ﺋﯘﻧﺪﺍﻗﺘﺎ ﺑﯩﺰ ﺋﯜﭼﯜﻥ ﺋﺎﺷﯘﻧﺪﺍﻕ ﺳﯚﻳﯜﻧﯜﺷﻜﻪ، ﺋﺎﺷﯘﻧﺪﺍﻕ ﺋﻪﺳﻠﻪﭖ ﺗﯘﺭﯗﺷﻘﺎ ﺋﻪﯓ ﻻﻳﯩﻖ ﻛﯩﺸﯩﻠﻪﺭ ﻛﯩﻢ؟ ﺷﯜﺑﻬﯩﺴﯩﺰﻛﻰ، ﺑﯩﺰﻧﻰ ﻳﻮﻗﻠﯘﻗﺘﯩﻦ ﺑﺎﺭ ﻗﯩﻠﯩﭗ، ﺩﯗﻧﻴﺎ ﺗﯘﺭﻣﯘﺷﯩﻤﯩﺰﺩﯨﻜﻰ ﺗﻮﻏﺮﺍ - ﺧﺎﺗﺎ ﻳﻮﻟﻼﺭﻧﻰ ﻛﯚﺭﺳﯩﺘﯩﭗ، ﺗﻮﻏﺮﯨﺴﯩﻨﻰ ﺑﯩﺰﮔﻪ ﺋﺎﺗﺎ ﻗﯩﻠﻐﺎﻥ ﭘﻪﺭﯞﻩﺭﺩﯨﮕﺎﺭﯨﻤﯩﺰ ﺋﺎﻟﻼﻫ ﺗﺎﺋﺎﻻﺩﯨﻦ ﻗﺎﻟﯩﺴﻼ، ﺑﯩﺰﻟﻪﺭﮔﻪ ﺋﻪﯓ ﻛﯚﭖ ﺋﻪﺟﯩﺮ ﺳﯩﯖﺪﯛﺭﮔﻪﻥ، ﺩﻩﺭﺩﯨﻤﯩﺰﻧﻰ ﺗﺎﺭﺗﻘﺎﻥ، ﺑﯩﺰﮔﻪ ﻳﺎﺧﺸﯩﻠﯩﻘﻼﺭ ﺗﯩﻠﯩﮕﻪﻥ ﺑﯩﺰﻧﯩﯔ ﺋﺎﺗﺎ - ﺋﺎﻧﯩﻤﯩﺰ ﺑﻮﻟﯘﭖ، ﺩﯗﻧﻴﺎﺩﺍ ﺑﯩﺰﻟﻪﺭ ﺋﯜﭼﯜﻥ ﺋﯘﻻﺭﺩﻩﻙ ﺟﺎﭘﺎ ﭼﻪﻛﻜﻪﻥ، ﻏﯧﻤﯩﻤﯩﺰﻧﻰ ﻳﯧﮕﻪﻥ ﻛﯩﺸﯩﻠﻪﺭ ﻳﻮﻕ.

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﺋﺎﺑﺪﯗﻟﻜﻪﺭﯨﻢ ﻫﺎﺟﯩﻢ ﺑﯘ ﻫﻪﻗﺘﯩﻜﻰ ﺳﯚﻫﺒﯩﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯩﺪﻯ.

ﺋﺎﺑﺪﯗﻟﻜﻪﺭﯨﻢ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ

ﺋﺎﺑﺪﯗﻟﻜﻪﺭﯨﻢ ﻫﺎﺟﯩﻢ ﺋﺎﻧﯩﻨﯩﯔ ﺑﺎﻟﯩﻠﯩﺮﻯ ﺋﯜﺳﺘﯩﺪﯨﻜﻰ ﻫﻪﻗﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ:" ﺋﺎﺗﺎ - ﺋﺎﻧﯩﻐﺎ ﻳﺎﺧﺸﯩﻠﯩﻖ ﻗﯩﻠﯩﺶ ﺋﯘﻟﯘﻍ ﺋﯩﺶ. ﭼﯜﻧﻜﻰ ﺋﯘ ﺋﯩﺒﺎﺩﻩﺕ ﻫﻪﻡ ﻣﻪﺟﺒﯘﺭﯨﻴﻪﺕ. ﺋﺎﺗﺎ - ﺋﺎﻧﯩﻼﺭ ﺑﯩﺰﻧﻰ ﺑﯧﻘﯩﭗ، ﺗﻪﺭﺑﯩﻴﯩﻠﻪﭖ ﻣﯘﺷﯘ ﻫﺎﻟﻐﺎ ﻛﻪﻟﺘﯜﺭﯛﺵ ﻳﻮﻟﯩﺪﺍ ﻧﯘﺭﻏﯘﻧﻠﯩﻐﺎﻥ ﺟﺎﭘﺎ - ﻣﯘﺷﻪﻗﻘﻪﺗﻠﻪﺭﻧﻰ ﭼﻪﻛﻜﻪﻥ ﻛﯩﺸﯩﻠﯩﺮﯨﻤﯩﺰﺩﯗﺭ. ﺑﯩﺰ ﻛﯩﭽﯩﻚ ﺑﯩﺮ ﺑﺎﻟﯩﻨﯩﯔ ﺋﻪﻫﯟﺍﻟﯩﻐﺎ ﻧﻪﺯﻩﺭ ﺳﯧﻠﯩﭗ، ﺋﯘﻧﯩﯔ ﺗﯘﻏﯘﻟﯘﭖ ﭼﻮﯓ ﺑﻮﻟﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﯩﻜﻰ ﺋﻮﻣﯘﻣﯩﻲ ﻫﺎﻟﯩﺘﯩﻨﻰ ﺗﻪﺳﻪﯞﯞﯗﺭ ﻗﯩﻠﯩﭗ ﺑﺎﻗﻘﯩﻨﯩﻤﯩﺰﺩﺍ، ﺷﯘ ﻫﺎﻣﺎﻥ ﻗﯘﺭﺋﺎﻥ ﻛﻪﺭﯨﻤﺪﯨﻜﻰ:" ﺋﻪﻱ ﭘﻪﺭﯞﻩﺭﺩﯨﮕﺎﺭﯨﻢ! ﺳﻪﻥ ﺋﺎﺗﺎ - ﺋﺎﻧﺎﻡ ﺋﯩﻜﻜﯩﺴﯩﮕﻪ ﻣﯧﻨﻰ ﻛﯩﭽﯩﻜﯩﻤﺪﻩ ﺗﻪﺭﺑﯩﻴﯩﻠﯩﮕﯩﻨﯩﺪﻩﻙ ﺭﻩﻫﻤﻪﺕ ﻗﯩﻠﻐﯩﻦ" ﺩﯦﮕﻪﻥ ﺩﯗﺋﺎﻧﻰ ﺋﻮﻗﯘﻏﯩﻤﯩﺰ ﻛﯧﻠﯩﺪﯗ. ﻗﯧﻨﻰ ﺋﻮﻳﻼﭖ ﺑﯧﻘﯩﯔ! ﺳﯩﺰﻧﯩﯔ ﺋﺎﻧﯩﯖﯩﺰ ﻛﯜﻧﺴﯩﺮﻯ ﺋﺎﺟﯩﺰﻻﭖ ﺗﯘﺭﯨﺪﯨﻐﺎﻥ ﺗﻮﻗﻘﯘﺯ ﺋﺎﻱ ﺋﯩﭽﯩﺪﻩ ﺳﯩﺰﻧﻰ ﻣﯩﯔ ﺟﺎﭘﺎ ﺑﯩﻠﻪﻥ ﻗﻮﺭﺳﯩﻘﯩﺪﺍ ﻛﯚﺗﯜﺭﺩﻯ. ﻳﻪﻧﻪ ﺷﯘ ﺋﺎﺟﯩﺰﻟﯩﻖ ﻫﺎﻟﯩﺘﯩﺪﻩ ﺳﯩﺰﻧﻰ ﺗﯘﻏﺪﻯ، ﺳﯩﺰﻧﯩﯔ ﻗﻮﺭﺳﺎﻕ ﺋﯩﭽﯩﺪﯨﻜﻰ ﻛﯜﻧﺴﺎﻳﯩﻦ ﭼﻮﯕﯩﻴﯩﺸﯩﯖﯩﺰ، ﺋﯧﻐﯩﺮﻟﯩﺸﯩﯖﯩﺰ ﺋﺎﺗﯩﯖﯩﺰﻏﺎ ﻛﯜﻧﺴﺎﻳﯩﻦ ﺋﯧﻐﯩﺮﻟﯩﻖ - ﺋﺎﺟﯩﺰﻟﯩﻘﻼﺭﻧﻰ ﺋﯧﻠﯩﭗ ﻛﻪﻟﺪﻯ. ﺋﯘ ﻫﻪﺗﺘﺎ ﺳﯩﺰﻧﻰ ﺗﯘﻏﯘﺵ ﺋﺎﻟﺪﯨﺪﺍ ﺑﺎﺷﻘﺎ ﺑﯩﺮ ﺩﯗﻧﻴﺎﻏﺎ ﺑﯧﺮﯨﭗ ﻗﺎﻳﺘﻘﺎﻧﺪﻩﻙ، ﺩﯗﻧﻴﺎﻧﯩﯔ ﻫﻪﻣﻤﯩﺴﯩﻨﻰ ﻗﺎﺭﺍﯕﻐﯘﻟﯘﻕ ﺑﯧﺴﯩﭗ ﻛﻪﺗﻜﻪﻧﺪﻩﻙ، ﺧﯘﺩﺩﻯ ﺋﯚﻟﯜﻣﻨﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻧﺪﻩﻙ ﺑﻮﻟﺪﻯ. ﻟﯧﻜﯩﻦ ﺳﯩﺰ ﺗﯘﻏﯘﻟﻐﺎﻧﺪﯨﻦ ﻛﯧﻴﯩﻦ ﺳﯩﺰﻧﯩﯔ ﻣﯧﻬﺮﻯ ﺋﯩﺴﺴﯩﻖ ﺋﺎﻧﯩﯖﯩﺰ ﻛﯚﺯﯨﻨﻰ ﺋﯧﭽﯩﭗ ﺳﯩﺰﻧﯩﯔ ﻳﯧﻨﯩﺪﺍ ﻳﺎﺗﻘﺎﻧﻠﯩﻘﯩﯖﯩﺰﻧﻰ ﻛﯚﺭﮔﻪﻥ ﻫﺎﻣﺎﻥ ﺑﺎﺭﻟﯩﻖ ﺩﻩﺭﺩ - ﺋﻪﻟﻪﻣﻠﻪﺭﻧﻰ، ﺩﯗﻧﻴﺎﻧﻰ ﺯﯨﻠﺰﯨﻠﯩﮕﻪ ﻛﻪﻟﺘﯜﺭﮔﻪﻥ ﺗﻮﻟﻐﺎﻕ ﺋﺎﻏﺮﯨﻘﻼﺭﻧﻰ ﭘﯜﺗﯜﻧﻠﻪﻱ ﺋﯘﻧﺘﯘﭖ ﻛﯧﺘﯩﺪﯗ، ﺑﺎﺭﻟﯩﻖ ﺋﯜﻣﯩﺪ ﻳﻮﻟﻠﯩﺮﯨﻨﻰ ﺳﯩﺰﮔﻪ ﺑﺎﻏﻼﻳﺪﯗ، ﺳﯩﺰﺩﻩ ﮔﯜﺯﻩﻝ ﺗﯘﺭﻣﯘﺷﻨﯩﯔ ﺧﯘﺷﺎﻟﻠﯩﻘﻠﯩﺮﯨﻨﻰ، ﺑﻪﺧﺖ - ﺳﺎﺋﺎﺩﻩﺗﻠﯩﺮﯨﻨﻰ ﻛﯚﺭﯨﺪﯗ. ﺷﯘﻧﯩﯔ ﺑﯩﻠﻪﻥ ﺋﯘ ﻛﯧﭽﻪ - ﻛﯜﻧﺪﯛﺯﻟﻪﭖ ﺳﯩﺰ ﺋﯜﭼﯜﻥ ﺋﯩﺸﻠﻪﻳﺪﯗ، ﺳﯩﺰﮔﻪ ﺧﯩﺰﻣﻪﺕ ﻗﯩﻠﯩﺪﯗ، ﺳﯩﺰﻧﯩﯔ ﻛﯜﻧﺪﯨﻠﯩﻚ ﺋﯘﺯﯗﻗﯩﯖﯩﺰ ﺋﯘﻧﯩﯔ ﻗﯩﻤﻤﻪﺗﻠﯩﻚ ﺋﺎﻕ ﺳﯜﺗﻰ ﺑﻮﻟﯩﺪﯗ، ﺳﯩﺰﻧﯩﯔ ﺗﯘﺭﯨﺪﯨﻐﺎﻥ ﺋﯚﻳﯩﯖﯩﺰ ﺋﯘﻧﯩﯔ ﺋﯘﻧﯩﯔ ﺋﯩﺴﺴﯩﻖ ﺑﺎﻏﺮﻯ ﺑﻮﻟﯩﺪﯗ، ﺳﯩﺰﻧﯩﯔ ﺋﻮﻟﺘﯘﺭﯨﺪﯨﻐﺎﻥ، ﻣﯩﻨﯩﺪﯨﻐﺎﻥ ﻧﻪﺭﺳﯩﯖﯩﺰ ﺋﯘﻧﯩﯔ ﺋﯩﻜﻜﻰ ﻗﻮﻟﻰ - ﺩﯛﻣﺒﯩﺴﻰ ﺑﻮﻟﯩﺪﯗ، ﺋﯘ ﭘﯜﺗﯜﻥ ﯞﯗﺟﯘﺩﻯ ﺑﯩﻠﻪﻥ ﺳﯩﺰﻧﯩﯔ ﻫﺎﻟﯩﯖﯩﺰﺩﯨﻦ ﺧﻪﯞﻩﺭ ﺋﺎﻟﯩﺪﯗ، ﺋﯘ ﺳﯩﺰﻧﻰ ﺗﻮﻳﻐﯘﺯﯗﺵ ﺑﻪﺩﯨﻠﯩﮕﻪ ﺋﯚﺯﻯ ﺋﺎﭺ ﻗﺎﻟﯩﺪﯗ، ﺳﯩﺰﻧﻰ ﺋﺎﺭﺍﻡ ﺋﺎﻟﺪﯗﺭﯗﺵ، ﺋﯘﺧﻠﯩﺘﯩﺶ ﺋﯜﭼﯜﻥ ﺋﯚﺯﻯ ﺗﯜﻧﻪﻳﺪﯗ، ﺋﺎﻧﺎ ﺳﯩﺰﻧﯩﯔ ﺩﯗﭺ ﻛﻪﻟﮕﻪﻥ، ﻗﻮﺭﻗﯘﻧﭻ ﻫﯧﺲ ﻗﯩﻠﻐﺎﻥ ﺋﯩﺸﻠﯩﺮﯨﯖﯩﺰﺩﺍ ﺳﯩﺰﻧﻰ ﻗﻮﻳﻨﯩﻐﺎ ﺗﺎﺷﻼﭖ ﻳﯩﻐﻼﻳﺪﯨﻐﺎﻥ، ﺩﻩﺭﺩ ﺋﯧﻴﺘﯩﺪﯨﻐﺎﻥ، ﺩﻩﺭﺩﯨﯖﯩﺰﮔﻪ ﻳﯧﺘﯩﺪﯨﻐﺎﻥ، ﺑﯧﺸﯩﯖﯩﺰﻧﻰ ﺳﯩﻼﻳﺪﯨﻐﺎﻥ ﺑﯩﺮﺩﯨﻦ ‏ - ﺑﯩﺮ ﺷﻪﭘﻘﻪﺗﭽﯩﯖﯩﺰ. ﭼﯜﻧﻜﻰ ﺳﯩﺰ ﺋﺎﺷﯘ ﭼﺎﻏﻼﺭﺩﺍ ﺋﺎﻧﯩﯖﯩﺰﻧﯩﯔ ﻗﯘﭼﯩﻘﯩﻨﻰ ﺋﯚﺯﯨﯖﯩﺰﻧﯩﯔ ﭘﺎﻧﺎﻫ ﺟﺎﻳﯩﺪﻩﻙ، ﺋﯘﻧﯩﯔ ﺋﯩﺴﺴﯩﻖ ﺑﺎﻏﺮﯨﻨﻰ ﺋﯚﺯﯨﯖﯩﺰﻧﯩﯔ ﺋﺎﺭﺯﯗ - ﺋﯩﺴﺘﻪﻛﻠﯩﺮﯨﯖﯩﺰ ﺑﯩﻠﻪﻥ ﺗﻮﻟﻐﺎﻥ ﻛﻪﯓ ﺑﯩﺮ ﺩﯗﻧﻴﺎﺩﻩﻙ ﻫﯧﺴﺴﯩﻴﺎﺗﻼﺭﺩﺍ ﺑﻮﻟﯩﺴﯩﺰ. ﻫﻪﻣﺪﻩ ﺋﯚﺯﯨﯖﯩﺰﻧﻰ ﺋﯘﻧﯩﯔ ﻗﯘﭼﯩﻘﯩﻐﺎ ﺗﺎﺷﻠﯩﻐﺎﻥ ﻫﺎﻣﺎﻥ ﺑﺎﺭﻟﯩﻖ ﻗﻮﺭﻗﯘﻧﭽﻼﺭﺩﯨﻦ ﺧﺎﻟﯩﻲ ﺑﻮﻟﯩﻤﻪﻥ ﺩﻩﭖ ﻗﺎﺭﺍﻳﺴﯩﺰ."

ﺋﺎﺗﯩﻨﯩﯔ ﺋﻪﺟﺮﯨﻤﯘ ﺋﺎﻧﯩﻨﯩﯖﻜﯩﺪﯨﻦ ﻗﯧﻠﯩﺸﻤﺎﻳﺪﯗ

ﺋﺎﺑﺪﯗﻟﻜﻪﺭﯨﻢ ﻫﺎﺟﯩﻢ ﺋﺎﺗﯩﻨﯩﯔ ﺑﺎﻟﯩﻠﯩﺮﻯ ﺋﯜﺳﺘﯩﺪﯨﻜﻰ ﺋﻪﺟﺮﻯ ﯞﻩ ﻫﻪﻗﻠﯩﺮﻯ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: " ﺋﻪﻣﺪﻯ ﺋﺎﺗﯩﯖﯩﺰﻏﺎ ﻛﯧﻠﻪﻳﻠﻰ، ﺋﺎﺗﯩﯖﯩﺰ ﻛﯧﭽﻪ ‏ - ﻛﯜﻧﺪﯛﺯﻟﻪﭖ ﺳﯩﺰﻧﻰ ﺋﻮﻳﻼﻳﺪﯗ، ﺳﯩﺰ ﺋﯜﭼﯜﻥ ﺟﺎﻥ ﻛﯚﻳﺪﯛﺭﯛﭖ ﺋﯩﺸﻠﻪﻳﺪﯗ، ﻳﻮﻝ ﻳﯜﺭﯨﺪﯗ، ﺳﻪﭘﻪﺭ ﻗﯩﻠﯩﺪﯗ، ﺗﺎﻍ - ﺩﺍﯞﺍﻧﻼﺭﻧﻰ ﻛﯧﺴﯩﺪﯗ، ﺳﯩﺰﻧﯩﯔ ﻛﯩﻴﯩﻢ - ﻛﯧﭽﻪﻙ، ﻳﯧﻤﻪﻙ - ﺋﯩﭽﻤﯩﻜﯩﯖﯩﺰﻧﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﻧﯘﺭﻏﯘﻥ ﺩﻩﺭﺩ - ﺋﻪﻟﻪﻡ، ﺟﺎﭘﺎ - ﻣﯘﺷﻪﻗﻘﻪﺗﻨﻰ ﺗﺎﺭﺗﯩﺪﯗ، ﻛﯚﭘﻠﯩﮕﻪﻥ ﺧﻪﺗﻪﺭﻟﻪﺭﮔﻪ ﻳﻮﻟﯘﻗﯩﺪﯗ، ﺋﯘ ﻣﯘﺷﯘﻧﺪﺍﻕ ﺳﻪﺭﮔﯜﺯﻩﺷﺘﯩﻠﻪﺭﻧﻰ، ﺗﯘﺭﻣﯘﺵ ﺟﻪﺭﻳﺎﻧﻠﯩﺮﯨﻨﻰ، ﺧﯩﻠﻤﯘ ‏ - ﺧﯩﻞ ﻛﻪﭼﯜﺭﻣﯩﺸﻠﻪﺭﻧﻰ ﺑﺎﺷﺘﯩﻦ ﺋﯚﺗﻜﯜﺯﯛﭖ ﺳﯩﺰﻧﻰ ﺗﻪﺭﺑﯩﻴﯩﻠﻪﻳﺪﯗ، ﺳﯩﺰﻧﯩﯔ ﻫﺎﻟﯩﯖﯩﺰﺩﯨﻦ ﺧﻪﯞﻩﺭ ﺋﺎﻟﯩﺪﯗ، ﺳﯩﺰ ﺋﺎﺗﯩﯖﯩﺰﻧﯩﯔ ﻳﯧﻨﯩﻐﺎ ﻛﯩﺮﺳﯩﯖﯩﺰ ﺳﯩﺰﺩﯨﻦ ﺧﻮﺷﺎﻟﻠﯩﻨﯩﺪﯗ، ﻛﯚﯕﻠﻰ ﺋﯧﭽﯩﻠﯩﺪﯗ، ﻫﻪﻡ ﺳﯩﺰﺩﯨﻦ ﭘﻪﺧﯩﺮﻟﯩﻨﯩﺪﯗ، ﺋﯘ ﺳﯩﺰﮔﻪ ﻧﯘﺭﻏﯘﻧﻠﯩﻐﺎﻥ ﺋﯜﻣﯩﺪ ﻧﻪﺯﻩﺭﻟﯩﺮﻯ ﺑﯩﻠﻪﻥ ﻗﺎﺭﺍﻳﺪﯗ. ﻳﺎﺧﺸﻰ ﺋﯚﺳﯜﭖ ﻳﯧﺘﯩﻠﯩﭗ ﻛﻪﻟﮕﯜﺳﯩﺪﻩ ﻳﺎﺭﺍﻣﻠﯩﻖ ﺋﺎﺩﻩﻡ ﺑﻮﻟﯩﺸﯩﯖﯩﺰﻧﻰ ﺋﺎﻟﻼﻫﺘﯩﻦ ﺗﯩﻠﻪﻳﺪﯗ. ﺋﺎﺗﯩﯖﯩﺰ ﺳﯩﺮﺗﻘﺎ ﭼﯩﻘﯩﺶ ﺋﯜﭼﯜﻥ ﺳﯩﺰﺩﯨﻦ ﺋﺎﻳﺮﯨﻠﯩﺸﻘﺎ ﺗﻪﻣﺸﻪﻟﮕﯩﻨﯩﺪﻩ، ﺳﯩﺰ ﺋﯘﻧﻰ ﻗﯘﭼﺎﻗﻠﯩﯟﺍﻟﯩﺴﯩﺰ، ﺋﯘﻧﯩﯔ ﭘﯧﺸﯩﮕﻪ ﺋﯧﺴﯩﻠﯩﯟﺍﻟﯩﺴﯩﺰ، ﺋﯘ ﺧﯘﺩﺩﻯ ﺋﯩﻜﻜﯩﻨﭽﻰ ﻗﺎﻳﺘﯩﭗ ﻛﻪﻟﻤﻪﻳﺪﯨﻐﺎﻧﺪﻩﻙ ﺑﺎﺭ ﺋﺎﯞﺍﺯﯨﯖﯩﺰ ﺑﯩﻠﻪﻥ ﻳﺎﺵ ﺗﯚﻛﯜﭖ ﻳﯩﻐﻠﯩﻐﯩﻨﯩﯖﯩﺰﺩﺍ ﻣﯧﻬﺮﻯ - ﺷﻪﭘﻘﻪﺗﻠﯩﻚ ﻗﻮﻟﻠﯩﺮﻯ ﺑﯩﻠﻪﻥ ﺑﺎﺵ - ﻛﯚﺯﯨﯖﯩﺰﻧﻰ ﺳﯩﻼﭖ ﺳﯩﺰﮔﻪ ﺗﻪﺳﻪﻟﻠﻰ ﺑﯧﺮﯨﺪﯗ. ﺋﺎﺗﯩﯖﯩﺰ ﻗﺎﻳﺘﯩﭗ ﻛﻪﻟﮕﻪﻧﺪﻩ، ﺧﻮﺷﺎﻟﻠﯩﻘﯩﯖﯩﺰﺩﯨﻦ ﺋﯚﺯﯨﯖﯩﺰﻧﻰ ﺋﯘﻧﯩﯔ ﺑﺎﻏﺮﯨﻐﺎ ﺗﺎﺷﻼﻳﺴﯩﺰ، ﻳﺎﻳﺮﺍﭖ ﻛﯧﺘﯩﺴﯩﺰ. ﺋﻪﻧﻪ ﺋﺎﺷﯘ ﺋﯩﻜﻜﻰ ﻛﯩﺸﻰ ﺳﯩﺰﻧﯩﯔ ﺋﺎﺗﺎ - ﺋﺎﻧﯩﯖﯩﺰﺩﯗﺭ. ﺋﻪﻧﻪ ﺋﺎﺷﯘ ﯞﺍﻗﯩﺘﻼﺭ ﺳﯩﺰﻧﯩﯔ ﮔﯚﺩﻩﻙ، ﺋﯚﺳﻤﯜﺭ ﭼﺎﻏﻠﯩﺮﯨﯖﯩﺰ. ﺋﯘﻻﺭﻧﻰ ﺑﯘ ﻳﺎﺧﺸﯩﻠﯩﻘﻠﯩﺮﯨﻨﻰ ﻗﺎﻳﺘﯘﺭﯗﺵ ﺳﯩﺰﻧﯩﯔ ﺑﯘﺭﭼﯩﯖﯩﺰﺩﯗﺭ."

ﺧﯘﻻﺳﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﺋﺎﺗﺎ - ﺋﺎﻧﯩﻨﯩﯔ ﻫﻪﻗﻠﯩﺮﻯ ﺑﻪﻛﻤﯘ ﻛﯚﭖ، ﺋﯘﻻﺭﻧﯩﯔ ﺑﺎﻟﯩﻼﺭ ﺋﯜﭼﯜﻥ ﻗﯩﻠﻐﺎﻥ ﻳﺎﺧﺸﯩﻠﯩﻘﻠﯩﺮﻯ ﺗﯚﻟﻪﭖ ﺑﻮﻟﻐﯘﺳﯩﺰ. ﺷﯘﻧﺪﺍﻗﺘﯩﻤﯘ ﺑﯩﺰ ﻛﯚﺯ ﺋﺎﻟﺪﯨﻤﯩﺰﺩﯨﻜﻰ ﺑﻪﺯﻯ ﻣﻪﺟﺒﯘﺭﯨﻴﻪﺗﻠﻪﺭﻧﻰ ﺋﯩﻘﺘﯩﺪﺍﺭﯨﻤﯩﺰﻧﯩﯔ ﻳﯧﺘﯩﺸﯩﭽﻪ ﺋﻮﺭﯗﻧﺪﺍﭖ ﺗﯘﺭﯗﺷﯩﻤﯩﺰ ﻻﺯﯨﻢ. ﻣﻪﺳﯩﻠﻪﻥ: ﺋﯘﻻﺭﻧﻰ ﺋﻪﯓ ﻛﺎﻣﺎﻟﯩﻲ ﺋﯧﻬﺘﯩﺮﺍﻡ ﺑﯩﻠﻪﻥ ﻫﯚﺭﻣﻪﺗﻠﻪﺵ، ﻗﻪﺩﯨﺮﻟﻪﺵ، ﺧﯩﺰﻣﻪﺗﻠﯩﺮﯨﻨﻰ ﻗﯩﻠﯩﺶ، ﻫﻪﺭ ﺧﯩﻞ ﯞﺍﺳﯩﺘﯩﻠﻪﺭ ﺑﯩﻠﻪﻥ ﺋﯘﻻﺭﻏﺎ ﺋﯩﻠﻠﯩﻘﻠﯩﻖ ﻳﻪﺗﻜﯜﺯﯛﺵ ﻗﺎﺗﺎﺭﻟﯩﻖ ﺋﯩﺸﻼﺭ ﺑﯩﻠﻪﻥ ﺋﯘﻻﺭﻧﯩﯔ ﺭﺍﺯﯨﻠﯩﻘﯩﻨﻰ ﯞﻩ ﺩﯗﺋﺎﺳﯩﻨﻰ ﺋﯧﻠﯩﺶ، ﺋﯘﻻﺭﻧﯩﯔ ﺋﺎﺭﺯﯗ - ﺋﯩﺴﺘﻪﻛﻠﯩﺮﯨﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ ﻳﻮﻟﯩﺪﺍ ﻫﯧﭻ ﻧﻪﺭﺳﯩﻤﯩﺰﻧﻰ ﺋﺎﻳﯩﻤﺎﺳﻠﯩﻘﯩﻤﯩﺰ ﻻﺯﯨﻢ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺋﺎﺗﺎﻡ ﻣﯧﻨﯩﯔ ﭘﯘﻝ - ﻣﯧﻠﯩﻤﻨﻰ ﺳﻮﺭﺍﯞﺍﺗﯩﺪﯗ، ﺩﻩﭖ ﻛﻪﻟﮕﻪﻥ ﺑﯩﺮ ﺋﺎﺩﻩﻣﮕﻪ:" ﺳﻪﻥ ﯞﻩ ﺳﯧﻨﯩﯔ ﻣﺎﻝ - ﺩﯗﻧﻴﺎﻟﯩﺮﯨﯔ ﺋﺎﺗﺎﯕﻐﺎ ﺗﻪﯞﻩ،" ﺩﻩﭖ ﺟﺎﯞﺍﺏ ﺑﻪﺭﮔﻪﻥ. ﺑﯘ ﻫﻪﺩﯨﺲ ﺑﺎﻻ ﯞﻩ ﺑﺎﻟﯩﻨﯩﯔ ﻗﻮﻟﯩﺪﯨﻜﻰ ﺑﺎﺭﻟﯩﻖ ﻧﻪﺭﺳﻪ - ﻛﯧﺮﻩﻙ، ﭘﯘﻝ - ﻣﺎﻝ ﺋﺎﺗﯩﻐﺎ ﺗﻪﯞﻩ ﺋﯩﻜﻪﻧﻠﯩﻜﯩﻨﻰ، ﺋﺎﺗﺎ ﺋﯘ ﻧﻪﺭﺳﯩﻠﻪﺭﻧﻰ ﺧﺎﻟﯩﻐﺎﻧﭽﻪ ﺋﯩﺸﻠﯩﺘﯩﺸﻜﻪ ﻫﻮﻗﯘﻗﻠﯘﻕ ﺋﯩﻜﻪﻧﻠﯩﻜﯩﻨﻰ ﺋﯩﭙﺎﺩﯨﻠﻪﻳﺪﯗ.