ﺧﯩﺘﺎﻱ ﺩﯦﻤﻮﻛﺮﺍﺗﭽﯩﻠﯩﺮﻯ ﺋﯚﺯ ﺑﺎﻳﺎﻧﯩﺪﺍ، ﺯﺍﯞﯗﺗﺘﯩﻜﻰ ﺧﯩﺘﺎﻳﻼﺭﻧﯩﯔ ﭘﻪﻗﻪﺗﻼ 6 - ﺋﺎﻳﻨﯩﯔ 16 - ﻛﯜﻧﻰ " ﺟﻪﻧﯘﺑﯩﻲ ﺩﯨﻴﺎﺭ " ﺗﻮﺭ ﺑﯧﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ " 6 ﻧﻪﭘﻪﺭ ﺋﯘﻳﻐﯘﺭ 2 ﻧﻪﭘﻪﺭ ﺧﯩﺘﺎﻱ ﻗﯩﺰﯨﻐﺎ ﺑﺎﺳﻘﯘﻧﭽﯩﻠﯩﻖ ﻗﯩﻠﺪﻯ" ﺩﯦﮕﻪﻥ ﻗﯘﺗﺮﺍﺗﻘﯘﻟﯘﻕ ﺧﺎﺭﺍﻛﺘﯧﺮﻯ ﺋﯧﻐﯩﺮ ﺑﻮﻟﻐﺎﻥ ﺳﺎﺧﺘﺎ ﺋﯘﭼﯘﺭﻏﯩﻼ ﺗﺎﻳﯩﻨﯩﭗ 25 - ﺋﯩﻴﯘﻥ ﻛﯧﭽﯩﺴﻰ ﻛﻮﻟﻠﯧﻜﺘﯩﭗ ﻫﺎﻟﺪﺍ ﺗﻮﭘﻠﯩﻨﯩﭗ، ﺯﺍﯞﯗﺗﺘﯩﻜﻰ ﺋﯘﻳﻐﯘﺭ ﺋﯩﺸﭽﯩﻠﯩﺮﯨﻨﯩﯔ ﻳﺎﺗﯩﻘﯩﻐﺎ ﺑﺎﺳﺘﯘﺭﯗﭖ ﻛﯩﺮﯨﭗ، ﻛﺎﻟﺘﻪﻙ - ﺗﻮﻗﻤﺎﻗﻼﺭ ﺑﯩﻠﻪﻥ ﺋﯘﻳﻐﯘﺭ ﺋﯩﺸﭽﯩﻠﯩﺮﯨﻨﻰ ﺋﯘﺭﯗﭖ ﻳﺎﺭﯨﻼﻧﺪﯗﺭﯗﭖ، ﻫﻪﺗﺘﺎ ﺋﯚﻟﯜﻡ ﯞﻩﻗﻪﺳﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻧﻠﯩﻘﯩﻐﺎ ﻗﺎﺭﯨﺘﺎ ﺋﯚﺯﻟﯩﺮﯨﻨﯩﯔ ﻗﺎﺗﺘﯩﻖ ﺋﻪﭘﺴﯘﺳﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺭﺍﺩﯨﺌﻮﻣﯩﺰ ﺋﯘﻳﻐﯘﺭ ﺑﯚﻟﯜﻣﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ، ﺋﺎﻣﯧﺮﯨﻜﯩﺪﯨﻜﻰ ﺧﯩﺘﺎﻱ ﺩﯦﻤﻮﻛﺮﺍﺗﭽﯩﻠﯩﺮﯨﺪﯨﻦ ﺧﻮﯕﻜﯘﯕﺪﺍ ﭼﯩﻘﯩﺪﯨﻐﺎﻥ "ﻳﯚﻧﯩﻠﯩﺶ" ﮊﯗﺭﻧﯩﻠﯩﻨﯩﯔ ﺑﺎﺵ ﻣﯘﻫﻪﺭﺭﯨﺮﻯ ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ ﺋﺎﻟﺪﻯ ﺑﯩﻠﻪﻥ ﺑﯘ ﯞﻩﻗﻪﺩﻩ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﺎﻥ ﺋﯘﻳﻐﯘﺭﻻﺭﻏﺎ ﺑﻮﻟﻐﺎﻥ ﻫﯧﺴﺪﺍﺷﻠﯩﻘﯩﻨﻰ ﺑﯩﻠﺪﯛﺭﯛﭖ، ﺑﯩﺮ ﺋﯩﻨﺴﺎﻥ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺋﺎﺩﻩﻡ ﺋﯘﺭﯗﺷﻘﺎ ﻗﺎﺗﻨﺎﺷﻘﺎﻥ ﺧﯩﺘﺎﻱ ﺋﯩﺸﭽﯩﻠﯩﺮﯨﻨﯩﯔ ﺑﯘ ﺧﯩﻞ ﺋﯩﻨﺴﺎﻥ ﻗﯧﻠﯩﭙﯩﺪﯨﻦ ﭼﯩﻘﻘﺎﻥ ﻳﺎﯞﯗﺯﻟﯘﻗﯩﻨﻰ ﺋﯚﺯﯨﻨﯩﯔ ﻗﻮﺑﯘﻝ ﻗﯩﻼﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﺪﻯ.

ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ ﺑﯘ ﯞﻩﻗﻪﻧﯩﯔ ﻛﯧﻠﯩﭗ ﭼﯩﻘﯩﺸﯩﺪﺍ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﻳﯧﻘﯩﻨﻘﻰ 30 ﻳﯩﻠﺪﯨﻦ ﺑﯘﻳﺎﻥ ﺧﯩﺘﺎﻱ ﻳﺎﺷﻠﯩﺮﯨﻐﺎ ﺳﯩﯖﺪﯛﺭﯛﯞﺍﺗﻘﺎﻥ " ﭼﻮﯓ ﺧﯩﺘﺎﻳﭽﯩﻠﯩﻖ" ﺋﯩﺪﯨﻴﯩﺴﻰ ﺑﯩﻠﻪﻥ ﺑﯩﻠﻠﻪ، ﺋﯩﭽﻜﯩﺮﻯ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ، ﺧﯩﺘﺎﻳﻨﯩﯔ ﻫﯚﻛﯜﻣﻪﺕ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﺪﺍ ﻣﯩﻠﻠﯩﻲ ﺑﺎﺭﺍﯞﻩﺭﻟﯩﻚ ﺗﻪﻟﻪﭖ ﻗﯩﻠﻐﺎﻥ ﺋﯘﻳﻐﯘﺭﻻﺭﻧﻰ "ﻣﯩﻠﻠﻰ ﺑﯚﻟﮕﯜﻧﭽﻰ"، "ﺗﯧﺮﺭﻭﺭﭼﻰ"، " ﺩﯙﻟﻪﺗﻨﻰ ﭘﺎﺭﭼﯩﻼﺷﻘﺎ ﺋﯘﺭﯗﻧﻐﺎﻥ " ﺩﻩﭖ ﺗﻪﺷﯟﯨﻖ ﻗﯩﻠﺴﺎ، ﺗﯩﺮﯨﻜﭽﯩﻠﯩﻚ ﻏﯧﻤﯩﺪﻩ ﺋﯩﭽﻜﯩﺮﻯ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﻳﺎﺷﺎﺷﻘﺎ ﻣﻪﺟﺒﯘﺭ ﺑﻮﻟﯘﯞﺍﺗﻘﺎﻥ ﺋﯘﻳﻐﯘﺭﻻﺭﻧﻰ " ﺋﻮﻏﺮﻯ"، "ﻳﺎﻧﭽﯘﻗﭽﻰ" ﺩﯦﮕﻪﻧﮕﻪ ﺋﻮﺧﺸﺎﺵ ﻫﺎﻗﺎﺭﻩﺗﻠﯩﻚ ﻧﺎﻡ ﺑﯩﻠﻪﻥ ﺋﺎﺗﺎﭖ، ﺧﯩﺘﺎﻱ ﺧﻪﻟﻘﯩﮕﻪ ﺋﯘﻳﻐﯘﺭﻻﺭ ﺗﻮﻏﺮﯨﻠﯩﻖ ﺗﻪﺗﯜﺭ ﺗﻪﺷﯟﯨﻘﺎﺕ ﻳﯜﺭﮔﯜﺯﯛﭖ ﻣﯩﻠﻠﯩﻲ ﻣﻪﺳﯩﻠﯩﻨﻰ ﺋﯚﺗﻜﯜﺭﻟﻪﺷﺘﯜﺭﯛﯞﻩﺗﺘﻰ ﺩﻩﭖ ﻗﺎﺭﺍﭖ، ﺋﺎﻟﺪﻯ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘﺧﯩﻞ ﯞﻩﻗﻪﻟﻪﺭﻧﯩﯔ ﻛﯧﻠﯩﭗ ﭼﯩﻘﯩﺸﯩﺪﯨﻜﻰ ﻣﻪﺳﺌﯘﻟﯩﻴﯩﺘﻰ ﺳﯜﺭﯛﺷﺘﯜﺭﯛﻟﯜﺷﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﺪﻯ.


ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ ﺑﯘ ﯞﻩﻗﻪﻧﯩﯔ ﻳﯜﺯ ﺑﯧﺮﯨﺸﯩﺪﻩ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﯩﻨﯩﯔ ﺗﻪﺗﯜﺭ ﺗﻪﺷﯟﯨﻘﺎﺗﯩﺪﯨﻦ ﺑﺎﺷﻘﺎ ﻳﻪﻧﻪ، ﺧﯩﺘﺎﻱ ﻣﯩﻠﻠﯩﺘﯩﻨﯩﯔ ﺗﺎﺭﯨﺨﺘﯩﻦ ﺑﯘﻳﺎﻥ ﺷﻪﻛﯩﻠﻠﻪﻧﮕﻪﻥ ﺋﯚﺯ ﺧﺎﺭﺍﻛﺘﯧﺮﯨﺪﯨﻜﻰ ﺋﯚﺯﯨﺪﯨﻦ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﻰ ﻛﻪﻣﺴﯩﺘﯩﺸﺘﻪﻙ ﭘﯩﺴﺨﯩﻚ ﺋﺎﻣﯩﻞ ﺳﻪﯞﻩﺏ ﺑﻮﻟﻐﺎﻥ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻐﯩﻨﻰ ﺑﺎﻳﺎﻥ ﻗﯩﻠﺪﻯ.

ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ، ﺑﯘ ﻗﯧﺘﯩﻤﻠﯩﻖ ﻗﺎﻧﻠﯩﻖ ﯞﻩﻗﻪﺩﯨﻜﻰ ﺧﯩﺘﺎﻱ ﺋﯩﺸﭽﯩﻠﯩﺮﯨﻨﻰ ﺑﯘ ﻗﻪﺩﻩﺭ ﺭﻩﻫﯩﻤﺴﯩﺰ ﻗﯩﻠﯩﯟﻩﺗﻜﻪﻥ ﺳﻪﯞﻩﺏ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﯩﻨﯩﯔ 60 ﻳﯩﻠﺪﯨﻦ ﺑﯘﻳﺎﻥ ﺋﯧﻠﯩﭗ ﺑﺎﺭﻏﺎﻥ ﺳﯩﻨﯩﭙﯩﻲ ﻛﯜﺭﻩﺵ ﺗﻪﺭﺑﯩﻴﯩﺴﻰ، ﺧﯩﺘﺎﻱ ﻣﯩﻠﻠﯩﺘﯩﺪﻩ ﺋﻪﺳﻠﯩﺪﯨﻨﻼ ﺋﺎﺟﯩﺰ ﺑﻮﻟﻐﺎﻥ ﺩﯨﻨﯩﻲ ﺋﯧﺘﯩﻘﺎﺩﻧﯩﯔ ﺳﯘﺳﻠﯘﻗﻰ ﯞﻩ ﺧﯩﺘﺎﻳﺪﺍ ﺑﯘ ﻳﯩﻠﻼﺭﺩﺍ ﺗﯧﺨﯩﻤﯘ ﻛﯜﭼﻪﻳﮕﻪﻥ ﺷﻪﺧﺴﯩﻴﻪﺗﭽﯩﻠﯩﻚ ﻫﻪﻣﺪﻩ ﻧﯚﯞﻩﺗﺘﻪ ﺩﯗﻧﻴﺎ ﻣﯩﻘﻴﺎﺳﯩﺪﺍ ﭘﺎﺭﺗﻠﯩﻐﺎﻥ ﺋﯩﻘﺘﯩﺴﺎﺩﻯ ﺑﯚﻫﺮﺍﻥ ﺷﺎﺭﺍﺋﯩﺘﯩﺪﺍ، ﺧﯩﺘﺎﻳﺪﯨﻜﻰ ﺋﯩﺸﺴﯩﺰﻟﯩﻖ ﻧﯩﺴﺒﯩﺘﯩﻨﯩﯔ ﺋﯧﺸﯩﭗ ﺑﯧﺮﯨﺸﻰ ﻗﺎﺗﺎﺭﻟﯩﻘﻼﺭﺩﯗﺭ ﺩﻩﭖ ﻛﯚﺭﺳﻪﺗﺘﻰ.

ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﻫﺎﺯﯨﺮ ﻳﯜﺭﮔﯜﺯﯛﯞﺍﺗﻘﺎﻥ ﺋﯘﻳﻐﯘﺭ ﺋﯩﺸﭽﯩﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺷﻨﯩﯔ ﺋﻪﻣﻪﻟﯩﻴﻪﺗﺘﻪ، ﺧﯩﺘﺎﻳﻨﯩﯔ ﺗﺎﯓ ﺳﯘﻻﻟﯩﺴﻰ ﺩﻩﯞﺭﯨﺪﯨﻦ ﻗﺎﻟﻐﺎﻥ ﺋﺎﺳﺴﯩﻤﯩﻠﻴﺎﺗﺴﯩﻴﻪ ﺳﯩﻴﺎﺳﯩﺘﯩﻨﯩﯔ ﺩﺍﯞﺍﻣﻰ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻱ ﺩﯦﻤﻮﻛﺮﺍﺗﭽﯩﻠﯩﺮﯨﻨﯩﯔ ﺑﯘ ﻗﯩﻠﻤﯩﺸﻨﻰ ﺋﻪﻳﯩﺒﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﺪﻯ.

ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ ﺳﯚﺯﯨﻨﯩﯔ ﺋﺎﺧﯩﺮﯨﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯘ ﺧﯩﻞ ﺗﻪﯕﺴﯩﺰﻟﯩﻚ ﺳﯩﻴﺎﺳﯩﺘﯩﻨﯩﯔ ﺋﺎﺧﯩﺮﻗﻰ ﻫﯧﺴﺎﺑﺘﺎ ﺧﯩﺘﺎﻳﻨﯩﯔ ﺋﯚﺯﯨﻨﻰ ﻫﺎﻻﻛﻪﺗﻜﻪ ﺋﯧﻠﯩﭗ ﺑﺎﺭﯨﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ، ﺧﯩﺘﺎﻱ ﺯﯨﻴﺎﻟﯩﻴﻠﯩﺮﯨﻨﻰ ﺑﯘ ﺋﯩﺸﻘﺎ ﻧﯩﺴﺒﻪﺗﻪﻥ ﺳﻪﮔﻪﻙ ﭘﻮﺯﯨﺘﺴﯩﻴﯩﺪﻩ ﺑﻮﻟﯘﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺑﯘ ﺧﯩﻞ ﺋﯩﻨﺴﺎﻧﯩﻴﻪﺗﻜﻪ ﺋﺎﭘﻪﺕ ﺋﯧﻠﯩﭗ ﻛﯧﻠﯩﺪﯨﻐﺎﻥ ﻗﯩﻠﻤﯩﺸﺘﯩﻦ ﺗﻮﺳﯘﺷﻘﺎ ﭼﺎﻗﯩﺮﺩﻯ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز