ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﮕﻪ ﭼﯧﮕﺮﯨﺪﺍﺵ ﺑﻮﻟﻐﺎﻥ "ﺋﺎﻟﺘﯘﻥ ﻫﯩﻼﻝ ﺋﺎﻱ" ﺯﻩﻫﻪﺭ ﭼﯧﻜﯩﻤﻠﯩﻚ ﻣﻪﻧﺒﻪﺳﻰ ﺋﯘﻳﻐﯘﺭ ﺋﯧﻠﯩﮕﻪ ﻗﺎﺭﺍ ﻛﯚﻟﻪﯕﮕﻪ ﺗﺎﺷﻠﯩﻤﺎﻗﺘﺎ. ﻳﻪﻧﻰ ﺋﯘﻳﻐﯘﺭ ﺋﯧﻠﻰ ﻧﯚﯞﻩﺗﺘﻪ ﺩﯗﻧﻴﺎﺩﯨﻜﻰ ﺋﯩﻜﻜﻰ ﭼﻮﯓ ﺯﻩﻫﻪﺭ ﻣﻪﻧﺒﻪﺳﯩﻨﯩﯔ ﻗﻮﺵ ﺯﻩﺭﺑﯩﺴﯩﮕﻪ ﺩﯗﭼﺎﺭ ﺑﻮﻟﻤﺎﻗﺘﺎ.

ﺧﻮﺷﻨﯩﺪﯨﻦ ﻛﯩﺮﮔﻪﻥ ﺯﻩﻫﻪﺭ

ﺋﯚﺗﻜﻪﻥ ﺋﻪﺳﯩﺮﻧﯩﯔ 90 ‏ - ﻳﯩﻠﻠﯩﺮﯨﺪﯨﻦ ﺑﺎﺷﻼﭖ ﺋﯘﻳﻐﯘﺭ ﺋﯧﻠﯩﮕﻪ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻨﯩﯔ ﻳﺎﻣﺮﯨﺸﻰ ﯞﻩ ﺑﯘﻧﯩﯖﻐﺎ ﺋﻪﮔﯩﺸﯩﭗ ﺋﻪﻳﺪﯨﺰ ﻗﺎﺗﺎﺭﻟﯩﻖ ﯞﺍﺑﺎﻻﺭﻧﯩﯔ ﺗﺎﺭﻗﯩﻠﯩﺸﻰ ﺋﯩﻨﺘﺎﻳﯩﻦ ﺗﯧﺰ ﺑﻮﻟﺪﻯ. ﺋﯘﻳﻐﯘﺭ ﺋﯧﻠﯩﻨﯩﯔ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﯞﻩﺯﯨﻴﯩﺘﯩﻨﻰ ﻫﯧﻠﯩﻬﻪﻡ ﺟﯩﺪﺩﯨﻲ ﻫﻪﺗﺘﺎ ﺋﯩﻠﮕﯩﺮﯨﻜﯩﺪﯨﻨﻤﯘ ﺟﯩﺪﺩﯨﻴﻠﻪﺷﻤﻪﻛﺘﻪ ﺩﻩﭖ ﺋﯧﻴﺘﯩﺸﻘﺎ ﺑﻮﻟﯩﺪﯗ.

ﭼﯜﻧﻜﻰ ﺩﯗﻧﻴﺎﺩﺍ ﺋﯜﭺ ﭼﻮﯓ ﺯﻩﻫﻪﺭ ﻣﻪﻧﺒﻪﺳﻰ ﺑﻮﻟﯘﭖ، ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﻰ ﺩﯗﻧﻴﺎﺩﯨﻜﻰ ﺯﻩﻫﻪﺭ ﻣﻪﻧﺒﻪﻟﯩﺮﯨﻨﯩﯔ ﺋﯩﻜﻜﯩﺴﻰ ﻳﻪﻧﻰ ﺋﺎﻟﺘﯘﻥ ﺋﯜﭺ ﺑﯘﺭﺟﻪﻙ ﯞﻩ ﺋﺎﻟﺘﯘﻥ ﻫﯩﻼﻝ ﺋﺎﻱ ﺯﻩﻫﻪﺭ ﺋﯘﯞﯨﻠﯩﺮﯨﺪﯨﻦ ﺯﻭﺭ ﻣﯩﻘﺪﺍﺭﺩﺍ ﻳﯚﺗﻜﯩﻠﯩﯟﺍﺗﻘﺎﻥ ﺯﻩﻫﻪﺭﻟﯩﺮﯨﮕﻪ ﺗﻮﻟﻤﺎﻗﺘﺎ.

19 ‏ - ﻳﺎﻧﯟﺍﺭ ﺩﯛﺷﻪﻧﺒﻪ ﻛﯜﻧﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﯩﻨﯩﯔ 2008 - ﻳﯩﻠﻠﯩﻖ ﺯﻩﻫﻪﺭ ﭼﻪﻛﻠﻪﺵ ﺩﯦﻠﻮﻟﯩﺮﻯ ﻫﻪﻗﻘﯩﺪﯨﻜﻰ ﺩﻭﻛﻼﺗﯩﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺋﯚﺗﻜﻪﻥ ﺑﯩﺮ ﻳﯩﻠﺪﺍ ﺋﯘﻳﻐﯘﺭ ﺋﯧﻠﻰ ﺗﻪﯞﻩﺳﯩﺪﻩ ﺋﺎﻟﺘﯘﻥ ﻫﯩﻼﻝ ﺋﺎﻱ ﺭﺍﻳﻮﻧﯩﺪﯨﻦ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﻳﯚﺗﻜﻪﺵ ﺩﯦﻠﻮﺳﯩﺪﯨﻦ 25 ﻯ ﭘﺎﺵ ﺑﻮﻟﻐﺎﻥ ﺑﻮﻟﯘﭖ، ﺑﯘ ﺟﻪﺭﻳﺎﻧﺪﺍ ﻗﻮﻟﻐﺎ ﭼﯜﺷﻜﻪﻥ ﺧﺮﻭﺋﯩﻦ 95 ﻛﯩﻠﻮﮔﺮﺍﻡ 740 ﮔﯩﺮﺍﻡ ﻛﯧﻠﯩﺪﯨﻜﻪﻥ.  ﺋﯘﻳﻐﯘﺭ ﺋﯧﻠﯩﺪﻩ ﺋﯚﺗﻜﻪﻥ ﺑﯩﺮ ﻳﯩﻞ ﺋﯩﭽﯩﺪﻩ ﭘﺎﺵ ﺑﻮﻟﻐﺎﻥ 230 ﻗﯧﺘﯩﻤﻠﯩﻖ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻜﻪ ﺋﺎﺋﯩﺖ ﺩﯦﻠﻮﻻﺭﻧﯩﯔ %66.3 ﻧﻰ، ﺋﺎﻟﺘﯘﻥ ﻫﯩﻼﻝ ﺋﺎﻱ ﺯﻩﻫﻪﺭ ﺩﯦﻠﻮﺳﻰ ﺋﯩﮕﯩﻠﻪﻳﺪﯨﻜﻪﻥ.

2008 - ﻳﯩﻠﯩﺪﺍ، 2007 ‏ - ﻳﯩﻠﯩﻐﺎ ﻗﺎﺭﯨﻐﺎﻧﺪﺍ ﺯﻩﻫﻪﺭ ﺋﻪﺗﻜﻪﺳﺘﯩﭽﯩﻠﯩﻜﯩﮕﻪ ﺩﺍﺋﯩﺮ ﺩﯦﻠﻮﻻﺭ ﻳﻪﻧﻪ %12.75 ﺋﺎﺭﺗﻘﺎﻥ. ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻜﻪ ﺩﺍﺋﯩﺮ ﺟﯩﻨﺎﻳﻪﺕ ﮔﯘﻣﺎﻧﺪﺍﺭﻟﯩﺮﯨﺪﯨﻦ 327 ﺳﻰ ﻗﻮﻟﻐﺎ ﺋﯧﻠﯩﻨﻐﺎﻥ. ﺑﯘﻣﯘ ﺋﯚﺗﻜﻪﻥ ﻳﯩﻠﺪﯨﻜﯩﮕﻪ ﻗﺎﺭﯨﻐﺎﻧﺪﺍ %18 ﻛﯚﭘﻪﻳﮕﻪﻧﻠﯩﻜﯩﻨﻰ ﻛﯚﺭﺳﯩﺘﯩﺪﯨﻜﻪﻥ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﯩﻨﯩﯔ ﺯﻩﻫﻪﺭ ﭼﻪﻛﻠﻪﺵ ﺋﻪﺗﺮﯨﺘﯩﻨﯩﯔ ﺑﺎﺷﻠﯩﻘﻰ ﺟﺎﯓ ﺋﺎﺟﯘﻥ ﻣﻪﺗﺒﯘﺋﺎﺗﻼﺭﻏﺎ "ﺋﯘﻳﻐﯘﺭ ﺋﯧﻠﯩﻨﯩﯔ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﯞﻩﺯﯨﻴﯩﺘﻰ ﺋﯩﻨﺘﺎﻳﯩﻦ ﺟﯩﺪﺩﯨﻲ ﻫﻪﻡ ﻣﯘﺭﻩﻛﻜﻪﭖ ﯞﻩﺯﯨﻴﻪﺗﺘﻪ ﺗﯘﺭﻣﺎﻗﺘﺎ "ﺩﻩﭖ ﺑﯩﻠﺪﯛﺭﮔﻪﻥ.

ﺋﯘﻧﯩﯔ ﺳﯚﺯﯨﮕﻪ ﻗﺎﺭﯨﻐﺎﻧﺪﺍ، ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﺪﻩ ﺯﻩﻫﻪﺭ ﭼﻪﻛﻠﻪﺵ ﺋﯘﺭﯗﺷﯩﺪﺍ ﺩﯗﭺ ﻛﯧﻠﯩﯟﺍﺗﻘﺎﻥ ﺋﻪﯓ ﭼﻮﯓ ﺗﻪﻫﺪﯨﺖ، ﺋﺎﻓﻐﺎﻧﯩﺴﺘﺎﻥ، ﭘﺎﻛﯩﺴﺘﺎﻥ، ﺋﯩﺮﺍﻧﻨﻰ ﻣﻪﺭﻛﻪﺯ ﻗﯩﻠﻐﺎﻥ ﺋﺎﻟﺘﯘﻥ ﻫﯩﻼﻝ ﺋﺎﻱ ﺯﻩﻫﻪﺭ ﺭﺍﻳﻮﻧﻰ ﺑﻮﻟﯘﭖ، ﺋﯘﻳﻐﯘﺭ ﺋﯧﻠﯩﮕﻪ ﭼﯧﮕﺮﯨﺪﺍﺵ ﺑﻮﻟﻐﺎﻥ ﺑﯘ ﺯﻩﻫﻪﺭ ﺋﯘﯞﯨﺴﻰ، ﻳﯩﻠﻼﺭﺩﯨﻦ ﺑﯘﻳﺎﻥ ﺋﯩﻠﮕﯩﺮﯨﻜﻰ ﺯﻩﻫﻪﺭ ﻣﻪﻧﺒﻪﺳﻰ ﺑﻮﻟﻐﺎﻥ ﺋﺎﻟﺘﯘﻥ ﺋﯜﭺ ﺑﯜﺭﺟﻪﻛﻨﯩﯔ ﺋﻮﺭﻧﯩﻨﻰ ﺋﯧﻠﯩﭗ، ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﻨﻰ ﻣﻪﺭﻛﻪﺯﻟﯩﻚ ﺯﻩﻫﻪﺭ ﻳﯚﺗﻜﻪﺵ ﻫﻪﻣﺪﻩ ﺯﻩﻫﻪﺭ ﭘﯩﺸﺸﯩﻘﻼﭖ ﺋﯩﺸﻠﻪﺵ ﺗﯜﮔﯜﻧﯩﮕﻪ ﺋﺎﻳﻼﻧﺪﯗﺭﻏﺎﻧﯩﻜﻪﻥ.

ﺯﻩﻫﻪﺭ ﻫﻪﻡ ﯞﺍﺑﺎﻧﯩﯔ ﻣﻪﻧﺒﻪﺳﻰ ﺋﺎﻟﺘﯘﻥ ﻫﯩﻼﻝ ﺋﺎﻱ

ﺋﯘﻳﻐﯘﺭ ﺋﯧﻠﯩﻨﯩﯔ ﻗﺎﻧﯘﻥ ﺗﻮﺭﻟﯩﺮﯨﺪﺍ 2005 - ﻳﯩﻠﻰ ﺋﯩﻴﯘﻧﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻣﻜﻰ،  2004 - ﻳﯩﻠﯩﺪﺍ ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﺋﺎﻟﺘﯘﻥ ﻫﯩﻼﻝ ﺋﺎﻱ ﺯﻩﻫﻪﺭ ﺋﯘﯞﯨﺴﯩﺪﯨﻦ ﺋﯘﻳﻐﯘﺭ ﺋﯧﻠﯩﮕﻪ ﺯﻩﻫﻪﺭ ﻳﯚﺗﻜﯩﮕﻪﻥ ﺗﯚﺕ ﺟﯩﻨﺎﻳﻪﺗﭽﯩﻨﻰ ﺗﯘﺗﻘﺎﻥ ﻫﻪﻣﺪﻩ ﺗﯚﺕ ﻛﯩﻠﻮﮔﺮﺍﻡ ﺧﯩﺮﻭﺋﯩﻨﻨﻰ ﻗﻮﻟﻐﺎ ﭼﯜﺷﯜﺭﮔﻪﻥ. ﺑﯘ ﺋﯘﻳﻐﯘﺭ ﺋﯧﻠﯩﺪﯨﻜﻰ ﭼﯧﮕﺮﺍ ﺳﺎﻗﭽﯩﻠﯩﺮﯨﻨﯩﯔ ﺋﺎﻟﺘﯘﻥ ﻫﯩﻼﻝ ﺋﺎﻳﺪﯨﻦ ﺋﯘﻳﻐﯘﺭ ﺋﯧﻠﯩﮕﻪ ﻳﯚﺗﻜﻪﻟﮕﻪﻥ ﺯﻩﻫﻪﺭﻧﻰ ﭘﺎﺵ ﻗﯩﻠﯩﺸﻘﺎ ﺩﺍﺋﯩﺮ ﺗﯘﻧﺠﻰ ﺯﻩﻫﻪﺭ ﺩﯦﻠﻮﺳﻰ ﺋﯩﺪﻯ.

ﺋﺎﻟﺘﯘﻥ ﻫﯩﻼﻝ ﺋﺎﻱ ﺭﺍﻳﻮﻧﯩﺪﯨﻦ ﺋﯘﻳﻐﯘﺭ ﺋﯧﻠﯩﮕﻪ ﺯﻩﻫﻪﺭ ﺋﯧﻠﯩﭗ ﻛﯚﺭﮔﯜﭼﯩﻠﻪﺭ ﺩﺍﯞﺍﻣﻠﯩﻖ ﺗﺎﻛﺘﯩﻜﯩﻠﯩﺮﯨﻨﻰ ﻳﯧﯖﯩﻼﭖ ﺗﯘﺭﯗﯞﺍﺗﻘﺎﻥ ﺑﻮﻟﯘﭖ، ﺋﯚﺗﻜﻪﻥ ﻳﯩﻠﯩﺪﺍ ﺋﺎﻟﺘﯘﻥ ﻫﯩﻼﻝ ﺋﺎﻳﺪﯨﻦ ﺧﯩﺮﻭﺋﯩﻨﻨﻰ ﻳﯩﭙﻘﺎ ﺋﯧﮕﯩﺮﯨﭗ ﮔﯧﻠﻪﻡ ﻗﯩﻠﯩﭗ ﺗﻮﻗﯘﭖ ﻳﯚﺗﻜﯩﮕﻪﻥ ﺩﯦﻠﻮﺩﯨﻦ ﺋﯜﭼﻰ ﭘﺎﺵ ﺑﻮﻟﻐﺎﻥ.

ﺯﻩﻫﻪﺭ ﺩﯦﻠﻮﻟﯩﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﺎﻟﺘﯘﻥ ﻫﯩﻼﻝ ﺋﺎﻱ ﺯﻩﻫﻪﺭ ﺋﯘﯞﯨﺴﯩﺪﯨﻦ ﺋﯘﻳﻐﯘﺭ ﺋﯧﻠﯩﮕﻪ ﻛﯧﻠﯩﯟﺍﺗﻘﺎﻥ ﺯﻩﻫﻪﺭ ﺋﺎﺳﺎﺳﻪﻥ ﺧﺮﻭﺋﯩﻦ ﻫﻪﻣﺪﻩ ﺋﻪﭘﻴﯜﻥ،ﻧﻪﺷﻪ ﻗﺎﺗﺎﺭﻟﯩﻘﻼﺭ ﺑﻮﻟﯘﭖ، ﺋﺎﻓﻐﺎﻧﯩﺴﺘﺎﻥ، ﭘﺎﻛﯩﺴﺘﺎﻥ ﺳﻮﺩﯨﮕﻪﺭﻟﯩﺮﯨﻨﯩﯔ ﯞﻩ ﺑﯩﺮ ﻗﯩﺴﯩﻢ ﻳﻪﺭﻟﯩﻜﻠﻪﺭﻧﯩﯔ ﻗﻮﻟﻰ ﺋﺎﺭﻗﯩﻠﯩﻖ ﻫﺎﯞﺍ ﻳﻮﻟﻰ ﻫﻪﻣﺪﻩ ﻳﻪﺭ ﺋﯜﺳﺘﻰ ﻗﺎﺗﻨﺎﺵ ﻳﻮﻟﻠﯩﺮﻯ ﺋﺎﺭﻗﯩﻠﯩﻖ ﻫﻪﺭ ﻗﯧﺘﯩﻤﺪﺍ ﺯﻭﺭ ﻣﯩﻘﺪﺍﺭﺩﺍ ﺋﯘﻳﻐﯘﺭ ﺋﯧﻠﻰ ﭼﯧﮕﺮﯨﺴﯩﻐﺎ ﻛﯩﺮﯨﭗ، ﺑﯩﺮ ﻗﯩﺴﻤﻰ ﻳﻪﻧﻪ ﺋﯘﻳﻐﯘﺭ ﺋﯧﻠﻰ ﺋﺎﺭﻗﯩﻠﯩﻖ ﺧﯩﺘﺎﻱ ﻫﻪﻣﺪﻩ ﺋﺎﺧﯩﺮﯨﺪﺍ ﺧﻮﯕﻜﻮﯓ، ﻫﯩﻨﺪﻭﻧﯧﺰﯨﻴﻪ ﻗﺎﺗﺎﺭﻟﯩﻖ ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﭼﯩﻘﯩﺮﯨﻠﯩﯟﺍﺗﻘﺎﻥ ﺑﻮﻟﯘﭖ ﺧﻪﻟﻘﺌﺎﺭﺍﻟﯩﻖ ﺯﻩﻫﻪﺭ ﺗﻮﺭﻯ ﺷﻪﻛﯩﻠﻠﻪﻧﺪﯛﺭﮔﻪﻥ.

ﺋﺎﻟﺘﯘﻥ ﻫﯩﻼﻝ ﺋﺎﻱ ﺯﻩﻫﻪﺭ ﺋﯘﯞﯨﺴﻰ 20 - ﺋﻪﺳﯩﺮﻧﯩﯔ 80 ‏ - ﻳﯩﻠﻠﯩﺮﯨﺪﺍ ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﺋﻪﭘﻴﯜﻥ ﺗﯧﺮﯨﺶ ﺷﯘﻧﺪﺍﻗﻼ ﺧﺮﻭﺋﯩﻦ ﺋﯩﺸﻠﻪﺵ ﺑﺎﺯﯨﺴﯩﻐﺎ ﺋﺎﻳﻼﻧﻐﺎﻥ ﺑﻮﻟﯘﭖ، ﻳﯩﻠﻠﯩﻖ ﺯﻩﻫﻪﺭ ﺋﯩﺸﻠﻪﺵ ﻣﯩﻘﺪﺍﺭﻯ ﺗﯚﺕ ﺗﻮﻧﻨﯩﺪﯨﻦ ﺋﺎﺷﯩﺪﯗ. ﺋﺎﻟﺘﯘﻥ ﻫﯩﻼﻝ ﺋﺎﻳﺪﺍ ﺋﯩﺸﻠﻪﭘﭽﯩﻘﯩﺮﯨﻠﯩﯟﺍﺗﻘﺎﻥ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﻣﯩﻘﺪﺍﺭﻯ ﻧﯚﯞﻩﺗﺘﻪ ﭘﯜﺗﯜﻥ ﺩﯗﻧﻴﺎﺩﯨﻜﻰ ﺯﻩﻫﻪﺭﻧﯩﯔ %90 ﻧﻰ ﺋﯩﮕﯩﻠﻪﻳﺪﯨﻜﻪﻥ. ﺑﯘﻧﯩﯔ ﺑﯩﻠﻪﻥ ﭼﯧﮕﺮﯨﺪﺍﺵ ﺑﻮﻟﻐﺎﻥ ﺋﯘﻳﻐﯘﺭ ﺋﯧﻠﯩﻤﯘ ﺯﻭﺭ ﻣﯩﻘﺪﺍﺭﺩﯨﻜﻰ ﺯﻩﻫﻪﺭﻧﯩﯔ ﻛﯩﺮﯨﺶ ﻫﻪﻡ ﻳﯚﺗﻜﯩﻠﯩﺶ ﺑﺎﺯﯨﺴﯩﻐﺎ ﺋﺎﻳﻠﯩﻨﯩﯟﺍﺗﻘﺎﻥ ﺑﻮﻟﯘﭖ، ﺑﯘ ﺭﺍﻳﻮﻧﺪﯨﻦ ﻛﯩﺮﯨﯟﺍﺗﻘﺎﻥ ﺯﻩﻫﻪﺭﻧﯩﯔ ﻣﯩﻘﺪﺍﺭﻯ ﻳﯩﻠﺪﯨﻦ ‏ - ﻳﯩﻠﻐﺎ ﺋﺎﺷﻤﺎﻗﺘﺎ ﺋﯩﻜﻪﻥ.

ﺗﻪﻫﺪﯨﺘﻜﻪ ﻣﺎﺱ ﺗﻪﺩﺑﯩﺮ ﻳﻮﻕ

ﺋﯘﻳﻐﯘﺭ ﺋﯧﻠﯩﺪﻩ ﺯﻩﻫﻪﺭﻧﯩﯔ ﻛﯚﭘﯩﻴﯩﺸﻰ ﺑﯩﻠﻪﻥ ﻣﺎﺱ ﻫﺎﻟﺪﺍ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﭼﻪﻛﻜﯜﭼﯩﻠﻪﺭﻧﯩﯔ ﺑﺎﺭﻏﺎﻧﭽﻪ ﻛﯚﭘﯩﻴﯩﺸﻰ ﺷﯘﻧﺪﺍﻗﻼ ﺑﯘﻧﯩﯖﻐﺎ ﻳﺎﻧﺪﺍﺵ ﻫﺎﻟﺪﺍ ﺋﻪﻳﺪﯨﺰﻧﯩﯔ ﺟﯩﺪﺩﯨﻲ ﻳﺎﻣﺮﯨﺸﻰ ﺋﯘﻳﻐﯘﺭﻻﺭﻧﻰ ﺋﻪﻧﺪﯨﺸﯩﮕﻪ ﯞﻩ ﯞﻩﻫﯩﻤﯩﮕﻪ ﺳﯧﻠﯩﯟﺍﺗﻘﺎﻥ ﺑﯩﺮ ﺋﯧﻐﯩﺮ ﻣﻪﺳﯩﻠﻪ. ﻣﯘﺗﻪﺧﻪﺳﺴﯩﺴﻠﻪﺭ ﺋﺎﻟﺘﯘﻥ ﻫﯩﻼﻝ ﺋﺎﻱ ﺯﻩﻫﻪﺭ ﺋﯘﯞﯨﺴﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺯﻩﻫﻪﺭ ﻫﻪﻣﺪﻩ ﺋﻪﻳﺪﯨﺰﻧﯩﯔ ﻳﻪﻧﯩﻤﯘ ﻛﻪﯓ ﻛﯚﻟﻪﻣﺪﻩ ﺗﺎﺭﻗﯩﻠﯩﺶ ﺧﻪﺗﯩﺮﯨﻨﻰ ﭘﻪﻳﺪﺍ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭ ﺋﯘﻳﻐﯘﺭ ﺋﯧﻠﯩﺪﻩ ﺯﻩﻫﻪﺭﻧﯩﯔ ﻳﺎﻣﺮﯨﺸﯩﻨﯩﯔ ﻳﯩﻠﻼﺭﺩﯨﻦ ﺑﯧﺮﻯ ﻛﻮﻧﺘﺮﻭﻝ ﻗﯩﻠﯩﻨﻤﺎﻱ ﻫﻪﺗﺘﺎ ﺑﺎﺭﻏﺎﻧﭽﻪ ﻳﺎﻣﺮﺍﯞﺍﺗﻘﺎﻧﻠﯩﻘﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﻗﺴﻪﺗﻠﯩﻚ ﻫﺎﻟﺪﺍ ﺟﯩﺪﺩﯨﻲ ﺗﻪﺩﺑﯩﺮ ﻗﻮﻟﻼﻧﻤﺎﻳﯟﺍﺗﻘﺎﻧﻠﯩﻘﯩﺪﺍ ﺩﻩﭖ ﻗﺎﺭﯨﻤﺎﻗﺘﺎ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻳﻐﯘﺭ ﺋﯧﻠﯩﻨﯩﯔ ﺯﻩﻫﻪﺭ ﯞﻩﺯﯨﻴﯩﺘﻰ ﻳﻪﻧﯩﻼ ﺟﯩﺪﺩﯨﻲ ﺑﻮﻟﯘﭖ ﭘﻪﻗﻪﺕ ﺧﻪﺗﻪﺭﻧﯩﯔ ﻛﯩﺮﯨﺶ ﻳﻮﻟﻰ، ﻣﻪﻧﺒﻪﺳﻰ ﺋﯚﺯﮔﻪﺭﮔﯩﻨﻰ ﺑﯩﻠﻪﻥ ﺧﯩﺘﺎﻳﻨﯩﯔ ﺯﻩﻫﻪﺭ ﭼﻪﻛﻠﻪﺵ ﺗﺎﻛﺘﯩﻜﯩﺴﯩﺪﺍ ﻫﯧﭽﻘﺎﻧﺪﺍﻕ ﺋﯚﺯﮔﯩﺮﯨﺶ ﻳﻮﻕ.

ﺩﯨﻠﺸﺎﺕ ﺭﯨﺸﯩﺘﻨﯩﯔ ﻗﺎﺭﯨﺸﯩﭽﻪ، ﺋﻪﮔﻪﺭ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﺎﺗﺎﻟﻤﯩﺶ ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﻗﺎﺭﺍﺗﻘﺎﻥ ﺯﻩﺭﺑﻪ ﺑﯧﺮﯨﺶ ﺳﺎﻟﻤﯩﻘﯩﻨﯩﯔ ﺋﺎﺯ ﺑﯩﺮ ﻗﯩﺴﻤﯩﻨﻰ ﺯﻩﻫﻪﺭ ﭼﻪﻛﻠﻪﺷﻜﻪ ﻗﺎﺭﺍﺗﻘﺎﻥ ﺑﻮﻟﺴﺎ، ﺋﯘﻳﻐﯘﺭ ﺋﯧﻠﯩﺪﯨﻦ ﺯﻩﻫﻪﺭ ﭘﺎﻙ - ﭘﺎﻛﯩﺰﻩ ﺗﺎﺯﯨﻼﻧﻐﺎﻥ ﺑﻮﻻﺗﺘﻰ.

ﺋﻪﯓ ﻳﯧﯖﻰ ﺳﯩﺘﺎﺗﯩﺴﺘﯩﻜﯩﻐﺎ ﻗﺎﺭﯨﻐﺎﻧﺪﺍ، ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﺪﻩ ﺋﻪﻧﮕﻪ ﺋﯧﻠﯩﻨﻐﺎﻥ ﺋﻪﻳﺪﯨﺰﻟﻪﺭ 24818 ﮔﻪ ﻳﻪﺗﻜﻪﻥ ﺑﻮﻟﯘﭖ، ﺳﺎﻥ ﺟﻪﻫﻪﺗﺘﻪ ﺧﯩﺘﺎﻱ ﺑﯘﻳﯩﭽﻪ 4 ‏ - ﺋﻮﺭﯗﻧﺪﺍ، ﺷﯘﻧﺪﺍﻗﻼ ﺑﯘﻻﺭﻧﯩﯔ %90 ﺩﯨﻦ ﻛﯚﭘﺮﻩﻛﻰ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺑﯩﻠﻪﻥ ﺷﯘﻏﯘﻟﻼﻧﻐﯘﭼﯩﻼﺭ.

ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺗﻪﺧﻤﯩﻨﻠﯩﺸﯩﭽﻪ ﺋﯘﻳﻐﯘﺭ، ﺋﯧﻠﯩﺪﯨﻜﻰ ﺋﻪﻳﺪﯨﺰﻟﻪﺭﻧﯩﯔ ﺋﻪﻣﻪﻟﯩﻲ ﺳﺎﻧﻰ 60 ﻣﯩﯖﺪﯨﻨﻤﯘ ﺋﯧﺸﯩﭗ ﻛﻪﺗﻜﻪﻥ. ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺶ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺑﯩﻠﻪﻥ ﺯﯨﭻ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﭖ، ﺋﻪﻳﺪﯨﺰﻧﻰ ﺗﯩﺰﮔﯩﻨﻠﻪﺵ ﺋﻪﯓ ﺋﺎﻟﺪﻯ ﺑﯩﻠﻪﻥ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻠﻪﺭﻧﻰ ﺗﯩﺰﮔﯩﻨﻠﻪﺷﻜﻪ ﺑﺎﻏﻠﯩﻖ. ﻛﯧﻠﯩﺶ ﻣﻪﻧﺒﻪﺳﻰ، ﻳﻮﻟﻠﯩﺮﻯ ﺋﯚﺯﮔﯩﺮﯨﭗ ﺗﯘﺭﯗﯞﺍﺗﻘﺎﻥ ﺯﻩﻫﻪﺭﻧﻰ ﻗﺎﻧﺪﺍﻕ ﭼﻪﻛﻠﻪﺵ ﺑﻮﻟﺴﺎ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻗﺎﻧﺪﺍﻕ ﺳﯩﻴﺎﺳﻪﺕ ﻫﻪﻡ ﺗﻪﺩﺑﯩﺮ ﻗﻮﻟﻠﯩﻨﯩﺸﯩﻐﺎ ﺑﺎﻏﻠﯩﻖ ﻣﻪﺳﯩﻠﻪ ﺋﻪﻟﯟﻩﺗﺘﻪ.

ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻜﻰ ﺯﻩﻫﻪﺭ ﭼﻪﻛﻠﻪﺵ ﺩﺍﺋﯩﺮﯨﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻳﻐﯘﺭ ﺋﯧﻠﯩﮕﻪ ﻳﯧﻘﯩﻨﺪﯨﻦ ﺑﯘﻳﺎﻥ ﻛﯚﻟﻪﯕﮕﻪ ﺗﺎﺷﻠﯩﻐﺎﻥ ﻫﯩﻼﻝ ﺋﺎﻳﻨﯩﯔ ﺗﻪﻫﺪﯨﺘﻰ ﺋﯧﻐﯩﺮﻻﯞﺍﺗﻘﺎﻥ ﭘﻪﻳﺘﺘﻪ، ﺋﺎﻟﺘﯘﻥ ﺋﯜﭺ ﺑﯘﺭﺟﻪﻙ ﺭﺍﻳﻮﻧﯩﻨﯩﯔ ﺋﯘﻳﻐﯘﺭ ﺋﯧﻠﯩﮕﻪ ﺳﯧﻠﯩﯟﺍﺗﻘﺎﻥ ﺗﻪﻫﺪﯨﺘﻰ ﺑﻮﺷﯩﻐﯩﻨﻰ ﻳﻮﻕ، ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﻰ ﻣﺎﻧﺎ ﺑﯘ ﺋﯩﻜﻜﻰ ﭼﻮﯓ ﺧﻪﻟﻘﺌﺎﺭﺍﻟﯩﻖ ﺯﻭﺭ ﺯﻩﻫﻪﺭ ﻣﻪﻧﺒﻪﺳﯩﻨﯩﯔ ﻫﯘﺟﯘﻣﯩﻐﺎ ﺗﻪﯕﻼ ﺋﯘﭼﺮﯨﻤﺎﻗﺘﺎ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز