ﻳﻪﺭ ﺷﺎﺭﻯ ﻫﺎﯞﺍ ﻛﯩﻠﯧﻤﺎﺗﻰ، ﺷﯩﻤﺎﻟﯩﻲ ﻛﻮﺭﯨﻴﻪ ﯞﻩ ﺋﯩﺮﺍﻥ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﻳﺎﺩﺭﻭ ﻗﻮﺭﺍﻟﻼﺭﯨﻨﯩﯔ ﻛﯧﯖﯩﻴﯩﺸﯩﻨﻰ ﺗﻮﺳﯘﺵ، ﺧﻪﻟﻘﺎﺍﺭﺍﺩﯨﻜﻰ ﺗﯧﺮﺭﻭﺭﻟﯘﻕ ﯞﻩ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﻠﯩﺮﯨﺪﻩ ﺧﯩﺘﺎﻳﻨﯩﯔ ﻫﻪﻣﻜﺎﺭﻟﯩﻘﯩﻐﺎ ﻣﻮﻫﺘﺎﺝ ﺑﻮﻟﯘﯞﺍﺗﻘﺎﻥ ﻣﻪﺯﮔﯩﻠﻰ ﺋﯩﻜﻪﻥ.

ﺷﯘﯕﺎ ﻳﻪﻧﻪ ﺑﻪﺯﻯ ﺗﻪﻫﻠﯩﻠﭽﯩﻠﻪﺭ، ﺋﺎﻣﯧﺮﯨﻜﯩﻨﯩﯔ ﻧﯘﺭﻏﯘﻥ ﻣﻪﺳﯩﻠﯩﻠﻪﺭﺩﻩ ﻳﻪﻧﯩﻼ ﺧﯩﺘﺎﻱ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺸﻘﺎ ﻣﻮﻫﺘﺎﺝ ﺋﯩﻜﻪﻧﻠﯩﻜﯩﻨﻰ، ﺑﯘ ﺋﻪﻫﯟﺍﻟﺪﺍ ﺋﻮﺑﺎﻣﺎﻧﯩﯔ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﻰ ﯞﻩ ﺷﻪﺭﻗﯩﻲ ﺟﻪﻧﯘﺑﯩﻲ ﺋﺎﺳﯩﻴﺎ ﻣﻪﺳﯩﻠﯩﻠﯩﺮﯨﺪﻩ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺶ ﻛﯜﭼﻰ ﭼﻪﻛﻠﯩﻚ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز