ﻳﯩﻐﯩﻨﻐﺎ ﺋﯩﺴﺘﺎﻧﺒﯘﻝ ﻣﯘﺋﺎﯞﯨﻦ ﯞﺍﻟﯩﻴﺴﻰ ﻣﯘﺳﺘﺎﻓﺎ ﺋﺎﻗﺘﺎﺵ، ﺋﯘﻳﻐﯘﺭﻻﺭﻧﯩﯔ ﺩﻭﺳﺘﻰ ﺳﻪﺭﯞﻩﺕ ﻗﺎﭘﺎﻗﻠﻰ ﻗﺎﺗﺎﺭﻟﯩﻖ ﻳﺎﺯﻏﯘﭼﻰ، ﺳﯩﻴﺎﺳﯩﻴﻮﻥ ، ﺗﻪﺗﻘﯩﻘﺎﺗﭽﻰ ﯞﻩ ﺩﯙﻟﻪﺕ ﻣﻪﻣﯘﺭﻟﯩﺮﻯ ﺑﻮﻟﯘﭖ 200 ﺩﯨﻦ ﺋﺎﺭﺗﯘﻕ ﺷﻪﺧﺲ ﻗﺎﺗﻨﺎﺷﺘﻰ.  ﻳﯩﻐﯩﻨﻐﺎ ﺩﻩﻡ ﺋﯧﻠﯩﺸﻘﺎ ﭼﯩﻘﻘﺎﻥ ﮔﯧﻨﯧﺮﺍﻝ ﻧﻪﺟﺪﺍﺕ ﺗﯧﻤﻮﺭ ﺋﻪﭘﻪﻧﺪﻯ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﺪﻯ.
 
ﻳﯩﻐﯩﻨﺪﺍ ﺗﯜﺭﻛﯩﻴﯩﻨﯩﯔ ﺳﺎﺑﯩﻖ ﺩﯙﻟﻪﺕ ﻣﯩﻨﯩﺴﺘﯩﺮﻯ ﭘﺮﻭﻓﯧﺴﺴﻮﺭ ﺩﻭﻛﺘﯘﺭ ﺋﻪﺧﻪﺕ ﺋﻪﻧﺪﯨﺠﺎﻥ 'ﺧﯩﺘﺎﻳﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎ ﺳﯩﻴﺎﺳﯩﺘﻰ' ﺗﯧﻤﯩﺪﺍ ﺳﯚﺯ ﻗﯩﻠﯩﭗ، ﺋﯘﻳﻐﯘﺭﻻﺭﻧﯩﯔ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺗﺎﺭﯨﺨﻰ ﯞﻩ ﺧﯩﺘﺎﻳﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎﻏﺎ ﻗﺎﺭﯨﺘﺎ ﻳﯜﺭﮔﯜﺯﯛﯞﺍﺗﻘﺎﻥ ﺳﯩﻴﺎﺳﻪﺗﻠﯩﺮﻯ ﻫﻪﻗﻘﯩﺪﻩ ﺳﯚﺯ ﻗﯩﻠﻐﺎﻧﺪﯨﻦ ﻛﯧﻴﯩﻦ ﺋﯘﻳﻐﯘﺭﻻﺭﻧﯩﯔ ﻫﺎﺯﯨﺮﻗﻰ ﯞﻩﺯﯨﻴﯩﺘﻰ ﯞﻩ  ﺷﻪﺭﻗﯩﻲ ﺗﯜﺭﻛﺴﯩﺘﺎﻥ ﻣﻪﺳﯩﻠﯩﺴﯩﻨﯩﯔ ﺩﯗﻧﻴﺎ ﺳﻪﻫﻨﯩﺪﯨﻜﻰ ﺋﻮﺭﻧﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ.

ﭘﺮﻭﻓﯧﺴﺴﻮﺭ ﺩﻭﻛﺘﯘﺭ ﺋﻪﺧﻪﺕ ﺋﻪﻧﺪﯨﺠﺎﻥ ﻣﯘﻧﺪﺍﻕ ﺩﯦﺪﻯ: ﺧﯩﺘﺎﻱ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﻳﻮﻗﯩﺮﻯ ﺳﻪﯞﯨﻴﯩﮕﻪ ﻛﯚﺗﯜﺭﯛﺵ ﺋﯜﭼﯜﻥ ﻫﻪﺭ ﺳﺎﻫﻪﺩﻩ ﻣﻪﺑﻠﻪﻍ ﺳﯧﻠﯩﯟﺍﺗﯩﺪﯗ، ﺑﯘ ﻫﻪﻗﺘﻪ ﻫﺎﺯﯨﺮ ﻗﺎﺯﺍﻗﯩﺴﺘﺎﻧﺪﺍ ﻛﯚﻣﯜﺭ ﺑﯩﻠﻪﻥ ﻣﺎﯕﯩﺪﯨﻐﺎﻥ ﺑﻪﻙ ﭼﻮﻙ ﺑﯩﺮ ﺗﻮﻙ ﺋﯧﻠﯧﻜﺘﯩﺮ ﻣﻪﺭﻛﯩﺰﻯ، ﻗﯩﺮﻏﯩﺰﯨﺴﺘﺎﻧﻐﺎ ﺑﯩﺮ ﺗﻮﻙ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﻗﯘﺭﯗﺵ ﺋﯜﭼﯜﻥ ﯞﻩ ﺗﯜﺭﻛﻤﻪﻧﯩﺴﺘﺎﻧﺪﺍ ﺗﻪﺑﯩﺌﯩﻰ ﮔﺎﺯ ﻣﻪﺭﻛﻪﺯﻟﯩﺮﯨﮕﻪ ﻣﻪﺑﻠﻪﻍ ﺳﯧﻠﯩﯟﺍﺗﯩﺪﯗ. ﺧﯩﺘﺎﻳﻨﯩﯔ ﺋﯘ ﻳﻪﺭﻟﻪﺭﮔﻪ ﻣﻪﺑﻠﻪﻍ ﺳﯧﻠﯩﺸﺘﯩﻜﻰ ﺋﺎﺳﺎﺳﯩﻲ ﻣﻪﻗﺴﯩﺘﻰ، ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﻰ ﺋﺎﺳﺎﺱ ﻗﯩﻠﻐﺎﻥ ﻫﺎﻟﺪﺍ ﻛﯚﺯﻟﯩﮕﻪﻥ ﺑﯩﺮ ﻣﻪﻗﺴﻪﺕ ﺑﺎﺭ، ﺋﯘ ﺑﻮﻟﺴﯩﻤﯘ ﺋﻮﺗﺘﯘﺭﺍ ﺷﻪﺭﻗﺘﯩﻦ ﻧﯧﻔﯩﺖ ﯞﻩ ﺗﻪﺑﺌﯩﻲ ﮔﺎﺯﻧﻰ ﭘﺎﻛﯩﺴﺘﺎﻥ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﺭﻗﯩﻠﯩﻖ ﻳﯚﺗﻜﻪﺷﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻳﯜﺯ ﺑﯧﺮﯨﺶ ﺋﯧﻬﺘﯩﻤﺎﻟﻰ ﺑﻮﻟﻐﺎﻥ ﺧﻪﯞﭘﺴﯩﺰﻟﯩﻜﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ. ﺧﯩﺘﺎﻳﻐﺎ ﻧﯩﺴﺒﻪﺗﻪﻥ ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﺋﻪﻟﻠﯩﺮﯨﻨﯩﯔ ﻛﻮﻧﺘﺮﻭﻟﺪﯨﻦ ﺋﯘﺯﺍﻕ ﺑﻮﻟﻐﺎﻥ ﺑﯩﺮ ﺗﯘﺭﯗﺑﺎ ﻟﯩﻨﯩﻴﯩﺴﻰ ﻗﯘﺭﯗﺵ ﯞﻩ ﺑﯘ ﺋﺎﺭﻗﯩﻠﯩﻖ ﺋﯧﻨﯧﺮﮔﯩﻴﻪ ﻳﯚﺗﻜﻪﺵ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺵ. ﺧﯩﺘﺎﻱ ﺑﯘﻧﻰ ﺋﻪﻣﻪﻟﯩﻴﯩﻠﻪﺷﺘﯘﺭﯗﺵ ﺋﯜﭼﯜﻥ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻫﺎﻟﺪﺍ ﺗﯩﺮﯨﺸﭽﺎﻧﻠﯩﻖ ﻗﯩﻠﻤﺎﻗﺘﺎ.
 
ﺋﻪﺧﻪﺕ ﺋﻪﻧﺪﯨﺠﺎﻥ ﺳﯚﺯﯨﺪﻩ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: ﺧﯩﺘﺎﻳﻨﯩﯔ ﺗﯜﺭﻙ ﺟﯘﻏﺮﺍﭘﯩﻴﯩﺴﯩﺪﯨﻜﻰ ﻣﯘﻧﺎﺳﯩﯟﻩﺗﻠﯩﺮﻯ  ﭘﻪﻗﻪﺕ ﺋﯧﻨﯧﺮﮔﯩﻴﻪ ﯞﻩ ﺋﯩﻘﺘﯩﺴﺎﺩ ﺳﺎﻫﻪﺳﯩﺪﻩ ﺋﻪﻣﻪﺱ ﺑﻪﻟﻜﻰ ﺑﯘ ﺗﯜﺭﻙ ﺟﯘﻣﻬﯘﺭﯨﻴﻪﺗﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻠﯩﺮﯨﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﻫﯩﻢ ﺑﯩﺮ ﺭﻭﻝ ﺋﻮﻳﻨﺎﻳﺪﯗ، ﺳﻮﯞﯦﺘﻠﻪﺭ ﺋﯩﺘﺘﯩﭙﺎﻗﻰ ﭘﺎﺭﭼﯩﻼﻧﻐﺎﻧﺪﯨﻦ ﻛﯧﻴﯩﻨﻼ ﺑﯘ ﺟﯘﻣﻬﯘﺭﯨﻴﻪﺗﻠﻪﺭﺩﻩ  ﺋﺎﺧﺒﺎﺭﺍﺗﻼﺭﺩﺍ ﺋﯧﻼﻥ ﻗﯩﻠﯩﻨﻐﺎﻥ ﻣﻪﻟﯘﻣﺎﺗﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ ﻗﯩﺮﻏﯩﺰﯨﺴﺘﺎﻥ ﯞﻩ ﻗﺎﺯﺍﻗﯩﺴﺘﺎﻧﺪﺍ ﻫﺎﺯﯨﺮ 400 ﻣﯩﯔ ﺋﯘﻳﻐﯘﺭ ﺗﯜﺭﻛﻠﻪﺭ ﻳﺎﺷﺎﻳﺪﯗ، ﺑﯘ ﻳﻪﺭﻟﻪﺭﺩﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﺑﯩﺮ ﻛﯜﭺ ﺑﺎﺭ، ﺧﯩﺘﺎﻱ ﺑﯘ ﺟﯘﻣﻬﯘﺭﯨﻴﻪﺗﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻠﯩﺮﯨﺪﻩ 1992 - ﻳﯩﻠﻼﺭﺩﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﯨﻨﯩﯔ ﺑﯘ ﺟﯘﻣﻬﯘﺭﯨﻴﻪﺗﻠﻪﺭﺩﻩ ﻗﯘﺭﻏﺎﻥ ﺋﯩﺠﺘﯩﻤﺎﺋﯩﻲ ﺗﻪﺷﻜﯩﻼﺗﻠﯩﺮﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﻣﻪﻗﺴﻪﺕ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ ﺧﯩﺘﺎﻱ ﺑﯩﺌﺎﺭﺍﻡ ﺑﻮﻟﺪﻯ. 1994 ‏- ﻳﯩﻠﻰ ﺧﯩﺘﺎﻳﻨﯩﯔ ﺋﯘ ﺩﻩﯞﺭﺩﯨﻜﻰ ﺑﺎﺵ ﻣﯩﻨﯩﺴﺘﯩﺮﻯ ﻟﻰ ﭘﯩﯔ ﺑﯘ ﺟﯘﻣﻬﯘﺭﯨﻴﻪﺗﻠﻪﺭﻧﻰ ﺯﯨﻴﺎﺭﻩﺕ ﻗﯩﻠﺪﻯ ﯞﻩ ﺑﯘ ﺟﯘﻣﻬﯘﺭﯨﻴﻪﺗﻠﻪﺭﮔﻪ ﺑﯩﺮ ﺷﻪﺭﺕ ﻗﻮﻳﺪﻯ، ﺋﻪﮔﻪﺭ ﺑﯩﺰ ﺑﯩﻠﻪﻥ ﺳﯩﻴﺎﺳﻰ ﯞﻩ ﺋﯩﻘﺘﯩﺴﺎﺩﻯ ﻣﯘﻧﺎﺳﯩﯟﻩﺕ ﻗﯘﺭﯗﺷﻨﻰ ﺧﺎﻟﯩﺴﯩﯖﯩﺰ، ﺑﯩﺮﯨﻨﭽﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺑﯚﻟﮕﯜﻧﭽﻰ ﻫﻪﺭﯨﻜﻪﺗﻠﻪﺭﻧﻰ ﻗﻮﻟﻠﯩﻤﺎﻳﺴﯩﻠﻪﺭ، ﺋﯩﻜﻜﯩﻨﭽﻰ ﺳﯩﻠﻪﺭﻧﯩﯔ ﺩﯙﻟﯩﺘﯩﯖﻼﺭﺩﺍ ﺑﻮﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺠﺘﯩﻤﺎﺋﯩﻲ ﺗﻪﺷﻜﯩﻼﺗﻼﺭﻧﯩﯔ ﭘﺎﺋﺎﻟﯩﻴﻪﺕ ﻗﯩﻠﯩﺸﯩﻐﺎ ﺭﯗﺧﺴﻪﺕ ﻗﯩﻠﻤﺎﻳﺴﯩﻠﻪﺭ، ﺩﻩﭖ ﺷﻪﺭﺕ ﻗﯩﻠﺪﻯ. ﻫﻪﻣﻤﯩﻤﯩﺰﮔﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ ﺧﯩﺘﺎﻱ ﻗﺎﻳﺴﻰ ﺩﯙﻟﻪﺕ ﺑﯩﻠﻪﻥ ﺩﯨﭙﻠﻮﻣﺎﺗﯩﻴﻪ ﻣﯘﻧﺎﺳﯩﯟﻩﺕ ﺋﻮﺭﻧﺎﺗﺴﺎ ﺋﺎﻟﺪﻯ ﺑﯩﻠﻪﻥ، ﺗﻪﻳﯟﻩﻥ ﺑﯩﻠﻪﻥ ﺩﯨﭙﻠﻮﻣﺎﺗﯩﻴﻪ ﻣﯘﻧﺎﺳﯩﯟﻩﺕ ﺋﻮﺭﻧﺎﺗﻤﺎﺳﻠﯩﻖ ﯞﻩ ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﻤﺎﺳﻠﯩﻘﻨﻰ ﺷﻪﺭﺕ ﻗﯩﻠﯩﺪﯗ، ﺧﯩﺘﺎﻳﻨﯩﯔ ﺗﺎﺷﻘﻰ ﺳﯩﻴﺎﺳﯩﺘﯩﺪﯨﻜﻰ ﺋﻪﯓ ﻣﯘﻫﯩﻢ ﻧﯘﻗﺘﯩﻼﺭﺩﯨﻦ ﺑﯩﺮﺳﻰ ﺑﯘ. ﺋﻮﺧﺸﺎﺵ ﺷﻪﺭﺗﻨﻰ ﺋﻮﺗﺘﯘﺭﺍ ﺋﺎﺳﯩﻴﺎ ﺗﯜﺭﻙ ﺟﯘﻣﻬﯘﺭﯨﻴﻪﺗﻠﯩﺮﯨﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯜﭼﯜﻥ ﻗﻮﻟﻼﻧﺪﻯ ﯞﻩ ﺑﯘﻧﯩﯖﺪﺍ ﻧﻪﺗﯩﺠﻪ ﻗﺎﺯﺍﻧﺪﻯ.  ﻫﻪﻗﯩﻘﻪﺗﻪﻥ، ﺗﺎﺷﻘﻰ ﺳﻪﺭﻣﺎﻳﯩﮕﻪ، ﭘﻪﻥ ‏- ﺗﯧﺨﻨﯩﻜﯩﻐﺎ ﺋﯧﻬﺘﯩﻴﺎﺟﻰ ﺑﻮﻟﻐﺎﻥ ﺗﯜﺭﻙ ﺟﯘﻣﻬﯘﺭﯨﻴﻪﺗﻠﻪﺭ ﺧﯩﺘﺎﻳﻨﯩﯔ ﺷﻪﺭﺗﻠﯩﺮﯨﻨﻰ ﻗﻮﺑﯘﻝ ﻗﯩﻠﯩﭗ ﻣﯘﻧﺎﺳﯩﯟﻩﺕ ﺋﻮﺭﻧﺎﺗﺘﻰ.

ﺋﻪﺧﻪﺕ ﺋﻪﻧﺪﯨﺠﺎﻥ ﺳﯚﺯﯨﺪﻩ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: ﺧﯩﺘﺎﻳﺪﺍ ﺟﯩﺪﺩﻯ ﺑﯩﺮ ﺳﻪﺭﻣﺎﻳﻪ ﺋﻮﺗﺘﯘﺭﯨﻐﺎ ﭼﯩﻘﯩﺸﻘﺎ ﺑﺎﺷﻠﯩﺪﻯ، ﻣﺎﯞﺯﯦﺪﯗﯓ ﺋﯚﻟﮕﻪﻧﺪﯨﻦ ﻛﯧﻴﯩﻦ ﺩﯨﯖﺸﺎﯞﭘﯩﯔ ﺋﯩﺴﯩﻤﻠﯩﻚ ﺷﻪﺧﺲ ﻫﺎﻛﯩﻤﯩﻴﻪﺗﻨﻰ ﻛﻮﻧﺘﺮﻭﻝ ﺋﺎﺳﺘﯩﻐﺎ ﺋﺎﻟﻐﺎﻧﺪﯨﻦ ﻛﯧﻴﯩﻦ ﻣﻪﺭﻛﻪﺯﺩﯨﻜﻰ ﻛﻮﻣﻤﯘﻧﯩﺴﺖ ﺳﯩﺴﺘﯧﻤﯩﻨﻰ ﺩﺍﯞﺍﻣﻼﺷﺘﯘﺭﯗﺵ ﺑﯩﻠﻪﻥ ﺑﯩﺮﮔﻪ ﺳﻪﺭﻣﺎﻳﯩﻨﯩﯔ ﺋﯩﻘﺘﯩﺴﺎﺩ ﺋﻪﺭﻛﯩﻨﻠﯩﻜﯩﻨﻰ ﺋﻪﻣﻪﻟﯩﻴﯩﻠﻪﺷﺘﯘﺭﯗﺷﻜﻪ ﺋﺎﻻﻗﯩﺪﺍﺭ ﺑﯩﺮ ﺋﯩﺶ ﭘﯩﻼﻥ ﺑﺎﺷﻠﯩﺪﻯ، ﯞﻩ ﺑﯘﻧﯩﯖﺪﯨﻦ ﻛﯚﺭﯛﻧﻪﺭﻟﯩﻚ ﻧﻪﺗﯩﺠﻪ ﻗﺎﺯﺍﻧﻐﺎﻧﻠﯩﻘﯩﻨﻰ ﺩﻩﭖ ﺋﯚﺗﯩﻤﯩﺰ، ﺋﻪﻣﻤﺎ ﺑﯘﻧﯩﯔ ﺗﻪﺑﯩﺌﯩﻰ ﻧﻪﺗﯩﺠﯩﺴﻰ ﺧﯩﺘﺎﻳﺪﺍ  ﺩﯙﻟﻪﺗﻨﯩﯔ ﻛﻮﻧﺘﺮﻭﻝ ﺳﯩﺮﺗﯩﺪﺍ ﭼﻮﯓ ﺑﯩﺮ ﺋﯩﻘﺘﯩﺴﺎﺩﻧﻰ ﻣﻪﻳﺪﺍﻧﻐﺎ ﭼﯩﻘﺎﺭﺩﻯ، ﯞﻩ ﺑﯩﺮ ﭘﯘﺭﮊﯨﺌﺎﺯﯨﻴﻪ ﺳﯩﻨﯩﭙﻰ ﺋﻮﺗﺘﯘﺭﯨﻐﺎ ﭼﯩﻘﺘﻰ. ﺑﯩﺮ ﻣﻪﺯﮔﯩﻠﺪﯨﻦ ﻛﯧﻴﯩﻦ ﺑﯘ ﺳﯩﻨﯩﭗ ﺧﯩﺘﺎﻳﻨﯩﯔ ﻫﺎﺯﯨﺮﻗﻰ ﻫﺎﻛﯩﻤﯩﻴﯩﺘﯩﻨﻰ ﻗﯩﻴﯩﻦ ﺋﻪﻫﯟﺍﻟﺪﺍ ﻗﻮﻳﯘﺷﻘﺎ ﺑﺎﺷﻼﻳﺪﯗ، ﺧﯩﺘﺎﻳﺪﺍ ﺋﺎﺳﺘﺎ ‏- ﺋﺎﺳﺘﺎ ﺩﯦﻤﻮﻛﺮﺍﺗﯩﻴﯩﻠﯩﺸﯩﺶ ﺩﻩﯞﺭﻯ ﻳﯧﺘﯩﭗ ﻛﯧﻠﯩﺪﯗ، ﺋﻪﮔﻪﺭ ﺑﯘ ﺩﯦﻤﻮﻛﺮﺍﺗﻠﯩﺸﯩﺶ ﺩﻩﯞﺭﯨﻨﻰ ﺋﻪﻣﻪﻟﯩﻴﻠﻪﺷﺘﯜﺭﻩﻟﻤﯩﺴﻪ ﺧﯩﺘﺎﻳﻨﯩﯔ ﭘﺎﺭﭼﯩﻠﯩﻨﯩﺸﻰ ﺋﻮﺗﺘﯘﺭﯨﻐﺎ ﭼﯩﻘﯩﺪﯗ، ﺧﯩﺘﺎﻱ ﭘﺎﺭﭼﯩﻠﯩﻨﯩﺪﯗ ﺩﻩﭖ ﻗﻮﻳﯘﺷﻨﻰ ﺧﺎﻟﯩﻤﺎﻳﻤﻪﻥ  ﺋﻪﻣﻤﺎ ﺧﯩﺘﺎﻳﻨﯩﯔ ﭘﺎﺭﭼﯩﻠﯩﻨﯩﺸﻘﺎ ﺳﻪﯞﻩﺏ ﺑﻮﻟﯩﺪﯨﻐﺎﻥ ﺋﺎﻣﯩﻠﻨﯩﯔ ﻧﯧﻤﻪ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﻣﯘﻧﺎﺯﯨﺮﻩ ﺋﯧﻠﯩﭗ ﺑﺎﺭﯨﻤﯩﺰ.  ﺑﯜﮔﯜﻧﻜﻰ ﻛﯜﻧﺪﻩ ﺋﺎﻣﯧﺮﯨﻜﯩﻨﯩﯔ ﺋﻪﯓ ﻛﯚﭖ ﻣﻪﺑﻠﻪﻍ ﺳﺎﻟﻐﺎﻥ ﺗﺎﺷﻘﻰ ﺩﯙﻟﻪﺕ ﺧﯩﺘﺎﻱ، ﺧﯩﺘﺎﻳﺪﺍ ﻫﺎﺯﯨﺮ ﺋﺎﻣﯧﺮﯨﻜﯩﻨﯩﯔ 3 - 2 ﺗﯩﺮﯨﻠﻴﻮﻥ ﺋﻪﺗﺮﺍﭘﯩﺪﺍ ﺋﺎﻣﯧﺮﯨﻜﺎ ﺯﺍﻳﻮﻣﻰ ﺑﺎﺭ، ﺋﺎﻣﯧﺮﯨﻜﺎ ﺑﯘ ﺳﻪﯞﻩﭘﺘﯩﻦ ﻛﻪﻟﮕﯜﺳﯩﺪﻩ ﺋﺎﺳﯩﻴﺎﺩﯨﻜﻰ ﺋﻪﻣﻪﺱ ﺑﻪﻟﻜﻰ ﺩﯗﻧﻴﺎﺩﯨﻜﻰ ﺋﺎﺳﺎﺳﻰ ﻛﯜﺭﻩﺷﻨﯩﯔ ﺧﯩﺘﺎﻱ ﺑﯩﻠﻪﻥ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﻳﺎﺧﺸﻰ ﺑﯩﻠﯩﺪﯗ، ﺷﯘﻧﯩﯔ ﺋﯜﭼﯜﻥ ﺋﺎﻣﯧﺮﯨﻜﺎ ﺋﯚﺯ ﺋﺎﻟﺪﯨﻐﺎ ﺧﯩﺘﺎﻳﻨﻰ ﻣﯘﻫﺎﺳﯩﺮﮔﻪ ﺋﯧﻠﯩﺶ ﯞﻩ ﺯﯙﺭﯛﺭ ﺗﯧﭙﯩﻠﻐﺎﻧﺪﺍ ، ﺋﻪﮔﻪﺭ ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﻯ ﺋﯘﻳﻐﯘﻧﻼﺷﺘﯘﺭﯗﺷﻰ ﺩﯗﻧﻴﺎ ﺳﯩﺴﺘﯧﻤﯩﻐﺎ ﻗﻮﺷﯘﻟﻤﯩﺴﺎ ﻳﻪﻧﻰ  ﺋﺎﻣﯧﺮﯨﻜﺎ ﯞﻩ ﺷﯘﻧﯩﯖﻐﺎ ﺋﻮﺧﺸﺎﺵ ﺩﯙﻟﻪﺗﻠﻪﺭﻧﯩﯔ ﺧﺎﻟﯩﻐﯩﻨﯩﺪﻩﻙ ﺑﯩﺮ ﺳﯧﺴﺘﯩﻤﻐﺎ ﺋﺎﻳﻼﻧﺪﯗﺭﯗﻟﻤﯩﻐﺎﻥ ﺗﻪﻗﺪﯨﺮﺩﻩ، ﺧﯩﺘﺎﻳﻨﯩﯔ ﺋﯩﭽﻜﻰ ﻣﻪﺳﯩﻠﯩﻠﯩﺮﻯ ﺋﺎﻣﯧﺮﯨﻜﺎ ﯞﻩ ﺑﺎﺷﻘﺎ ﻏﻪﺭﺏ ﺩﯙﻟﻪﺗﻠﯩﺮﻯ ﺗﻪﺭﯨﭙﯩﺪﯨﻦ ﻗﻮﻟﻠﯩﻨﯩﺸﻘﺎ ﺑﺎﺷﻼﻳﺪﯗ. ﻫﺎﺯﯨﺮﺩﯨﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺋﻮﺗﺘﯘﺭﯨﻐﺎ ﭼﯩﻘﯩﺸﻘﺎ ﺑﺎﺷﻠﯩﻐﺎﻧﻠﯩﻖ ﺑﯘﻧﯩﯔ ﺩﻩﻟﯩﻠﻰ. ﻳﻪﻧﻰ ﺩﯦﻤﻮﻛﺮﺍﺗﯩﻴﻪ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﺩﯦﮕﻪﻧﮕﻪ ﺋﻮﺧﺸﺎﺵ ﭘﯩﻼﻧﻼﺭﻧﯩﯔ ﺋﻮﺗﺘﯘﺭﯨﻐﺎ ﭼﯩﻘﯩﺸﻰ ﺑﯩﻠﻪﻥ ﺧﯩﺘﺎﻳﻨﯩﯔ ﭘﺎﺭﭼﯩﻠﯩﻨﯩﺶ ﺩﻩﯞﺭﻯ ﻳﯧﺘﯩﭗ ﻛﯧﻠﯩﺪﯗ، ﻣﻪﻥ ﺑﯘﻧﯩﯖﻐﺎ ﺋﯩﺸﯩﻨﯩﻤﻪﻥ.

ﺋﻪﺧﻪﺕ ﺋﻪﻧﺪﯨﺠﺎﻥ ﻳﻪﻧﻪ ﺗﯜﺭﻛﯩﻴﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺳﯩﻴﺎﺳﯩﺘﻰ ﻫﻪﻗﻘﯩﺪﻩ ﺳﯚﺯ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ: ﺗﯜﺭﻛﯩﻴﻪ ﺑﯘ ﻣﻪﺳﯩﻠﯩﮕﻪ ﻧﯩﺴﺒﻪﺗﻪﻥ  ﺑﯩﯟﺍﺳﺘﻪ ﺗﺎﺷﻘﻰ ﺗﯜﺭﻛﻠﻪﺭﮔﻪ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻥ ﯞﻩ ﺗﯜﺭﻛﯩﻴﻪ ﺋﯩﭽﯩﺪﻩ ﻳﺎﺷﺎﯞﺍﺗﻘﺎﻥ ﺋﯘﻻﺭﻧﯩﯔ ﯞﻩﻛﯩﻠﻠﯩﺮﯨﻨﻰ ﺋﯘﻻﺭﻧﯩﯔ ﺗﻪﺷﻜﯩﻼﺗﻠﯩﺮﯨﻐﺎ ﻳﺎﺭﺩﻩﻡ ﻗﯩﻠﯩﺶ ﯞﻩ ﺋﯘ ﻳﺎﺭﺩﻩﻡ ﺋﺎﺭﻗﯩﻠﯩﻖ ﺋﯘ ﺭﺍﻳﻮﻧﻐﺎ ﺧﯩﺰﻣﻪﺕ ﻗﯩﻠﯩﺸﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ. ﺋﯘ ﺭﺍﻳﻮﻧﺪﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﻧﻰ ﺧﻪﻟﻘﺌﺎﺭﺍ ﺳﻪﻫﻨﯩﮕﻪ ﺋﯧﻠﯩﭗ ﭼﯩﻘﯩﺶ ﯞﻩ ﺑﯘ ﻣﻪﺳﯩﻠﯩﻨﯩﯔ ﺋﺎﺭﻗﯩﺴﯩﺪﺍ ﺗﯘﺭﯗﭖ ﺗﯩﺒﻪﺕ ﻣﻪﺳﯩﻠﯩﺴﯩﮕﻪ ﺋﻮﺧﺸﺎﺵ  ﺑﯘ ﻣﻪﺳﯩﻠﯩﻨﻰ ﺧﻪﻟﻘﺌﺎﺭﺍ ﻣﻪﺳﯩﻠﯩﮕﻪ ﺋﺎﻳﻼﻧﺪﯗﺭﯗﺵ. ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻳﺎﺧﺸﻰ ﺑﯩﻠﯩﺪﯨﻐﺎﻥ ﺋﯩﻨﺴﺎﻧﻼﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺑﯩﻠﻤﻪﻳﺪﯗ. ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻫﯩﻨﺪﯨﺴﺘﺎﻥ ﯞﻩ ﺋﺎﻣﯧﺮﯨﻜﺎ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﻛﯚﯕﯜﻝ ﺑﯚﻟﯜﭖ ﻳﺎﺭﺩﻩﻡ ﻗﯩﻠﯩﭗ ﻛﻪﻟﺪﻯ ﻧﻪﺗﯩﺠﯩﺪﻩ ﺧﻪﻟﻘﺌﺎﺭﺍ ﻣﻪﺳﯩﻠﯩﮕﻪ ﺋﺎﻳﻼﻧﺪﻯ. ﺋﻪﮔﻪﺭ ﺗﯜﺭﻛﯩﻴﻪ ﺧﺎﻟﯩﺴﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﻤﯘ ﺑﯘﻧﯩﯖﻐﺎ ﺋﻮﺧﺸﺎﺵ ﺧﻪﻟﻘﺌﺎﺭﺍ ﻣﻪﺳﯩﻠﯩﮕﻪ ﺋﺎﻳﻼﻧﺪﯗﺭﺍﻻﻳﺪﯗ، ﺗﯜﺭﻛﯩﻴﻪ ﺑﯘﻧﻰ ﭼﻮﻗﯘﻡ ﺋﯩﺠﺮﺍ ﻗﯩﻠﯩﺶ ﻻﺯﯨﻢ.

ﻳﯩﻐﯩﻦ ﺋﺎﺧﯩﺮﯨﺪﺍ ﺋﯘﻳﻐﯘﺭﻻﺭ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺳﻮﺋﺎﻝ - ﺟﺎﯞﺍﭘﻠﯩﻖ ﻣﯘﻧﺎﺯﯨﺮﻩ ﺋﯧﻠﯩﭗ ﺑﯧﺮﯨﻠﺪﻯ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.