ﺗﻪﻫﻠﯩﻠﭽﯩﻠﻪﺭ ﺭﯗﺳﯩﻴﯩﻨﯩﯔ ﻛﻮﻧﺎ ﺗﻪﺳﯩﺮ ﺩﺍﺋﯩﺮﯨﺴﯩﺪﯨﻜﻰ ﺭﺍﻳﻮﻧﻼﺭﻏﺎ ﻗﺎﻳﺘﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﯞﺍﺗﻘﺎﻥ ﺑﯘ ﻛﯜﻧﻠﻪﺭﺩﻩ، ﻛﺮﯦﻤﯩﻠﻨﯩﯔ ﻳﯧﯖﻰ ﺭﻩﻫﺒﯩﺮﻯ ﺩﻣﯩﺘﺮﯨﻲ ﻣﯧﺪﯞﯦﺪﯦﯟ ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﺋﯩﭽﻜﻰ ﻗﯘﺭﯗﻗﻠﯘﻕ ﺩﯙﻟﯩﺘﻰ ﻣﻮﯕﻐﯘﻟﯩﻴﯩﻨﯩﯔ ﭘﺎﻳﺘﻪﺧﺘﻰ ﺋﯘﻻﻧﺒﺎﺗﻮﺭﺩﺍ ﺋﯩﻜﻜﻰ ﻛﯜﻥ ﺭﻩﺳﻤﯩﻲ ﺯﯨﻴﺎﺭﻩﺗﺘﻪ ﺑﻮﻟﺪﻯ.

ﺭﯗﺳﯩﻴﯩﻨﯩﯔ ﺋﯩﺘﺎﺭ - ﺗﺎﺱ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﭘﺮﯦﺰﯨﺪﯦﻨﺖ ﻣﯧﺪﯞﯦﺪﯦﯟ ﺋﯘﻻﻧﺒﺎﺗﻮﺭﺩﺍ ﺗﯧﺨﻰ ﻳﯧﻘﯩﻨﺪﯨﻼ ﺳﺎﻳﻼﻧﻐﺎﻥ ﭘﺮﯦﺰﯨﺪﯦﻨﺖ ﺳﺎﺧﯩﺌﺎﮔﯩﻴﻦ ﺋﻪﻟﺒﻪﮔﺪﻭﺭﺟﻰ ﺑﯩﻠﻪﻥ ﻛﯚﺭﯛﺷﯜﭖ، ﺋﯩﻜﻜﻰ ﺩﯙﻟﻪﺗﻨﯩﯔ ﺋﻪﻧﺌﻪﻧﯩﯟﻯ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﻛﯜﭼﻪﻳﺘﯩﺸﻨﻰ ﺗﻪﻛﯩﺘﻠﻪﺵ ﺑﯩﻠﻪﻥ ﺑﯩﺮﮔﻪ، ﻳﻪﻧﻪ ﺑﯩﺮ ﻗﺎﺗﺎﺭ ﻛﯧﻠﯩﺸﯩﻤﻠﻪﺭﮔﻪ ﺋﯩﻤﺰﺍ ﻗﻮﻳﺪﻯ. ﻣﯧﺪﯞﯦﺪﯦﯟ ﺑﯩﻠﻪﻥ ﺋﻪﻟﺒﻪﮔﺪﻭﺭﺟﯩﻨﯩﯔ ﺗﯜﺯﮔﻪﻥ ﻛﯧﻠﯩﺸﯩﻤﻠﯩﺮﯨﻨﯩﯔ ﺋﯩﭽﯩﺪﻩ ﺋﻪﯓ ﻣﯘﻫﯩﻤﻠﯩﺮﻯ ﺭﯗﺳﯩﻴﻪ ﺑﯩﻠﻪﻥ ﻣﻮﯕﻐﯘﻟﯩﻴﯩﻨﯩﯔ ﺑﯩﺮﻟﯩﻜﺘﻪ ﺋﯘﺭﺍﻥ ﻛﺎﻧﻠﯩﺮﯨﻨﻰ ﺗﯧﭙﯩﺶ ﯞﻩ ﻗﯧﺰﯨﺶ ﺷﯩﺮﻛﯩﺘﻰ ﻗﯘﺭﯗﺵ ﺗﻮﺧﺘﺎﻣﻨﺎﻣﯩﺴﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﺑﯘﻻﺭﺩﯨﻦ ﺑﺎﺷﻘﺎ ﻳﻪﻧﻪ ﺑﯩﺮ ﻗﺎﺗﺎﺭ ﺳﻮﺩﺍ - ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﻪﺭﻧﻰ ﻛﯜﭼﻪﻳﺘﯩﺸﻨﻰ ﻣﻪﻗﺴﻪﺕ ﻗﯩﻠﯩﺪﯨﻐﺎﻥ ﻛﯧﻠﯩﺸﯩﻤﻠﻪﺭﻣﯘ ﺋﯩﻤﺰﺍﻻﻧﻐﺎﻥ.

ﺋﯩﻜﻜﻰ ﭘﺮﯦﺰﯨﺪﯦﻨﺖ ﺧﻪﻟﻘﺌﺎﺭﺍ ﻣﻪﺳﯩﻠﯩﻠﻪﺭ ﯞﻩ ﺏ ﺩ ﺕ ﻧﻰ ﺋﯩﺴﻼﻫﺎﺕ ﻗﯩﻠﯩﺶ ﻗﺎﺗﺎﺭﻟﯩﻘﻼﺭ ﻣﻪﺳﯩﻠﯩﻠﻪﺭ ﺑﻮﻳﯩﭽﯩﻤﯘ ﭘﯩﻜﯩﺮ ﺋﺎﻟﻤﺎﺷﺘﯘﺭﻏﺎﻥ ﺑﻮﻟﯘﭖ، ﺭﯗﺳﯩﻴﻪ ﺗﻪﺭﻩﭖ ﻣﻮﯕﻐﯘﻟﯩﻴﯩﻨﯩﯔ ﻳﺎﺩﺭﻭﺳﯩﺰ ﺩﯙﻟﻪﺗﻠﯩﻚ ﺳﺎﻻﻫﯩﻴﯩﺘﯩﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﯩﻜﻜﻰ ﺗﻪﺭﻩﭖ ﻳﻪﻧﻪ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺷﯧﺮﯨﻜﻠﯩﻚ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﻛﯜﭼﻪﻳﺘﯩﺶ ﻫﻪﻗﻘﯩﺪﻩ ﺑﺎﻳﺎﻧﻨﺎﻣﻪ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﻣﯧﺪﯞﯦﺪﯦﯟ ﻣﻮﯕﻐﯘﻟﯩﻴﯩﻨﯩﯔ ﺋﺎﻣﯧﺮﯨﻜﺎ ﻗﻮﺷﻤﺎ ﺷﺘﺎﺗﻠﯩﺮﻯ ﯞﻩ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﻫﻪﻣﻜﺎﺭﻟﯩﻘﻠﯩﺮﯨﻨﻰ ﺭﺍﯞﺍﺟﻼﻧﺪﯗﺭﯗﺷﯩﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺭﯗﺳﯩﻴﯩﻨﯩﯔ ﺧﻪﯞﻩﺭﻟﻪﺭ ﺋﺎﮔﯧﻨﺘﻠﯩﻘﯩﻨﯩﯔ ﺗﺎﺭﻗﺎﺗﻘﺎﻥ ﺋﯘﭼﯘﺭﯨﺪﺍ ﺋﯧﻴﺘﯩﻠﯩﺸﯩﭽﻪ، ﺩﻣﯩﺘﺮﯨﻲ ﻣﯧﺪﯞﯦﺪﯦﯟ ﻣﻮﯕﻐﯘﻟﯩﻴﻪ ﻫﯚﻛﯜﻣﯩﺘﻰ ﺳﺎﻫﯩﺒﺨﺎﻧﻠﯩﻖ ﻗﯩﻠﻐﺎﻥ ﺧﺎﻟﺨﯩﻦ - ﮔﻮﻝ ﺋﯘﺭﯗﺷﯩﻨﯩﯔ ﻏﻪﻟﯩﺒﻪ ﻗﺎﺯﺍﻧﻐﺎﻧﻠﯩﻘﯩﻨﯩﯔ 70 ﻳﯩﻠﻠﯩﻘﯩﻨﻰ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﯩﮕﻪ ﻗﺎﺗﻨﯩﺸﯩﭗ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﯘﺭﯗﺷﻘﺎ ﻗﺎﺗﻨﺎﺷﻘﺎﻥ ﺭﯗﺳﯩﻴﯩﻠﯩﻚ ﯞﻩ ﻣﻮﯕﻐﯘﻟﯩﻴﯩﻠﯩﻚ ﻛﻮﻧﺎ ﺟﻪﯕﭽﯩﻠﻪﺭﻧﻰ ﻗﻮﺑﯘﻝ ﻗﯩﻠﻐﺎﻥ ﻫﻪﻣﺪﻩ ﺑﯘ ﺋﯘﺭﯗﺷﻘﺎ ﻗﻮﻣﺎﻧﺪﺍﻧﻠﯩﻖ ﻗﯩﻠﻐﺎﻥ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﻣﺎﺭﺷﺎﻟﻰ ﺟﯘﻛﻮﯞﻧﯩﯔ ﺋﯘﻻﻧﺒﺎﺗﻮﺭﺩﯨﻜﻰ ﻫﻪﻳﻜﯩﻠﯩﮕﻪ ﮔﯜﻝ ﭼﻪﻣﺒﯩﺮﻩﻙ ﻗﻮﻳﻐﺎﻥ.

ﻣﯧﺪﯞﯦﺪﯦﯟ ﺧﺎﺗﯩﺮﯨﻠﻪﺵ ﻣﯘﺭﺍﺳﯩﻤﯩﺪﺍ ﺳﯚﺯﻟﯩﮕﻪﻥ ﻧﯘﻗﺘﯩﺪﺍ "ﺧﺎﻟﺨﯩﻦ - ﮔﻮﻝ ﺋﯘﺭﯗﺷﯩﻨﯩﯔ ﻏﻪﻟﯩﺒﯩﺴﻰ ﺑﯩﺰﻧﯩﯔ ﺧﻪﻟﻘﻠﯩﺮﯨﻤﯩﺰﻧﻰ ﺋﯘﺯ ‏ - ﺋﺎﺭﺍ ﺑﺎﻏﻠﯩﻐﺎﻥ ﻗﻪﻫﺮﯨﻤﺎﻧﻠﯩﻖ ﺑﻪﺗﻠﯩﺮﯨﮕﻪ ﺑﻮﻟﻐﺎﻥ ﻫﯚﺭﻣﯩﺘﯩﻤﯩﺰ ﯞﻩ ﺋﯘﻧﻰ ﺧﺎﺗﯩﺮﯨﻠﯩﺸﯩﻤﯩﺰﻧﯩﯔ ﺋﯩﺴﭙﺎﺗﻰ. ﺧﺎﻟﺨﯩﻦ - ﮔﻮﻟﺪﯨﻜﻰ ﺟﻪﯕﻠﻪﺭﺩﻩ ﺑﯩﺰﻧﯩﯔ ﺩﻭﺳﺘﻠﯘﻗﯩﻤﯩﺰ ﺳﯩﻨﺎﻗﻼﺭﺩﯨﻦ ﺋﯚﺗﺘﻰ ﯞﻩ ﺑﯜﮔﯜﻥ ﻛﯜﻧﻠﻪﺭﺩﯨﻤﯘ ﺑﯩﺰ ﺑﯘﻧﻰ ﺧﯘﺩﺩﻯ ﺑﯘﺭﯗﻧﻘﯩﻐﺎ ﺋﻮﺧﺸﺎﺷﻼ ﻗﻪﺩﯨﺮﻟﻪﻳﻤﯩﺰ" ﺩﻩﭖ ﺟﺎﻛﺎﺭﻟﯩﻐﺎﻥ ﺷﯘﻧﯩﯖﺪﻩﻙ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﻣﻮﯕﻐﯘﻟﯩﻴﯩﻨﯩﯔ ﺋﺎﺳﺎﺳﻠﯩﻖ ﺳﯩﻴﺎﺳﯩﻲ ﯞﻩ ﺋﯩﻘﺘﯩﺴﺎﺩﯨﻲ ﺷﯧﺮﯨﻜﻰ ﺑﻮﻟﯘﭖ، ﺋﯘﻧﯩﯔ ﻳﺎﺭﺩﯨﻤﻰ ﺑﯩﻠﻪﻥ ﻣﻮﯕﻐﯘﻟﯩﻴﯩﻨﯩﯔ 80% ﺋﯩﻘﺘﯩﺴﺎﺩﯨﻲ ﺳﯩﺴﺘﯧﻤﯩﺴﯩﻨﯩﯔ ﻗﯘﺭﯗﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﺋﯚﺗﻜﻪﻥ.

ﺗﺎﺭﯨﺨﭽﯩﻼﺭ ﺧﺎﻟﮕﯩﻦ - ﮔﻮﻝ ﺋﯘﺭﯗﺷﯩﻨﯩﯔ ﻏﻪﻟﯩﺒﯩﺴﯩﻨﯩﯔ ﺋﻪﻣﻪﻟﯩﻴﻪﺗﺘﻪ ﻣﻮﯕﻐﯘﻟﯩﻴﯩﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﯩﯔ ﺳﺎﻗﻠﯩﻨﯩﭗ ﻗﯧﻠﯩﻨﯩﺶ ﻛﺎﭘﺎﻟﯩﺘﻰ ﺑﻮﻟﻐﺎﻧﻠﯩﻘﯩﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﯨﺪﯗ. ﻣﻮﯕﻐﯘﻟﯩﻴﻪ ﻫﯚﻛﯜﻣﯩﺘﻰ، 1939 - ﻳﯩﻠﻰ 8 - ﺋﺎﻳﺪﺍ ﻏﻪﻟﯩﺒﻪ ﻗﯩﻠﻐﺎﻥ ﺑﯘ ﺋﯘﺭﯗﺷﻨﯩﯔ 70 ﻳﯩﻠﻠﯩﻘﯩﻨﻰ ﺧﺎﺗﯩﺮﯨﻠﻪﺵ ﺋﺎﺭﻗﯩﻠﯩﻖ ﺋﯚﺯﻟﯩﺮﯨﻨﯩﯔ ﻣﯘﺳﺘﻪﻗﯩﻞ ﺩﯙﻟﻪﺗﭽﯩﻠﯩﻜﯩﻨﯩﯔ ﺑﯜﮔﯜﻧﻜﻰ ﻛﯜﻧﮕﯩﭽﻪ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﺷﯩﻨﯩﯔ ﺗﺎﺭﯨﺨﯩﻲ ﺋﻪﻫﻤﯩﻴﯩﺘﯩﻨﻰ ﺋﻪﺳﻠﯩﮕﻪﻥ.

ﺧﺎﻟﺨﯩﻦ - ﮔﻮﻝ ﻣﻮﯕﻐﯘﻟﯩﻴﻪ ﭼﯧﮕﺮﯨﺴﻰ ﺋﯩﭽﯩﺪﯨﻜﻰ ﺑﯩﺮ ﺩﻩﺭﻳﺎﻧﯩﯔ ﻧﺎﻣﻰ ﺑﻮﻟﯘﭖ، 1931 - ﻳﯩﻠﻰ ﻳﺎﭘﻮﻧﻼﺭﻧﯩﯔ ﻫﯩﻤﺎﻳﯩﺴﻰ ﺑﯩﻠﻪﻥ ﻣﺎﻧﺠﯘﮔﻮ ﺩﯙﻟﯩﺘﻰ ﻗﯘﺭﯗﻟﻐﺎﻧﺪﯨﻦ ﻛﯧﻴﯩﻦ، ﺧﺎﻟﺨﯩﻦ - ﮔﻮﻝ ﻣﻮﯕﻐﯘﻟﯩﻴﻪ ﺑﯩﻠﻪﻥ ﻣﺎﻧﺠﯘﺭﯨﻴﯩﻨﯩﯔ ﭼﯧﮕﺮﯨﺴﻰ ﺑﻮﻟﯘﭖ ﻗﺎﻟﻐﺎﻥ. ﺑﯩﺮﺍﻕ، ﻣﺎﻧﺠﯘﺭﯨﻴﻪ ﻫﯚﻛﯜﻣﯩﺘﻰ ﺑﯩﻠﻪﻥ ﻣﻮﯕﻐﯘﻟﯩﻴﻪ ﻫﯚﻛﯜﻣﯩﺘﻰ ﺋﺎﺭﯨﺴﯩﺪﺍ ﺑﯘ ﻳﻪﺭﻧﻰ ﺗﺎﻟﯩﺸﯩﺶ ﯞﻩﻗﻪﺳﻰ ﻳﯜﺯ ﺑﯧﺮﯨﭗ، ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﺍ ﭼﯧﮕﺮﺍ ﺗﻮﻗﯘﻧﯘﺷﻠﯩﺮﻯ ﺩﺍﯞﺍﻣﻼﺷﻘﺎﻥ .

ﺧﺎﻟﺨﯩﻦ - ﮔﻮﻝ ﻣﻮﯕﻐﯘﻟﯩﻴﯩﮕﻪ ﺗﻪﯞﻩ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺟﺎﻱ ﺋﻪﻣﻪﻟﯩﻴﻪﺗﺘﻪ ﻳﺎﭘﻮﻧﯩﻴﻪ ﺑﯩﻠﻪﻥ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﭼﯧﮕﺮﯨﺴﯩﻐﺎ ﺋﻮﺧﺸﺎﭖ ﻗﺎﻟﻐﺎﻥ ﺑﻮﻟﯘﭖ، 1936 - ﻳﯩﻠﯩﺪﯨﻦ ﻛﯧﻴﯩﻦ ﺳﻮﯞﯦﺖ ﻗﯩﺰﯨﻞ ﺋﺎﺭﻣﯩﻴﯩﺴﻰ ﺑﯘ ﺭﺍﻳﻮﻧﻐﺎ ﻛﯩﺮﯨﭗ ﺋﻮﺭﯗﻧﻠﯩﺸﯩﭗ، ﻳﺎﭘﻮﻧﯩﻴﻪ ﺋﺎﺭﻣﯩﻴﯩﺴﻰ ﺑﯩﻠﻪﻥ ﺗﯩﺮﻛﻪﺷﻜﻪﻥ ﻫﻪﻣﺪﻩ 1938 - ﻳﯩﻠﻰ ﺧﺎﺳﺎﻥ ﻛﯚﻟﻰ ﺋﻪﺗﺮﺍﭘﯩﺪﺍ ﺳﻮﯞﯦﺖ ﺋﺎﺭﻣﯩﻴﯩﺴﻰ ﺑﯩﻠﻪﻥ ﻳﺎﭘﻮﻧﯩﻴﻪ ﺋﺎﺭﻣﯩﻴﯩﺴﻰ ﺋﺎﺭﯨﺴﯩﺪﺍ ﺋﯘﺭﯗﺵ ﻳﯜﺯ ﺑﻪﺭﮔﻪﻥ. 1939 - ﻳﯩﻠﻰ ﻣﺎﻱ ﺋﯧﻴﯩﺪﯨﻦ ﺑﺎﺷﻼﭖ، ﻳﺎﭘﻮﻧﯩﻴﻪ ﻣﻮﯕﻐﯘﻟﯩﻴﻪ ﭼﯧﮕﺮﯨﺴﻰ ﺋﯩﭽﯩﮕﻪ ﺋﯩﭽﻜﯩﺮﯨﻠﻪﭖ ﻛﯩﺮﯨﭗ، ﺳﻮﯞﯦﺖ ﯞﻩ ﻣﻮﯕﻐﯘﻝ ﻗﻮﺷﯘﻧﻠﯩﺮﯨﻐﺎ ﻫﯘﺟﯘﻡ ﻗﻮﺯﻏﺎﭖ ﺗﯘﺭﻏﺎﻥ، ﻧﻪﺗﯩﺠﯩﺪﻩ ﺗﻮﻗﯘﻧﯘﺷﻼﺭ ﻛﯧﯖﯩﻴﯩﭗ، ﺋﺎﻳﺮﻭﭘﯩﻼﻥ ﯞﻩ ﺗﺎﻧﻜﯩﻼﺭﻧﻰ ﺋﯩﺸﻘﺎ ﺳﯧﻠﯩﺶ ﺩﻩﺭﯨﺠﯩﺴﯩﮕﻪ ﻳﻪﺗﻜﻪﻥ. ﺷﯘ ﻳﯩﻠﻰ 6 - ﺋﺎﻳﺪﺍ ﻳﺎﭘﻮﻧﯩﻴﻪ ﻛﻪﯓ ﻛﯚﻟﻪﻣﻠﯩﻚ ﻫﯘﺟﯘﻡ ﻗﻮﺯﻏﯩﻐﺎﻥ ﺑﻮﻟﯘﭖ، ﺋﺎﯞﻏﯘﺳﺘﻘﺎ ﻛﻪﻟﮕﻪﻧﺪﻩ ﺋﯘﺭﯗﺵ ﻳﯘﻗﯩﺮﻯ ﭘﻪﻟﻠﯩﮕﻪ ﻳﯧﺘﯩﭗ، ﺳﻮﯞﯦﺖ ﺗﻪﺭﻩﭖ 60 ﻣﯩﯔ ﺋﻪﺳﻜﻪﺭ، 500 ﺩﯨﻦ ﺋﺎﺭﺗﯘﻕ ﺋﺎﻳﺮﻭﭘﯩﻼﻥ ﯞﻩ 500 ﺩﯨﻦ ﺋﺎﺭﺗﯘﻕ ﺗﺎﻧﻜﺎ، ﻳﺎﭘﻮﻧﯩﻴﻪ ﺗﻪﺭﻩﭖ 700 ﺩﯨﻦ ﺋﺎﺭﺗﯘﻕ ﺋﺎﻳﺮﻭﭘﯩﻼﻥ، 180 ﺗﺎﻧﻜﺎ ﻫﻪﻣﺪﻩ 75 ﻣﯩﯔ ﺋﻪﺳﻜﻪﺭ ﭼﯩﻘﺎﺭﻏﺎﻥ.

ﺳﻮﯞﯦﺖ، ﺋﺎﺭﻣﯩﻴﯩﺴﯩﮕﻪ ﻣﺎﺭﺷﺎﻝ ﺟﯘﻛﻮﯞ ﻗﻮﻣﺎﻧﺪﺍﻧﻠﯩﻖ ﻗﯩﻠﻐﺎﻥ ﺑﻮﻟﯘﭖ، ﻛﻪﯓ ﻛﯚﻟﻪﻣﻠﯩﻚ ﻗﺎﺗﺘﯩﻖ ﺟﻪﯕﻠﻪﺭﺩﯨﻦ ﻛﯧﻴﯩﻦ ﻳﺎﭘﻮﻧﯩﻴﻪ ﺋﺎﺭﻣﯩﻴﯩﺴﻰ ﭘﯜﺗﯜﻧﻠﻪﻱ ﻣﻪﻏﻠﯘﺏ ﺑﻮﻟﻐﺎﻥ. ﺋﻪﻣﻤﺎ، ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﯨﻜﻰ ﺗﻮﻗﯘﻧﯘﺷﻼﺭ ﺩﺍﯞﺍﻣﻠﯩﺸﯩﯟﻩﺭﮔﻪﻥ ﺑﻮﻟﺴﯩﻤﯘ، ﺑﯩﺮﺍﻕ 15 - ﺳﯧﻨﺘﻪﺑﯩﺮ ﻛﯜﻧﻰ ﻣﻮﺳﻜﯟﺍ، ﺋﯘﻻﻧﺒﺎﺗﯘﺭ ﯞﻩ ﺗﻮﻛﻴﻮ ﺋﺎﺭﯨﺴﯩﺪﺍ ﺋﯘﺭﯗﺵ ﻗﯩﻠﻤﺎﺳﻠﯩﻖ ﺷﻪﺭﺗﻨﺎﻣﯩﺴﻰ ﺗﯜﺯﯛﻟﮕﻪﻧﺪﻩ ﺗﻮﺧﺘﯩﻐﺎﻥ.

ﺭﯗﺳﯩﻴﻪ ﺗﺎﺭﯨﺨﭽﯩﻠﯩﺮﻯ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺧﺎﻟﺨﯩﻦ - ﮔﻮﻝ ﻏﻪﻟﯩﺒﯩﺴﯩﻨﯩﯔ ﺋﻪﻳﻨﻰ ﯞﺍﻗﯩﺘﺘﺎ ﻳﺎﭘﻮﻧﻴﯩﻨﯩﯔ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﻫﯘﺟﯘﻡ ﻗﯩﻠﯩﺸﯩﻨﻰ ﺗﻮﺳﯘﭖ ﻗﺎﻟﻐﺎﻧﻠﯩﻘﻰ ﯞﻩ 1941 - 1945 - ﻳﯩﻠﻠﯩﺮﯨﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﯩﻜﻰ ﯞﻩﺗﻪﻥ ﺋﯘﺭﯗﺷﻰ ﻣﻪﺯﮔﯩﻠﯩﺪﯨﻤﯘ، ﻳﺎﭘﻮﻧﯩﻴﯩﻨﯩﯔ ﺷﻪﺭﻕ ﺗﻪﺭﻩﭘﺘﯩﻦ ﻫﯘﺟﯘﻡ ﻗﯩﻠﻤﺎﺳﻠﯩﻘﻰ ﺋﯜﭼﯜﻥ ﺷﻪﺭﺕ ﻫﺎﺯﯨﺮﻟﯩﻐﺎﻧﻠﯩﻘﯩﻨﻰ ﺟﻪﺯﯨﻤﻠﻪﺷﺘﯜﺭﯨﺪﯗ. ﻣﻮﯕﻐﯘﻟﯩﻴﻪ ﺗﺎﺭﯨﺨﭽﯩﻠﯩﺮﻯ ﺑﻮﻟﺴﺎ، ﺧﺎﻟﺨﯩﻦ - ﮔﻮﻝ ﺋﯘﺭﯗﺷﯩﻨﯩﯔ ﻏﻪﻟﯩﺒﯩﺴﯩﻨﻰ ﺋﻪﻣﻪﻟﯩﻴﻪﺗﺘﻪ ﺳﻮﯞﯦﺖ ﯞﻩ ﻣﻮﯕﻐﯘﻝ ﻗﻮﺷﯘﻧﻠﯩﺮﯨﻨﯩﯔ ﺑﯩﺮﻟﯩﻜﺘﻪ ﻗﻮﻟﻐﺎ ﻛﻪﻟﺘﯜﺭﮔﻪﻧﻠﯩﻜﻰ، ﺑﯘ ﻏﻪﻟﯩﺒﯩﻨﯩﯔ ﺋﻮﺧﺸﺎﺷﻼ ﻳﺎﭘﻮﻧﯩﻴﯩﻨﯩﯔ ﻣﻮﯕﻐﯘﻟﯩﻴﯩﻨﻰ ﺑﯧﺴﯩﯟﯦﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﺎﻟﻐﺎﻧﻠﯩﻘﻰ ﻫﻪﻣﺪﻩ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﻫﯘﺟﯘﻡ ﻗﻮﺯﻏﯩﺸﯩﺪﺍ ﺗﻮﺳﺎﻗﻠﯩﻖ ﺭﻭﻟﯩﻨﻰ ﺋﻮﻳﻨﯩﻐﺎﻧﻠﯩﻘﯩﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﯨﺪﯗ.

ﻣﻮﯕﻐﯘﻟﯩﻴﻪ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﻳﯩﻤﯩﺮﯨﻠﯩﺸﯩﺪﯨﻦ ﻛﯧﻴﯩﻦ، ﺋﯚﺯﯨﻨﯩﯔ ﺧﯘﺩﺩﻯ 16 - ﺳﻮﯞﯦﺖ ﺋﯩﺘﺘﯩﭙﺎﻗﺪﺍﺵ ﺟﯘﻣﻬﯘﺭﯨﻴﯩﺘﯩﺪﻩﻙ ﺋﻮﺭﻧﯩﺪﯨﻦ ﻗﯘﺗﯘﻟﯘﭖ، ﻣﻮﺳﻜﯟﺍﻧﯩﯔ ﺗﻪﺳﯩﺮ ﺩﺍﺋﯩﺮﯨﺴﻰ ﺋﺎﺳﺘﯩﺪﯨﻦ ﭼﯩﻘﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﺘﻰ ﻫﻪﻣﺪﻩ ﺋﺎﻣﯧﺮﯨﻜﺎ، ﺧﯩﺘﺎﻱ ﯞﻩ ﻳﺎﭘﻮﻧﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﺑﯩﻠﻪﻥ ﺋﻪﺭﻛﯩﻦ ﺋﺎﻻﻗﻪ ﻗﯩﻠﯩﭗ، ﺋﯚﺯ ﺋﯩﻘﺘﯩﺴﺎﺩﯨﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﺷﯘﻧﯩﯖﺪﻩﻙ ﺧﻪﻟﻘﺎﺭﺍﺩﯨﻜﻰ ﺗﻪﺳﯩﺮﯨﻨﻰ ﺋﺎﺷﯘﺭﯗﺷﻘﺎ ﺗﯩﺮﯨﺸﺘﻰ.

ﻣﯧﺪﯞﯦﺪﯦﯟﻧﯩﯔ ﺋﯘﻻﻧﺒﺎﺗﻮﺭﻧﻰ ﺯﯨﻴﺎﺭﻩﺕ ﻗﯩﻠﯩﺸﻰ ﺭﯗﺳﯩﻴﻪ ﻣﻪﺗﺒﯘﺋﺎﺗﻠﯩﺮﯨﺪﯨﻜﻰ ﻣﯘﻻﻫﯩﺰﯨﻠﯩﻚ ﺗﯧﻤﯩﻐﺎ ﺋﺎﻳﻼﻧﻐﺎﻥ ﺑﻮﻟﯘﭖ، ﺭﯗﺱ ﺋﺎﻧﺎﻟﯩﺰﭼﯩﻠﯩﺮﻯ ﺋﯘﻻﻧﺒﺎﺗﻮﺭﻧﯩﯔ ﺋﯚﺯ ﺩﯙﻟﻪﺕ ﺑﯩﺨﻪﺗﻪﺭﻟﯩﻜﯩﻨﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺸﺘﺎ ﺋﯚﺯﯨﮕﻪ ﺑﯩﺮ ﺋﻪﺳﯩﺮﮔﻪ ﻳﯧﻘﯩﻦ ﯞﺍﻗﯩﺖ ﻫﺎﻣﯩﻠﯩﻖ ﻗﯩﻠﻐﺎﻥ ﻛﺮﯦﻤﯩﻠﺪﯨﻦ ﺋﺎﻳﺮﯨﻠﯩﭗ ﻗﺎﻟﺴﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﭼﯜﺷﻪﻧﮕﻪﻧﻠﯩﻜﯩﻨﻰ، ﻛﺮﯦﻤﯩﻠﻨﯩﯖﻤﯘ ﺋﯚﺯﯨﻨﯩﯔ ﺑﯘ ﻛﻮﻧﺎ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻧﯘﻗﺘﯩﺴﯩﺪﯨﻦ ﺋﺎﻳﺮﯨﻠﯩﭗ ﻗﺎﻟﺴﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺗﻮﻧﯘﭖ ﻳﻪﺗﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﺘﻰ.