ﻫﻪﺭ ﻳﯩﻠﻰ 10 - ﺋﺎﻳﻨﯩﯔ 1 - ﻛﯜﻧﻰ ﺩﯗﻕ ﺗﻪﺭﯨﭙﯩﺪﯨﻦ "ﻣﺎﺗﻪﻡ ﻛﯜﻧﻰ" ﻗﯩﻠﯩﭗ ﺑﯧﻜﯩﺘﯩﻠﮕﻪﻥ ﺑﻮﻟﯘﭖ، ﺑﯘ ﻛﯜﻥ ﻫﻪﻗﻘﯩﺪﻩ ﺩﯗﻕ ﺑﺎﺵ ﻛﺎﺗﯩﭙﻰ ﺩﻭﻟﻘﯘﻥ ﺋﻪﻳﺴﺎ ﺋﻪﭘﻪﻧﺪﻯ ﺋﯩﺰﺍﻫﺎﺕ ﺑﻪﺭﺩﻯ.

ﻣﻴﯘﻧﺨﯧﻨﺪﺍ ﺋﯚﺗﻜﯜﺯﯛﻟﮕﻪﻥ ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺶ، ﻳﯩﻠﻼﺭﺩﯨﻜﯩﮕﻪ ﺋﻮﺧﺸﯩﻤﺎﻳﺪﯨﻐﺎﻥ ﺑﯩﺮ ﺷﻪﻛﯩﻠﺪﻩ ﺗﻪﺷﻜﯩﻠﻠﻪﻧﮕﻪﻥ. ﻧﺎﻣﺎﻳﯩﺶ ﺋﺎﺳﺎﺳﻠﯩﻘﻰ ﺭﻩﺳﯩﻢ ﻛﯚﺭﮔﻪﺯﻣﯩﺴﻰ ﺗﻪﺷﯟﯨﻘﺎﺗﻰ ﺋﺎﺭﻗﯩﻠﯩﻖ، ﺷﻪﻫﻪﺭ ﻣﻪﺭﻛﯩﺰﯨﺪﯨﻜﻰ ﺑﯘ ﻗﺎﻳﻨﺎﻕ، ﺷﺎﯞﻗﯘﻧﻠﯘﻕ ﻛﻮﭼﯩﺪﯨﻜﻰ ﻣﯩﯖﻠﯩﻐﺎﻥ ﺳﺎﻳﺎﻫﻪﺗﭽﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺟﻪﻟﭗ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ.

ﻣﻪﺯﻛﯘﺭ ﻧﺎﻣﺎﻳﯩﺸﻘﺎ ﺋﯩﺸﺘﯩﺮﺍﻙ ﻗﯩﻠﻐﺎﻥ ﺋﯘﻳﻐﯘﺭ ﺯﯨﻴﺎﻟﯩﻴﺴﻰ ﻣﯧﻬﺮﯨﺒﺎﻥ ﺧﺎﻧﯩﻢ ﯞﻩ  ﺭﺍﻫﯩﻠﻪ ﺧﺎﻧﯩﻤﻼﺭ ﺋﯚﺯﻟﯩﺮﯨﻨﯩﯔ ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺶ ﺗﻮﻏﺮﯨﺴﯩﺪﯨﻜﻰ ﻛﯚﺯ ﻗﺎﺭﯨﺸﯩﻨﻰ ﺑﺎﻳﺎﻥ ﻗﯩﻠﯩﭗ ﺋﯚﺗﺘﻰ.  

ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻘﺎ ﭼﻮﯕﻼﺭﺩﯨﻦ ﺳﯩﺮﺕ، ﻧﻪﭼﭽﻪ ﺋﻮﻧﻠﯩﻐﺎﻥ ﻳﺎﺵ - ﺋﯚﺳﻤﯜﺭﻟﻪﺭ ﯞﻩ ﻛﯩﭽﯩﻚ ﺑﺎﻟﯩﻼﺭﻣﯘ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺋﯘﻻﺭ ﺋﺎﺗﺎ - ﺋﺎﻧﯩﻠﯩﺮﯨﻐﺎ ﻳﺎﺭﺩﻩﻣﻠﯩﺸﯩﭗ، ﺗﻪﺷﯟﯨﻘﺎﺕ ﯞﻩﺭﻩﻗﭽﯩﻠﯩﺮﻯ ﺗﺎﺭﻗﺎﺗﻤﺎﻗﺘﺎ ﺋﯩﺪﻯ.

ﻧﯘﺭﻏﯘﻧﻠﯩﻐﺎﻥ ﭼﻪﺗﺌﻪﻟﻠﯩﻜﻠﻪﺭ ﺳﯜﺭﻩﺗﻠﻪﺭ ﭼﺎﭘﻼﻧﻐﺎﻥ ﺗﺎﺧﺘﯩﻼﺭﺩﯨﻜﻰ ﭘﺎﺟﯩﺌﻪﻟﯩﻚ ﻫﺎﻟﺪﺍ ﺋﯚﻟﺘﯜﺭﯛﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﻛﯚﺭﯛﻧﯜﺷﻠﯩﺮﯨﻨﻰ ﻛﯚﺭﯛﭖ، ﺑﯘ ﻗﯧﺘﯩﻤﻘﻰ ﯞﻩﻗﻪ ﺗﻮﻏﺮﯗﻟﯘﻕ ﺗﯧﺨﯩﻤﯘ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺳﻮﺭﺍﯞﺍﺗﺎﺗﺘﻰ.  ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺶ ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ  3:00 ﺗﻪ ﺑﺎﺷﻠﯩﻨﯩﭗ ﺳﺎﺋﻪﺕ 5:00 ﺑﯩﻠﻪﻥ ﺋﺎﺧﯩﺮﻻﺷﺘﻰ.
 
ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.