ﺋﺎﻣﯧﺮﯨﻜﺎ ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﯩﻨﯩﯔ ﺩﯙﻟﻪﺗﻠﯩﻚ ﻗﯘﺭﯗﻟﺘﯩﻴﻰ ﺋﯧﭽﯩﻠﯩﯟﺍﺗﻘﺎﻥ ﺷﯘﻧﯩﯖﺪﻩﻙ ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﯩﻨﯩﯔ ﻧﺎﻣﺰﺍﺗﻰ ﺟﻮﻥ ﻣﯩﻜﻜﯧﻴﯩﻦ ﺑﯩﻠﻪﻥ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺑﺎﺭﺍﻙ ﺋﻮﺑﺎﻣﺎﻧﯩﯔ ﻛﯧﻠﻪﺭﻛﻰ ﻗﯧﺘﯩﻤﻠﯩﻖ ﭘﺮﯦﺰﯨﺪﯦﻨﺘﻠﯩﻖ ﺋﻮﺭﻧﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺳﺎﻳﻼﻡ ﭘﺎﺋﺎﻟﯩﻴﻪﺗﻠﯩﺮﻯ ﺋﻪﯞﺟﻰ ﺋﯧﻠﯩﯟﺍﺗﻘﺎﻥ ﭘﻪﻳﺘﻜﻪ ﺗﻮﻏﺮﺍ ﻛﻪﻟﮕﻪﻥ ﻣﻪﺯﻛﯘﺭ ﺳﻪﭘﻪﺭ ﺧﻪﻟﻘﺌﺎﺭﺍ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺩﯨﻘﻘﻪﺕ ﻧﻪﺯﯨﺮﯨﺪﯨﻦ ﺋﻮﺭﯗﻥ ﺋﺎﻟﺪﻯ.

ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺖ ﭼﯧﻨﯩﻲ ﺋﻪﭘﻪﻧﺪﻯ ﭼﺎﺭﺷﻪﻧﺒﻪ ﻛﯜﻧﻰ ﮔﺮﯗﺯﯨﻴﯩﻨﯩﯔ ﻗﻮﺷﻨﯩﺴﻰ ﻫﻪﻣﺪﻩ ﻛﺎﯞﻛﺎﺯﯨﻴﯩﺪﯨﻜﻰ ﻣﯘﻫﯩﻢ ﻧﯧﻔﯩﺖ ﺋﯩﺸﻠﻪﭘﭽﯩﻘﺎﺭﻏﯘﭼﻰ ﻣﻪﻣﻠﯩﻜﻪﺕ ﺋﻪﺯﻩﺭﺑﻪﻳﺠﺎﻥ ﭘﺎﻳﺘﻪﺧﺘﻰ ﺑﺎﻛﯘﻏﺎ ﻳﯧﺘﯩﭗ ﻛﯧﻠﯩﭗ، ﺋﯚﺯﯨﻨﯩﯔ ﺑﯘ ﻗﯧﺘﯩﻢ ﺳﻪﭘﯩﺮﯨﻨﯩﯔ ﻣﯘﻗﻪﺩﺩﯨﻤﯩﺴﯩﻨﻰ ﺑﺎﺷﻠﯩﺪﻯ.

ﺩﯨﻚ ﭼﯧﻨﯩﻴﻨﯩﯔ ﺯﯨﻴﺎﺭﯨﺘﻰ ﻗﺎﻧﺪﺍﻕ ﺋﻪﻫﯟﺍﻝ ﺋﺎﺳﺘﯩﺪﺍ ﺑﺎﺷﻼﻧﺪﻯ؟

ﺋﺎﻣﯧﺮﯨﻜﺎ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﻰ ﺩﯨﻚ ﭼﯧﻨﯩﻴﻨﯩﯔ ﻛﺎﯞﻛﺎﺯﯨﻴﻪ ﺯﯨﻴﺎﺭﯨﺘﻰ ﺗﯚﯞﻩﻧﺪﯨﻜﯩﺪﻩﻙ ﻣﯘﻫﯩﻢ ﯞﻩﺯﯨﻴﻪﺕ ﺗﻪﺭﻩﻗﻘﯩﻴﺎﺗﻰ ﺟﻪﺭﻳﺎﻧﯩﺪﺍ ﺑﺎﺷﻼﻧﺪﻯ. ﻳﻪﻧﻰ ﺩﯛﺷﻪﻧﺒﻪ ﻛﯜﻧﻰ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺟﯩﺪﺩﯨﻲ ﻳﯩﻐﯩﻦ ﭼﺎﻗﯩﺮﯨﭗ، ﺭﯗﺳﯩﻴﯩﻨﯩﯔ ﺟﻪﻧﯘﺑﯩﻲ ﺋﻮﺳﺴﯧﺘﯩﻴﻪ ﯞﻩ ﺋﺎﺑﺨﺎﺯﯨﻴﯩﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻫﻪﺭﯨﻜﻪﺗﻠﯩﺮﯨﮕﻪ ﻧﯩﺴﺒﻪﺗﻪﻥ ﻗﺎﻧﺪﺍﻕ ﭼﺎﺭﻩ ﻗﻮﻟﻠﯩﻨﯩﺶ ﻫﻪﻡ ﺭﯗﺳﯩﻴﻪ ﺑﯩﻠﻪﻥ ﻗﺎﻧﺪﺍﻕ ﺷﻪﻛﯩﻠﺪﻩ ﻳﯧﯖﻰ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﺶ ﻣﻪﺳﯩﻠﯩﺴﯩﻨﻰ ﻣﯘﺯﺍﻛﯩﺮﻩ ﻗﯩﻠﺪﻯ. ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺋﻪﺯﺍﻟﯩﺮﻯ ﭘﻮﻟﺸﺎ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﺭﯗﺳﯩﻴﯩﮕﻪ ﺋﯧﻤﺒﺎﺭﮔﻮ ﻗﻮﻟﻠﯩﻨﯩﺸﺘﯩﻦ ﺋﯩﺒﺎﺭﻩﺕ ﻗﺎﺗﺘﯩﻖ ﭼﺎﺭﻩ ﻗﻮﻟﻠﯩﻨﯩﺶ ﭘﯩﻜﺮﻯ ﺑﯩﻠﻪﻥ ﺋﯩﺘﺎﻟﯩﻴﯩﻨﯩﯔ ﺋﯘﻧﺪﺍﻕ ﻗﯩﻠﻤﺎﻱ، ﺳﯚﻫﺒﻪﺕ ﺋﺎﺭﻗﯩﻠﯩﻖ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺶ ﭘﯩﻜﺮﯨﻨﻰ ﻣﯘﺯﺍﻛﯩﺮﻩ ﻗﯩﻠﺪﻯ. ﻗﺎﺗﺘﯩﻖ ﭼﺎﺭﻩ ﻗﻮﻟﻼﻧﻤﺎﺳﻠﯩﻖ ﭘﯩﻜﺮﯨﻨﻰ ﮔﯧﺮﻣﺎﻧﯩﻴﻪ، ﻓﺮﺍﻧﺴﯩﻴﻪ ﻗﺎﺗﺎﺭﻟﯩﻖ ﻛﯚﭖ ﺩﯙﻟﻪﺗﻠﻪﺭ ﻗﻮﻟﻠﯩﻐﺎﻥ ﺑﻮﻟﯘﭖ، ﺋﯘﭼﯘﺭﻻﺭﺩﯨﻦ ﻗﺎﺭﯨﻐﺎﻧﺪﺍ، ﭼﺎﺭﺷﻪﻧﺒﻪ ﻛﯜﻧﻰ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﻗﺎﺭﺍﺭ ﻗﻮﺑﯘﻝ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ، ﺭﯗﺳﯩﻴﯩﻨﻰ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﻛﯩﺮﮔﯜﺯﻣﻪﺳﻠﯩﻚ، ﺋﯘﻧﯩﯔ ﻳﺎﯞﺭﻭﭘﺎ ﺑﯩﻠﻪﻥ ﺑﻮﻟﻐﺎﻥ ﺑﺎﻧﻜﺎ، ﺳﻮﺩﺍ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﺑﻮﻏﯘﺵ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺋﯧﻤﺒﺎﺭﮔﻮ ﻗﻮﻟﻠﯩﻨﯩﺶ ﭼﺎﺭﯨﻠﯩﺮﻯ ﻗﻮﻟﻼﺷﻘﺎ ﺋﯧﺮﯨﺸﻪﻟﻤﻪﻱ، ﺋﻪﻛﺴﯩﭽﻪ ﮔﺮﯗﺯﯨﻴﻪ ﯞﻩ ﺭﯗﺳﯩﻴﯩﺪﯨﻦ ﺋﯩﺒﺎﺭﻩﺕ ﻫﻪﺭ ﺋﯩﻜﻜﯩﻼ ﺗﻪﺭﻩﭘﻨﯩﯔ ﻛﺎﯞﻛﺎﺯﯨﻴﻪ ﯞﻩﺯﯨﻴﯩﺘﯩﻨﯩﯔ ﺟﯩﺪﺩﯨﻴﻠﯩﺸﯩﭗ ﻛﯧﺘﯩﺸﯩﮕﻪ ﺳﻪﯞﻩﺏ ﺑﻮﻟﻐﺎﻧﻠﯩﻘﻰ ﺗﻪﻛﯩﺘﻠﻪﻧﺪﻯ. ﻗﺎﺭﺍﺭﺩﺍ ﺭﯗﺳﯩﻴﯩﻨﯩﯔ ﮔﺮﯗﺯﯨﻴﯩﺪﯨﻦ ﻗﻮﺷﯘﻥ ﭼﯧﻜﯩﻨﺪﯛﺭﯛﺷﻰ ﻳﻪﻧﻪ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺑﯘ ﻛﯜﻧﻠﻪﺭﺩﻩ ﺭﯗﺳﯩﻴﻪ ﭘﺮﯦﺰﯨﺪﯦﻨﺘﻰ ﻣﯧﺪﯞﯦﺪﯦﯟ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺭﯗﺳﯩﻴﯩﻨﯩﯔ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﻗﺎﻧﺪﺍﻕ ﻗﺎﺗﺘﯩﻖ ﭼﺎﺭﻩ ﻗﻮﻟﻠﯩﻨﯩﺸﯩﺪﯨﻦ ﻗﻮﺭﻗﻤﺎﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ ﻫﻪﻣﺪﻩ ﮔﺮﯗﺯﯨﻦ ﭘﺮﯦﺰﯨﺪﯦﻨﺘﻰ ﺳﺎﻛﺎﺷﯩﯟﯨﻠﯩﻨﻰ " ﺳﯩﻴﺎﺳﯩﻲ ﺟﻪﺳﻪﺕ" ﺩﻩﭖ ﺋﻪﻳﯩﺒﻠﯩﺪﻯ. ﺋﯘﻧﯩﯔ ﺋﺎﻟﺪﯨﺪﺍ ﻳﻪﻧﻪ ﺭﯗﺳﯩﻴﻪ ﺭﻩﻫﺒﯩﺮﻯ ﺋﺎﻣﯧﺮﯨﻜﯩﻨﻰ ﺗﻪﻧﻘﯩﺪ ﻗﯩﻠﯩﭗ، ﺭﯗﺳﯩﻴﯩﻨﯩﯔ ﻫﻪﺗﺘﺎ ﺳﻮﻏﯘﻕ ﻣﯘﻧﺎﺳﯩﯟﻩﺗﻠﻪﺭ ﺋﯘﺭﯗﺷﯩﺪﯨﻨﻤﯘ ﺋﻪﻧﺪﯨﺸﻪ ﻗﯩﻠﻤﺎﻳﺪﯨﻐﺎﻧﻠﯩﻘﻰ ﺑﯩﻠﻪﻥ ﺋﺎﮔﺎﻫﻼﻧﺪﯗﺭﺩﻯ. ﯞﻩﺯﯨﻴﻪﺗﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﺋﻪﮔﯩﺸﯩﭗ، ﺳﻪﻳﺸﻪﻧﺒﻪ ﻛﯜﻧﻰ، ﮔﺮﯗﺯﯨﻴﻪ ﺑﯩﻠﻪﻥ ﺭﯗﺳﯩﻴﻪ ﺋﺎﺭﯨﺴﯩﺪﯨﻜﻰ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺕ ﺭﻩﺳﻤﯩﻲ ﺋﯜﺯﯛﭖ ﺗﺎﺷﻠﯩﻨﯩﭗ، ﺋﯩﻜﻜﯩﻼ ﺗﻪﺭﻩﭖ ﺋﯚﺯ ﺋﻪﻟﭽﯩﺨﺎﻧﯩﻠﯩﺮﯨﻨﻰ ﺗﺎﻗﯩﺪﻯ. ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ ﻳﻪﻧﻪ ﻧﺎﺗﻮ ﺑﺎﻟﺘﯩﻖ ﺩﯦﯖﯩﺰﻯ ﺑﻮﻳﯩﺪﯨﻜﻰ ﺋﯘﭺ ﺟﯘﻣﻬﯘﺭﯨﻴﻪﺗﻨﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

ﺭﯗﺳﯩﻴﻪ ﺑﯩﺮ ﺗﻪﺭﻩﭘﺘﯩﻦ ﻏﻪﺭﺑﻜﻪ ﻗﺎﺗﺘﯩﻖ ﭘﻮﺯﯨﺘﺴﯩﻴﯩﺴﯩﻨﻰ ﺑﯩﻠﺪﯛﺭﺳﯩﻤﯘ، ﻟﯧﻜﯩﻦ ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﻳﻪﻧﯩﻼ ﺧﻪﻟﻘﺌﺎﺭﺍﻟﯩﻖ ﻗﻮﻟﻼﺷﻼﺭﻏﺎ ﺋﯧﺮﯨﺸﯩﺶ ﺳﯩﻴﺎﺳﯩﺘﯩﻨﻰ ﺩﺍﯞﺍﻣﻼﺷﺘﯘﺭﺩﻯ، 28 - ﺋﺎﯞﻏﯘﺳﺖ ﻛﯜﻧﻰ ﺑﻮﻟﺴﺎ، ﺭﯗﺳﯩﻴﻪ، ﺧﯩﺘﺎﻱ، ﻗﺎﺯﺍﻗﯩﺴﺘﺎﻥ ﻗﺎﺗﺎﺭﻟﯩﻖ 6 ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭ ﺑﺎﺷﻠﯩﻘﻠﯩﺮﻯ ﺩﯛﺷﻪﻧﺒﯩﮕﻪ ﺗﻮﭘﻼﻧﺪﻯ. ﺑﯘ ﻳﯩﻐﯩﻨﻐﺎ ﻏﻪﺭﺏ ﺑﯩﻠﻪﻥ ﺭﯨﻘﺎﺑﻪﺗﻠﯩﺸﯩﯟﺍﺗﻘﺎﻥ ﺋﯩﺮﺍﻥ ﺭﻩﻫﺒﯩﺮﻯ ﺋﻪﺧﻤﻪﺩﻯ ﻧﯩﺠﺎﺗﻤﯘ ﺋﯩﺸﺘﯩﺮﺍﻙ ﻗﯩﻠﺪﻯ. ﺭﯗﺳﯩﻴﻪ ﭘﺮﯦﺰﯨﺪﯦﻨﺘﻰ ﺩﻣﯩﺘﺮﻱ ﻣﯧﺪﯞﯦﺪﯦﯟ ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﺋﺎﻳﺮﯨﭗ ﺳﯚﻫﺒﻪﺗﻠﻪﺷﻜﻪﻥ ﻫﻪﻣﺪﻩ ﺋﯘﻧﯩﯖﺪﯨﻦ ﯞﻩ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﺪﯨﻦ ﺟﻪﻧﯘﺑﯩﻲ ﺋﻮﺳﺴﯧﺘﯩﻴﻪ ﯞﻩ ﺋﺎﺑﺨﺎﺯﯨﻴﯩﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻨﻰ ﻛﯜﺗﻜﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯧﻨﯩﻖ ﺟﺎﯞﺍﺑﻘﺎ ﺋﯧﺮﯨﺸﻪﻟﻤﯩﺪﻯ، ﺋﻪﻣﻤﺎ، ﺧﯩﺘﺎﻱ ﯞﻩ ﺷﺎﯕﺨﻪﻱ ﮔﯘﺭﯗﻫﯩﺪﯨﻜﯩﻠﻪﺭ ﺭﯗﺳﯩﻴﯩﻨﯩﯔ ﻛﺎﯞﻛﺎﺯﯨﻴﯩﺪﯨﻜﻰ ﻫﻪﺭﯨﻜﻪﺗﻠﯩﺮﯨﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺵ ﺑﯩﻠﻪﻥ ﺋﯚﺯﻟﯩﺮﯨﻨﯩﯔ ﻳﻪﻧﯩﻼ ﺭﯗﺳﯩﻴﻪ ﺗﻪﺭﻩﭘﺘﻪ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﺸﺘﻰ.

ﻳﯩﻐﯩﻨﺪﯨﻦ ﻛﯧﻴﯩﻦ ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺗﯜﺭﻛﻤﻪﻧﯩﺴﺘﺎﻧﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺗﯜﺭﻛﻤﻪﻧﯩﺴﺘﺎﻥ ﺑﯩﻠﻪﻥ ﺧﯩﺘﺎﻳﻨﯩﯔ ﺋﯧﻨﯧﺮﮔﯩﻴﻪ ﻫﻪﻣﻜﺎﺭﻟﯩﻘﯩﻨﻰ ﺋﺎﺷﯘﺭﯗﺷﻘﺎ ﭘﯜﺗﯜﺷﻜﻪﻥ. ﺷﯘﻧﯩﯖﻐﺎ ﺋﻪﮔﯩﺸﯩﭗ، ﺩﯛﺷﻪﻧﺒﻪ ﯞﻩ ﺳﻪﻳﺸﻪﻧﺒﻪ ﻛﯜﻧﻠﯩﺮﻯ ﺑﻮﻟﺴﺎ، ﺭﯗﺳﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﯞﻻﺩﯨﻤﯩﺮ ﭘﯘﺗﯩﻦ ﺋﯚﺯﺑﯧﻜﯩﺴﺘﺎﻧﻨﻰ ﺭﻩﺳﻤﯩﻲ ﺯﯨﻴﺎﺭﻩﺕ ﻗﯩﻠﯩﭗ، ﺋﯚﺯﺑﯧﻜﯩﺴﺘﺎﻧﻨﯩﯔ ﺭﯗﺳﯩﻴﯩﮕﻪ ﺗﯧﺨﯩﻤﯘ ﻛﯚﭖ ﺗﻪﺑﯩﺌﯩﻲ ﮔﺎﺯ ﺳﯧﺘﯩﺸﯩﻨﻰ ﻫﻪﻣﺪﻩ ﺑﺎﻫﺎﻧﯩﯔ ﻳﺎﯞﺭﻭﭘﺎ ﺋﯚﻟﭽﯩﻤﯩﺪﻩ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻛﯚﺯﻩﺗﻜﯜﭼﯩﻠﻪﺭ ﭘﯘﺗﯩﻨﻨﯩﯔ ﺑﯘ ﺯﯨﻴﺎﺭﯨﺘﯩﻨﯩﯔ ﺋﺎﺳﺎﺳﻠﯩﻖ ﻣﻪﻗﺴﯩﺘﯩﻨﯩﯔ ﺋﯚﺯﺑﯧﻜﯩﺴﺘﺎﻧﻨﻰ ﺭﯗﺳﯩﻴﻪ ﺑﯩﻠﻪﻥ ﺗﯧﺨﯩﻤﯘ ﺑﺎﻏﻼﭖ، ﺋﯘﻧﯩﯔ ﺋﺎﻣﯧﺮﯨﻜﺎ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﻗﻮﻳﯘﻗﻼﺷﺘﯘﺭﯗﺷﯩﻨﻰ ﺗﻮﺳﯘﺵ ﺩﻩﭖ ﺗﻪﻫﻠﯩﻞ ﻗﯩﻠﯩﺸﺘﻰ.

ﭼﯧﻨﯩﻴﻨﯩﯔ ﺯﯨﻴﺎﺭﯨﺘﯩﻨﯩﯔ ﻣﻪﻗﺴﯩﺘﻰ

ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭ ﺩﯨﻚ ﭼﯧﻨﯩﻴﻨﯩﯔ ﺯﯨﻴﺎﺭﯨﺘﯩﻨﯩﯔ ﺗﯜﭖ ﻣﻪﻗﺴﯩﺘﻰ ﻫﻪﻗﻘﯩﺪﻩ ﻫﻪﺭ ﺧﯩﻞ ﻗﺎﺭﺍﺷﻼﺭﻧﻰ ﺋﯧﻼﻥ ﻗﯩﻠﻤﺎﻗﺘﺎ. ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﺑﯘ ﻫﻪﻗﺘﯩﻜﻰ ﻣﺎﻗﺎﻟﯩﺴﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﭼﯧﻨﯩﻴﻨﯩﯔ ﻛﺎﯞﻛﺎﺯﯨﻴﯩﮕﻪ ﻗﺎﺭﺍﺗﻘﺎﻥ ﺯﯨﻴﺎﺭﯨﺘﯩﺪﯨﻜﻰ ﺋﺎﺳﺎﺳﻠﯩﻖ ﻣﯘﺩﺩﯨﺌﺎ ﺋﯧﻨﯧﺮﮔﯩﻴﻪ ﺑﻮﻟﯘﭖ، ﺋﺎﻣﯧﺮﯨﻜﺎ ﺑﺎﻛﯘ - ﺗﯩﺒﻠﯩﺲ - ﺟﻪﻳﻬﺎﻥ ﻧﯧﻔﯩﺖ ﺋﺎﻗﻘﯘﺯﯗﺵ ﺗﯘﺭﯗﺑﺎ ﻳﻮﻟﻰ ﺋﺎﺭﻗﯩﻠﯩﻖ ﺋﻮﺗﺘﯘﺭﺍ ﻳﻪﺭ ﺩﯦﯖﯩﺰﻯ ﺭﺍﻳﻮﻧﯩﻐﺎ ﭼﺎﻗﯩﺮﯨﻠﯩﺪﯨﻐﺎﻥ ﻛﺎﺳﭙﻰ ﺑﻮﻳﻰ ﻧﯧﻔﯩﺘﻠﯩﺮﯨﮕﻪ ﻗﯩﺰﯨﻘﯩﺪﯗ.

ﺋﻪﻧﮕﯩﻠﯩﻴﯩﻨﯩﯔ "ﺩﻩﯞﺭ " ﻣﻪﺟﻤﯘﺋﻪﺳﻰ ﺑﻮﻟﺴﺎ، ﺋﻪﺯﻩﺭﺑﻪﻳﺠﺎﻥ، ﮔﺮﯗﺯﯨﻴﻪ ﯞﻩ ﺋﯘﻛﺮﺍﺋﯩﻨﯩﻴﻪ ﻏﻪﺭﺑﻨﯩﯔ ﺋﺎﺳﯩﻴﺎﺩﯨﻜﻰ ﺋﯧﻨﯧﺮﮔﯩﻴﻪ ﺋﯩﮕﯩﻠﯩﺮﯨﻨﻰ ﻗﻮﻟﻐﺎ ﻛﻪﻟﺘﯜﺭﯛﺷﺘﯩﻜﻰ ﻛﯜﺭﻩﺷﻠﯩﺮﯨﺪﻩ ﺋﺎﻟﺪﯨﻨﻘﻰ ﺋﻮﺭﯗﻧﺪﺍ ﺗﯘﺭﯨﺪﯗ، ﺩﻩﭖ ﻳﺎﺯﺩﻯ ﻫﻪﻣﺪﻩ ﭼﯧﻨﯩﻴﻨﯩﯔ ﻛﺎﺳﭙﻰ ﺩﯦﯖﯩﺰﻯ ﺑﻮﻳﯩﺪﯨﻜﻰ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯﻻﺭﻧﻰ ﻏﻪﺭﺑﻜﻪ ﻣﺎﯕﺪﯗﺭﯗﺵ ﺋﯩﺪﯨﻴﯩﺴﯩﻨﯩﯔ ﺋﺎﺳﺎﺳﭽﯩﻠﯩﺮﯨﺪﯨﻦ ﺑﯩﺮﻯ ﺋﯩﻜﻪﻧﻠﯩﻜﯩﻨﻰ، ﺷﯘﯕﺎ ﺋﯘﻧﯩﯔ ﺑﯘ ﻗﯧﺘﯩﻤﻘﻰ ﺳﻪﭘﯩﺮﯨﺪﻩ ﺋﯧﻨﯧﺮﮔﯩﻴﻪ ﺋﯩﺴﺘﺮﺍﺗﯧﮕﯩﻴﯩﺴﯩﻨﯩﯔ ﻣﯘﻫﯩﻢ ﺋﻮﺭﯗﻧﺪﺍ ﺋﯩﻜﻪﻧﻠﯩﻜﯩﻨﻰ ﻳﺎﺯﺩﻯ. ﺑﯩﺮﺍﻕ، ﺭﯗﺳﯩﻴﯩﻨﯩﯔ ﻗﺎﺭﯨﺸﻰ ﺑﺎﺷﻘﯩﭽﯩﺮﻩﻙ ﺑﻮﻟﯘﭖ، ﺭﯗﺳﯩﻴﯩﻨﯩﯔ ﺋﯩﺘﺎﺭﺗﺎﺱ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺭﯗﺳﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﯩﻨﯩﯔ ﯞﻩﻛﯩﻠﻰ ﺋﺎﻧﺪﺭﯦﻲ ﻧﯧﺴﺘﯧﺮﯦﻨﻜﻮ ﭼﯧﻨﯩﻴﻨﯩﯔ ﺯﯨﻴﺎﺭﯨﺘﯩﺪﻩ ﺋﺎﻣﯧﺮﯨﻜﯩﻨﯩﯔ ﮔﺮﯗﺯﯨﻴﯩﻨﯩﯔ ﻫﻪﺭﺑﯩﻲ ﻛﯜﭼﻠﯩﺮﯨﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺷﻜﻪ ﻳﺎﺭﺩﻩﻡ ﻛﯚﺭﺳﯩﺘﯩﺶ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، " ﺋﺎﻣﯧﺮﯨﻜﯩﻨﯩﯔ ﮔﺮﯗﺯﯨﻴﻪ ﻗﻮﺭﺍﻟﻠﯩﻖ ﻛﯜﭼﻠﯩﺮﯨﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺵ ﭼﺎﻗﯩﺮﯨﻘﻰ ﯞﻩﺯﯨﻴﻪﺗﻨﻰ ﻣﯘﻗﯩﻤﻼﺷﺘﯘﺭﻣﺎﻳﺪﯗ، ﻛﯜﺗﯜﺷﯩﻤﯩﺰ ﻛﯧﺮﻩﻙ، ﭼﯧﻨﯩﻲ ﮔﺮﯗﺯﯨﻴﯩﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ، ﯞﻩﺯﯨﻴﻪﺗﻨﻰ ﻗﺎﻧﺪﺍﻕ ﺑﺎﻫﺎﻻﻳﺪﯨﻜﯩﻦ، ﺗﯩﺒﻠﯩﺴﻘﺎ ﺑﺎﺭﻟﯩﻖ ﯞﻩﻳﺮﺍﻥ ﺑﻮﻟﻐﺎﻥ ﻫﻪﺭﺑﯩﻲ ﺋﯩﻘﺘﯩﺪﺍﺭﯨﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺵ ﻻﺯﯨﻤﻠﯩﻘﻰ ﻫﻪﻗﻘﯩﺪﯨﻜﻰ ﭼﺎﻗﯩﺮﯨﻘﻼﺭ، ﺭﺍﻳﻮﻧﻨﯩﯔ ﯞﻩﺯﯨﻴﯩﺘﯩﻨﻰ ﻣﯘﻗﯩﻤﻼﺷﺘﯘﺭﻣﺎﻳﺪﯗ ﻫﻪﻡ ﻣﯧﺪﯞﯦﺪﯦﯟ - ﺳﺎﺭﻛﻮﺯﯨﻲ ﭘﯩﻼﻧﯩﻐﺎ ﺋﯘﻳﻐﯘﻥ ﺋﻪﻣﻪﺱ" ﺩﻩﻳﺪﯗ.

ﺭﯗﺳﯩﻴﻪ ﺑﯩﺨﻪﺗﻪﺭﻟﯩﻚ ﺋﯩﺸﻠﯩﺮﻯ ﺭﻩﻫﺒﯩﺮﻯ ﭘﺎﺗﺮﯗﺷﯧﯟ ﺋﺎﻣﯧﺮﯨﻜﯩﻨﯩﯔ ﺳﺎﻛﺎﺷﯩﯟﯨﻠﯩﻨﻰ ﻗﻮﻟﻠﯩﺸﯩﻨﯩﯔ ﻣﻪﻗﺴﯩﺘﯩﻨﯩﯔ ﺋﯧﻨﯧﺮﮔﯩﻴﻪ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﻪﭖ،" ﺋﺎﻣﯧﺮﯨﻜﯩﻨﯩﯔ ﺳﺎﻛﺎﺷﯩﯟﯨﻠﯩﻨﻰ ﮔﺮﯗﺯﯨﻴﯩﮕﻪ ﻗﻮﻳﯘﺷﺘﯩﻜﻰ ﻣﻪﻗﺴﯩﺘﻰ ﻛﺎﯞﻛﺎﺯﻧﯩﯔ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯﻟﯩﺮﯨﻨﻰ ﺋﯧﻠﯩﺸﺘﯘﺭ" ﺩﯦﮕﻪﻧﻠﯩﻜﯩﻨﻰ ﻳﺎﺯﯨﺪﯗ ﺭﯗﺳﯩﻴﯩﻨﯩﯔ "ﻧﻪﯞﺳﺮﯗ" ﺋﯘﭼﯘﺭ ﺗﻮﺭﻯ. ﺑﯩﺮﺍﻕ، ﺋﺎﻣﯧﺮﯨﻜﺎ ﺑﯩﻠﻪﻥ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﮔﺮﯗﺯﯨﻴﻪ - ﺭﯗﺳﯩﻴﻪ ﺗﻮﻗﯘﻧﯘﺷﻰ ﻫﻪﻗﻘﯩﺪﯨﻜﻰ ﻗﺎﺭﯨﺸﻰ ﺭﯗﺳﯩﻴﯩﺪﯨﻦ ﭘﻪﺭﻗﻠﯩﻖ ﺑﻮﻟﯘﭖ، ﺋﺎﻣﯧﺮﯨﻜﺎ ﯞﻩ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺑﺎﺷﺘﯩﻦ ﺋﺎﺧﯩﺮﻯ ﺭﯗﺳﯩﻴﯩﻨﯩﯔ ﻛﺎﯞﻛﺎﺯﯨﻴﻪ ﻫﻪﻡ ﺋﯘﻛﺮﺍﺋﯩﻨﯩﻴﯩﺪﯨﻜﻰ ﻫﻪﺭﯨﻜﻪﺗﻠﯩﺮﯨﻨﻰ ﺋﺎﮔﺎﻫﻼﻧﺪﯗﺭﯗﭖ، ﺭﺍﻳﻮﻧﺪﯨﻜﻰ ﺩﯦﻤﻮﻛﺮﺍﺗﯩﻚ ﺋﯩﺴﻼﻫﺎﺕ ﯞﻩ ﺋﯚﺯﮔﯩﺮﯨﺸﻠﻪﺭﻧﻰ ﺋﯩﺰﭼﯩﻞ ﻗﻮﻟﻼﭖ ﻛﻪﻟﻤﻪﻛﺘﻪ.

ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﺪﯨﻦ ﺋﺎﻳﺮﯨﻠﯩﭗ ﻣﯘﺳﺘﻪﻗﯩﻞ ﺑﻮﻟﻐﺎﻥ ﮔﺮﯗﺯﯨﻴﻪ، ﺋﯘﻛﺮﺍﺋﯩﻨﯩﻴﻪ ﻫﻪﻣﺪﻩ ﺑﺎﻟﺘﯩﻖ ﺩﯦﯖﯩﺰﻯ ﺑﻮﻳﯩﺪﯨﻜﻰ ﻻﺗﯟﯨﻴﻪ، ﻟﯩﺘﯟﺍ ﯞﻩ ﺋﯧﺴﺘﻮﻧﯩﻴﻪ ﺟﯘﻣﻬﯘﺭﯨﻴﻪﺗﻠﯩﺮﻯ ﺭﯗﺳﯩﻴﯩﻨﻰ ﺯﻭﻣﯩﮕﻪﺭﻟﯩﻚ ﺑﯩﻠﻪﻥ ﺗﻪﻧﻘﯩﺪ ﻗﯩﻠﯩﭗ، ﻏﻪﺭﺏ ﺑﯩﻠﻪﻥ، ﺟﯜﻣﻠﯩﺪﯨﻦ ﻧﺎﺗﻮ ﺑﯩﻠﻪﻥ ﻳﯧﻘﯩﻨﻠﯩﺸﯩﺶ ﯞﻩ ﻫﻪﻣﻜﺎﺭﻟﯩﺸﯩﺶ ﻳﻮﻟﯩﻨﻰ ﺗﯘﺗﻘﺎﻥ ﺋﯩﺪﻯ. ﺳﺎﻛﺎﺷﯩﯟﯨﻠﻰ ﻫﺎﻛﯩﻤﯩﻴﻪﺗﻜﻪ ﭼﯩﻘﻘﺎﻧﺪﯨﻦ ﻛﯧﻴﯩﻦ ﮔﺮﯗﺯﯨﻴﻪ ﺭﯗﺳﯩﻴﯩﮕﻪ ﻗﺎﺭﺷﻰ ﻣﻪﻳﺪﺍﻧﯩﺪﯨﻦ ﺋﯩﺰﭼﯩﻞ ﻳﺎﻧﻤﺎﻱ، ﺋﻪﻛﺴﯩﭽﻪ ﺋﺎﻣﯧﺮﯨﻜﺎ ﯞﻩ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻐﺎ ﻣﺎﻳﯩﻞ ﺳﯩﻴﺎﺳﻪﺕ ﻳﯜﺭﮔﯜﺯﺩﻯ. 8 - ﺋﺎﯞﻏﯘﺳﺖ ﻛﯜﻧﻰ ﺭﯗﺳﯩﻴﻪ ﻗﻮﺷﯘﻧﻠﯩﺮﻯ ﮔﺮﯗﺯﯨﻴﯩﮕﻪ ﻫﯘﺟﯘﻡ ﻗﻮﺯﻏﯩﻐﺎﻧﺪﯨﻦ ﺑﯘﻳﺎﻥ ﺋﺎﻣﯧﺮﯨﻜﺎ ﺋﯩﺰﭼﯩﻞ ﺭﯗﺳﯩﻴﯩﻨﻰ ﺋﻪﻳﯩﺒﻠﻪﭖ ﻛﻪﻟﺪﻯ ﻫﻪﺗﺘﺎ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺖ ﺩﯨﻚ ﭼﯧﻨﯩﻲ ﺋﺎﻣﯧﺮﯨﻜﯩﻨﯩﯔ ﺋﯚﺯ ﺋﯩﺘﺘﯩﭙﺎﻗﭽﯩﺴﻰ ﮔﺮﯗﺯﯨﻴﯩﻨﯩﯔ ﺗﺎﺟﺎﯞﯗﺯﭼﯩﻠﯩﻘﻘﺎ ﺋﯘﭼﺮﯨﺸﯩﻐﺎ ﻗﺎﺭﺍﭖ ﺗﯘﺭﻣﺎﻳﺪﯨﻐﺎﻧﻠﯩﻘﯩﻨﻰ، ﺋﻪﻛﺴﯩﭽﻪ ﺑﯘﻧﯩﯔ ﺭﯗﺳﯩﻴﻪ ﺋﯜﭼﯜﻥ ﻳﺎﻣﺎﻥ ﺋﺎﻗﯩﯟﻩﺕ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﻛﯚﺯﻩﺗﻜﯜﭼﯩﻠﻪﺭ ﭼﯧﻨﯩﻴﻨﯩﯔ ﺑﯘ ﻗﯧﺘﯩﻤﻘﻰ ﺯﯨﻴﺎﺭﯨﺘﯩﻨﯩﯔ ﺋﺎﻣﯧﺮﯨﻜﯩﻨﯩﯔ ﮔﺮﯗﺯﯨﻴﯩﻨﻰ ﻗﻪﺗﺌﯩﻲ ﻗﻮﻟﻼﺵ ﻣﻪﻳﺪﺍﻧﯩﻨﻰ ﺋﯩﭙﺎﺩﯨﻠﻪﺵ ﺑﯩﻠﻪﻥ ﺑﯩﺮﮔﻪ ﻳﻪﻧﻪ ﺭﯗﺳﯩﻴﯩﻨﯩﯔ ﻛﺎﯞﻛﺎﺯﯨﻴﻪ ﯞﻩ ﺷﻪﺭﻗﯩﻲ ﻳﺎﯞﺭﻭﭘﺎﺩﺍ ﺋﯚﺯ ﺗﻪﺳﯩﺮﯨﻨﻰ ﻗﺎﻳﺘﺎ ﺗﯩﻜﻠﻪﺵ ﺋﻮﻳﯩﻐﺎ ﺋﺎﮔﺎﻫﻼﻧﺪﯗﺭﯗﺵ ﺑﯧﺮﯨﭗ ﻗﻮﻳﯘﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﻰ ﭘﻪﺭﻩﺯ ﻗﯩﻠﯩﺸﻤﺎﻗﺘﺎ.

ﻏﻪﺭﺏ ﮔﺮﯗﺯﯨﻴﯩﮕﻪ ﺯﻭﺭ ﺋﯩﻘﺘﯩﺴﺎﺩﯨﻲ ﻳﺎﺭﺩﻩﻡ ﺑﻪﺭﻣﻪﻛﭽﻰ

ﺑﯘ ﻗﯧﺘﯩﻤﻘﻰ ﺗﯚﺕ ﻛﯜﻧﻠﯜﻙ ﻫﻪﺭﺑﯩﻲ ﻫﯘﺟﯘﻣﺪﺍ ﺭﯗﺳﯩﻴﻪ ﮔﺮﯗﺯﯨﻴﯩﻨﻰ ﻫﻪﺭﺑﯩﻲ - ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﺋﯧﻐﯩﺮ ﺯﯨﻴﺎﻧﻐﺎ ﺋﯘﭼﺮﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﮔﺮﯗﺯﯨﻴﯩﻨﻰ ﻏﻪﺭﺑﻨﯩﯔ ﺯﻭﺭ ﺩﻩﺭﯨﺠﯩﺪﻩ ﻳﺎﺭﺩﯨﻤﯩﮕﻪ ﺋﯧﺮﯨﺸﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﺘﯜﺭﺩﻯ. ﺋﻪﻧﮕﯩﻠﯩﻴﯩﻨﯩﯔ " ﻣﺎﻟﯩﻴﻪ ﯞﺍﻗﺘﻰ" ﮔﯧﺰﯨﺘﻰ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﭼﯧﻴﻨﯩﻨﯩﯔ ﺯﯨﻴﺎﺭﯨﺘﯩﻨﯩﯔ ﺋﺎﻣﯧﺮﯨﻜﯩﻨﯩﯔ ﮔﺮﯗﺯﯨﻴﻪ ﯞﻩ ﻛﺎﯞﻛﺎﺯﯨﻴﯩﺪﯨﻜﻰ ﺋﻮﺭﻧﯩﻨﻰ ﺗﯧﺨﯩﻤﯘ ﻣﯘﺳﺘﻪﻫﻜﻪﻣﻠﻪﺵ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺑﯩﻠﻪﻥ ﺋﯘﻧﯩﯔ ﺋﺎﻣﯧﺮﯨﻜﯩﻨﯩﯔ ﺗﯩﺒﻠﯩﺴﻘﺎ ﺑﯩﺮ ﻣﯩﻠﻴﺎﺭﺩ ﺩﻭﻟﻼﺭ ﻗﯩﻤﻤﯩﺘﯩﺪﻩ ﻳﺎﺭﺩﻩﻡ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻻﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ.

ﺑﯘ ﮔﯧﺰﯨﺘﻨﯩﯔ ﻳﯧﺰﯨﺸﯩﭽﻪ، ﻳﻪﻧﻪ ﺧﻪﻟﻘﺌﺎﺭﺍ ﭘﯘﻝ ﻓﻮﻧﺪﻯ ﮔﺮﯗﺯﯨﻴﯩﮕﻪ 750 ﻣﯩﻠﻴﻮﻥ ﺩﻭﻟﻼﺭﻟﯩﻖ ﺯﺍﻳﻮﻡ ﺑﯧﺮﯨﭗ ﺗﯘﺭﻣﺎﻗﭽﻰ. ﮔﺮﯗﺯﯨﻴﻪ ﺩﺍﺋﯩﺮﯨﻠﯩﺮﻯ ﻳﻪﻧﻪ ﺩﯗﻧﻴﺎ ﺑﺎﻧﻜﯩﺴﯩﺪﯨﻦ 350 ﻣﯩﻠﻴﻮﻥ ﺩﻭﻟﻼﺭ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﺪﯨﻦ ﺑﯩﺮ ﻣﯩﻠﻴﺎﺭﺩ ﻳﯧﯟﺭﻭ ﺋﯧﻠﯩﺸﻨﻰ ﻫﯧﺴﺎﺑﻠﯩﻐﺎﻥ. ﻣﻪﺯﻛﯘﺭ ﻳﺎﺭﺩﻩﻣﻠﻪﺭ ﮔﺮﯗﺯﯨﻴﻪ ﺋﯜﭼﯜﻥ ﻏﺎﻳﻪﺕ ﺯﻭﺭ ﻣﺎﺩﺩﯨﻲ ﻗﻮﻟﻼﺵ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ.