2 ﻛﯜﻧﺪﯨﻦ ﺑﯩﺮﻯ ﺷﯩﯟﯦﺘﺴﺎﺭﯨﻴﯩﻨﯩﯔ ﺟﻪﻧﯟﻩ ﺷﻪﻫﯩﺮﯨﺪﯨﻜﻰ ﺏ ﺩ ﺕ ﺑﺎﺵ ﺷﯩﺘﺎﺑﯩﺪﺍ ﻏﻪﺭﺏ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﯩﺮﯨﻨﯩﯔ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺋﯘﭼﺮﯨﺸﯩﺸﻼﺭ ﺋﯚﺗﻜﯜﺯﯛﯞﺍﺗﻘﺎﻥ ﺩ ﺋﯘ ﻕ ﺑﺎﺵ ﻛﺎﺗﯩﭙﻰ ﺩﻭﻟﻘﯘﻥ ﺋﻪﻳﺴﺎ ﺋﻪﭘﻪﻧﺪﻯ ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺗﯧﻠﯧﻔﯘﻥ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﺏ ﺩ ﺕ 14 - ﻧﯚﯞﻩﺗﻠﯩﻚ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﻰ ﻳﯩﻐﯩﻨﯩﻨﯩﯔ ﺗﻪﻳﻴﺎﺭﻟﯩﻖ ﺧﯩﺰﻣﻪﺗﻠﯩﺮﻯ ﺗﻮﻏﺮﯨﺴﯩﺪﺍ ﻣﻪﻟﯘﻣﺎﺗﻼﺭ ﺑﻪﺭﺩﻯ.
 
ﺩﻭﻟﻘﯘﻥ ﺋﻪﻳﺴﺎ ﺋﻪﭘﻪﻧﺪﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺏ ﺩ ﺕ 14 - ﻧﯚﯞﻩﺗﻠﯩﻚ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﻰ ﻳﯩﻐﯩﻨﯩﺪﺍ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﻨﻰ ﺋﺎﺳﺎﺳﻰ ﻣﻪﺳﯩﻠﻪ ﻫﺎﻟﯩﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ 2009 - ﻳﯩﻠﻰ 7 - ﺋﺎﻳﻨﯩﯔ 5 - ﻛﯜﻧﻰ ﺋﯜﺭﯛﻣﭽﯩﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﻧﻰ ﻏﻪﺭﺏ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﯩﺮﯨﮕﻪ ﺗﯧﺨﯩﻤﯘ ﺋﻪﺗﺮﺍﭘﻠﯩﻖ ﺑﯩﻠﺪﯛﺭﯛﺷﻨﻰ ﻣﯘﻫﯩﻢ ﯞﻩﺯﯨﭙﻪ ﻗﺎﺗﺎﺭﯨﺪﺍ ﺗﯘﺗﻘﺎﻥ ﺑﻮﻟﯘﭖ، ﺋﯘ ﺋﯩﻜﻜﻰ ﻛﯜﻧﺪﯨﻦ ﺑﯧﺮﻯ ﺋﺎﻣﯧﺮﯨﻜﺎ، ﻛﺎﻧﺎﺩﺍ ﻗﺎﺗﺎﺭﻟﯩﻖ ﺑﻪﺯﻯ ﻏﻪﺭﺏ ﺋﻪﻟﻠﯩﺮﻯ ﺩﯙﻟﻪﺗﻠﯩﺮﯨﻨﯩﯔ ﺏ ﺩ ﺕ ﺩﯨﻜﻰ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺋﯘﭼﺮﯨﺸﯩﺸﻼﺭ ﺋﯚﺗﻜﯜﺯﮔﻪﻥ.
 
ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﻨﻰ ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﻨﯩﯔ ﺑﯘ ﻗﯧﺘﯩﻤﻠﯩﻖ ﻳﯩﻐﯩﻨﯩﺪﺍ ﻛﯜﻧﺘﻪﺭﺗﯩﭙﻜﻪ ﺋﯧﻠﯩﭗ ﻛﯩﺮﯨﺶ ﺋﯜﭼﯜﻥ ﺩ ﺋﯘ ﻕ ﻧﯩﯔ ﺑﯩﺮ ﻗﺎﻧﭽﻪ ﻫﻪﭘﺘﯩﻠﻪﺭﺩﯨﻦ ﺑﯘﻳﺎﻥ ﭘﺎﺋﺎﻝ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻐﺎﻥ ﺩﻭﻟﻘﯘﻥ ﺋﻪﻳﺴﺎ ﺋﻪﭘﻪﻧﺪﻯ، ﺋﺎﻟﺪﯨﻨﻘﻰ ﻫﻪﭘﺘﯩﻠﻪﺭﺩﻩ ﺋﯚﺯﻟﯩﺮﯨﻨﯩﯔ ﻳﺎﯞﺭﯗﭘﺎ ﺑﯩﺮﻟﯩﻜﯩﮕﻪ ﺋﻪﺯﺍ ﺩﯙﻟﻪﺗﻠﻪﺭ ﻛﯩﺸﯩﻠﯩﻚ ﻫﻮﻗﯘﻕ ﻛﻮﻣﯩﺘﯧﺘﻠﯩﺮﯨﻨﯩﯔ ﺭﻩﻫﺒﻪﺭﻟﯩﺮﻯ ﺑﯩﻠﻪﻧﻤﯘ ﺋﯘﭼﺮﯨﺸﯩﺸﻼﺭ ﺋﯚﺗﻜﯜﺯﮔﻪﻧﻠﯩﻜﯩﻨﻰ ﻫﻪﻣﺪﻩ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﻏﻪﺭﺏ ﺩﯦﻤﻮﻛﺮﺍﺗﯩﻚ ﺋﻪﻟﻠﯩﺮﯨﺪﻩ ﺯﯨﻴﺎﺭﻩﺗﻠﻪﺭﺩﻩ ﺑﻮﻟﯘﭖ، ﭘﺎﺋﺎﻝ ﻫﻪﺭﯨﻜﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﺪﻯ.
 
ﺩ ﺋﯘ ﻕ 2009 - ﻳﯩﻠﻰ ﺋﯚﺗﻜﯜﺯﯛﻟﮕﻪﻥ ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﻰ ﻳﯩﻐﯩﻨﯩﺪﺍ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﻨﻰ ﻛﯜﻧﺘﻪﺭﺗﯩﭙﻜﻪ ﻛﯩﺮﮔﯜﺯﯛﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﻪﺗﻠﯩﺮﯨﮕﻪ ﺋﺎﺋﯩﺖ ﺩﻩﻟﯩﻞ - ﺋﯩﺴﭙﺎﺗﻼﺭ ﺑﯩﻠﻪﻥ ﺧﯩﺘﺎﻱ ﯞﻩﻛﯩﻠﻠﻪﺭ ﺋﯚﻣﯩﻜﯩﻨﻰ ﻗﯧﻴﯩﻦ ﺋﻪﻫﯟﺍﻟﺪﺍ ﻗﺎﻟﺪﯗﺭﻏﺎﻥ ﺑﻮﻟﯘﭖ، ﺑﯘ ﻗﯧﺘﯩﻢ 5 - ﺋﯩﻴﯘﻝ ﯞﻩﻗﻪﺳﯩﮕﻪ ﺩﺍﺋﯩﺮ ﭘﺎﻛﯩﺘﻼﺭ ﺑﯩﻠﻪﻥ ﺧﯩﺘﺎﻱ ﺗﻪﺭﻩﭘﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﻣﯜﺷﻜﯜﻝ ﯞﻩﺯﯨﻴﻪﺗﻜﻪ ﺩﯗﭼﺎﺭ ﻗﯩﻠﯩﺸﻰ ﻣﯘﻣﻜﯩﻦ ﺋﯩﻜﻪﻥ.
 
ﺩ ﺋﯘ ﻕ ﺑﺎﺵ ﻛﺎﺗﯩﭙﻰ ﺩﻭﻟﻘﯘﻥ ﺋﻪﻳﺴﺎ ﺋﻪﭘﻪﻧﺪﻯ ﺳﯚﺯﯨﻨﯩﯔ ﺋﺎﺧﯩﺮﯨﺪﺍ، ﺋﯚﺯﻟﯩﺮﯨﻨﯩﯔ ﺟﻪﻧﯟﻩﺩﯨﻜﻰ ﺑﯘ ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ ﻳﻪﻧﻪ ﺩﺍﯞﺍﻡ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﯞﻩ ﺏ ﺩ ﺕ 14 - ﻧﯚﯞﻩﺗﻠﯩﻚ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﻰ ﻳﯩﻐﯩﻨﯩﻐﺎ ﻗﻪﺩﻩﺭ ﻏﻪﺭﺏ ﺩﯦﻤﻮﻛﺮﺍﺗﯩﻚ ﺋﻪﻟﻠﯩﺮﻯ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﺋﯧﻠﯩﭗ ﺑﺎﺭﯨﺪﯨﻐﺎﻥ ﻛﯚﭖ ﻗﯧﺘﯩﻤﻠﯩﻖ ﺋﯘﭼﺮﯨﺸﯩﺸﻼﺭﻧﯩﯔ ﺗﻪﻳﻴﺎﺭﻟﯩﻘﯩﻨﻰ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﺪﻯ. ﺋﯘﻧﯩﯔ ﺋﯧﻴﺘﯩﺸﯩﭽﻪ، ﻏﻪﺭﺏ ﺩﯦﻤﻮﻛﺮﺍﺗﯩﻚ ﺋﻪﻟﻠﯩﺮﯨﻨﯩﯔ 5 - ﺋﯩﻴﯘﻝ ﯞﻩﻗﻪﺳﯩﮕﻪ ﺑﻮﻟﻐﺎﻥ ﺩﯨﻘﻘﯩﺘﻰ ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﺍ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﻨﻰ ﺟﯩﺪﺩﯨﻲ ﺑﯩﺮ ﻣﻪﺳﯩﻠﻪ ﻫﺎﻟﯩﻐﺎ ﻛﻪﻟﺘﯜﺭﯛﺩﯨﻜﻪﻥ.
 
ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 5 - ﺋﯩﻴﯘﻟﺪﯨﻦ ﻛﯧﻴﯩﻦ ﺋﯧﻠﯩﭗ ﺑﺎﺭﻏﺎﻥ ﻛﻪﯓ ﻛﯚﻟﻪﻣﻠﯩﻚ ﺗﯘﺗﻘﯘﻥ ﻗﯩﻠﯩﺶ ﻫﻪﺭﯨﻜﻪﺗﻠﯩﺮﻯ، ﺋﯘﻳﻐﯘﺭﻻﺭﻧﯩﯔ ﺗﯧﻠﯧﻔﯘﻥ ﺋﺎﻻﻗﯩﺴﯩﻨﯩﯔ ﻳﯧﺮﯨﻢ ﻳﯩﻠﺪﯨﻦ ﺋﺎﺭﺗﯘﻕ ﺋﯜﺯﯛﯞﯦﺘﯩﻠﯩﺸﻰ، ﺋﯩﻨﺘﯧﺮﻧﯧﺖ ﺋﻪﺭﻛﯩﻨﻠﯩﻜﯩﻨﯩﯔ ﻫﺎﺯﯨﺮﻏﺎ ﻗﻪﺩﻩﺭ ﻗﺎﻣﺎﻝ ﻗﯩﻠﯩﻨﯩﺸﻰ، ﻧﯘﺭﻏﯘﻧﻠﯩﻐﺎﻥ ﺗﻮﺭ ﺑﻪﺕ ﻣﻪﺳﺌﯘﻟﻠﯩﺮﻯ ﻫﻪﻡ ﺗﻮﺭﺩﺍ ﭘﯩﻜﯩﺮ ﻗﯩﻠﻐﯘﭼﯩﻼﺭﻧﯩﯔ ﺑﯜﮔﯜﻧﮕﻪ ﻗﻪﺩﻩﺭ ﺧﯩﺘﺎﻳﻨﯩﯔ ﺗﯜﺭﻣﯩﺴﯩﺪﻩ ﻳﯧﺘﯩﯟﺍﺗﻘﺎﻧﻠﯩﻘﻰ، 5 - ﺋﯩﻴﯘﻟﺪﯨﻦ ﻛﯧﻴﯩﻦ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯚﻟﯜﻡ ﺟﺎﺯﺍﺳﻰ ﻣﻪﺳﯩﻠﯩﻠﯩﺮﻯ ﻗﺎﺗﺎﺭﻟﯩﻘﻼﺭﻏﺎ ﻣﯘﻧﺎﺳﯩﯟﻩﺗﻠﯩﻚ ﭘﺎﻛﯩﺘﻼﺭ ﻛﯚﭘﻠﯩﮕﻪﻥ ﺧﻪﻟﻘﺌﺎﺭﺍﻟﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺗﻪﺭﯨﭙﯩﺪﯨﻦ ﺋﻮﺗﺘﯘﺭﯨﻐﺎ ﻗﻮﻳﯘﻟﯩﺪﯨﻜﻪﻥ.
 
ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.