ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﯘﻗﯘﻣﺪﺍﺭﻻﺭ ﻛﯚﭘﻪﻳﻤﻪﻛﺘﻪ

ﺧﯩﺘﺎﻱ ﺳﻪﻫﯩﻴﻪ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺗﻮﺭﯨﺪﺍ ﺋﯘﻳﻐﯘﺭ ﺋﯧﻠﯩﻨﯩﯔ ﭼﻮﺷﻘﺎ ﺯﯗﻛﺎﻡ ﺗﺎﺭﻗﯩﻠﯩﺶ ﺋﻪﻫﯟﺍﻟﻰ ﻫﻪﻗﻘﯩﺪﻩ 16 - ﺳﯧﻨﺘﻪﺑﯩﺮ ﺋﺎﺷﻜﺎﺭﯨﻼﻧﻐﺎﻥ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، ﭘﯜﺗﯜﻥ ﺋﯘﻳﻐﯘﺭ ﺋﯧﻠﯩﺪﻩ ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻰ ﻳﯘﻗﯘﻣﺪﺍﺭﻟﯩﺮﯨﻨﯩﯔ ﺳﺎﻧﯩﺪﺍ ﻳﻪﻧﻪ ﺋﯚﺭﻟﻪﺵ ﻛﯚﺭﯛﻟﮕﻪﻥ ﺑﻮﻟﯘﭖ، 15 - ﺳﯧﻨﺘﻪﺑﯩﺮ ﺋﯜﺭﯛﻣﭽﻰ ﯞﺍﻗﺘﻰ 17 ﮔﯩﭽﻪ ﺑﻮﻟﻐﺎﻥ ﯞﺍﻗﯩﺘﻘﺎ ﻗﻪﺩﻩﺭ، ﻗﺎﺭﺍﻣﺎﻳﺪﺍ ﻳﻪﻧﻪ ﺋﯜﭺ ﻧﻪﭘﻪﺭ، ﻣﺎﻳﺘﺎﻏﺪﺍ ﺋﯜﭺ ﻧﻪﭘﻪﺭ ﻳﯘﻗﯘﻣﺪﺍﺭﻧﯩﯔ ﻗﻮﺷﯘﻟﯘﺷﻰ ﺑﯩﻠﻪﻥ ﺋﯘﻳﻐﯘﺭ ﺋﯧﻠﯩﺪﯨﻜﻰ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﯨﻨﯩﯔ ﺳﺎﻧﻰ 63 ﻧﻪﭘﻪﺭﮔﻪ ﻳﻪﺗﻜﻪﻥ. ﻳﯘﻗﯘﻣﺪﺍﺭﻻﺭ ﺋﯩﭽﯩﺪﻩ ﺋﯚﻟﮕﻪﻧﻠﻪﺭ ﻣﻪﻟﯘﻡ ﺑﻮﻟﻤﯩﻐﺎﻥ.

ﺋﯜﺭﯛﻣﭽﯩﺪﻩ 5 - ﺳﯧﻨﺘﻪﺑﯩﺮ ﻣﻪﻟﯘﻡ ﺑﯩﺮ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﯩﻨﯩﯔ ﭼﻮﺷﻘﺎ ﺯﯗﻛﺎﻡ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﺋﺎﺷﻜﺎﺭﯨﻠﯩﻨﯩﺸﻰ، ﺋﯘﻳﻐﯘﺭ ﺋﯧﻠﯩﺪﻩ ﺗﯘﻧﺠﻰ ﻛﯚﺭﯛﻟﮕﻪﻥ ﻳﯘﻗﯘﻣﺪﺍﺭ ﻫﯧﺴﺎﺑﻠﯩﻨﯩﺪﯗ، ﺋﯩﻜﻜﻰ ﻛﯜﻧﮕﻪ ﻳﻪﺗﻤﯩﮕﻪﻥ ﯞﺍﻗﯩﺖ ﺋﯩﭽﯩﺪﻩ ﺋﯜﺭﯛﻣﭽﯩﺪﻩ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﯨﻨﯩﯔ ﺳﺎﻧﯩﻨﯩﯔ ﺷﯩﺪﺩﻩﺕ ﺑﯩﻠﻪﻥ ﺋﯚﺭﻟﻪﭖ 43 ﻳﯧﺘﯩﺸﻰ ﺑﯩﻠﻪﻥ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﺎﻣﻤﺎ ﻫﻪﻡ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭﻧﯩﯔ ﭼﻮﺷﻘﺎ ﺯﯗﻛﺎﻣﯩﻐﺎ ﻧﯩﺴﺒﻪﺗﻪﻥ ﺳﻪﺯﮔﯜﺭﻟﯜﻛﻰ ﺑﯩﺮﺩﯨﻨﻼ ﺋﺎﺷﺘﻰ.

ﺑﯘﻧﯩﯔ ﺋﺎﻟﺪﯨﺪﺍ ﺋﯜﺭﯛﻣﭽﻰ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻣﻪﺭﻛﯩﺰﯨﻨﯩﯔ 14 - ﺳﯧﻨﺘﻪﺑﯩﺮ ﺋﯧﻼﻥ ﻗﯩﻠﻐﺎﻥ ﺳﺘﺎﺗﯩﺴﺘﯩﻜﯩﺴﯩﺪﺍ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﯨﻨﯩﯔ 60 ﻗﺎ ﻳﻪﺗﻜﻪﻧﻠﯩﻜﻰ، ﺑﯘﻧﯩﯔ 51 ﻧﯩﯔ ﺋﯜﺭﯛﻣﭽﯩﺪﻩ ﻗﺎﻟﻐﺎﻧﻠﯩﺮﯨﻨﯩﯔ ﻗﺎﺭﯨﻤﺎﻱ ﻫﻪﻣﺪﻩ ﻣﺎﻳﺘﺎﻏﺪﺍ ﺋﯩﻜﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ ﺋﯩﺪﻯ. ﻧﯚﯞﻩﺗﺘﻪ ﺋﯜﺭﯛﻣﭽﯩﺪﻩ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻻﺭ ﺳﺎﻧﯩﺪﺍ ﺋﯚﺯﮔﯩﺮﯨﺶ ﺑﻮﻟﻤﯩﻐﺎﻥ ﺑﻮﻟﺴﯩﻤﯘ، ﺩﻭﺧﺘﯘﺭﺧﺎﻧﯩﻼﺭﺩﺍ ﻛﯚﺯﯨﺘﯩﻠﯩﯟﺍﺗﻘﺎﻧﻼﺭ ﺳﺎﻧﻰ 1549 ﻧﻪﭘﻪﺭﮔﻪ ﻳﻪﺗﻜﻪﻥ.

ﺋﯘﻳﻐﯘﺭ ﺋﯧﻠﻰ ﺳﻪﻫﯩﻴﻪ ﻧﺎﺯﺍﺭﯨﺘﯩﻨﯩﯔ ﺩﻭﻛﻼﺗﯩﻐﺎ ﻗﺎﺭﯨﻐﺎﻧﺪﺍ، ﺋﯘﻳﻐﯘﺭ ﺋﯧﻠﯩﺪﻩ ﻣﻪﻟﯘﻡ ﺑﻮﻟﻐﺎﻥ ﻳﯘﻗﯘﻣﺪﺍﺭﻻﺭﻧﯩﯔ ﻛﯚﭘﯩﻨﭽﯩﺴﻰ ﺑﺎﺷﻼﻧﻐﯘﭺ ﻫﻪﻡ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ ﺑﻮﻟﯘﭖ، ﻗﺎﺭﯨﻤﺎﻱ ﻫﻪﻡ ﻣﺎﻳﺘﺎﻏﺪﺍ ﻳﯧﯖﯩﺪﯨﻦ ﺩﯨﺌﺎﮔﻨﻮﺯ ﻗﻮﻳﯘﻟﻐﺎﻧﻼﺭﻧﯩﯔ ﻫﻪﻣﻤﯩﺴﻰ ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ ﺋﯩﻜﻪﻥ. ﺋﻪﻣﻤﺎ ﺩﺍﺋﯩﺮﯨﻠﻪﺭ ﻳﯘﻗﯘﻣﺪﺍﺭﻻﺭﻧﯩﯔ ﻳﯧﺸﻰ ﯞﻩ ﻣﯩﻠﻠﻪﺕ ﺋﺎﻳﺮﯨﻤﯩﺴﯩﻨﻰ ﺋﺎﺷﻜﺎﺭﯨﻠﯩﻤﯩﺪﻯ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﭼﻮﺷﻘﺎ ﺯﯗﻛﺎﻡ ﺗﺎﺭﻗﺎﻟﻐﺎﻧﻠﯩﻖ ﺳﻪﯞﻩﺑﻰ ﺑﯩﻠﻪﻥ ﻳﯧﯖﻰ ﺋﻮﻗﯘﺵ ﻣﻪﯞﺳﯘﻣﻰ ﺑﺎﺷﻠﯩﻨﯩﭗ ﺋﯜﭺ ﻛﯜﻧﺪﯨﻦ ﻛﯧﻴﯩﻦ ﺋﯜﺭﯛﻣﭽﯩﺪﯨﻜﻰ ﺑﺎﺭﻟﯩﻖ ﻣﻪﻛﺘﻪﭘﻠﻪﺭﺩﻩ ﺩﻩﺭﺱ ﺗﻮﺧﺘﺎﺗﻘﺎﻥ ﺋﯩﺪﻯ. ﻣﻪﻛﺘﻪﭘﻠﻪﺭ ﺑﯘ ﻫﻪﭘﺘﻪ ﻗﺎﻳﺘﺎ ﺩﻩﺭﺱ ﺑﺎﺷﻠﯩﻐﺎﻥ ﺑﻮﻟﯘﭖ، ﻣﻪﻛﺘﻪﭘﻠﻪﺭﺩﻩ ﭼﻮﺷﻘﺎ ﺯﯗﻛﺎﻡ ﯞﺍﻛﺴﯩﻨﯩﺴﻰ ﻗﯩﻠﯩﺶ ﺟﯩﺪﺩﯨﻲ ﺋﯧﻠﯩﭗ ﺑﯧﺮﯨﻠﻤﺎﻗﺘﺎ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﻰ ﺳﻪﻫﯩﻴﻪ ﻣﯘﺗﻪﺧﻪﺳﺴﯩﺴﻠﯩﺮﻯ ﻛﯜﺯ ﭘﻪﺳﻠﯩﺪﻩ ﻳﯘﻗﯘﻣﻠﯘﻕ ﺯﯗﻛﺎﻡ ﺗﺎﺭﻗﯩﻠﯩﺶ ﻣﻪﺯﮔﯩﻠﯩﻨﯩﯔ ﻳﯧﺘﯩﭗ ﻛﯧﻠﯩﺸﻰ، ﭼﻮﺷﻘﺎ ﺯﯗﻛﺎﻡ ﯞﯨﺮﻭﺳﯩﻨﯩﯖﻤﯘ ﺑﯩﺮﻟﯩﻜﺘﻪ ﭘﻪﺳﯩﻠﻠﯩﻚ ﺗﺎﺭﻗﯩﻠﯩﺸﻨﻰ ﻗﻮﺯﻏﯩﻐﺎﻥ ﺩﻩﭖ ﭘﻪﺭﻩﺯ ﻗﯩﻠﻤﺎﻗﺘﺎ ﺋﯩﻜﻪﻥ.

ﺧﯩﺘﺎﻱ ﺑﻮﻳﯩﭽﻪ ﻳﯘﻗﯘﻣﺪﺍﺭﻻﺭ 10 ﻣﯩﯖﺪﯨﻦ ﺋﺎﺷﺘﻰ

ﺧﯩﺘﺎﻳﺪﯨﻜﻰ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻡ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺧﯩﺘﺎﻳﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺗﻮﺭ ﺑﻪﺗﻠﯩﺮﯨﺪﻩ ﺋﺎﺷﻜﺎﺭﯨﻼﻧﻐﺎﻥ ﻣﻪﻟﯘﻣﺎﺗﻼﺗﻼﺭﻏﺎ ﻗﺎﺭﯨﻐﺎﻧﺪﺍ، ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻰ ﺋﺎﯞﻏﯘﺳﺖ ﺋﯧﻴﯩﺪﯨﻦ ﺑﺎﺷﻼﭖ ﺧﯩﺘﺎﻳﺪﺍ ﻳﻪﻧﯩﻤﯘ ﺗﯧﺰ ﺗﺎﺭﻗﯩﻠﯩﺸﻘﺎ ﺑﺎﺷﻠﯩﻐﺎﻥ ﺑﻮﻟﯘﭖ، ﺋﺎﯞﻏﯘﺳﺘﺘﯩﻦ ﺳﯩﻨﺘﻪﺑﯩﺮﮔﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﻯ ﺧﯩﺘﺎﻳﺪﯨﻜﻰ 31 ﺋﯚﻟﻜﻪ ﻫﻪﻡ ﺷﻪﻫﻪﺭﻟﻪﺭﺩﻩ ﺑﺎﻳﻘﺎﻟﻐﺎﻥ.

ﺷﯩﻨﺨﯘﺍ ﺗﻮﺭﯨﻨﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، 16 - ﺳﯩﻨﺘﻪﺑﯩﺮﮔﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺧﯩﺘﺎﻱ ﺑﻮﻳﯩﭽﻪ ﺋﯧﻨﯩﻘﻼﻧﻐﺎﻥ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﯨﻨﯩﯔ ﺳﺎﻧﻰ ﺋﻮﻥ ﻣﯩﯔ 221 ﻧﻪﭘﻪﺭﮔﻪ ﻳﻪﺗﻜﻪﻥ. ﺑﯘﻧﯩﯔ ﺋﯩﭽﯩﺪﻩ 6098 ﻧﻪﭘﯩﺮﻯ ﺩﺍﯞﺍﻻﭖ ﺳﺎﻗﺎﻳﺘﯩﻠﻐﺎﻥ. ﭼﻮﺷﻘﺎ ﺯﯗﻛﺎﻡ ﺳﻪﯞﻩﺑﻠﯩﻚ ﺋﯚﻟﮕﻪﻧﻠﻪﺭ ﻛﯚﺭﯛﻟﻤﯩﮕﻪﻥ.

ﺧﯩﺘﺎﻳﺪﺍ ﺟﻪﻣﺌﯩﻲ 36 ﻣﻪﻛﺘﻪﭘﺘﻪ ﺋﻮﻗﯘﻏﯘﭼﯩﻼﺭ ﺋﺎﺭﯨﺴﯩﺪﺍ ﭼﻮﺷﻘﺎ ﺯﯗﻛﺎﻡ ﺗﺎﺭﻗﺎﭖ، ﻣﻪﻣﻠﯩﻜﻪﺕ ﺑﻮﻳﯩﭽﻪ ﻧﯘﺭﻏﯘﻥ ﻣﻪﻛﺘﻪﭘﻠﻪﺭ ﺩﻩﺭﺱ ﺗﻮﺧﺘﺎﺗﻘﺎﻥ.

ﺧﯩﺘﺎﻳﺪﯨﻜﻰ ﻣﯧﺘﺮﻭﻟﻮﮔﯩﻴﻪ ﯞﻩ ﺳﻪﻫﯩﻴﻪ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﺋﺎﮔﺎﻫﻼﻧﺪﯗﺭﯗﺷﯩﭽﻪ، "ﺧﯩﺘﺎﻳﻨﯩﯔ ﻛﯚﭖ ﻗﯩﺴﯩﻢ ﺟﺎﻳﻠﯩﺮﻯ ﻧﯚﯞﻩﺗﺘﻪ ﭘﻪﺳﯩﻞ ﺋﺎﻟﻤﯩﺸﯩﺶ ﻣﻪﺯﮔﯩﻠﯩﺪﻩ ﺑﻮﻟﯘﭖ، ﺑﻮﻟﯘﭘﻤﯘ ﻫﺎﯞﺍ ﺗﯧﻤﭙﺮﺍﺗﻮﺭﯨﺴﯩﻨﯩﯔ ﺟﯩﺪﺩﯨﻲ ﺋﯚﺯﮔﯩﺮﯨﺸﻰ، ﻛﯚﭖ ﻫﯚﻝ ﻳﯧﻐﯩﻦ ﻗﺎﺗﺎﺭﻟﯩﻖ ﺗﻪﺑﯩﺌﯩﻲ ﺷﺎﺭﺍﺋﯩﺖ ﭘﻪﺳﯩﻠﻠﯩﻚ ﺯﯗﻛﺎﻡ ﯞﯨﺮﯗﺳﻠﯩﺮﯨﻨﯩﯔ ﺗﺎﺭﻗﯩﻠﯩﺸﯩﻐﺎ ﺗﯜﺭﺗﻜﻪ ﺑﻮﻟﯘﭖ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ،ﺟﯩﺪﺩﯨﻲ ﺗﺎﺭﻗﯩﻠﯩﺸﭽﺎﻥ ﭼﻮﺷﻘﺎ ﺯﯗﻛﺎﻣﯩﻨﯩﯖﻤﯘ ﺟﯩﺪﺩﯨﻲ ﻳﺎﻣﺮﯨﺸﯩﻐﺎ ﺳﻪﯞﻩﺏ ﺑﻮﻟﻤﺎﻗﺘﺎ."

ﭼﯜﻧﻜﻰ ﺗﻪﺗﻘﯩﻘﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻰ ﺋﻪﯓ ﺋﺎﻛﺘﯩﭗ ﭘﺎﺋﺎﻟﯩﻴﻪﺕ ﻗﯩﻠﯩﺪﯨﻐﺎﻥ ﺷﺎﺭﺍﺋﯩﺖ 10 ﺳﯧﻠﺴﯩﻴﻪ ﮔﯩﺮﺍﺩﯗﺱ ﺋﻪﺗﺮﺍﭘﯩﺪﺍ ﺑﻮﻟﯘﭖ، ﺳﯧﻨﺘﻪﺑﯩﺮ ﺋﺎﻳﻠﯩﺮﻯ ﻛﯚﺯ ﭘﻪﺳﻠﯩﻨﯩﯔ ﻛﯩﺮﯨﺸﻰ ﺑﯩﻠﻪﻥ ﻧﯘﺭﻏﯘﻥ ﺟﺎﻳﻼﺭﻧﯩﯔ ﻛﯧﻠﯩﻤﺎﺗﻰ ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻨﯩﯔ ﺟﺎﻧﻠﯩﻨﯩﺸﯩﻐﺎ ﺷﺎﺭﺍﺋﯩﺖ ﻳﺎﺭﺍﺗﻤﺎﻗﺘﺎ ﺋﯩﻜﻪﻥ. ﻛﯜﺯ ﻫﻪﻡ ﻗﯩﺶ ﭘﻪﺳﯩﻠﻠﯩﺮﻯ ﻫﻪﺭ ﺧﯩﻞ ﻳﯘﻗﯘﻣﻠﯘﻕ ﺯﯗﻛﺎﻡ ﯞﯨﺮﯗﺳﻠﯩﺮﯨﻨﯩﯖﻤﯘ ﺟﺎﻧﻠﯩﻨﯩﺶ ﯞﺍﻗﺘﻰ ﺑﻮﻟﯘﭖ، ﺑﯘﻧﯩﯔ ﺑﯩﻠﻪﻥ ﺳﯧﻨﺘﻪﺑﯩﺮ ﯞﻩ ﺋﯚﻛﺘﻪﺑﯩﺮ ﺋﺎﻳﻠﯩﺮﯨﻨﯩﯔ ﭼﻮﺷﻘﺎ ﺯﯗﻛﺎﻣﯩﻤﯘ، ﺑﺎﺷﻘﺎ ﺯﯗﻛﺎﻡ ﯞﯨﺮﯗﺳﻠﯩﺮﻯ ﺑﯩﻠﻪﻥ ﻗﻮﺷﯘﻟﯘﭖ ﭘﻪﺳﯩﻠﻠﯩﻚ ﺗﺎﺭﻗﯩﻠﯩﺸﻨﻰ ﺋﯧﻠﯩﭗ ﻛﯧﻠﯩﺸﻰ ﻣﯘﻣﻜﯩﻦ ﺩﻩﭖ ﭘﻪﺭﻩﺯ ﻗﯩﻠﻤﺎﻗﺘﺎ ﺋﯩﻜﻪﻥ.

ﺧﯩﺘﺎﻱ ﺳﻪﻫﯩﻴﻪ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﭼﻮﺷﻘﺎ ﺯﯗﻛﺎﻣﯩﻐﺎ ﺩﺍﺋﯩﺮ 11 - ﺳﯧﻨﺘﻪﺑﯩﺮ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﯩﻐﺎ ﻗﺎﺭﯨﻐﺎﻧﺪﺍ، ﺧﯩﺘﺎﻳﺪﺍ ﺋﯚﺗﻜﻪﻥ ﺋﺎﻳﺪﯨﻦ ﺑﺎﺷﻼﭖ ﭼﻮﺷﻘﺎ ﺯﯗﻛﺎﻡ ﻣﯘﻧﺪﺍﻕ ﺗﯚﺕ ﺗﺎﺭﻗﯩﻠﯩﺶ ﺋﺎﻻﻫﯩﺪﯨﻠﯩﻜﯩﮕﻪ ﺋﯩﮕﻪ ﺑﻮﻟﻐﺎﻥ ﺑﻮﻟﯘﭖ، 1 - ﺧﯩﺘﺎﻱ ﭼﻮﯓ ﻗﯘﺭﯗﻗﻠﯘﻗﯩﺪﺍ ﻛﯚﺯﯨﺘﯩﻠﯩﯟﺍﺗﻘﺎﻥ ﺑﯩﻤﺎﺭﻻﺭ ﺋﯩﭽﯩﺪﯨﻦ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﯨﻨﯩﯔ ﺳﺎﻧﯩﺪﺍ ﺋﯧﺸﯩﺶ ﻛﯚﺭﯛﻟﮕﻪﻥ. 2 - ﻛﯩﺸﯩﻠﻪﺭ ﻛﯚﭖ ﻳﯩﻐﯩﻠﻐﺎﻥ ﺋﺎﻣﻤﯩﯟﻯ ﺋﻮﺭﯗﻧﻼﺭﺩﺍ، ﺑﻮﻟﯘﭘﻤﯘ ﻣﻪﻛﺘﻪﭘﻠﻪﺭﺩﻩ ﺗﺎﺭﻗﯩﻠﯩﺸﻰ ﺟﯩﺪﺩﯨﻲ ﺑﻮﻟﻐﺎﻥ. 3 - ﻧﻮﭘﯘﺱ ﺟﻪﻫﻪﺗﺘﯩﻦ ﺋﺎﻻﻫﯩﺪﻩ ﭼﻮﯓ ﺑﻮﻟﻐﺎﻥ ﺷﻪﻫﻪﺭﻟﻪﺭﺩﻩ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﯨﺪﺍ ﺋﯧﻐﯩﺮ ﻛﯧﺴﻪﻟﻠﯩﻚ ﺋﺎﻻﻣﻪﺗﻠﯩﺮﻯ ﻛﯚﺭﯛﻟﮕﻪﻥ. 4 - ﺷﻪﻫﻪﺭﻟﻪﺭﺩﯨﻦ ﻳﯧﺰﯨﻼﺭﻏﺎ ﻗﺎﺭﺍﭖ ﻳﺎﻣﺮﺍﺷﻘﺎ ﺑﺎﺷﻠﯩﻐﺎﻥ.

ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻰ ﺩﯗﻧﻴﺎﺩﺍ 3 ﻣﯩﯖﺪﯨﻦ ﺋﺎﺭﺗﯘﻕ ﻛﯩﺸﯩﻨﯩﯔ ﺟﯧﻨﯩﻐﺎ ﺯﺍﻣﯩﻦ ﺑﻮﻟﺪﻯ

17 - ﺳﯧﻨﺘﻪﺑﯩﺮ ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ، ﭼﻮﺷﻘﺎ ﺯﯗﻛﺎﻡ ﻳﯘﻗﯘﻡ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺋﺎﺧﺒﺎﺭﺍﺕ ﺗﺎﺭﻗﯩﺘﯩﺶ ﺋﯘﺳﯘﻟﯩﻨﻰ ﺋﯚﺯﮔﻪﺭﺗﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﻳﻪﻧﻰ ﻫﻪﺭ ﻗﺎﻳﺴﻰ ﺩﯙﻟﻪﺕ ﻫﻪﻡ ﺭﺍﻳﻮﻧﻼﺭﺩﯨﻜﻰ ﻳﯘﻗﯘﻣﺪﺍﺭﻟﯩﺮﻯ ﺳﺎﻧﯩﺪﺍ ﺗﯧﺰ ﻫﻪﻡ ﺟﯩﺪﺩﯨﻲ ﺋﯧﺸﯩﺶ ﻛﯚﺭﯛﻟﯜﭖ ﺗﻮﻏﺮﺍ ﺳﺘﺎﺗﯩﺴﺘﯩﻜﺎ ﻗﯩﻠﯩﺸﻤﯘ ﺭﯨﻘﺎﺑﻪﺗﻜﻪ ﺩﯗﭺ ﻛﻪﻟﮕﻪﻥ.

ﺷﯘ ﺳﻪﯞﻩﺑﻠﯩﻚ ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ،ﭼﻮﺷﻘﺎ ﺯﯗﻛﺎﻡ ﻳﯘﻗﯘﻡ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﺋﯘﺳﯘﻟﯩﻨﻰ ﺋﯚﺯﮔﻪﺭﺗﯩﭗ، ﻛﯧﻠﻪﺭ ﻫﻪﭘﺘﯩﺪﯨﻦ ﺑﺎﺷﻼﭖ ﻳﯘﻗﯘﻣﺪﺍﺭﻻﺭﻧﯩﯔ ﺋﯧﺸﯩﺶ ﺳﺎﻧﯩﻨﻰ ﺋﯧﻼﻥ ﻗﯩﻠﻤﺎﻳﺪﯨﻜﻪﻥ.

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ، ﺩﯗﻧﻴﺎ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻡ ﺋﻪﻫﯟﺍﻟﻰ ﻫﻪﻗﻘﯩﺪﻩ 12 - ﺳﯧﻨﺘﻪﺑﯩﺮ ﺗﺎﺭﻗﺎﺗﻘﺎﻥ ﺋﺎﺧﯩﺮﻗﻰ ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، ﭼﻮﺷﻘﺎ ﺯﯗﻛﺎﻡ ﺗﺎﺭﻗﯩﻠﯩﺸﻘﺎ ﺑﺎﺷﻼﭖ 11 - ﺳﯩﻨﺘﻪﺑﯩﺮﮔﯩﭽﻪ،ﻣﻪﻟﯘﻡ ﺑﻮﻟﻐﺎﻥ ﻳﯘﻗﯘﻣﺪﺍﺭﻻﺭ 277 ﻣﯩﯖﺪﯨﻦ ﺋﺎﺷﻘﺎﻥ،ﻣﻪﺯﻛﯘﺭ ﯞﯨﺮﯗﺱ3205 ﻧﻪﭘﻪﺭ ﻛﯩﺸﯩﻨﯩﯔ ﺟﯧﻨﯩﻐﺎ ﺯﺍﻣﯩﻦ ﺑﻮﻟﻐﺎﻥ، ﺑﯘﻧﯩﯔ ﺋﯩﭽﯩﺪﻩ ﺋﺎﻣﯧﺮﯨﻜﺎ ﻗﯩﺘﺌﻪﺳﯩﺪﻩ ﺋﯚﻟﮕﻪﻧﻠﻪﺭ 2467 ﻧﻪﭘﻪﺭ ﺋﯩﻜﻪﻥ.    ﺋﻪﻣﻤﺎ، ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ ﺩﻭﻛﻼﺗﯩﺪﺍ ﻳﻪﻧﻪ، ﺑﯘ ﺳﺎﻧﻨﯩﯔ ﺋﻪﻣﻪﻟﯩﻲ ﻳﯘﻗﯘﻡ ﺋﻪﻫﯟﺍﻟﯩﻐﺎ ﻗﺎﺭﯨﻐﺎﻧﺪﺍ ﻛﯚﺭﯨﻨﻪﺭﻟﯩﻚ ﺗﯚﯞﻩﻥ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ.