ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﯨﻜﻰ ﺋﯩﺴﻼﻡ ﺋﯘﻧﯩﯟﯦﺮﺳﯩﺘﯧﺘﯩﻨﻰ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ ﻣﻪﻛﻜﯩﺪﻩ ﺋﯩﻠﻤﯩﻲ ﺧﯩﺰﻣﻪﺗﻠﻪﺭ ﺑﯩﻠﻪﻥ ﺷﻮﻏﯘﻟﻠﯩﻨﯩﯟﺍﺗﻘﺎﻥ ﺋﺎﺑﺪﯗﻟﺌﻪﺯﯨﺰ ﺋﻪﭘﻪﻧﺪﻯ ﺑﯘﻫﻪﻗﺘﯩﻜﻰ ﺳﯚﻫﺒﯩﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯩﺪﻯ.

ﺋﺎﺑﺪﯗﻟﺌﻪﺯﯨﺰ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ

ﺋﺎﺑﺪﯗﻟﺌﻪﺯﯨﺰ ﺋﻪﭘﻪﻧﺪﻯ ﺋﻪﺧﻼﻕ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯦﺪﻯ:"ﺋﯩﻨﺴﺎﻧﻼﺭﻧﯩﯔ ﻣﺎﺩﺩﻯ ﯞﻩ ﻣﻪﻧﯩﯟﻯ ﺋﯩﻜﻜﻰ ﺗﻪﺭﯨﭙﻰ ﺑﺎﺭﺩﯗﺭ. ﺋﯩﻨﺴﺎﻧﻼﺭﻧﯩﯔ ﻣﺎﺩﺩﻯ ﺗﻪﺭﯨﭙﻰ ﺑﻪﺩﻩﻥ، ﻣﻪﻧﯩﯟﻯ ﺗﻪﺭﯨﭙﻰ ﺭﻭﻫ ﺩﻩﭖ ﺋﺎﺗﯩﻠﯩﺪﯗ. ﺭﻭﻫﻨﻰ ﻛﯚﺭﮔﯩﻠﻰ ﺑﻮﻟﻤﺎﻳﺪﯗ. ﺋﻪﻣﻤﺎ ﺋﯩﻨﺴﺎﻥ ﺭﻭﻫﯩﻨﯩﯔ ﺋﻪﺳﯩﺮﻯ ﺑﻮﻟﻐﺎﻥ ﮔﯜﺯﻩﻝ ﺧﯘﻳﻼﺭﻧﻰ ﻛﯚﺭﮔﯩﻠﻰ ﺑﻮﻟﯩﺪﯗ. ﺑﯘﻻﺭﻧﻰ ﺋﻪﺧﻼﻕ ﺩﻩﻳﻤﯩﺰ. ﺋﻮﭼﯘﻗﺮﺍﻕ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﺭﻭﻫﯩﻤﯩﺰﻏﺎ ﻳﻪﺭﻟﯩﺸﯩﭗ ﺋﺎﺩﻩﺕ ﻫﺎﻟﯩﻐﺎ ﻛﻪﻟﮕﻪﻥ ﻳﯜﺭﯛﺵ - ﺗﯘﺭﯗﺷﻼﺭ ﺋﻪﺧﻼﻕ ﺩﻩﭖ ﺋﺎﺗﯩﻠﯩﺪﯗ. ﺋﻪﺧﻼﻕ - ﻳﺎﺧﺸﻰ ﺋﻪﺧﻼﻕ ﯞﻩ ﻧﺎﭼﺎﺭ ﺋﻪﺧﻼﻕ ﺩﻩﭖ ﺋﯩﻜﻜﻰ ﺗﯜﺭﻟﯜﻙ ﺑﻮﻟﯘﭖ، ﻳﺎﺧﺸﻰ ﺋﻪﺧﻼﻕ - ﺋﯚﺯﯨﻤﯩﺰﮔﻪ، ﺋﻪﺗﺮﺍﭘﯩﻤﯩﺰﺩﯨﻜﯩﻠﻪﺭﮔﻪ، ﺟﻪﻣﺌﯩﻴﻪﺗﻜﻪ ﯞﻩ ﭘﯜﺗﯜﻥ ﺋﯩﻨﺴﺎﻧﯩﻴﻪﺗﻜﻪ ﭘﺎﻳﺪﯨﻠﯩﻖ ﺑﻮﻟﻐﺎﻥ، ﺩﯨﻨﯩﻤﯩﺰﻧﯩﯔ ﭘﺮﯨﻨﺴﯩﭙﻠﯩﺮﯨﻐﺎ ﺋﻮﻳﻐﯘﻥ ﻛﻪﻟﮕﻪﻥ ﺋﻪﺧﻼﻗﻼﺭﺩﯗﺭ. ﻳﺎﻣﺎﻥ ﺋﻪﺧﻼﻕ- ﺋﯚﺯﯨﻤﯩﺰﮔﻪ، ﺋﻪﺗﺮﺍﭘﯩﻤﯩﺰﺩﯨﻜﯩﻠﻪﺭﮔﻪ، ﺟﻪﻣﺌﯩﻴﻪﺗﻜﻪ ﯞﻩ ﭘﯜﺗﯜﻥ ﺋﯩﻨﺴﺎﻧﯩﻴﻪﺗﻜﻪ ﺯﯨﻴﺎﻧﻠﯩﻖ ﺑﻮﻟﻐﺎﻥ، ﺩﯨﻨﯩﻤﯩﺰﻧﯩﯔ ﭘﺮﯨﻨﺴﯩﭙﻠﯩﺮﯨﻐﺎ ﺋﻮﻳﻐﯘﻥ ﻛﻪﻟﻤﯩﮕﻪﻥ ﺋﻪﺧﻼﻗﻼﺭﺩﯗﺭ. ﻳﺎﺧﺸﻰ ﺋﻪﺧﻼﻕ ﻳﺎﻛﻰ ﮔﯜﺯﻩﻝ ﺋﻪﺧﻼﻕ ﺋﯩﻤﺎﻥ ﺑﯩﻠﻪﻥ ﺋﻮﺧﺸﺎﺵ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺋﻪﻣﻪﻟﺪﯗﺭ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺋﯘﻧﯩﯔ ﺋﻪﻫﻤﯩﻴﯩﺘﻰ ﺑﺎﻳﺎﻥ ﻗﯩﻠﯩﭗ:' ﺋﯩﻤﺎﻧﻰ ﺋﻪﯓ ﻛﺎﻣﯩﻞ ﻣﯚﻣﯩﻦ ﺋﻪﯓ ﺋﻪﺧﻼﻗﻠﯩﻖ ﻛﯩﺸﯩﺪﯗﺭ' ﺩﻩﭖ ﻛﯚﺭﺳﻪﺗﻜﻪﻥ."

ﮔﯜﺯﻩﻝ ﺋﻪﺧﻼﻗﻨﯩﯔ ﺋﻪﻫﻤﯩﻴﯩﺘﻰ

ﺋﺎﺑﺪﯗﻟﺌﻪﺯﯨﺰ ﺋﻪﭘﻪﻧﺪﻯ ﮔﯜﺯﻩﻝ ﺋﻪﺧﻼﻗﻨﯩﯔ ﻫﺎﻳﺎﺗﺘﯩﻜﻰ ﺋﻪﻫﻤﯩﻴﯩﺘﻰ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯦﺪﻯ:" ﻣﯘﺳﯘﻟﻤﺎﻧﻼﺭﺩﺍ ﺑﻮﻟﺴﺎ، ﮔﯜﺯﻩﻝ ﺋﻪﺧﻼﻕ ﺋﯩﺒﺎﺩﻩﺗﺘﯩﻦ ﺳﺎﻧﯩﻠﯩﺪﯗ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺑﯩﺮ ﻫﻪﺩﯨﺴﺘﻪ: "ﻣﯘﺳﯘﻟﻤﺎﻥ ﺋﺎﺩﻩﻡ ﮔﯜﺯﻩﻝ ﺋﻪﺧﻼﻗﻰ ﺑﯩﻠﻪﻥ ﻛﯧﭽﻪ ﺋﯘﺧﻠﯩﻤﺎﻱ ﻧﺎﻣﺎﺯ ﺋﻮﻗﯘﻏﺎﻥ ﯞﻩ ﻛﯜﻧﺪﯛﺯﻯ ﺭﻭﺯﺍ ﺗﯘﺗﻘﺎﻧﻨﯩﯔ ﺳﺎﯞﺍﺑﯩﻐﺎ ﺋﯧﺮﯨﺸﻪﻟﻪﻳﺪﯗ" ﺩﻩﭖ ﻛﯚﺭﺳﻪﺗﻜﻪﻥ. ﺋﻮﺭﯗﻧﻠﯩﻐﯘﭼﯩﺴﯩﻐﺎ ﺑﯘ ﺩﯗﻧﻴﺎﺩﺍ ﭘﺎﻳﺪﯨﺴﻰ ﺑﻮﻟﻤﯩﻐﺎﻥ ﺋﯩﺒﺎﺩﻩﺗﻠﻪﺭﻧﯩﯔ ﺋﺎﺧﯩﺮﻩﺗﺘﻪ ﺋﯘﻧﯩﯖﻐﺎ ﭘﺎﻳﺪﺍ ﻳﻪﺗﻜﯜﺯﻩﻟﯩﺸﻰ ﻣﯘﻣﻜﯩﻦ ﺋﻪﻣﻪﺱ. ﺗﻪﺑﯩﺌﯩﻴﻜﻰ، ﺋﯩﺒﺎﺩﻩﺗﻠﻪﺭﻧﯩﯔ ﺑﯘ ﺩﯗﻧﻴﺎﺩﯨﻜﻰ ﭘﺎﻳﺪﯨﻠﯩﺮﻯ ﮔﯜﺯﻩﻝ ﺋﻪﺧﻼﻗﺘﯘﺭ! ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺑﯩﺮ ﻛﯜﻧﻰ ﺳﺎﻫﺎﺑﯩﻠﯩﺮﯨﺪﯨﻦ:" ﻛﯩﻤﻨﯩﯔ ﻗﯘﺭﯗﻕ ﻗﻮﻝ ﻗﺎﻟﻐﺎﻥ ﻛﯩﺸﻰ ﺋﯩﻜﻪﻧﻠﯩﻜﯩﻨﻰ ﺑﯩﻠﻪﻣﺴﯩﻠﻪﺭ؟" ﺩﻩﭖ ﺳﻮﺭﯨﻐﺎﻧﺪﺍ، ﺳﺎﻫﺎﺑﯩﻼﺭ:" ﻫﯧﭽﻘﺎﻧﺪﺍﻕ ﻣﺎﻝ - ﻣﯜﻟﻜﻰ ﺑﻮﻟﻤﯩﻐﺎﻥ ﻛﯩﺸﯩﻨﻰ ﻗﯘﺭﯗﻕ ﻗﻮﻝ ﻗﺎﻟﻐﺎﻥ ﻛﯩﺸﻰ، ﺩﻩﻳﻤﯩﺰ" ﺩﻩﻳﺪﯗ. ﺑﯘ ﯞﺍﻗﯩﺘﺘﺎ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ:" ﻗﯩﻴﺎﻣﻪﺕ ﻛﯜﻧﻰ ﺑﯩﺮﺍﯞ ﻧﺎﻣﺎﺯ، ﺯﺍﻛﺎﺕ ﯞﻩ ﺭﻭﺯﺍ ﺑﯩﻠﻪﻥ ﻛﯧﻠﯩﺪﯗ. ﺋﻪﻣﻤﺎ ﺑﯩﺮﯨﻨﻰ ﺗﯩﻠﻠﯩﻐﺎﻥ، ﺑﯩﺮﯨﮕﻪ ﺗﯚﻫﻤﻪﺕ ﭼﺎﭘﻠﯩﻐﺎﻥ، ﺑﯩﺮﯨﻨﯩﯔ ﻣﯧﻠﯩﻨﻰ ﻳﻪﯞﺍﻟﻐﺎﻥ، ﺑﯩﺮﯨﻨﯩﯔ ﻗﯧﻨﯩﻨﻰ ﺗﯚﻛﻜﻪﻥ، ﺑﯩﺮﯨﻨﻰ ﺋﯘﺭﻏﺎﻥ ﺑﻮﻟﺴﺎ، ﺋﯘﻧﯩﯔ ﻳﺎﺧﺸﯩﻠﯩﻘﻠﯩﺮﻯ ﺷﯘﻻﺭﻏﺎ ﺋﯧﻠﯩﭗ ﺑﯧﺮﯨﻠﯩﺪﯗ. ﺋﯘﻧﯩﯔ ﻳﺎﺧﺸﯩﻠﯩﻘﻠﯩﺮﻯ ﺗﯜﮔﯩﺴﻪ، ﺋﯘﻻﺭﻧﯩﯔ ﮔﯘﻧﺎﻫﻠﯩﺮﻯ ﺋﯘﻧﯩﯖﻐﺎ ﺋﺎﺭﺗﯩﻠﯩﺪﯗ. ﺋﺎﻧﺪﯨﻦ ﺋﯘ ﺩﻭﺯﺍﺧﻘﺎ ﺗﺎﺷﻠﯩﻨﯩﺪﯗ. ﻣﺎﻧﺎ ﺑﯘ، ﻣﯧﻨﯩﯔ ﺋﯘﻣﻤﯩﺘﯩﻤﻨﯩﯔ ﻗﯘﺭﯗﻕ ﻗﻮﻝ ﻗﺎﻟﻐﯘﭼﯩﺴﯩﺪﯗﺭ."

ﺑﯩﺮ ﺋﺎﺩﻩﻡ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﻳﯧﻨﯩﻐﺎ ﻛﯧﻠﯩﭗ، ﺋﯘﻧﯩﯖﻐﺎ: "ﻳﺎ ﺭﻩﺳﯘﻟﻪﻟﻼﻫ! ﺑﯩﺮ ﺋﺎﻳﺎﻝ ﺑﺎﺭ، ﺋﯘ ﻧﺎﻣﺎﺯ ﺋﻮﻗﯘﻳﺪﯗ، ﺭﻭﺯﺍ ﺗﯘﺗﯩﺪﯗ ﯞﻩ ﺳﻪﺩﯨﻘﯩﻨﻰ ﻛﯚﭖ ﻗﯩﻠﯩﺪﯗ. ﻟﯧﻜﯩﻦ ﻗﻮﺷﻨﯩﺴﯩﻐﺎ ﺗﯩﻠﻰ ﺑﯩﻠﻪﻥ ﺋﻪﺯﯨﻴﻪﺕ ﺑﯧﺮﯨﺪﯨﻜﻪﻥ" ﺩﯦﮕﻪﻧﺪﻩ، ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ: "ﺋﯘ ﺩﻭﺯﺍﺧﻘﺎ ﻛﯩﺮﯨﺪﯗ" ﺩﯦﮕﻪﻥ. ﺋﯘ ﺋﺎﺩﻩﻡ ﻳﻪﻧﻪ: "ﻳﻪﻧﻪ ﺑﯩﺮ ﺋﺎﻳﺎﻝ ﺑﺎﺭ، ﻧﺎﻣﺎﺯ، ﺭﻭﺯﯨﺴﻰ ﺋﺎﺯ، ﺳﻪﺩﯨﻘﯩﻨﯩﻤﯘ ﺋﺎﺯ ﺑﯧﺮﯨﺪﯨﻜﻪﻥ. ﻗﻮﺷﻨﯩﺴﯩﻐﺎ ﺋﻪﺯﯨﻴﻪﺕ ﺑﻪﺭﻣﻪﻳﺪﯨﻜﻪﻥ" ﺩﯦﮕﻪﻧﺪﻩ، ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ: "ﺋﯘ ﺟﻪﻧﻨﻪﺗﻜﻪ ﻛﯩﺮﯨﺪﯗ" ﺩﯦﮕﻪﻥ. ﺑﯘ ﺟﺎﯞﺍﺑﺘﺎ ﺋﯧﺴﯩﻞ ﺋﻪﺧﻼﻗﻨﯩﯔ ﻗﯩﻤﻤﯩﺘﯩﮕﻪ ﺋﺎﻻﻫﯩﺪﻩ ﺋﯧﺘﯩﺒﺎﺭ ﺑﯧﺮﯨﻠﮕﻪﻥ. ﻳﻪﻧﻪ ﺑﯩﺮ ﻫﻪﺩﯨﺴﺘﻪ: " ﮔﯜﺯﻩﻝ ﺋﻪﺧﻼﻕ ﺧﯘﺩﺩﻯ ﺳﯘ ﻗﯩﺮﻭﻧﻰ ﺋﯧﺮﯨﺘﻜﻪﻧﺪﻩﻙ ﺧﺎﺗﺎﻟﯩﻘﻼﺭﻧﻰ ﺋﯧﺮﯨﺘﯩﺪﯗ. ﻧﺎﭼﺎﺭ ﺋﻪﺧﻼﻕ، ﺳﯩﺮﻛﻪ ﻫﻪﺳﻪﻟﻨﻰ ﺑﯘﺯﻏﺎﻧﺪﻩﻙ ﻫﻪﻣﻤﯩﻨﻰ ﺑﯘﺯﯨﺪﯗ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺧﯘﻻﺳﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﻳﺎﺧﺸﻰ ﺋﻪﺧﻼﻕ ﻳﺎﻛﻰ ﮔﯜﺯﻩﻝ ﺋﻪﺧﻼﻕ ﺋﻪﯓ ﺳﺎﯞﺍﺑﻠﯩﻖ ﺋﯩﺒﺎﺩﻩﺕ ﻗﺎﺗﺎﺭﯨﺪﯨﻦ ﺳﺎﻧﯩﻠﯩﺪﯗ. ﺑﯩﺮ ﻫﻪﺩﯨﺴﺘﻪ: "ﻗﯩﻴﺎﻣﻪﺕ ﻛﯜﻧﯩﺪﻩ ﻣﯘﺳﯘﻟﻤﺎﻥ ﻛﯩﺸﯩﻨﯩﯔ ﻳﺎﺧﺸﯩﻠﯩﻖ ﻣﯩﺰﺍﻧﯩﺪﺍ ﮔﯜﺯﻩﻝ ﺋﻪﺧﻼﻗﺘﯩﻦ ﺳﺎﻟﻤﺎﻗﺮﺍﻕ ﻛﯧﻠﯩﺪﯨﻐﺎﻥ ﻫﯧﭻ ﻧﻪﺭﺳﻪ ﻳﻮﻗﺘﯘﺭ" ﺩﻩﭖ ﻛﯚﺭﺳﻪﺗﻜﻪﻥ.