ﺑﯘ ﺋﯘﻳﻐﯘﺭ ﺳﯩﻨﯩﭙﻟﯩﺮﯨﺪﺍ ﺋﺎﺳﺎﺳﻠﯩﻘﻰ ﺋﯘﻳﻐﯘﺭ ﺗﯩﻠﻰ، ﻣﯩﻠﻠﯩﻲ ﺋﯚﺭﭖ ﺋﺎﺩﻩﺕ، ﻣﻪﺩﻩﻧﯩﻴﻪﺕ، ﺋﯩﺴﻼﻡ ﺩﯨﻨﯩﺪﯨﻦ ﻣﻪﻟﯘﻣﺎﺕ ﯞﻩ ﻗﯘﺭﺋﺎﻥ ﻛﻪﺭﯨﻢ ﺋﻮﻗﯘﺵ ﺩﻩﺭﺳﻰ ﺋﯚﺗﯜﻟﮕﻪﻥ ﺑﻮﻟﯘﭖ، ﺋﯩﻜﻜﻰ ﺋﺎﻱ ﺩﺍﯞﺍﻡ ﻗﯩﻠﻐﺎﻧﺪﯨﻦ ﻛﯧﻴﯩﻦ ﺋﻮﻗﯘﺷﻨﻰ ﺗﺎﻣﺎﻣﻠﯩﻐﺎﻥ ﺋﻮﻗﯘﻏﯘﭼﯩﻼﺭﺩﯨﻦ ﺋﯩﻤﺘﯩﻬﺎﻥ ﺋﯧﻠﯩﻨﻐﺎﻥ ﻫﻪﻣﺪﻩ ﺋﻪﻻﭼﻰ ﺑﻮﻟﻐﺎﻧﻼﺭﻧﻰ 3 ﺩﻩﺭﯨﺠﯩﮕﻪ ﺋﺎﻳﺮﯨﭗ ﻣﯘﻛﺎﭘﺎﺗﻼﺵ ﺋﻮﺭﯗﻧﻼﺷﺘﯘﺭﯗﻟﺪﻯ. ﺑﯘ ﻛﯘﺭﺳﻘﺎ ﺑﺎﺷﻼﻧﻐﯘﭺ ﻣﻪﻛﺘﻪﭖ ﺳﻪﯞﯨﻴﯩﺴﯩﺪﻩ ﺋﻮﻗﯘﯞﺍﺗﻘﺎﻥ 7 ﻳﺎﺷﺘﯩﻦ 15 ﻳﺎﺵ ﺋﺎﺭﯨﺴﯩﺪﯨﻜﻰ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﻗﺎﺗﻨﺎﺷﻘﺎﻥ ﺑﻮﻟﯘﭖ، 8 ‏ - ﺋﺎﻳﻨﯩﯔ 16 ‏ - ﻛﯜﻧﻰ ﺋﯩﺴﺘﺎﻧﺒﯘﻝ ﺷﻪﻫﺮﯨﻨﯩﯔ ﺯﻩﻳﺘﯩﻨﺒﯘﺭﻧﯘ ﺭﺍﻳﻮﻧﻠﯘﻕ ﻫﯚﻛﯜﻣﻪﺗﻨﯩﯔ ﺋﺎﻗﺪﯦﯖﯩﺰ ﻳﯩﻐﯩﻦ ﺯﺍﻟﯩﺪﺍ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﻣﯘﻛﺎﭘﺎﺗﻼﺵ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﺪﻯ. ﻣﯘﺭﺍﺳﯩﻤﻐﺎ ﺋﻮﻗﯘﻏﯘﭼﯩﻼﺭﻧﯩﯔ ﺋﺎﺗﺎ ‏ - ﺋﺎﻧﯩﻠﯩﺮﻯ ﯞﻩ ﺋﯩﺴﺘﺎﻧﺒﯘﻟﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﺩﯨﻦ ﺑﻮﻟﯘﭖ 400 ﺩﯨﻦ ﺋﺎﺭﺗﯘﻕ ﻛﯩﺸﻰ ﻗﺎﺗﻨﺎﺷﺘﻰ.

ﻣﯘﺭﺍﺳﯩﻢ، ﺋﯘﻳﻐﯘﺭ ﺳﯩﻨﯩﭙﯩﺪﺍ ﺋﻮﻗﯘﭖ ﻗﯘﺭﺋﺎﻥ ﺳﺎﯞﺍﺩﻯ ﭼﯩﻘﻘﺎﻥ ﺋﻪﺳﻪﺩﯗﻟﻼ ﺋﯩﺴﯩﻤﻠﯩﻚ ﺋﻮﻗﯘﻏﯘﭼﯩﻨﯩﯔ ﻗﯘﺭﺋﺎﻥ ﺗﯩﻼﯞﻩﺕ ﻗﯩﻠﯩﺸﻰ ﺑﯩﻠﻪﻥ ﺑﺎﺷﻼﻧﺪﻯ. ﻣﯘﺭﺍﺳﯩﻤﻐﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﺑﺎﺵ ﻛﺎﺗﯩﭙﻰ ﺩﻭﻛﺘﯘﺭ ﺋﺎﻟﯩﻤﺠﺎﻥ ﺋﺎﺗﺎﯞﯗﻟﻼ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﺪﻯ. ﻣﯘﺭﺍﺳﯩﻤﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﺑﺎﺷﻠﯩﻘﻰ ﻫﯩﺪﺍﻳﻪﺗﯘﻟﻼ ﺋﻮﻏﯘﺯﺧﺎﻥ ﺋﯧﭽﯩﻠﯩﺶ ﻧﯘﺗﯩﻘﻰ ﺳﯚﺯﻟﻪﭖ، ﻣﯩﻠﻠﻪﺗﻨﯩﯔ ﻛﻪﻟﮕﯜﺳﻰ ﺋﯩﺰ ﺑﺎﺳﺎﺭﻟﯩﺮﻯ ﺑﻮﻟﻐﺎﻥ ﺋﻪﯞﻻﺩﻻﺭ ﺋﯜﭼﯜﻥ ﻣﺎﺋﺎﺭﯨﭗ ﯞﻩ ﺗﻪﻟﯩﻢ ﺗﻪﺭﺑﯩﻴﻪ ﺋﯧﻠﯩﺸﻨﯩﯔ ﻧﺎﻫﺎﻳﯩﺘﻰ ﻣﯘﻫﯩﻢ ﺋﯩﻜﻪﻧﻠﯩﻜﻰ ﺷﯘﻧﺪﺍﻗﻼ ﺑﯩﻠﯩﻤﻠﯩﻚ ﺋﯩﻨﺴﺎﻧﻼﺭ ﺑﯩﻠﻪﻥ ﺑﯩﻠﯩﻤﺴﯩﺰ ﺋﯩﻨﺴﺎﻧﻼﺭﻧﯩﯔ ﺋﻮﺧﺸﺎﺵ ﺋﻪﻣﻪﺳﻠﯩﻜﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ.

 ﻣﯘﺭﺍﺳﯩﻤﺪﺍ ﻳﻪﻧﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﺑﺎﺷﻠﯩﻘﻰ ﺋﺎﺑﻠﯩﻜﯩﻤﺨﺎﻥ ﻣﻪﺧﺴﯘﻡ ﺳﯚﺯ ﻗﯩﻠﯩﭗ، ﺋﯩﻠﯩﻢ ﺗﻪﻫﺴﯩﻞ ﻗﯩﻠﯩﺸﻨﯩﯔ ﺋﻪﻫﻤﯩﻴﯩﺘﻰ ﯞﻩ ﺋﯩﻠﯩﻢ ﺗﻪﻫﺴﯩﻞ ﻗﯩﻠﯩﺸﻘﺎ ﻣﺎﺩﺩﻯ ﯞﻩ ﻣﻪﻧﯩﯟﯨﻲ ﺟﻪﻫﻪﺗﺘﯩﻦ ﻗﻮﻟﻼﭖ ﻗﯘﯞﯞﻩﺗﻠﯩﮕﻪﻥ ﻣﻪﺭﯨﭙﻪﺗﭙﻪﺭﯞﻩﺭ، ﺗﯚﻫﭙﯩﻜﺎﺭ ﺷﻪﺧﺴﻠﻪﺭ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ ﺷﯘﻧﺪﺍﻗﻼ ﺑﯘ ﻗﯧﺘﯩﻤﻘﻰ ﻛﯘﺭﺳﺘﺎ ﺋﻮﻗﯘﻏﺎﻥ ﺋﻮﻗﯘﻏﯘﭼﯩﻼﺭ ﯞﻩ ﺩﻩﺭﺱ ﺋﯚﮔﻪﺗﻜﻪﻥ ﺋﻮﻗﯘﺗﻘﯘﭼﯩﻼﺭﻏﺎ ﺗﻪﺷﻪﻛﻜﯜﺭ ﺋﯧﻴﺘﺘﻰ ﻫﻪﻡ ﺋﯘﻻﺭﻧﻰ ﺗﻪﺑﺮﯨﻜﻠﯩﺪﻯ.
 
ﺋﺎﺑﻠﯩﻜﯩﻤﺨﺎﻥ ﻣﻪﺧﺴﯘﻡ ﺳﯚﺯﯨﺪﻩ ﻳﻪﻧﻪ، ﺋﯚﺳﻤﯜﺭ ﺑﺎﻟﯩﻼﺭﻧﯩﯔ ﺋﺎﺗﺎ ‏ - ﺋﺎﻧﯩﻠﯩﺮﯨﻐﺎ ﭘﻪﺭﺯﻩﻧﺘﻠﯩﺮﯨﻨﻰ ﻳﺎﺧﺸﻰ ﺋﻮﻗﯘﺗﯘﺷﯩﻨﻰ ﺗﻪﯞﺳﯩﻴﻪ ﻗﯩﻠﺪﻯ، ﺷﯘﻧﺪﺍﻗﻼ، ﻳﺎﺧﺸﻰ ﺋﻮﻗﯘﻏﺎﻥ ﭘﻪﺭﺯﻩﻧﺘﻠﻪﺭﻧﯩﯔ ﺋﺎﺭﯨﺴﯩﺪﯨﻦ ﻣﯩﻠﻠﻪﺗﻨﻰ ﻳﯧﺘﻪﻛﻠﻪﻳﺪﯨﻐﺎﻥ ﺩﺍﻫﯩﻴﻼﺭﻧﯩﯔ ﭼﯩﻘﯩﺸﯩﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻣﯘﺭﺍﺳﯩﻤﺪﺍ ﺋﯚﺳﻤﯜﺭ ﺑﺎﻟﯩﻼﺭ ﺋﺎﺑﺪﯗﺭﯦﻬﯩﻢ ﺋﯚﺗﻜﯜﺭﻧﯩﯔ 'ﺋﯩﺰ'، ﺋﺎﺑﺪﯗﺧﺎﻟﯩﻖ ﺋﯘﻳﻐﯘﺭﻧﯩﯔ 'ﺋﻮﻳﻐﺎﻥ' ﻧﺎﻣﻠﯩﻖ ﺷﯧﺌﯩﺮﻟﯩﺮﯨﻨﻰ ﺟﺎﺭﺍﯕﻠﯩﻖ ﺩﯦﻜﻼﻣﺎﺗﺴﯩﻴﻪ ﻗﯩﻠﺪﻯ، ﻛﯧﻴﯩﻦ ﺑﺎﺷﻘﺎ ﺑﯩﺮ ﮔﯘﺭﯗﭘﭙﺎ ﺋﻮﻗﯘﻏﯘﭼﯩﻼﺭ 'ﮔﯜﺯﻩﻝ ﺗﯜﺭﻛﯩﺴﺘﺎﻥ' ﻧﺎﻣﻠﯩﻖ ﻧﺎﺧﺸﺎ ﺋﻮﻗﯘﺩﻯ، ﺋﻮﻗﯘﻏﯘﭼﯩﻼﺭ ﺗﻪﺭﯨﭙﯩﺪﯨﻦ ﺗﻪﻗﺪﯨﻢ ﻗﯩﻠﯩﻨﻐﺎﻥ ' ﺋﯜﺭﯛﻣﭽﻰ ﯞﻩﻗﻪﺳﻰ ﯞﻩ ﺧﯩﺘﺎﻳﻨﯩﯔ ﺯﯗﻟﯘﻡ ‏ - ﺋﯩﺴﻜﻪﻧﺠﯩﻠﯩﺮﻯ ﺗﻪﺳﯟﯨﺮﻟﻪﻧﮕﻪﻥ ' ﺋﯩﺘﻮﺕ ﻛﯩﺸﯩﻠﻪﺭﻧﻰ ﺑﻪﻙ ﺗﻪﺳﯩﺮﻟﻪﻧﺪﯛﺭﺩﻯ.

ﻣﯘﺭﺍﺳﯩﻢ ﺋﺎﺧﯩﺮﯨﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﻣﻪﺳﺌﯘﻟﻠﯩﺮﻯ ﺋﻮﻗﯘﻏﯘﭼﯩﻼﺭﻏﺎ ﻣﯘﻛﺎﭘﺎﺕ ﺑﻮﻳﯘﻣﻠﯩﺮﻯ ﺗﺎﺭﻗﺎﺗﺘﻰ. ﺑﯩﺮﯨﻨﭽﻰ ﺩﻩﺭﯨﺠﯩﻠﯩﻚ ﻣﯘﻛﺎﭘﺎﺗﻘﺎ ﺋﯧﺮﯨﺸﻜﻪﻥ 2 ﺋﻮﻗﯘﻏﯘﭼﻰ ﺑﯩﺮ ﺗﺎﻟﺪﯨﻦ ﺗﯜﺭﻛﯩﻴﻪ ﻳﯧﺮﯨﻢ ﺟﯘﻣﻬﯘﺭﯨﻴﻪﺕ ﺋﺎﻟﺘﯘﻧﻰ، ﺋﯩﻜﻜﯩﻨﭽﻰ ﺩﻩﺭﯨﺠﯩﻠﯩﻚ ﻣﯘﻛﺎﭘﺎﺗﻘﺎ ﺋﯧﺮﯨﺸﻜﻪﻧﻠﻪﺭ ﭼﺎﺭﻩﻙ ﺟﯘﻣﻬﯘﺭﯨﻴﻪﺕ ﺋﺎﻟﺘﯘﻧﻰ، 3 - ﺩﻩﺭﯨﺠﯩﻠﯩﻚ ﻣﯘﻛﺎﭘﺎﺗﻘﺎ ﺋﯧﺮﯨﺸﻜﻪﻧﻠﻪﺭ ﺑﯩﺮ ﺗﺎﻟﺪﯨﻦ ﻗﻮﻝ ﺳﻮﻣﻜﯩﺴﻰ ﯞﻩ ﻣﺎﺩﺩﻯ ﺋﻪﺷﻴﺎﻻﺭ ﺑﯩﻠﻪﻥ ﻣﯘﻛﺎﭘﺎﺗﻼﻧﺪﻯ. ﺋﺎﺧﯩﺮﯨﺪﺍ ﻛﯘﺭﺳﻘﺎ ﻗﺎﺗﻨﺎﺷﻘﺎﻥ ﺑﺎﺭﻟﯩﻖ ﺋﻮﻗﯘﻏﯘﭼﯩﻼﺭﻏﺎ ﻗﻮﻝ ﺳﻮﻣﻜﯩﺴﻰ ﻣﯘﻛﺎﭘﺎﺕ ﺑﯧﺮﯨﻠﺪﻯ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.