D u q guangdung qirghinchiliqi munasiwiti bilen bir qatar paaliyetler uyushturushni pilanldi
Muxbirimiz eqide
2009-07-01
26 - Iyun küni guangdung ölkisining shawgüen shehiridiki shüri oyunchuq zawutida, uyghur wetinidin mezkür zawutqa ishchiliqqa yötkep kélingen uyghurlar bilen xitaylar otturisida qanliq toqunush yüz bergen hemde weqeni bir terep qilish üchün 400 saqchi, 152 neper jiddiy qutquzush xadimi, 48 qétim jiddiy qutquzush aptomobilining ishqa sélinghanliqi xewer qilinghan idi.
www.uighurbiz.net Din élinghan bu süret, toqunush yüz bergen binaning aldidiki neq meydandin körüsh.
Xitay tor betliridiki xitaylarning weqe toghrisidiki inkaslirida, toqunushning kélip chiqish sewebining basqunchiliq weqesi bilen munasiwetlik ikenliki éytilghan bolsimu, emma uyghurlar heqqide pitne - Pasat tarqatqan xitayning qolgha élinghanliqi otturigha qoyulghan idi.
Shawgüen sheherlik hökümitining doklatida körsitilishiche, weqede jemiy 120 kishi yarilanghanliqi, bularning ichide 81 ning uyghur, 39 nepirining xitay ikenliki, 2 uyghurning ölgenliki bildürülgen idi. Xitayning boshun we bashqa uchur wastilirida bolsa, weqede ölgenlerning 18 kishi ikenliki, uning 12 sining uyghur ikenliki xewer qilinghan.
Eskertish: bu sin - Alghu filimi www.ireport.com Din élinghan. Neshiryat hoquqi www.ireport.com Ning. Mezmuni we körünüshlerning tepsilatigha RFA ning mesuliyiti yoq.
Qanliq weqening neq meydan körünüshi chüshürülgen bezi sin alghu léntiliri yutubqa qoyulghan bolup, xitay tor betliride xitaylarning uyghurlarni kemsitisdighan, hetta ashkara halda "öltürüsh kérek bu uyghurlarni", " qirip tügitish kérek " dégenge oxshash, uyghurlargha bolghan öchmenlik we ghezep - Nepriti ipadilengen sözliri yer alghan.
Bu weeqe yüz bergendin kéyin, chetellerde uyghurlarning démokratiye we siyasiy hoquqliri üchün paaliyet élip bériwatqan dunya uyghur qurultiyi yétekchilikidiki her qaysi teshkilatliri, özliri turuwatqan döletlerde turushluq hökümet we kishilik hoquq teshkilatliri bilen uchrishish, ulargha xet yollash arqiliq ulardin xitay hökümitige bésim ishlitip, bu qanliq toqunushning meydangha kilishidiki heqiqiy sewebini we weqede hayatidin ayrilghan uyghurlarning éniq sanini éniqlashni hemde weqe sadir qilghan jinayetchilerni jazalashni telep qildi.
Ziyaritimizni qobul qilghan, dunya uyghur qurultiyining bash katipi dolqun eysa ependi, weqening sadir bolushigha aldi bilen xitay hökümitining érqiy kemsitish siyasitining sewebchi ikenlikini bildürüsh bilen birge, bolupmu xitay ölkilirige éshinchi emgek küchi yötkesh siyasitining tamamen xata bir siyaset ikenlikini tekitlidi, dunya uyghur qurultiyining her qaysi döletlerdiki daimi kométit ezaliri bilen téléfun yighini ötküzgenlikini éytqan dolqun ependi yene, aldimizdiki künlerde her qaysi döletlerde naraziliq namayishi élip baridighanliqini, dunya metbuatliri arqiliq weqening mahiyitini xelqaragha ashkarilaydighanliqini we xitay hökümitini weqening heqiqiy sewebini éniqlashqa,uyghur xelqidin epu sorushqa mejburlaydighanliqini, bu heqte birleshken döletler teshkilatigha erz qilidighanliqini bildürdi.
Amérika uyghur birleshmisining muawin reisi alim séyitof ependi, bu weqe munasiwiti bilen amérikida élip baridighan paaliyetler toghrisida melumat berdi.
Yuqiridiki awaz ulinishidin, bu heqtiki melumatimizning tepsilatini anglaysiler.
 | Bésish |  |
Ewetish |
Munasiwetlik xewerler
Awstraliyiliklerde xitaygha qarshi sowush keypiyati bayqalghan
Xitay shyawguen weqesi jawabkarlirigha höküm élan qildi
Xitay, tutqun qilinghan uyghurlarning ailisige ziyankeshlik qilmaqta
Kanadaning medeniyet we köchmenlik ishliri ministiri jéyson kénniy uyghur wekillirini qobul qildi
Wang léchüenning texttin chüshüshi uyghurlarning teqdirini özgertelemdu?
Xitaylar ghulja yézilirida ürümchi qirghinchiliqigha dair yalghan körünüshlerni süretke almaqta
Xitay puqraliri namayishidin kéyinki uyghur weziyiti
Rabiye qadir xanim xitay dairilirini xelqning bixeterlikige kapaletlik qilishqa chaqirdi
Ju yünkang shawguen shüri oyunchuq zawutida uyghur ishchilarni tekshürdi
24 Saetlik téléfon liniyisi
Essalamu eleykum radio anglighuchilar we oqurmenler, istansimiz uyghur bölümi24 saetlik téléfon liniyisi tesis qildi.
Pikir - Qarashliringizni otturigha qoyung
Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.
Barliq pikir - Bayanlarni körüsh.