ﺋﺎﻣﯧﺮﯨﻜﯩﺪﯨﻜﻰ ﺋﯚﻛﺘﯩﭽﻰ ﺧﯩﺘﺎﻳﻼﺭ ﯞﻩ ﺧﯩﺘﺎﻱ ﭼﻮﯓ ﻗﯘﺭﯗﻗﻠﯘﻗﯩﺪﯨﻜﻰ ﺑﻪﺯﻯ ﺩﯨﻤﻮﻛﯧﺮﺍﺗﯩﻚ ﺯﺍﺗﻼﺭ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﯩﻠﻪﻥ ﺑﯩﺮﻟﯩﺸﯩﭗ، ﺧﯩﺘﺎﻱ ﺭﻩﻫﺒﯩﺮﻯ ﺧﯘ ﺟﯩﯖﺘﺎﯞﻏﺎ ﯞﺍﯓ ﻟﯧﭽﯜﺋﻪﻧﻨﯩﯔ ﯞﻩﺯﯨﭙﯩﺴﯩﻨﻰ ﺋﯧﻠﯩﭗ ﺗﺎﺷﻼﺷﻨﻰ ﺗﻪﻟﻪﭖ ﻗﯩﻠﯩﭗ ﺧﻪﺕ ﻳﺎﺯﻏﺎﻥ.

ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞﻏﺎ ﺑﯩﺮﻟﻪﺷﻤﻪ ﺋﯩﻤﺰﺍﻟﯩﻖ ﺋﻮﭼﯘﻕ ﺧﻪﺕ ﺋﯧﻼﻥ ﻗﯩﻠﯩﭗ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﺋﻪﻧﻨﻰ ﯞﻩﺯﯨﭙﯩﺴﯩﺪﯨﻦ ﺋﯧﻠﯩﭗ ﺗﺎﺷﻼﺷﻨﻰ ﺗﻪﻟﻪﭖ ﻗﯩﻠﯩﺶ ﻫﻪﺭﯨﻜﯩﺘﯩﻨﻰ ﺧﯩﺘﺎﻱ ﺩﯦﻤﻮﻛﺮﺍﺗﯩﻚ ﻫﻪﺭﯨﻜﯩﺘﯩﻨﯩﯔ ﺋﺎﻟﺪﯨﻨﻘﻰ ﻗﺎﺗﺎﺭﺩﯨﻜﻰ ﺷﻪﺧﺴﻠﯩﺮﯨﺪﯨﻦ ﺗﺎﯓ ﺑﻮﭼﻴﺎﯞ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ﻗﻮﺯﻏﯩﻐﺎﻥ.

ﺗﺎﯓ ﺑﻮﭼﯩﻴﺎﯞ، ﺧﯘ ﺟﯩﻨﺘﺎﯞﻏﺎ ﻳﯧﺰﯨﻠﻐﺎﻥ ﯞﺍﯓ ﻟﯧﭽﯜﺋﻪﻧﻨﻰ ﯞﻩﺯﯨﭙﯩﺴﯩﺪﯨﻦ ﺋﯧﻠﯩﭗ ﺗﺎﺷﻼﺵ ﺗﻮﻏﺮﯨﺴﯩﺪﯨﻜﻰ ﺋﻮﭼﯘﻕ ﺧﻪﺗﻜﻪ ﺋﺎﻣﯧﺮﯨﻜﺎ ﯞﻩ ﺧﯩﺘﺎﻱ ﭼﻮﯓ ﻗﯘﺭﯗﻗﻠﯘﻗﯩﺪﯨﻜﻰ ﺑﻪﺯﻯ ﺩﯦﻤﻮﻛﺮﺍﺗﯩﻚ ﺯﺍﺗﻼﺭﺩﯨﻦ ﺑﻮﻟﯘﭖ ﺋﺎﺯ ﺩﯦﮕﻪﻧﺪﻩ 250 ﺋﺎﺩﻩﻣﻨﯩﯔ ﺋﯩﻤﺰﺍ ﻗﻮﻳﻐﺎﻧﻠﯩﻘﻰ، ﺋﯩﻤﺰﺍ ﻗﻮﻳﻐﺎﻧﻼﺭ ﺋﯩﭽﯩﺪﻩ ﺗﯩﺒﻪﺗﻠﻪﺭ ﯞﻩ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﺪﯨﻜﻰ ﺭﻩﻫﺒﯩﺮﻯ ﺯﺍﺗﻼﺭﻧﯩﯔ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯘ ﺧﻪﺕ ﺏ ﺩ ﺕ ﻧﯩﯔ ﻧﻴﯘ - ﻳﻮﺭﻛﺘﯩﻜﻰ ﺋﻮﻣﯘﻣﻰ ﻗﯘﺭﯗﻟﺘﯩﻴﻰ ﺷﯘﻧﺪﺍﻗﻼ ﭘﯧﺘﯩﺴﺘﺒﯘﺭﮔﺪﯨﻜﻰ 20 ﺩﯙﻟﻪﺕ ﮔﯘﺭﯗﻫﯩﻨﯩﯔ ﺑﺎﺷﻠﯩﻘﻼﺭ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺪﯨﻐﺎﻥ ﺧﯘ ﺟﯩﻨﺘﺎﯞﻧﯩﯔ ﺋﺎﻣﯧﺮﯨﻜﯩﺪﯨﻜﻰ ﻣﻪﺯﮔﯩﻠﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ. ﺗﺎﯓ ﺑﻮﭼﻴﺎﯞ ﯞﺍﯓ ﻟﯧﭽﯜﺋﻪﻧﻨﻰ ﯞﻩﺯﯨﭙﯩﺴﯩﺪﯨﻦ ﺋﯧﻠﯩﭗ ﺗﺎﺷﻼﺷﻨﻰ ﺗﻪﻟﻪﭖ ﻗﯩﻠﯩﺸﺘﯩﻜﻰ ﺳﻪﯞﻩﺑﻠﻪﺭﻧﻰ ﭼﯜﺷﻪﻧﺪﯛﺭﯛﭖ، ﯞﺍﯓ ﻟﯧﭽﯜﺋﻪﻧﻨﯩﯔ 5‏ - ﺋﯩﻴﯘﻟﺪﯨﻜﻰ ﺋﯜﺭﯛﻣﭽﻰ ﯞﻩﻗﻪﺳﯩﺪﻩ ﻣﻪﺳﺌﯘﻟﯩﻴﯩﺘﻰ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ ﻣﯘﻧﺪﺍﻕ ﺩﻩﻳﺪﯗ: "ﻛﯚﭘﭽﯩﻠﯩﻚ ﺑﯘﻧﯩﯔ ﻧﻮﻗﯘﻝ ﺧﻪﻧﺰﯗﻻﺭ ﺑﯩﻠﻪﻥ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﯨﻜﻰ ﺯﯨﺪﺩﯨﻴﻪﺕ ﺋﻪﻣﻪﺳﻠﯩﻜﯩﻨﻰ ﺗﻮﻧﯘﭖ ﻳﯧﺘﯩﺸﻜﻪ ﺑﺎﺷﻠﯩﺪﻯ. ﺑﯘ ﺳﯩﻴﺎﺳﻰ ﺗﯜﺯﯛﻣﻨﯩﯔ ﻣﯘﯞﺍﭘﯩﻖ ﺑﻮﻟﻤﺎﺳﻠﯩﻘﻰ ﭘﻪﻳﺪﺍ ﻗﯩﻠﻐﺎﻥ ﺑﯩﺮ ﻫﺎﺩﯨﺴﻪ. ﺑﯘ ﺗﯜﺯﯛﻣﺪﻩ ﺋﯘﻳﻐﯘﺭﻻﺭ ﺑﻮﺯﻩﻙ ﻗﯩﻠﯩﺸﻘﺎ ﺋﯘﭼﺮﯨﺪﻯ. ﻧﻪﺗﯩﺠﯩﺪﻩ ﺑﯘ ﻳﯘﻗﯩﺮﯨﻘﻰ ﻳﯩﻐﯩﺸﺘﯘﺭﯗﯞﺍﻟﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺋﺎﻗﯩﯟﻩﺗﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ. ﺑﯘﻧﯩﯖﺪﯨﻜﻰ ﺋﺎﺳﺎﺳﻰ ﻣﻪﺳﺌﯘﻟﯩﻴﻪﺗﻨﻰ ﻧﻮﻗﯘﻝ ﻫﺎﻟﺪﯨﻼ ﺧﻪﻧﺰﯗﻻﺭﻏﺎ ﺋﺎﺭﺗﯩﭗ ﻗﻮﻳﯘﺷﻘﺎ ﺑﯚﻟﻤﯩﺴﺎ ﻛﯧﺮﻩﻙ. ﺑﯘ ﻳﻪﺭﺩﯨﻜﻰ ﺋﺎﺳﺎﺳﻰ ﻣﻪﺳﺌﯘﻟﯩﻴﻪﺕ ﺟﯘﯕﮕﻮ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺭﻩﻫﺒﻪﺭﻟﯩﺮﯨﺪﻩ، ﺟﻮﯕﮕﯘ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺭﻩﻫﺒﻪﺭﻟﯩﻚ ﻗﺎﺗﻠﯩﻤﯩﺪﺍ ﺧﻪﻧﺰﯗﻻﺭ ﯞﻩ ﺑﺎﺷﻘﺎ ﻣﯩﻠﻠﻪﺗﻠﻪﺭ ﺑﺎﺭ. ﻟﯧﻜﯩﻦ ﺋﺎﺳﺎﺳﻠﯩﻘﻰ ﺧﻪﻧﺰﯗﻻﺭ. ﺷﯘﯕﺎ ﺑﯘ ﺋﯩﺶ ﺑﯩﺰﻧﻰ ﺑﯩﺮ ﺧﻪﻧﺰﯗ ﺑﻮﻟﯘﺵ ﺳﯜﭘﯩﺘﯩﺪﻩ ﻧﺎﻫﺎﻳﯩﺘﻰ ﺋﺎﺯﺍﺑﻠﯩﺪﻯ. ﺑﯩﺰ ﺋﯩﺸﻨﻰ ﯞﺍﯓ ﻟﯧﭽﯜﺋﻪﻧﺪﯨﻦ ﺑﺎﺷﻠﯩﺪﯗﻕ."

ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ 5 ‏ - ﺋﯩﻴﯘﻝ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﻟﻰ ﺟﯩﻨﻰ ﯞﻩﺯﯨﭙﯩﺴﯩﺪﯨﻦ ﺋﯧﻠﯩﭗ ﺗﺎﺷﻠﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﯞﺍﯓ ﻟﯧﭽﯜﺋﻪﻧﻨﻰ ﯞﻩﺯﯨﭙﯩﺴﯩﺪﯨﻦ ﺋﯧﻠﯩﭗ ﺗﺎﺷﻼﺵ ﻫﻪﻗﻘﯩﺪﯨﻜﻰ ﺗﻪﻟﻪﭖ ﯞﻩ ﭼﺎﻗﯩﺮﯨﻘﻼﺭﻏﺎ ﻗﯘﻻﻕ ﺳﺎﻟﻤﯩﻐﺎﻥ ﺋﯩﺪﻯ.

ﯞﺍﯓ ﻟﯧﭽﯜﺋﻪﻥ 5 ‏ - ﺋﯩﻴﯘﻝ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺋﯘﻳﻐﯘﺭﻻﺭﻧﯩﯔ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﺍﭘﻼ ﻗﺎﻟﻤﺎﻱ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ ﻗﺎﺭﺷﯩﻠﯩﻘﯩﻐﺎ ﺩﯗﭺ ﻛﻪﻟﮕﻪﻥ. ﻟﯧﻜﯩﻦ ﺑﯘ ﺋﯩﻜﻜﻰ ﺧﻪﻟﻘﻨﯩﯔ ﯞﺍﯓ ﻟﯧﭽﯜﺋﻪﻧﮕﻪ ﻗﺎﺭﺷﻰ ﺗﯘﺭﯨﺸﯩﺪﯨﻜﻰ ﺳﻪﯞﻩﺑﻰ ﺋﻮﺧﺸﯩﻤﺎﻳﺘﺘﻰ. ﺋﯘﻳﻐﯘﺭﻻﺭ 5 ‏ - ﺋﯩﻴﯘﻟﺪﯨﻜﻰ ﯞﻩﻗﻪﻧﻰ ﯞﺍﯓ ﻟﯧﭽﯜﺋﻪﻧﻨﯩﯔ ﺋﯘﻳﻐﯘﺭﻻﺭﻧﻰ ﭼﻪﺗﻜﻪ ﻗﯧﻘﯩﭗ، ﺧﯩﺘﺎﻳﻼﺭﻏﺎ ﻳﺎﺭ - ﻳﯚﻟﻪﻙ ﺑﻮﻟﯘﺵ ﺳﯩﻴﺎﺳﯩﺘﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺳﻪ، ﺋﯜﺭﯛﻣﭽﯩﺪﯨﻜﻰ ﺧﯩﺘﺎﻳﻼﺭ ﺋﯘﻧﯩﯔ 5‏ - ﺋﯩﻴﯘﻟﺪﯨﻜﻰ ﯞﻩﻗﻪﺩﻩ ﻳﯧﺘﻪﺭﻟﯩﻚ ﻗﺎﺗﺘﯩﻖ ﻗﻮﻝ ﺑﻮﻟﻤﯩﻐﺎﻧﻠﯩﻘﯩﻨﻰ ﺗﻪﻧﻘﯩﺪﻟﯩﮕﻪﻥ ﺋﯩﺪﻯ.

ﺗﺎﯓ ﺑﻮﭼﻴﺎﯞ ﺑﻮﻟﺴﺎ " ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﺍﺵ ﻳﺎﻟﻐﯘﺯ ﺋﺎﺩﻩﺗﺘﯩﻜﻰ ﻫﻮﻗﯘﻗﻨﻰ ﻗﻮﻏﺪﺍﺷﻼ ﺑﻮﻟﯘﭖ ﻗﺎﻟﺴﺎ ﺑﻮﻟﻤﺎﻳﺪﯗ. ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﺍﺵ ﺋﯚﺯ ﻣﯩﻠﻠﯩﺘﯩﻨﯩﯔ ﻫﻮﻗﯘﻗﯩﻨﻰ ﻗﻮﻏﺪﺍﺵ ﺑﻮﻟﯘﭘﻼ ﻗﺎﻟﻤﺎﻱ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﯩﯔ ﻫﻮﻗﯘﻗﯩﻨﻰ ﻗﻮﻏﺪﺍﺵ ﺷﯘﻧﺪﺍﻗﻼ ﺷﻪﺧﺴﻠﻪﺭﻧﯩﯔ ﻫﻮﻗﯘﻗﯩﻨﻰ ﻗﻮﻏﺪﺍﺷﻨﻰ ﺋﯚﺯ ﺋﯩﭽﯩﮕﻪ ﺋﯧﻠﯩﺸﻰ ﻛﯧﺮﻩﻙ. ﺑﯘﻧﯩﯔ ﺋﯩﭽﯩﺪﻩ ﺟﻮﯕﮕﻮ ﻛﻮﻣﭙﺎﺭﺗﯩﻴﯩﺴﻰ ﻫﯚﻛﯜﻣﺮﺍﻧﻠﯩﻘﯩﺪﯨﻜﻰ ﻫﻪﺭ ﻗﺎﻳﺴﻰ ﺋﻮﺧﺸﯩﻤﯩﻐﺎﻥ ﺭﺍﻳﻮﻧﻼﺭﻧﯩﯔ ﻫﻮﻗﯘﻗﯩﻐﺎ ﻫﯚﺭﻣﻪﺕ ﻗﯩﻠﯩﭗ ﻛﯧﺮﻩﻙ،" ﺩﻩﻳﺪﯗ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﯞﺍﯓ ﻟﯧﭽﯜﺋﻪﻥ ﻫﻪﻗﻘﯩﺪﯨﻜﻰ ﺋﯩﻤﺰﺍ ﺗﻮﭘﻼﺵ ﻫﻪﺭﯨﻜﯩﺘﯩﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻗﯘﺭﯗﻟﺘﺎﻱ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻫﻪﺭﯨﻜﻪﺗﻨﯩﯔ ﻣﻪﻗﺴﯩﺪﻯ ﯞﺍﯓ ﻟﯧﭽﯜﺋﻪﻧﻨﻰ ﺟﺎﺯﺍﻻﺵ ﺑﻮﻟﺴﺎ، ﺑﯘ ﻫﻪﺭﯨﻜﻪﺗﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ، ﻟﯧﻜﯩﻦ ﺋﯘﻧﯩﯖﺪﺍ ﺋﯚﺯﯨﻨﯩﯔ ﺋﯩﻤﺰﺍﺳﻰ ﻳﻮﻗﻠﯘﻗﻰ، ﻗﯘﺭﯗﻟﺘﺎﻱ ﺭﻩﻫﺒﻪﺭﻟﯩﻚ ﻗﺎﺗﻠﯩﻤﯩﺪﯨﻜﻰ ﺯﺍﺗﻼﺭﻧﯩﯔ ﺋﯩﭽﯩﺪﻩ ﺋﯘﻧﯩﯖﻐﺎ ﺋﯩﻤﺰﺍ ﻗﻮﻳﻐﺎﻧﻼﺭ ﺑﻮﻟﺴﺎ ﺋﯘﻧﻰ ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﺎﻣﯧﺮﯨﻜﯩﻨﯩﯔ ﻧﻴﯘ ﻳﻮﺭﻙ ﺷﻪﻫﯩﺮﯨﺪﯨﻜﻰ ﺧﯩﺘﺎﻱ ﺩﯦﻤﻮﻛﺮﺍﺗﯩﻚ ﭘﺎﺋﺎﻟﯩﻴﻪﺗﭽﯩﺴﻰ ﺗﺎﯓ ﺑﻮﭼﻴﺎﯞ ﺑﯘ ﻗﯧﺘﯩﻤﻘﻰ ﻫﻪﺭﯨﻜﻪﺕ ﺧﯩﺘﺎﻳﻨﯩﯔ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﻫﻪﺭ ﺧﯩﻞ ﻛﯜﭼﻠﻪﺭﻧﯩﯔ ﻣﯩﻠﻠﻰ، ﺟﯘﻏﺮﺍﭘﯩﻴﯩﻠﯩﻚ ﯞﻩ ﺳﯩﻴﺎﺳﻰ ﺟﻪﻫﻪﺗﺘﯩﻜﻰ ﭼﻪﻙ ﭼﯧﮕﺮﯨﺪﯨﻦ ﻫﺎﻟﻘﯩﭗ ﺋﯚﺗﯜﭖ ﺋﯧﻠﯩﭗ ﺑﺎﺭﻏﺎﻥ ﺗﯘﻧﺠﻰ ﻫﻪﺭﯨﻜﯩﺘﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ، ﺋﯩﻤﺰﺍ ﻗﻮﻳﻐﺎﻧﻼﺭ ﺋﯩﭽﯩﺪﻩ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﺪﯨﻜﯩﻠﻪﺭ، "ﺷﯩﻨﺠﺎﯓ"ﺩﯨﻜﻰ ﻫﻪﺭﺑﯩﻴﻠﻪﺭ، ﺗﻪﭘﺘﯩﺸﻠﻪﺭ ﯞﻩ ﻧﯘﺭﻏﯘﻥ ﺧﯩﺘﺎﻳﻼﺭﻧﯩﯔ ﺑﺎﺭﻟﯩﻘﯩﻨﻰ ﺋﻪﺳﻜﻪﺭﺗﯩﺪﯗ. ﺋﯘ، "ﺑﯩﺰ ﺋﯩﻤﺰﺍ ﻗﻮﻳﻐﯘﭼﯩﻼﺭﻧﯩﯔ ﺋﯩﺴﻤﯩﻨﻰ ﺳﯧﻠﯩﺸﺘﯘﺭﯗﭖ، ﻛﯩﺸﯩﻠﻪﺭﻧﯩﯔ ﺋﯚﺯ ﺋﯩﺴﻤﯩﻨﻰ ﺋﯩﺸﻠﻪﺗﺘﯘﻕ. ﺗﻮﭘﻼﻧﻐﺎﻥ ﺋﯩﻤﺰﺍﻻﺭﻧﯩﯔ ﺋﯩﭽﯩﺪﻩ ﺑﯧﻴﺠﯩﯔ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺷﻴﺎ ﻳﯧﻠﻴﺎﯕﻨﯩﯔ ﺋﯩﻤﺰﺍﺳﻰ ﺑﺎﺭ ﺷﯘﻧﺪﺍﻗﻼ ﻣﻪﻣﻠﯩﻜﻪﺕ ﺋﯩﭽﯩﺪﯨﻜﻰ ﻧﯘﺭﻏﯘﻥ ﺗﻪﭘﺘﯩﺶ ﺧﺎﺩﯨﻤﻠﯩﺮﯨﻨﯩﯔ ﻳﺎﺯﻏﺎﻥ ﺧﯧﺘﻰ ﺑﺎﺭ. ﻳﻪﻧﻰ ﻫﻪﺭ ﻗﺎﻳﺴﻰ ﺳﺎﻫﻪﻟﻪﺭﺩﯨﻜﻰ ﺋﻮﺧﺸﯩﻤﯩﻐﺎﻥ ﺯﺍﺗﻼﺭﻧﯩﯔ ﺋﯩﻤﺰﺍﺳﻰ ﺗﻮﭘﻼﻧﺪﻯ. ﺋﯘﻧﯩﯔ ﺳﯩﺮﺗﯩﺪﺍ ﻳﻪﻧﻪ ﺷﯩﻨﺠﺎﯕﺪﯨﻜﻰ ﻫﻪﺭﺑﯩﻴﻠﻪﺭ ﺷﯘﻧﺪﺍﻗﻼ ﻳﻪﻧﻪ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﺪﯨﻜﯩﻠﻪﺭﻧﯩﯔ ﻛﻮﻟﻠﯧﻜﺘﯩﭗ ﺋﯩﻤﺰﺍﺳﻰ ﯞﻩ ﻧﯘﺭﻏﯘﻥ ﺧﻪﻧﺰﯗﻻﺭﻧﯩﯔ ﺋﯩﻤﺰﺍﺳﻰ ﺑﺎﺭ" ﺩﻩﭖ ﻛﯚﺭﺳﻪﺗﺘﻰ.

ﺗﺎﯓ ﺑﻮﭼﻴﺎﯞ ﺑﯘ ﺧﻪﺗﻨﯩﯔ ﺧﯘ ﺟﯩﻨﺘﺎﯞﻧﯩﯔ ﻗﻮﻟﯩﻐﺎ ﺗﯧﮕﯩﺶ ﺗﻪﮔﻤﻪﺳﻠﯩﻜﯩﮕﻪ ﺑﯩﺮ ﻧﯧﻤﻪ ﺩﯦﻴﻪﻟﻤﻪﻳﺪﯨﻐﺎﻧﻠﯩﻘﻰ، ﻟﯧﻜﯩﻦ ﺑﻮﻟﻤﯩﺪﻯ، ﺩﯦﮕﻪﻧﺪﯨﻤﯘ ﺧﯘ ﺟﯩﻨﺘﺎﯞﻧﯩﯔ ﺋﻪﺗﺮﺍﭘﯩﺪﯨﻜﻰ ﻛﯩﺸﯩﻠﻪﺭﻧﯩﯔ ﺧﻪﯞﻩﺭ ﺗﺎﭘﯩﺪﯨﻐﺎﻧﻠﯩﻘﯩﻨﻰ، ﭼﯜﻧﻜﻰ ﺑﯘ ﺧﻪﺕ ﺧﯘ ﺟﯩﻨﺘﺎﯞ ﺋﺎﻣﯧﺮﯨﻜﯩﻨﻰ ﺯﯨﻴﺎﺭﻩﺕ ﻗﯩﻠﯩﯟﺍﺗﻘﺎﻥ ﻣﻪﺯﮔﯩﻠﺪﻩ ﻫﻪﺭ ﻗﺎﻳﺴﻰ ﻣﻪﺗﺒﯘﺋﺎﺕ ﯞﺍﺳﯩﺘﯩﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﻐﺎﻧﻠﯩﻘﻰ، ﺧﯩﺘﺎﻳﻨﯩﯔ ﺋﺎﻣﯧﺮﯨﻜﯩﺪﯨﻜﻰ ﺋﻪﻟﭽﯩﺨﺎﻧﻪ ﯞﻩ ﺏ ﺩ ﺕ ﺋﻮﺭﮔﺎﻧﻠﯩﺮﯨﻐﺎ ﻳﻮﻟﻼﻧﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.