ﻳﺎﭘﻮﻧﯩﻴﻪ ﻛﺎﮔﯘﺷﯩﻤﺎ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﺩﻭﻛﺘﻮﺭ ﻫﺎﺟﻰ ﻗﯘﺗﻠﯘﻕ ﻗﺎﺩﯨﺮﻯ ﺑﯘ ﻳﯩﻐﯩﻨﺪﺍ "ﺋﯘﻟﯘﻍ ﻳﺎﺯﻏﯘﭼﻰ ﭼﯩﯖﮕﯩﺰ ﺋﺎﻳﺘﻤﺎﺗﻮﻑ ﯞﻩ ﺋﯘﻳﻐﯘﺭﻻﺭ" ﺗﯧﻤﯩﺴﯩﺪﺍ ﺳﯚﺯ ﻗﯩﻠﺪﻯ. ﺋﯘﻧﯩﯔ ﻗﯩﻠﻐﺎﻥ ﺳﯚﺯﻯ ﻳﯩﻐﯩﻨﺪﺍ ﻏﯘﻟﻐﯘﻻ ﭘﻪﻳﺪﺍ ﻗﯩﻠﺪﻯ.

ﺋﯘﻧﯩﯔ ﭼﯩﯖﮕﯩﺰ ﺋﺎﻳﺘﻤﺎﺗﻮﻓﻨﯩﯔ ﺩﺍﺩﯨﺴﻰ ﺑﯩﻠﻪﻥ ﺑﯩﺮﻟﯩﻜﺘﻪ ﺋﯚﻟﺘﯜﺭﯛﻟﮕﻪﻥ 36 ﺋﯘﻳﻐﯘﺭ ﻫﻪﻗﻘﯩﺪﻩ ﻛﯚﺭﺳﻪﺗﻜﻪﻥ ﻣﺎﺗﯧﺮﯨﻴﺎﻟﻠﯩﺮﻯ ﻳﯩﻐﯩﻨﺪﺍ ﻗﯩﺰﯨﻘﯩﺶ ﭘﻪﻳﺪﺍ ﻗﯩﻠﺪﻯ. ﻳﯩﻐﯩﻦ ﺋﻪﻫﻠﻰ ﺩﻭﻛﺘﻮﺭ ﻫﺎﺟﻰ ﻗﯘﺗﻠﯘﻕ ﻗﺎﺩﯨﺮﯨﺪﯨﻦ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻧﯘﺭﻏﯘﻥ ﺳﻮﺋﺎﻟﻼﺭ ﺳﻮﺭﯨﺪﻯ. ﺋﯘﻳﻐﯘﺭ ﻣﻪﺳﯩﻠﯩﺴﻰ ﻳﯩﻐﯩﻨﻨﯩﯔ ﺋﺎﺳﺎﺳﯩﻲ ﺗﯧﻤﯩﺴﯩﻐﺎ ﺋﺎﻳﻼﻧﺪﻯ.

ﻳﯩﻐﯩﻦ 10 - ﺋﺎﻳﻨﯩﯔ 12 - ﻛﯜﻧﻰ ﺭﻩﺳﻤﯩﻲ ﺑﺎﺷﻼﻧﻐﺎﻥ ﺑﻮﻟﯘﭖ 14 - ﭼﯩﺴﻼ ﺋﺎﺧﯩﺮﻻﺷﺘﻰ. ﺑﯘ ﻳﯩﻐﯩﻨﻐﺎ ﺋﺎﻣﯧﺮﯨﻜﺎ، ﺭﯗﺳﯩﻴﻪ ﻓﯧﺪﯦﺮﺍﺗﺴﯩﻴﯩﺴﻰ، ﺋﻮﺗﺘﯘﺭﺍ ﺋﺎﺳﯩﻴﺎ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ، ﻳﺎﭘﻮﻧﯩﻴﻪ ﯞﻩ ﺗﯜﺭﻛﯩﻴﻪ ﻗﺎﺗﺎﺭﻟﯩﻖ ﺋﻮﻥ ﺑﻪﺷﻜﻪ ﻳﯧﻘﯩﻦ ﺩﯙﻟﻪﺕ ﯞﻩ ﺭﺍﻳﻮﻧﺪﯨﻦ ﻛﻪﻟﮕﻪﻥ 35 ﺋﻪﺗﺮﺍﭘﯩﺪﺍ ﺋﯩﻠﯩﻢ ﺋﺎﺩﯨﻤﻰ ﻗﺎﺗﻨﺎﺷﺘﻰ. ﻳﯩﻐﯩﻦ ﺋﺎﺧﯩﺮﯨﺪﺍ ﺩﺍﯕﻠﯩﻖ ﺗﯜﺭﻛﻮﻟﻮﮒ ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﺋﺎﺧﻤﻪﺕ ﺑﯩﭽﺎﻥ ﺋﻪﺭﺟﯩﻼﺳﯘﻥ، ﺩﻭﻛﺘﻮﺭ ﻫﺎﺟﻰ ﻗﯘﺗﻠﯘﻕ ﻗﺎﺩﯨﺮﻯ ﯞﻩ ﺧﻪﻳﺮﯗﻟﻼﻫ ﺋﻪﻓﻪﻧﺪﯨﮕﯩﻞ ﺋﻪﭘﻪﻧﺪﯨﻠﻪﺭ ﺋﯚﺯ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺩﻭﻛﺘﻮﺭ ﻫﺎﺟﻰ ﻗﯘﺗﻠﯘﻕ ﻗﺎﺩﯨﺮﻯ ﺋﻪﭘﻪﻧﺪﻯ ﭼﯩﯖﮕﯩﺰ ﺋﺎﻳﺘﻤﺎﺗﻮﻓﻨﯩﯔ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺩﯦﮕﻪﻥ ﺳﯚﺯﻟﯩﺮﻯ ﯞﻩ ﭼﯩﯖﮕﯩﺰ ﺋﺎﻳﺘﻤﺎﺗﻮﻓﻨﯩﯔ ﺩﺍﺩﯨﺴﻰ ﺗﯚﺭﻩﻣﻘﯘﻝ ﺋﺎﻳﺘﻤﺎﺗﻮﻑ ﺑﯩﻠﻪﻥ ﺑﯩﻠﻠﻪ ﺋﯚﻟﺘﯜﺭﯛﻟﮕﻪﻥ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻧﺪﯨﻦ ﻛﯧﻴﯩﻦ، ﺋﺎﻳﺘﻤﺎﺗﻮﻓﻨﯩﯔ ﺋﯘﻳﻐﯘﺭﭼﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ ﺋﻪﺳﻪﺭﻟﯩﺮﻯ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﻪﺭﺩﻯ.

ﭘﺮﻭﻑ ﺩﻭﻛﺘﻮﺭ ﺋﺎﺧﻤﻪﺕ ﺑﯩﭽﺎﻥ ﺋﻪﺭﺟﯩﻼﺳﯘﻥ ﺑﯧﺸﻜﻪﻛﻜﻪ ﻳﯧﻘﯩﻦ ﺟﺎﻳﺪﯨﻜﻰ ﺋﺎﺗﺎﺑﯧﻴﯩﺖ ﻣﺎﺯﺍﺭﻟﯩﻘﯩﺪﺍ ﺳﯩﺘﺎﻟﯩﻦ ﻫﺎﻛﯩﻤﯩﻴﯩﺘﻰ ﺗﻪﺭﯨﭙﯩﺪﯨﻦ ﭘﺎﻧﺘﯜﺭﻛﯩﺴﺖ ﺩﻩﭖ ﺋﯚﻟﺘﯜﺭﯛﻟﮕﻪﻥ ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﺋﯘﻳﻐﯘﺭﻻﺭﻧﯩﯖﻤﯘ ﺑﺎﺭﻟﯩﻘﯩﻨﻰ، ﺋﺎﺗﺎﺑﯧﻴﺖ ﻣﺎﺯﺍﺭﻟﯩﻘﯩﺪﯨﻜﻰ ﻣﯘﺯﯦﻴﺪﺍ ﺋﯘﻻﺭﻧﯩﯔ ﭘﺎﺳﺎﭘﻮﺭﺗﻠﯩﺮﯨﻨﯩﯖﻤﯘ ﻗﻮﻳﯘﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﺋﯚﺗﺘﻰ.

ﺑﯘ ﻳﯩﻐﯩﻨﻨﻰ ﺋﻪﻧﻘﻪﺭﻩ ﺋﯘﻧﯩﯟﯦﺮﺳﯩﺘﯧﺘﻰ ﺗﯩﻞ ﯞﻩ ﺗﺎﺭﯨﺦ ﺟﯘﻏﺮﺍﭘﯩﻴﻪ ﻓﺎﻛﯘﻟﺘﯧﺘﻰ ﻫﺎﺯﯨﺮﻗﻰ ﺯﺍﻣﺎﻥ ﺗﯜﺭﻛﯩﻲ ﺗﯩﻠﻠﯩﺮﻯ ﯞﻩ ﺋﻪﺩﻩﺑﯩﻴﺎﺗﻠﯩﺮﻯ ﺑﯚﻟﯜﻣﻰ ﺑﯩﻠﻪﻥ ﺗﯜﺭﻛﯩﻴﻪ ﻣﻪﺩﻩﻧﯩﻴﻪﺕ ﯞﻩ ﺳﺎﻳﺎﻫﻪﺕ ﻣﯩﻨﯩﺴﺘﯩﺮﻟﯩﻘﻰ ﺋﻮﺭﺗﺎﻗﻠﯩﺸﯩﭗ ﭼﺎﻗﯩﺮﻏﺎﻥ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.