ﻳﯩﻐﯩﻨﻨﻰ Ed Royce, Loretta Sanchez, Chris Smith ﯞﻩ Frank Wolf ﻗﺎﺗﺎﺭﻟﯩﻖ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﻟﯩﺮﻯ ﺋﯘﻳﯘﺷﺘﯘﺭﺩﻯ. ﻳﯩﻐﯩﻨﺪﺍ ﺋﺎﻣﯧﺮﯨﻜﯩﺪﺍ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯩﺮ ﺗﯜﺭﻛﯜﻡ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﻯ، ﺧﯩﺘﺎﻱ ﯞﻩ ﺑﯧﺮﻣﺎ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﭘﯩﻜﯩﺮ ﺑﺎﻳﺎﻥ ﻗﯩﻠﺪﻯ. ﻳﯩﻐﯩﻨﺪﺍ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻐﺎ ﯞﺍﻛﺎﻟﯩﺘﻪﻥ ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﯩﻨﯩﯔ ﻛﺎﺗﯩﭙﻰ Amy Rogger ﻣﻪﻟﯘﻣﺎﺕ ﺑﻪﺭﺩﻯ.
      
ﻳﯩﻐﯩﻨﺪﺍ ﺋﻮﻟﯩﻤﭙﯩﻚ ﻣﻪﺯﮔﯩﻠﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﭽﯩﻠﯩﻜﻰ ﺑﯩﺮ ﻗﯧﺘﯩﻢ ﺋﻪﺳﻠﻪﭖ ﺋﯚﺗﯜﻟﺪﻯ. ﺩﯗﻧﻴﺎﻧﯩﯔ ﺧﯩﺘﺎﻳﺪﯨﻦ، ﺋﻮﻟﯩﻤﭙﯩﻚ ﭘﯘﺭﺳﯩﺘﯩﺪﻩ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﯩﺪﯨﻜﻰ ﺧﺎﺗﺎﻟﯩﻘﯩﻨﻰ ﺗﻮﻧﯘﺷﯩﻨﻰ ﯞﻩ ﺗﯜﺯﯨﺘﯩﺸﯩﻨﻰ ﻛﯜﺗﻜﻪﻧﻠﯩﻜﻰ، ﺭﯦﺌﺎﻟﻠﯩﻘﻨﯩﯔ ﺑﯘﻧﯩﯔ ﺋﻪﻛﺴﯩﭽﻪ ﺋﯩﭙﺎﺩﯨﻠﻪﻧﮕﻪﻧﻠﯩﻜﻰ ﺑﺎﻳﺎﻥ ﻗﯩﻠﯩﻨﺪﻯ. ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻨﻤﯘ ﺋﯩﻨﺴﺎﻥ ﻫﻪﻗﻠﯩﺮﻯ ﯞﻩﺯﯨﻴﯩﺘﯩﻨﻰ ﺋﻮﯕﺸﯩﻤﯩﻐﺎﻧﻠﯩﻘﻰ ﺋﻪﻛﺴﯩﭽﻪ ﻳﺎﻣﺎﻧﻼﺷﺘﯘﺭﯗﯞﺍﺗﻘﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ ﻳﯩﻐﯩﻨﺪﺍ، ﺋﯘﻳﻐﯘﺭﻻﺭ ﺭﺍﻣﯩﺰﺍﻥ ﻣﻪﺯﮔﯩﻠﺪﻩ ﺩﯗﭺ ﻛﻪﻟﮕﻪﻥ ﭼﻪﻛﻠﯩﻤﯩﻠﻪﺭ ﯞﻩ ﺗﯩﺒﻪﺗﺘﯩﻜﻰ ﺳﺎﻳﺎﻫﻪﺕ ﭼﻪﻛﻠﯩﻤﯩﻠﯩﺮﻯ ﻣﻪﺯﻛﯘﺭ ﺋﻪﻫﯟﺍﻟﻐﺎ ﭘﺎﻛﯩﺖ ﻗﯩﻠﯩﭗ ﻛﯚﺭﺳﯩﺘﯩﻠﺪﻯ. ﺧﯩﺘﺎﻱ ﺋﻪﺭﻛﯩﻨﻠﯩﻚ ﻫﻪﺭﯨﻜﯩﺘﻰ ﯞﻩﺧﭙﯩﻨﯩﯔ ﻣﻪﺳﺌﯘﻟﻰ ﻳﯩﻐﯩﻨﺪﺍ ﺳﻮﺯ ﻗﯩﻠﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﻓﺎﻟﯘﻧﮕﯘﯕﭽﯩﻼﺭ ﺋﯜﺳﺘﯩﺪﯨﻦ ﺩﯨﻨﯩﻲ ﻗﯩﺮﻏﯩﻨﭽﯩﻠﯩﻖ، ﺗﯩﺒﻪﺗﻠﯩﻜﻠﻪﺭ ﺋﯜﺳﺘﯩﺪﯨﻦ ﻣﻪﺩﻩﻧﯩﻴﻪﺕ ﻗﯩﺮﻏﯩﻨﭽﯩﻠﯩﻘﻰ، ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﺑﻮﻟﺴﺎ ﺋﯧﺘﻨﯩﻚ ﻗﯩﺮﻏﯩﻨﭽﯩﻠﯩﻖ ﻳﯜﺭﮔﯜﺯﯛﯞﺍﺗﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ ﯞﻩ ﺋﯘﻳﻐﯘﺭ ﯞﻩﺯﯨﻴﯩﺘﯩﻨﯩﯔ ﺧﯩﺘﺎﻳﺪﺍ ﺋﻪﯓ ﺋﯧﻐﯩﺮ ﺋﻪﻫﯟﺍﻟﺪﺍ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﯞﻩﻛﯩﻠﻰ ﺋﺎﻣﻲ ﺭﻭﮔﮕﻪﺭ ﺳﯚﺯﯨﺪﻩ، ﻳﯧﻘﯩﻨﺪﺍ ﺋﯘﻳﻐﯘﺭ ﺭﺍﻳﻮﻧﯩﺪﺍ، 160 ﻧﻪﭘﻪﺭ ﺋﯚﺳﻤﯜﺭﻧﯩﯔ ﺭﺍﻣﯩﺰﺍﻥ ﻣﻪﺯﮔﯩﻠﯩﺪﻩ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺗﻨﺎﺷﻘﺎﻧﻠﯩﻘﻰ ﺋﯜﭼﯜﻥ ﺗﯘﺗﻘﯘﻥ ﻗﯩﻠﯩﻨﻐﺎﻧﻠﯩﻘﯩﻨﻰ، ﺑﯘﻻﺭﻧﯩﯔ ﺋﺎﺋﯩﻠﯩﺴﯩﮕﻪ ﺟﻪﺭﯨﻤﺎﻧﻪ ﻗﻮﻳﯘﻟﻐﺎﻧﻠﯩﻘﯩﻨﻰ، ﺟﻪﺭﯨﻤﺎﻧﯩﻨﻰ ﺗﯚﻟﯩﻴﻪﻟﻤﯩﮕﻪﻥ ﺋﺎﺋﯩﻠﯩﻠﻪﺭﻧﯩﯔ ﺑﺎﻟﯩﻠﯩﺮﯨﻨﯩﯔ ﻳﻪﻧﯩﻼ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻧﻠﯩﻘﯩﻨﻰ ﻣﻪﻟﯘﻡ ﻗﯩﻠﺪﻯ. ﺋﯘ ﺑﯘ ﯞﻩﻗﻪﻧﻰ ﭘﻪﻗﻪﺕ ﺋﯘﻳﻐﯘﺭﻻﺭ ﺩﯗﭺ ﻛﯧﻠﯩﯟﺍﺗﻘﺎﻥ ﺯﻭﺭﺍﯞﺍﻧﻠﯩﻘﻼﺭﺩﯨﻦ ﺑﯩﺮ ﻣﯩﺴﺎﻝ ﺩﻩﭖ ﻛﯚﺭﺳﻪﺗﺘﻰ. ﺋﯘ ﺳﯚﺯﯨﺪﻩ ﻳﻪﻧﻪ، ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻦ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﺋﯘﻳﻐﯘﺭ ﺭﺍﻳﻮﻧﯩﺪﺍ ﺋﯚﭺ ﺋﯧﻠﯩﺶ ﺧﺎﺭﺍﻛﺘﯧﺮﻟﯩﻚ ﺳﯩﻴﺎﺳﻪﺕ ﻳﻮﻟﻐﺎ ﻗﻮﻳﯘﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﯞﺍﯓ ﻟﯧﭽﯜﻩﻧﻨﯩﯔ ﺋﯘﭺ ﺧﯩﻞ ﻛﯜﭼﻠﻪﺭﮔﻪ ﻗﺎﺭﺷﻰ ﻫﻪﺭﯨﻜﻪﺗﻨﻰ ﻫﺎﻳﺎﺕ - ﻣﺎﻣﺎﺗﻠﯩﻖ ﻛﯜﺭﯨﺸﻰ ﺩﻩﭖ ﺋﺎﺗﯩﺸﯩﻨﻰ، ﺭﺍﻳﻮﻧﺪﯨﻜﻰ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﯩﯔ ﺗﯧﺨﯩﻤﯘ ﻛﯜﭼﯩﻴﯩﺪﯨﻐﺎﻧﻠﯩﻘﯩﺪﯨﻦ ﺑﯩﺸﺎﺭﻩﺕ ﺩﻩﭖ ﻛﯚﺭﺳﻪﺗﺘﻰ.

ﺑﯘ ﻗﯧﺘﯩﻤﻘﻰ ﻳﯩﻐﯩﻨﻨﯩﯔ ﺋﺎﺳﺎﺳﻠﯩﻖ ﺗﻪﺷﻜﯩﻠﻠﯩﮕﯜﭼﯩﻠﯩﺮﯨﺪﯨﻦ ﺑﯩﺮﻯ، Chris Smith ﺋﻪﭘﻪﻧﺪﯨﺪﯗﺭ. ﺋﯘ ﺋﻮﻟﯩﻤﭙﯩﻜﺘﯩﻦ ﺋﺎﯞﯞﺍﻝ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ، ﺧﯩﺘﺎﻱ ﺗﻪﺭﻩﭘﻜﻪ 734 ﻧﻪﭘﻪﺭ ﺳﯩﻴﺎﺳﯩﻲ ﻣﻪﻫﺒﯘﺳﻨﯩﯔ ﺗﯩﺰﯨﻤﻠﯩﻜﯩﻨﻰ ﺳﯘﻧﯘﭖ ﺋﯘﻻﺭﻧﻰ ﻗﻮﻳﯘﯞﯦﺘﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ ﺋﯩﺪﻯ. ﻗﻮﻳﯘﯞﯦﺘﯩﺸﻰ ﺗﻪﻟﻪﭖ ﻗﯩﻠﯩﻨﻐﺎﻧﻼﺭ ﺋﯩﭽﯩﺪﻩ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺋﯩﺴﻼﻫﺎﺗﭽﯩﻼﺭ ﭘﺎﺭﺗﯩﻴﯩﺴﯩﻨﯩﯔ ﺋﻪﺯﺍﺳﻰ ﺋﺎﺑﺪﯗﯞﻩﻟﻰ ﻛﯧﺮﯨﻢ ﻗﺎﺗﺎﺭﻟﯩﻖ 46 ﻧﻪﭘﻪﺭ ﺋﯘﻳﻐﯘﺭ ﺳﯩﻴﺎﺳﯩﻲ ﻣﻪﻫﺒﯘﺳﻨﯩﯔ ﺗﯩﺰﯨﻤﻠﯩﻜﻰ ﺑﺎﺭ ﺋﯩﺪﻯ. ﺋﯘ ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﺍ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﺋﺎﻻﻫﯩﺪﻩ ﺗﻮﺧﺘﺎﻟﺪﻯ. ﺋﯘ ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻧﯩﯔ ﻳﯜﺭﯨﻜﯩﻨﻰ ﻣﯘﺟﯘﺵ ﻣﻪﻗﺴﻪﺗﻠﯩﻚ ﺑﺎﺳﺘﯘﺭﯗﺵ ﻳﻮﻟﻐﺎ ﻗﻮﻳﯘﯞﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﻳﯩﻐﯩﻨﺪﺍ، ﻳﻪﻧﻪ، ﺧﻪﻟﻘﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺋﺎﺳﯩﻴﺎ ﺋﯩﺸﻠﯩﺮﻯ ﻣﻪﺳﺌﯘﻟﻰ ﺕ. ﻛﯘﻣﺎﺭ، ﺧﯩﺘﺎﻱ ﺋﯩﻨﺴﺎﻥ ﻫﻪﻗﻠﯩﺮﻯ ﭘﺎﺋﺎﻟﯩﻴﻪﺗﭽﯩﺴﻰ ﻳﺎﯓ ﺟﻴﻪﻧﻠﻰ ﯞﻩ ﻫﺎﺭﺭﯨﻲ ﯞﯗﻻﺭ ﺳﯚﺯ ﻗﯩﻠﺪﻯ. ﺋﯘﻻﺭ ﺳﯚﺯﯨﺪﻩ ﺧﯩﺘﺎﻳﻨﯩﯔ ﺋﯩﻨﺘﯧﺮﻧﯧﺖ ﺋﯜﺳﺘﯩﺪﯨﻜﻰ ﻧﺎﺯﺍﺭﯨﺘﻰ ﻫﻪﻗﻘﯩﺪﻩ ﻧﯘﻗﺘﯩﻠﯩﻖ ﺷﯩﻜﺎﻳﻪﺕ ﻗﯩﻠﺪﻯ. ﻳﯩﻐﯩﻨﺪﺍ ﺩﯗﻧﻴﺎ ﺋﯩﻨﺘﯧﺮﻧﯧﺖ ﻗﺎﻧﯘﻥ ﻻﻳﯩﻬﯩﺴﯩﻨﯩﯔ ﺩﻩﺭﻫﺎﻝ ﻳﻮﻟﻐﺎ ﻗﻮﻳﯘﻟﯘﺷﻰ ﻛﯧﺮﻩﻛﻠﯩﻜﻰ، ﺷﯘ ﭼﺎﻏﺪﯨﻼ ﺧﯩﺘﺎﻳﻨﯩﯔ ﺋﯩﻨﺘﯧﺮﻧﯧﺖ ﭼﻪﻛﻠﯩﻤﯩﺴﯩﮕﻪ ﻗﺎﺭﯨﺘﺎ ﺋﻪﻣﻪﻟﯩﻲ ﯞﻩ ﻛﯜﭼﻠﯜﻙ ﭼﺎﺭﻩ ﺑﯩﻠﻪﻥ ﺗﺎﻗﺎﺑﯩﻞ ﺗﯘﺭﯗﺵ ﻣﯘﻣﻜﯩﻨﭽﯩﻠﯩﻜﻰ ﺗﯘﻏﯘﻟﯩﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﺪﻯ ﯞﻩ ﻧﯚﯞﻩﺗﺘﯩﻜﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﯩﻠﯩﺴﯩﻨﯩﯔ ﺑﺎﺷﻠﯩﻘﻰ ﻧﻪﻧﺴﯩﻲ ﭘﯧﻠﯘﺳﯩﻨﯩﯔ ﯞﻩﺯﯨﭙﻪ ﻣﯘﺩﺩﯨﺘﻰ ﺋﺎﺧﯩﺮﻟﯩﺸﯩﺸﺘﯩﻦ ﺋﺎﯞﯞﺍﻝ، ﺩﯙﻟﻪﺕ ﻣﻪﺟﻠﯩﺴﯩﺪﻩ ﻣﻪﺯﻛﯘﺭ ﻗﺎﻧﯘﻥ ﻻﻳﯩﻬﯩﺴﯩﻨﻰ ﭘﺎﺭﻻﻣﯧﻨﺘﺘﺎ ﻣﺎﻗﯘﻟﻠﯘﻗﺘﯩﻦ ﺋﯚﺗﻜﯜﺯﯛﺷﻨﻰ ﭘﯩﻼﻧﻠﯩﺪﻯ.