ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺟﯜﻣﻪ ﻛﯜﻧﯩﺪﯨﻦ ﺑﺎﺷﻼﭖ ﺑﯧﻴﺠﯩﯖﺪﺍ ﻳﯩﯖﻰ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﻯ ﻳﻮﻟﻐﺎ ﻗﻮﻳﻐﺎﻥ ﺑﻮﻟﯘﭖ، ﺑﯧﻴﺠﯩﯔ ﻳﺎﺷﻼﺭ ﮔﯧﺰﯨﺘﯩﻨﯩﯔ 9‏- ﻣﺎﻱ ﻛﯜﻧﯩﺪﯨﻜﻰ ﺳﺎﻧﯩﺪﺍ ﺧﻪﯞﻩﺭ ﻗﯩﻠﯩﺸﯩﭽﻪ، ﺳﺎﻗﭽﯩﻼﺭ، ﺑﯧﻴﺠﯩﯖﺪﺍ ﻣﺎﺷﯩﻨﯩﻼﺭﻧﻰ ﺗﻮﺧﺘﯩﺘﯩﭗ، ﻳﻮﻟﯘﭼﯩﻼﺭﻧﯩﯔ ﻛﯩﻤﻠﯩﻜﻠﯩﺮﯨﻨﻰ، ﭘﻮﻳﯩﺰ ﻫﻪﺗﺘﺎ ﺋﺎﭘﺘﻮﺑﯘﺱ ﻳﻮﻟﯘﭼﯩﻠﯩﺮﯨﻨﯩﯔ ﻛﯩﻤﻠﯩﻚ ﯞﻩ ﺳﻮﻣﻜﯩﻠﯩﺮﯨﻨﻰ ﺗﻪﻛﺸﯜﺭﻣﻪﻛﺘﻪ ﺋﯩﻜﻪﻥ.

ﭘﻪﻳﺸﻪﻧﺒﻪ ﻛﯜﻧﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﮕﻪ ﻣﻪﺳﺌﯘﻝ ﺋﺎﻟﯩﻲ ﺧﺎﺩﯨﻤﻰ، ﺗﻴﻪﻥ ﻳﯧﺸﺎﯓ، ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ، ﺗﯧﺮﺭﻭﺭﻟﯘﻕ ﻫﻪﺭﯨﻜﻪﺗﻠﯩﺮﯨﮕﻪ ﻗﺎﺭﺷﻰ ﺗﯘﺭﯗﺵ ﺋﯜﭼﯜﻥ، ﺋﺎﺭﻣﯩﻴﯩﺴﯩﻨﯩﯔ ﻗﯘﺭﯗﻗﻠﯘﻕ، ﺩﯦﯖﯩﺰ ﯞﻩ ﻫﺎﯞﺍ ﻣﯘﺩﺍﭘﯩﺌﻪ ﻗﯩﺴﯩﻤﻠﯩﺮﯨﻨﯩﯖﻤﯘ ﺟﯩﺪﺩﯨﻲ ﺗﻪﺩﺑﯩﺮﻟﻪﺭ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻧﯘﺭﻏﯘﻧﻠﯩﻐﺎﻥ ﻏﻪﺭﺑﻠﯩﻚ ﻣﯘﺗﻪﺧﻪﺳﺴﯩﺴﻠﻪﺭ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺑﻮﻟﯘﭘﻤﯘ ، ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﺵ ﺋﯜﭼﯜﻥ ﺗﯧﺮﺭﻭﺭ ﺗﻪﻫﺪﯨﺘﯩﺪﯨﻦ ﭘﺎﻳﺪﯨﻠﯩﻨﯩﯟﺍﺗﯩﺪﯗ ﺩﻩﭖ ﺋﻪﻳﯩﺒﻠﯩﻤﻪﻛﺘﻪ. ﻟﯧﻜﯩﻦ ﺗﻴﻪﻥ ﻳﯧﺸﺎﯓ ﭘﻪﻳﺸﻪﻧﺒﻪ ﻛﯜﻧﻰ ﺑﯧﻴﺠﯩﯖﺪﺍ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﺴﯩﺪﻩ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ ﻳﻪﻧﯩﻼ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﻰ، ﺋﻮﻟﯩﻤﭙﯩﻚ ﺋﯜﭼﯜﻥ ﺋﻪﯓ ﭼﻮﯓ ﺗﯧﺮﺭﻭﺭﻟﯘﻕ ﺗﻪﻫﺪﯨﺘﻰ ﺩﻩﭖ ﻛﯚﺭﺳﻪﺗﻜﻪﻥ.

ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯘ ﻫﻪﭘﺘﯩﻨﯩﯔ ﺑﺎﺷﻠﯩﺮﯨﺪﺍ ﺷﺎﯕﺨﻪﻳﺪﻩ ﺑﯩﺮ ﺋﺎﭘﺘﻮﺑﯘﺳﺘﺎ ﭘﺎﺭﺗﻼﺵ ﻳﯜﺯ ﺑﯧﺮﯨﭗ ﺋﯜﭺ ﻛﯩﺸﯩﻨﯩﯔ ﺋﯚﻟﯜﺷﻰ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺗﯧﺨﯩﻤﯘ ﭼﯚﭼﯜﺗﯜﯞﻩﺗﻜﻪﻥ. ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﭘﺎﺭﺗﻼﺷﻘﺎ ﺑﯩﺮ ﻳﻮﻟﻮﭼﻰ ﺗﻪﺭﯨﭙﯩﺪﯨﻦ ﺋﺎﭘﺘﻮﺑﯘﺳﻘﺎ ﺋﯧﻠﯩﭗ ﭼﯩﻘﯩﻠﻐﺎﻥ ﺋﺎﺳﺎﻥ ﺋﻮﺕ ﺋﺎﻟﯩﺪﯨﻐﺎﻥ ﺑﯩﺮ ﺳﯘﻳﯘﻗﻠﯘﻕ ﺳﻪﯞﻩﺏ ﺑﻮﻟﻐﺎﻥ.

ﺋﺎﺳﺘﯩﻦ ﺭﻩﻣﺰﯨﻨﯩﯔ " ﺗﺎﻳﻤﯩﺰ" ﮊﯗﺭﻧﯩﻠﯩﺪﺍ ﺋﯧﻼﻥ ﻗﯩﻠﻐﺎﻥ ﻣﺎﻗﺎﻟﯩﺴﺪﻩ ﺋﯧﻴﺘﯩﺸﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﺋﯧﻠﯩﻨﻐﺎﻥ ﻫﻪﺩﺩﯨﺪﯨﻦ ﺗﺎﺷﻘﯩﺮﻯ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﻯ، ﺑﯧﻴﺠﯩﯖﻨﯩﯔ ﺋﺎﻟﻠﯩﻘﺎﭼﺎﻥ ﺋﻮﻟﯩﻤﭙﯩﻜﻨﯩﯔ ﺟﯘﺷﻘﯘﻥ ﻛﻪﻳﭙﯩﻴﺎﺗﯩﻨﻰ ﻳﻮﻗﯩﺘﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ.

ﻣﺎﺭﺕ ﺋﯧﻴﯩﺪﺍ، ﺋﯘﻳﻐﯘﺭ ﻗﯩﺰﻯ ﮔﯜﺯﻩﻟﻨﯘﺭ ﺗﯘﺭﺩﯨﻨﯩﯔ، ﺑﯩﺮ ﺧﯩﺘﺎﻱ ﻳﻮﻟﯘﭼﻰ ﺋﺎﻳﺮﻭﭘﯩﻼﻧﻨﻰ ﭘﺎﺭﺗﻼﺗﻤﺎﻗﭽﻰ ﺑﻮﻟﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ، ﺋﺎﭘﺮﯨﻞ ﺋﯧﻴﯩﻨﯩﯔ ﺑﺎﺷﻠﯩﺮﯨﺪﺍ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺟﻪﺭﻳﺎﻧﯩﺪﺍ، ﺗﯧﺮﺭﻭﺭﻟﯘﻕ ﻫﯘﺟﯘﻣﻼﺭ ﯞﻩ ﺗﻪﻧﻬﻪﺭﯨﻜﻪﺗﭽﯩﻠﻪﺭﻧﻰ ﮔﯚﺭﯛﮔﻪ ﺋﯧﻠﯩﺸﻨﻰ ﭘﯩﻼﻧﻠﯩﻐﺎﻥ 45 ﻧﻪﭘﻪﺭ ﺋﯘﻳﻐﯘﺭﻧﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ. ﻟﯧﻜﯩﻦ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﻯ ﻫﺎﺯﯨﺮﻏﯩﭽﻪ ﺑﯘ ﻣﯘﺩﺩﯨﺌﺎﺳﯩﻨﻰ ﺋﯩﺴﭙﺎﺗﻼﻳﺪﯨﻐﺎﻥ ﻫﯧﭽﻘﺎﻧﺪﺍﻕ ﭘﺎﻛﯩﺖ ﺋﻮﺗﺘﯘﺭﯨﻐﺎ ﻗﻮﻳﻤﯩﻐﺎﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﯘ ﺑﺎﻳﺎﻧﺎﺗﯩﺪﯨﻦ ﻛﯧﻴﯩﻦ، ﺧﯩﺘﺎﻱ ﺳﺎﻗﭽﯩﻠﯩﺮﻯ، ﺑﯧﻴﺠﯩﯔ ﯞﻩ ﺑﺎﺷﻘﺎ ﺷﻪﻫﻪﺭﻟﻪﺭﺩﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻧﻰ، ﺋﯘﻳﻐﯘﺭ ﺋﯧﻠﯩﮕﻪ ﻗﺎﻳﺘﯘﺭﯗﺵ ﻫﻪﺭﯨﻜﯩﺘﯩﻨﻰ ﺗﯧﺨﯩﻤﯘ ﺗﯧﺰﻟﻪﺗﻜﻪﻥ.

ﻣﺎﺭﺕ ﺋﯧﻴﯩﺪﺍ ﺗﯩﺒﻪﺗﺘﻪ ﺑﯧﻴﺠﯩﯔ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﺑﺎﺷﻼﻧﻐﺎﻥ ﻗﻮﺯﻏﯩﻼﯓ ﯞﻩ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﯩﯔ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﺩﯨﻦ ﺋﯚﺗﯜﺷﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﻯ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﻗﺎﺗﺘﯩﻖ ﭼﯚﭼﯜﺗﯜﯞﻩﺗﻜﻪﻥ. ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺟﻪﺭﻳﺎﻧﯩﺪﺍ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺗﯧﺮﺭﻭﺭﻟﯘﻕ ﯞﻩﻗﻪﻟﯩﺮﯨﮕﻪ ﻗﺎﺭﺷﻰ ﺗﯜﺭﻟﯜﻙ ﻫﻪﺭﺑﯩﻲ ﻣﺎﻧﯧﯟﯨﺮﻻﺭ ﺋﯚﺗﻜﯜﺯﯛﺷﻜﻪ ﺑﺎﺷﻠﯩﻐﺎﻥ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ، ﭼﻪﺗﺌﻪﻝ ﺳﻪﻧﺌﻪﺗﭽﯩﻠﯩﺮﻯ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﺷﻨﻰ ﭘﯩﻼﻧﻠﯩﻐﺎﻥ ﻛﻮﻧﺴﯩﺮﺗﻼﺭﻧﻰ ﺷﯘﻧﯩﯖﺪﻩﻙ ﭼﻮﯓ ﻳﯩﻐﯩﻠﯩﺸﻼﺭﻧﻰ ﺑﯩﻜﺎﺭ ﻗﯩﻠﯩﭗ، ﺧﯩﺘﺎﻳﺪﯨﻜﻰ ﭼﻪﺗﺌﻪﻟﻠﯩﻜﻠﻪﺭﻧﯩﻤﯘ ﻳﯧﻘﯩﻨﺪﯨﻦ ﻛﯚﺯﯨﺘﯩﺸﻨﻰ ﻗﺎﺭﺍﺭ ﻗﯩﻠﻐﺎﻥ.

ﺗﺎﻳﻤﯩﺰ ﮊﯗﺭﻧﯩﻠﯩﻨﯩﯔ ﻣﯘﺧﺒﯩﺮﻯ ﺋﺎﺳﺘﯩﻦ ﺭﻩﻣﺰﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﺎﭘﺮﯨﻞ ﺋﯧﻴﯩﺪﺍ ﺑﯧﻴﺠﯩﯖﺪﯨﻜﻰ ﻛﯚﯕﯜﻝ ﺋﯩﭽﯩﺶ ﻣﻪﺭﻛﻪﺯﻟﯩﺮﯨﺪﻩ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ ﺧﯩﺘﺎﻱ ﺳﺎﻗﭽﯩﻠﯩﺮﻯ، 8 ﻯ ﭼﻪﺗﺌﻪﻟﻠﯩﻚ 20 ﻛﯩﺸﯩﻨﻰ ﺗﯘﺗﻘﯘﻥ ﻗﯩﻠﻐﺎﻥ. ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻗﯧﺘﯩﻤﻘﻰ ﺗﻪﻛﺸﯜﺭﯛﺵ ﻫﻪﺭﯨﻜﯩﺘﯩﻨﯩﯔ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻜﻪ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯧﻴﺠﯩﯖﺪﯨﻜﻰ ﻏﻪﺭﺑﻠﯩﻚ ﺩﯨﭙﻠﻮﻣﺎﺗﻼﺭ، ﺑﯘ ﺗﺎﺯﯨﻼﺵ ﻫﻪﺭﯨﻜﯩﺘﯩﻨﯩﯔ ﺳﯩﻴﺎﺳﯩﻲ ﺋﺎﺭﻗﺎ ﻛﯚﺭﯛﻧﯜﺷﻰ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.

" ﺗﺎﻳﻤﯩﺰ" ﮊﯗﺭﻧﯩﻠﻰ ﻣﯘﺧﺒﯩﺮﯨﻨﯩﯔ ﺑﯧﻴﺠﯩﯖﺪﯨﻜﻰ ﺑﯩﺮ ﻏﻪﺭﺑﻠﯩﻚ ﺩﯨﭙﻠﻮﻣﺎﺗﻨﯩﯔ ﺳﯚﺯﻟﯩﺮﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﻗﯧﺘﯩﻤﻘﻰ ﺗﺎﺯﯨﻼﺵ ﻫﻪﺭﯨﻜﯩﺘﻰ ﺋﺎﺭﻗﯩﻠﯩﻖ ﺑﯧﻴﺠﯩﯖﺪﯨﻜﻰ ﭼﻪﺗﺌﻪﻟﻠﯩﻜﻠﻪﺭﮔﻪ، ﺋﯘﻻﺭﻧﯩﯔ ﺩﺍﯞﺍﻣﻠﯩﻖ ﻛﯚﺯﯨﺘﯩﺶ ﺋﺎﺳﺘﯩﺪﺍ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﺑﯩﺮ ﺳﯩﮕﻨﺎﻝ ﺑﯧﺮﯨﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ.