ﺋﯩﮕﯩﻠﻪﺷﻠﻪﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﻧﯘﺭﻏﯘﻧﻠﯩﻐﺎﻥ ﺧﯩﺘﺎﻱ ﺋﻮﻗﯘﺭﻣﻪﻧﻠﻪﺭ ﮔﯧﺰﯨﺘﺨﺎﻧﺎ ﺗﻪﻫﺮﯨﺮ ﺑﯚﻟﯜﻣﻰ ﯞﻩ ﺋﺎﭘﺘﯘﺭﻏﺎ ﺗﯧﻠﯧﻔﯘﻥ ﻗﯩﻠﯩﭗ،ﺋﯘﻳﻐﯘﺭﻻﺭﻧﯩﯔ ﺋﺎﯞﺍﺯﯨﻐﺎ ﻗﯘﻻﻕ ﺳﺎﻟﻐﺎﻥ ﺑﯜﻳﯜﻙ ﺟﯘﯕﺨﯘﺍ ﮔﯧﺰﯨﺘﻰ ﺋﯜﺳﺘﯩﺪﯨﻦ ﺷﯩﻜﺎﻳﻪﺕ ﻗﯩﻠﻐﺎﻥ. ﺋﯘﻻﺭﻧﯩﯔ ﺷﯩﻜﺎﻳﻪﺗﻠﯩﺮﯨﻨﯩﯔ ﺋﺎﺳﺎﺳﻠﯩﻖ ﻣﻪﺯﻣﯘﻧﻰ، " ﺷﯩﻨﺠﺎﯕﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻣﻪﺳﯩﻠﯩﻠﻪﺭﻧﻰ ﺑﯘﻧﭽﯩﻠﯩﻚ ﻳﯘﻗﯩﺮﻯ ﺳﯩﻴﺎﺳﻰ ﯞﻩ ﻧﻪﺯﯨﺮﯨﻴﯩﯟﻯ ﺳﻪﯞﯨﻴﯩﮕﻪ ﻛﯚﺗﯜﺭﯛﭖ ﺗﻪﻫﻠﯩﻞ ﻗﯩﻠﻐﯩﺪﻩﻙ ﺳﻪﯞﯨﻴﯩﺴﻰ ﻳﻮﻕ، ﺋﻪﻣﻤﺎ ﺳﯩﻠﻪﺭ ﻣﯘﺧﺒﯩﺮﻻﺭ ﺑﻪﻙ ﺋﺎﺷﯘﺭﯗﯞﯦﺘﯩﯟﺍﺗﯩﺴﯩﻠﻪﺭ. ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻳﻨﯩﯔ ﺋﯩﭽﻜﯩﺮﻯ ﺋﯚﻟﻜﯩﻠﯩﺮﯨﺪﯨﻜﻰ ﭼﻮﯓ ﻣﯧﻬﻤﺎﻧﺨﺎﻧﺎ ‏ - ﺳﺎﺭﺍﻳﻼﺭ ﯞﻩ ﻳﺎﺗﺎﻗﻼﺭﺩﺍ ﻳﯧﺘﯩﺸﯩﻐﺎ ﻳﻮﻝ ﻗﻮﻳﯘﻟﻤﺎﺳﻠﯩﻘﯩﻨﻰ ﺋﯘﻳﻐﯘﺭﻻﺭ ﺋﯚﺯﻟﯩﺮﯨﻨﯩﯔ ﺋﻪﺳﻜﯩﻠﯩﻜﯩﺪﯨﻦ ﻛﯚﺭﺳﻪ ﺑﻮﻟﯩﺪﯗ. ﻛﯩﻢ ﺋﯘﻻﺭﻧﻰ ﺋﺎﺵ ﻳﯧﮕﻪﻥ ﻗﺎﭼﯩﺴﯩﻨﻰ ﭼﯧﻘﯩﯟﻩﺗﺴﯘﻥ ﺩﻩﭘﺘﯘ؟ ﺋﯘﻻﺭ ﻧﻪﮔﯩﻼ ﺑﺎﺭﺳﺎ ﻣﯘﺳﺘﻪﻗﯩﻠﻠﯩﻖ ﺩﻩﭖ ﻳﯜﺭﮔﻪﻥ، ﺗﯧﺮﺭﻭﺭﻟﯘﻕ ﻗﯩﻠﻐﺎﻥ. ﺷﯩﻨﺠﺎﯕﺪﯨﻜﻰ ﭼﻮﯓ ‏ - ﺋﻮﺗﺘﯘﺭﺍ ﺗﯩﭙﺘﯩﻜﻰ ﻛﺎﺭﺧﺎﻧﯩﻼﺭﺩﺍ ﺋﺎﺯ ﻣﯩﻘﺪﺍﺭﺩﺍ ﺋﯘﻳﻐﯘﺭﻻﺭ ﺋﯩﺸﻠﻪﻳﺪﯗ، ﺋﻪﻣﻤﺎ ﻛﯚﭘﻠﯩﮕﻪﻥ ﺋﯘﻳﻐﯘﺭﻻﺭﻧﯩﯔ ﺑﯘﻧﺪﺍﻕ ﻛﺎﺭﺧﺎﻧﯩﻼﺭﻏﺎ ﻛﯩﺮﻩﻟﻤﻪﺳﻠﯩﻜﯩﻨﻰ، ﻫﯚﻛﯜﻣﻪﺗﺘﯩﻦ ﻛﯚﺭﻣﻪﻱ ﺋﯘﻳﻐﯘﺭﻻﺭ ﺋﯚﺯﻟﯩﺮﯨﻨﯩﯔ ﺑﻮﺷﺎﯕﻠﯩﻘﯩﺪﯨﻦ ﻛﯚﺭﺳﻪ ﺑﻮﻟﯩﺪﯗ" ﺩﯦﮕﻪﻧﻠﻪﺭﺩﯨﻦ ﺋﯩﺒﺎﺭﻩﺕ.

ﺋﯘﻳﻐﯘﺭﻻﺭﻧﯩﯔ ﺋﺎﯞﺍﺯﯨﻐﺎ ﻗﯩﺴﻤﻪﻥ ﻗﯘﻻﻕ ﺳﺎﻟﻐﺎﻧﻠﯩﻘﻰ ﺋﯜﭼﯜﻥ،ﺧﯩﺘﺎﻱ ﺋﻮﻗﯘﺭﻣﻪﻧﻠﻪﺭ ﺗﻪﺭﯨﭙﯩﺪﯨﻦ ﻛﻪﯓ ﻛﯚﻟﻪﻣﻠﯩﻚ ﻫﯘﺟﯘﻣﻐﺎ ﺋﯘﭼﺮﯨﻐﺎﻥ ﺧﯩﺘﺎﻱ ﺋﻮﺑﺰﯗﺭﭼﻰ ﺷﺎﯞ ﻳﯜ ﻳﯧﻘﯩﻨﺪﺍ ﻳﻪﻧﻪ، " ﺑﯩﺰﺩﻩ ﺑﺎﺷﻘﯩﻼﺭﻧﻰ ﻗﻪﺳﺘﻪﻥ ﻛﻪﻣﺴﯩﺘﯩﺶ ﺑﺎﺭﻣﯘ ‏- ﻳﻮﻕ؟ " ﺩﯦﮕﻪﻥ ﻣﺎﯞﺯﯗﺩﺍ ﺑﯩﺮ ﭘﺎﺭﭼﻪ ﺋﻮﺑﺰﯗﺭﭼﻰ ﻣﺎﻗﺎﻟﯩﺴﻰ ﺋﯧﻼﻥ ﻗﯩﻠﺪﻯ.

ﻣﺎﻗﺎﻟﯩﺪﻩ ﺋﺎﭘﺘﯘﺭ ﺋﯘﺯﺍﻕ ﻳﯩﻠﻼﺭﺩﯨﻦ ﺑﯘﻳﺎﻥ ﻏﻪﺭﺏ ﺩﯗﻧﻴﺎﺳﯩﻨﯩﯔ ﺋﯧﻐﯩﺮ ﻛﻪﻣﺴﯩﺘﯩﺸﯩﮕﻪ ﺋﯘﭼﺮﺍﭖ ﻛﯚﯕﯜﻝ ﺋﺎﺯﺍﺑﻰ ﭼﻪﻛﻜﻪﻥ ﺧﯩﺘﺎﻳﻼﺭﻧﯩﯔ ﺋﻪﻣﺪﯨﻠﯩﻜﺘﻪ ﺑﯩﻠﯩﭗ ‏ - ﺑﯩﻠﻤﻪﻱ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﻰ ﻛﻪﻣﺴﯩﺘﯩﺶ ﻳﻮﻟﻰ ﺗﯘﺗﯘﯞﺍﺗﻘﺎﻧﻠﯩﻘﯩﻨﻰ ﻗﺎﺗﺘﯩﻖ ﺗﻪﻧﻘﯩﺪ ﻗﯩﻠﻐﺎﻥ. ﺋﯘ ﻣﺎﻗﺎﻟﯩﺴﯩﺪﻩ ﭼﻮﯓ ﻗﯘﺭﯗﻗﻠﯘﻗﺘﯩﻜﻰ ﺧﯩﺘﺎﻳﻼﺭﻧﻰ ﭼﯜﺷﯩﻨﯩﺸﻜﻪ ﺑﻮﻟﯩﺪﯨﻐﺎﻧﻠﯩﻘﯩﻨﻰ، ﺋﻪﻣﻤﺎ ﻛﺎﻧﺎﺩﺍﺩﻩﻙ ﺑﯩﺮ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﺘﻪ، ﻫﻪﻣﻤﻪ ﻣﯩﻠﻠﻪﺗﻠﻪﺭﻧﯩﯔ ﺋﻪﻗﻪﻟﻠﻰ ﺋﯩﻨﺴﺎﻧﻠﯩﻖ ﻫﻪﻕ - ﻫﻮﻗﯘﻗﻠﯩﺮﯨﻐﺎ ﻫﯘﺭﻣﻪﺕ ﻗﯩﻠﯩﺪﯨﻐﺎﻥ ﺑﯩﺮ ﺩﯙﻟﻪﺗﺘﻪ ﺋﯚﺯﻟﯩﺮﯨﻨﻰ ﻛﺎﺗﺘﺎ ﺯﯨﻴﺎﻟﯩﻲ ﯞﻩ ﺩﺍﯕﺪﺍﺭ ﺷﻪﺧﺲ ﺩﻩﯞﺍﻟﻐﺎﻥ ﺑﯩﺮ ﻗﯩﺴﯩﻢ ﺧﯩﺘﺎﻳﻼﺭﻧﯩﯔ ﺋﻮﭼﯘﻕ ‏- ﺋﺎﺷﻜﺎﺭﺍ ﻫﺎﻟﺪﺍ ﺑﺎﺷﻘﺎ ﺑﯩﺮ ﻣﯩﻠﻠﻪﺗﻨﻰ ﻛﻪﻣﺴﯩﺘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﭖ ﺋﯚﺯﯨﻨﯩﯔ ﺋﯩﻨﺘﺎﻳﯩﻦ ﺋﻪﭘﺴﯘﺳﻼﻧﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺑﺎﺷﻘﺎ ﻣﯩﻠﻠﻪﺗﻠﻪﺭﻧﯩﯔ ﺋﺎﯞﺍﺯﯨﻐﺎ ﻫﯘﺭﻣﻪﺕ ﻗﯩﻠﻤﺎﻳﺪﯨﻐﺎﻥ، ﻏﻪﺭﺏ ﺩﯗﻧﻴﺎﺳﯩﺪﺍ ﻳﺎﺷﺎﯞﺍﺗﻘﺎﻥ ﺧﯩﺘﺎﻳﻼﺭﻧﻰ " ﺟﯩﺴﻤﻰ ﻏﻪﺭﺑﺘﻪ ﺑﻮﻟﻐﯩﻨﻰ ﺑﯩﻠﻪﻥ، ﺋﯩﺪﯨﻴﯩﺴﻰ ﻫﯧﭻ ﺋﯘﺯﮔﻪﺭﻣﯩﮕﻪﻧﻠﻪﺭ " ﺩﻩﭖ ﺗﻪﻧﻘﯩﺪ ﻗﯩﻠﯩﺪﯗ.

ﺋﯘﻳﻐﯘﺭﻻﺭ ﺋﺎﯞﺍﺯﯨﻐﺎ ﻗﯩﺴﻤﻪﻥ ﻗﯘﻻﻕ ﺳﺎﻟﻐﺎﻧﻠﯩﻘﻰ ﺋﯜﭼﯜﻥ ﻛﺎﻧﺎﺩﺍﺩﺍ ﻳﺎﺷﺎﯞﺍﺗﻘﺎﻥ ﺧﯩﺘﺎﻱ ﺋﻮﻗﯘﺭﻣﻪﻧﻠﯩﺮﯨﻨﯩﯔ ﺷﯩﻜﺎﻳﯩﺘﻰ ﺋﺎﺳﺘﯩﺪﺍ ﻗﺎﻟﻐﺎﻥ ﺧﯩﺘﺎﻱ ﺋﻮﺑﺰﯗﺭﭼﻰ ﺷﺎﯞ ﻳﯜ ﺑﯘ ﻣﻪﺳﯩﻠﯩﮕﻪ ﻧﯩﺴﺒﻪﺗﻪﻥ ﺋﯚﺯﯨﻨﯩﯔ ﻗﺎﺗﺘﯩﻖ ﺋﻪﭘﺴﯘﺳﻼﻧﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ:
" ﺷﯩﻨﺠﺎﯕﺪﯨﻜﻰ ﺋﯘﻳﻐﯘﺭﻻﺭﻧﻰ ﻛﻪﻣﺴﯩﺘﯩﭗ ﺷﯩﻜﺎﻳﻪﺕ ﻗﯩﻠﯩﯟﺍﺗﻘﺎﻧﻼﺭ ﺗﯧﺨﻰ ﻳﯧﻘﯩﻨﺪﯨﻼ ﺧﯩﺘﺎﻳﺪﯨﻦ ﻛﺎﻧﺎﺩﺍﻏﺎ ﻛﻪﻟﮕﻪﻧﻠﻪﺭ ﯞﻩ ﻳﺎﻛﻰ ﻗﯧﻨﻰ ﻗﯩﺰﺯﯨﻖ ﺑﻪﯕﯟﺍﺵ ﻳﺎﺷﻼﺭ ﺋﻪﻣﻪﺱ، ﻛﺎﻧﺎﺩﺍﺩﺍ ﻳﺎﺷﺎﯞﺍﺗﻘﯩﻨﯩﻐﺎ ﺋﯘﺯﯗﻥ ﻳﯩﻠﻼﺭ ﺑﻮﻟﻐﺎﻥ، ﻛﺎﻧﺎﺩﺍﻧﯩﯔ ﻧﯘﻗﺘﯩﻠﯩﻖ ﺋﻮﺭﮔﺎﻧﻠﯩﺮﯨﺪﺍ ﺧﯩﺰﻣﻪﺕ ﻗﯩﻠﯩﯟﺍﺗﻘﺎﻥ، ﺩﺍﯞﺍﻣﻠﯩﻖ ﻫﺎﻟﺪﺍ ﻏﻪﺭﺑﻨﻰ ﻣﯩﻠﻠﻪﺗﻠﻪﺭﮔﻪ ﺑﺎﺭﺍﯞﻩﺭ ﺳﯩﻴﺎﺳﻪﺕ ﻗﻮﻟﻼﻧﻤﯩﺪﻯ ﺩﻩﭖ ﺋﺎﻏﺮﯨﻨﯩﭗ ﻳﯜﺭﯛﻳﺪﯨﻐﺎﻧﻼﺭ ﺷﯘﻧﺪﺍﻗﻼ ﻛﺎﻧﺎﺩﺍ ﺟﻪﻣﺌﯩﻴﯩﺘﯩﺪﻩ ﻣﯩﻠﻠﻪﺗﻠﻪﺭﻧﻰ ﻛﻪﻣﺴﯩﺘﯩﺶ، ﺗﯚﯞﻩﻥ ﻛﯚﺭﯛﺵ ﻗﺎﺗﺎﺭﻟﯩﻘﻼﺭﻏﺎ ﻫﯩﭽﻘﺎﻧﺪﺍﻕ ﺋﻮﺭﯗﻥ ﻳﻮﻗﻠﯘﻗﯩﻨﻰ ﻳﺎﺧﺸﻰ ﺑﯩﻠﯩﺪﯨﻐﺎﻥ، ﺋﯘﺯﻟﯩﺮﯨﻨﻰ ﺩﺍﯕﻠﯩﻖ ﺯﯨﻴﺎﻟﯩﻲ ﺩﻩﭖ ﻗﺎﺭﺍﻳﺪﯨﻐﺎﻧﻼﺭ ﺋﯩﺪﻯ."

ﺋﺎﭘﺘﯘﺭ ﻛﺎﻧﺎﺩﺍﺩﺍ ﻳﺎﺷﺎﯞﺍﺗﻘﺎﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ ﺋﻮﻣﯘﻣﻰ ﺋﻪﻫﯟﺍﻟﯩﻨﻰ ﺗﻪﻫﻠﯩﻞ ﻗﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ: " ﻛﺎﻧﺎﺩﺍﺩﺍ ﻳﺎﺷﺎﯞﺍﺗﻘﺎﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ ﻛﯚﭘﯩﻨﭽﯩﺴﻰ ﺋﺎﻟﯩﻲ ﻣﻪﻛﺘﻪﭖ ﯞﻩ ﻳﺎﻛﻰ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﯩﻐﺎ ﺋﯩﮕﻪ ﻛﯩﺸﯩﻠﻪﺭ، ﺋﻪﻣﻤﺎ ﺋﯘﻻﺭﻧﯩﯔ ﻣﯩﻠﻠﯩﻲ ﻣﻪﺳﯩﻠﯩﻠﻪﺭﻧﻰ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﯩﯔ ﻫﻪﻕ - ﻫﻮﻗﯘﻗﻠﯩﺮﻯ ﻧﯘﻗﺘﯩﺴﺪﺍ ﺗﯘﺭﯗﭖ، ﻛﺎﻧﺎﺩﺍﭼﻪ ﺗﻪﻫﻠﯩﻞ ﻗﯩﻠﯩﺶ ﺳﻪﯞﯨﻴﯩﺴﻰ ﺋﯘﺯﯨﻨﯩﯔ ﺩﻩﺭﯨﺠﯩﺴﯩﺪﯨﻦ ﻛﯚﭖ ﺗﯚﯞﻩﻥ. ﺋﯘﻻﺭ ﺋﯘﻳﻐﯘﺭﻻﺭﻧﯩﯔ ﺋﺎﯞﺍﺯﯨﻐﺎ ﺋﻪﺳﺘﺎﻳﯩﺪﯨﻠﻠﯩﻖ ﺑﯩﻠﻪﻥ ﻗﯘﻻﻕ ﺳﯧﻠﯩﭗ ﺑﯧﻘﯩﺸﻨﻰ ﺧﺎﻟﯩﻤﺎﻳﺪﯗ، ﺑﯘﻧﯩﯔ ﺋﻪﻛﺴﯩﭽﻪ ﻫﯧﭽﻘﺎﻧﺪﺍﻕ ﺋﺎﺳﺎﺳﺴﯩﺰﻻ ﺋﯚﺯ ﺑﯧﺸﯩﻤﭽﯩﻠﯩﻖ ﺑﯩﻠﻪﻥ ﺋﯘﻳﻐﯘﺭ ﻣﯩﻠﻠﯩﺘﯩﻨﻰ ﻧﻪﺯﯨﺮﯨﻴﯩﯟﻯ ﺳﻪﯞﯨﻴﯩﺴﻰ ﻳﻮﻕ ﺩﻩﭖ ﻛﻪﻣﺴﯩﺘﯩﺪﯗ. ﺋﯘﻻﺭ ﺋﯘﻳﻐﯘﺭﻻﺭﻧﯩﯔ ﺋﺎﺭﯨﺴﯩﻐﺎ ﭼﻮﯕﻘﯘﺭ ﭼﯚﻛﯜﺷﻨﻰ ﺧﺎﻟﯩﻤﺎﻳﺪﯗ‏ - ﻳﯘ، ﺋﻪﻣﻤﺎ ﺑﯩﺮ ﺗﻪﺭﻩﭘﻠﯩﻤﻪ ﻫﺎﻟﺪﺍ ﺋﯘﻻﺭﻧﻰ ﺗﯧﺮﺭﻭﺭﭼﯩﻠﯩﻘﻘﺎ ﺑﺎﻏﻼﺷﻘﺎ ﺗﯩﺮﯨﺸﯩﺪﯗ. ﺋﯘﻻﺭ ﻳﻪﻧﻪ ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﻧﯧﻤﻪ ﺋﯜﭼﯜﻥ ﺩﯦﮕﻪﻥ ﺳﻮﺋﺎﻟﻨﻰ ﺳﻮﺭﺍﺷﺘﯩﻦ ﺋﯚﺯﯨﻨﻰ ﻗﺎﭼﯘﺭﯨﺪﯗ."

ﺋﺎﭘﺘﯘﺭ ﻛﺎﻧﺎﺩﺍﺩﯨﻜﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﺪﻩ ﺳﺎﻗﻠﯩﻨﯩﯟﺍﺗﻘﺎﻥ ﻳﯘﻗﯩﺮﯨﻘﯩﺪﻩﻙ ﺩﻭﮔﻤﯩﻠﯩﻘﻼﺭﻧﻰ ﺋﯩﺮﻗﭽﯩﻠﯩﻖ ﯞﻩ ﺧﯩﺘﺎﻱ ﻣﺎﺋﺎﺭﯨﭙﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺋﺎﻗﯩﯟﻩﺗﻠﻪﺭ ﺷﯘﻧﺪﺍﻗﻼ ﺧﯩﺘﺎﻳﻨﯩﯔ ﺳﺎﺧﺘﺎ ﺗﻪﺷﯟﯨﻘﺎﺗﻰ ﺷﻪﻛﯩﻠﻠﻪﻧﺪﯛﺭﮔﻪﻥ ﻳﯩﺘﻪﺭﺳﯩﺰﻟﯩﻜﻠﻪﺭ ﺩﻩﭖ ﺗﻪﻧﻘﯩﺪ ﻗﯩﻠﯩﺪﯗ.

ﺋﺎﭘﺘﯘﺭ ﺋﻮﺑﺰﯗﺭﯨﺪﺍ ﺧﯩﺘﺎﻱ ﺟﻪﻣﺌﯩﻴﺘﯩﺪﻩ ﺷﻪﻛﯩﻠﻠﯩﻨﯩﭗ ﻗﺎﻟﻐﺎﻥ ﺩﻭﮔﻤﯩﻠﯩﻘﻼﺭﻧﻰ، ﺧﯩﺘﺎﻳﻼﺭﻧﯩﯔ ﺋﯚﺳﯜﭖ ﻳﯧﺘﯩﻠﯩﺶ ﻣﯘﻫﯩﺘﻰ ﺑﯩﻠﻪﻥ ﺑﯩﺮﻟﻪﺷﺘﯜﺭﯛﭖ ﺗﻪﻫﻠﯩﻞ ﻗﯩﻠﯩﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ: "ﺑﯩﺰ ﻛﯩﭽﯩﮕﯩﻤﯩﺰﺩﯨﻨﻼ ﺟﯘﯕﮕﻮﺩﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ ﻛﻮﻣﭙﺎﺭﺗﯩﻴﻪ ﺋﺎﺯﺍﺩﻟﯩﻘﻘﺎ ﺋﯧﺮﯨﺸﺘﯜﺭﮔﻪﻥ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﭼﻮﻗﯘﻡ ﺑﯩﺰ ﺧﯩﺘﺎﻳﻼﺭﻧﯩﯔ ﻳﺎﺭﺩﯨﻤﻰ ﯞﻩ ﻏﻪﻣﺨﻮﺭﻟﯘﻗﻰ ﺋﺎﺳﺘﯩﺪﺍ ﻳﺎﺷﯩﺸﻰ ﻛﯧﺮﻩﻙ ﺩﻩﻳﺪﯨﻐﺎﻥ ﻓﯧﺌﻮﺩﺍﻟﻠﯩﻖ ﺟﻪﻣﺌﯩﻴﻪﺗﺘﯩﻜﻰ ﻗﯘﻟﻠﯘﻕ ﺗﯜﺯﯛﻡ ﺗﻪﺳﯩﺮﻯ ﺋﺎﺳﺘﯩﺪﺍ ﺋﯚﺳﯜﭖ ﻳﯧﺘﯩﻠﺪﯗﻕ، ﺑﯘ ﺋﯚﺯﯨﻤﯩﺰﭼﻪ ﺑﻪﺧﯩﺘﻠﯩﻚ ﺗﯘﺭﻣﯘﺵ ﻛﻪﭼﯜﺭﯛﺵ ﺗﻪﺷﯟﯨﻘﺎﺕ ﺗﻪﺭﺑﯩﻴﯩﺴﻰ ﺋﯩﺪﻯ. ﻗﻪﻟﺒﯩﻤﯩﺰﺩﻩ ﺧﯩﺘﺎﻱ ﻣﯩﻠﻠﯩﺘﻰ ﻫﻪﻣﻤﯩﺪﯨﻦ ﺋﯘﻟﯘﻕ،ﺧﯩﺘﺎﻱ ﻣﯩﻠﻠﯩﺘﻰ ﻫﻪﻣﻤﯩﺪﯨﻦ ﻫﯚﺭﻣﻪﺗﻠﯩﻚ ﺩﻩﻳﺪﯨﻐﺎﻥ ﺋﯩﺪﯨﻴﻪ ﭘﯜﺗﯜﻥ ﯞﯗﺟﯘﺩﯨﻤﯩﺰﻏﺎ ﻣﯚﻫﯜﺭ ﺑﻮﻟﯘﭖ ﺑﯧﺴﯩﻠﯩﭗ ﻛﻪﺗﻜﻪﻥ."

ﺋﺎﭘﺘﯘﺭ ﺑﯘ ﻣﻪﺳﯩﻠﯩﻠﻪﺭﻧﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ، ﻛﺎﻧﺎﺩﺍﺩﻩﻙ ﻛﯚﭖ ﺧﯩﻞ ﻣﻪﺩﻩﻧﯩﻴﻪﺗﻠﻪﺭﻧﯩﯔ ﺋﻮﺭﺗﺎﻕ ﮔﯜﻟﻠﯩﻨﯩﺸﯩﮕﻪ ﻛﻪﯓ ﻗﻮﺳﺎﻗﻠﯩﻖ ﺑﯩﻠﻪﻥ ﺋﯩﻤﻜﺎﻧﯩﻴﻪﺕ ﻳﺎﺭﯨﺘﯩﭗ ﺑﯧﺮﯨﺪﯨﻐﺎﻥ ﺑﯩﺮ ﺩﯙﻟﻪﺗﻜﻪ ﺋﯩﺪﯨﻴﻪ ﯞﻩ ﻣﻪﻧﯩﯟﯨﻴﻪﺕ ﺟﻪﻫﻪﺗﺘﯩﻦ ﻣﺎﺳﻠﯩﺸﺎﻟﻤﺎﺳﻠﯩﻘﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺑﻠﻪﺭ ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺋﯘﻳﻐﯘﺭﻻﺭﻧﯩﯔ ﺋﺎﯞﺍﺯﯨﻐﺎ ﻗﯩﺴﻤﻪﻥ ﻗﯘﻻﻕ ﺳﺎﻟﻐﺎﻧﻠﯩﻘﻰ ﺋﯜﭼﯜﻥ ﻛﺎﻧﺎﺩﺍﺩﯨﻜﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ ﺷﯩﻜﺎﻳﯩﺘﯩﮕﻪ ﻛﯚﻣﯜﻟﯜﭖ ﻗﺎﻟﻐﺎﻥ ﺧﯩﺘﺎﻱ ﺋﻮﺑﺰﻭﺭﭼﻰ ﺷﺎﯞ ﻳﯜ،ﺧﯩﺘﺎﻳﺪﯨﻜﻰ ﺧﯩﺘﺎﻱ ﻣﯩﻠﻠﯩﺘﻰ ﺑﯩﻠﻪﻥ ﺋﯘﻳﻐﯘﺭ ﻗﺎﺗﺎﺭﻟﯩﻖ ﻣﯩﻠﻠﻪﺗﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﻠﻪﺭﻧﻰ ﻣﻪﺳﺨﯩﯩﺮﻩ ﻗﯩﻠﯩﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ: "ﭼﻮﯓ ﻗﯘﺭﯗﻗﻠﯘﻗﺘﺎ ﺋﻪﺳﯩﺮﻟﻪﺭ ﺑﻮﻳﻰ، ﻣﻪﯕﮕﯜ ﺋﺎﺧﯩﺮﻻﺷﻤﺎﻳﺪﯨﻐﺎﻥ ﺧﯩﺘﺎﻳﻼﺭ، ﺋﯘﻳﻐﯘﺭ ﻗﺎﺗﺎﺭﻟﯩﻖ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﻳﺎﺭﺩﻩﻡ ﻗﯩﻠﯩﭗ ﻳﺎﺷﺎﻳﺪﯨﻐﺎﻥ ﺋﻪﻫﯟﺍﻝ ﻣﻪﯞﺟﯜﺕ. ﺧﻪﻕ ﺳﯧﻨﯩﯔ ﻳﺎﺭﺩﯨﻤﯩﯖﻨﻰ ﺧﺎﻻﻣﺪﯗ ‏ - ﺧﺎﻟﯩﻤﺎﻣﺪﯗ، ﺑﯘﻧﯩﯔ ﺑﯩﻠﻪﻥ ﻫﯧﭽﻜﯩﻤﻨﯩﯔ ﻛﺎﺭﻯ ﻳﻮﻕ، 'ﻣﻪﻥ ﺧﻪﻧﺰﯗ ﺑﻮﻟﻐﺎﻧﻠﯩﻘﯩﻢ ﺋﯜﭼﯜﻥ ﻳﺎﺭﺩﻩﻡ ﻗﯩﻠﻐﯘﭼﻰ، ﺳﻪﻥ ﺋﺎﺯ ﺳﺎﻧﻠﯩﻖ ﺑﻮﻟﻐﺎﻧﻠﯩﻘﯩﯔ ﺋﯜﭼﯜﻥ ﻣﺎﯕﺎ ﺗﺎﻳﯩﻨﯩﭗ ﻳﺎﺷﯩﺸﯩﯔ ﻛﯧﺮﻩﻙ ' ﺩﻩﻳﺪﯨﻐﺎﻥ ﭼﻮﯓ ﺧﻪﻧﺰﯗﭼﯩﻠﯩﻖ ﻣﻪﯞﺟﯜﺕ. ﺑﯘﻧﻰ ﻛﺎﻧﺎﺩﺍ ﺟﻪﻣﺌﯩﻴﯩﺘﻰ ﻛﯚﺗﯜﺭﻩﻟﻤﻪﻳﺪﯗ."

ﺋﺎﭘﺘﯘﺭ ﭼﻮﯓ ﻗﯘﺭﯗﻗﻠﯘﻗﺘﺎ ﺳﺎﻗﻠﯩﻨﯩﯟﺍﺗﻘﺎﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﻣﺎﯕﯩﺪﯨﻐﺎﻥ ﻳﻮﻝ ﺑﻪﺭﻣﻪﺳﻠﯩﻜﻨﻰ ﺧﯩﺘﺎﻱ ﺷﻮﯞﯨﻨﯩﺰﻣﻰ ﺩﻩﭖ ﺗﻪﻧﻘﯩﺪ ﻗﯩﻠﯩﺪﯗ.

ﻛﻪﻣﺴﯩﺘﯩﺸﻨﯩﯔ ﺑﯩﺮ ﺧﯩﻞ ﺋﯩﺠﺘﯩﻤﺎﺋﻰ ﻫﺎﺩﯨﺴﻪ ﺋﯩﻜﻪﻧﻠﯩﻜﯩﻨﻰ، ﺑﯘ ﺷﯘ ﺟﻪﻣﺌﯩﻴﻪﺗﺘﻪ ﻳﺎﺷﺎﯞﺍﺗﻘﺎﻥ ﻛﯩﺸﯩﻠﻪﺭﻧﯩﯔ ﺩﯦﻤﻮﻛﺮﺍﺗﯩﻚ ﺳﺎﭘﺎﺳﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﻣﻪﺳﯩﻠﻪ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﺎﭘﺘﯘﺭ، ﺋﻮﺑﺰﯗﺭﯨﻨﯩﯔ ﺋﺎﺧﯩﺮﯨﺪﺍ ﻛﺎﻧﺎﺩﺍﺩﺍ ﻳﺎﺷﺎﯞﺍﺗﻘﺎﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ،ﺋﯩﺪﯨﻴﯩﺴﯩﺪﯨﻜﻰ ﻛﻮﻣﻤﯘﻧﯩﺰﻣﺪﯨﻦ ﻗﺎﻟﻐﺎﻥ ﺩﻭﮔﻤﺎ ﺋﯩﺪﯨﻴﯩﻠﻪﺭﻧﻰ ﭼﯚﺭﯛﭖ ﺗﺎﺷﻼﭖ، ﻛﺎﻧﺎﺩﺍﺩﯨﻜﻰ ﺩﯦﻤﻮﻛﺮﺍﺗﯩﻚ ﺗﯜﺯﯛﻡ ﺑﻪﺭﭘﺎ ﻗﯩﻠﻐﺎﻥ ﺋﯩﻨﺴﺎﻥ ﻫﻪﻗﻠﯩﺮﻯ ﯞﻩ ﺩﯦﻤﻮﻛﺮﺍﺗﯩﻴﯩﻨﻰ ﻗﻮﺑﯘﻝ ﻗﯩﻠﯩﭗ، ﺑﺎﺷﻘﯩﻼﺭﻧﯩﯔ ﺋﺎﯞﺍﺯﯨﻐﺎ ﻛﯚﭘﺮﻩﻙ ﻗﯘﻻﻕ ﺳﯧﻠﯩﺸﺘﻪﻙ ﺋﯧﺴﯩﻞ ﺋﻪﺧﻼﻗﻨﻰ ﺋﯚﮔﯩﻨﯩﺸﻜﻪ ﭼﺎﻗﯩﺮﻏﺎﻥ.