Қәшқәр тоққузақтики хәлиқ вәқәниң һәқиқий әһвалидин хәвәрсиз қалди

Мухбиримиз әркин

2009-07-02

Хитайниң гуаңдуң өлкисидики уюнчуқ завутида йүз бәргән уйғур ишләмчи яшларниң мәзкур завуттики хитай ишчиларниң һуҗумиға учрап, уйғурларниң өлтүрүлүшини кәлтүрүп чиқарған 26 "‏ - Июн шавгүән вәқәси" дин кейин, йәрлик амма пәрзәнтлириниң бихәтәрликидин қайғурмақта.

www.uighurbiz.net Дин елинди. Нәшир һоқуқи www.0751.cc Ниң.

www.uighurbiz.net Дин елинған бу сүрәт, тоқунуш йүз бәргән бинаниң алдидики нәқ мәйдандин көрүш.

Аилиләр пәрзәнтлириниң учурини алалмай аварә. Йәрлик даириләр болса вәқә тоғрисидики учурларни контрол қилип, амминиң вәқә тоғрисида ашкара пикир қилишини чәклигән.

26 ‏ - Июн күни гуаңдуң өлкиси шавгуән шәһириниң "шүйри" оюнчуқ завутидики хитай ишчиларниң һуҗумиға учрап, еғир талапәт тартқан уйғур ишләмчиләрниң көп қисими қәшқәр тоққузақтики һәр қайси йеза ‏ - Кәнтләрдин барған яшлар иди. Вәқә йүз бәргәнликигә бир қанчә күн болуп қалған болсиму, лекин йәрлик амма вәқәниң һәқиқий әһвалидин хәвәрсиз, даириләр болса бу җәһәттики учурларға чәклимә қойған.

Биз тоққузақтики бәзи аилиләргә телефон қилип, уларниң мәзкур вәқәгә болған инкасини алдуқ.

Бәзи йәрлик пуқралар шу җайдики сақчихана даирилириниң пуқраларни агаһландуруп, вәқәдә өлтүрүлгән уйғур балиларни һарақ ечип җидәл чиқириш вәқәсидә өлгән, дәп чүшәндүрүшни, әгәр башқичә қараштикиләр болса җавабкарлиққа тартилиду, дегәнликини билдүрмәктә.

Әскәртиш: бу син - Алғу филими www.ireport.com Дин елинған. Нәширят һоқуқи www.ireport.com Ниң. Мәзмуни вә көрүнүшләрниң тәпсилатиға RFA ниң мәсулийити йоқ.

Лекин тоққузақниң зәмин йезисидики сақчиханиниң бир хадими диһқанларниң агаһландурулғанлиқини рәт қилди.

Вәқәдә өлгән уйғур яшларниң бири, тоққузақниң зәмин йезиси 16 ‏ - Кәнтидики һашимҗан әмәт исимлик бир яш иди. Кәнт хәлқи пәйшәнбә күни мәрһумниң 3 нәзирини өткүзгән.

Йәрлик пуқраларниң ейтишиға қариғанда, даириләр һашимҗанниң өйи вә мазириға көзәтчи қоюп, тасадипи вәқәләрниң йүз бериш иһтималиға қарши тәдбирләрни йолға қойған.

Хитай һөкүмити 2006 ‏ - Йилдин бери уйғур елидин яш әмгәк күчлирини деңиз бойидики хитай шәһәрлиригә тәшкиллик вә мәҗбурий йөткәп, әмгәккә селиватқан иди. Лекин һашимҗан әмәт олтурақлашқан кәнтниң бир мәсули кәнт яшлириниң мәҗбурий елип берилғанлиқини рәт қилди.

Юқиридики аваз улинишидин, тоққузақтики йәрлик уйғур аилиләр билән шавгүәндики вәқә тоғрисида елип барған сөһбәт хатирисиниң тәпсилатини аңлайсиләр.

Бесиш

Әвәтиш

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.