ﻛﯚﭼﻤﻪﻥ ﻣﯘﺳﺎﭘﯩﺮﻻﺭﻧﯩﯔ ﻗﯩﻴﯩﻨﭽﯩﻠﯩﻘﻠﯩﺮﻯ ﯞﻩ ﺋﯘ ﻗﯩﻴﯩﻨﭽﯩﻠﯩﻘﻼﺭﻧﻰ ﻫﻪﻝ ﻗﯩﻠﯩﺶ ﺋﯜﭼﯜﻥ 2000 ‏- ﻳﯩﻠﻰ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺗﻪﺭﯨﭙﯩﺪﯨﻦ ﺋﯧﻠﯩﻨﻐﺎﻥ ﻗﺎﺭﺍﺭ ﺑﯩﻠﻪﻥ ﻫﻪﺭ ﻳﯩﻠﻰ 6 - ﺋﺎﻳﻨﯩﯔ 20 ‏- ﻛﯜﻧﻰ ﺩﯗﻧﻴﺎ ﻣﯘﺳﺎﭘﯩﺮﻻﺭ ﻛﯜﻧﻰ ﺩﻩﭖ ﺋﯧﻼﻥ ﻗﯩﻠﯩﻨﺪﻯ.
 
2009 - ﻳﯩﻠﻰ 6 - ﺋﺎﻳﻨﯩﯔ 20 ‏- ﻛﯜﻧﻰ ﺩﯗﻧﻴﺎ ﻣﯘﺳﺎﭘﯩﺮﻻﺭ ﻛﯜﻧﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺗﯜﺭﻛﯩﻴﯩﺪﻩ ﭘﺎﺋﺎﻟﯩﻴﻪﺕ ﻗﯩﻠﯩﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ ﯞﻩ ﺋﯩﻨﺴﺎﻧﯩﻲ ﻳﺎﺭﺩﻩﻡ ﯞﻩﺧﭙﯩﻨﯩﯔ ﺑﯩﺮﻟﯩﻜﺘﻪ ﺋﯘﻳﯘﺷﺘﯘﺭﯗﺷﻰ ﺑﯩﻠﻪﻥ ﺋﯩﺴﺘﺎﻧﺒﯘﻟﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭ ﺟﻪﻡ ﺑﻮﻟﯘﭖ ﺩﺍﻻ ﺳﻪﻳﻠﯩﺴﻰ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﺩﻯ. ﺑﯘ ﭘﺎﺋﺎﻟﯩﻴﻪﺗﻜﻪ ﺋﯘﻳﻐﯘﺭ، ﭼﯧﭽﻪﻥ ﯞﻩ ﺗﯜﺭﻛﻤﻪﻥ ﻗﺎﺗﺎﺭﻟﯩﻖ ﻣﯩﻠﻠﻪﺗﻠﻪﺭﺩﯨﻦ ﺗﯜﺭﻛﯩﻴﯩﺪﻩ ﻣﯘﺳﺎﭘﯩﺮ ﺑﻮﻟﯘﭖ ﻳﺎﺷﺎﯞﺍﺗﻘﺎﻥ ﻛﯩﺸﯩﻠﻪﺭ ﺩﻩﯞﻩﺕ ﻗﯩﻠﯩﻨﻐﺎﻥ ﺑﻮﻟﯘﭖ ﺋﯩﺴﺘﺎﻧﺒﯘﻟﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﺩﯨﻦ 250 ﻛﻪ ﻳﯧﻘﯩﻦ ﺋﺎﺋﯩﻠﻪ ﺋﯩﺸﺘﯩﺮﺍﻙ ﻗﯩﻠﺪﻯ.

ﭘﺎﺋﺎﻟﯩﻴﻪﺕ ﺋﯩﺴﺘﺎﻧﺒﯘﻝ ﺷﻪﻫﯩﺮﯨﻨﯩﯔ ﺋﺎﺭﻧﺎﯞﯗﺕ ﻛﯚﻳﻰ ﯞﺍﺩﯨﺴﯩﺪﯨﻜﻰ ﻗﺎﺭﻏﺎﻱ ﺩﻩﺭﯨﺨﻰ ﺑﯩﻠﻪﻥ ﻗﺎﭘﻼﻧﻐﺎﻥ ﺋﻮﺭﻣﺎﻧﺰﺍﺭﻟﯩﻘﺘﺎ ﺋﯚﺗﻜﯜﺯﯛﻟﺪﻯ. ﭘﺎﺋﺎﻟﯩﻴﻪﺗﺘﻪ ﻫﻪﺭ ﺧﯩﻞ ﭘﺮﻭﮔﺮﺍﻣﻤﯩﻼﺭ ﺋﯘﻳﯘﺷﺘﯘﺭﯗﻟﻐﺎﻥ ﺑﻮﻟﯘﭖ،ﺋﯚﺳﻤﯜﺭ ﺑﺎﻟﯩﻼﺭ ﺋﯘﻳﻐﯘﺭ ﯞﻩ ﺗﯜﺭﻙ ﺗﯩﻠﯩﺪﺍ ﺷﯧﺌﯩﺮ ﯞﻩ ﻧﺎﺧﺸﺎ ﺋﻮﻗﯩﺪﻯ، ﻫﻪﺭ ﺧﯩﻞ ﺋﻮﻳﯘﻧﭽﯘﻗﻼﺭ ﺋﻮﻳﻨﯩﺪﻯ، ﺋﺎﺗﻼﺵ، ﺳﻪﻛﺮﻩﺵ، ﺳﯩﻴﺮﯨﻠﯩﺶ ﻗﺎﺗﺎﺭﻟﯩﻖ ﺋﻮﻳﯘﻧﻼﺭﻧﻰ ﺋﻮﻳﻨﺎﭖ ﺧﯘﺷﺎﻟﻠﯩﻘﻘﺎ ﭼﯜﻣﺪﻯ.

ﭘﺎﺋﺎﻟﯩﻴﻪﺕ ﺟﻪﺭﻳﺎﻧﯩﺪﺍ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﯛﻟﺪﻯ. ﻳﯩﻐﯩﻨﻐﺎ ﺏ ﺩ ﺕ ﻛﯚﭼﻤﻪﻧﻠﻪﺭ ﻛﻮﻣﯩﺘﯧﺘﯩﻨﯩﯔ ﺗﯜﺭﻛﯩﻴﯩﺪﻩ ﺗﯘﺭﯗﺷﻠﯘﻕ ﯞﻩﻛﯩﻠﻰ ﻓﯘﺋﺎﺕ ﺋﯚﺯﯨﺪﻭﻏﺮﯗ، ﮊﯗﺭﻧﺎﻟﯩﺴﺖ ﺋﺎﺑﺪﯗﺭﺍﺧﻤﺎﻥ ﺩﯨﻠﯩﭙﺎﻙ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﺑﺎﺵ ﻛﺎﺗﯩﭙﻰ ﺩﻭﻛﺘﯘﺭ ﺋﺎﻟﯩﻤﺠﺎﻥ، ﺋﺎﻫﯩﺴﻜﺎﻻﺭ ﻳﺎﺭﺩﻩﻣﻠﯩﺸﯩﺶ ﯞﻩﺧﭙﯩﻨﯩﯔ ﺑﺎﺷﻠﯩﻘﻰ ﻣﻪﻫﻤﻪﺕ ﺋﻮﻏﯘﺯ ﯞﻩ ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﻛﯚﭖ ﺳﺎﻧﺪﺍ ﺭﺍﺩﯨﺌﻮ ‏ - ﺗﯧﻠﯧﯟﯨﺰﯨﻴﻪ ﯞﻩ ﮔﯧﺰﯨﺖ ﻣﯘﺧﺒﯩﺮﻟﯩﺮﻯ ﺋﯩﺸﺘﯩﺮﺍﻙ ﻗﯩﻠﺪﻯ.

ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ﺋﯩﻨﺴﺎﻧﯩﻲ ﻳﺎﺭﺩﻩﻡ ﯞﻩﺧﭙﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻳﺎﯞﯗﺯ ﺩﻩﺩﻩ ﺋﻪﭘﻪﻧﺪﻯ، ﯞﺍﻗﯩﺖ ﮔﯧﺰﯨﺘﯩﻨﯩﯔ ﺋﻮﺑﺰﻭﺭﭼﯩﺴﻰ ﮊﯗﺭﻧﺎﻟﯩﺴﺖ ﺋﺎﺑﺪﯗﺭﺍﺧﻤﺎﻥ ﺩﯨﻠﯩﭙﺎﻙ ﻛﯚﭼﻤﻪﻥ ﻣﯘﺳﺎﭘﯩﺮﻻﺭ ﻫﻪﻗﻘﯩﺪﻩ ﺳﯚﺯ ﻗﯩﻠﺪﻯ.

ﺋﯩﻨﺴﺎﻧﯩﻲ ﻳﺎﺭﺩﻩﻡ ﯞﻩﺧﭙﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻳﺎﯞﯗﺯ ﺩﻩﺩﻩ ﺋﻪﭘﻪﻧﺪﻯ ﺩﯗﻧﻴﺎﺩﯨﻜﻰ ﯞﻩ ﺗﯜﺭﻛﯩﻴﯩﺪﯨﻜﻰ ﻛﯚﭼﻤﻪﻥ ﻣﯘﺳﺎﭘﯩﺮﻻﺭ ﻫﻪﻗﻘﯩﺪﻩ ﺳﯚﺯ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ: ﺑﯩﺰﻧﯩﯔ ﺧﯩﺰﻣﻪﺕ ﻣﻪﻗﺴﯩﺘﯩﻤﯩﺰ ﯞﻩﺗﻪﻥ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﻛﯚﭼﻤﻪﻥ ﻣﯘﺳﺎﭘﯩﺮﻻﺭﻏﺎ ﯞﻩ ﻗﯩﻴﯩﻦ ﺋﻪﻫﯟﺍﻟﺪﺍ ﻗﺎﻟﻐﺎﻥ ﻣﻪﺯﻟﯘﻡ ﺋﯩﻨﺴﺎﻧﻼﺭﻏﺎ ﻳﺎﺭﺩﻩﻡ ﻗﯩﻠﯩﺶ. ﺩﯗﻧﻴﺎﺩﺍ ﻫﺎﺯﯨﺮ ﺋﯩﭽﻜﻰ ﺋﯘﺭﯗﺵ ﯞﻩ ﺋﯩﺸﻐﺎﻟﯩﻴﻪﺕ ﺳﻪﯞﻩﺑﯩﺪﯨﻦ 46 ﻣﯩﻠﻴﻮﻥ ﺋﯩﻨﺴﺎﻥ ﺋﯚﺯ ﻳﯘﺭﺗﯩﺪﯨﻦ ﺋﺎﻳﺮﯨﻠﯩﭗ ﺋﯘﺯﺍﻕ ﻳﻪﺭﻟﻪﺭﺩﻩ ﻣﯘﺳﺎﭘﯩﺮﻟﯩﻖ ﻫﺎﻳﺎﺕ ﻛﻪﭼﯜﺭﻣﻪﻛﺘﻪ. ﺑﯩﺰ ﺑﯘﻻﺭﻧﯩﯔ ﺑﯩﺮ ﻗﯩﺴﻤﯩﻨﯩﯔ ﺑﻮﻟﺴﯩﻤﯘ ﻗﯩﻴﯩﻨﭽﯩﻠﯩﻘﻠﯩﺮﯨﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﺗﯩﺮﯨﺸﯩﭗ ﻛﯧﻠﯩﯟﺍﺗﯩﻤﯩﺰ. 2008 ‏ - ﻳﯩﻠﻠﯩﻖ ﺋﯩﮕﯩﻠﻪﻧﮕﻪﻥ ﺳﺘﺎﺗﯩﺴﺘﯩﻜﯩﻼﺭﻏﺎ ﻗﺎﺭﯨﻐﺎﻧﺪﺍ، ﺩﯗﻧﻴﺎﺩﺍ 26 ﻣﯩﻠﻴﻮﻥ ﺋﯩﻨﺴﺎﻥ ﺋﯚﺯ ﺩﯙﻟﯩﺘﻰ ﺋﯩﭽﯩﺪﻩ ﺑﺎﺷﻘﺎ ﻳﯘﺭﺗﻼﺭﻏﺎ ﻛﯚﭼﻤﻪﻥ ﺑﻮﻟﻐﺎﻥ. 16 ﻣﯩﻠﻴﻮﻥ ﺋﯩﻨﺴﺎﻥ ﺋﯚﺯﻯ ﺑﯩﺨﻪﺗﻪﺭ ﻫﯧﺲ ﻗﯩﻠﻐﺎﻥ ﺩﯙﻟﻪﺗﻠﻪﺭﮔﻪ ﻛﯚﭼﯜﭖ ﻣﯘﺳﺎﭘﯩﺮ ﺑﻮﻟﻐﺎﻥ. ﺗﯜﺭﻛﯩﻴﯩﺪﻩ ﺑﻮﻟﺴﺎ 18 ﻣﯩﯔ ﺗﯩﺰﯨﻤﻐﺎ ﺋﺎﻟﺪﯗﺭﻏﺎﻥ ﻛﯚﭼﻤﻪﻥ ﻣﯘﺳﺎﭘﯩﺮ ﺑﻮﻟﯘﭖ، ﺗﯩﺰﯨﻤﻐﺎ ﺋﺎﻟﺪﯗﺭﻣﯩﻐﺎﻥ ﻣﯘﺳﺎﭘﯩﺮﻻﺭﻧﻰ ﻗﻮﺷﯘﭖ ﻫﯧﺴﺎﺑﻠﯩﻐﺎﻧﺪﺍ ﻛﯚﭼﻤﻪﻧﻠﻪﺭﻧﯩﯔ ﺳﺎﻧﻰ ﺗﯧﺨﯩﻤﯘ ﻛﯚﭖ. ﺗﯜﺭﻛﯩﻴﯩﺪﻩ ﺷﻪﺭﻗﯩﻲ ﺗﯜﺭﻛﺴﯩﺘﺎﻧﺪﯨﻦ ﻛﯚﭼﯜﭖ ﻛﻪﻟﮕﻪﻥ ﻣﯘﺳﺎﭘﯩﺮﻻﺭ ﺑﺎﺭ ﺑﻮﻟﯘﭖ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻦ ﺟﻪﻣﺌﯩﻲ 2 ﻣﯩﻠﻴﻮﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭ ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﻛﯚﭼﯜﺷﻜﻪ ﻣﻪﺟﺒﯘﺭ ﺑﻮﻟﻐﺎﻥ. ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﻣﯘﺳﺎﭘﯩﺮﻻﺭﻏﺎ ﺋﺎﻻﻗﯩﺪﺍﺭ ﺑﯩﺮ ﻗﺎﻧﯘﻥ ﻻﻳﯩﻬﯩﻠﯩﺸﻰ ﻻﺯﯨﻢ. ﺑﯘ ﻗﺎﻧﯘﻥ ﻻﻳﯩﻬﻪ ﻳﻮﻟﻐﺎ ﻗﻮﻳﯘﻟﻤﯩﻐﺎﻧﻠﯩﻘﺘﯩﻦ ﺗﯜﺭﻛﯩﻴﻪ ﺋﯩﭽﯩﺪﯨﻜﻰ ﻛﯚﭼﻤﻪﻥ ﻣﯘﺳﺎﭘﯩﺮﻻﺭ ﻫﻪﻗﯩﻘﻪﺗﻪﻥ ﻫﻪﺭ ﺧﯩﻞ ﻗﯩﻴﯩﻨﭽﯩﻠﯩﻘﻼﺭﻏﺎ ﺩﯛﭺ ﻛﻪﻟﺪﻯ. ﻛﯚﭼﻤﻪﻥ ﻣﯘﺳﺎﭘﯩﺮﻻﺭﻏﺎ ﺋﺎﻻﻗﯩﺪﺍﺭ ﺑﯩﺮ ﻗﺎﻧﯘﻥ ﻻﻳﯩﻬﯩﻠﻪﻧﻤﯩﮕﯩﭽﻪ ﺗﯜﺭﻛﯩﻴﯩﺪﯨﻜﻰ ﻛﯚﭼﻤﻪﻥ ﻣﯘﺳﺎﭘﯩﺮﻻﺭ ﻣﻪﺳﯩﻠﯩﺴﻰ ﻫﻪﻝ ﺑﻮﻟﻤﺎﻳﺪﯗ.

ﭘﺎﺋﺎﻟﯩﻴﻪﺕ ﺟﻪﺭﻳﺎﻧﯩﺪﺍ ﺭﺍﺩﯨﺌﻮ ‏ - ﺗﯧﻠﯧﯟﯨﺰﯨﻴﻪ ﻣﯘﺧﺒﯩﺮﻟﯩﺮﻯ ﺋﺎﻳﻠﯩﻨﯩﭗ ﻳﯜﺭﯛﭖ ﺋﯘﻳﻐﯘﺭﻻﺭ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﻯ. ﺑﯘ ﭘﺎﺋﺎﻟﯩﻴﻪﺕ ﺷﯘ ﻛﯜﻧﻰ ﻛﻪﭼﺘﻪ ﺗﯜﺭﻛﯩﻴﯩﻨﯩﯔ ATV ﯞﻩ Kanal 24 ﻗﺎﺗﺎﺭﻟﯩﻖ ﺑﯩﺮ ﻗﺎﻧﭽﻪ ﭼﻮﯓ ﺗﯧﻠﯧﯟﯨﺰﯨﻴﻪ ﻗﺎﻧﺎﻟﻼﺭﻧﯩﯔ ﻛﻪﭼﻠﯩﻚ ﺧﻪﯞﻩﺭ ﭘﺮﻭﮔﺮﺍﻣﻤﯩﺴﯩﺪﺍ ﺋﯧﻼﻥ ﻗﯩﻠﯩﻨﺪﻯ.

ﺑﯩﺰ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ﺳﯚﺯ ﻗﯩﻠﻐﺎﻥ ﮊﯗﺭﻧﺎﻟﯩﺴﺖ ﺋﺎﺑﺪﯗﺭﺍﺧﻤﺎﻥ ﺩﯨﻠﯩﭙﺎﻙ ﺋﻪﭘﻪﻧﺪﻯ ﺑﯩﻠﻪﻥ ﺋﯘﻳﻐﯘﺭ ﻛﯚﭼﻤﻪﻧﻠﻪﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﺋﺎﺑﺪﯗﺭﺍﺧﻤﺎﻥ ﺩﯨﻠﯩﭙﺎﻙ ﺋﻪﭘﻪﻧﺪﻯ "ﺳﯩﺰﭼﻪ ﺋﯘﻳﻐﯘﺭﻻﺭﻧﯩﯔ ﻛﯚﭼﻤﻪﻥ ﺑﻮﻟﯘﺵ ﻣﻪﺳﯩﻠﯩﺴﻰ ﻗﺎﻧﺪﺍﻕ ﻫﻪﻝ ﺑﻮﻟﯩﺪﯗ؟ ‏" ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: ﻛﯚﭼﻤﻪﻧﻠﻪﺭ ﻣﻪﺯﻟﯘﻣﺪﯗﺭ، ﻣﻪﺯﻟﯘﻣﻨﯩﯔ ﻣﯩﻠﻠﯩﺘﻰ، ﺩﯨﻨﻰ، ﺟﯩﻨﺴﯩﻴﯩﺘﻰ ﺋﺎﻳﺮﯨﻠﻤﺎﻳﺪﯗ، ﻣﻪﻳﻠﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﺑﻮﻟﺴﯘﻥ، ﻣﻪﻳﻠﻰ ﺑﺎﺷﻘﺎ ﻳﻪﺭﻟﯩﻚ ﺑﻮﻟﺴﯘﻥ، ﻣﻪﺯﻟﯘﻣﻐﺎ ﻳﺎﺭﺩﻩﻡ ﻗﯩﻠﯩﺶ ﻛﯧﺮﻩﻙ. ﺋﻪﻟﯟﻩﺗﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺑﯩﺮ ﺗﺮﺍﮔﯧﺪﯨﻴﻪ ﻳﯜﺯ ﺑﯧﺮﯨﯟﺍﺗﯩﺪﯗ، ﺑﯘ ﺗﺮﺍﮔﯧﺪﯨﻴﻪ ﺋﻪﺳﻠﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻦ ﻛﯚﭼﯜﺵ ﺑﯩﻠﻪﻥ ﺋﻪﻣﻪﺱ، ﺑﻪﻟﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﯩﺸﻐﺎﻝ ﻗﯩﻠﯩﻨﯩﺸﻰ ﺑﯩﻠﻪﻥ ﺑﺎﺷﻼﻧﺪﻯ. ﺷﯘﻧﯩﯔ ﺋﯜﭼﯜﻥ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺷﻪﺭﻗﯩﻲ ﺗﯜﺭﻛﺴﺘﺎﻥ ﺋﯜﺳﺘﯩﺪﯨﻦ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﺎﺳﺘﯘﺭﯗﺷﻠﯩﺮﯨﻨﻰ ﺋﺎﺯﺍﻳﺘﯩﺸﻰ ﻻﺯﯨﻢ. ﺋﯘ ﻳﻪﺭﺩﻩ ﻳﯜﺯ ﺑﯧﺮﯨﯟﺍﺗﻘﺎﻥ ﯞﻩﻗﻪﻟﻪﺭﻧﻰ ﺩﯗﻧﻴﺎﻏﺎ ﺗﻮﻏﺮﺍ ﺷﻪﻛﯩﻠﺪﻩ ﺋﺎﯕﻠﯩﺘﯩﺶ ﻻﺯﯨﻢ.

ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺑﯘﺩﺩﺍ ﺩﯨﻨﯩﺪﯨﻜﻰ ﺧﯩﺘﺎﻳﻼﺭﻧﯩﻤﯘ ﺑﺎﺳﺘﯘﺭﯗﯞﺍﺗﯩﺪﯗ. ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺋﯚﺯ ﭘﻮﻗﺮﺍﻟﯩﺮﯨﻨﯩﻤﯘ ﺑﺎﺳﺘﯘﺭﯗﯞﺍﺗﯩﺪﯗ. ﺷﯘﻧﯩﯔ ﺋﯜﭼﯜﻥ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﯩﮕﻪ ﻗﺎﺭﺷﻰ ﭼﯩﻘﯩﺶ ﻻﺯﯨﻢ. ﺑﯘﻧﯩﯖﺪﺍ ﻣﯘﯞﺍﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﺋﯜﭼﯜﻥ ﺧﯩﺘﺎﻳﻨﯩﯔ ﺋﯩﭽﻜﻰ ﺭﺍﻳﻮﻧﻠﯩﺮﯨﺪﯨﻜﻰ ﺑﺎﺷﻘﺎ ﺋﯩﻨﺴﺎﻥ ﻫﻪﻗﻠﯩﺮﻯ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﯞﻩ ﻫﻪﻕ ‏ - ﻫﻮﻗﯘﻗﻨﻰ ﭼﯜﺷﯩﻨﯩﺪﯨﻐﺎﻥ ﺗﻮﻏﺮﺍ ﺋﯩﻨﺴﺎﻧﻼﺭ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺶ ﻻﺯﯨﻢ. ﻳﻪﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﺭﯨﻜﯩﺘﻰ ﭘﻪﻗﻪﺕ ﺗﯜﺭﻙ ﺩﯗﻧﻴﺎﺳﯩﻨﯩﯔ ﺧﯩﺘﺎﻳﻐﺎ ﻗﺎﺭﺷﻰ ﺋﯩﺘﺘﯩﭙﺎﻗﻠﯩﺸﯩﺶ ﯞﻩ ﺧﯩﺘﺎﻱ ﻣﻪﺯﻟﯘﻣﻼﺭﻧﯩﯔ ﺷﯘﻧﺪﺍﻗﻼ ﺧﯩﺘﺎﻳﺪﯨﻜﻰ ﻫﻪﻕ ‏ - ﻫﻮﻗﯘﻗﻨﻰ، ﺋﺎﺩﺍﻟﻪﺗﻨﻰ ﭼﯜﺷﯩﻨﯩﺪﯨﻐﺎﻥ ﺋﯩﻨﺴﺎﻧﻼﺭﻧﯩﯔ ﺳﺎﻧﯩﻨﻰ ﻛﯚﭘﻪﻳﺘﯩﺶ ﯞﻩ ﺋﯘﻻﺭ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺶ ﺋﺎﺭﻗﯩﻠﯩﻖ ﺷﯘﻧﺪﺍﻗﻼ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻣﻪﺳﯩﻠﯩﻠﻪﺭﻧﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﭽﯩﻠﯩﻜﻰ ﺩﻩﭖ ﻗﺎﺭﺍﺵ ﺋﺎﺭﻗﯩﻠﯩﻖ ﻫﻪﻝ ﻗﯩﻠﻐﯩﻠﻰ ﺑﻮﻟﯩﺪﯗ. ﺧﯩﺘﺎﻱ ﺑﯩﺮ ﻳﯧﺮﯨﻢ ﻣﯩﻠﻴﺎﺭﺩ ﻧﻮﭘﯘﺳﻘﺎ ﺋﯩﮕﻪ ﺑﯩﺮ ﺩﯙﻟﻪﺕ، ﺋﯘﻧﭽﯩﻼ ﻛﯚﭖ ﻧﻮﭘﯘﺱ ﺑﺎﺭ ﻳﻪﺭﺩﻩ ﺋﻪﻟﯟﻩﺗﺘﻪ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﻗﺎﺭﺷﻰ ﻫﻪﻕ - ﻫﻮﻗﯘﻗﻨﻰ ﯞﻩ ﺋﺎﺩﺍﻟﻪﺗﻨﻰ ﻗﻮﻟﻼﻳﺪﯨﻐﺎﻥ ﺋﯩﻨﺴﺎﻧﻼﺭ ﻣﻪﯞﺟﯘﺕ.

ﺑﯩﺰ ﺑﯘ ﭘﺎﺋﺎﻟﯩﻴﻪﺗﻨﻰ ﺋﯘﻳﯘﺷﺘﯘﺭﻏﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﺋﯩﺠﺘﯩﻤﺎﺋﯩﻲ ﺋﯩﺸﻼﺭ ﻣﻪﺳﺌﯘﻟﻰ ﺋﺎﺑﺪﯗﻟﻜﻪﺭﯨﻢ ﺋﻪﭘﻪﻧﺪﻯ ﺑﯩﻠﻪﻥ ﺑﯘ ﭘﺎﺋﺎﻟﯩﻴﻪﺕ ﻫﻪﻗﻘﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﺳﯚﻫﺒﻪﺕ ﺧﺎﺗﯩﺮﯨﺴﯩﻨﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)