ﻧﺎﻣﺎﻳﯩﺶ ﺑﺎﺷﻠﯩﻨﯩﺸﻰ ﺑﯩﻠﻪﻥ ﻛﺎﻧﺎﺩﺍ ﺋﯘﻳﻐﯘﺭ ﺟﻪﻣﺌﯩﻴﺘﯩﻨﯩﯔ ﺭﻩﺋﯩﺴﻰ ﺭﯗﻗﯩﻴﻪ ﺗﯘﺭﺩﯗﺵ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺷﺎﯞﮔﯜﻩﻧﺪﯨﻜﻰ ﺋﻮﻳﯘﻧﭽﯘﻕ ﺯﺍﯞﯗﺗﯩﺪﺍ 26 ﻧﻪﭘﻪﺭ ﺋﯘﻳﻐﯘﺭ ﻳﺎﺷﻨﯩﯔ ﺧﯩﺘﺎﻳﻼﺭ ﺗﻪﺭﯨﭙﯩﺪﯨﻦ ﺋﯘﺭﯗﭖ ﺋﯚﻟﺘﯜﺭﯛﻟﯜﭖ، 180 ﻧﻪﭘﯩﺮﯨﻨﯩﯔ ﻳﺎﺭﯨﻼﻧﻐﺎﻧﻠﯩﻐﯩﺪﻩﻙ ﺑﯘ ﻗﺎﻧﻠﯩﻖ ﻗﯩﺮﻏﯩﻨﭽﯩﻠﯩﻘﻘﺎ ﻛﺎﻧﺎﺩﺍ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﯞﻩ ﭘﯘﺗﯘﻥ ﺩﯗﻧﻴﺎﺩﯨﻜﻰ ﺋﯘﻳﻐﯘﺭﻻﺭﻧﯩﯔ ﭼﯩﺪﺍﭖ ﺗﯘﺭﺍﻟﻤﺎﻳﺪﯨﻐﺎﻧﻠﯩﻐﯩﻨﻰ، ﺑﯘﻧﯩﯔ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﺋﯩﻜﻪﻧﻠﯩﻜﯩﻨﻰ، ﺑﯘ ﻗﯩﺮﻏﯩﻨﭽﯩﻠﯩﻘﺘﺎ ﺋﻪﻟﺒﻪﺗﺘﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯧﻐﯩﺮ ﻣﻪﺳﺌﯘﻟﯩﻴﯩﺘﻰ ﺑﺎﺭﻟﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺵ ﺑﯩﻠﻪﻥ ﺑﯩﻠﻠﻪ، ﺑﯘ ﺧﯩﻞ ﻣﯩﻠﻠﯩﻲ ﺋﯚﭼﻤﻪﻧﻠﯩﻜﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﭼﻰ، ﻣﯩﻠﻠﯩﻲ ﺑﯚﻟﮕﯜﻧﭽﻰ،ﺩﯨﻨﯩﻲ ﺭﺍﺩﯨﻜﺎﻝ ﯞﻩ ﺋﻮﻏﺮﻯ، ﻳﺎﻧﭽﯘﻗﭽﻰ ﺩﻩﭖ ﺗﻪﺷﯟﯨﻖ ﻗﯩﻠﻐﺎﻧﻠﯩﻐﯩﻨﯩﯔ ﻧﻪﺗﯩﺠﯩﺴﻰ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ ﻫﺎﺯﯨﺮ ﺗﻮﺭﻭﻧﺘﻮﺩﺍ ﻳﺎﺷﺎﯞﺍﺗﻘﺎﻥ ﺗﯘﺭﺍﻧﺨﺎﻥ ﺧﺎﻧﯩﻢ ﺑﯘ ﻗﯩﺮﻏﯩﻨﭽﯩﻠﯩﻘﻨﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻨﻜﻰ ﺋﯚﺯ ﺗﻪﺳﯩﺮﺍﺗﻠﯩﺮﯨﻨﻰ ﻣﯘﻧﺪﺍﻕ ﺑﺎﻳﺎﻥ ﻗﯩﻠﺪﻯ: " ﻣﻪﻥ ﻗﺎﺗﺘﯩﻖ ﻳﯩﻐﻼﭖ ﻛﻪﺗﺘﯩﻢ. ﭼﯜﻧﻜﻰ ﺋﺎﺗﺎ ‏- ﺋﺎﻧﯩﺴﻰ ﺋﺎﺭﺯﯗﻻﭖ ﺑﺎﻗﻘﺎﻥ ﺑﺎﻟﯩﻼﺭﻧﻰ، ﻫﻪﺭ ﺑﯩﺮ ﺑﺎﻟﯩﻨﻰ 20 ﺩﯨﻦ ﺋﺎﺭﺗﯘﻕ ﺧﯩﺘﺎﻳﻨﯩﯔ ﺗﻮﭘﻠﯩﺸﯩﭗ ﺋﯘﺭﻏﺎﻧﻠﯩﻘﯩﻨﻰ ﺋﺎﯕﻼﭖ ﻳﯜﺭﯨﮕﯩﻢ ﻗﺎﺗﺘﯩﻖ ﺋﺎﻏﺮﯨﭗ ﻳﯧﺘﯩﭗ ﻛﻪﺗﺘﯩﻢ. ﺷﯘﻧﺪﺍﻕ ﺑﻮﻟﺴﯩﻤﯘ، ﻳﻪﻧﻪ ﻏﻪﻳﺮﻩﺕ ﻗﯩﻠﯩﭗ،ﺑﯘﮔﯘﻥ ﺑﯘ ﻧﺎﻣﺎﻳﯩﺸﻘﺎ ﭼﯩﻘﯩﯟﺍﺗﯩﻤﻪﻥ."

ﺷﯜ ﻛﯜﻧﻰ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﻰ ﺋﺎﻟﺪﯨﺪﺍ ﺋﯚﺯ ﻧﺎﺭﺍﺯﯨﻠﯩﻘﻠﯩﺮﯨﻨﻰ ﺋﯩﭙﺎﺩﯨﻠﯩﮕﻪﻥ ﺋﯘﻳﻐﯘﺭﻻﺭ، ﺷﻪﺭﻗﻰ ﺗﯘﺭﻛﺴﺘﺎﻧﻨﯩﯔ ﺋﺎﻱ ﻳﯘﻟﺘﯘﺯﻟﯘﻕ ﺑﺎﻳﺮﯨﻘﯩﻨﻰ ﻛﯚﺗﯩﺮﯨﭗ ﺷﯘﺋﺎﺭﻻﺭ ﺗﻮﯞﻟﯩﺸﯩﭗ ﺗﻮﺭﻭﻧﺘﻮﺩﯨﻜﻰ ﺋﺎﺳﺎﺳﻠﯩﻖ ﻛﻮﭼﯩﻼﺭﻧﯩﻤﯘ ﺋﺎﻳﻼﻧﺪﻯ.

ﻧﺎﻣﺎﻳﯩﺶ ﺟﻪﺭﻳﺎﻧﯩﺪﺍ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺗﻮﺭﻭﻧﺘﻮﺩﺍ ﻳﺎﺷﺎﯞﺍﺗﻘﺎﻥ ﺋﻪﻛﺮﻩﻡ ﺋﻪﭘﻪﻧﺪﻯ ﻣﯘﻧﺪﺍﻕ ﺩﯦﺪﻯ: " ﺑﯩﺰ ﺑﯜﮔﯜﻥ ﺗﻮﺭﻭﻧﺘﻮﺩﺍ ﻳﺎﺷﺎﯞﺍﺗﻘﺎﻥ ﭼﻮﯓ ‏- ﻛﯩﭽﯩﻚ، ﻗﯧﺮﻯ‏- ﻳﺎﺵ ﻫﻪﻣﻤﯩﻤﯩﺰ ﺗﻮﺭﻭﻧﺘﻮﺩﯨﻜﻰ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﻰ ﺋﺎﻟﺪﯨﻐﺎ ﻳﯩﻐﯩﻠﯩﭗ ﺋﯘﻧﺪﯨﻦ ﻛﯧﻴﯩﻦ ﻛﻮﭼﯩﻼﺭﻧﻰ ﺋﺎﻳﻠﯩﻨﯩﭗ ﺷﺎﯞﮔﯜﻩﻥ ﻗﯩﺮﻏﯩﻨﭽﯩﻠﯩﻘﯩﻐﺎ ﺋﯘﺯ ﻧﺎﺭﺍﺯﯨﻠﯩﻘﯩﻤﯩﺰﻧﻰ ﺑﯩﻠﺪﯛﺭﯛﯞﺍﺗﯩﻤﯩﺰ. ﺋﯩﺸﯩﻨﻤﻪﻧﻜﻰ، ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﺋﯘﻳﻐﯘﺭﻻﺭ ﺑﯘﻧﯩﯔ ﻗﯩﺴﺎﺳﯩﻨﻰ ﭼﻮﻗﯘﻡ ﺋﺎﻟﯩﺪﯗ."

ﻧﺎﻣﺎﻳﯩﺶ ﺟﻪﺭﻳﺎﻧﯩﺪﺍ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﻛﺎﻧﺎﺩﺍ ﺋﯘﻳﻐﯘﺭ ﺟﻪﻣﺌﯩﻴﺘﯩﻨﯩﯔ ﺭﻩﺋﯩﺴﻰ ﺭﯗﻗﯩﻴﻪ ﺗﯘﺭﺩﯗﺵ ﻣﯘﻧﺪﺍﻕ ﺩﯦﺪﻯ.

ﻛﺎﻧﺎﺩﺍ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺧﺎﺩﯨﻤﻼﺭﻧﯩﯔ ﺑﯩﻠﺪﯗﺭﯗﺷﯩﭽﻪ، ﻛﺎﻧﺎﺩﺍ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺑﯘ ﺧﯩﻠﺪﯨﻜﻰ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﯩﻨﻰ ﺑﯩﺮ ﻧﻪﭼﭽﻪ ﻗﯧﺘﯩﻢ ﺩﺍﯞﺍﻣﻼﺷﺘﯘﺭﯗﺷﻨﻰ، ﻫﻪﺗﺘﺎ ﻛﺎﻧﺎﺩﺍﻧﯩﯔ ﭘﺎﻳﺘﻪﺧﺘﻰ ﺋﻮﺗﺘﺎﯞﺍﻏﺎ ﻗﻪﺩﻩﺭ ﺑﯧﺮﯨﭗ ﺩﺍﯞﺍﻣﻼﺷﺘﯘﺭﯗﺷﻨﻰ ﭘﯩﻼﻧﻼﯞﯨﺘﯩﭙﺘﯘ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز