ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ ﺩﺍﺋﯩﺮﯨﻠﻪﺭ ﺷﯘ ﻗﯧﺘﯩﻤﻘﻰ ﯞﻩﻗﻪﮔﻪ ﻗﺎﺗﻨﺎﺷﻘﺎﻥ ﻗﺎﺭﺷﯩﻼﺷﻘﯘﭼﻰ ﻛﯜﭼﻠﻪﺭﻧﯩﯔ ﺋﺎﺋﯩﻠﻪ ﺗﺎﯞﺍﺑﺎﺗﻠﯩﺮﯨﻨﻰ ﺗﯘﺗﻘﯘﻥ ﻗﯩﻠﯩﭗ، ﻫﺎﺯﯨﺮﻏﺎ ﻗﻪﺩﻩﺭ ﺋﯘﻻﺭﻧﯩﯔ ﺋﯩﺰ ﺩﯦﺮﯨﻜﯩﻨﻰ ﺑﻪﺭﻣﯩﮕﻪﻥ.

10 ‏ - ﺋﺎﯞﻏﯘﺳﺖ ﻛﯜﻧﻰ ﺋﯘﻳﻐﯘﺭ ﺋﯧﻠﯩﻨﯩﯔ ﻛﯘﭼﺎﺭ ﻧﺎﻫﯩﻴﯩﺴﯩﺪﻩ ﺋﯘﻳﻐﯘﺭ ﻗﺎﺭﺷﯩﻼﺷﻘﯘﭼﻰ ﻛﯜﭼﻠﯩﺮﯨﻨﯩﯔ ﻣﻪﺯﻛﯘﺭ ﻧﺎﻫﯩﻴﯩﺪﯨﻜﻰ ﺧﯩﺘﺎﻱ ﺳﻮﺩﺍ ﺋﻪﺳﻠﯩﻬﻪﻟﯩﺮﯨﮕﻪ ﯞﻩ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻐﺎ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻰ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺑﺎﺷﻠﯩﻨﯩﭗ 3 ﻛﯜﻥ ﺋﯚﺗﻤﻪﻱ ﻳﯜﺯ ﺑﻪﺭﮔﻪﻥ ﺋﯩﺪﻯ. ﻣﻪﺭﻛﯩﺰﻯ ﮔﯧﺮﻣﺎﻧﯩﻴﯩﺪﯨﻜﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺩﺍﺋﯩﺮﯨﻠﻪﺭﻧﯩﯔ ﯞﻩﻗﻪﺩﯨﻦ ﻛﯧﻴﯩﻦ ﺋﯧﻠﯩﭗ ﺑﺎﺭﻏﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﺪﻩ ﺗﯩﻎ ﺋﯘﭼﯩﻨﻰ ﯞﻩﻗﻪﮔﻪ ﻗﺎﺗﻨﺎﺷﻘﯘﭼﯩﻼﺭﻧﯩﯔ ﺋﺎﺋﯩﻠﻪ ﺗﺎﯞﺍﺑﯩﺌﺎﺗﯩﻐﺎ ﻗﺎﺭﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.

ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ، ﺷﯘ ﻗﯧﺘﯩﻤﻘﻰ ﻫﯘﺟﯘﻣﺪﺍ ﺋﯚﻟﮕﻪﻥ ﻳﺎﻛﻰ ﺋﯚﺯﯨﻨﻰ ﭘﺎﺭﺗﯩﻠﯩﺘﯩﯟﺍﻟﻐﺎﻥ 10 ﻛﯩﺸﯩﻠﯩﻚ ﻗﺎﺭﺷﯩﻼﺷﻘﯘﭼﻰ ﮔﯘﺭﯗﻫﻨﯩﯔ ﺋﯩﭽﯩﺪﯨﻜﻰ ﻛﯘﭼﺎﺭ 7‏ - ﺭﺍﻳﻮﻧﺪﺍ ﺋﻮﻟﺘﯘﺭﯨﺪﯨﻐﺎﻥ ﺋﻪﺧﻤﻪﺗﺠﺎﻥ ﺗﻮﺧﺘﻰ ﯞﻩ ﺑﯜﯞﻯ ﻣﻪﺭﻳﻪﻡ ﺋﯩﺴﯩﻤﻠﯩﻚ ﻗﺎﺭﺷﯩﻼﺷﻘﯘﭼﯩﻼﺭ ﺋﯚﺯ ﺋﺎﺭﺍ ﺋﻪﺭ - ﺋﺎﻳﺎﻟﻼﺭ ﺑﻮﻟﯘﭖ، ﺋﻪﺧﻤﻪﺗﺠﺎﻥ ﺗﻮﺧﺘﻰ ﺳﺎﻗﭽﯩﻼﺭ ﺑﯩﻠﻪﻥ ﺑﻮﻟﻐﺎﻥ ﺗﻮﻗﯘﻧﯘﺷﺘﺎ ﺋﯚﻟﺘﯜﺭﯛﻟﮕﻪﻥ، ﺑﯜﯞﻯ ﻣﻪﺭﻳﻪﻡ ﺑﻮﻟﺴﺎ ﺋﯚﺯﯨﻨﻰ ﭘﺎﺭﺗﻠﯩﺘﯩﯟﺍﻟﻐﺎﻥ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﭼﺎﺭﺷﻪﻧﺒﻪ ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺑﯘ ﻫﻪﻗﺘﯩﻜﻰ ﺋﯘﭼﯘﺭﯨﺪﺍ ﺑﯘ ﻳﯩﻞ 24 ﻳﺎﺷﻼﺭﺩﯨﻜﻰ ﺋﻪﺧﻤﻪﺗﺠﺎﻥ ﺑﯩﻠﻪﻥ ﺑﯜﯞﻯ ﻣﻪﺭﻳﻪﻣﻨﯩﯔ ﺋﻪﻣﺪﯨﻼ 10 ﺋﺎﻳﻐﺎ ﺗﻮﻟﻐﺎﻥ ﺑﻮﯞﯨﻘﻰ ﺑﺎﺭﻟﯩﻘﯩﻨﻰ، ﯞﻩﻗﻪﺩﯨﻦ ﻛﯧﻴﯩﻦ ﺳﺎﻗﭽﯩﻼﺭﻧﯩﯔ ﺑﻮﯞﺍﻗﻨﻰ ﺋﯧﻠﯩﭗ ﻛﻪﺗﻜﻪﻧﻠﯩﻜﻰ، ﻳﻪﺭﻟﯩﻚ ﺩﺍﺋﯩﺮﯨﻠﻪﺭﻧﯩﯔ ﺑﻮﯞﺍﻗﻨﯩﯔ ﺗﻪﻗﺪﯨﺮﻯ ﺗﻮﻏﺮﯨﺴﯩﺪﺍ ﺋﯘﭼﯘﺭ ﺑﯧﺮﯨﺸﻨﻰ ﺭﻩﺕ ﻗﯩﻠﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﻛﯘﭼﺎﺩﯨﻜﻰ ﻫﯘﺟﯘﻣﺪﯨﻦ ﻛﯧﻴﯩﻦ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺋﺎﺗﺎﻟﻤﯩﺶ "3 ﺧﯩﻞ ﻛﯜﭼﻠﻪﺭ" ﮔﻪ ﻗﺎﺭﺷﻰ ﺟﻪﯓ ﺋﯧﻼﻥ ﻗﯩﻠﯩﭗ، ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﯩﯔ " ﺋﯚﻟﯜﻡ - ﻛﯚﺭﯛﻣﻠﯜﻙ ﯞﻩ ﺷﻪﭘﻘﻪﺗﺴﯩﺰ" ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﻰ ﺳﯩﻴﺎﺳﻰ ﻗﺎﻧﯘﻥ ﻛﻮﻣﯩﺘﯧﺘﯩﻨﯩﯔ ﺳﯧﻜﺮﯨﺘﺎﺭﻯ ﺟﺎﯓ ﺧﻪﻳﻠﯘﻥ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﯨﻨﯩﯔ "ﻳﯩﻠﺘﯩﺰﯨﻨﻰ ﻗﯘﺭﯗﺗﯩﯟﯦﺘﯩﺶ"ﻧﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ. ﺑﯩﺰ ﯞﻩﻗﻪﻧﯩﯔ ﻫﻪﻗﯩﻘﻰ ﺋﻪﻫﯟﺍﻟﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ ﻧﺎﻫﯩﻴﯩﻠﯩﻚ ﺩﯙﻟﻪﺕ ﺋﺎﻣﺎﻧﻠﯩﻘﯩﻨﻰ ﻗﻮﻏﺪﺍﺵ ﺋﻪﺗﺮﯨﺘﯩﮕﻪ ﺗﯧﻠﯧﻔﻮﻥ ﻗﯩﻠﻐﺎﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﻣﻪﺯﻛﯘﺭ ﺋﻮﺭﮔﺎﻧﺪﯨﻜﻰ ﺧﺎﺩﯨﻤﻼﺭ ﯞﻩﻗﻪ ﺗﻮﻏﺮﯨﺴﯩﺪﺍ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺸﻨﻰ ﺭﻩﺕ ﻗﯩﻠﺪﻯ.

ﺩﯙﻟﻪﺕ ﺋﺎﻣﺎﻧﻠﯩﻘﯩﻨﻰ ﻗﻮﻏﺪﺍﺵ ﺋﻪﺗﺮﯨﺘﯩﺪﯨﻜﻰ ﺑﯩﺮ ﺧﯩﺘﺎﻱ ﻛﺎﺩﯨﺮﻯ،" ﻣﯧﻨﯩﯔ ﺑﯘ ﻣﻪﺳﯩﻠﯩﺪﻩ ﺳﯩﺰﮔﻪ ﭘﯩﻜﯩﺮ ﺑﯩﻠﺪﯛﺭﯛﺵ ﻫﻮﻗﯘﻗﯘﻡ ﻳﻮﻕ. ﺑﯘ ﺋﯩﺸﻨﻰ ﻳﺎﺧﺸﻰ ﺑﯩﻠﻤﻪﻳﻤﻪﻥ ... ﻛﻪﭼﯜﺭﯛﺳﯩﺰ. ﻣﻪﻥ ﺑﯘﻧﯩﯖﻐﺎ ﻫﻮﻗﯘﻗﻠﯘﻕ ﺋﻪﻣﻪﺱ،" ﺩﻩﻳﺪﯗ. ﻟﯧﻜﯩﻦ ﯞﻩﻗﻪ ﻳﯜﺯ ﺑﻪﺭﮔﻪﻥ ﺭﺍﻳﻮﻧﺪﺍ ﺋﺎﻣﻤﯩﯟﻯ ﺋﻮﺭﮔﺎﻧﻼﺭ ﯞﻩ ﺝ ﺥ ﺳﯩﺴﺘﯧﻤﯩﺴﯩﺪﯨﻜﻰ ﺋﯘﻳﻐﯘﺭ ﻛﺎﺩﯨﺮﻻﺭ، ﺟﻪﻣﺌﯩﻴﻪﺗﺘﯩﻜﻰ ﺧﻪﻟﻘﻨﯩﯔ ﻧﺎﻫﺎﻳﯩﺘﻰ ﺋﻪﻧﺴﯩﺰﻟﯩﻚ ﺋﯩﭽﯩﺪﻩ ﻗﺎﻟﻐﺎﻧﻠﯩﻘﻰ، ﺩﺍﺋﯩﺮﯨﻠﻪﺭﻧﯩﯔ ﯞﻩﻗﻪﮔﻪ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭﻻﺭﻧﻰ ﻧﺎﻫﺎﻳﯩﺘﻰ ﺟﯩﺪﺩﻯ ﺗﯩﺰﮔﯩﻨﻠﻪﯞﺍﺗﻘﺎﻧﻠﯩﻘﯩﻨﻰ ﺋﺎﯕﻘﯩﺮﯨﺶ ﺗﻪﺱ ﺋﻪﻣﻪﺱ.

ﻳﯘﻗﯩﺮﯨﻘﻰ ﺳﯚﻫﺒﻪﺕ ﻣﯘﺧﺒﯩﺮﯨﻤﯩﺰ ﺑﯩﻠﻪﻥ ﻛﯘﭼﺎﺭ ﻧﺎﻫﯩﻴﯩﻠﯩﻚ ﺩﯙﻟﻪﺕ ﺋﺎﻣﺎﻧﻠﯩﻘﯩﻨﻰ ﻗﻮﻏﺪﺍﺵ ﺋﻪﺗﺮﯨﺘﯩﻨﯩﯔ ﺑﯩﺮ ﺋﯘﻳﻐﯘﺭ ﻛﺎﺩﯨﺮﻯ ﺋﺎﺭﯨﺴﯩﺪﺍ ﺋﯧﻠﯩﭗ ﺑﯧﺮﯨﻠﺪﻯ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﯜﯞﻯ ﻣﻪﺭﻳﻪﻣﻨﯩﯔ ﺑﻮﯞﯨﻘﻰ ﺑﯩﻠﻪﻥ ﺗﻪﯓ ﻳﻪﻧﻪ ﺋﯘﻧﯩﯔ ﻛﯘﭼﺎﺭ ﻳﯧﯖﻰ ﺷﻪﻫﻪﺭﺩﻩ " ﺋﯩﺨﻼﺱ ﺳﻮﺩﺍ ﺑﺎﺯﯨﺮﻯ" ﺋﺎﭼﯩﺪﯨﻐﺎﻥ ﺋﺎﭼﯩﺴﻰ ﯞﻩ ﺩﯗﻛﺎﻧﺪﯨﻜﻰ ﺧﯩﺰﻣﻪﺗﭽﯩﻠﻪﺭﻧﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﻰ، ﻗﻮﻟﻐﺎ ﺋﯧﻠﯩﻨﻐﺎﻧﻼﺭﻧﯩﯔ ﯞﻩﻗﻪ ﺑﯩﻠﻪﻥ ﻣﯘﻧﺎﺳﯩﯟﻩﺗﺴﯩﺰ ﻛﯩﺸﯩﻠﻪﺭ ﺑﻮﻟﯘﺷﯩﻐﺎ ﻗﺎﺭﯨﻤﺎﻱ ﻫﺎﺯﯨﺮﻏﺎ ﻗﻪﺩﻩﺭ ﺗﯘﺗﯘﭖ ﺗﯘﺭﯗﻟﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻟﯧﻜﯩﻦ ﺧﻪﯞﻩﺭﺩﻩ ﺑﯜﯞﻯ ﻣﻪﺭﻳﻪﻣﻨﯩﯔ ﺋﺎﭼﯩﺴﯩﻨﯩﯔ ﺋﯩﺴﻤﻰ، ﺩﯗﻛﺎﻧﺪﯨﻜﻰ ﺧﯩﺰﻣﻪﺗﭽﯩﻠﻪﺭﻧﯩﯔ ﺋﯩﺴﯩﻢ ﺷﻪﺭﯨﭙﻰ ﺑﯧﺮﯨﻠﻤﯩﮕﻪﻥ. ﺋﻪﻣﻤﺎ ﻣﻪﺯﻛﯘﺭ ﯞﻩﻗﻪ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻗﻮﻟﻐﺎ ﺋﯧﻠﯩﻨﻐﺎﻥ ﺋﺎﺋﯩﻠﻪ ﺗﺎﯞﺍﺑﯩﺌﺎﺗﻠﯩﺮﻯ ﺑﻮﻟﺴﺎ ﺑﯘﻧﯩﯔ ﺑﯩﻠﻪﻥ ﭼﻪﻛﻠﻪﻧﻤﯩﮕﻪﻥ.

ﻗﻮﻟﻐﺎ ﺋﯧﻠﯩﻨﻐﺎﻧﻼﺭﻧﯩﯔ ﺋﯩﭽﯩﺪﻩ ﺋﻪﺧﻤﻪﺗﺠﺎﻥ ﺗﻮﺧﺘﯩﻨﯩﯔ 60 ﻳﺎﺷﻼﺭﺩﯨﻜﻰ ﺩﺍﺩﯨﺴﻰ ﺗﻮﺧﺘﻰ ﺗﺎﻱ، ﺋﺎﻧﯩﺴﻰ، ﺋﯩﻨﯩﺴﻰ ﻣﯘﺳﺎﺟﺎﻥ ﺗﻮﺧﺘﻰ، ﺋﺎﻛﯩﺴﻰ ﻣﻪﻣﻪﺕ ﺗﻮﺧﺘﯩﻼﺭﻧﯩﯔ ﺑﺎﺭﻟﯩﻘﻰ، ﺑﯩﺮ ﺳﯩﯖﻠﯩﺴﯩﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﺪﯨﻦ ﻛﯧﻴﯩﻦ ﻳﯧﻘﯩﻨﺪﺍ ﻗﻮﻳﯘﭖ ﺑﯧﺮﯨﻠﮕﻪﻧﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﻤﻪﻛﺘﻪ.

ﻛﯘﭼﺎﺭ ﻧﺎﻫﯩﻴﯩﺴﯩﻨﯩﯔ 7 - ﺭﺍﻳﻮﻧﯩﺪﯨﻜﻰ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﺎﻳﺪﯨﻐﺎﻥ ﺑﯩﺮ ﺋﯘﻳﻐﯘﺭ ﺋﺎﺋﯩﻠﻪ ﺧﺎﻧﯩﻤﻰ، 10 - ﺋﺎﯞﻏﯘﺳﺖ ﯞﻩﻗﻪﺳﯩﮕﻪ ﻗﺎﺗﻨﺎﺷﻘﯘﭼﯩﻼﺭﻧﯩﯔ ﺋﺎﺋﯩﻠﻪ ﺗﺎﯞﺍﺑﯩﺌﺎﺗﻰ ﺗﯘﺗﻘﯘﻥ ﻗﯩﻠﯩﻨﻐﺎﻧﻠﯩﻘﯩﻐﺎ ﺩﺍﺋﯩﺮ ﮔﻪﭘﻠﻪﺭﻧﻰ ﺋﺎﯕﻠﯩﻐﺎﻧﻠﯩﻘﯩﻨﻰ، ﻟﯧﻜﯩﻦ ﯞﻩﻗﻪﻧﯩﯔ ﺗﻪﭘﺴﯩﻠﻰ ﺋﻪﻫﯟﺍﻟﯩﻨﻰ ﺑﯩﻠﻤﻪﻳﺪﯨﻐﺎﻧﻠﯩﻘﻰ، ﭼﯜﻧﻜﻰ ﺋﯚﺯﯨﻨﯩﯔ ﺑﯩﺮ ﺋﺎﺋﯩﻠﻪ ﺋﺎﻳﺎﻟﻰ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﻣﻪﺭﻛﯩﺰﻯ ﮔﯧﺮﻣﺎﻧﯩﻴﯩﺪﯨﻜﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﻗﻪﺷﻘﻪﺭ ﯞﻩ ﻛﯘﭼﺎﺩﺍ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﻛﯜﭼﻠﯩﺮﯨﮕﻪ ﻫﯘﺟﯘﻡ ﻗﯩﻠﯩﺶ ﯞﻩﻗﻪﺳﻰ ﻳﯜﺯ ﺑﯧﺮﯨﭗ ﺋﯘﺯﯗﻥ ﺋﯚﺗﻤﻪﻱ، ﺑﯘ ﺋﯩﻜﻜﻰ ﺭﺍﻳﻮﻧﺪﺍ ﺭﻩﺳﻤﻰ ﻗﻮﻟﻐﺎ ﺋﯧﻠﯩﻨﻐﺎﻧﻼﺭﻧﯩﯔ ﺋﺎﺯ ﺩﯦﮕﻪﻧﺪﻩ 1000 ﻏﺎ ﻳﻪﺗﻜﻪﻧﻠﯩﻜﻰ، ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﺗﯘﺗﻘﯘﻥ ﻗﯩﻠﯩﻨﻐﺎﻧﻠﯩﻘﻰ، ﺗﯘﺗﻘﯘﻧﻼﺭﻏﺎ ﺗﯜﺭﻣﻪ ﻳﯧﺘﯩﺸﻤﻪﻱ ﻳﻪﺭﻟﯩﻚ ﻫﯚﻛﯜﻣﻪﺕ ﺑﯩﻨﺎﻟﯩﺮﯨﺪﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺋﯩﺴﭙﺎﺗﻠﯩﺸﯩﻐﺎ ﺋﯧﺮﯨﺸﻪﻟﻤﯩﮕﻪﻥ ﺑﯘ ﺧﻪﯞﻩﺭﺩﻩ ﻳﻪﻧﻪ، ﻛﯘﭼﺎﺩﯨﻜﻰ ﻧﺎﻣﺪﺍﺭ ﺩﯨﻨﯩﻲ ﺯﺍﺗﻼﺭﻧﯩﯔ ﺑﯩﺮﻯ ﺑﻮﻟﻐﺎﻥ ﺋﺎﺩﯨﻞ ﻗﺎﺭﻯ ﺋﯩﺴﯩﻤﻠﯩﻚ ﺋﯩﻤﺎﻣﻐﺎ ﻣﯘﺩﺩﻩﺗﺴﯩﺰ ﻗﺎﻣﺎﻕ ﺟﺎﺯﺍﺳﻰ ﺑﯧﺮﯨﻠﮕﻪﻧﻠﯩﻜﯩﻨﻰ، ﺋﯘ 10 - ﺋﺎﯞﻏﯘﺳﺖ ﯞﻩﻗﻪﺳﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﺴﯩﺰ ﺑﻮﻟﺴﯩﻤﯘ، ﻟﯧﻜﯩﻦ ﺩﺍﺋﯩﺮﯨﻠﻪﺭ ﻛﯘﭼﺎﺩﯨﻜﻰ ﻫﯘﺟﯘﻣﻐﺎ ﻗﺎﺗﻨﺎﺷﻘﯘﭼﯩﻼﺭﻧﯩﯔ ﺑﯩﺮﯨﻨﯩﯔ ﺋﺎﺩﯨﻞ ﻗﺎﺭﯨﻢ ﺋﯩﻤﺎﻣﻪﺗﭽﯩﻠﯩﻚ ﻗﯩﻠﯩﺪﯨﻐﺎﻥ ﻣﻪﺳﭽﯩﺘﻨﯩﯔ ﺟﺎﻣﺎﺋﻪﺕ ﺋﻪﻫﻠﻰ ﺋﯩﻜﻪﻧﻠﯩﻜﯩﻨﻰ ﺑﺎﻫﺎﻧﻪ ﻗﯩﻠﯩﭗ، ﺋﯩﻤﺎﻣﻨﻰ ﺟﺎﺯﺍﻟﯩﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﻗﺎﺭﺷﯩﻼﺷﻘﯘﭼﯩﻼﺭﻧﯩﯔ ﺋﺎﺋﯩﻠﻪ ﺗﺎﯞﺍﺑﺎﺗﯩﻨﻰ ﺟﺎﯞﺍﺑﻜﺎﺭﻟﯩﻘﻘﺎ ﺗﺎﺭﺗﯩﺶ ﺧﯩﺘﺎﻱ ﻗﺎﻧﯘﻧﯩﻨﯩﯔ ﺋﯚﺯﯨﮕﻪ ﭘﯜﺗﯜﻧﻠﻪﻱ ﺧﯩﻼﭖ ﺋﯩﻜﻪﻧﻠﯩﻜﻰ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺭﺍﻳﻮﻧﺪﯨﻜﻰ ﯞﻩﺯﯨﻴﻪﺗﻜﻪ ﺩﯨﻘﻘﻪﺕ ﻗﯩﻠﯩﺸﯩﻨﻰ ﺋﯚﺗﯜﻧﺪﻯ.

ﺧﻪﯞﻩﺭﻟﻪﺭﺩﻩ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﯞﻩ ﻫﻪﺭﺑﯩﻲ ﻗﯩﺴﯩﻤﻼﺭﻧﯩﯔ ﻛﯘﭼﺎﺭ ﻧﺎﻫﯩﻴﯩﺴﯩﺪﯨﻜﻰ ﻳﯧﺰﺍ - ﻛﻪﻧﺘﻠﻪﺭﺩﻩ ﺗﻪﻛﺸﯜﺭﯛﺵ ﭘﻮﻧﻜﯩﺘﻠﯩﺮﯨﻨﻰ ﻗﯘﺭﯗﭖ، ﻳﯧﺰﺍ ﭘﯘﻗﺮﺍﻟﯩﺮﯨﻨﯩﯔ ﺋﺎﻣﻤﯩﯟﻯ ﺳﻮﺭﯗﻧﻼﺭﻏﺎ ﺗﻮﭘﻠﯩﻨﯩﺸﯩﻨﻰ، ﺳﺎﻳﺎﻫﻪﺕ ﻗﯩﻠﯩﺸﯩﻨﻰ ﭼﻪﻛﻠﯩﮕﻪﻧﻠﯩﻜﻰ، ﻗﺎﻧﯘﻥ ﺋﯩﺠﺮﺍ ﻗﯩﻠﻐﯘﭼﯩﻼﺭﻏﺎ ﻣﻪﺳﭽﯩﺘﻜﻪ ﻛﯩﺮﮔﯜﭼﯩﻠﻪﺭﻧﻰ ﻳﺎﻛﻰ ﺋﺎﺋﯩﻠﯩﺴﯩﺪﻩ ﻣﻪﺧﭙﯩﻲ ﺋﯩﺒﺎﺩﻩﺕ ﻗﯩﻠﻐﯘﭼﯩﻼﺭﻧﻰ ﺗﻪﻛﺸﯜﺭﯛﭖ، "ﺳﯩﻴﺎﺳﻰ ﺋﯚﺗﻜﻪﻟﺪﯨﻦ" ﺋﯚﺗﻜﯜﺯﯛﺵ ﺗﻪﻟﻪﭖ ﻗﯩﻠﯩﻨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.