ﺭﺍﺳﺘﭽﯩﻠﻠﯩﻖ ﺋﯩﻨﺴﺎﻧﯩﻴﻪﺗﻜﻪ ﭘﺎﻳﺪﯨﻠﯩﻖ ﺑﻮﻟﻐﺎﻥ ﻣﯘﻫﯩﻢ ﺑﯩﺮ ﺧﯩﺴﻠﻪﺕ ﺑﻮﻟﺴﺎ، ﻳﺎﻟﻐﺎﻧﭽﯩﻠﯩﻖ ﺋﯩﻨﺴﺎﻧﻼﺭﻧﻰ ﺯﯨﻴﺎﻧﻐﺎ ﺋﯘﭼﺮﯨﺘﯩﺪﯨﻐﺎﻥ ﯞﻩ ﺋﯘﻻﺭﻧﻰ ﻗﺎﺧﺸﯩﺘﯩﺪﯨﻐﺎﻥ ﻳﺎﻣﺎﻥ ﺋﺎﺩﻩﺗﺘﯘﺭ. ﺭﺍﺳﺘﭽﯩﻠﻼﺭ ﺋﺎﻟﻼﻫﻨﯩﯔ ﯞﻩ ﺋﯩﻨﺴﺎﻧﻼﺭﻧﯩﯔ ﻧﻪﺯﻩﺭﯨﺪﻩ ﻫﯚﺭﻣﻪﺗﻠﯩﻚ ﻛﯩﺸﯩﻠﻪﺭ ﺑﻮﻟﯘﭖ، ﻳﺎﻟﻐﺎﻧﭽﯩﻼﺭ ﻫﻪﻣﻤﯩﻼ ﻳﻪﺭﺩﻩ ﯞﻩ ﻫﻪﺭﻛﯩﻤﻨﯩﯔ ﻧﻪﺯﻩﺭﯨﺪﻩ ﻟﻪﻧﻪﺗﻜﻪ ﺋﯘﭼﺮﺍﻳﺪﯗ.

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ "ﻫﻪﺩﯨﺲ ﯞﻩ ﻫﺎﺯﯨﺮﻗﻰ ﺯﺍﻣﺎﻥ ﺋﯩﻠﯩﻤﻠﯩﺮﻯ" ﻣﺎﯞﺯﯗﻟﯘﻕ ﭼﻮﯓ ﻣﯘﺳﺎﺑﯩﻘﯩﺪﻩ، ﺳﯘﺩﺍﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﻛﺎﺗﺘﺎ ﺋﯚﻟﯩﻤﺎﺳﻰ ﺋﯩﺴﺎﻡ ﺋﻪﻝ ﺑﻪﺷﯩﺮ ﺋﯩﻨﺴﺎﻧﯩﻴﻪﺗﻨﯩﯔ ﻫﻪﺭ ﺋﯩﺸﺘﺎ ﺭﺍﺳﺘﭽﯩﻠﻠﯩﻘﻘﺎ ﺑﻮﻟﻐﺎﻥ ﺯﻭﺭ ﺋﯧﻬﺘﯩﻴﺎﺟﻰ ﻫﻪﻗﻘﯩﺪﻩ ﺳﯚﺯﻟﻪﭖ ﻣﯘﻧﺪﺍﻕ ﺩﯦﺪﻯ:" ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻣﯘﻧﺪﺍﻕ ﺩﯦﮕﻪﻥ:" ﺭﺍﺳﺘﭽﯩﻠﻠﯩﻖ ﻳﺎﺧﺸﯩﻠﯩﻘﻘﺎ ﺑﺎﺷﻼﻳﺪﯗ، ﻳﺎﺧﺸﯩﻠﯩﻖ ﺟﻪﻧﻨﻪﺗﻜﻪ ﺑﺎﺷﻼﻳﺪﯗ، ﺭﺍﺳﺖ ﺳﯚﺯﻟﻪﭖ، ﻫﻪﻣﯩﺸﻪ ﺭﺍﺳﺘﭽﯩﻠﻠﯩﻖ ﺑﯩﻠﻪﻥ ﺋﯩﺶ ﻛﯚﺭﮔﻪﻥ ﺋﺎﺩﻩﻡ ﺋﺎﻟﻼﻫ ﺗﺎﺋﺎﻻﻧﯩﯔ ﻧﻪﺯﻩﺭﯨﺪﻩ "ﺭﺍﺳﺘﭽﯩﻞ ﺑﻪﻧﺪﻩ" ﺩﻩﭖ ﻳﯧﺰﯨﻠﯩﺪﯗ. ﻳﺎﻟﻐﺎﻧﭽﯩﻠﯩﻖ ﮔﯘﻧﺎﻫﻘﺎ ﺑﺎﺷﻼﻳﺪﯗ، ﮔﯘﻧﺎﻫ ﺩﻭﺯﺍﺧﻘﺎ ﺑﺎﺷﻼﻳﺪﯗ، ﻳﺎﻟﻐﺎﻥ ﺋﯧﻴﺘﯩﺪﯨﻐﺎﻥ ﺋﺎﺩﻩﻡ ﺋﺎﻟﻼﻫ ﺗﺎﺋﺎﻻﻧﯩﯔ ﻧﻪﺯﻩﺭﯨﺪﻩ "ﻳﺎﻟﻐﺎﻧﭽﻰ" ﺩﻩﭖ ﻳﯧﺰﯨﻠﯩﺪﯗ." ﻫﯧﭽﻜﯩﻢ ﺋﺎﻟﻼﻫ ﺗﺎﺋﺎﻻﻧﯩﯔ ﻧﻪﺯﻩﺭﯨﺪﻩ، ﭘﻪﺭﯨﺸﺘﯩﻠﻪﺭﻧﯩﯔ ﺩﻩﭘﺘﯩﺮﯨﺪﻩ، ﺋﯩﻨﺴﺎﻧﻼﺭﻧﯩﯔ ﺋﯧﻐﯩﺰﯨﺪﺍ ﻳﺎﻟﻐﺎﻧﭽﻰ ﺑﻮﻟﯘﭖ ﺋﺎﺗﯩﻠﯩﺸﻨﻰ ﻳﺎﻗﺘﯘﺭﻣﺎﻳﺪﯗ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﺑﯘ ﻫﻪﺩﯨﺴﯩﺪﯨﻜﻰ" ﺭﺍﺳﺘﭽﯩﻠﻠﯩﻖ ﻳﺎﺧﺸﯩﻠﯩﻘﻘﺎ ﺑﺎﺷﻼﻳﺪﯗ" ﺩﯦﮕﻪﻥ ﺳﯚﺯﻯ ﺑﯩﻠﻪﻥ " ﻳﺎﻟﻐﺎﻧﭽﯩﻠﯩﻖ ﮔﯘﻧﺎﻫﻘﺎ ﺑﺎﺷﻼﻳﺪﯗ " ﺩﯦﮕﻪﻥ ﺳﯚﺯﯨﮕﻪ ﺩﯨﻘﻘﯩﺘﯩﻤﯩﺰﻧﻰ ﺋﺎﻏﺪﯗﺭﻏﯩﻨﯩﻤﯩﺰﺩﺍ، ﭘﯜﺗﯜﻥ ﻳﺎﺧﺸﯩﻠﯩﻘﻼﺭﻧﯩﯔ ﺑﯧﺸﯩﺪﺍ ﺭﺍﺳﺘﭽﯩﻠﻠﯩﻘﻨﯩﯔ ﺑﺎﺭﻟﯩﻘﯩﻨﻰ ﺑﺎﻳﻘﺎﻳﻤﯩﺰ. ﮔﻮﻳﺎﻛﻰ ﺭﺍﺳﺘﭽﯩﻠﻠﯩﻖ ﻳﺎﺧﺸﯩﻠﯩﻘﻨﯩﯔ ﻣﯘﻗﻪﺩﺩﯨﻤﯩﺴﻰ ﻳﺎﻛﻰ ﺋﯘﻧﯟﺍﻧﻰ ﺋﻮﺭﻧﯩﺪﺍ ﺗﯘﺭﯨﺪﯗ. ﺑﯘﻧﯩﯔ ﺋﻪﻛﺴﯩﭽﻪ، ﻫﻪﺭ ﻗﺎﻧﺪﺍﻕ ﺑﯩﺮ ﻳﺎﻣﺎﻧﻠﯩﻘﻨﯩﯔ ﺋﺎﺭﻗﯩﺴﯩﺪﺍ ﭼﻮﻗﯘﻡ ﻳﺎﻟﻐﺎﻧﭽﯩﻠﯩﻖ ﺑﻮﻟﯩﺪﯗ. ﺋﺎﻟﺪﺍﻣﭽﯩﻠﯩﻖ، ﺧﺎﺋﯩﻨﻠﯩﻖ، ﺳﺎﺗﻘﯘﻧﻠﯘﻕ، ﺋﻮﻏﺮﯨﻠﯩﻖ، ﻗﺎﺗﯩﻠﻠﯩﻖ، ﻗﺎﺭﺍ ﭼﺎﭘﻼﺵ، ﻏﻪﻳﯟﻩﺕ - ﺷﯩﻜﺎﻳﻪﺕ ... ﯞﺍﻫﺎﻛﺎﺯﺍﻻﺭﻧﯩﯔ ﻣﯘﻗﻪﺩﺩﯨﻤﯩﺴﯩﺪﻩ ﭼﻮﻗﯘﻡ ﻳﺎﻟﻐﺎﻧﭽﯩﻠﯩﻖ ﺑﻮﻟﯩﺪﯗ. ﺷﯘﯕﺎ ﺋﯚﻟﯩﻤﺎﻻﺭ" ﻳﺎﻟﻐﺎﻥ ﺋﯧﻴﺘﯩﺸﻨﻰ ﺋﺎﺩﻩﺕ ﻗﯩﻠﯩﯟﺍﻟﻐﺎﻥ ﺋﺎﺩﻩﻡ ﺋﻪﯓ ﭼﻮﯓ ﮔﯘﻧﺎﻫﻼﺭﻧﻰ ﺋﯩﻜﻜﯩﻠﻪﻧﻤﻪﺳﺘﯩﻦ ﻗﯩﻠﯩﺪﯨﻐﺎﻥ ﺑﻮﻟﯘﭖ ﻛﯧﺘﯩﺪﯗ" ﺩﯦﮕﻪﻥ ﻧﻪﺗﯩﺠﯩﻨﻰ ﭼﯩﻘﺎﺭﻏﺎﻥ. ﺭﺍﺳﺘﭽﯩﻠﻠﯩﻖ ﭘﻪﻳﻐﻪﻣﺒﻪﺭﻟﻪﺭﻧﯩﯔ، ﻣﯚﻣﯩﻨﻠﻪﺭﻧﯩﯔ ﯞﻩ ﻳﺎﺧﺸﯩﻼﺭﻧﯩﯔ ﺋﺎﺩﯨﺘﻰ ﺑﻮﻟﻐﺎﻧﺪﻩﻙ، ﻳﺎﻟﻐﺎﻧﭽﯩﻠﯩﻖ ﻣﯘﻧﺎﭘﯩﻘﻼﺭﻧﯩﯔ ﺋﺎﺩﯨﺘﯩﺪﯗﺭ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻣﯘﻧﺎﭘﯩﻘﻼﺭﻧﯩﯔ ﺳﯜﭘﻪﺗﻠﯩﺮﯨﻨﻰ ﺑﺎﻳﺎﻥ ﻗﯩﻠﯩﭗ ﻣﯘﻧﺪﺍﻕ ﺩﯦﮕﻪﻥ:" ﻣﯘﻧﺎﭘﯩﻘﻨﯩﯔ ﺋﺎﻻﻣﯩﺘﻰ ﺋﯜﭼﺘﯘﺭ: ﺳﯚﺯﻟﯩﺴﻪ ﻳﺎﻟﻐﺎﻥ ﺳﯚﺯﻟﻪﻳﺪﯗ، ﯞﻩﺩﻩ ﻗﯩﻠﺴﺎ ﺋﯘﻧﯩﯖﻐﺎ ﺧﯩﻼﭘﻠﯩﻖ ﻗﯩﻠﯩﺪﯗ، ﺋﺎﻣﺎﻧﻪﺕ ﻗﻮﻳﯘﻟﺴﺎ ﺧﯩﻴﺎﻧﻪﺕ ﻗﯩﻠﯩﺪﯗ."

ﺭﺍﺳﺘﭽﯩﻠﻠﯩﻖ ﺧﺎﺗﯩﺮﺟﻪﻣﻠﯩﻜﺘﯘﺭ

ﺋﯩﺴﺎﻡ ﺋﻪﻝ ﺑﻪﺷﯩﺮ ﻧﯘﺗﻘﯩﺪﺍ ﻳﻪﻧﻪ ﻣﯘﻧﺪﺍﻕ ﺩﯦﺪﻯ:" ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻳﻪﻧﻪ ﻣﯘﻧﺪﺍﻕ ﺩﯦﮕﻪﻥ:" ﺭﺍﺳﺘﭽﯩﻠﻠﯩﻖ ﺧﺎﺗﯩﺮﺟﻪﻣﻠﯩﻚ، ﻳﺎﻟﻐﺎﻧﭽﯩﻠﯩﻖ ﺗﻪﺷﯟﯨﺸﺘﯘﺭ." ﭼﯜﻧﻜﻰ ﺋﯩﻨﺴﺎﻥ ﺭﺍﺳﺖ ﺳﯚﺯﻟﯩﮕﻪﻧﺪﻩ ﺧﺎﺗﯩﺮﺟﻪﻣﻠﯩﻚ ﯞﻩ ﺑﯩﺮ ﺧﯩﻞ ﺭﺍﻫﻪﺕ ﻫﯧﺲ ﻗﯩﻠﯩﺪﯗ، ﺗﻪﺷﯟﯨﺸﻠﻪﻧﻤﻪﻳﺪﯗ، ﻫﻪﻣﺪﻩ ﺭﺍﺳﺖ ﺳﯚﺯﻟﻪﺷﺘﻪ ﻫﯧﭽﻘﺎﻧﭽﯩﻠﯩﻚ ﺗﻪﺳﻠﯩﻚ ﻳﺎﻛﻰ ﺋﻮﯕﺎﻳﺴﯩﺰﻟﯩﻖ ﻫﯧﺲ ﻗﯩﻠﻤﺎﻳﺪﯗ، ﺋﯩﻜﻜﯩﻠﻪﻧﻤﻪﻳﺪﯗ، ﺩﯗﺩﯗﻗﻠﯩﻤﺎﻳﺪﯗ. ﺋﻪﻣﻤﺎ ﺋﯩﻨﺴﺎﻥ ﻳﺎﻟﻐﺎﻥ ﺳﯚﺯﻟﻪﺷﺘﻪ ﻗﯩﻴﯩﻨﭽﯩﻠﯩﻖ ﺗﺎﺭﺗﯩﺪﯗ، ﻫﻪﺗﺘﺎ ﺑﻪﺯﻯ ﺷﺎﺭﺍﺋﯩﺘﻼﺭﺩﺍ ﭼﯧﻜﯩﺴﯩﺪﯨﻦ ﺗﻪﺭ ﺋﺎﻗﯩﺪﯗ، ﭼﯩﺮﺍﻳﻰ ﺗﻪﺑﯩﺌﯩﻲ ﺑﻮﻟﻤﺎﻳﺪﯗ، ﺳﯚﺯﻟﯩﺮﻯ ﺋﺎﻧﭽﻪ ﻗﺎﻣﻼﺷﻤﺎﻳﺪﯗ، ﻳﺎﻟﻐﺎﻧﭽﯩﻠﯩﻘﻰ ﺋﺎﺷﻜﺎﺭﺍ ﺑﻮﻟﯘﭖ ﻗﯧﻠﯩﺸﯩﺪﯨﻦ ﺗﻪﺷﯟﯨﺸﻠﯩﻨﯩﺪﯗ. ﺑﯘ ﻫﻪﺩﯨﺲ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﻣﯚﺟﯩﺰﯨﻠﯩﻚ ﺳﯚﺯﻟﯩﺮﯨﺪﯨﻦ ﺑﻮﻟﯘﭖ، ﻫﺎﻳﺎﺗﻠﯩﻖ ﻣﯘﺳﺎﭘﯩﻠﯩﺮﻯ ﺑﯘ ﺳﯚﺯﻧﯩﯔ ﻫﻪﻗﻠﯩﻘﯩﻨﻰ ﺋﯩﺴﭙﺎﺗﻼﭖ ﻛﻪﻟﻤﻪﻛﺘﻪ. ﭼﯜﻧﻜﻰ ﺑﯘ ﺳﯚﺯ ﻣﻪﻳﻠﻰ ﻗﺎﻳﺴﻰ ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﻤﯩﺴﯘﻥ، ﻫﻪﺭﻗﺎﻧﺪﺍﻕ ﺋﺎﺩﻩﻣﻨﯩﯔ ﻧﻪﺯﻩﺭﯨﺪﻩ ﻫﻪﻕ ﺳﯚﺯﺩﯗﺭ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ،ﻣﯚﻣﯩﻦ ﺋﺎﺩﻩﻡ ﻗﻮﺭﻗﯘﻧﭽﺎﻕ ﺑﻮﻻﻣﺪﯗ ﺩﻩﭖ ﺳﻮﺭﺍﻟﻐﯩﻨﯩﺪﺍ، "ﻫﻪﺋﻪ" ﺩﻩﭖ ﺟﺎﯞﺍﺏ ﺑﻪﺭﮔﻪﻥ، ﻳﻪﻧﻪ "ﻣﯚﻣﯩﻦ ﺋﺎﺩﻩﻡ ﺑﯧﺨﯩﻞ ﺑﻮﻻﻣﺪﯗ" ﺩﻩﭖ ﺳﻮﺭﺍﻟﻐﺎﻧﺪﯨﻤﯘ، " ﻫﻪﺋﻪ" ﺩﻩﭖ ﺟﺎﯞﺍﺏ ﺑﻪﺭﮔﻪﻥ. ﺋﺎﻧﺪﯨﻦ ﻣﯚﻣﯩﻦ ﺋﺎﺩﻩﻡ ﻳﺎﻟﻐﺎﻧﭽﻰ ﺑﻮﻻﻣﺪﯗ ﺩﻩﭖ ﺳﻮﺭﺍﻟﻐﯩﻨﯩﺪﺍ، " ﻳﺎﻕ" ﺩﻩﭖ ﺟﺎﯞﺍﺏ ﺑﻪﺭﮔﻪﻥ. ﭼﯜﻧﻜﻰ ﺑﯩﺮﺍﯞﻧﯩﯔ ﻗﻮﺭﻗﯘﻧﭽﺎﻗﻠﯩﻘﻰ ﻳﺎﻛﻰ ﺑﯧﺨﯩﻠﻠﯩﻘﯩﻨﯩﯔ ﺯﯨﻴﯩﻨﻰ ﻛﯚﭘﯩﻨﭽﻪ ﺋﯚﺯﯨﮕﻪ ﺑﻮﻟﯩﺪﯗ. ﺋﻪﻣﻤﺎ ﺑﯩﺮﺍﯞﻧﯩﯔ ﻳﺎﻟﻐﺎﻧﭽﯩﻠﯩﻘﯩﻨﯩﯔ ﺯﯨﻴﯩﻨﻰ ﻛﯚﭘﯩﻨﭽﻪ ﺑﺎﺷﻘﯩﻼﺭﻏﺎ ﺑﻮﻟﯩﺪﯗ. ﻳﺎﻟﻐﺎﻧﭽﯩﻠﯩﻖ ﺋﯩﻨﺴﺎﻧﻼﺭﻧﻰ ﺗﻪﺳﻪﯞﯞﯗﺭ ﻗﯩﻠﯩﭗ ﺑﻮﻟﻐﯘﺳﯩﺰ ﺯﯨﻴﺎﻥ - ﺯﻩﺧﻤﻪﺗﻠﻪﺭﮔﻪ ﺋﯘﭼﺮﯨﺘﯩﺪﯗ. ﺷﯘﯕﺎ ﺋﯘﻧﯩﯔ ﮔﯘﻧﺎﻫﯩﻤﯘ ﺋﯧﻐﯩﺮ، ﺟﺎﺯﺍﺳﻰ ﻗﺎﺗﺘﯩﻖ ﺑﻮﻟﯩﺪﯗ. ﻳﺎﻟﻐﺎﻧﭽﯩﻨﯩﯔ ﻫﻪﻗﯩﻘﯩﻲ ﻣﻪﻧﯩﺪﯨﻜﻰ ﻣﯚﻣﯩﻨﻠﻪﺭﺩﯨﻦ ﺑﻮﻻﻟﻤﺎﻳﺪﯨﻐﺎﻧﻠﯩﻘﻰ ﻳﺎﻟﻐﺎﻧﭽﯩﻠﯩﻘﻨﯩﯔ ﮔﯘﻧﺎﻫﯩﻨﯩﯔ ﭼﻮﯕﻠﯘﻗﯩﻨﻰ ﺑﯩﻠﯩﺶ ﺋﯜﭼﯜﻥ ﻳﯧﺘﻪﺭﻟﯩﻜﺘﯘﺭ."

ﻫﻪﻗﯩﻘﯩﻲ ﺭﺍﺳﺘﭽﯩﻠﻠﯩﻖ

ﻫﯩﺠﺮﯨﻴﻪ ﺋﯜﭼﯩﻨﭽﻰ ﺋﻪﺳﯩﺮﻧﯩﯔ ﺋﯚﻟﯩﻤﺎﻟﯩﺮﯨﺪﯨﻦ ﺟﯘﻧﻪﻳﺪ ﻣﯘﻧﺪﺍﻕ ﺩﯦﮕﻪﻥ ﺋﯩﻜﻪﻥ:" ﻫﻪﻗﯩﻘﯩﻲ ﺭﺍﺳﺘﭽﯩﻠﻠﯩﻖ ﻳﺎﻟﻐﺎﻧﺪﯨﻦ ﺑﺎﺷﻘﺎ ﻧﻪﺭﺳﻪ ﺳﯧﻨﻰ ﻗﯘﺗﯘﻟﺪﯗﺭﺍﻟﻤﺎﻳﺪﯨﻐﺎﻥ ﺷﺎﺭﺍﺋﯩﺘﺘﺎ ﺭﺍﺳﺖ ﺳﯚﺯﻟﯩﺸﯩﯖﺪﯗﺭ." ﺭﺍﺳﺘﭽﯩﻠﻠﯩﻘﻨﯩﯔ ﺋﯩﻨﺴﺎﻧﻨﻰ ﻫﻪﻣﯩﺸﻪ ﻗﯘﺗﻘﯘﺯﻏﯘﭼﻰ ﺋﯩﻜﻪﻧﻠﯩﻜﯩﺪﻩ ﺷﻪﻙ ﻳﻮﻕ. " ﺭﺍﺳﺖ ﺳﯚﺯﻟﯩﮕﻪﻥ ﻧﯩﺠﺎﺕ ﺗﺎﭘﯩﺪﯗ" ﺩﯦﮕﻪﻥ ﻣﻪﺷﻬﯘﺭ ﺳﯚﺯﻣﯘ ﺷﯘﻧﯩﯔ ﺋﯜﭼﯜﻥ ﺋﯧﻴﺘﯩﻠﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﺑﯘﻧﯩﯔ ﺋﻪﻛﺴﯩﭽﻪ، ﻫﻪﺭﻗﺎﻧﭽﻪ ﺳﯚﺯﮔﻪ ﺋﯘﺳﺘﺎ ﯞﻩ ﻳﺎﻟﻐﺎﻧﻨﻰ ﻗﺎﻣﻼﺷﺘﯘﺭﯗﺷﻘﺎ ﻣﺎﻫﯩﺮ ﻛﺎﺯﺯﺍﭘﻼﺭﻣﯘ ﺑﻪﺭﯨﺒﯩﺮ ﺑﯩﻠﯩﻨﯩﭗ ﻗﺎﻟﯩﺪﯗ ﯞﻩ ﺑﯩﺮ ﻛﯘﻧﻰ ﺭﻩﺳﯟﺍ ﺑﻮﻟﻤﺎﻱ ﻗﺎﻟﻤﺎﻳﺪﯗ. " ﻳﺎﻟﻐﺎﻧﭽﯩﻨﯩﯔ ﻗﯘﻳﺮﯗﻗﻰ ﺑﯩﺮ ﺗﯘﺗﺎﻡ" ﺩﯦﮕﻪﻥ ﺳﯚﺯﻣﯘ ﺑﯩﻜﺎﺭﻏﺎ ﺋﯧﻴﺘﯩﻠﻤﯩﻐﺎﻥ ﺑﻮﻟﺴﺎ ﻛﯧﺮﻩﻙ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز