ﺋﯩﻨﺴﺎﻥ ﻫﻪﺭ ﺧﯩﻞ ﻛﯧﺴﻪﻟﻠﯩﻜﻠﻪﺭﮔﻪ ﺩﯗﭼﺎﺭ ﺑﻮﻟﯘﭖ ﺗﯘﺭﯨﺪﯗ. ﺑﻪﺯﻯ ﻛﯧﺴﻪﻟﻠﻪﺭ ﺋﺎﺯﻏﯩﻨﺎ ﺳﻪﯞﻩﺑﻠﻪﺭﻧﻰ ﻗﯩﻠﯩﺶ ﺑﯩﻠﻪﻥ ﺷﯩﭙﺎﺳﯩﻨﻰ ﺗﺎﭘﯩﺪﯗ، ﺑﻪﺯﻯ ﻛﯧﺴﻪﻟﻠﻪﺭ ﺋﯘﻳﻪﺭ، ﺑﯘ ﻳﻪﺭﻟﻪﺭﮔﻪ ﺋﯧﻠﯩﭗ ﺑﯧﺮﯨﭗ ﻛﯚﭖ ﻣﯩﻘﺪﺍﺭﺩﺍ ﺋﯩﻘﺘﯩﺴﺎﺩ ﺳﻪﺭﭖ ﻗﯩﻠﯩﭗ ﺩﺍﯞﺍﻟﯩﺘﯩﺶ ﺑﯩﻠﻪﻧﻤﯘ ﺷﯩﭙﺎ ﺗﺎﭘﺎﻟﻤﺎﻱ ﺑﯘ ﺋﺎﻟﻪﻣﺪﯨﻦ ﺋﺎﻳﺮﯨﻠﯩﺪﯗ. ﺷﯘﯕﺎ ﺋﯩﻨﺴﺎﻥ ﻛﯧﺴﻪﻟﻠﻪﺭﻧﻰ ﻳﻮﻗﻼﭖ ﺑﺎﺭﻏﺎﻧﺪﺍ، ﺋﯘ ﻛﯧﺴﻪﻝ ﺑﻮﻟﻐﺎﻥ ﻛﯩﺸﯩﻨﯩﯔ ﻧﺎﻫﺎﻳﯩﺘﻰ ﺋﺎﺟﯩﺰ ﻫﺎﻟﯩﺘﯩﻨﻰ ﺋﯚﺯﯨﻨﯩﯔ ﺳﺎﻕ - ﺳﺎﻻﻣﻪﺕ ﻫﺎﻟﯩﺘﯩﮕﻪ ﺳﯧﻠﯩﺸﺘﯘﺭﯗﺵ ﺋﺎﺭﻗﯩﻠﯩﻖ ﺗﻪﻥ ﺳﺎﻗﻠﯩﻘﻨﯩﯔ ﻫﻪﻗﯩﻘﻪﺗﻪﻥ ﭼﻮﯓ ﻧﯧﻤﻪﺕ ﺋﯩﻜﻪﻧﻠﯩﻜﯩﻨﻰ ﺗﻮﻧﯘﭖ، ﺋﯘﻧﯩﯔ ﻗﻪﺩﺭﯨﮕﻪ ﻳﯧﺘﯩﭗ، ﺗﯧﻨﻰ ﺳﺎﻕ ﯞﺍﻗﺘﯩﺪﺍ ﺧﻪﻟﻘﯩﮕﻪ ﯞﻩ ﯞﻩﺗﯩﻨﯩﮕﻪ ﭘﺎﻳﺪﯨﻠﯩﻖ ﺑﻮﻟﻐﺎﻥ ﻳﺎﺧﺸﻰ ﺋﯩﺸﻼﺭﻧﻰ ﻛﯚﭘﺮﻩﻙ ﻗﯩﻠﯩﯟﯦﻠﯩﺸﻘﺎ ﺋﺎﻟﺪﯨﺮﯨﺸﻰ ﻻﺯﯨﻢ.

ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﺋﺎﻟﯩﻢ ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﻛﯧﺴﻪﻟﻠﻪﺭﻧﻰ ﻳﻮﻗﻼﺷﺘﯩﻜﻰ ﺋﻪﺩﻩﭖ - ﺋﻪﺧﻼﻗﻼﺭ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﯦﺪﻯ:" ﻛﯧﺴﻪﻟﻠﻪﺭﻧﻰ ﻳﻮﻗﻼﺷﻘﺎ ﺳﻮﯞﻏﺎ ﺋﯧﻠﯩﭗ ﺑﯧﺮﯨﺸﻨﻰ ﺷﻪﺭﺕ ﻗﯩﻠﯩﯟﯦﻠﯩﺶ ﻳﺎﻛﻰ ﻛﯧﺴﻪﻝ ﺑﻮﻟﻐﯘﭼﻰ ﺋﺎﺩﻩﻡ ﺑﯩﺮ ﻧﻪﺭﺳﻪ ﺋﺎﻟﻤﺎﻱ ﻛﻪﻟﮕﻪﻥ ﺋﺎﺩﻩﻣﺪﯨﻦ ﺭﻩﻧﺠﯩﭗ ﻗﯧﻠﯩﺶ ﻳﺎﺧﺸﻰ ﺋﯩﺶ ﺋﻪﻣﻪﺱ. ﭼﯜﻧﻜﻰ ﻫﻪﻗﯩﻘﯩﻲ ﻳﺎﺧﺸﻰ ﺋﺎﺩﻩﻡ ﻗﯧﺮﯨﻨﺪﯨﺸﻰ ﺑﯩﻠﻪﻥ ﺋﻮﭼﯘﻕ ﭼﯩﺮﺍﻱ ﺋﯘﭼﺮﺍﺷﻘﺎﻧﻨﯩﯔ ﺋﯚﺯﯨﻨﯩﻤﯘ ﻛﺎﺗﺘﺎ ﺷﻪﺭﻩﭖ ﺩﻩﭖ ﺑﯩﻠﯩﺪﯗ. ﺷﯘﯕﺎ ﺑﯩﺮ ﻫﻪﺩﯨﺴﺘﻪ:" ﻗﯧﺮﯨﻨﺪﯨﺸﯩﯔ ﺑﯩﻠﻪﻥ ﺋﻮﭼﯘﻕ ﭼﯩﺮﺍﻱ ﺋﯘﭼﺮﯨﺸﯩﺸﯩﯖﺪﻩﻙ ﺋﯩﺶ ﺑﻮﻟﺴﯩﻤﯘ، ﻳﺎﺧﺸﯩﻠﯩﻘﺘﯩﻦ ﻫﯧﭻ ﻧﻪﺭﺳﯩﻨﻰ ﻛﯩﭽﯩﻚ ﺳﺎﻧﯩﻤﺎ"ﺩﯦﻴﯩﻠﮕﻪﻥ. ﺑﯘ ﻫﻪﺩﯨﺴﻨﯩﯔ ﻣﻪﺯﻣﯘﻧﯩﺪﯨﻦ ﻛﯧﺴﻪﻟﻠﻪﺭﻧﻰ ﺳﻮﯞﻏﺎ - ﻫﻪﺩﯨﻴﻪ ﺋﺎﻟﻤﺎﻱ ﻳﻮﻗﻼﭖ ﺑﺎﺭﺳﯩﻤﯘ، ﺋﯘﻧﯩﯔ ﺑﯩﻠﻪﻥ ﺋﻮﭼﯘﻕ ﭼﯩﺮﺍﻱ ﺋﯘﭼﺮﯨﺸﯩﭗ، ﺭﻭﻫﯩﻲ ﺟﻪﻫﻪﺗﺘﯩﻦ ﺗﻪﺳﻪﻟﻠﻰ ﺑﻪﺭﮔﻪﻥ ﺋﺎﺩﻩﻣﻨﻰ ﻗﻪﺗﺌﯩﻲ ﺗﯚﯞﻩﻥ ﻛﯚﺭﯛﺷﻜﻪ ﺑﻮﻟﻤﺎﻳﺪﯨﻐﺎﻧﻠﯩﻘﻰ ﺋﺎﻳﺎﻥ ﺑﻮﻟﯩﺪﯗ. ﭼﯜﻧﻜﻰ ﻛﯧﺴﻪﻟﻨﻰ ﻗﺎﻧﭽﯩﻜﻰ ﻛﯚﭖ ﺋﺎﺩﻩﻡ ﻳﻮﻗﻼﭖ ﺗﯘﺭﺳﺎ، ﺭﻭﻫﺴﯩﺰ ﻳﺎﺗﻘﺎﻥ ﻛﯧﺴﻪﻟﮕﻪ ﻧﯩﺴﺒﻪﺗﻪﻥ ﺭﻭﻫﯩﻲ ﺋﻮﺯﯗﻕ ﺑﻮﻟﯘﭖ، ﺋﯘﻧﯩﯔ ﻛﯚﯕﻠﯩﺪﻩ ﺧﯘﺭﺳﻪﻧﻠﯩﻚ ﭘﻪﻳﺪﺍ ﺑﻮﻟﯘﭖ، ﺗﯧﺘﯩﻜﻠﯩﺸﯩﭗ ﻗﺎﻟﯩﺪﯗ ﯞﻩ ﺋﯚﺯﯨﻨﻰ ﻗﻪﯞﻡ - ﻗﯧﺮﯨﻨﺪﺍﺷﻠﯩﺮﻯ ﺋﯩﭽﯩﺪﻩ ﺋﺎﻻﻫﯩﺪﻩ ﻫﯚﺭﻣﻪﺗﻠﯩﻚ ﻫﯧﺲ ﻗﯩﻠﯩﺪﯗ - ﺩﻩ، ﺷﯘﻧﯩﯔ ﺑﯩﻠﻪﻥ ﺋﯘﺭﯗﻕ - ﺗﯘﻏﻘﺎﻧﻠﯩﺮﻯ، ﺩﻭﺳﺖ - ﻳﺎﺭﺍﻧﻠﯩﺮﻯ ﯞﻩ ﻗﻮﯞﻡ - ﻗﯧﺮﯨﻨﺪﺍﺷﻠﯩﺮﯨﻐﺎ ﺑﻮﻟﻐﺎﻥ ﻣﯘﻫﻪﺑﺒﯩﺘﻰ ﻛﯜﻧﺪﯨﻦ - ﻛﯜﻧﮕﻪ ﺋﯧﺸﯩﭗ ﺑﺎﺭﯨﺪﯗ. ﻛﯧﺴﻪﻟﻨﻰ ﻳﻮﻗﻼﭖ ﺑﺎﺭﻏﺎﻧﺪﺍ ﺋﯘﻧﯩﯔ ﻳﯧﻨﯩﺪﺍ ﺋﯘﺯﯗﻥ ﺋﻮﻟﺘﯘﺭﯗﺷﺘﯩﻦ ﯞﻩ ﺗﻮﻻ ﺳﯚﺯﻟﻪﭖ ﻛﯧﺴﻪﻟﻨﻰ ﺑﯩﺰﺍﺭ ﻗﯩﻠﯩﺸﺘﯩﻦ ﻫﻪﺯﻩﺭ ﻗﯩﻠﯩﺶ ﻛﯧﺮﻩﻙ. ﺑﻪﻟﻜﻰ ﺋﯘﻧﯩﯔ ﻛﯚﯕﻠﻰ ﺧﯘﺭﺳﻪﻥ ﺑﻮﻟﯘﭖ، ﺭﻭﻫﯩﻲ ﺗﻪﺳﻪﻟﻠﻰ ﺗﺎﭘﯩﺪﯨﻐﺎﻥ ﺳﯚﺯﻟﻪﺭﻧﻰ ﻗﯩﻠﯩﺶ ﻻﺯﯨﻢ."

ﻣﯘﺳﯘﻟﻤﺎﻥ ﺋﻪﻣﻪﺱ ﻛﯩﺴﻪﻟﻠﻪﺭﻧﯩﻤﯘ ﻳﻮﻗﻼﺵ ﺳﺎﯞﺍﺑﻠﯩﻘﺘﯘﺭ

ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﻳﻪﻧﻪ ﻣﯘﻧﺪﺍﻕ ﺩﯦﺪﻯ:" ﺑﺎﺷﻘﺎ ﺩﯨﻨﺪﺍ ﺑﻮﻟﻐﺎﻥ ﺋﯘﺭﯗﻕ - ﺗﯘﻏﻘﺎﻥ، ﺧﯘﻟﯘﻡ - ﺧﻮﺷﻨﺎ ﯞﻩ ﻳﺎﺭ - ﺑﯘﺭﺍﺩﻩﺭﻟﻪﺭﺩﯨﻦ ﻛﯧﺴﻪﻝ ﺑﻮﻟﯘﭖ ﻳﯧﺘﯩﭗ ﻗﺎﻟﻐﺎﻧﻼﺭ ﺑﻮﻟﺴﺎ، ﺋﯘﻻﺭﻧﻰ ﺑﺎﺷﻘﺎ ﺩﯨﻨﺪﺍ ﺩﻩﭖ ﻗﺎﺭﺍﭖ ﺗﺎﺷﻠﯩﯟﻩﺗﻤﻪﺳﺘﯩﻦ ﻳﻮﻗﻼﺵ ﻳﺎﺧﺸﻰ ﺋﯩﺶ ﺑﻮﻟﯘﭖ ﺳﺎﻧﯩﻠﯩﺪﯗ. ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﺑﯩﺮ ﻳﻪﻫﯘﺩﯨﻲ ﺩﯨﻨﯩﺪﯨﻜﻰ ﺑﺎﻟﯩﻨﯩﯔ ﻛﯧﺴﯩﻠﯩﻨﻰ ﻳﻮﻗﻼﭖ ﺑﺎﺭﻏﺎﻧﻠﯩﻘﻰ ﺭﯨﯟﺍﻳﻪﺕ ﻗﯩﻠﯩﻨﯩﺪﯗ. ﻛﯧﺴﻪﻝ ﺑﻮﻟﯘﭖ ﻳﯧﺘﯩﭗ ﻗﺎﻟﻐﺎﻥ ﺧﻮﺷﻨﯩﻨﻰ ﮔﻪﺭﭼﻪ ﺋﯘ ﺑﺎﺷﻘﺎ ﺩﯨﻨﺪﺍ ﺑﻮﻟﺴﯩﻤﯘ ﻳﻮﻗﻼﺵ ﺗﻮﻟﯩﻤﯘ ﻣﯘﻫﯩﻤﺪﯗﺭ. ﭼﯜﻧﻜﻰ ﻣﯘﺳﯘﻟﻤﺎﻧﻨﯩﯔ ﺋﯜﺳﺘﯩﺪﻩ ﻣﯘﺳﯘﻟﻤﺎﻥ ﺧﻮﺷﻨﯩﺴﯩﻐﺎ ﺋﯚﺗﻪﺷﻜﻪ ﺗﯧﮕﯩﺸﻠﯩﻚ ﺋﯩﻜﻜﻰ ﻫﻪﻕ ﺑﺎﺭ ﺑﻮﻟﯘﭖ، ﺋﯘﻻﺭﻧﯩﯔ ﺑﯩﺮﻯ، ﻣﯘﺳﯘﻟﻤﺎﻧﻠﯩﻖ ﻫﻪﻗﻘﻰ، ﻳﻪﻧﻪ ﺑﯩﺮﻯ ﺧﻮﺷﻨﯩﺪﺍﺭﻟﯩﻖ ﻫﻪﻗﻘﯩﺪﯗﺭ. ﺑﺎﺷﻘﺎ ﺩﯨﻨﺪﯨﻜﻰ ﺧﻮﺷﻨﯩﺴﯩﻐﺎ ﺋﯚﺗﻪﺷﻜﻪ ﺗﯧﮕﯩﺸﻠﯩﻚ ﺑﯩﺮ ﻫﻪﻕ ﺑﻮﻟﯘﭖ، ﺋﯘ ﺑﻮﻟﺴﯩﻤﯘ ﺧﻮﺷﻨﯩﺪﺍﺭﻟﯩﻖ ﻫﻪﻗﻘﯩﺪﯗﺭ. ﺧﻮﺷﻨﯩﺪﺍﺭﻟﯩﻖ ﻫﻪﻗﻘﻰ ﻧﺎﻫﺎﻳﯩﺘﻰ ﻣﯘﻫﯩﻢ ﯞﻩ ﭼﻮﯓ ﻫﻪﻗﺘﯘﺭ. ﺋﯘﻧﻰ ﺋﺎﺩﺍ ﻗﯩﻠﯩﺶ ﻣﯘﻫﯩﻤﺪﯗﺭ. ﺑﺎﺷﻘﺎ ﺩﯨﻨﺪﺍ ﺑﻮﻟﻐﺎﻥ ﻛﯧﺴﻪﻝ ﺧﻮﺷﻨﯩﻨﻰ ﻳﻮﻗﻼﺷﻤﯘ ﺧﻮﺷﻨﺎ ﻫﻪﻗﻘﯩﻨﯩﯔ ﺑﯩﺮ ﻗﯩﺴﻤﯩﺪﯗﺭ."

ﻛﯧﺴﻪﻝ ﻳﻮﻗﻼﺷﺘﺎ ﺳﺎﻗﻠﯩﻨﯩﺸﻘﺎ ﺗﯧﮕﯩﺸﻠﯩﻚ ﺋﯩﺸﻼﺭ

ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﻛﯧﺴﻪﻟﻠﻪﺭﻧﻰ ﻳﻮﻗﻼﭖ ﻛﯩﺮﮔﻪﻥ ﺋﺎﺩﻩﻡ ﻛﯧﺴﻪﻝ ﻛﯩﺸﯩﻨﯩﯔ ﻗﺎﻧﺪﺍﻕ ﻛﯧﺴﻪﻟﮕﻪ ﮔﯩﺮﯨﭙﺘﺎﺭ ﺑﻮﻟﻐﺎﻧﻠﯩﻘﯩﻨﻰ ﺳﻮﺭﯨﻤﺎﺳﻠﯩﻘﻰ ﻻﺯﯨﻢ. ﭼﯜﻧﻜﻰ ﻣﯘﻧﺪﺍﻕ ﻗﯩﻠﯩﺶ ﻛﯧﺴﻪﻝ ﻛﯩﺸﯩﻨﯩﯔ ﺭﻭﻫﯩﻨﻰ ﺗﯧﺨﯩﻤﯘ ﭼﯜﺷﯜﺭﯛﺷﻜﻪ ﺳﻪﯞﻩﺏ ﺑﻮﻟﯩﺪﯗ. ﺑﻪﺯﻯ ﻛﯩﺸﯩﻠﻪﺭ ﻧﺎﺩﺍﻧﻠﯩﻘﺘﯩﻦ ﻛﯧﺴﻪﻝ ﺑﻮﻟﻐﯘﭼﯩﻨﯩﯔ ﻗﺎﻧﺪﺍﻕ ﻛﯧﺴﻪﻟﮕﻪ ﮔﯩﺮﯨﭙﺘﺎﺭ ﺑﻮﻟﯘﭖ ﻗﺎﻟﻐﺎﻧﻠﯩﻘﯩﻨﻰ ﺳﻮﺭﺍﻳﺪﯗ. ﻛﯧﺴﻪﻝ ﺑﻮﻟﻐﯘﭼﻰ ﻛﯧﺴﯩﻠﯩﻨﻰ ﺋﯧﻴﺘﯩﭗ ﺑﻪﺭﺳﻪ، ﺋﯘﻻﺭ:" ﭘﺎﻻﻧﻰ ﺋﺎﺩﻩﻡ ﻣﯘﺷﯘﻧﺪﺍﻕ ﻛﯧﺴﻪﻝ ﺑﯩﻠﻪﻥ ﺋﯘﺯﯗﻥ ﻳﯧﺘﯩﭗ ﻗﯧﻠﯩﭗ، ﺋﺎﺧﯩﺮﻯ ﺳﺎﻗﯩﻴﺎﻟﻤﺎﻱ ﺋﯚﻟﯜﭖ ﻛﻪﺗﻜﻪﻥ" ﺩﯦﮕﻪﻧﺪﻩﻙ ﺋﺎﺯﺍﺑﻠﯩﻖ ﺳﯚﺯﻟﻪﺭﻧﻰ ﻛﯧﺴﻪﻟﻨﯩﯔ ﻳﯜﺯﯨﮕﻪ ﺳﯧﻠﯩﭗ، ﺋﯘﻧﯩﯖﻐﺎ ﺭﻭﻫﯩﻲ ﺋﺎﺯﺍﺏ ﺑﻮﻟﯩﺪﯨﻐﺎﻥ ﺋﯩﺸﻼﺭﻏﺎ ﺳﻪﯞﻩﺏ ﺑﻮﻟﯩﺪﯗ. ﺷﯘﻧﺪﺍﻗﻼ، ﻛﯧﺴﻪﻝ ﺋﺎﺩﻩﻣﻨﯩﯔ ﻳﯧﻨﯩﺪﺍ ﻣﯘﺳﯩﺒﻪﺗﻠﯩﻚ ﺧﻪﯞﻩﺭﻟﻪﺭﻧﻰ ﯞﻩ ﺋﯧﭽﯩﻨﯩﺸﻠﯩﻖ ﭘﺎﺟﯩﺌﻪﻟﻪﺭﻧﯩﯔ ﺧﻪﯞﻩﺭﻟﯩﺮﯨﻨﻰ ﺋﯧﻴﺘﻤﺎﺳﻠﯩﻖ ﻻﺯﯨﻢ. ﭼﯜﻧﻜﻰ ﻣﯘﻧﺪﺍﻕ ﻗﯩﻠﯩﺶ ﻛﯧﺴﻪﻝ ﻛﯩﺸﯩﻨﯩﯔ ﻛﯚﯕﻠﯩﻨﻰ ﺋﺎﺯﺍﺑﻼﻳﺪﯗ.