ﻫﻪﻣﻤﯩﮕﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ " ﺋﻪﻳﺪﯨﺰ" ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ، ﺑﻮﻟﯘﭘﻤﯘ ﻳﺎﺷﻼﺭ ﺋﺎﺭﯨﺴﯩﺪﺍ ﺗﯧﺰ ﺳﯜﺭﺋﻪﺗﺘﻪ ﻛﯚﭘﻪﻳﻤﻪﻛﺘﻪ. ﻧﯚﯞﻩﺗﺘﻪ ﺋﻪﻳﺪﯨﺰﻧﯩﯔ ﻛﯚﭘﯩﻴﯩﺸﯩﺪﯨﻜﻰ ﺋﺎﺳﺎﺳﻠﯩﻖ ﺋﺎﻣﯩﻠﻼﺭﻧﯩﯔ ﺑﯩﺮﻯ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻜﻪ ﺋﯚﮔﯩﻨﯩﭗ ﻗﺎﻟﻐﯘﭼﯩﻼﺭﻧﯩﯔ ﺋﻮﺧﺸﺎﺵ ﺋﯘﻛﯘﻝ ﻳﯩﯖﻨﯩﺴﻰ ﺋﯩﺸﻠﯩﺘﯩﺸﻰ ﺗﯜﭘﻪﻳﻠﻰ ﺑﻮﻟﺴﺎ، ﻳﻪﻧﻪ ﺑﯩﺮﻯ ﻗﺎﻻﻳﻤﯩﻘﺎﻥ ﺟﯩﻨﺴﻰ ﻣﯘﻧﺎﺳﯩﯟﻩﺕ ﺋﯚﺗﻜﯜﺯﯛﺵ ﺋﺎﺭﻗﯩﻠﯩﻖ ﻣﻪﻳﺪﺍﻧﻐﺎ ﻛﻪﻟﻤﻪﻛﺘﻪ.

ﺋﺎﻣﯧﺮﯨﻜﯩﻨﯩﯔ ﻧﻴﯘﻳﻮﺭﻙ ﺷﻪﻫﯩﺮﯨﺪﻩ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯧﺮﻯ ﺗﯩﺒﺒﯩﻲ ﺳﺎﻫﻪﺩﻩ ﺗﻪﺗﻘﯩﻘﺎﺕ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﻣﻪﻣﻪﺕ ﺋﯩﻤﯩﻦ ﺋﻪﭘﻪﻧﺪﻯ ﺋﯘﻳﻐﯘﺭﻻﺭﻧﯩﯔ ﺋﻪﯓ ﻳﯧﻘﯩﻨﻘﻰ ﺋﻪﻳﺪﯨﺰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ.

ﻫﻪﻗﯩﻘﻪﺗﻪﻥ، ﺋﻪﻳﺪﯨﺰﻧﯩﯔ ﺋﯘﻳﻐﯘﺭ ﻳﺎﺷﻠﯩﺮﻯ ﺋﺎﺭﯨﺴﯩﺪﺍ ﺷﯩﺪﺩﻩﺕ ﺑﯩﻠﻪﻥ ﺗﺎﺭﻗﯩﻠﯩﺸﻰ ﭘﯜﺗﻜﯚﻝ ﺋﯘﻳﻐﯘﺭ ﺟﺎﻣﺎﺋﻪﺗﭽﯩﻠﯩﻜﯩﻨﻰ ﻗﺎﺗﺘﯩﻖ ﭼﯜﭼﯜﺗﻤﻪﻛﺘﻪ، ﺑﯩﺮﺍﻕ ﺋﻪﻳﺪﯨﺰﮔﻪ ﻗﺎﺭﺷﻰ، ﺑﻮﻟﯘﭘﻤﯘ ﺋﻪﻳﺪﯨﺰﻧﯩﯔ ﻛﯚﭘﯩﻴﯩﺸﯩﺪﯨﻜﻰ ﻧﯘﻗﺘﯩﻠﯩﻖ ﺋﺎﻣﯩﻞ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ﺟﯧﯖﯩﮕﻪ ﺋﺎﺗﻼﻧﻐﺎﻥ ﺋﯘﻳﻐﯘﺭ ﻳﺎﺷﻠﯩﺮﯨﻤﯘ ﻳﻮﻕ ﺋﻪﻣﻪﺱ.

ﻗﻪﺷﻘﻪﺭ ﺩﯨﻴﺎﺭﯨﻨﯩﯔ ﺋﻪﺯﯨﻤﻪﺕ ﺋﻮﻏﻼﻧﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻗﯘﺭﺑﺎﻧﺠﺎﻥ ﺗﯘﺭﺳﯘﻥ ﺋﻪﻧﻪ ﺷﯘﻻﺭﺩﯨﻦ ﺑﯩﺮﻯ. ﻗﯘﺭﺑﺎﻧﺠﺎﻥ 2007 ‏ - ﻳﯩﻠﻰ 4 ‏ - ﺋﺎﭘﺮﯨﻞ ﻗﻪﺷﻘﻪﺭ ﺷﻪﻫﯩﺮﯨﺪﯨﻦ ﭘﯩﻴﺎﺩﻩ ﻳﻮﻟﻐﺎ ﭼﯩﻘﯩﭗ، 17 - ﺋﯩﻴﯘﻥ ﺋﯜﺭﯛﻣﭽﯩﮕﻪ ﻳﯧﺘﯩﭗ ﻛﻪﻟﮕﻪﻥ ﺋﯩﺪﻯ. ﺋﯘ ﺯﻩﻫﻪﺭ ﭼﻪﻛﻠﻪﺵ ﯞﻩ ﺑﯘ ﺋﺎﺭﻗﯩﻠﯩﻖ ﺋﻪﻳﺪﯨﺰﺩﯨﻦ ﻣﯘﺩﺍﭘﯩﺌﻪ ﻛﯚﺭﯛﺵ ﭘﯩﺪﺍﺋﯩﻴﺴﻰ ﺑﻮﻟﯘﺵ ﺋﯜﭼﯜﻥ، 2007 ‏ - ﻳﯩﻠﻰ 6 ‏ - ﺋﯩﻴﯘﻝ ﺋﯜﺭﯛﻣﭽﯩﺪﯨﻦ ﺑﯧﻴﺠﯩﯖﻐﺎ ﻗﺎﺭﺍﭖ ﭘﯩﻴﺎﺩﻩ ﻳﻮﻟﻐﺎ ﭼﯩﻘﯩﭗ، 2008 ‏ - ﻳﯩﻠﻰ 10 ‏- ﺋﯩﻴﯘﻥ ﻛﻪﭼﺘﻪ ﺑﯧﻴﺠﯩﯖﻐﺎ ﻳﯧﺘﯩﭗ ﺑﺎﺭﻏﺎﻥ ﻫﻪﻣﺪﻩ 26 ‏- ﺋﯩﻴﯘﻥ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﮕﻪﻥ " ﺯﻩﻫﻪﺭ ﭼﻪﻛﻠﻪﺵ ﻛﯜﻧﻰ" ﮔﻪ ﻗﺎﺗﻨﺎﺷﻘﺎﻥ.

2006 ‏ - ﻳﯩﻠﻰ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﺗﻪﻧﺘﻪﺭﺑﯩﻴﻪ ﻣﻪﻛﺘﯩﭙﯩﻨﯩﯔ ﺗﺎﻳﯩﻜﯟﺍﻧﺪﯗ ﻛﻪﺳﭙﯩﻨﻰ ﭘﯜﺗﺘﯜﺭﮔﻪﻥ، ﺑﻮﻱ ﺋﯩﮕﯩﺰﻟﯩﻜﻰ 1 ﻣﯧﺘﯩﺮ 91 ﺳﺎﻧﺘﯩﻤﯧﺘﯩﺮ ﻛﯧﻠﯩﺪﯨﻐﺎﻥ 24 ﻳﺎﺷﻠﯩﻖ ﺑﯘ ﺋﯘﻳﻐﯘﺭ ﻳﯩﮕﯩﺘﯩﻨﻰ ﻗﺎﻧﺪﺍﻕ ﺑﯩﺮ ﺋﯩﺮﺍﺩﻩ ﺯﻩﻫﻪﺭ ﭼﻪﻛﻠﻪﺵ ﯞﻩ ﺋﻪﻳﺪﯨﺰﺩﯨﻦ ﻣﯘﺩﺍﭘﯩﺌﻪ ﻛﯚﺭﯙﺵ ﺟﯧﯖﯩﮕﻪ ﺋﺎﺗﻼﺗﺘﻰ؟ ﻗﯘﺭﺑﺎﻧﺠﺎﻧﻐﺎ ﺋﻮﺧﺸﺎﺵ ﻣﯘﺷﯘﻧﺪﺍﻕ ﻗﻪﻳﺴﻪﺭ ﺋﯘﻳﻐﯘﺭ ﻳﯩﮕﯩﺘﻠﯩﺮﯨﻨﯩﯔ ﺳﺎﻧﻰ ﻛﯚﭘﻪﻳﺴﻪ، ﺗﯘﻳﯘﻕ ﻳﻮﻟﺪﺍ ﺋﺎﺯﻏﺎﻥ ﺑﺎﺷﻘﺎ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺋﺎﺯﻏﯘﻧﻠﯘﻕ ﺋﯩﭽﯩﺪﯨﻦ ﭼﯩﻘﯩﺸﯩﻐﺎ ﻳﺎﺭﺩﯨﻤﻰ ﺑﻮﻻﺭﻣﯘ؟

ﺧﻪﯞﻩﺭﺩﺍﺭ ﺑﻮﻟﯘﺷﯩﻤﯩﺰﭼﻪ، ﻗﯘﺭﺑﺎﻧﺠﺎﻥ ﺑﯘ ﻳﯩﻞ 1 - ﺋﯩﻴﯘﻝ ﻛﯜﻧﻰ ﺑﯧﻴﺠﯩﯖﻨﻰ ﺑﺎﺷﻠﯩﻨﯩﺶ ﻧﯘﻗﺘﯩﺴﻰ ﻗﯩﻠﻐﺎﻥ، ﭘﯩﻴﺎﺩﻩ ﻳﯜﺭﯛﺵ ﺗﻪﺷﯟﯨﻘﺎﺗﻰ ﺋﯜﭼﯜﻥ ﺗﻪﻳﻴﺎﺭﻟﯩﻖ ﻛﯚﺭﯛﯞﺍﺗﻘﺎﻥ ﺑﻮﻟﯘﭖ، ﺋﯘ ﺑﯘ ﻗﯧﺘﯩﻤﻘﻰ ﭘﯩﻴﺎﺩﻩ ﺋﺎﻳﻠﯩﻨﯩﺶ ﻣﯘﺳﺎﭘﯩﺴﯩﻨﯩﯔ ﺗﺎﻣﺎﻣﻠﯩﻨﯩﺸﻰ ﺋﯜﭼﯜﻥ 15 ﺋﺎﻱ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﻣﯚﻟﭽﻪﺭﻟﯩﮕﻪﻥ ﯞﻩ ﭘﯜﺗﯜﻥ ﺧﯩﺘﺎﻱ ﻣﻪﻣﻠﯩﻜﯩﺘﯩﻨﻰ ﭘﯩﻴﺎﺩﻩ ﺋﺎﻳﻠﯩﻨﯩﭗ ﭼﯩﻘﯩﺸﻨﻰ ﻧﯩﺸﺎﻥ ﻗﯩﻠﻐﺎﻧﻠﯩﻘﯩﻨﻰ، ﻳﻪﻧﻪ ﻣﻪﺯﻛﯜﺭ ﭘﺎﺋﺎﻟﯩﻴﯩﺘﻰ ﺩﺍﯞﺍﻣﯩﺪﺍ ﺋﯘﻳﻐﯘﺭ ﻣﻪﺩﻩﻧﻴﯩﺘﯩﻨﻰ ﺗﻮﻧﯘﺷﺘﯘﺭﯗﺷﻨﻰ ﺷﯘﻧﯩﯖﺪﻩﻙ ﺑﯘ ﺋﺎﺭﻗﯩﻠﯩﻖ ﻳﯧﯖﻰ ﺑﯩﺮ ﺭﯦﻜﻮﺭﺕ ﻳﺎﺭﯨﺘﯩﺸﻨﻰ ﺋﯚﺯﯨﮕﻪ ﺋﯩﺮﺍﺩﻩ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﯞﻩﺗﻪﻥ ﺋﯩﭽﯩﺪﯨﻜﻰ ﻣﻪﻟﯘﻡ ﺑﯩﺮ ﺗﻮﺭ ﺑﯧﺘﯩﻨﯩﯔ ﻣﻪﺳﺌﯘﻟﻠﯩﺮﯨﺪﯨﻦ ﺑﯩﺮﻯ ﺑﯩﺰﻧﯩﯔ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﻗﯘﺭﺑﺎﻧﺠﺎﻧﻨﯩﯔ ﺯﻩﻫﻪﺭ ﭼﻪﻛﻠﻪﺵ ﯞﻩ ﺋﻪﻳﺪﯨﺰﺩﯨﻦ ﻣﯘﺩﺍﭘﯩﺌﻪ ﻛﯚﺭﯛﺵ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺑﺎﺷﻠﯩﻐﺎﻥ ﭘﯩﻴﺎﺩﻩ ﻳﯜﺭﯛﺵ ﻗﯩﻠﯩﺶ ﻫﻪﺭﯨﻜﯩﺘﯩﻨﯩﯔ ﺗﯜﭖ ﻣﻪﻗﺴﯩﺘﻰ ﻫﻪﻗﻘﯩﺪﻩ ﺳﯚﺯﻟﻪﭖ ﺑﻪﺭﺩﻯ.

ﺑﯩﺰ ﻗﯘﺭﺑﺎﻧﺠﺎﻧﻨﻰ ﺗﯧﻠﯧﻔﯘﻥ ﺋﺎﺭﻗﯩﻠﯩﻖ ﺯﯨﻴﺎﺭﻩﺕ ﻗﯩﻠﯩﭗ، ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﻏﺎ ﺋﯘﻧﯩﯔ ﺋﺎﻏﺰﯨﺪﯨﻦ ﻣﻪﻟﯘﻣﺎﺕ ﺑﯧﺮﯨﺸﻜﻪ ﺗﯩﺮﯨﺸﯩﻤﯩﺰ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز