ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﻩ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﺳﻮﺗﺘﺎ ﺋﺎﻗﻼﺵ ﺑﯩﻠﻪﻥ ﺑﯩﺮﻟﯩﻜﺘﻪ ﺋﺎﻣﯧﺮﯨﻜﺎ ﺳﯩﻴﺎﺳﻪﺗﭽﯩﻠﯩﺮﯨﻨﯩﯔ ﮔﯜﻩﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭﻏﺎ ﺋﺎﻣﯧﺮﯨﻜﯩﺪﺍ ﻳﺎﺷﺎﺵ ﭘﯘﺭﺳﯩﺘﻰ ﺑﯧﺮﯨﺶ ﺗﻮﻏﺮﯨﺴﯩﺪﺍ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﮕﻪ ﺑﯧﺴﯩﻢ ﺋﯩﺸﻠﯩﺘﯩﺸﻰ ﺋﯜﭼﯜﻥ ﺟﯩﺪﺩﯨﻲ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺳﯧﻴﺒﯩﻦ ﯞﻩﻟﯩﺖ ﺋﻪﭘﻪﻧﺪﻯ، ﭘﻪﺭﻫﺎﺕ ﻫﯘﺯﻩﻳﻔﻪﻧﻰ ﺋﺎﻣﯧﺮﯨﻜﺎ ﻓﯧﺪﯦﺮﺍﻝ ﺋﻪﺭﺯﯨﻴﻪﺕ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﻗﺎﺭﺍﺭﯨﺪﯨﻦ ﺧﻪﯞﻩﺭﻟﻪﻧﺪﯛﺭﯛﺵ ﺋﯜﭼﯜﻥ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.

ﺳﻮﺋﺎﻝ : ﻫﯚﺭﻣﻪﺗﻠﯩﻚ ﺳﯧﻴﺒﯩﻦ ﯞﻩﻟﯩﺖ ﺋﻪﭘﻪﻧﺪﯨﻢ، ﺳﯚﻫﺒﯩﺘﯩﻤﯩﺰﻧﯩﯔ ﺑﯧﺸﯩﺪﺍ ﺳﯩﺰ، ﭘﯜﺗﯜﻥ ﺋﯘﻳﻐﯘﺭﻻﺭ ﺷﯘﻧﯩﯖﺪﻩﻙ ﭘﯜﺗﯜﻥ ﺩﯗﻧﻴﺎ ﻓﯧﺪﯦﺮﺍﻝ ﺋﻪﺭﺯﯨﻴﻪﺕ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﭘﻪﺭﻫﺎﺕ ﻫﻪﻗﻘﯩﺪﯨﻜﻰ ﻗﺎﺭﺍﺭﯨﺪﯨﻦ ﺧﻪﯞﻩﺭﺩﺍﺭ ﺑﻮﻟﺪﻯ. ﻟﯧﻜﯩﻦ ﭘﻪﺭﻫﺎﺕ ﻫﺎﺯﯨﺮﻏﯩﭽﻪ، ﺋﯚﺯﯨﻨﯩﯔ ﺳﻮﺗﺘﺎ ﻗﻮﻟﻐﺎ ﻛﻪﻟﺘﯜﺭﮔﻪﻥ ﻏﻪﻟﯩﺒﯩﺴﯩﺪﯨﻦ ﺧﻪﯞﻩﺭﺳﯩﺰ ﺗﯘﺭﯗﯞﺍﺗﯩﺪﯗ، ﺩﯦﺪﯨﯖﯩﺰ. ﭘﻪﺭﻫﺎﺗﻨﻰ ﺳﻮﺗﻨﯩﯔ ﻗﺎﺭﺍﺭﯨﺪﯨﻦ ﺧﻪﯞﻩﺭﻟﻪﻧﺪﯛﺭﯛﺵ ﺋﯜﭼﯜﻥ ﻗﺎﻧﺪﺍﻕ ﺗﻪﺷﻪﺑﺒﯘﺳﻼﺭﺩﺍ ﺑﻮﻟﯘﯞﺍﺗﯩﺴﯩﺰ؟ ﺑﯘ ﻫﻪﻗﺘﻪ ﺑﯩﺮ ﺋﺎﺯ ﻣﻪﻟﯘﻣﺎﺕ ﺑﯧﺮﻩﻣﺴﯩﺰ؟

ﺟﺎﯞﺍﺏ : ﺑﯩﺰ ﭘﻪﺭﻫﺎﺗﻨﻰ ﺳﻮﺗﻨﯩﯔ ﻗﺎﺭﺍﺭﯨﺪﯨﻦ ﺧﻪﯞﻩﺭﻟﻪﻧﺪﯛﺭﯛﺵ ﺋﯜﭼﯜﻥ ﻫﺎﺯﯨﺮﻏﯩﭽﻪ ﺋﯩﻜﻜﻰ ﺗﯜﺭﻟﯜﻙ ﺗﻪﺷﻪﺑﺒﯘﺳﺘﺎ ﺑﻮﻟﺪﯗﻕ. ﺑﯩﺮﯨﻨﭽﯩﺴﻰ، ﭘﻪﺭﻫﺎﺗﻘﺎ ﺑﯩﺮ ﺧﻪﺕ ﻳﺎﺯﺩﯗﻕ. ﺋﺎﺩﻩﺗﺘﻪ ﺑﯘ ﺧﻪﺗﻨﯩﯔ ﭘﻪﺭﻫﺎﺗﻨﯩﯔ ﻗﻮﻟﯩﻐﺎ ﻳﯧﺘﯩﭗ ﺑﯧﺮﯨﺸﻰ ﺋﯜﭼﯜﻥ ﺋﯩﻜﻜﻰ، ﺋﯜﭺ ﻫﻪﭘﺘﻪ ﯞﺍﻗﯩﺖ ﻛﯧﺘﯩﺪﯗ. ﺋﯩﻜﻜﯩﻨﭽﯩﺪﯨﻦ، ﺑﯩﺰ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻦ ﭘﻪﺭﻫﺎﺕ ﺑﯩﻠﻪﻥ ﺗﯧﻠﯧﻔﻮﻥ ﺋﺎﺭﻗﯩﻠﯩﻖ ﺳﯚﺯﻟﯩﺸﯩﺸﻤﯩﺰﮔﻪ ﺭﯗﺧﺴﻪﺕ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﺪﯗﻕ. ﻟﯧﻜﯩﻦ ﮔﯜﻩﻧﺘﺎﻧﺎﻣﻮ ﺗﯜﺭﻣﻪ ﺩﺍﺋﯩﺮﯨﻠﯩﺮﻯ ﻫﺎﺯﯨﺮﻏﯩﭽﻪ ﺑﯩﺰﮔﻪ ﭘﻪﺭﻫﺎﺕ ﺑﯩﻠﻪﻥ ﺗﯧﻠﯧﻔﻮﻥ ﺋﺎﺭﻗﯩﻠﯩﻖ ﻛﯚﺭﯛﺷﯜﺵ ﺋﯜﭼﯜﻥ ﺭﯗﺧﺴﻪﺕ ﺑﻪﺭﻣﯩﺪﻯ. ﺋﯜﭼﯜﻧﭽﻰ، ﺗﯜﺭﻣﻪ ﺩﺍﺋﯩﺮﯨﻠﯩﺮﯨﻨﯩﯔ ﭘﻪﺭﻫﺎﺕ ﺑﯩﻠﻪﻥ ﺗﯧﻠﯧﻔﻮﻥ ﺋﺎﺭﻗﯩﻠﯩﻖ ﻛﯚﺭﯛﺷﯩﺸﯩﻤﯩﺰﮔﻪ ﺭﯗﺧﺴﻪﺕ ﺑﯧﺮﯨﺸﻰ ﺗﻮﻏﺮﯨﺴﯩﺪﺍ ﺳﻮﺗﺘﯩﻦ ﻗﺎﺭﺍﺭ ﭼﯩﻘﯩﺮﯨﺶ ﺋﯜﭼﯜﻥ ﺳﻮﺗﻘﺎ ﺋﻪﺭﺯ ﺳﯘﻧﯘﺷﻘﺎ ﺗﻪﻳﻴﺎﺭﻟﯩﻨﯩﯟﺍﺗﯩﻤﯩﺰ. ﻟﯧﻜﯩﻦ ﺳﻮﺗﻨﯩﯔ ﺑﯘﻧﺪﺍﻕ ﻗﺎﺭﺍﺭ ﭼﯩﻘﯩﺮﯨﺪﯨﻐﺎﻥ - ﭼﯩﻘﺎﺭﻣﺎﻳﺪﯨﻐﺎﻧﻠﯩﻘﻰ ﺋﯧﻨﯩﻖ ﺋﻪﻣﻪﺱ.

ﺳﻮﺋﺎﻝ : ﻫﯚﺭﻣﻪﺗﻠﯩﻚ ﺋﻪﭘﻪﻧﺪﯨﻢ، ﻳﯘﻗﯩﺮﯨﺪﺍ ﻓﯧﺪﯦﺮﺍﻝ ﺋﻪﺭﺯﯨﻴﻪﺕ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﭘﻪﺭﻫﺎﺕ ﺗﻮﻏﺮﯨﺴﯩﺪﯨﻜﻰ ﻗﺎﺭﺍﺭﻯ ﮔﯜﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺑﺎﺷﻘﺎ ﺋﯘﻳﻐﯘﺭ ﻣﻪﻫﺒﯘﺳﻼﺭﻧﯩﯔ ﺋﻪﻫﯟﺍﻟﯩﻐﺎ ﻗﺎﻧﺪﺍﻕ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻧﻠﯩﻘﯩﻨﻰ ﺳﻮﺭﯨﻐﺎﻥ ﺋﯩﺪﯨﻢ. ﻟﯧﻜﯩﻦ ﺑﯘ ﺳﯘﺋﺎﻟﯩﻤﻐﺎ ﺋﯧﻨﯩﻖ ﺑﯩﺮ ﺟﺎﯞﺍﺏ ﺋﺎﻻﻟﻤﯩﺪﯨﻢ. ﺑﯘ ﻫﻪﻗﺘﻪ ﺑﯩﺮ ﺋﺎﺯ ﺗﻮﺧﺘﺎﻟﺴﯩﯖﯩﺰ؟

ﺟﺎﯞﺍﺏ : ﺑﯩﺰﻧﯩﯔ ﻗﺎﺭﯨﺸﯩﻤﯩﺰﭼﻪ، ﺳﻮﺗﻨﯩﯔ ﭘﻪﺭﻫﺎﺕ ﻫﻪﻗﻘﯩﺪﯨﻜﻰ ﻗﺎﺭﺍﺭﻯ ﮔﯜﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﭘﯜﺗﯜﻥ ﺋﯘﻳﻐﯘﺭ ﻣﻪﻫﺒﯘﺳﻼﺭ ﺋﯜﭼﯜﻥ ﺑﻮﻟﻤﯩﺴﯩﻤﯘ، ﺗﯜﺭﻣﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﺋﺎﺳﺎﺳﻠﯩﻖ ﻗﯩﺴﯩﻤﯩﻐﺎ ﭘﻪﺭﻫﺎﺗﻨﯩﯖﻜﯩﮕﻪ ﺋﻮﺧﺸﺎﺵ ﺑﯩﺮ ﻧﻪﺗﯩﺠﻪ ﺋﯧﻠﯩﭗ ﻛﯧﻠﯩﺸﻰ ﻛﯧﺮﻩﻙ. ﻟﯧﻜﯩﻦ ﺳﻮﺗﻨﯩﯔ ﺑﯘ ﻣﻪﺳﯩﻠﯩﺪﻩ ﺑﯩﺰ ﺑﯩﻠﻪﻥ ﺑﯩﺮ ﻗﺎﺭﺍﺷﺘﺎ ﺑﻮﻟﻐﺎﻥ - ﺑﻮﻟﻤﯩﻐﺎﻧﻠﯩﻘﻰ ﻣﻪﻟﯘﻡ ﺋﻪﻣﻪﺱ.

ﺳﻮﺋﺎﻝ : ﺋﻪﭘﻪﻧﺪﯨﻢ، ﻧﯚﯞﻩﺗﺘﻪ ﮔﯜﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﻗﺎﻧﭽﻪ ﻧﻪﭘﯩﺮﻯ ﻗﻮﻳﯘﭖ ﺑﯧﺮﯨﻠﯩﺸﻜﻪ ﺗﻪﻳﻴﺎﺭ ﺗﯘﺭﯗﯞﺍﺗﯩﺪﯗ. ﻳﺎﻛﻰ ﺋﯘﻻﺭﻧﯩﯔ ﻗﺎﻧﭽﻪ ﻧﻪﭘﯩﺮﻯ ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﺩﯛﺷﻤﻪﻥ ﺟﻪﯕﭽﯩﺴﻰ ﺋﻪﻣﻪﺱ ﺩﻩﭖ ﺑﯧﻜﯩﺘﯩﻠﮕﻪﻥ؟

ﺟﺎﯞﺍﺏ : ﺑﯘ ﺑﯩﺮ - ﺑﯩﺮﯨﺪﯨﻦ ﭘﻪﺭﻗﻠﯩﻖ ﺋﯩﻜﻜﻰ ﺳﻮﺋﺎﻝ. ﻫﯚﻛﯜﻣﻪﺗﻨﯩﯔ ﻗﺎﺭﯨﺸﯩﭽﻪ ﮔﯜﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﻣﻪﻫﺒﯘﺳﻼﺭﻧﯩﯔ ﻫﻪﻣﻤﯩﺴﻰ ﺩﯛﺷﻤﻪﻥ ﺟﻪﯕﭽﯩﺴﻰ. ﻟﯧﻜﯩﻦ ﻫﯚﻛﯜﻣﻪﺕ ﺑﻪﺯﻯ ﺩﯛﺷﻤﻪﻥ ﺟﻪﯕﭽﯩﻠﯩﺮﯨﻨﻰ ﺷﻪﭘﻘﻪﺕ ﯞﻩ ﺋﯩﻠﺘﯩﭙﺎﺕ ﻳﯜﺯﯨﺴﯩﺪﯨﻦ ﻗﻮﻳﯘﭖ ﺑﯧﺮﯨﺸﻨﻰ ﻗﺎﺭﺍﺭ ﻗﯩﻠﻐﺎﻥ. ﺩﯦﻤﻪﻙ ﻫﯚﻛﯜﻣﻪﺕ، ﮔﻪﺭﭼﻪ ﻣﻪﺟﺒﯘﺭ ﺑﻮﻟﻤﯩﺴﯩﻤﯘ. ﺑﻪﺯﻯ ﺩﯛﺷﻤﻪﻥ ﺟﻪﯕﭽﯩﻠﯩﺮﯨﻨﻰ ﻗﻮﻳﯘﭖ ﺑﯧﺮﯨﺸﻜﻪ ﺭﺍﺯﻯ ﺑﻮﻟﻐﺎﻥ. ﺋﻪﻣﺪﻯ ﭘﻪﺭﻫﺎﺕ ﺋﺎﻣﯧﺮﯨﻜﺎ ﻓﯧﺪﯦﺮﺍﻝ ﺋﻪﺭﺯﯨﻴﻪﺕ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﻫﯚﻛﯜﻣﻰ ﺑﯩﻠﻪﻥ ﺩﯛﺷﻤﻪﻥ ﺟﻪﯕﭽﯩﺴﻰ ﺩﯦﮕﻪﻥ ﻗﯧﻠﯩﭙﺘﯩﻦ ﭼﯩﻘﯩﭗ ﻛﻪﺗﺘﻰ. ﺋﯘﻣﯘ ﺑﯩﺮ ﻧﻪﭼﭽﻪ ﻳﯩﻞ ﺑﯘﺭﯗﻧﻼ ﻗﻮﻳﯘﭖ ﺑﯧﺮﯨﻠﺴﻪ ﺑﻮﻟﯩﺪﯨﻐﺎﻥ ﻣﻪﻫﺒﯘﺳﻼﺭ ﻛﺎﺗﯧﮕﻮﺭﯨﻴﯩﺴﯩﮕﻪ ﻛﯩﺮﮔﯜﺯﯛﻟﮕﻪﻥ ﺋﯩﺪﻯ. ﺩﯦﻤﻪﻙ، ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻦ ﻗﻮﻳﯘﭖ ﺑﯧﺮﯨﻠﺴﻪ ﺑﻮﻟﯩﺪﯗ ﺩﯦﮕﻪﻥ ﺗﯩﺰﯨﻤﻠﯩﻜﻜﻪ ﻛﯩﺮﯨﺸﻨﯩﯔ ﺋﺎﻧﭽﯩﻼ ﺋﻪﻫﻤﯩﻴﯩﺘﻰ ﻳﻮﻕ. ﭼﯜﻧﻜﻰ ﺋﯘﻻﺭﻧﻰ ﻗﻮﺑﯘﻝ ﻗﯩﻠﯩﺪﯨﻐﺎﻥ ﻫﯧﭽﻘﺎﻧﺪﺍﻕ ﺩﯙﻟﻪﺕ ﻳﻮﻕ. ﻣﯧﻨﯩﯔ ﺑﯩﻠﯩﺸﯩﻤﭽﻪ، ﮔﯜﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺋﯘﻳﻐﯘﺭ ﻣﻪﻫﺒﯘﺳﻼﺭﻧﯩﯔ ﭘﻪﻗﻪﺕ ﺑﯩﺮ ﻧﻪﭘﯩﺮﯨﻼ ﻫﺎﺯﯨﺮﻏﯩﭽﻪ ﻗﻮﻳﯘﭖ ﺑﯧﺮﯨﻠﺴﻪ ﺑﻮﻟﯩﺪﯗ، ﺩﯦﮕﻪﻥ ﻛﺎﺗﯧﮕﻮﺭﯨﻴﯩﮕﻪ ﻛﯩﺮﻩﻟﻤﯩﮕﻪﻥ. ﻗﺎﻟﻐﺎﻧﻼﺭﻧﯩﯔ ﻫﻪﻣﻤﯩﺴﻰ ﻣﻪﺯﻛﯘﺭ ﻛﺎﺗﯧﮕﻮﺭﯨﻴﯩﻨﯩﯔ ﺋﯩﭽﯩﺪﻩ. ﺑﯩﺰ ﺗﯧﺨﻰ ﺑﯘ ﺋﯘﻳﻐﯘﺭ ﻣﻪﻫﺒﯘﺳﻨﯩﯔ ﻧﯧﻤﻪ ﺋﯜﭼﯜﻥ ﺑﯘ ﻛﺎﺗﯧﮕﻮﺭﯨﻴﯩﺴﯩﻨﯩﯔ ﺋﯩﭽﯩﮕﻪ ﻛﯩﺮﮔﯜﺯﯛﻟﻤﯩﮕﻪﻧﻠﯩﻜﯩﻨﻰ ﺑﯩﻠﻤﻪﻳﻤﯩﺰ. ﭼﯜﻧﻜﻰ ﻫﯚﻛﯜﻣﻪﺕ ﺑﯘ ﻫﻪﻗﺘﻪ ﺑﯩﺰﮔﻪ ﻫﯧﭽﻘﺎﻧﺪﺍﻕ ﻣﻪﻟﯘﻣﺎﺕ ﺑﻪﺭﻣﯩﺪﻯ. ﺑﯩﺰ ﺳﻮﺗﺘﺎ ﭘﻪﺭﻫﺎﺕ ﻣﻪﺳﯩﻠﯩﺴﯩﺪﻩ ﻧﺎﻫﺎﻳﯩﺘﻰ ﭼﻮﯓ ﺑﯩﺮ ﺋﯘﺗﯘﻗﻘﺎ ﺋﯧﺮﯨﺸﺘﯘﻕ. ﺳﻮﺕ ﺋﯘﻧﯩﯔ ﺩﯛﺷﻤﻪﻥ ﺟﻪﯕﭽﯩﺴﻰ ﺋﻪﻣﻪﺳﻠﯩﻜﯩﻨﻰ ﻗﺎﺭﺍﺭ ﻗﯩﻠﺪﻯ. ﮔﯜﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺋﯘﻳﻐﯘﺭ ﻣﻪﻫﺒﯘﺳﻼﺭﻧﯩﯔ ﻣﻪﺳﯩﻠﯩﺴﻰ ﺋﺎﺳﺎﺳﻪﻥ ﭘﻪﺭﻫﺎﺗﻨﯩﯔ ﻣﻪﺳﯩﻠﯩﺴﯩﮕﻪ ﺋﻮﺧﺸﯩﻐﺎﻧﻠﯩﻘﻰ ﺋﯜﭼﯜﻥ، ﺳﻮﺗﻨﯩﯔ ﺑﯘ ﻗﺎﺭﺍﺭﻯ ﮔﯜﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺑﺎﺷﻘﺎ ﺋﯘﻳﻐﯘﺭ ﻣﻪﻫﺒﯘﺳﻼﺭﻧﯩﻤﯘ ﺋﯚﺯ ﺋﯩﭽﯩﮕﻪ ﺋﯧﻠﯩﺸﻰ ﻛﯧﺮﻩﻙ.

ﺳﻮﺋﺎﻝ: ﺩﯦﻤﻪﻙ، ﺳﯩﺰﭼﻪ ﻓﯧﺪﯦﺮﺍﻝ ﺋﻪﺭﺯﯨﻴﻪﺕ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﭘﻪﺭﻫﺎﺕ ﻫﻪﻗﻘﯩﺪﯨﻜﻰ ﻗﺎﺭﺍﺭﻯ ﮔﯜﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺋﯘﻳﻐﯘﺭ ﻣﻪﻫﺒﯘﺳﻼﺭﻧﯩﯔ ﻫﻪﻣﻤﯩﺴﻰ ﺋﯜﭼﯜﻥ ﺋﯩﺠﺮﺍ ﻗﯩﻠﯩﻨﯩﺪﯗ، ﺷﯘﻧﺪﺍﻗﻤﯘ؟ 

ﺟﺎﯞﺍﺏ: ﺑﯩﺰ ﺳﻮﺗﺘﺎ ﻣﻪﺳﯩﻠﯩﻨﻰ ﻣﯘﺷﯘﻧﺪﺍﻕ ﺋﻮﺗﺘﯘﺭﯨﻐﺎ ﻗﻮﻳﯩﻤﯩﺰ. ﺋﻪﻟﯟﻩﺗﺘﻪ ﻫﯚﻛﯜﻣﻪﺕ ﺗﻪﺭﻩﭖ ﺑﯩﺰﻧﯩﯔ ﺑﯘ ﺗﻪﻟﯩﭙﯩﻤﯩﺰﮔﻪ ﻗﺎﺭﺷﻰ ﭼﯩﻘﯩﺪﯗ. ﺋﻪﻣﻤﺎ ﺳﻮﺗﻨﯩﯔ ﺑﯘ ﻣﻪﺳﯩﻠﯩﺪﻩ ﺑﯩﺰﻧﯩﯔ ﺗﻪﻟﯩﭙﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﺶ - ﻗﯩﻠﻤﺎﺳﻠﯩﻘﻰ ﺗﯧﺨﻰ ﺋﯧﻨﯩﻖ ﺋﻪﻣﻪﺱ.

ﻛﯚﭖ ﺭﻩﻫﻤﻪﺕ، ﺳﯧﻴﺒﯩﻦ ﯞﻩﻟﯩﺖ ﺋﻪﭘﻪﻧﺪﯨﻢ. ﺳﯩﺰﮔﻪ ﺋﯘﺗﯘﻕ ﺗﯩﻠﻪﻳﻤﯩﺰ.