ﻛﻮﭼﯩﻨﯩﯔ ﻏﻪﺭﺑﻰ ﺗﻪﺭﯨﭙﯩﻨﻰ ﺋﺎﯞﯨﺴﺘﯩﺮﺍﻟﯩﻴﯩﺪﯨﻜﻰ ﺷﻪﺭﻗﻰ ﺗﯜﺭﻛﯩﺴﺘﺎﻧﻠﯩﻖ ﻛﯚﭼﻤﻪﻧﻠﻪﺭ "ﺋﯘﻳﻐﯘﺭ ﻛﻮﭼﯩﺴﻰ" ﺩﻩﭖ ﺋﺎﺗﺎﻳﺪﯗ. ﺑﯘﻧﯩﯖﻐﺎ، ﻗﺎﺗﺎﺭﻟﯩﺸﯩﭗ ﺋﯧﭽﯩﻠﻐﺎﻥ "ﺋﯘﻳﻐﯘﺭ ﺗﺎﺋﺎﻣﻠﯩﺮﻯ ﺭﯦﺴﺘﻮﺭﺍﻧﻰ،" " ﺋﻪﭘﻪﻧﺪﻯ ﺋﯘﻳﻐﯘﺭ ﺭﯦﺴﺘﻮﺭﺍﻧﻰ،" " ﻛﯧﺮﻭﺭﻩﻥ ﺋﯘﻳﻐﯘﺭ ﺭﯦﺴﺘﻮﺭﺍﻧﻰ" ﻗﺎﺗﺎﺭﻟﯩﻖ ﺭﯨﺴﺘﯘﺭﺍﻧﻼﺭ ﺳﻪﯞﻩﺏ ﺑﻮﻟﻐﺎﻥ ﺑﻮﻟﯘﭖ، ﺑﯘ ﻛﻮﭼﯩﺪﺍ ﺋﯘﻳﻐﯘﺭﻻﺭﻧﻰ ﺩﺍﺋﯩﻢ ﺋﯘﭼﺮﯨﺘﯩﭗ ﺗﯘﺭﯨﺴﯩﺰ. ﺑﯘ ﺋﯜﭺ ﺋﯘﻳﻐﯘﺭ ﺭﯨﺴﺘﯘﺭﺍﻧﯩﻨﻰ ﺯﯨﻴﺎﺭﻩﺕ ﻗﯩﻠﯩﭗ ﺑﯩﺮ ﻗﯩﺴﯩﻢ ﻣﻪﻟﯘﻣﺎﺗﻼﺭﻏﺎ ﺋﯧﺮﯨﺸﺘﯩﻢ.

"ﺋﯘﻳﻐﯘﺭ ﺗﺎﺋﺎﻣﻠﯩﺮﻯ ﺭﯦﺴﺘﻮﺭﺍﻧﻰ" ﯞﻩ " ﺋﻪﭘﻪﻧﺪﻯ ﺋﯘﻳﻐﯘﺭ ﺭﯦﺴﺘﻮﺭﺍﻧﻰ" ﻧﯩﯔ ﺧﻮﺟﺎﻳﯩﻨﻰ ﺟﯜﺭﺋﻪﺕ ﺋﺎﺑﺪﯗﻛﯩﺮﯨﻢ ﺋﻪﭘﻪﻧﺪﻯ ﺯﯨﻴﺎﺭﯨﺘﯩﻤﻨﻰ ﻗﻮﺑﯘﻝ ﻗﯩﻠﯩﭗ ﺭﯨﺴﺘﯘﺭﺍﻧﻠﯩﺮﻯ ﻫﻪﻗﻘﯩﺪﻩ ﻣﯘﻧﯘﻻﺭﻧﻰ ﺳﯚﺯﻟﻪﭖ ﺑﻪﺭﺩﻯ.

-- ﻣﻪﻥ ﺋﯜﺭﯛﻣﭽﯩﺪﻩ ﺷﯩﻨﺠﺎﯓ ﺭﺍﺩﯨﺌﻮ - ﺗﯧﻠﯧﯟﯨﺰﻭﺭ ﺋﯘﻧﯩﯟﯦﺮﺳﯩﺘﯧﺘﻨﯩﯔ ﻣﺎﺗﯧﻤﺎﺗﯩﻜﺎ ﺋﻮﻗﯘﺗﻘﯘﭼﯩﺴﻰ ﺋﯩﺪﯨﻢ. ﻣﻪﻥ 1997 ‏ - ﻳﯩﻞ ﺋﺎﯞﺳﺘﯩﺮﺍﻟﯩﻴﯩﮕﻪ ﻛﻪﻟﮕﻪﻥ. 1995 - ﻳﯩﻠﻰ ﻗﺎﺗﻨﺎﺵ ﯞﻩﻗﻪﺳﯩﮕﻪ ﻳﻮﻟﯘﻗﻘﺎﻧﺪﯨﻦ ﻛﯧﻴﯩﻦ ﯞﻩﺗﻪﻧﺪﻩ ﯞﻩ ﺧﯩﺘﺎﻳﻨﯩﯔ ﺷﻪﻫﻪﺭﻟﯩﺮﯨﺪﻩ ﺩﺍﯞﺍﻻﻧﻐﺎﻥ ﺑﻮﻟﺴﺎﻣﻤﯘ ﺩﺍﯞﺍﻟﯩﻨﯩﺶ ﺋﯜﻧﯜﻡ ﺑﻪﺭﻣﻪﻱ، ﺗﯘﻏﻘﺎﻧﻠﯩﺮﯨﻤﻨﯩﯔ ﺋﯩﺰﺩﯨﻨﯩﺸﻰ ﯞﻩ ﻳﺎﺭﺩﯨﻤﻰ ﺋﺎﺭﻗﯩﻠﯩﻖ ﺋﺎﺩﯨﻼﻳﺪ ﺷﻪﻫﯩﺮﯨﺪﯨﻜﻰ " ﭘﺎﺩﯨﺸﺎﻟﯩﻖ ﺩﻭﺧﺘﯘﺭﺧﺎﻧﯩﺴﻰ" ﻏﺎ ﺩﺍﯞﺍﻟﯩﻨﯩﺸﻘﺎ ﻛﯧﻠﯩﭗ، ﺗﯘﺕ ﻳﯩﻞ ﺩﺍﯞﺍﻻﻧﻐﺎﻧﺪﯨﻦ ﻛﯧﻴﯩﻦ ﺑﺎﻟﯩﻠﯩﺮﯨﻤﻨﻰ ﺋﻪﻛﯩﻠﯩﭗ، ﺋﺎﯞﺳﺘﯩﺮﺍﻟﯩﻴﯩﮕﻪ ﻳﻪﺭﻟﻪﺷﺘﯩﻢ.

-- ﺋﯘﻳﻐﯘﺭ ﺗﺎﺋﺎﻣﻠﯩﺮﻯ ﻧﺎﻣﻠﯩﻖ ﺋﺎﺷﺨﺎﻧﯩﻨﻰ ﺋﯧﭽﯩﺸﺘﯩﻜﻰ ﻣﻪﻗﺴﯩﺘﯩﻤﯩﺰ ﺋﯘﻳﻐﯘﺭ ﺗﺎﺋﺎﻣﻠﯩﺮﻯ ﺋﺎﺭﻗﯩﻠﯩﻖ ﺋﯘﻳﻐﯘﺭﻻﺭﻧﻰ ﺩﯗﻧﻴﺎﻏﺎ، ﺑﻮﻟﯘﭘﻤﯘ ﺋﺎﯞﺳﺘﺮﺍﻟﯩﻴﻪ ﺧﻪﻟﻘﯩﮕﻪ ﺗﻮﻧﯘﺷﺘﯘﺭﯗﺵ ﺋﯩﺪﻯ. ﺋﻪﻣﺪﯨﻠﯩﻜﺘﻪ ﺑﻮﻟﺴﺎ ﺑﯘ ﺗﯜﭘﺘﯩﻦ ﺋﯚﺯﮔﻪﺭﺩﻯ، ﻫﺎﺯﯨﺮ ﺋﯘﻳﻐﯘﺭﻻﺭﻧﻰ ﭘﯜﺗﯜﻥ ﺩﯗﻧﻴﺎ ﺧﻪﻟﻘﻰ ﺗﻮﻧﯩﺪﻯ، ﺑﯩﺰﻧﯩﯔ ﻧﯚﯞﻩﺗﺘﯩﻜﻰ ﻧﯩﺸﺎﻧﯩﻤﯩﺰ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺩﻩﯞﺍﺳﯩﻨﻰ ﭘﯘﺗﯘﻥ ﺩﯗﻧﻴﺎﻏﺎ ﺗﻮﻧﯘﺗﯘﺵ ﻳﻪﻧﻰ ﺋﯘﻳﻐﯘﺭﻻﺭﻧﯩﯔ ﺋﺎﻫ - ﺯﺍﺭﯨﻨﻰ ﺑﯩﻠﺪﯛﺭﯛﺵ، ﺑﯩﺰ ﺋﻪﻧﻪ ﺷﯘ ﻣﻪﻗﺴﻪﺗﺘﻪ ﻛﯧﺘﯩﭗ ﺑﺎﺭﯨﻤﯩﺰ.

-- ﺋﻪﻟﯟﻩﺗﺘﻪ، ﺋﯘﻳﻐﯘﺭﻧﯩﯔ ﻧﺎﻣﯩﻨﻰ ﭼﯩﻘﯩﺮﯨﺶ ﺋﯜﭼﯜﻥ ﺋﺎﺯﺭﺍﻕ ﺑﻮﻟﺴﯩﻤﯘ ﻫﻪﺭﯨﻜﻪﺕ ﻗﯩﻠﺪﯗﻕ. ﺑﯘ ﻛﻮﭼﯩﻨﯩﯔ "ﺋﯘﻳﻐﯘﺭ ﻛﻮﭼﯩﺴﻰ" ﺩﻩﭖ ﻧﺎﻡ ﺋﺎﻟﻐﺎﻧﻠﯩﻘﯩﻐﺎ ﭘﻪﺧﯩﺮﻟﯩﻨﯩﻤﯩﺰ، ﺑﯘ ﺳﯧﺪﻧﯩﻲ ﯞﻩ ﺋﺎﯞﺳﺘﺮﺍﻟﯩﻴﻪ ﺧﻪﻟﻘﻰ ﺋﯜﭼﯜﻧﻤﯘ ﺋﺎﺑﺮﻭﻱ ﺩﻩﭖ ﻫﯧﺴﺎﺑﻼﻳﻤﻪﻥ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.