ﺑﯘ ﻳﯩﻞ ﯞﻩ ﺋﯚﺗﻜﻪﻥ ﺑﯩﺮ ﻗﺎﻧﭽﻪ ﻳﯩﻞ ﺋﯩﭽﯩﺪﻩ ﺗﯜﺭﻛﯩﻴﯩﺪﻩ ﺋﻮﻗﯘﭖ ﺋﻪﻻ ﻧﻪﺗﯩﺠﻪ ﺑﯩﻠﻪﻥ ﺋﻮﻗﯘﺵ ﭘﯜﺗﺘﯜﺭﮔﻪﻥ 50 ﺩﯨﻦ ﺋﺎﺭﺗﯘﻕ ﺋﻮﻗﯘﻏﯘﭼﯩﻼﺭﻏﺎ ﻣﯘﻛﺎﭘﺎﺕ ﺗﻪﻗﺪﯨﻢ ﻗﯩﻠﯩﻨﺪﻯ. ﺋﻮﻗﯘﺵ ﭘﯜﺗﺘﯜﺭﮔﻪﻥ ﺋﻮﻗﯘﻏﯘﭼﯩﻼﺭﻧﯩﯔ ﺋﺎﺭﯨﺴﯩﺪﺍ ﺩﻭﻛﺘﯘﺭ ﯞﻩ ﺋﺎﺳﭙﯩﺮﺍﻧﺘﻠﯩﻖ ﺋﯘﻧﯟﺍﻧﻰ ﺋﺎﻟﻐﺎﻥ ﺋﻮﻗﯘﻏﯘﭼﯩﻼﺭﻣﯘ ﻣﯘﻛﺎﭘﺎﺗﻼﻧﺪﻯ. ﻣﯘﺭﺍﺳﯩﻤﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﯩﻨﯩﯔ ﺑﺎﺷﻠﯩﻘﻰ، ﺩﻩﻡ ﺋﯧﻠﯩﺸﻘﺎ ﭼﯩﻘﻘﺎﻥ ﮔﯧﻨﯧﺮﺍﻝ ﻣﯘﻫﻪﻣﻤﻪﺩ ﺭﯨﺰﺍ ﺑﯧﻜﯩﻦ ﺋﻪﭘﻪﻧﺪﻯ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﭘﺮﻭﻓﯧﺴﺴﻮﺭ ﺩﻭﻛﺘﯘﺭ ﺳﻮﻟﺘﺎﻥ ﻣﻪﻫﻤﯘﺕ ﻗﻪﺷﻘﻪﺭﻟﻰ ﺳﯚﺯ ﻗﯩﻠﺪﻯ، ﻣﯘﺭﺍﺳﯩﻤﺪﺍ ﺗﯜﺭﻛﯩﻴﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﻯ ﺗﻪﺷﻜﯩﻼﺗﻠﯩﺮﯨﻨﯩﯔ ﯞﻩﻛﯩﻠﻠﯩﺮﻯ ﻧﯚﯞﻩﺕ ﺑﯩﻠﻪﻥ ﺳﻪﻫﻨﯩﮕﻪ ﭼﯩﻘﯩﭗ ﺳﯚﺯ ﻗﯩﻠﯩﭗ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﯩﻨﯩﯔ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﯩﯔ ﺋﯘﻧﯩﯟﯦﺮﺳﯩﺘﯧﺘﯩﻠﻪﺭﮔﻪ ﻗﻮﺑﯘﻝ ﺑﻮﻟﯘﺷﻰ ﯞﻩ ﺋﯘﻻﺭﻏﺎ ﺋﻮﻗﯘﺵ ﺷﺎﺭﺍﺋﯩﺘﻰ ﻫﺎﺯﯨﺮﻻﺵ ﺟﻪﻫﻪﺗﺘﯩﻜﻰ ﺗﯩﺮﯨﺸﭽﺎﻧﻠﯩﻘﻰ ﺋﯜﭼﯜﻥ ﺗﻪﺷﻪﻛﻜﯜﺭ ﺋﯧﻴﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻣﯘﺭﺍﺳﯩﻤﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﯩﻨﯩﯔ ﺑﺎﺷﻠﯩﻘﻰ، ﺩﻩﻡ ﺋﯧﻠﯩﺸﻘﺎ ﭼﯩﻘﻘﺎﻥ ﮔﯧﻨﯧﺮﺍﻝ ﻣﯘﻫﻪﻣﻤﻪﺩ ﺭﯨﺰﺍ ﺑﯧﻜﯩﻦ ﺋﻪﭘﻪﻧﺪﻯ ﺳﯚﺯ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ: " ﻫﯚﺭﻣﻪﺗﻠﯩﻚ ﻫﻪﻣﺸﻪﻫﻪﺭﻟﻪﺭ، ﺋﻪﺯﯨﺰ ﻣﯧﻬﻤﺎﻧﻼﺭ، ﺳﯚﻳﯜﻣﻠﯜﻙ ﺋﻮﻗﯘﻏﯘﭼﯩﻼﺭ، ﺑﯩﺰ ﺑﯜﮔﯜﻥ ﺑﯘ ﻳﻪﺭﮔﻪ ﺗﯜﺭﻛﯩﻴﯩﺪﻩ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﻫﺎﻟﺪﺍ ﺋﻮﻗﯘﺵ ﭘﯜﺗﺘﯜﺭﮔﻪﻥ ﺋﻮﻗﯘﻏﯘﭼﯩﻼﺭﻧﻰ ﺗﻪﺑﺮﯨﻜﻠﻪﺵ ﯞﻩ ﺋﯘﻻﺭﻏﺎ ﺋﺎﻧﺎ ﯞﻩﺗﯩﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺋﻪﺳﻠﯩﺘﯩﺶ ﻣﻪﻗﺴﯩﺘﯩﺪﻩ ﺗﻮﭘﻼﻧﺪﯗﻕ.

ﻫﻪﺭ ﻳﯩﻠﺪﯨﻜﯩﮕﻪ ﺋﻮﺧﺸﺎﺵ ﺑﯘ ﻳﯩﻠﻤﯘ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻏﺎ ﺗﯜﺭﻛﯩﻴﻪ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﯩﻐﺎ ﻗﺎﺭﺍﺷﻠﯩﻖ ﺗﯜﺭﻙ ﺩﯗﻧﻴﺎﺳﻰ ﻗﯧﺮﯨﻨﺪﺍﺷﻠﯩﺮﻯ ﺋﯩﺪﺍﺭﯨﺴﻰ ﺗﻪﺭﯨﭙﯩﺪﯨﻦ ﺋﻮﻗﯘﺵ ﭘﯜﺗﺘﯜﺭﯛﺵ ﺩﯨﭙﻠﻮﻣﻰ ﺑﯧﺮﯨﻠﺪﻯ. ﻫﻪﻣﻤﯩﯖﻼﺭﻏﺎ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﻰ 1986‏ - ﻳﯩﻠﻰ 22 ‏ - ﺋﯩﻴﯘﻥ ﻗﯘﺭﯗﻟﺪﻯ. ﯞﻩﺧﭙﯩﻤﯩﺰ، 1987 ‏ - ﻳﯩﻠﻰ ﺋﯩﻴﯘﻥ ﺋﯧﻴﯩﺪﯨﻦ ﺑﺎﺷﻼﭖ ﺗﯜﺭﻛﯩﻴﯩﻨﯩﯔ ﻫﻪﺭ ﻗﺎﻳﺴﻰ ﺷﻪﻫﻪﺭﻟﯩﺮﯨﺪﯨﻜﻰ ﺋﯘﻧﯩﯟﯦﺮﺳﯩﺘﯧﺘﻼﺭﺩﺍ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﺋﻮﻗﯘﺗﻤﺎﻗﺘﺎ. 1987 ‏ - ﻳﯩﻠﺪﯨﻦ ﻫﺎﺯﯨﺮﻏﯩﭽﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﯩﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﺗﯜﺭﻛﯩﻴﯩﺪﻩ ﺋﻮﻗﯘﻏﺎﻥ ﺋﻮﻗﯘﻏﯘﭼﯩﻼﺭﻧﯩﯔ ﺳﺎﻧﻰ 622 ﮔﻪ ﻳﻪﺗﺘﻰ. ﺑﯘﻻﺭﻧﯩﯔ ﻛﯚﭖ ﺳﺎﻧﻠﯩﻘﻰ ﺋﻮﻗﯘﺵ ﭘﯜﺗﺘﯜﺭﺩﻯ. ﺑﻪﺯﯨﻠﯩﺮﻯ ﺋﺎﺳﭙﯩﺮﺍﻧﺘﻠﯩﻖ ﯞﻩ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰ ﺋﺎﻟﺪﻯ. ﺑﯩﺰﻧﯩﯔ ﺋﻮﻗﯘﺗﻘﺎﻥ ﺋﻮﻗﯘﻏﯘﭼﯩﻠﯩﺮﯨﻤﯩﺰ ﻫﺎﺯﯨﺮ ﺋﺎﻣﯧﺮﯨﻜﺎ، ﻛﺎﻧﺎﺩﺍ ﻫﻪﺗﺘﺎ ﺧﯩﺘﺎﻱ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﻩ ﺧﯩﺰﻣﻪﺕ ﻗﯩﻠﻤﺎﻗﺘﺎ. ﺑﯩﺰﻧﯩﯔ ﻳﯧﺘﯩﺸﺘﯜﺭﮔﻪﻥ ﺋﻮﻗﯘﻏﯘﭼﯩﻠﯩﺮﯨﻤﯩﺰ ﻧﺎﻫﺎﻳﯩﺘﻰ ﺋﻪﺗﺮﺍﭘﻠﯩﻖ ﺗﻪﺭﺑﯩﻴﯩﻠﻪﻧﮕﻪﻥ ﺋﻮﻗﯘﻏﯘﭼﯩﻼﺭﺩﯗﺭ. ﺑﯩﺰﻧﯩﯔ ﺋﻮﻗﯘﻏﯘﭼﯩﻠﯩﺮﯨﻤﯩﺰ ﺑﺎﺷﻘﺎ ﺋﻮﻗﯘﻏﯘﭼﯩﻼﺭﺩﯨﻦ ﭘﻪﺭﻗﻠﯩﻘﺘﯘﺭ. ﺋﯘﻻﺭﻧﯩﯔ ﭘﻪﺭﻗﻰ ﺷﯘﻛﻰ، ﺳﯩﺰ ﺋﯘﻻﺭﺩﯨﻦ، ﺳﯩﺰ ﻛﯩﻢ؟ ﺩﻩﭖ ﺳﻮﺭﯨﺴﯩﯖﯩﺰ، ﻣﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﺩﻩﻳﺪﯗ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺩﻩﻧﯩﻴﻪﺕ ﻣﻪﺭﻛﯩﺰﯨﮕﻪ ﺋﺎﻳﻼﻧﺪﻯ. ﺑﯩﺰ ﺋﻮﻗﯘﻏﯘﭼﯩﻠﯩﺮﯨﻤﯩﺰﻏﺎ ﺑﯘ ﻳﻪﺭﺩﻩ ﺑﯩﺰﻧﯩﯔ ﺑﯜﻳﯜﻛﻠﯩﺮﯨﻤﯩﺰﻧﻰ ﺗﻮﻧﯘﺗﯩﻤﯩﺰ. ﺋﻪﻳﺴﺎ ﻳﯜﺳﯜﭖ ﺋﺎﻟﯩﭙﺘﯧﻜﯩﻦ ﻛﯩﻢ؟ ﻣﻪﻣﻪﺗﺌﯩﻤﯩﻦ ﺑﯘﻏﺮﺍ ﻛﯩﻢ؟ ﺋﻮﺳﻤﺎﻥ ﺑﺎﺗﯘﺭ ﻛﯩﻢ؟ ﻣﻪﺳﺌﯘﺩ ﺳﺎﺑﯩﺮﻯ ﺑﺎﻳﻘﯘﺯﻯ ﻛﯩﻤﺪﯗﺭ؟ ﺋﯘﻻﺭﻧﯩﯔ ﻫﺎﻳﺎﺗﺘﯩﻜﻰ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺋﻮﻗﯘﺗﯩﻤﯩﺰ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻧﻪﺩﯨﺪﯗﺭ؟ ﺩﯦﮕﻪﻧﺪﻩﻙ ﺗﻪﻟﯩﻤﺎﺗﻼﺭﻧﻰ ﺋﯚﮔﯩﺘﯩﻤﯩﺰ. ﺑﯩﺰﻧﯩﯔ ﻣﻪﺩﻩﻧﯩﻴﻪﺕ ﻣﻪﺭﻛﯩﺰﯨﺪﻩ ﺗﻪﻟﯩﻢ ﺋﺎﻟﻐﺎﻥ ﺋﻮﻗﯘﻏﯘﭼﯩﻼﺭ ﻳﺎﺧﺸﻰ ﻳﯧﺘﯩﺸﺘﯜﺭﯨﻠﯩﺪﯗ. ﺑﯩﺰﻧﯩﯔ ﺋﻮﻗﯘﺗﻘﺎﻥ ﺋﻮﻗﯘﻏﯘﭼﯩﻠﯩﺮﯨﻤﯩﺰ ﺋﺎﺭﯨﺴﯩﺪﺍ ﺋﺎﻟﯩﻤﺠﺎﻥ ﺋﯩﻨﺎﻳﻪﺗﻜﻪ ﺋﻮﺧﺸﺎﺵ ﺩﻭﻛﺘﯘﺭ، ﭘﺮﻭﻓﯧﺴﺴﻮﺭﻻﺭﻣﯘ ﻳﯧﺘﯩﺸﯩﭗ ﭼﯩﻘﺘﻰ. ﺑﯩﺰ ﺑﯘ ﺋﻮﻗﯘﻏﯘﭼﯩﻼﺭﻏﺎ ﺗﻪﺷﻪﻛﻜﯜﺭ ﺋﯧﻴﺘﯩﻤﯩﺰ ﺷﯘﻧﺪﺍﻗﻼ ﻣﯘﯞﻩﭘﭙﻪﻗﯩﻴﻪﺕ ﺗﯩﻠﻪﻳﻤﯩﺰ."