ﺩﻭﻛﻼﺗﺘﺎ 1999 - ﻳﯩﻠﯩﺪﯨﻦ ﺑﯘﻳﺎﻥ ﺋﯘﻳﻐﯘﺭ ﺋﯧﻠﯩﺪﻩ ﻳﻮﻟﻐﺎ ﻗﻮﻳﯘﻟﯘﭖ ﻛﯧﻠﯩﯟﺍﺗﻘﺎﻥ ﻣﻪﺯﻛﯘﺭ ﺳﯩﻴﺎﺳﻪﺗﻨﯩﯔ ﻳﻮﻟﻐﺎ ﻗﻮﻳﯘﻟﯘﺵ ﻣﻪﻗﺴﯩﺘﻰ ﻗﺎﺗﺎﺭﻟﯩﻘﻼﺭﻏﺎ ﻫﻪﺭ ﺗﻪﺭﻩﭘﻠﯩﻤﻪ ﯞﻩ ﭘﺎﻛﯩﺘﻠﯩﻖ ﻗﺎﺭﺍﭖ ﭼﯩﻘﯩﻠﻐﺎﻥ ﻫﻪﻣﺪﻩ ﻏﻪﺭﺑﻨﻰ ﺋﯧﭽﯩﺶ ﺳﯩﻴﺎﺳﯩﺘﯩﻨﯩﯔ ﺋﯘﻳﻐﯘﺭﻻﺭﻧﻰ ﺳﯩﺴﺘﯧﻤﯩﻠﯩﻖ ﻗﯘﺭﯗﺗﯩﯟﯦﺘﯩﺸﻨﻰ ﺳﯩﻴﺎﺳﯩﻲ ﻫﻪﺭﯨﻜﻪﺗﻠﻪﻧﺪﯛﺭﮔﯜﭺ ﻛﯜﭺ ﻗﯩﻠﻐﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ.

ﻏﻪﺭﺑﻨﻰ ﺋﯧﭽﯩﺶ ﺋﯩﺴﺘﺮﺍﺗﯧﮕﯩﻴﯩﺴﯩﻨﻰ ﺋﯘﻳﻐﯘﺭ ﺋﯧﻠﯩﺪﻩ ﻗﺎﻧﺪﺍﻕ ﺷﻪﻛﯩﻠﺪﻩ ﻳﯜﺭﮔﯜﺯﯛﯞﺍﺗﻘﺎﻧﻠﯩﻘﻰ ﺋﯜﺳﺘﯩﺪﻩ ﻣﻪﻟﯘﻣﺎﺕ ﺑﯧﺮﯨﻠﮕﻪﻥ

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﻨﻔﻮﺭﻣﺎﺗﺴﯩﻴﻮﻥ ﻣﻪﺭﻛﯩﺰﻯ 1 - ﺳﯧﻨﺘﻪﺑﯩﺮ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﯩﺪﺍ، ﺧﯩﺘﺎﻳﻨﯩﯔ ﻏﻪﺭﺑﻨﻰ ﺋﯧﭽﯩﺶ ﺋﯩﺴﺘﺮﺍﺗﯧﮕﯩﻴﯩﺴﯩﻨﻰ ﺋﯘﻳﻐﯘﺭ ﺋﯧﻠﯩﺪﻩ ﻗﺎﻧﺪﺍﻕ ﺷﻪﻛﯩﻠﺪﻩ ﻳﯜﺭﮔﯜﺯﯛﯞﺍﺗﻘﺎﻧﻠﯩﻘﻰ ﯞﻩ ﺑﯘﻧﯩﯔ ﻫﻪﻗﯩﻘﯩﻲ ﻣﺎﻫﯩﻴﯩﺘﻰ ﺋﯜﺳﺘﯩﺪﻩ ﺗﻪﭘﺴﯩﻠﯩﻲ ﺋﯩﺰﺩﻩﻧﮕﻪﻥ.

ﺩﻭﻛﻼﺗﺘﺎ ﺋﺎﺳﺎﺳﻠﯩﻘﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻏﻪﺭﺑﻨﻰ ﺋﯧﭽﯩﺶ ﺋﯩﺴﺘﯩﺮﺍﺗﯧﮕﯩﻴﯩﺴﻰ ﺋﺎﺳﺎﺳﯩﺪﺍ، ﺋﯘﻳﻐﯘﺭ ﺋﯩﻠﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻧﯧﮕﯩﺰﻟﯩﻚ ﻛﯩﺸﯩﻠﯩﻚ ﻫﻮﻗﯘﻗﻠﯩﺮﯨﻨﯩﯔ ﺗﺎﺭﺗﯩﯟﯦﻠﯩﻨﯩﺸﻰ، ﺋﯩﻘﺘﯩﺴﺎﺩ ﯞﻩ ﺧﯩﺰﻣﻪﺕ ﭘﯘﺭﺳﻪﺗﻠﯩﺮﯨﺪﯨﻦ ﻣﻪﻫﺮﯗﻡ ﻗﯩﻠﯩﻨﯩﺸﻰ، ﻳﻪﺭ ﯞﻩ ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻧﯩﯔ ﺧﻮﺭﯨﺘﯩﻠﯩﺸﯩﻨﯩﯔ ﭼﻮﯕﻘﯘﺭﻟﯘﻕ ﺩﻩﺭﯨﺠﯩﺴﻰ، ﺑﯩﯖﺘﯜﻩﻧﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﺯﻛﯘﺭ ﭘﯩﻼﻧﻨﻰ ﻳﯜﺭﮔﯜﺯﯛﺵ ﺑﺎﻫﺎﻧﯩﺴﯩﺪﻩ ﺋﯘﻳﻐﯘﺭﻻﺭﻧﻰ ﻗﺎﻧﺪﺍﻕ ﺑﺎﺳﺘﯘﺭﻏﺎﻧﻠﯩﻘﻰ ﻫﻪﻣﺪﻩ ﻳﻪﻧﻪ، ﺑﯘ ﭘﯩﻼﻧﻨﯩﯔ ﺋﯘﻳﻐﯘﺭﻻﺭﻏﺎ ﺋﯧﻠﯩﭗ ﻛﻪﻟﮕﻪﻥ ﻧﺎﻣﺮﺍﺗﻠﯩﻖ ﻗﺎﺗﺎﺭﻟﯩﻖ ﺋﯧﻐﯩﺮ ﺋﺎﻗﯩﯟﻩﺗﻠﯩﺮﻯ ﺋﯜﺳﺘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﯧﺮﯨﻠﮕﻪﻥ.

ﺩﻭﻛﻼﺗﺘﺎ ﺋﻮﺗﺘﯘﺭﯨﻐﺎ ﻗﻮﻳﯘﻟﯩﺸﯩﭽﻪ، ﺧﯩﺘﺎﻱ ﺋﯩﭽﯩﺪﯨﻜﻰ ﺑﯩﺮﯨﻨﭽﻰ ﻗﻮﻝ ﺋﯘﭼﯘﺭ - ﺋﺎﺧﺒﺎﺭﺍﺗﻼﺭﻧﻰ ﯞﻩ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ ﺋﯧﻠﯩﺶ ﺋﯩﻤﻜﺎﻧﯩﻴﯩﺘﻰ ﺋﯩﻨﺘﺎﻳﯩﻦ ﺗﯚﯞﻩﻥ ﺑﻮﻟﻐﺎﭼﻘﺎ ﻣﻪﺯﻛﯘﺭ ﺩﻭﻛﻼﺕ، ﺧﯩﺘﺎﻱ ﯞﻩ ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﺪﺍ ﺑﯘ ﻫﻪﻗﺘﻪ ﺑﯧﺮﯨﻠﮕﻪﻥ ﺧﻪﯞﻩﺭ،ﺋﺎﺧﺒﺎﺭﺍﺗﻼﺭ ﺋﺎﺳﺎﺳﯩﺪﺍ ﺗﻪﻳﻴﺎﺭﻻﻧﻐﺎﻥ.

ﺩﻭﻛﻼﺗﺘﺎ: " 'ﻏﻪﺭﺑﻨﻰ ﺋﯧﭽﯩﺶ' ﺳﯘﻳﯩﺌﯩﺴﺘﯧﻤﺎﻝ ﻗﯩﻠﯩﺶ ﺩﯦﮕﻪﻧﺪﯨﻦ ﺩﯦﺮﻩﻙ ﺑﯧﺮﯨﺪﯗ"

ﺩﻭﻛﻼﺗﻨﯩﯔ ﺧﯩﺘﺎﻳﻨﯩﯔ "ﻏﻪﺭﺑﻰ ﺋﯧﭽﯩﺶ ﺳﯩﻴﺎﺳﯩﺘﻰ" ﻧﻰ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﺷﻨﯩﯔ ﺋﺎﺳﺎﺳﻠﯩﻖ ﻣﻪﻗﺴﯩﺘﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﻗﯩﺴﻤﻰ ﺗﯚﯞﻩﻧﺪﯨﻜﻰ ﺋﯜﭺ ﻧﯘﻗﺘﯩﻐﺎ ﻳﯩﻐﯩﻨﭽﺎﻗﻼﻧﻐﺎﻥ.

ﺑﯘ ﻗﯩﺴﯩﻤﺪﺍ ﺋﺎﻟﺪﻯ ﺑﯩﻠﻪﻥ "ﻏﻪﺭﺑﻨﻰ ﺋﯧﭽﯩﺶ" ﺋﺎﺗﺎﻟﻐﯘﺳﯩﻐﺎ ﺋﯩﺰﺍﻫﺎﺕ ﺑﯧﺮﯨﻠﮕﻪﻥ ﯞﻩ ﺑﯘ ﺧﯩﺘﺎﻳﭽﻪ ﺋﺎﺗﺎﻟﻐﯘﻧﯩﯔ ﻗﺎﻧﺪﺍﻗﺘﯘﺭ ﻏﻪﺭﺑﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﯞﻩ ﻳﺎﻛﻰ ﺋﯧﭽﯩﭗ ﮔﯜﻟﻠﻪﻧﺪﯛﺭﯛﺵ ﺩﯦﮕﻪﻧﺪﯨﻦ ﺩﯦﺮﻩﻙ ﺑﻪﺭﻣﻪﺳﺘﯩﻦ، ﺑﻪﻟﻜﻰ ﺗﻪﯕﺴﯩﺰ ﻫﺎﻟﺪﺍ " ﺋﯩﺸﻠﯩﺘﯩﺶ" ﻳﺎﻛﻰ ﺧﯩﺘﺎﻳﻨﯩﯔ ﻛﯜﻧﺴﺎﻳﯩﻦ ﺯﻭﺭﯨﻴﯩﯟﺍﺗﻘﺎﻥ ﺋﯧﻨﯧﺮﮔﯩﻴﻪ ﺋﯧﻬﺘﯩﻴﺎﺟﯩﻨﻰ ﻗﺎﻧﺪﯗﺭﯗﺵ ﺋﯜﭼﯜﻥ ﻣﻪﺯﻛﯘﺭ ﺭﺍﻳﻮﻧﻨﯩﯔ ﺗﻪﺑﯩﺌﯩﻲ ﺑﺎﻳﻠﯩﻘﻠﯩﺮﯨﻨﻰ ﺳﯘﻳﯩﺌﯩﺴﺘﯧﻤﺎﻝ ﻗﯩﻠﯩﺶ ﺩﯦﮕﻪﻧﺪﯨﻦ ﺩﯦﺮﻩﻙ ﺑﯧﺮﯨﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

ﻛﯧﻴﯩﻦ، ﻏﻪﺭﺑﻨﻰ ﺋﯧﭽﯩﺶ ﺳﯩﻴﺎﺳﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﻳﻮﻟﻐﺎ ﻗﻮﻳﯘﻟﻐﺎﻧﺪﯨﻦ ﻛﯧﻴﯩﻨﻜﻰ ﺋﺎﻻﻣﻪﺗﻠﻪﺭ ﺋﺎﺳﺎﺳﯩﺪﺍ ﻳﻪﻛﯜﻧﻠﯩﮕﻪﻥ ﺧﯘﻻﺳﯩﮕﻪ ﺋﺎﺳﺎﺳﻪﻥ، ﺧﯩﺘﺎﻳﻨﯩﯔ ﻣﻪﺯﻛﯘﺭ ﺳﯩﻴﺎﺳﻪﺗﻨﻰ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﺷﺘﯩﻜﻰ ﻳﻪﻧﻪ ﺑﯩﺮ ﻣﻪﻗﺴﯩﺘﯩﻨﯩﯔ "ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺧﯩﺘﺎﻱ ﻧﻮﭘﯘﺳﯩﻨﻰ ﻛﯚﭼﯜﺭﯛﭖ´ ﻣﻪﺯﻛﯘﺭ ﺭﺍﻳﻮﻧﺪﺍ ﺧﯩﺘﺎﻳﻼﺭﻧﯩﯔ ﻧﻮﭘﯘﺱ ﻧﯩﺴﺒﯩﺘﯩﻨﻰ ﻳﯘﻗﯩﺮﻯ ﻛﯚﺗﯜﺭﯛﺵ ﺋﯩﻜﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

" 'ﻏﻪﺭﺑﻰ ﺋﯧﭽﯩﺶ ﺳﯩﻴﺎﺳﯩﺘﻰ' ﺧﯩﺘﺎﻳﻨﯩﯔ ﺩﯙﻟﻪﺕ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﺴﯩﻨﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺶ ﺋﯩﺴﺘﯩﺮﺍﺗﯧﮕﯩﻴﯩﺴﻰ"

ﺋﺎﺧﯩﺮﯨﺪﺍ ﮔﻪﺭﭼﻪ ﺧﯩﺘﺎﻳﻨﯩﯔ ﻏﻪﺭﺑﻨﻰ ﺋﯧﭽﯩﺶ ﺋﯩﺴﺘﺮﺍﺗﯧﮕﯩﻴﯩﺴﯩﻨﯩﯔ ﺧﯩﺘﺎﻳﻨﯩﯔ ﻏﻪﺭﺑﯩﻲ ﺷﯩﻤﺎﻟﯩﺪﯨﻜﻰ 12 ﺭﺍﻳﻮﻧﺪﺍ ﺗﻪﯕﻼ ﻳﯜﺭﮔﯜﺯﯛﻟﯩﺪﯨﻐﺎﻧﻠﯩﻘﻰ ﺋﯧﻴﺘﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﺳﯩﻴﺎﺳﻪﺗﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻣﻪﺭﻛﻪﺯﻟﯩﻚ ﻳﯜﺭﮔﯜﺯﯛﻟﮕﻪﻧﻠﯩﻜﻰ ﻛﯚﺭﺳﯩﺘﯩﻠﯩﭗ، ﺑﯘﻧﯩﯔ ﻳﻪﻧﯩﻼ ﺧﯩﺘﺎﻳﻨﯩﯔ ﺩﯙﻟﻪﺕ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﺴﯩﻨﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺶ ﺋﯩﻜﻪﻧﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ.

ﺩﻭﻛﻼﺗﺘﺎ ﮔﻪﺭﭼﻪ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯘﻳﻐﯘﺭ ﺋﯧﻠﯩﺪﻩ ﻏﻪﺭﺑﻨﻰ ﺋﯧﭽﯩﺶ ﺳﯩﻴﺎﺳﯩﻲ ﻳﯜﺭﮔﯜﺯﯛﻟﮕﻪﻧﺪﯨﻦ ﺑﯘﻳﺎﻥ ﻣﻪﺯﻛﯘﺭ ﺭﺍﻳﻮﻧﻐﺎ ﻣﻪﺑﻠﻪﻍ ﺳﯧﻠﯩﺶ ﺳﻮﻣﻤﯩﺴﯩﻨﯩﯔ ﻛﯚﭘﻪﻳﺘﯩﻠﮕﻪﻧﻠﯩﻜﻰ ﻣﻪﺯﻛﯘﺭ ﺳﯩﻴﺎﺳﻪﺗﻨﯩﯔ ﺋﯧﻠﯩﭗ ﻛﻪﻟﮕﻪﻥ ﻧﻪﺗﯩﺠﯩﻠﯩﺮﻯ ﺳﯜﭘﯩﺘﯩﺪﻩ ﺗﯩﻠﻐﺎ ﺋﯧﻠﯩﻨﺴﯩﻤﯘ، ﺋﻪﻣﻤﺎ "ﺋﻪﻣﻪﻟﯩﻴﻪﺗﺘﻪ ﻫﯚﻛﯜﻣﻪﺕ ﻣﻪﺑﻠﯩﻐﻰ ﺑﯩﻠﻪﻥ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯧﮕﯩﺰ ﺑﯩﻨﺎﻻﺭ، ﺗﯚﻣﯜﺭ ﻳﻮﻝ ﯞﻩ ﻳﯘﻗﯩﺮﻯ ﺳﯜﺭﺋﻪﺗﻠﯩﻚ ﺗﺎﺷﻴﻮﻟﻼﺭ ﻗﺎﺗﺎﺭﻟﯩﻖ ﺋﺎﺳﺎﺳﻰ ﻣﯘﺋﻪﺳﺴﻪﺳﻪ ﻗﯘﺭﯗﻟﯘﺷﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻛﯚﭼﯜﺭﯛﻟﮕﻪﻥ ﻣﯩﻠﻴﻮﻧﻠﯩﻐﺎﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ ﻗﺎﺗﻨﺎﺵ - ﺗﺮﺍﻧﺴﭙﻮﺭﺕ، ﻛﯚﭼﯜﺵ ﯞﻩ ﺗﯘﺭﺍﻟﻐﯘ ﺋﯚﻱ ﻣﻪﺳﯩﻠﯩﻠﯩﺮﯨﻨﻰ ﻫﻪﻝ ﻗﯩﻠﯩﺸﻘﺎ ﻗﯘﻻﻳﻠﯩﻖ ﺗﯘﻏﺪﯗﺭﯗﺵ ﺋﯘﭼﯘﻥ ﺋﯩﺪﻯ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺋﯘﻳﻐﯘﺭ ﺋﯧﻠﯩﮕﻪ ﻳﯧﯖﯩﺪﯨﻦ ﻛﯧﻠﯩﭗ ﻳﻪﺭﻟﻪﺷﻜﻪﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺑﯩﺮ ﻣﯩﻠﻴﻮﻥ ﺳﻪﻛﻜﯩﺰ ﻳﯜﺯ ﻣﯩﯖﻐﺎ ﻳﻪﺗﻜﻪﻥ

ﺩﻭﻛﻼﺗﻨﯩﯔ ﺑﯘ ﻗﯩﺴﻤﯩﺪﺍ ﺷﯩﻨﺨﯘﺍ ﺋﺎﺧﺒﺎﺭﺍﺗﯩﻨﯩﯔ ﺑﯘ ﻫﻪﻗﺘﯩﻜﻰ ﺑﯩﺮ ﭘﺎﺭﭼﻪ ﺧﻪﯞﯨﺮﻯ ﻣﯩﺴﺎﻝ ﻗﯩﻠﯩﭗ ﻛﯚﺭﺳﯩﺘﯩﻠﯩﭗ ﺋﯜﺭﯛﻣﭽﯩﺪﻩ ﻳﯧﯖﯩﺪﯨﻦ ﺳﯧﻠﯩﻨﻐﺎﻥ 30 ﻣﯩﯔ ﻳﯜﺭﯛﺵ ﺗﯘﺭﺍﻟﻐﯘ ﺋﯚﻳﻨﯩﯔ ﻳﯧﺮﯨﻤﻰ ﺩﯦﮕﯜﺩﻩﻙ ﺋﯘﻳﻐﯘﺭ ﺋﯧﻠﯩﺪﻩ ﺗﯘﺭﯗﺷﻠﯘﻕ ﻛﯩﻨﯩﺸﻜﯩﺴﻰ ﺑﻮﻟﻤﯩﻐﺎﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﮕﻪ ﺳﯧﺘﯩﭗ ﺑﯧﺮﯨﻠﮕﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺩﻭﻛﻼﺗﺘﺎ ﻳﻪﻧﻪ، ﺗﻪﯕﺮﯨﺘﺎﻍ ﺗﻮﺭﯨﺪﺍ ﺑﯧﺮﯨﻠﮕﻪﻥ ﺑﯩﺮ ﭘﺎﺭﭼﻪ ﺧﻪﯞﻩﺭﺩﯨﻦ ﻧﻪﻗﯩﻞ ﻛﻪﻟﺘﯜﺭﯛﻟﯜﭖ "ﺷﯩﻨﺠﺎﯕﺪﺍ ﺋﻮﻟﺘﯘﺭﺍﻗﻠﯩﺸﯩﺶ ﻗﯩﺰﻏﯩﻨﻠﯩﻘﻰ" ﯞﺍﻳﯩﻐﺎ ﻳﻪﺗﻜﻪﻥ 2005 - ﻳﯩﻠﺪﯨﻦ ﺑﯘﻳﺎﻥ ﺋﯘﻳﻐﯘﺭ ﺋﯧﻠﯩﮕﻪ ﻳﯧﯖﯩﺪﯨﻦ ﻛﯧﻠﯩﭗ ﻳﻪﺭﻟﻪﺷﻜﻪﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺑﯩﺮ ﻣﯩﻠﻴﻮﻥ ﺳﻪﻛﻜﯩﺰ ﻳﯜﺯ ﻣﯩﯖﻐﺎ ﻳﻪﺗﻜﻪﻧﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ.

ﺩﻭﻛﻼﺗﺘﺎ ﺋﯘﻳﻐﯘﺭ ﺋﯩﻠﯩﺪﯨﻜﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﻟﻐﺎﻥ ﺷﻪﻫﻪﺭﻟﻪﺭﻧﯩﯔ ﻛﯩﻤﻠﻪﺭ ﺋﯜﭼﯜﻥ ﺑﻪﺭﭘﺎ ﻗﯩﻠﯩﻨﻐﺎﻧﻠﯩﻘﻰ ﺋﯜﺳﺘﯩﺪﻩ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﺋﺎﺭﻗﯩﻠﯩﻖ ﺗﻪﻫﻠﯩﻞ ﻳﯜﺭﮔﯜﺯﯛﻟﮕﻪﻥ ﺑﻮﻟﯘﭖ، ﺧﯩﺘﺎﻳﻨﯩﯔ ﻏﻪﺭﺑﻨﻰ ﺋﯧﭽﯩﺶ ﺳﯩﻴﺎﺳﯩﺘﯩﻨﯩﯔ ﭘﻪﻗﻪﺕ ﺋﯘﻳﻐﯘﺭ ﺋﯧﻠﯩﻨﯩﯔ ﺷﯩﻤﺎﻟﯩﻲ ﻗﯩﺴﻤﯩﺪﯨﻜﻰ ﺧﯩﺘﺎﻳﻼﺭ ﺋﻪﯓ ﻛﯚﭖ ﺗﻮﭘﻠﯩﺸﯩﭗ ﺋﻮﻟﺘﯘﺭﺍﻗﻼﺷﻘﺎﻥ، ﺷﯩﺨﻪﻧﺰﻩ، ﻛﯜﻳﺘﯘﻥ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﺩﻩ ﺋﺎﻻﻫﯩﺪﻩ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺷﻪﻫﻪﺭﻟﻪﺭﻧﻰ ﺑﻪﺭﭘﺎ ﻗﯩﻠﯩﺶ ﺋﯘﭼﯘﻥ ﺧﯩﺰﻣﻪﺕ ﻗﯩﻠﺪﯗﺭﯗﻟﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ ﯞﻩ ﺷﯘﻧﯩﯔ ﺑﯩﻠﻪﻥ ﻏﻪﺭﺑﻨﻰ ﺋﯧﭽﯩﺶ ﺋﯩﺴﺘﯩﺮﺍﺗﯧﮕﯩﻴﯩﺴﻰ ﻳﻪﺭﻟﯩﻚ ﺋﯘﻳﻐﯘﺭﻻﺭﻏﯩﻤﯘ ﺧﯩﺰﻣﻪﺕ ﯞﻩ ﺑﺎﻱ ﺑﻮﻟﯘﺵ ﭘﯘﺭﺳﯩﺘﻰ ﺋﯧﻠﯩﭗ ﻛﯧﻠﯩﺪﯗ ﺩﯦﮕﻪﻥ ﺋﺎﺭﺯﯗﻧﯩﯔ ﭘﻪﻗﻪﺕ ﺧﺎﻡ ﺧﯩﻴﺎﻝ ﺋﯩﻜﻪﻧﻠﯩﻜﻰ ﺋﯩﺴﭙﺎﺗﻼﻧﻐﺎﻥ.

ﻛﯧﻠﻪﺭ ﻗﯧﺘﯩﻤﻠﯩﻖ ﭘﺮﻭﮔﺮﺍﻣﻤﯩﻤﯩﺰﺩﺍ ﻣﻪﺯﻛﯘﺭ ﺩﻭﻛﻼﺗﻨﯩﯔ ﻛﯧﻴﯩﻨﯩﻜﻰ ﻗﯩﺴﯩﻤﻠﯩﺮﻯ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﯧﺮﯨﻤﯩﺰ.