ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘﺵ ﻫﯚﻛﯜﻣﯩﺘﻰ ﻳﻪﻧﻪ، ﮔﯜﻩﻧﺘﺎﻧﺎﻣﻮ ﻣﻪﺳﯩﻠﯩﺴﯩﺪﻩ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺗﯧﺮﺭﻭﺭﭼﯩﻼﺭ ﺩﻩﭖ ﮔﯘﻣﺎﻥ ﻗﯩﻠﻐﺎﻥ ﻫﻪﻣﺪﻩ ﺋﺎﻣﯧﺮﯨﻜﺎ ﺋﺎﯞﺍﻡ ﺧﻪﻟﻖ ﺳﻮﺗﯩﺪﺍ ﺳﻮﺭﺍﻕ ﻗﯩﻠﯩﺸﻨﻰ ﺧﺎﻟﯩﻤﺎﻳﺪﯨﻐﺎﻥ ﺑﯩﺮﻯ ﻗﯩﺴﯩﻢ ﺟﯩﻨﺎﻳﻪﺗﭽﯩﻠﻪﺭﻧﯩﯔ ﻣﻪﺳﯩﻠﯩﺴﯩﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺟﻪﻫﻪﺗﺘﻪ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﯨﻦ ﺗﻪﭘﺴﯩﻠﯩﻲ ﻫﻪﻝ ﻗﯩﻠﯩﺶ ﭼﺎﺭﯨﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺵ ﺗﻪﻟﻪﭖ ﻗﯩﻠﯩﻨﻐﺎﻥ.

ﻣﺎﻗﺎﻟﯩﺪﻩ ﺑﯘ ﺋﯩﺸﺘﯩﻦ ﺧﻪﯞﻩﺭﺩﺍﺭ ﺋﻪﺭﺑﺎﺑﻼﺭﻧﯩﯔ ﺋﯧﻴﺘﻘﺎﻧﻠﯩﺮﯨﺪﯨﻦ ﻧﻪﻗﯩﻞ ﻗﯩﻠﯩﭗ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﭽﻪ، ﻫﺎﺯﯨﺮ ﺑﯘﺵ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯜﯞﺍﺗﻘﺎﻥ ﺑﯩﺮ ﭘﯩﻼﻥ ﺑﻮﻟﺴﺎ، ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻜﻰ ﻣﻪﻫﺒﯘﺳﻼﺭﺩﯨﻦ 80 ﻧﻪﭘﯩﺮﯨﻨﻰ ﻳﻪﻧﯩﻼ ﻣﻪﺯﻛﯘﺭ ﺗﯜﺭﻣﯩﺪﻩ ﺩﺍﯞﺍﻣﻠﯩﻖ ﻗﺎﻟﺪﯗﺭﯗﭖ ﻫﻪﺭﺑﯩﻲ ﺳﻮﺗﺘﺎ ﺳﻮﺗﻠﯩﻨﯩﺸﻘﺎ ﺗﺎﭘﺸﯘﺭﯗﺵ، ﻳﻪﻧﻪ 64 ﻧﻪﭘﯩﺮﯨﻨﻰ ﺋﯚﺯﻟﯩﺮﻯ ﺗﻪﯞﻩ ﺩﯙﻟﻪﺗﻜﻪ ﻗﺎﻳﺘﯘﺭﯗﺵ ﻣﻪﺳﯩﻠﯩﺴﻰ ﺋﯩﻜﻪﻥ.

ﻣﺎﻗﺎﻟﯩﺪﻩ ﺋﺎﺷﻜﺎﺭﯨﻠﯩﻨﯩﺸﯩﭽﻪ،، ﻫﺎﺯﯨﺮ ﮔﯜﻩﻧﺘﺎﻧﺎﻣﻮ ﻫﻪﺭﺑﯩﻲ ﺗﯜﺭﻣﯩﺴﯩﺪﻩ ﻳﻪﻧﻪ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺋﻪﯓ ﺧﻪﺗﻪﺭﻟﯩﻚ ﺩﻩﭖ ﻗﺎﺭﺍﻟﻐﺎﻥ، ﺋﻪﻣﻤﺎ ﺋﯘﻻﺭﻏﺎ ﺟﺎﺯﺍ ﺋﺎﺭﺗﯩﺸﻘﺎ ﻳﯧﺘﻪﺭﻟﯩﻚ ﺋﯩﺴﭙﺎﺕ ﻣﺎﺗﯧﺮﯨﻴﺎﻝ ﻫﺎﺯﯨﺮ ﺑﻮﻟﻤﯩﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﻫﻪﺭﺑﯩﻲ ﺳﻮﺗﻘﺎ ﺗﺎﭘﺸﯘﺭﯗﭖ ﺑﯧﺮﻩﻟﻤﻪﻳﯟﺍﺗﻘﺎﻥ 120 ﻧﻪﭘﻪﺭ ﻣﻪﻫﺒﯘﺱ ﺑﺎﺭ ﺑﻮﻟﯘﭖ، ﻣﺎﻧﺎ ﺑﯘ ، ﻧﯚﯞﻩﺗﺘﻪ ﺋﻪﯓ ﻗﺎﺗﺘﯩﻖ ﺗﺎﻻﺵ - ﺗﺎﺭﺗﯩﺶ ﻗﯩﻠﯩﻨﯩﯟﺍﺗﻘﺎﻥ ﻣﯘﻫﯩﻢ ﺑﯩﺮ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﻯ ﺋﯩﻜﻪﻥ.

ﺋﺎﻣﯧﺮﯨﻜﺎ ﺋﺎﻟﯩﻲ ﺳﻮﺗﻰ ﺋﯚﺗﻜﻪﻥ ﺋﺎﻳﺪﺍ ﺋﯧﻼﻥ ﻗﯩﻠﻐﺎﻥ، ﮔﯜﻩﻧﺘﺎﻧﺎﻣﻮﺩﯨﻜﻰ ﺑﻪﺯﻯ ﻣﻪﻫﺒﯘﺳﻼﺭﻏﺎ ﺋﺎﻣﯧﺮﯨﻜﺎ ﺋﺎﯞﺍﻡ ﺧﻪﻟﻖ ﺳﻮﺗﯩﻐﺎ ﺋﻪﺭﺯ ﺳﯘﻧﯘﺵ ﻫﻮﻗﯘﻗﻰ ﺑﯧﺮﯨﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﻗﺎﺭﺍﺭﻯ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﻰ ﺳﻪﻝ ﺟﯩﺪﺩﯨﻴﻠﻪﺷﺘﯜﺭﯛﭖ ﻗﻮﻳﻐﺎﻥ ﺑﻮﻟﯘﭖ، ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﯚﺗﻜﻪﻥ ﺋﯩﻜﻜﻰ ﻛﯜﻥ ﺩﺍﯞﺍﻣﯩﺪﺍ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻟﯩﺮﻯ ﺑﯩﺮ ﻳﻪﺭﮔﻪ ﺑﺎﺵ ﻗﻮﺷﯘﭖ ﻫﻪﺗﺘﺎ ﺋﯩﭽﻜﻰ ﻛﺎﺑﯩﻨﯧﺖ ﻳﯩﻐﯩﻨﻰ ﺋﯘﻳﯘﺷﺘﯘﺭﯗﭖ، ﺳﻮﺗﻨﯩﯔ ﺑﯘ ﻗﺎﺭﺍﺭﯨﻐﺎ ﻧﯩﺴﺒﻪﺗﻪﻥ ﺑﯩﺮ ﺟﺎﯞﺍﺏ ﻫﺎﺯﯨﺮﻻﺷﻘﺎ ﺗﯘﺗﯘﻧﻐﺎﻥ.

ﭘﺮﯦﺰﯨﺪﯦﻨﺖ ﺑﯘﺵ ﺋﯩﻠﮕﯩﺮﻯ، ﺋﻪﯓ ﺋﺎﺯ ﺩﯦﮕﻪﻧﺪﯨﻤﯘ ﻛﻪﻟﮕﯜﺳﻰ ﺋﯩﻜﻜﻰ ﻳﯩﻞ ﺋﯩﭽﯩﺪﻩ ﮔﯜﻩﻧﺘﺎﻧﺎﻣﻮ ﻫﻪﺭﺑﻰ ﺗﯜﺭﻣﯩﺴﯩﻨﻰ ﺗﺎﻗﯩﺸﻰ ﻣﯘﻣﻜﯩﻨﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻣﺎﻗﺎﻟﯩﺪﻩ ﺑﯘﺷﻨﯩﯔ ﺋﺎ ﺏ ﺱ ﺗﯧﻠﯧﯟﯨﺰﯨﻴﯩﺴﯩﺪﻩ ﺑﻪﺭﮔﻪﻥ ﺯﯨﻴﺎﺭﯨﺘﯩﺪﻩ ﺋﯧﻴﺘﻘﺎﻧﻠﯩﺮﯨﻨﻰ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘﺵ ﯞﻩ ﺋﯘﻧﯩﯔ ﻫﻪﻣﺮﺍﻫﻠﯩﺮﻯ ﻫﺎﺯﯨﺮﭼﻪ ﺗﯧﺨﻰ ﺑﯘﻧﺪﺍﻕ ﺑﯩﺮ ﻗﺎﺭﺍﺭﻧﯩﯔ ﺋﯧﻠﯩﻨﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﻜﻪﻥ.

ﺋﺎﻟﯩﻲ ﺳﻮﺗﻨﯩﯔ ﻗﺎﺭﺍﺭﯨﻐﺎ ﻗﺎﻧﺪﺍﻕ ﻗﺎﺭﺍﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺳﻮﺭﺍﻟﻐﺎﻥ ﺳﻮﺋﺎﻟﻼﺭﻏﺎ ﺋﯩﻨﻜﺎﺱ ﻗﺎﻳﺘﯘﺭﻏﺎﻥ ﭘﺮﯦﺰﯨﺪﯦﻨﺖ ﺑﯘﺵ ﻣﯘﻧﺪﺍﻕ ﺩﯦﮕﻪﻥ: " ﺑﯩﺰ ﻫﺎﺯﯨﺮﭼﻪ ﺑﯘ ﻗﺎﺭﺍﺭﻧﻰ ( ﺋﺎﻟﯩﻲ ﺳﻮﺗﻨﯩﯔ ﻗﺎﺭﺍﺭﯨﻨﻰ) ﺋﺎﻧﺎﻟﯩﺰ ﻗﯩﻠﯩﭗ ﻛﯧﻴﯩﻨﻜﻰ ﻗﻪﺩﻩﻣﻨﻰ ﻗﺎﻧﺪﺍﻕ ﺋﯧﻠﯩﺶ ﺋﯜﺳﺘﯩﺪﻩ ﺋﯩﺰﺩﯨﻨﯩﯟﺍﺗﯩﻤﯩﺰ. ﺋﻪﻣﻤﺎ ﻫﺎﺯﯨﺮﭼﻪ ﮔﯜﻩﻧﺘﺎﻧﺎﻣﻮ ﻫﻪﻗﻘﯩﺪﻩ ﺑﯩﺮﻩﺭ ﻗﺎﺭﺍﺭ ﺋﯧﻠﯩﻨﻤﯩﺪﻯ". ﺋﯘ ﻳﻪﻧﻪ ، ﺋﻪﻣﻤﺎ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ، ﺑﯘ ﺋﯩﺸﻨﻰ ﻗﺎﻧﯘﻥ ﺑﯘﻳﯩﭽﻪ ﺑﯩﺮ ﺗﻪﺭﻩﭖ ﻗﯩﻠﯩﺸﺘﺎ ﻣﻪﺳﺌﯘﻟﯩﻴﯩﺘﻰ ﺑﺎﺭﻟﯩﻘﯩﻨﻰ ﺷﯘﯕﺎ ﻗﺎﻧﯘﻧﻨﯩﯔ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ ﻫﻪﻗﻘﯩﺪﻩ ﺋﺎﻧﺎﻟﯩﺰ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﯞﻩ " ﺑﯩﺰ ﺑﯘ ﺋﯩﺸﻨﻰ ﺋﺎﻣﺎﻟﻨﯩﯔ ﺑﯧﺮﯨﭽﻪ ﺗﯩﺰ ﭘﯜﺗﺘﯜﺭﯛﭖ ﭼﯩﻘﯩﻤﯩﺰ" ﺩﻩﭖ ﻗﻮﺷﯘﻣﭽﻪ ﻗﯩﻠﻐﺎﻥ.

ﻫﺎﺯﯨﺮ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﻩ 2001 - ﻳﯩﻠﻰ 11 - ﺳﯧﻨﺘﻪﺑﯩﺮﺩﯨﻜﻰ ﺗﯧﺮﺭﻭﺭﻟﯘﻕ ﻫﯘﺟﯘﻣﻰ ﺑﯩﻠﻪﻥ ﮔﯘﻣﺎﻥ ﻗﯩﻠﯩﻨﻐﺎﻥ 265 ﺋﻪﺗﺮﺍﭘﯩﺪﺍ ﺗﯘﺗﻘﯘﻥ ﻗﺎﻣﺎﻟﻐﺎﻥ ﺑﻮﻟﯘﭖ، ﻣﺎﻗﺎﻟﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﺷﯩﭽﻪ، ﺑﯘ ﺗﯜﺭﻣﯩﺪﯨﻜﻰ ﺑﻪﺯﻯ ﻣﻪﻫﺒﯘﺳﻼﺭﻧﻰ ﺋﺎﻣﯧﺮﯨﻜﯩﻨﯩﯔ ﺋﺎﻓﻐﺎﻧﯩﺴﺘﺎﻥ ﯞﻩ ﺑﺎﺷﻘﺎ ﺟﺎﻳﻼﺭﺩﯨﻜﻰ ﻗﯩﺴﻘﺎ ﻣﯘﺩﺩﻩﺗﻠﯩﻚ ﻫﻪﺭﺑﯩﻲ ﺗﯘﺗﯘﭖ ﺗﯘﺭﯗﺵ ﺋﻮﺭﯗﻧﻠﯩﺮﯨﻐﺎ ﻳﯚﺗﻜﻪﺵ ﺋﯧﻬﺘﯩﻤﺎﻟﻰ ﺑﺎﺭ ﺋﯩﻜﻪﻥ.

ﻣﺎﻗﺎﻟﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﭽﻪ، ﺋﺎﻣﯧﺮﯨﻜﯩﻨﯩﯔ ﮔﯜﻩﻧﺘﺎﻧﺎﻣﻮ ﻫﻪﺭﺑﯩﻲ ﺗﯜﺭﻣﯩﺴﻰ ﻫﻪﻗﻘﯩﺪﻩ، ﺟﯩﻨﺎﻳﻪﺗﭽﯩﻠﻪﺭﻧﻰ ﻗﯩﻴﻨﺎﭖ ﺋﯩﻘﺮﺍﺭ ﻗﯩﻠﺪﯗﺭﯗﺷﻘﺎ ﺋﻮﺧﺸﺎﺵ ﺑﻪﺯﻯ ﺳﻪﺗﭽﯩﻠﯩﻜﻠﻪﺭ ﻣﻪﻳﺪﺍﻧﻐﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ ، 2006 - ﻳﯩﻠﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻯ ﺭﻭﺑﯧﺮﺕ ﮔﯧﻴﺘﺴﻤﯘ ﺑﯘ ﺗﯜﺭﻣﯩﻨﻰ ﺗﺎﻗﺎﺵ ﺗﻪﺭﻩﭘﺪﺍﺭﯨﻐﺎ ﺋﯚﺗﻜﻪﻥ ﻫﻪﻣﺪﻩ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﯨﻦ ﺑﯘ ﻫﻪﻗﺘﻪ ﺑﯩﺮ ﺗﻪﺩﺑﯩﺮ ﻗﻮﻟﻠﯩﻨﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺩﯙﻟﻪﺕ ﻣﻪﺟﻠﯩﺴﻰ ﻣﻪﺯﻛﯘﺭ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﺑﯩﺮﻩﺭ ﻫﻪﻝ ﻗﯩﻠﯩﺶ ﭼﺎﺭﯨﺴﻰ ﺑﯧﻜﯩﺘﻤﯩﮕﻪﻥ.

ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ، ﺋﻪﻣﻤﺎ ﺋﯚﺯ ﻧﺎﻣﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻯ، ﺭﻭﺑﯧﺮﺕ ﮔﯧﻴﺘﺴﻨﯩﯔ ﺑﯘ ﺗﯜﺭﻣﯩﻨﻰ ﺗﺎﻗﺎﺷﺘﯩﻜﻰ ﭘﯩﻜﺮﻯ ﺋﯩﻨﺘﺎﻳﯩﻦ ﺋﻮﭼﯘﻕ ﺑﻮﻟﺴﯩﻤﯘ ، ﻟﯧﻜﯩﻦ ﻫﺎﺯﯨﺮ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺩﯗﭺ ﻛﯧﻠﯩﯟﺍﺗﻘﯩﻨﻰ، ﺋﺎﺷﯘ ﺗﯧﺮﺭﻭﺭﭼﯩﻼﺭﻧﯩﯔ ﻳﻪﻧﻪ ﺑﯩﮕﯘﻧﺎﻫ ﺋﺎﺩﻩﻣﻠﻪﺭﮔﻪ ﻫﯘﺟﯘﻡ ﻗﯩﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﺋﯘﻻﺭﻧﻰ ﺗﯘﺗﯘﭖ ﺗﯘﺭﯗﺵ ﺋﯩﺸﻠﯩﺮﯨﻨﻰ ﻗﺎﻧﯘﻧﻰ ﺋﺎﺳﺎﺱ ﺑﯩﻠﻪﻥ ﺗﻪﻣﯩﻦ ﺋﯧﺘﯩﺶ ﻣﻪﺳﯩﻠﯩﺴﻰ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﺋﺎﻣﯧﺮﯨﻜﯩﻨﯩﯔ ﮔﯜﻩﻧﺘﺎﻧﺎﻣﻮﺩﯨﻜﻰ ﻫﻪﺭﺑﯩﻲ ﺗﯜﺭﻣﯩﺴﯩﺪﻩ ﻳﯧﺘﯩﯟﺍﺗﻘﺎﻧﻼﺭ ﺋﯩﭽﯩﺪﻩ 17 ﻧﻪﭘﻪﺭ ﺋﯘﻳﻐﯘﺭ ﻣﻪﻫﺒﯘﺱ ﺑﺎﺭ ﺑﻮﻟﯘﭖ، ﺋﯚﺗﻜﻪﻥ ﺋﺎﻳﺪﺍ ﻣﻪﺯﻛﯘﺭ ﻣﻪﻫﺒﯘﺳﻼﺭﻧﯩﯔ ﺑﯩﺮﻯ ﭘﻪﺭﻫﺎﺕ ﻫﻮﺯﻩﻳﻔﻪﻧﯩﯔ ﺋﻪﺭﺯﻯ، ﺋﺎﻣﯧﺮﯨﻜﺎ ﻓﯧﺪﯦﺮﺍﺗﺴﯩﻴﻪ ﺋﻪﺭﺯﯨﻴﻪﺕ ﺳﻮﺗﯩﺪﺍ ﻗﺎﺭﺍﭖ ﭼﯩﻘﯩﻠﻐﺎﻥ ﻫﻪﻣﺪﻩ ﺋﯘﻧﯩﯔ ﮔﯘﻧﺎﻫﺴﯩﺰ ﻫﺎﻟﺪﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻧﻠﯩﻘﻰ ﺋﯩﺴﭙﺎﺗﻼﻧﻐﺎﻧﺪﯨﻦ ﻛﯧﻴﯩﻦ، ﺋﺎﻣﯧﺮﯨﻜﺎ ﻓﯧﺪﯦﺮﺍﺗﺴﯩﻴﻪ ﺋﻪﺭﺯﯨﻴﻪﺕ ﺳﻮﺗﻰ ﺋﯘﻧﻰ ﻗﻮﻳﯘﭖ ﺑﯧﺮﯨﺸﻨﻰ ﺑﯧﻜﯩﺘﻜﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘﺵ ﻫﯚﻛﯜﻣﯩﺘﻰ ﯞﻩ ﻫﻪﺭﺑﯩﻲ ﺩﺍﺋﯩﺮﯨﻠﻪﺭ ﺑﯘ ﻗﺎﺭﺍﺭﻏﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻧﻠﯩﻜﻰ ، ﺟﯜﻣﻠﯩﺪﯨﻦ ﭘﻪﺭﻫﺎﺕ ﻫﯘﺯﻩﻳﻔﻪﻧﻰ ﺗﺎﭘﺸﯘﺭﯗﭖ ﺋﺎﻟﯩﺪﯨﻐﺎﻥ ﺑﯩﺮﻩﺭ ﺩﯙﻟﻪﺕ ﭼﯩﻘﻤﯩﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﭘﻪﺭﻫﺎﺕ ﻳﻪﻧﯩﻼ ﺑﯘ ﺗﯜﺭﻣﯩﺪﻩ ﺗﯘﺗﯘﭖ ﺗﯘﺭﯗﻟﻤﺎﻗﺘﺎ.