ﻳﻪﻛﺸﻪﻧﺒﻪ ﻛﯜﻧﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﺟﯩﺪﺩﻩ ﺷﻪﻫﯩﺮﯨﺪﻩ ﻧﯧﻔﯩﺖ ﺋﯧﻨﯧﺮﮔﯩﻴﻪ ﻳﯩﻐﯩﻨﻰ ﺋﯚﺗﻜﯜﺯﯛﻟﺪﻯ

ﻧﯧﻔﯩﺖ ﺑﺎﻫﺎﺳﯩﻨﯩﯔ ﺗﯧﺰ ﺋﯚﺳﯜﭖ ﻛﯧﺘﯩﺸﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺋﯧﻨﯧﺮﮔﯩﻴﻪ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﺟﯩﺪﺩﻩ ﺷﻪﻫﯩﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﺋﯧﻨﯧﺮﮔﯩﻴﻪ ﻳﯩﻐﯩﻨﯩﺪﺍ ﺋﯧﻨﯧﺮﮔﯩﻴﻪ ﺳﺎﻫﻪﺳﯩﺪﯨﻜﻰ ﺑﯩﺮ ﻗﺎﺗﺎﺭ ﻣﻪﺳﯩﻠﯩﻠﻪﺭ ﻣﯘﺯﺍﻛﯩﺮﻩ ﻗﯩﻠﯩﻨﻐﺎﻥ.

ﺳﯧﺒﺎﺳﺘﯩﻴﺎﻥ ﺋﺎﺑﺒﻮﺗﻨﯩﯔ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﻰ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﻐﺎﻥ ﺑﯘ ﻫﻪﻗﺘﯩﻜﻰ ﻣﺎﻗﺎﻟﯩﺴﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺩﯗﻧﻴﺎ ﺑﻮﻳﯩﭽﻪ ﺋﻪﯓ ﻛﯚﭖ ﻧﯧﻔﯩﺖ ﺋﯧﻜﺴﭙﻮﺭﺕ ﻗﯩﻠﯩﺪﯨﻐﺎﻥ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﻫﯚﻛﯜﻣﯩﺘﻰ ﻳﯩﻐﯩﻨﻨﯩﯔ ﺳﺎﻫﯩﺒﺨﺎﻧﻰ ﺳﯜﭘﯩﺘﯩﺪﻩ ﻧﯧﻔﯩﺖ ﺑﺎﻫﺎﺳﯩﻨﻰ ﺗﻪﯕﺸﻪﺵ ﺋﯜﭼﯜﻥ ﭘﺎﻳﺪﯨﻠﯩﻖ ﺩﻩﭖ ﻫﯧﺴﺎﺑﻼﭖ، ﻧﯧﻔﯩﺖ ﺋﯩﺸﻠﻪﭘﭽﯩﻘﯩﺮﯨﺶ ﻣﯩﻘﺪﺍﺭﯨﻨﻰ ﺋﺎﺷﯘﺭﯗﭖ، ﻛﯜﻧﻠﯜﻙ ﺋﯩﺸﻠﻪﭘﭽﯩﻘﯩﺮﯨﺸﻨﻰ ﻳﻪﻧﻪ 200 ﻣﯩﯔ ﺗﯘﯓ ﻛﯚﭘﻪﻳﺘﯩﺶ ﺋﺎﺭﻗﯩﻠﯩﻖ ﻛﯜﻧﻠﯜﻙ ﺋﯩﺸﻠﻪﭘﭽﯩﻘﯩﺮﯨﺶ ﻣﯩﻘﺪﺍﺭﯨﻨﻰ 9ﻣﯩﻠﻴﻮﻥ 500 ﺗﯘﯕﻐﺎ ﻳﻪﺗﻜﯜﺯﯨﺪﯨﻐﺎﻧﻠﯩﻘﯩﻨﻰ،ﺑﯘ ﭘﯩﻼﻧﻨﻰ 7 - ﺋﺎﻳﺪﯨﻦ ﺑﺎﺷﻼﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ.

ﺋﺎﻣﯧﺮﯨﻜﯩﻨﯩﯔ " ﺱ - ﺳﭙﺎﺋﯩﻦ" ﺗﯧﻠﯧﯟﯨﺰﯨﻴﻪ ﻗﺎﻧﯩﻠﯩﻨﯩﯔ ﻧﻪﻕ ﻣﻪﻳﺪﺍﻧﺪﯨﻦ ﻛﯚﺭﺳﯩﺘﯩﺸﯩﭽﻪ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﭘﺎﺩﯨﺸﺎﻫﻰ ﺋﺎﺑﺪﯗﻟﻼ ﻧﯧﻔﯩﺖ ﺋﯩﺸﻠﻪﭘﭽﯩﻘﯩﺮﯨﺶ ﻛﯜﻧﻠﯜﻙ ﻣﯩﻘﺪﺍﺭﯨﻨﻰ ﺋﺎﺷﯘﺭﯗﺷﺘﯩﻦ ﺑﺎﺷﻘﺎ ﻳﻪﻧﻪ ﻧﯧﻔﯩﺖ ﺋﯧﻜﺴﭙﻮﺭﺕ ﻗﯩﻠﻐﯘﭼﻰ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺩﯗﻧﻴﺎ ﺑﺎﻧﻜﯩﺴﻰ ﻧﺎﻣﯩﺪﺍ ﺑﯩﺮ ﻣﯩﻠﻴﺎﺭﺩ ﺩﻭﻟﻼﺭ ﻣﻪﺑﻠﻪﻍ ﺋﺎﺟﺮﯨﺘﯩﭗ، ﺑﺎﺷﻘﺎ ﻛﻪﻣﺒﻪﻏﻪﻝ ﺩﯙﻟﻪﺗﻠﻪﺭﻧﯩﯔ ﻛﯜﻧﺴﺎﻳﯩﻦ ﺋﯚﺳﯜﯞﺍﺗﻘﺎﻥ ﺋﯧﻨﯧﺮﮔﯩﻴﻪ ﻗﯩﻴﯩﻨﭽﯩﻠﯩﻘﯩﻨﻰ ﻫﻪﻝ ﻗﯩﻠﯩﺸﻘﺎ ﻳﺎﺭﺩﻩﻡ ﺑﯧﺮﯨﺶ ﺗﻪﺷﻪﺑﺒﯘﺳﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺷﯘﻧﯩﯖﺪﻩﻙ ﻳﻪﻧﻪ ﺳﻪﺋﯘﺩﻯ ﻫﯚﻛﯜﻣﯩﺘﻰ ﺋﯚﺯﻯ ﺑﻪﺵ ﻳﯜﺯ ﻣﯩﻠﻴﻮﻥ ﺩﻭﻟﻼﺭ ﺋﺎﺟﺮﯨﺘﯩﭗ، ﺋﯘﻧﻰ ﺋﯧﻨﯧﺮﮔﯩﻴﻪ ﭘﯩﻼﻧﻠﯩﺮﯨﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﺋﯜﭼﯜﻥ ﺋﯩﺸﻠﯩﺘﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ.

ﻧﯧﻔﯩﺖ ﺑﺎﻫﺎﺳﯩﻨﯩﯔ ﺋﯚﺳﯜﭖ ﻛﯧﺘﯩﺸﯩﺪﯨﻜﻰ ﺳﻪﯞﻩﺏ ﻧﯧﻤﻪ؟

ﻧﯧﻔﯩﺘﻨﯩﯔ ﺧﻪﻟﻘﺌﺎﺭﺍ ﺑﺎﺯﺍﺭﺩﯨﻜﻰ ﻫﻪﺭ ﺑﯩﺮ ﺗﯘﯕﯩﻨﯩﯔ ﺑﺎﻫﺎﺳﻰ ﺑﯘ ﻳﯩﻠﻨﯩﯔ ﺑﯧﺸﯩﺪﺍ 100 ﺩﻭﻟﻼﺭ ﺋﻪﺗﺮﺍﭘﯩﺪﺍ ﺑﻮﻟﯘﭖ، ﻗﯩﺴﻘﯩﻐﯩﻨﺎ 4 - 5 ﺋﺎﻱ ﺋﯩﭽﯩﺪﻩ 140 ﺩﻭﻟﻼﺭﻏﺎ ﻳﻪﺗﺘﻰ. ﺋﯚﺗﻜﻪﻥ ﻳﯩﻠﻰ ﺑﻮﻟﺴﺎ 70 - 80 ﺩﻭﻟﻼﺭ ﺋﻪﺗﺮﺍﭘﯩﺪﺍ ﺑﻮﻟﯘﭖ، ﺑﯘ ﻳﯩﻞ ﺑﯩﺮ ﻗﺎﺗﻠﯩﺪﻯ.

ﻧﯚﯞﻩﺗﺘﻪ، ﻧﯧﻔﯩﺖ ﺑﺎﻫﺎﺳﯩﻨﯩﯔ ﻳﻪﻧﻪ ﺩﺍﯞﺍﻣﻠﯩﻖ ﺋﯚﺳﯜﺵ ﺋﯧﻬﺘﯩﻤﺎﻟﻠﯩﻘﻰ ﺑﺎﺭﻟﯩﻘﻰ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ. ﺋﯘﻧﺪﺍﻗﺘﺎ، ﺑﯘﻧﯩﯖﺪﯨﻜﻰ ﺳﻪﯞﻩﺏ ﻧﯧﻤﻪ؟ ﺑﯘ ﻫﻪﻗﺘﻪ ﻗﺎﺭﺍﺷﻼﺭ ﻫﻪﺭ ﺧﯩﻞ ﺑﻮﻟﯘﭖ، ﺋﺎﻣﯧﺮﯨﻜﺎ، ﺋﻪﻧﮕﯩﻠﯩﻴﻪ ﻗﺎﺗﺎﺭﻟﯩﻖ ﺑﯩﺮ ﻗﯩﺴﯩﻢ ﻏﻪﺭﺏ ﻧﯧﻔﯩﺖ ﺋﯩﺴﺘﯧﻤﺎﻟﭽﻰ ﺩﯙﻟﻪﺗﻠﯩﺮﻯ ﺑﯘﻧﻰ ﻧﯧﻔﯩﺖ ﺋﯩﺸﻠﻪﭘﭽﯩﻘﺎﺭﻏﯘﭼﻰ ﺩﯙﻟﻪﺗﻠﻪﺭﻧﯩﯔ ﻧﯧﻔﯩﺖ ﺋﯩﺸﻠﻪﭘﭽﯩﻘﯩﺮﯨﺶ ﻣﯩﻘﺪﺍﺭﯨﻨﻰ ﺋﺎﺷﯘﺭﻣﺎﺳﻠﯩﻖ ﺑﯩﻠﻪﻥ ﺑﺎﻏﻠﯩﻐﺎﻥ ﺑﻮﻟﯘﭖ، ﺋﯘﻻﺭ ﻣﻪﺯﻛﯘﺭ ﺩﯙﻟﻪﺗﻠﻪﺭﻧﻰ ﻧﯧﻔﯩﺖ ﺋﯩﺸﻠﻪﭘﭽﯩﻘﯩﺮﯨﺶ ﻣﯩﻘﺪﺍﺭﯨﻨﻰ ﺋﺎﺷﯘﺭﯗﺵ ﺋﺎﺭﻗﯩﻠﯩﻖ ﻧﯧﻔﯩﺖ ﺑﺎﻫﺎﺳﯩﻨﯩﯔ ﺋﯚﺳﯜﺷﻨﻰ ﭘﻪﺳﻪﻳﺘﯩﺶ ﻛﯧﺮﻩﻙ ﺩﻩﭖ ﻫﯧﺴﺎﺑﻼﻳﺪﯗ. ﺋﻪﻣﻤﺎ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﻗﺎﺗﺎﺭﻟﯩﻖ ﻧﯧﻔﯩﺖ ﺋﯩﺸﻠﻪﭘﭽﯩﻘﺎﺭﻏﯘﭼﻰ ﺩﯙﻟﻪﺗﻠﻪﺭ ﺑﻮﻟﺴﺎ، ﻧﯧﻔﯩﺖ ﺑﺎﻫﺎﺳﯩﻨﯩﯔ ﺋﯚﺳﯜﭖ ﻛﯧﺘﯩﺸﯩﺪﯨﻜﻰ ﺋﺎﻣﯩﻠﻨﻰ ﺑﺎﺯﺍﺭ ﺗﺎﻟﯩﺸﯩﺶ ﻫﻪﻡ ﺋﯩﺴﺘﯧﻤﺎﻟﭽﻰ ﺩﯙﻟﻪﺗﻠﻪﺭﻧﯩﯔ ﻳﯘﻗﯩﺮﻯ ﺋﯧﻨﯧﺮﮔﯩﻴﻪ ﺑﯧﺠﻰ ﺑﯩﻠﻪﻥ ﺑﺎﻏﻼﻳﺪﯗ.

ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻱ ﺩﯗﻧﻴﺎﺩﯨﻜﻰ ﺋﻪﯓ ﻛﯚﭖ ﻧﯧﻔﯩﺖ ﺋﯩﻤﭙﻮﺭﺕ ﻗﯩﻠﯩﺪﯨﻐﺎﻥ ﺩﯙﻟﻪﺗﻠﻪﺭﻧﯩﯔ ﺑﯩﺮﻯ ﺑﻮﻟﯘﭖ، ﻣﻪﺯﻛﯘﺭ ﻣﻪﺳﯩﻠﻪ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﯞﻩ ﺩﯙﻟﻪﺕ ﻣﻪﺟﻠﯩﺴﯩﯩﺪﯨﻤﯘ ﺩﺍﯞﺍﻣﻠﯩﻖ ﻣﯘﺯﺍﻛﯩﺮﻩ ﻗﯩﻠﯩﻨﻤﺎﻗﺘﺎ. ﻧﯧﻔﯩﺖ ﺑﺎﻫﺎﺳﯩﻨﯩﯔ ﺋﯚﺳﯜﺷﯩﮕﻪ ﻧﯩﺴﺒﻪﺗﻪﻥ ﺧﯩﺘﺎﻱ ﺋﯧﻨﯧﺮﮔﯩﻴﻪ ﺳﺎﻫﻪﺳﯩﻤﯘ ﺗﯜﺭﻟﯜﻙ ﻣﯘﻻﻫﯩﺰﯨﻠﻪﺭﻧﻰ ﺋﯧﻠﯩﭗ ﺑﺎﺭﻣﺎﻗﺘﺎ. ﺧﯩﺘﺎﻳﻨﯩﯔ "ﻛﻜﺘﯟ" ﭘﺮﻭﮔﺮﺍﻣﻤﯩﺴﯩﺪﺍ ﺋﯧﻨﯧﺮﮔﯩﻴﻪ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺋﯩﻜﻜﻰ ﻧﻪﭘﻪﺭ ﭘﺮﻭﻓﯧﺴﺴﻮﺭ ﻧﯧﻔﯩﺖ ﺑﺎﻫﺎﺳﯩﻨﯩﯔ ﺋﯚﺳﯜﭖ ﻛﯧﺘﯩﺸﯩﺪﯨﻜﻰ ﺋﺎﻣﯩﻠﻼﺭ ﻫﻪﻗﻘﯩﺪﻩ ﭘﯩﻜﯩﺮ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺑﯘﻧﯩﯔ ﺳﻪﯞﻩﺑﯩﻨﻰ ﺋﺎﺳﺎﺳﻠﯩﻘﻰ ﺋﺎﻣﯧﺮﯨﻜﺎ ﻗﺎﺗﺎﺭﻟﯩﻖ ﻏﻪﺭﺏ ﺋﯩﺴﺘﯧﻤﺎﻟﭽﻰ ﺩﯙﻟﻪﺗﻠﯩﺮﯨﻨﯩﯔ ﺳﯩﻴﺎﺳﯩﺘﯩﮕﻪ ﺑﺎﻏﻠﯩﺪﻯ. ﺋﯘﻻﺭﻧﯩﯔ ﻗﺎﺭﯨﺸﯩﭽﻪ، ﺗﯘﻳﯘﻗﺴﯩﺰ ﭘﻪﻳﺪﺍ ﺑﻮﻟﻐﺎﻥ ﺋﻪﻫﯟﺍﻟﻼﺭ ﻫﻪﻣﺪﻩ ﺋﯩﺸﻠﻪﭘﭽﯩﻘﯩﺮﯨﺶ ﺋﯩﻘﺘﯩﺪﺍﺭﯨﻨﯩﯔ ﻳﯧﺘﻪﺭﺳﯩﺰ ﺑﻮﻟﯘﺷﻰ ﯞﻩ ﻛﯩﻤﻨﯩﯔ ﻣﺎﻱ ﺋﯚﺳﯜﺷﺘﻪ ﭘﺎﻳﺪﺍ ﺋﺎﻟﻐﺎﻧﻠﯩﻘﻰ ﻣﻪﺳﯩﻠﯩﻨﯩﯔ ﺗﯜﮔﯜﻧﻠﯩﺮﯨﺪﯨﻦ ﺑﯩﺮﻯ. ﺋﯘﻻﺭ ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﯨﻦ ﭼﻮﯓ ﺋﯜﻣﯩﺪ ﻛﯜﺗﯜﺵ ﻣﯘﻣﻜﯩﻦ ﺋﻪﻣﻪﺳﻠﯩﻜﯩﻨﻰ ﺗﻪﻛﯩﺘﻠﻪﺷﺘﻰ.

ﺋﺎﻫﺎﻟﯩﻼﺭﻧﯩﯔ ﺋﺎﭘﺘﻮﻣﻮﺑﯩﻞ ﺋﯩﺸﻠﯩﺘﯩﺶ ﻧﯩﺴﺒﯩﺘﻰ ﺋﻪﯓ ﻳﯘﻗﯩﺮﻯ ﻫﻪﻣﺪﻩ ﺩﯗﻧﻴﺎﺩﺍ ﺋﻪﯓ ﻛﯚﭖ ﻧﯧﻔﯩﺖ ﺋﯩﻤﭙﻮﺭﺕ ﻗﯩﻠﯩﺪﯨﻐﺎﻥ ﻣﻪﻣﻠﯩﻜﻪﺕ ﻫﯧﺴﺎﺑﻠﯩﻨﯩﺪﯨﻐﺎﻥ ﺋﺎﻣﯧﺮﯨﻜﯩﺪﺍ ﻣﺎﻱ ﺑﺎﻫﺎﺳﯩﻨﯩﯔ ﺗﯧﺰ ﺋﯚﺳﯜﺷﻰ ﺋﯩﻘﺘﯩﺴﺎﺩﻗﺎ ﺟﯜﻣﻠﯩﺪﯨﻦ ﭘﯘﻗﺮﺍﻻﺭﻧﯩﯔ ﺗﯘﺭﻣﯘﺷﯩﻐﺎ ﺋﯧﻐﯩﺮ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻥ ﻣﻪﺳﯩﻠﯩﮕﻪ ﺋﺎﻳﻼﻧﻐﺎﻥ ﺑﻮﻟﯘﭖ، ﺋﯚﺗﻜﻪﻥ ﻫﻪﭘﺘﯩﺪﻩ ﭘﺮﯦﺰﯨﺪﯦﻨﺖ ﺑﯘﺵ ﺋﺎﻣﯧﺮﯨﻜﯩﻨﯩﯔ ﺑﻪﺯﻯ ﺩﯦﯖﯩﺰ ﺑﻮﻳﻠﯩﺮﯨﺪﯨﻜﻰ 80 - ﻳﯩﻠﻼﺭﺩﺍ ﺩﯙﻟﻪﺕ ﻣﻪﺟﻠﯩﺴﻰ ﺋﯧﭽﯩﺸﻨﻰ ﭼﻪﻛﻠﯩﯟﻩﺗﻜﻪﻥ ﻧﯧﻔﯩﺖ ﻣﻪﻧﺒﻪﻟﯩﺮﯨﻨﻰ ﺋﯧﭽﯩﺶ ﺋﺎﺭﻗﯩﻠﯩﻖ ﺋﺎﻣﯧﺮﯨﻜﯩﻨﯩﯔ ﺋﯧﻨﯧﺮﮔﯩﻴﻪ ﺋﯧﻬﺘﯩﻴﺎﺟﯩﻨﻰ ﻫﻪﻝ ﻗﯩﻠﯩﺸﻘﺎ ﻳﺎﺭﺩﻩﻡ ﻛﯚﺭﺳﯩﺘﯩﺶ ﭘﯩﻼﻧﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﺴﯩﻤﯘ، ﺑﯩﺮﺍﻕ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﯨﻜﻰ ﺩﯦﻤﻮﻛﺮﺍﺗﯩﻚ ﭘﺎﺭﺗﯩﻴﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺋﻪﺯﺍﻻﺭﻧﯩﯔ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﯨﻐﺎﻥ ﻫﻪﻣﺪﻩ ﺑﯘ ﺗﻪﺷﻪﺑﺒﯘﺱ ﺋﯚﺗﻤﯩﮕﻪﻥ. ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺩﯦﻤﻮﻛﺮﺍﺗﯩﻚ ﯞﻩ ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﯩﺪﯨﻦ ﺑﻮﻟﻐﺎﻥ ﺋﻪﺯﺍﻻﺭ ﺋﺎﺭﯨﺴﯩﺪﯨﻤﯘ ﺑﯘﻧﯩﯖﻐﺎ ﻧﯩﺴﺒﻪﺗﻪﻥ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭ ﻣﻪﯞﺟﯘﺕ.

ﺟﯩﺪﺩﻩ ﻳﯩﻐﯩﻨﻰ ﻫﻪﻗﯩﻘﻪﺗﻪﻥ ﺋﯧﻨﯧﺮﮔﯩﻴﻪ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻼﻻﻣﺪﯗ؟

30 ﻧﻪﭼﭽﻪ ﺩﯙﻟﻪﺗﻨﯩﯔ ﺋﯧﻨﯧﺮﮔﯩﻴﻪ ﺑﺎﺷﻠﯩﻘﻠﯩﺮﻯ ﻗﺎﺗﻨﺎﺷﻘﺎﻥ ﺟﯩﺪﺩﻩ ﻳﯩﻐﯩﻨﯩﺪﺍ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﻫﯚﻛﯜﻣﯩﺘﻰ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﺑﻪﺯﻯ ﺗﯩﺮﯨﺸﭽﺎﻧﻠﯩﻘﻼﺭﻧﻰ ﻛﯚﺭﺳﻪﺗﺴﯩﻤﯘ، ﺑﯩﺮﺍﻕ، ﻣﻪﺳﯩﻠﯩﻠﻪﺭﻧﯩﯔ ﻫﻪﻝ ﺑﻮﻟﯩﺸﻰ ﺋﯘﻧﭽﻪ ﺋﺎﺳﺎﻧﻐﺎ ﭼﯜﺷﻤﻪﻳﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻤﺎﻗﺘﺎ. ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﺋﯧﻴﺘﯩﺸﯩﭽﻪ، ﻳﯩﻐﯩﻦ ﺧﯘﻻﺳﯩﺴﻰ ﺳﯜﭘﯩﺘﯩﺪﻩ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺪﯨﻐﺎﻥ ﻫﯧﭽﻘﺎﻧﺪﺍﻕ ﺑﯩﺮ ﻗﺎﺭﺍﺭ ﻗﻮﺑﯘﻝ ﻗﯩﻠﯩﻨﻤﯩﻐﺎﻥ.

ﺑﯩﺮﺍﻕ، ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﺑﯩﺮ ﮔﺎﻟﻠﻮﻥ ﻣﺎﻳﻨﯩﯔ ﺋﻮﺗﺘﯘﺭﯨﭽﻪ ﺑﺎﻫﺎﺳﻰ 4 ﺩﻭﻟﻼﺭ ﺋﻪﺗﺮﺍﭘﯩﺪﺍ ﺑﻮﻟﯘﭖ، ﺋﻪﻣﻤﺎ، ﺋﺎﻣﯧﺮﯨﻜﯩﻨﯩﯔ "ﻟﯘﻧﺪﺑﯧﺮﮒ ﺗﻪﺗﻘﯩﻘﺎﺕ ﮔﯘﺭﯗﭘﭙﯩﺴﻰ" ﺩﻩﭖ ﺋﺎﺗﺎﻟﻐﺎﻥ ﻧﯧﻔﯩﺖ ﻣﻪﺳﯩﻠﯩﺴﯩﻨﻰ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﺑﯩﺮ ﺋﻮﺭﯗﻥ ﻳﻪﺗﺘﻪ ﻣﯩﯖﺪﯨﻦ ﺋﺎﺭﺗﯘﻕ ﻣﺎﻱ ﻗﺎﭼﯩﻼﺵ ﺋﻮﺭﻧﯩﻨﻰ ﺗﻪﻛﺸﯜﺭﯛﺵ ﺋﺎﺭﻗﯩﻠﯩﻖ ﻣﺎﻱ ﺑﺎﻫﺎﺳﯩﻨﯩﯔ ﺑﯘﻧﯩﯖﺪﯨﻦ ﻛﯧﻴﯩﻦ ﭼﯜﺷﯩﺪﯨﻐﺎﻧﻠﯩﻘﯩﻨﻰ ﭘﻪﺭﻩﺯ ﻗﯩﻠﻐﺎﻥ. ﺑﯘ ﺗﻪﺗﻘﯩﻘﺎﺕ ﺋﻮﺭﻧﯩﻨﯩﯔ ﻣﻪﺳﺌﯘﻟﻰ ﻟﯘﻧﺪﺑﯧﺮﮒ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﻣﺎﻱ ﺋﯩﺸﻠﻪﭘﭽﯩﻘﯩﺮﯨﺶ ﻣﯩﻘﺪﺍﺭﯨﻨﻰ ﻛﯚﭘﻪﻳﺘﯩﺸﻰ 7 - ﺋﺎﻳﺪﺍ ﻣﺎﻱ ﺑﺎﻫﺎﺳﯩﻨﯩﯔ ﭼﯜﺷﯜﺷﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺸﻰ ﻣﯘﻣﻜﯩﻦ ﺩﻩﭖ ﻫﯚﻛﯜﻡ ﻗﯩﻠﻐﺎﻥ.