Җасус гумандари бабур мәхсут үстидики сот йәнә кечиктүрүлди

Мухбиримиз шоһрәт һошур

2009-07-02

Җасус гумандари бабур мәхсут бу йил 6 - Айниң 4 - Күни шивитсийә дөләт бихәтәрлик идариси тәрипидин қолға елинған вә 6 - Айниң 18 - Күни сотланмақчи иди. Бабур мәхсут делосиниң четишлиқ даириси кәң болғини үчүн, сот 7 ‏- Айниң 2 ‏- Күнигә кечиктүрүлгән иди.

RFA Photo

Сүрәттә, җасус гумандари бабур мәхсутниң өткән айда вашингтонда ечилған д у қ ниң йиғини җәрянида өткүзүлгән хитай әлчиханиси алдидики намйишқа қатнишиватқан күрүнүш болуп, җасус гумандари бабур мәхсут оңдин иккинчи киши.

Бүгүн шивитсийә уйғур комититиниң рәиси маһинур ханимни зиярәт қилғинимизда, сотниң йәнә бир қетим кечиктүрүлгәнлики йәни, 7 - Айниң15 - Күнигә өзгәртилгәнлики мәлум болди.

Бабур мәхсут делоси ашкариланғандин кейин, униң уйғур тәшкилатлири билән болған мунасивити муһаҗирәттики уйғур җамаитиниң диққитини тартқан вә униң шиветсийидики уйғур маарип уюшмисиниң баш мәслиһәтчиси болғанлиқи вә униң бу тәшкилатниң қурғучилиридин бири икәнлики һәққидә сөз тарқалған иди.

Биз бүгүн бу һәқтә шивитсийә уйғур маарип уюшмисиниң мәсуллиридин бири болған әхмәтҗан абдуллаһ әпәндини зиярәт қилдуқ. Әхмәтҗан абдуллаһ әпәнди бабур мәхсутниң мәзкур тәшкилатқа пәхрий мәслиһәтчи болғанлиқини, әмма тәшкилатниң қурулушида һечқандақ роли йоқлуқини билдүрди һәм бабур мәхсутниң мәзкур тәшкилаттики орни вә роли һәққидә мәлумат бәрди.

Юқиридики аваз улинишидин, җасус гумандари бабур мәхсут үстидики сотниң йәнә бир қетим кечиктүрүлгәнлики вә униң шиветсийә уйғур маарип уюшмиси билән болған тәшкилий мунасивити һәққидики мәлуматниң тәпсилатини аңлайсиләр.

Бесиш

Әвәтиш

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.