ﺧﻮﺗﻪﻥ ﯞﯨﻼﻳﯩﺘﻰ ﭼﯧﺮﺍ ﻧﺎﻫﯩﻴﻪﺳﯩﺪﯨﻦ ﺟﻪﻣﺌﻰ 115 ﻧﻪﭘﻪﺭ ﺋﯘﻳﻐﯘﺭ ﻗﯩﺰﻯ، "ﭼﯩﯖﺪﺍﯞ ﺗﻪﻳﮕﯘﺍﯓ ﺋﺎﻳﺎﻗﭽﯩﻠﯩﻖ ﺷﯩﺮﻛﯩﺘﻰ" ﮔﻪ ﺑﯩﺮ ﻳﯩﻠﻠﯩﻖ ﺗﻮﺧﺘﺎﻡ ﺑﯩﻠﻪﻥ ﺋﯧﻠﯩﭗ ﻣﯧﯖﯩﻠﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺧﻪﯞﻩﺭ ﺷﯩﻨﺨﯘﺍ ﺋﺎﺧﺒﺎﺭﺍﺕ ﺧﻪﯞﻩﺭ ﺗﻮﺭﯨﺪﺍ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﺑﯘ ﻣﻪﺳﯩﻠﻪ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﻛﯜﭼﻠﯜﻙ ﻧﺎﺭﺍﺯﯨﻠﯩﻘﻼﺭﻧﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﺩﻯ.

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﯘ ﻳﯩﻞ ﭘﻪﻗﻪﺕ ﭘﻪﻳﺰﯨﯟﺍﺕ ﻧﺎﻫﯩﻴﯩﺴﯩﺪﯨﻨﻼ 4300 ﺋﯘﻳﻐﯘﺭ ﻳﺎﺷﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﭖ ﺑﻮﻟﻐﺎﻧﻠﯩﻘﻰ ﺋﯧﻨﯩﻘﻼﻧﻐﺎﻥ ﺑﻮﻟﯘﭖ، ﺧﯩﺘﺎﻳﻨﯩﯔ ﺋﻮﺭﮔﺎﻥ ﻣﻪﺗﺒﯘﺋﺎﺗﻰ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ، ﺋﯜﭺ ﻳﯩﻞ ﺋﯩﭽﯩﺪﻩ ﭘﻪﻳﺰﯨﯟﺍﺗﺘﯩﻦ ﺧﯩﺘﺎﻱ ﺋﯚﻟﻜﯩﺴﯩﮕﻪ 19 ﻣﯩﯔ ﺋﯩﺸﻠﻪﻣﭽﯩﻨﯩﯔ ﻳﯚﺗﻜﻪﻟﮕﻪﻧﻠﯩﻜﯩﻨﻰ ﺋﺎﺷﻜﺎﺭﯨﻠﯩﻐﺎﻥ ﺋﯩﺪﻯ.

ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﻳﻪﻧﻪ، 2009 ‏- ﻳﯩﻠﯩﻨﯩﯔ ﺩﻩﺳﻠﻪﭘﻜﻰ ﻣﻪﺯﮔﯩﻠﯩﺪﻩ، ﻗﻪﺷﻘﻪﺭ ﯞﯨﻼﻳﯩﺘﻰ ﺗﻪﯞﻩﺳﯩﺪﯨﻨﻼ 200 ﻣﯩﯔ 400 ﺋﺎﺩﻩﻣﻨﯩﯔ ﺳﯩﺮﺗﻘﺎ ﺋﯩﺸﻠﻪﺷﻜﻪ ﻳﯚﺗﻜﻪﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.  ﺩﯦﻤﻪﻙ ﺋﯘﻳﻐﯘﺭ ﺋﯩﻠﯩﺪﯨﻦ ﺗﻮﺧﺘﯩﻤﺎﺳﺘﯩﻦ ﺗﯜﺭﻛﯜﻡ - ﺗﯜﺭﻛﯜﻣﻠﻪﭖ ﻳﯚﺗﻜﯩﻠﯩﯟﺍﺗﻘﺎﻥ ﺋﯘﻳﻐﯘﺭ ﺋﻪﻣﮕﻪﻙ ﻛﯜﭼﻠﯩﺮﻯ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﺎﻟﻠﯩﻖ ﺳﻪﯞﯨﻴﯩﮕﻪ ﻳﻪﺗﻜﯜﺯﯛﺵ ﺩﯦﮕﻪﻥ ﺳﯩﻴﺎﺳﯩﺘﻰ ﺑﻮﻳﯩﭽﻪ ﺋﻪﻣﻪﻟﯩﻴﻠﻪﺷﺘﯩﻤﯘ؟  

ﺭﺍﺩﯨﺌﻮﻣﯩﺰ ﺑﯩﺮ ﻗﺎﻧﭽﻪ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﺩﯨﻦ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺯﺍﯞﯗﺗﻼﺭﻏﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺋﯘﻳﻐﯘﺭ ﺋﻪﻣﮕﻪﻙ ﻛﯜﭼﻠﯩﺮﻯ، ﺑﻮﻟﯘﭘﻤﯘ ﻳﺎﺵ ﺋﯘﻳﻐﯘﺭ ﭼﻮﻛﺎﻥ ‏- ﻗﯩﺰﻟﯩﺮﯨﻨﻰ ﺋﺎﺳﺎﺱ ﻗﯩﻠﻐﺎﻥ ﺋﯩﺸﭽﯩﻼﺭ، ﻫﻪﺭ ﺧﯩﻞ ﻛﻪﻣﺴﯩﺘﯩﺶ، ﺧﻮﺭﻻﺵ ﯞﻩ ﻫﻪﺗﺘﺎ ﺗﯘﻳﯘﻕ ﻳﻮﻟﻼﺭﻏﺎ ﻣﻪﺟﺒﯘﺭﻟﯩﻨﯩﺸﺘﻪﻙ ﺋﺎﻗﯩﯟﻩﺗﻠﻪﺭﮔﻪ ﺩﯗﭺ ﻛﻪﻟﮕﻪﻥ.

ﺧﯩﺘﺎﻱ ﺯﺍﯞﯗﺕ ﺑﺎﺷﻠﯩﻘﻠﯩﺮﯨﻨﯩﯔ ﺑﯧﺴﯩﻤﻠﯩﺮﯨﻐﺎ ﺑﻪﺭﺩﺍﺷﻠﯩﻖ ﺑﯧﺮﻩﻟﻤﯩﮕﻪﻥ ﻗﯩﺰ ﺋﯩﺸﭽﯩﻼﺭﻧﯩﯔ ﺑﯩﺮ ﻗﯩﺴﯩﻤﻠﯩﺮﯨﻨﯩﯔ، ﺗﯩﺠﺎﺭﻩﺗﭽﻰ ﺋﯘﻳﻐﯘﺭﻻﺭ ﺑﯩﻠﻪﻥ ﺋﺎﻻﻗﻪ ﺑﺎﻏﻼﺵ ﺋﺎﺭﻗﯩﻠﯩﻖ ﺋﯘﻳﻐﯘﺭ ﺋﯧﻠﯩﻐﺎ ﻗﯧﭽﯩﭗ ﻛﻪﻟﮕﻪﻧﻠﯩﻜﻰ، ﺋﻪﻣﻤﺎ ﻳﻪﺭﻟﯩﻚ ﻳﯧﺰﺍ ﺑﺎﺷﻠﯩﻘﻠﯩﺮﯨﻨﯩﯔ ﺗﻮﺧﺘﺎﻡ ﺗﻮﺷﻤﺎﻱ ﺗﯘﺭﯗﭖ ﻗﺎﻳﺘﯩﭗ ﻛﻪﻟﮕﻪﻥ ﺋﯩﺸﭽﯩﻼﺭﻧﻰ ﺟﺎﺯﺍﻻﺵ ﭼﺎﺭﯨﻠﯩﺮﯨﺪﯨﻦ ﻗﻮﺭﻗﯘﭖ، ﺋﯜﺭﯛﻣﭽﻰ، ﻗﺎﺭﺍﻣﺎﻱ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﺩﻩ ﻳﻮﺷﯘﺭﯗﻧﯘﭖ ﻳﺎﺷﺎﺷﻘﺎ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﻰ، ﻫﻪﺗﺘﺎ ﺑﯩﺮ ﻗﯩﺰﻧﯩﯔ ﺋﯚﺯﯨﻨﻰ ﺋﯚﻟﺘﯜﺭﯞﺍﻟﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺋﯘﭼﯘﺭﻻﺭ ﺭﺍﺩﯨﺌﻮﻣﯩﺰ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﺋﯩﺪﻯ.

ﺳﯩﻴﺎﺳﯩﻲ ﻛﯚﺯﻩﺗﻜﯜﭼﯩﻠﻪﺭ، ﺑﯘ ﻳﯩﻞ 26‏ - ﺋﯩﻴﯘﻥ ﻳﯜﺯ ﺑﻪﺭﮔﻪﻥ ﺷﺎﯞﮔﯜﻩﻥ ﯞﻩﻗﻪﺳﻰ ﺷﯘﻧﯩﯖﺪﻩﻙ 5 ‏- ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﯩﻨﯩﯔ ﻣﻪﻳﺪﺍﻧﻐﺎ ﻛﯧﻠﯩﺸﻰ ﺧﯩﺘﺎﻳﻨﯩﯔ ﻣﻪﺟﺒﯘﺭﯨﻲ ﻳﻮﺳﯘﻧﺪﺍ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ " ﺋﯘﻳﻐﯘﺭ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺧﯩﺘﺎﻳﻐﺎ ﻳﯚﺗﻜﻪﺵ" ﺗﯩﻦ ﺋﯩﺒﺎﺭﻩﺕ ﺗﻮﻏﺮﺍ ﺑﻮﻟﻤﯩﻐﺎﻥ ﺳﯩﻴﺎﺳﯩﺘﯩﻨﯩﯔ ﻣﻪﻫﺴﯘﻟﻰ ﺩﻩﭖ ﻗﺎﺭﯨﻤﺎﻗﺘﺎ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﻯ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﻛﯚﭖ ﻗﯧﺘﯩﻢ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺧﯩﺘﺎﻳﻐﺎ ﻳﯚﺗﻜﻪﺵ ﺳﯩﻴﺎﺳﯩﺘﯩﻨﯩﯔ ﭘﻪﺭﻩﺯ ﻗﯩﻠﯩﺶ ﻗﯧﻴﯩﻦ ﺑﻮﻟﻐﺎﻥ ﺋﺎﻗﯩﯟﻩﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﺯﻛﯜﺭ ﺳﯩﻴﺎﺳﯩﺘﯩﻨﻰ " ﺋﻮﭼﯘﻕ ‏- ﺋﺎﺷﻜﺎﺭﺍ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﻳﻮﻕ ﻗﯩﻠﯩﺶ ﺳﯩﻴﺎﺳﯩﺘﻰ" ﺩﻩﭖ ﺋﻪﻳﯩﺒﻠﯩﮕﻪﻥ. ﺩﯨﻠﺸﺎﺕ ﺭﯦﺸﯩﺖ " ﺋﯜﺭﯛﻣﭽﻰ ﯞﻩﻗﻪﺳﻰ" ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﻪﻧﻪ ﺑﯘ ﺧﯩﻞ ﺳﯩﻴﺎﺳﯩﺘﯩﻨﻰ ﺗﻮﺧﺘﺎﺗﻤﺎﺳﻠﯩﻘﯩﻨﯩﯔ ﺳﻪﯞﻩﺑﻠﯩﺮﻯ ﺗﻮﻏﺮﯨﺴﯩﺪﺍ ﺗﻮﺧﺘﺎﻟﺪﻯ.

ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭ ﺋﺎﺩﯞﻭﻛﺎﺕ ﻧﯘﺭﻯ ﺗﯜﺭﻛﻪﻝ ﺋﻪﭘﻪﻧﺪﻯ، ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﻗﺎﻧﻠﯩﻖ ﻗﯩﺮﻏﯩﻨﭽﯩﻠﯩﻖ ﺋﯧﻠﯩﭗ ﺑﯧﺮﯨﺸﯩﻐﺎ ﻳﻮﻝ ﺋﺎﭼﻘﺎﻥ، ﺋﯘﻳﻐﯘﺭ ﯞﻩ ﺧﯩﺘﺎﻱ ﻣﯩﻠﻠﯩﺘﻰ ﺋﻮﺗﺘﯘﺭﯨﺴﯩﺪﯨﻜﻰ ﺋﯚﭼﻤﻪﻧﻠﯩﻜﻨﯩﯔ ﻫﻪﺩﺩﯨﺪﯨﻦ ﺗﺎﺷﻘﯩﺮﻯ ﺩﻩﺭﯨﺠﯩﺪﻩ ﻛﯜﭼﯩﻴﯩﭗ ﻛﯧﺘﯩﺸﯩﮕﻪ ﺳﻪﯞﻩﺏ ﺑﻮﻟﻐﺎﻥ، ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﻳﯜﺗﻜﻪﺵ ﺳﯩﻴﺎﺳﯩﺘﯩﻨﯩﯔ ﺋﯩﺰﭼﯩﻞ ﺩﺍﯞﺍﻣﻼﺷﺘﯘﺭﯗﻟﯘﺷﻰ ﺋﯩﻜﻜﻰ ﻣﯩﻠﻠﻪﺕ ﺋﺎﺭﯨﺴﯩﺪﺍ ﻳﻪﻧﻪ ﭘﻪﺭﻩﺯ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺋﯧﻐﯩﺮ ﺋﺎﻗﯩﯟﻩﺗﻠﻪﺭﻧﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﯨﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺑﯩﺰ ﺧﯩﺘﺎﻳﻨﯩﯔ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﻐﺎ، ﺑﻮﻟﯘﭘﻤﯘ 5 ‏- ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺗﯘﻧﺠﻰ ﻗﯧﺘﯩﻢ ﺋﺎﺩﻩﻡ ﻳﯚﺗﻜﻪﺵ ﺋﯩﺠﺮﺍ ﻗﯩﻠﯩﻨﻐﺎﻥ ﺧﻮﺗﻪﻥ ﯞﯨﻼﻳﻪﺗﻠﯩﻚ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻐﺎ  ﺗﯧﻠﯧﻔﯘﻥ ﺋﯘﺭﯗﭖ ﺋﯘﻻﺭﻧﯩﯔ ﻗﺎﺭﺍﺷﻠﯩﺮﯨﻨﻰ ﺋﯩﮕﯩﻠﻪﺵ ﺋﯜﭼﯜﻥ ﻛﯚﭖ ﺗﯩﺮﯨﺸﺘﯘﻕ، ﺑﯩﺮﺍﻕ ﺋﯜﺭﯛﻣﭽﻰ ﯞﻩﻗﻪﺳﯩﺪﯨﻦ ﻛﯧﻴﯩﻦ ﻳﯜﺯ ﺑﯧﺮﯨﯟﺍﺗﻘﺎﻥ ﺗﯧﻠﯧﻔﯘﻥ ﻟﯩﻨﯩﻴﻪﻟﯩﺮﯨﻨﯩﯔ ﺗﻮﺳﻘﯘﻧﻠﯘﻗﻘﺎ ﺋﯘﭼﺮﯨﺸﻰ ﺗﯜﭘﻪﻳﻠﻰ ﺧﯩﺘﺎﻳﻨﯩﯔ ﺑﯘ ﻫﻪﻗﺘﯩﻜﻰ ﻗﺎﺭﺍﺷﻠﯩﺮﻯ ﺗﻮﻏﺮﯨﺴﯩﺪﺍ ﻫﯧﭽﻘﺎﻧﺪﺍﻕ ﺋﯘﭼﯘﺭﻏﺎ ﺋﯧﺮﯨﺸﻪﻟﻤﯩﺪﯗﻕ.