ﻳﯩﻐﯩﻨﻐﺎ ﺗﯜﺭﻛﯩﻴﯩﻨﯩﯔ ﺳﺎﺑﯩﻖ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻯ ﻫﻪﺳﻪﻥ ﺟﺎﻻﻝ ﺋﻪﭘﻪﻧﺪﻯ، ﺯﻩﻳﺘﯩﻨﺒﯘﺭﻧﯘﻧﯩﯔ ﻣﯘﺋﺎﯞﯨﻦ ﺷﻪﻫﻪﺭ ﺑﺎﺷﻠﯩﻘﻰ ﺋﯩﻠﻴﺎﺱ ﺳﺎﻛﺎ، ﺯﻩﻳﺘﯩﻨﺒﯘﺭﻧﯘ ﻫﺎﻛﯩﻤﻰ ﻣﯘﺳﺘﺎﻓﺎ ﺩﯗﻧﺪﺍﺭ، ﻳﯧﯖﯩﭽﺎﻍ ﮔﯧﺰﯨﺘﯩﻨﯩﯔ ﺋﺎﺧﺒﺎﺭﺍﺗﭽﯩﺴﻰ ﺋﺎﺭﺳﻼﻥ ﺑﯘﻟﯘﺕ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ ﺑﺎﺷﻠﯩﻘﻰ ﺋﯩﺴﻤﺎﺋﯩﻞ ﭼﯩﻨﮕﯩﺰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﺎﺷﻼﺭ ﺗﻪﺷﻜﯩﻼﺗﻰ ﺑﺎﺷﻠﯩﻘﻰ ﺗﯩﺒﻪﺕ ﻳﯜﺟﻪﺗﯜﺭﻙ، ﺋﯩﺴﺘﺎﻧﺒﯘﻝ ﺋﯘﻧﯩﯟﯦﺮﯨﺴﺘﯧﺘﯩﻨﯩﯔ ﺋﻮﻗﯘﺗﻘﯘﭼﯩﺴﻰ ﻓﻪﺗﻬﻰ ﺋﻪﺧﻤﻪﺕ ﯞﻩ ﺋﯩﺴﺘﺎﻧﺒﯘﻟﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ، ﻗﺎﺯﺍﻗﻼﺭﺩﯨﻦ ﺑﻮﻟﯘﭖ ﻛﯚﭖ ﺳﺎﻧﺪﺍ ﻛﯩﺸﻰ ﻗﺎﺗﻨﺎﺷﺘﻰ.
ﻳﯩﻐﯩﻦ ﺷﯧﻬﯩﺪﻟﻪﺭﮔﻪ ﻫﯚﺭﻣﻪﺕ ﺑﯩﻠﺪﯛﺭﯛﭖ ﺑﯩﺮ ﻣﯩﻨﯘﺗﻠﯘﻕ ﺳﯜﻛﯜﺗﺘﻪ ﺗﯘﺭﯗﺵ ﯞﻩ ﺋﯩﺴﺘﯩﻘﻼﻝ ﻣﺎﺭﺷﻰ ﺋﻮﻗﯘﺵ ﺑﯩﻠﻪﻥ ﺑﺎﺷﻼﻧﺪﻯ. ﻳﯩﻐﯩﻨﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻛﯚﭼﻤﻪﻧﻠﻪﺭ ﺟﻪﻣﺌﯩﻴﯩﺘﯩﻨﯩﯔ ﺑﺎﺷﻠﯩﻘﻰ ﻳﺎﻗﯘﭘﺠﺎﻥ ﺋﯧﭽﯩﻠﯩﺶ ﻧﯘﺗﯩﻘﻰ ﺳﯚﺯﻟﯩﺪﻯ. ﻳﯩﻐﯩﻨﻐﺎ ﺋﯩﺴﺘﺎﻧﺒﯘﻝ ﺋﯘﻧﯩﯟﯦﺮﯨﺴﺘﯧﺘﯩﻨﯩﯔ ﺋﻮﻗﯘﺗﻘﯘﭼﯩﺴﻰ ﭘﺮﻭﻓﯧﺴﺴﻮﺭ ﺩﻭﻛﺘﯘﺭ ﺋﺎﺑﺪﯗﻗﺎﺩﯨﺮ ﺩﻭﻧﯘﻙ ﺋﻪﭘﻪﻧﺪﻯ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﺪﻯ. ﻳﯩﻐﯩﻨﺪﺍ ﻳﯧﯖﯩﭽﺎﻍ ﮔﯧﺰﯨﺘﯩﻨﯩﯔ ﺋﺎﺧﺒﺎﺭﺍﺗﭽﯩﺴﻰ ﺋﺎﺭﺳﻼﻥ ﺑﯘﻟﯘﺕ، " ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﯞﻩﻗﻪﻟﻪﺭ ﯞﻩ ﺋﯘﻧﯩﯔ ﺩﯗﻧﻴﺎﺩﯨﻜﻰ ﺗﻪﺳﯩﺮﻯ " ﺗﯧﻤﯩﺴﯩﺪﺍ، ﺗﯜﺭﻛﯩﻴﯩﻨﯩﯔ ﺳﺎﺑﯩﻖ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻯ ﻫﻪﺳﻪﻥ ﺟﺎﻻﻝ ﺋﻪﭘﻪﻧﺪﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﯞﻩ ﺋﯘﻧﯩﯔ ﻫﻪﻝ ﺑﻮﻟﯘﺵ ﻳﻮﻟﻠﯩﺮﻯ ﺩﯦﮕﻪﻥ ﺗﯧﻤﯩﺪﺍ ﺳﯚﺯ ﻗﯩﻠﺪﻯ.

ﺗﯜﺭﻛﯩﻴﯩﻨﯩﯔ ﺳﺎﺑﯩﻖ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻯ ﻫﻪﺳﻪﻥ ﺟﺎﻻﻝ ﺋﻪﭘﻪﻧﺪﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﻫﻪﻝ ﺑﻮﻟﯘﺵ ﻳﻮﻟﻠﯩﺮﻯ ﻫﻪﻗﻘﯩﺪﻩ ﺳﯚﺯ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ: ﺷﻪﺭﻗﯩﻲ ﺗﯜﺭﻛﺴﯩﺘﺎﻥ ﻣﻪﺳﯩﻠﯩﺴﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻞ ﺑﻮﻟﻤﯩﻐﯩﭽﻪ ﻫﻪﻝ ﺑﻮﻟﻤﺎﻳﺪﯗ، ﺑﯘﻧﯩﯔ ﺋﯜﭼﯜﻥ ﻣﯘﺟﺎﺩﯨﻠﻪ ﻗﯩﻠﯩﺶ، ﺑﯘﻧﻰ ﻧﯩﺸﺎﻥ ﻗﯩﻠﯩﭗ ﻫﻪﺭﯨﻜﻪﺕ ﻗﯩﻠﯩﺶ ﻻﺯﯨﻢ، ﺋﻪﻣﻤﺎ ﺑﯘ ﺑﯩﺮﺍﻗﻼ ﯞﯗﺟﯘﺗﻘﺎ ﭼﯩﻘﯩﺪﯨﻐﺎﻥ ﺑﯩﺮ ﻧﯩﺸﺎﻥ ﺑﻮﻟﻤﯩﻐﺎﻧﻠﯩﻘﻰ ﺋﯜﭼﯜﻥ ﻫﻪﺭ ﺧﯩﻞ ﺑﺎﺳﻘﯘﭼﻼﺭ ﺑﻮﻳﯩﭽﻪ ﻳﻮﻝ ﺗﯘﺗﯘﺵ ﻻﺯﯨﻢ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﺎﭘﺘﻮﻧﻮﻣﯩﻴﻪ ﻫﻮﻗﯘﻗﯩﻨﻰ ﻣﻪﺩﻩﻧﯩﻲ ﺑﯩﺮ ﺷﻪﻛﯩﻠﺪﻩ ﺋﯩﺠﺮﺍ ﻗﯩﻠﯩﺶ ﻻﺯﯨﻢ. ﺧﯩﺘﺎﻱ ﺩﯦﻤﻮﻛﺮﺍﺗﻠﯩﺸﯩﺸﻰ ﻻﺯﯨﻢ، ﺧﯩﺘﺎﻱ ﺑﯘﻧﭽﯩﯟﺍﻻ ﺳﻪﺭﻣﺎﻳﯩﮕﻪ ﺋﯩﮕﻪ ﺑﻮﻟﻐﺎﻥ ﯞﻩ ﺋﯩﻘﺘﯩﺴﺎﺩﻯ ﺟﻪﻫﻪﺗﺘﯩﻦ ﻛﺎﭘﯩﺘﺎﻟﯩﺰﻡ ﻳﻮﻟﯩﻐﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ، ﻣﯘﺳﺘﻪﺑﯩﺖ ﯞﻩ ﺩﯨﻜﺘﺎﺗﯘﺭﻟﯘﻕ ﺗﯜﺯﯛﻡ ﺑﯩﺮ ﻳﯧﺮﯨﻢ ﻣﯩﻠﻴﺎﺭﺩ ﻧﻮﭘﯘﺱ ﯞﻩ 8 ﻣﯩﻠﻴﻮﻥ ﻳﻪﺭ ﻛﯚﻟﯩﻤﯩﮕﻪ ﺋﯩﮕﻪ ﺑﯩﺮ ﻛﯜﭼﻨﻰ ﻛﻮﻧﺘﺮﻭﻝ ﻗﯩﻠﯩﭗ ﺋﯩﺪﺍﺭﻩ ﻗﯩﻼﻟﯩﺸﻰ ﻣﯘﻣﻜﯩﻦ ﺋﻪﻣﻪﺱ. ﺑﯘ ﻫﻪﻗﺘﻪ ﺧﯩﺘﺎﻳﻼﺭﻣﯘ ﺩﯙﻟﯩﺘﯩﻨﻰ ﻗﯘﻻﻱ ﺋﯩﺪﺍﺭﻩ ﻗﯩﻼﻟﯩﺸﻰ ﯞﻩ ﺋﯚﺯﻟﯩﺮﯨﻨﯩﯔ ﺗﯧﺨﯩﻤﯘ ﺧﯘﺷﺎﻝ، ﭘﺎﺭﺍﯞﺍﻥ ﻳﺎﺷﯩﺸﻰ ﺋﯜﭼﯜﻥ ﺩﯦﻤﻮﻛﺮﺍﺗﯩﻴﯩﮕﻪ ﻳﯜﺯﻟﯩﻨﯩﺸﻰ ﻻﺯﯨﻢ. ﺧﯩﺘﺎﻳﺪﺍ ﺩﯦﻤﻮﻛﺮﺍﺗﯩﻴﻪ ﻣﯘﺗﻠﻪﻕ ﻗﯘﺭﯗﻟﯩﺪﯗ، ﺧﯩﺘﺎﻱ ﺩﯦﻤﻮﻛﺮﺍﺗﯩﻴﻪ ﻗﺎﻧﯘﻥ ﺑﻮﻳﯩﭽﻪ ﺋﯩﺪﺍﺭﻩ ﻗﯩﻠﯩﻨﺴﺎ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺯﯗﻟﯘﻡ ﺋﻮﺧﺸﺎﺵ ﺷﻪﻛﯩﻠﺪﻩ ﺩﺍﯞﺍﻡ ﻗﯩﻼﻟﻤﺎﻳﺪﯗ.

ﻫﻪﺳﻪﻥ ﺟﺎﻻﻝ ﺋﻪﭘﻪﻧﺪﻯ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: ﺗﯜﺭﻛﯩﻴﯩﻨﯩﯔ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻠﯩﺮﻯ ﺋﺎﻣﯧﺮﯨﻜﺎ ﻣﻪﻧﭙﻪﺋﻪﺗﯩﻨﻰ ﺋﺎﺳﺎﺱ ﻗﯩﻠﻐﺎﻥ ﻫﺎﻟﺪﺍ ﺩﺍﯞﺍﻡ ﻗﯩﻠﯩﯟﺍﺗﯩﺪﯗ، ﺋﻪﻣﻤﺎ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺩﯗﻧﻴﺎﺩﯨﻜﻰ ﻳﺎﻟﻐﯘﺯ ﻛﯜﭺ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﺪﻩ ﺗﯜﺭﻛﯩﻴﯩﮕﻪ ﻗﺎﺭﯨﻐﺎﻧﺪﺍ ﺗﯧﺨﯩﻤﯘ ﺋﯘﭼﯘﻕ ﯞﻩ ﺋﻪﺭﻛﯩﻦ ﻫﻪﺭﯨﻜﻪﺕ ﻗﯩﻠﯩﯟﺍﺗﯩﺪﯗ. ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﺎﺳﺎﺱ ﻗﯩﻠﯩﭗ ﺗﯘﺭﯗﭖ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻫﻪﺭﯨﻜﻪﺕ ‏ - ﭘﺮﻭﮔﺮﺍﻣﻤﯩﻠﯩﺮﯨﻨﻰ ﺗﯜﺭﻛﯩﻴﻪ ﺑﯩﻠﻪﻥ ﺋﻮﺭﺗﺎﻗﻠﯩﺸﯩﭗ ﺋﯧﻠﯩﭗ ﺑﺎﺭﺍﻻﻳﺪﯗ ﯞﻩ ﻳﺎﻛﻰ ﺑﯘ ﻫﻪﻗﺘﻪ ﻛﯧﻠﯩﺸﯩﻢ ﺗﯜﺯﯛﭖ ﺑﯩﺮﻟﯩﻜﺘﻪ ﻫﻪﺭﯨﻜﻪﺕ ﻗﯩﻼﻻﻳﺪﯗ.

ﻫﻪﺳﻪﻥ ﺟﺎﻻﻝ ﺋﻪﭘﻪﻧﺪﻯ ﺳﯚﺯﯨﺪﻩ ﻳﻪﻧﻪ، ﺗﯜﺭﻛﯩﻴﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻧﯩﺴﺒﻪﺗﻪﻥ ﺟﯩﺪﺩﯨﻲ ﺑﯩﺮ ﺳﯩﻴﺎﺳﯩﺘﻰ ﺑﻮﻟﯘﺷﻰ ﻛﯧﺮﻩﻛﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ ﻣﯘﻧﺪﺍﻕ ﺩﯦﺪﻯ: ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﺪﻩ ﺗﯜﺭﻛﯩﻴﯩﻨﯩﯔ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺑﯩﺮ ﻛﯚﺯ ﻗﺎﺭﯨﺸﻰ ﺑﻮﻟﯘﺷﻰ ﻻﺯﯨﻢ. ﺑﯩﺰ ﺑﯘ ﻫﻪﻗﺘﻪ ﭼﻮﻗﯘﻡ ﻣﯩﻠﻠﯩﻲ ﺑﯩﺮ ﻛﯚﺯ ﻗﺎﺭﺍﺷﻘﺎ ﺋﯩﮕﻪ ﺑﻮﻟﯘﺷﯩﻤﯩﺰ ﻻﺯﯨﻢ. ﺑﯘ ﻛﯚﺯ ﻗﺎﺭﺍﺵ ﭘﻪﻗﻪﺕ ﺋﯩﺪﯦﺌﻮﻟﻮﮔﯩﻴﻪ ﯞﻩ ﻫﯧﺲ ‏ - ﺗﻮﻳﻐﯘﻟﯘﻕ ﻛﯚﺯ ﻗﺎﺭﺍﺵ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﺟﯩﺪﺩﯨﻲ ﺷﻪﻛﯩﻠﺪﻩ ﻫﻪﺭﯨﻜﻪﺗﭽﺎﻥ ﺑﯩﺮ ﻛﯚﺯ ﻗﺎﺭﺍﺵ ﺑﻮﻟﯘﺷﻰ ﻻﺯﯨﻢ. ﭼﯜﻧﻜﻰ ﻛﻪﻟﮕﯜﺳﯩﺪﻩ، ﺋﯘﺯﯗﻥ ﺯﺍﻣﺎﻥ ﺳﯜﺭﻣﯩﮕﻪﻥ ﺑﯩﺮ ﯞﺍﻗﯩﺖ ﺋﯩﭽﯩﺪﻩ ﻣﯘﺳﺘﻪﻗﯩﻠﻠﯩﻜﻜﻪ ﺋﯧﺮﯨﺸﻜﻪﻥ ﺑﯩﺮ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺗﯜﺭﻛﯩﻴﻪ ﯞﻩ ﺗﯜﺭﻙ ﺩﯗﻧﻴﺎﺳﻰ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻠﯩﺮﻯ ﺑﯩﺰﮔﻪ ﻛﻪﯓ ﺗﯜﺭﺩﻩ ﻣﻪﻧﭙﻪﺋﻪﺕ ﺋﯧﻠﯩﭗ ﻛﯧﻠﯩﺪﯗ، ﯞﺍﻫﺎﻟﻪﻧﻜﻰ ﭘﺎﻳﺪﺍ ‏ - ﻣﻪﻧﭙﻪﺋﻪﺕ ﺋﯧﻠﯩﭗ ﻛﻪﻟﻤﯩﮕﻪﻥ ﺗﻪﻗﺪﯨﺮﺩﻩ، ﺑﯩﺰﮔﻪ ﺑﯩﺮ ﻳﯜﺭﯛﺵ ﺯﯨﻴﺎﻥ ﺋﯧﻠﯩﭗ ﻛﻪﻟﮕﻪﻥ ﺗﻪﻗﺪﯨﺮﺩﯨﻤﯘ،ﺑﯩﺰ ﻣﯩﻠﻠﯩﻲ ﺑﯩﺮ ﺩﯙﻟﻪﺕ ﺑﻮﻟﯘﺵ ﺳﯜﭘﯩﺘﯩﻤﯩﺰ ﺑﯩﻠﻪﻥ ﺋﯘ ﺯﯨﻴﺎﻧﻨﻰ ﺗﯚﻟﻪﺷﻨﻰ ﻛﯚﺯ ﺋﺎﻟﺪﯨﻤﯩﺰﻏﺎ ﻗﻮﻳﯘﺷﯩﻤﯩﺰ ﻻﺯﯨﻢ، ﺑﺎﺷﻘﺎ ﺋﺎﻣﺎﻝ ﻳﻮﻕ. ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﯞﻩ ﺑﺎﺵ ﻣﯩﻨﯩﺴﺘﯩﺮﯨﻤﯩﺰ ﻳﯧﻘﯩﻨﺪﯨﻦ ﺑﯩﺮﻯ ﺧﯩﺘﺎﻱ ﻫﻪﻗﻘﯩﺪﻩ ﺋﻮﭼﯘﻕ ﺑﯩﺮ ﺑﺎﻳﺎﻧﺎﺗﻼﺭ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﻣﻪﻥ ﺑﯘ ﻫﻪﻗﺘﻪ ﺷﯘﻧﻰ ﺋﻮﻳﻼﻳﻤﻪﻧﻜﻰ، ﺗﯜﺭﻛﯩﻴﻪ ﺑﯩﺮ ﻳﯜﺭﯛﺵ ﺋﯩﻘﺘﯩﺴﺎﺩﻯ ﻣﻪﻧﭙﻪﺋﻪﺗﻠﻪﺭﻧﻰ ﻛﯚﺯﺩﻩ ﺗﯘﺗﯘﭖ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺋﯘﻧﯘﺗﻤﺎﻳﺪﯗ، ﺗﯜﺭﻛﯩﻴﻪ ﺑﯘ ﻫﻪﻗﺘﻪ ﻣﻪﺳﯩﻠﻪ ﺗﯘﻏﺪﯗﺭﯨﺪﯗ، ﺩﯦﮕﻪﻧﺪﻩﻙ ﭘﯩﻜﯩﺮ ‏ - ﻗﺎﺭﺍﺷﻼﺭ ﺋﻮﺭﯗﻧﻠﯩﺸﯩﺸﻰ ﻻﺯﯨﻢ. ﻣﻪﻥ ﺑﯘ ﭼﯜﺷﻪﻧﭽﯩﻨﯩﯔ ﺋﯩﻠﮕﯩﺮﻯ ﺳﯜﺭﯛﯞﺍﺗﻘﺎﻧﻠﯩﻘﯩﻨﻰ ﻛﯚﺭﯛﯞﺍﺗﯩﻤﻪﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻧﻪﺩﻩ، ﺗﯜﺭﻛﯩﻴﻪ ﻗﻪﻳﻪﺭﺩﻩ ﺩﯦﻤﻪﺳﻠﯩﻚ ﻻﺯﯨﻢ، ﺩﯗﻧﻴﺎ ﻛﯩﭽﯩﻜﻠﯩﺪﻯ، ﺗﯜﺭﻛﯩﻴﻪ ﺗﺎﺷﻘﻰ ﺳﯩﻴﺎﺳﻪﺗﻠﻪﺭﺩﻩ ﻛﯜﭼﯩﻴﯩﺸﻜﻪ ﺑﺎﺷﻠﯩﺪﻯ. ﺑﯘ ﺋﯩﺶ ﺑﯩﺮ ﻗﺎﻧﭽﻪ ﻳﯩﻞ ﺋﯩﭽﯩﺪﻩ ﺑﻮﻟﯩﺪﯨﻐﺎﻥ ﺋﯩﺶ ﺩﻩﭖ ﭼﯜﺷﻪﻧﻤﻪﺳﻠﯩﻚ ﻻﺯﯨﻢ ﺑﯘ ﺋﯘﺯﯗﻥ ﻣﯘﺩﺩﻩﺗﻠﯩﻚ ﺑﯩﺮ ﺋﯩﺶ.

ﻫﻪﺳﻪﻥ ﺟﺎﻻﻝ ﺋﻪﭘﻪﻧﺪﻯ ﺳﯚﺯﯨﺪﻩ ﻳﻪﻧﻪ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺗﺎﺭﯨﺨﺘﺎ ﺑﯩﺮ ﻗﺎﻧﭽﻪ ﻗﯧﺘﯩﻢ ﻣﯘﺳﺘﻪﻗﯩﻞ ﺩﯙﻟﻪﺕ ﻗﯘﺭﯗﻟﻐﺎﻧﻠﯩﻘﻰ ﯞﻩ ﺑﯘﻧﯩﯖﺪﯨﻦ ﻛﯧﻴﯩﻨﻤﯘ ﻣﯘﺳﺘﻪﻗﯩﻞ ﺑﻮﻟﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: ﻗﺎﺭﺍﻳﺪﯨﻐﺎﻥ ﺑﻮﻟﺴﺎ، ﺋﺎﺑﺪﯗﻟﺌﻪﺯﯨﺰﺧﺎﻧﻨﯩﯔ ﻧﺎﻣﯩﺪﺍ ﻳﺎﻗﯘﭖ ﺑﻪﮒ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺧﯘﺗﺒﻪ ﺋﻮﻗﯘﺗﻘﺎﻧﺪﯨﻦ ﻛﯧﻴﯩﻦ 1878 - ﻳﯩﻠﻰ ﺋﯩﺸﻐﺎﻝ ﺋﺎﺳﺘﯩﺪﺍ ﻗﺎﻟﺪﻯ. ﻛﯧﻴﯩﻦ 60 ﻳﯩﻞ ﺧﻮﺗﻪﻥ، ﻗﻪﺷﻘﻪﺭ، ﻳﻪﻛﻪﻥ، ﺗﯘﺭﭘﺎﻧﺪﺍ ﯞﻩ ﻧﯘﺭﻏﯘﻥ ﻳﻪﺭﻟﻪﺭﺩﻩ ﻛﯚﺭﻩﺵ ﻗﯩﻠﯩﻨﺪﻯ ﯞﻩ 1933 - ﻳﯩﻠﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﺪﻯ، ﻛﯧﻴﯩﻦ ﻳﻪﻧﻪ 1944 - ﻳﯩﻠﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﺪﻯ. ﻳﻪﻧﻰ ﺋﻪﺳﻠﯩﺪﻩ ﺑﯘ، ﺑﯩﺮ ﺑﯚﻟﯜﻙ ﻛﯩﺸﯩﻠﻪﺭﻧﯩﯔ ﺗﯘﺭﯗﭖ ‏ - ﺗﯘﺭﯗﭖ ﻣﯘﺳﺘﻪﻗﯩﻠﻠﯩﻘﻨﻰ ﺋﯧﻼﻥ ﻗﯩﻠﯩﺶ ﺗﻪﻟﯩﭙﯩﮕﻪ ﺋﻮﺧﺸﯩﻤﺎﻳﺪﯗ. ﺑﯘﻧﯩﯔ ﺋﺎﺭﻗﯩﺴﺪﺍ 2200 ﻳﯩﻠﻠﯩﻖ ﺗﺎﺭﯨﺦ ﺑﺎﺭ. ﻣﻪﺗﻪﺧﺎﻧﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﻓﻪﺗﯩﻬﻰ ﻗﯩﻠﯩﺸﻰ 2200 ﻳﯩﻞ ﺋﯩﻠﮕﯩﺮﻯ ﺑﻮﻟﻐﺎﻥ، ﻳﻪﻧﻰ ﻣﯩﻼﺩﯨﻴﯩﺪﯨﻦ ﺋﯩﻠﮕﯩﺮﻯ 200 ‏- ﻳﯩﻠﻰ ﭼﻮﯓ ﺑﯩﺮ ﺋﯘﺭﯗﺵ ﻗﯩﻠﯩﺶ ﺋﺎﺭﻗﯩﻠﯩﻖ ﻓﻪﺗﻬﻰ ﻗﯩﻠﯩﻨﻐﺎﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﯘﻧﻼﺭﺩﯨﻦ ﺑﺎﺷﻼﭖ، ﻛﯚﻛﺘﯜﺭﻛﻠﻪﺭ، ﺋﯘﻳﻐﯘﺭﻻﺭ، ﻗﺎﺭﺍﺧﺎﻧﯩﻴﻼﺭﻏﯩﭽﻪ ﺑﻮﻟﻐﺎﻥ ﺗﯜﺭﻙ ﺩﯙﻟﻪﺗﻠﯩﺮﯨﻨﯩﯔ ﺋﻪﯓ ﻗﻪﺩﯨﻤﯩﻲ ﺗﺎﺭﯨﺨﯩﻲ ﻣﻪﺭﻛﯩﺰﻯ ﺑﻮﻟﻐﺎﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ 2200 ﻳﯩﻠﻠﯩﻖ ﺗﺎﺭﯨﺨﺘﺎ ﻣﯘﺳﺘﻪﻗﯩﻞ ﺑﻮﻟﯘﭖ ﻳﺎﺷﯩﻐﺎﻥ ﻗﯩﺴﻤﻰ ﺋﻪﺳﯩﺮ ﺑﻮﻟﯘﭖ ﻳﺎﺷﯩﻐﺎﻥ ﯞﺍﻗﯩﺘﺘﯩﻦ ﺗﯧﺨﯩﻤﯘ ﻛﯚﭖ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻨﯩﯔ ﺋﻪﺟﺪﺍﺩﻟﯩﺮﯨﺪﯨﻦ ﻗﻮﺭﻗﯘﭖ ﺳﻪﺩﺩﯨﭽﯩﻦ ﺳﯧﭙﯩﻠﻰ ﺳﯧﻠﯩﻨﻐﺎﻥ. ﻣﯘﺷﯘﻧﺪﺍﻕ ﺑﯩﺮ ﺩﯙﻟﻪﺕ ﻫﻪﻗﻘﯩﺪﻩ ﺳﯚﺯ ﻗﯩﻠﯩﯟﺍﺗﯩﻤﯩﺰ، ﻣﯘﺷﯘﻧﺪﺍﻕ ﺑﯩﺮ ﺩﯙﻟﻪﺕ ﻳﻪﻧﻪ ﻗﺎﻧﭽﯩﻠﯩﻚ ﺯﺍﻣﺎﻥ ﺋﻪﺳﯩﺮ ﻗﺎﻟﯩﺪﯗ ﺩﻩﭖ ﺋﻮﻳﻼﻳﻤﯩﺰ؟، ﺧﯘﺩﺍﻳﯩﻢ ﺑﯘﻳﺮﯨﺴﺎ، ﻫﻪﻣﻤﯩﻤﯩﺰﻧﯩﯔ ﻏﻪﻳﺮﯨﺘﻰ، ﺗﯩﺮﯨﺸﭽﺎﻧﻠﯩﻖ ﻗﯩﻠﯩﺸﻰ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﭼﻮﻗﯘﻡ ﻣﯘﺳﺘﻪﻗﯩﻠﻠﯩﻜﻜﻪ ﺋﯧﺮﯨﺸﯩﺪﯗ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.