ﺩﯦﻤﻮﻛﺮﺍﺗﯩﻴﻪ ﯞﻩ ﺋﻪﺭﻛﯩﻨﻠﯩﻜﺘﯩﻦ ﺗﻪﯓ ﺑﻪﻫﺮﯨﻤﺎﻥ ﺑﻮﻟﻐﺎﻥ ﮔﯧﺮﻣﺎﻧﻼﺭ ﺑﯜﮔﯜﻥ، ﺑﯘﻧﯩﯖﺪﯨﻦ ﻳﯩﮕﯩﺮﻣﻪ ﻳﯩﻞ ﺑﯘﺭﯗﻥ ﺑﯧﺮﻟﯩﻦ ﺗﯧﻤﻰ ﻳﯩﻘﯩﺘﯩﻠﻐﺎﻥ ﺑﯘ ﺧﺎﺳﯩﻴﻪﺗﻠﯩﻚ ﻛﯜﻧﻨﻰ ﺧﺎﺗﯩﺮﯨﻠﯩﺪﻯ ﯞﻩ ﺗﻪﺑﺮﯨﻜﻠﯩﺪﻯ.

ﺑﯧﺮﻟﯩﻦ ﺗﯧﻤﻰ ﻳﯩﻘﯩﺘﯩﻠﻐﯩﻠﻰ 20 ﻳﯩﻞ ﺑﻮﻟﺪﻯ، ﺧﯩﺘﺎﻱ ﺗﯧﻤﻰ ﻗﺎﭼﺎﻥ ﻳﯩﻘﯩﺘﯩﻠﯩﺪﯗ؟

ﺑﯜﮔﯜﻥ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ 100 ﻣﯩﯔ ﺋﺎﺩﻩﻡ ﮔﯧﺮﻣﺎﻧﯩﻴﯩﻨﯩﯔ ﺑﯧﺮﻟﯩﻦ ﺷﻪﻫﯩﺮﯨﺪﻩ ﺑﯘﻧﯩﯖﺪﯨﻦ 20 ﻳﯩﻞ ﺑﯘﺭﯗﻥ 'ﺑﯧﺮﻟﯩﻦ ﺗﯧﻤﻰ' ﻳﯧﻘﯩﺘﯩﻠﻐﺎﻥ ﺑﺮﺍﻳﺘﯩﻨﺒﯧﺮﮒ ﺩﻩﺭﯞﺍﺯﯨﺴﻰ ﺋﻪﺗﺮﺍﭘﯩﻐﺎ ﺗﻮﭘﻠﯩﻨﯩﭗ، ﺑﯘ 'ﺋﻪﺭﻛﯩﻨﻠﯩﻚ ﻛﯜﻧﻰ'ﻧﻰ ﺧﺎﺗﯩﺮﯨﻠﯩﺪﻯ. ﮔﯧﺮﻣﺎﻧﯩﻴﻪ ﺋﺎﯞﺍﺯﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯜﮔﯜﻥ ﮔﯧﺮﻣﺎﻧﯩﻴﯩﺪﯨﻜﻰ ﺑﯘ ﭼﻮﯓ ﺗﻪﺑﺮﯨﻜﻠﻪﺵ ﭘﺎﺋﺎﻟﯩﻴﯩﺘﻰ ﺑﻮﺭﯦﻨﺨﻮﻟﻤﯧﺮ ﻛﯘﭼﯩﺴﯩﺪﯨﻜﻰ ﻛﻮﯞﺭﯛﻛﺘﻪ ﺑﺎﺷﻼﻧﺪﻯ. ﻛﯩﺸﯩﻠﻪﺭ ﺗﻮﻟﯘﭖ ﺗﺎﺷﻘﺎﻥ ﻗﯩﺰﻏﯩﻨﻠﯩﻖ ﺑﯩﻠﻪﻥ ﻣﯘﺯﯨﻜﺎ ﭼﯧﻠﯩﭗ، ﻧﺎﺧﺸﺎ ﺋﯧﻴﺘﯩﭗ، ﺋﯘﺳﯘﻝ ﺋﻮﻳﻨﺎﭖ، ﺳﺎﻟﯩﻴﯘﺕ ﺋﯧﺘﯩﭗ ﺑﯘ 'ﺋﻪﺭﻛﯩﻨﻠﯩﻚ ﻛﯜﻧﻰ'ﺩﻩ ﺋﯧﺮﯨﺸﻜﻪﻥ ﺩﯦﻤﻮﻛﺮﺍﺗﯩﻴﻪ ﯞﻩ ﺋﻪﺭﻛﯩﻨﻠﯩﻜﻨﻰ ﻗﻪﺩﯨﺮﻟﯩﺪﻯ.

ﺋﯩﻜﻜﯩﻨﭽﻰ ﺩﯗﻧﻴﺎ ﺋﯘﺭﯗﺷﯩﺪﯨﻦ ﻛﯧﻴﯩﻦ، ﮔﯧﺮﻣﺎﻧﯩﻴﻪ ﺋﯩﻜﻜﯩﮕﻪ ﭘﺎﺭﭼﯩﻠﯩﯟﯦﺘﯩﻠﯩﭗ، ﻏﻪﺭﺑﻲ ﮔﯧﺮﻣﺎﻧﯩﻴﻪ ﺑﯩﻠﻪﻥ ﺷﻪﺭﻗﯩﻲ ﮔﯧﺮﻣﺎﻧﯩﻴﯩﺪﯨﻦ ﺋﯩﺒﺎﺭﻩﺕ ﺋﯩﻜﻜﻰ ﮔﯧﺮﻣﺎﻧﯩﻴﺪﯨﻜﻰ ﺗﯩﻠﻰ، ﻣﻪﺩﻩﻧﯩﻴﯩﺘﻰ ﺋﻮﺧﺸﺎﺵ ﮔﯧﺮﻣﺎﻥ ﺧﻪﻟﻘﻰ ﺑﯩﺮ-ﺑﯩﺮﯨﮕﻪ ﺩﯛﺷﻤﻪﻧﻠﻪﺷﺘﯜﺭﯛﻟﯜﺷﻜﻪ ﺑﺎﺷﻠﯩﻐﺎﻥ ﺋﯩﺪﻯ. 1961‏ - ﻳﯩﻠﻰ 8‏ - ﺋﺎﻳﻨﯩﯔ 13 ‏- ﻛﯜﻧﻰ ﺋﻪﺗﯩﮕﻪﻧﺪﻩ، ﺋﯩﻜﻜﻰ ﺗﻪﺭﻩﭘﻨﯩﯔ ﺋﺎﻻﻗﯩﺴﻰ ﭘﯜﺗﯜﻧﻠﻪﻱ ﺋﯜﺯﯨﯟﯦﺘﯩﻠﯩﭗ، ﺑﯩﺮ ﻳﯧﺮﯨﻢ ﻛﯩﻠﻮﻣﯧﺘﯩﺮﻟﯩﻖ ﺑﯧﺮﻟﯩﻦ ﺗﯧﻤﻰ ﺳﻮﻗﯘﻟﯘﺷﻘﺎ ﺑﺎﺷﻠﯩﻐﺎﻥ ﺋﯩﺪﻯ. ﺷﻪﺭﻗﻰ ﮔﯧﺮﻣﺎﻧﯩﻴﻪ ﺧﻪﻟﻘﻰ ﺑﯘ ﺗﺎﻣﻨﻰ ﻳﯩﻘﯩﺘﯩﺶ ﺋﯜﭼﯜﻥ ﻛﯚﭖ ﺑﻪﺩﻩﻝ ﺗﯚﻟﯩﺪﻯ. ﺑﯘ ﺗﺎﻡ 1989‏ - ﻳﯩﻠﻰ 11 ‏- ﺋﺎﻳﻨﯩﯔ 9‏ - ﻛﯜﻧﻰ ﻳﯧﻘﯩﺘﯩﻠﻐﺎﻧﻐﺎ ﻗﻪﺩﻩﺭ، ﺷﻪﺭﻗﯩﻲ ﮔﯧﺮﻣﺎﻧﯩﻴﯩﺪﯨﻦ ﺋﺎﺭﺍﻥ 5043 ﺋﺎﺩﻩﻡ ﻏﻪﺭﺑﯩﻲ ﮔﯧﺮﻣﺎﻧﯩﻴﯩﮕﻪ ﻗﯧﭽﯩﺸﺘﺎ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﺪﻯ. ﻗﺎﭼﻘﺎﻧﻼﺭﺩﯨﻦ 239 ﺋﺎﺩﻩﻣﻨﻰ ﺷﻪﺭﻗﯩﻲ ﮔﯧﺮﻣﺎﻧﯩﻴﻪ ﺋﯧﺘﯩﭗ ﺋﯚﻟﺘﯜﺭﺩﻯ، 260 ﺋﺎﺩﻩﻣﻨﻰ ﺋﻮﻗﺘﺎ ﻳﺎﺭﯨﻼﻧﺪﯗﺭﺩﻯ، 3221 ﺋﺎﺩﻩﻣﻨﻰ ﻗﻮﻟﻐﺎ ﺋﯧﻠﯩﭗ ﻗﺎﻣﯩﺪﻯ.  

ﺑﯜﮔﯜﻥ ﺑﯧﺮﻟﯩﻦ ﺗﯧﻤﯩﻨﯩﯔ ﻳﯩﻘﯩﺘﯩﻠﻐﺎﻧﻠﯩﻘﯩﻨﻰ ﺗﻪﺑﺮﯨﻜﻠﻪﻳﺪﯨﻐﺎﻥ ﭼﻮﯓ ﭘﺎﺋﺎﻟﯩﻴﻪﺗﺘﻪ، ﺷﻪﺭﻗﯩﻲ ﮔﯧﺮﻣﺎﻧﯩﻴﯩﺪﻩ ﺗﯘﻏﯘﻟﻐﺎﻥ ﯞﻩ ﺩﯦﻤﻮﻛﺮﺍﺗﯩﻴﻪ ﺋﯜﭼﯜﻥ ﻛﯚﺭﻩﺵ ﻗﯩﻠﻐﺎﻥ، ﺑﯧﺮﻟﯩﻦ ﺗﯧﻤﻰ ﻳﯩﻘﯩﺘﯩﻠﻐﺎﻥ ﻛﯜﻧﻰ ﻛﯧﭽﯩﺪﻩ ﻏﻪﺭﺑﯩﻲ ﮔﯧﺮﻣﺎﻧﯩﻴﯩﮕﻪ ﻛﻪﻟﮕﻪﻥ، ﻫﺎﺯﯨﺮﻗﻰ ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﯩﺘﺮﻯ ﺋﺎﻧﮕﯩﻼ ﻣﺎﺭﻛﯧﻞ ﺧﺎﻧﯩﻢ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ ﻣﯧﻬﻤﺎﻧﻼﺭﻧﻰ ﻗﯩﺰﻏﯩﻦ ﻗﺎﺭﺷﻰ ﺋﺎﻟﺪﻯ. ﺑﯜﮔﯜﻥ ﺑﯧﺮﻟﯩﻦ ﺗﯧﻤﻰ ﻳﯩﻘﯩﻠﻐﺎﻧﻠﯩﻘﯩﻨﯩﯔ 20 ﻳﯩﻠﻠﯩﻘﯩﻨﻰ ﺗﻪﺑﺮﯨﻜﻠﻪﺵ ﺋﯜﭼﯜﻥ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﺳﺎﺭﻛﻮﺯﻯ، ﺭﯗﺳﯩﻴﻪ ﭘﺮﯦﺰﯨﺪﯦﻨﺘﻰ ﻣﯧﺪﯨﯟﯨﺘﯩﻒ ﻗﺎﺗﺎﺭﻟﯩﻖ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﻛﻪﻟﺪﻯ. ﺋﻪﻳﻨﻰ ﯞﺍﻗﯩﺘﺘﺎ ﺑﯧﺮﻟﯩﻦ ﺗﯧﻤﯩﻨﻰ ﻳﯩﻘﯩﺘﯩﺸﺘﺎ ﺯﻭﺭ ﺗﯚﻫﭙﻪ ﻗﻮﺷﻘﺎﻥ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺭﻩﻫﺒﯩﺮﻯ ﻣﯩﺨﺎﺋﯩﻞ ﮔﻮﺭﺑﺎﭼﯧﻒ، ﺳﺎﺑﯩﻖ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺩﺍﺩﺍ ﺟﻮﺭﺟﻰ ﺑﯘﺷﻤﯘ ﺑﯘ ﭘﺎﺋﺎﻟﯩﻴﻪﺗﻜﻪ ﻗﺎﺗﻨﺎﺷﺘﻰ.

ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﺴﯩﺘﯩﺮﻯ ﻫﯧﻠﻼﺭﻯ ﻛﯩﻠﯩﻨﺘﻮﻥ ﺑﯘ ﺗﻪﺑﺮﯨﻜﻠﻪﺵ ﭘﺎﺋﺎﻟﯩﻴﯩﺘﯩﺪﻩ ﻗﯩﻠﻐﺎﻥ ﺳﯚﺯﯨﺪﻩ، ﺋﻪﻣﺪﻯ 21‏ - ﺋﻪﺳﯩﺮﺩﯨﻜﻰ 'ﺑﯧﺮﻟﯩﻦ ﺗﺎﻡ'ﻟﯩﺮﯨﻨﻰ ﻳﯩﻘﯩﺘﯩﺸﻨﻰ ﻧﺎﺗﻮ ﭼﯘﻗﯘﻡ ﺋﻮﺭﯗﻧﻠﯩﺸﻰ ﻻﺯﯨﻤﻠﯩﻘﯩﻨﻰ ﻛﯚﺭﺳﻪﺗﺘﻰ.

ﻫﺎﺯﯨﺮ ﮔﯧﺮﻣﺎﻧﯩﻴﯩﺪﻩ ﺗﯘﺭﯗﯞﺍﺗﻘﺎﻥ ﺋﯘﻳﻐﯘﺭ ﻳﺎﺯﻏﯘﭼﯩﺴﻰ ﻛﯚﺭﻩﺵ ﺋﺎﺗﺎﺧﺎﻧﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﮔﯧﺮﻣﺎﻧﯩﻴﯩﺪﯨﻜﻰ ﺋﯘﻳﻐﯘﺭﻻﻣﯘ ﺑﯜﮔﯜﻧﻜﻰ ﺗﻪﺑﺮﯨﻜﻠﻪﺵ ﭘﺎﺋﺎﻟﯩﻴﯩﺘﯩﮕﻪ ﻗﯩﺰﻏﯩﻦ ﻗﺎﺗﻨﺎﺷﺘﻰ.

ﻳﺎﺯﻏﯘﭼﻰ ﻛﯚﺭﻩﺵ ﺋﺎﺗﺎﺧﺎﻧﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﻪﻳﻨﻰ ﯞﺍﻗﯩﺘﺘﺎ ﻣﯘﺳﺘﻪﺑﯩﺘﻠﻪﺭ ﺑﯧﺮﻟﯩﻦ ﺗﯧﻤﯩﻨﻰ ﺳﻮﻗﯘﭖ، ﮔﯧﺮﻣﺎﻧﻼﺭﻧﯩﯔ ﺋﻮﺗﺘﯘﺭﯨﺴﯩﻐﺎ ﻗﺎﻧﺪﺍﻕ ﺳﻮﻏﯘﻗﭽﯩﻠﯩﻖ ﺳﺎﻟﻐﺎﻥ ﺑﻮﻟﺴﺎ، ﺑﯘ ﺗﺎﻡ ﻳﯩﻘﯩﺘﯩﻠﻐﺎﻧﺪﯨﻦ ﻛﯧﻴﯩﻦ ﺧﯩﺘﺎﻳﻤﯘ ﺋﯘﻳﻐﯘﺭﻻﻧﯩﯔ ﺋﺎﺭﯨﺴﯩﻐﺎ ﯞﻩ ﺋﯘﻳﻐﯘﺭﻻﺭ ﺑﯩﻠﻪﻥ ﺑﺎﺷﻘﺎ ﻗﯧﯩﺮﯨﻨﺪﺍﺵ ﺧﻪﻟﻘﻠﻪﺭ ﺋﺎﺭﯨﺴﯩﻐﺎ ﺷﯘﻧﺪﺍﻕ ﺳﻮﻏﯘﻗﭽﯩﻠﯩﻖ ﺳﺎﻟﯩﺪﯨﻐﺎﻥ ﺳﯩﻴﺎﺳﻪﺗﻨﻰ ﻳﯜﺭﮔﯜﺯﯛﯞﺍﺗﯩﺪﯗ.

ﻳﺎﺯﻏﯘﭼﻰ ﻛﯚﺭﻩﺵ ﺋﺎﺗﺎﺧﺎﻧﻨﯩﯔ ﻗﺎﺭﯨﺸﯩﭽﻪ، 21 ‏- ﺋﻪﺳﯩﺮ -- ﺩﯙﻟﻪﺕ ﺩﯦﻜﺘﺎﺗﻮﺭﻟﯘﻗﻰ ﺋﺎﻏﺪﯗﺭﯗﭖ ﺗﺎﺷﯩﻠﯩﻨﯩﺪﯨﻐﺎﻥ، ﻣﯩﻠﻠﻪﺗﻠﻪﺭ ﻣﯘﺳﺘﻪﻗﯩﻞ، ﻫﯜﺭ ﺑﻮﻟﯩﺪﯨﻐﺎﻥ ﺋﻪﺳﯩﺮ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﻳﯧﻘﯩﻠﯩﺶ ﺋﺎﻟﺪﯨﺪﺍ ﺳﺎﻟﻐﺎﻥ 'ﺑﯧﺮﻟﯩﻦ ﺗﺎﻣﻠﯩﺮﻯ'ﻧﯩﯔ ﻳﯧﻘﯩﻠﯩﺪﯨﻐﺎﻧﻠﯩﻘﯩﻤﯘ ﻣﯘﻗﻪﺭﺭﻩﺭ.

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)