ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﯩﺪﻩ ﻳﻪﻧﻪ، ﺳﯩﺪﻧﯧﻲ ﺷﻪﻫﯩﺮﯨﺪﻩ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺳﯩﺪﻧﯧﻲ ﺋﯘﻳﻐﯘﺭ ﺋﺎﻧﺎ ﺗﯩﻞ ﻣﻪﻛﺘﯩﭙﻰ ﻗﯘﺭﯗﻟﻐﺎﻧﻠﯩﻘﯩﻨﯩﯔ 3 ﻳﯩﻠﻠﯩﻘﻰ ﺑﯩﺮﻟﯩﻜﺘﻪ ﺧﺎﺗﯩﺮﯨﻠﻪﻧﺪﻯ.

ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﻰ ﺳﯩﺪﻧﯧﻲ ﺋﯘﻳﻐﯘﺭ ﺋﺎﻧﺎ ﺗﯩﻞ ﻣﻪﻛﺘﯩﭙﯩﻨﻰ ﻗﯘﺭﯗﭖ، 3 ﻳﯩﻠﺪﯨﻦ ﺑﯩﺮﻯ ﺩﺍﯞﺍﻣﻼﺷﺘﯘﺭﯗﭖ ﻛﯧﻠﯩﯟﺍﺗﻘﺎﻥ، ﺋﯘﻳﻐﯘﺭ ﺋﯧﻠﯩﺪﻩ ﺑﻪﻟﮕﯩﻠﯩﻚ ﻧﻮﭘﯘﺯ ﺗﯩﻜﻠﯩﮕﻪﻥ ﺋﺎﺧﺒﺎﺭﺍﺗﭽﻰ ﺳﻪﻟﯩﻤﻪ ﻛﺎﻣﺎﻝ ﺗﻪﺭﯨﭙﯩﺪﯨﻦ ﺋﯘﻳﯘﺷﺘﯘﺭﯗﻟﻐﺎﻥ.

ﭘﺎﺋﺎﻟﯩﻴﻪﺕ ﺳﻪﻟﯩﻤﻪ ﻛﺎﻣﺎﻝ ﺧﺎﻧﯩﻤﯩﻨﯩﯔ ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﻫﺎﻳﺎﺕ ﭘﺎﺋﺎﻟﯩﻴﯩﺘﻰ ﯞﻩ ﺋﯘﻧﯩﯔ ﻗﻪﺗﻠﻰ ﻗﯩﻠﯩﻨﯩﺸﻰ ﻫﻪﻗﻘﯩﺪﯨﻜﻰ ﻗﯩﺴﻘﯩﭽﻪ ﺑﺎﻳﺎﻧﻠﯩﺮﻯ ﺑﯩﻠﻪﻥ، ﺷﯘ ﺟﺎﻱ ﯞﺍﻗﺘﻰ 30 - ﻣﺎﻱ ﭼﯜﺷﺘﯩﻦ ﻛﯩﻴﯩﻦ ﺳﺎﺋﻪﺕ 12 ﻳﯧﺮﯨﻤﻼﺭ ﺋﻪﺗﺮﺍﭘﯩﺪﺍ ﺑﺎﺷﻼﻧﺪﻯ.

ﻣﻪﻟﯘﻡ ﺑﻮﻟﻐﯩﻨﯩﺪﻩﻙ ﻣﻪﻣﺘﯩﻠﻰ ﺗﻪﯞﭘﯩﻖ ﺋﻪﭘﻪﻧﺪﻯ 1901 - ﻳﯩﻠﻰ ﺋﺎﺗﯘﺷﺘﺎ ﺗﯘﻏﯘﻟﻐﺎﻥ، ﻳﯘﺭﺗﯩﺪﯨﻜﻰ ﺑﺎﯞﯗﺩﯗﻥ ﯞﻩ ﻫﯜﺳﻪﻳﯩﻦ ﺑﺎﻳﻼﺭ ﺗﻪﺭﯨﭙﯩﺪﯨﻦ ﺋﯧﭽﯩﻠﻐﺎﻥ "ﻫﯜﺳﻪﻳﯩﻨﯩﻴﻪ" ﻣﻪﻛﺘﯩﭙﯩﺪﻩ ﺋﻮﻗﯘﻏﺎﻥ ﯞﻩ ﻛﯧﻴﯩﻦ ﺗﯜﺭﻛﯩﻴﯩﮕﻪ ﺑﯧﺮﯨﭗ ﺋﯧﻠﯩﻢ ﺗﻪﻫﺴﯩﻞ ﻗﯩﻠﻐﺎﻥ.

ﺧﻮﺟﺎ ﻧﯩﻴﺎﺯ ﻫﺎﺟﻰ ﺭﻩﻫﺒﻪﺭﻟﯩﻜﯩﺪﯨﻜﻰ ﺋﯘﻳﻐﯘﺭ ﻣﯩﻠﻠﯩﻲ ﺋﯩﻨﻘﯩﻼﺑﻰ ﻏﻪﻟﯩﺒﯩﮕﻪ ﺋﯧﺮﯨﺸﯩﭗ ﺋﯘﻳﻐﯘﺭ ﺋﯧﻠﯩﺪﻩ ﻣﯘﺋﻪﻳﻴﻪﻥ ﺩﻩﺭﯨﺠﯩﺪﻩ ﺋﻪﻣﯩﻨﻠﯩﻚ ﺋﻮﺭﻧﯩﺘﯩﻠﻐﺎﻧﺪﯨﻦ ﻛﯧﻴﯩﻦ، ﻣﻪﻣﺘﯩﻠﻰ ﺋﻪﭘﻪﻧﺪﻯ ﺋﺎﻧﺎ ﻳﯘﺭﺗﻰ ﺋﺎﺗﯘﺷﻘﺎ ﻛﯧﻠﯩﭗ، ﻣﻪﺭﯨﭙﻪﺕ ﺗﺎﺭﻗﯩﺘﯩﺶ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯗ ﯞﻩ ﺋﯩﺰﭼﯩﻼﺭﻗﻮﺷﯘﻧﻰ ﺗﻪﺷﻜﯩﻠﻠﻪﭖ ﻳﯧﯖﻰ ﻣﺎﺋﺎﺭﯨﭗ ﺋﯩﺪﯨﻴﯩﺴﯩﻨﻰ ﻗﻪﺷﻘﻪﺭ ﯞﯨﻼﻳﯩﺘﯩﻨﯩﯔ ﻫﻪﺭ ﻗﺎﻳﺴﻰ ﻧﺎﻫﯩﻴﻪ ﯞﻩ ﻳﯧﺰﺍ، ﺑﺎﺯﺍﺭﻟﯩﺮﯨﻐﯩﭽﻪ ﺗﻪﺷﯟﯨﻖ ﻗﯩﻠﯩﺪﯗ.

ﻣﻪﻣﺘﯩﻠﻰ ﺋﻪﭘﻪﻧﺪﻯ 1937 - ﻳﯩﻠﻰ 30 - ﻣﺎﻳﺪﺍ ﺷﯧﯔ ﺳﯩﺴﻪﻱ ﺟﺎﻟﻼﺗﻠﯩﺮﻯ ﺗﻪﺭﯨﭙﯩﺪﯨﻦ ﻗﻪﺷﻘﻪﺭ ﺗﯜﺭﻣﯩﺴﯩﺪﻩ ﻛﯚﻳﺪﯛﺭﯛﯞﯦﺘﯩﻠﮕﻪﻥ ﺑﻮﻟﯘﭖ، ﺋﯘ ﺋﻪﻳﻨﻰ ﯞﺍﻗﯩﺘﺘﺎ ﺋﻪﻣﺪﯨﻼ 36 ﻳﺎﺷﺘﺎ ﺋﯩﺪﻯ.

ﻣﻪﻣﺘﯩﻠﻰ ﺋﻪﭘﻪﻧﺪﻯ ﻗﻪﺗﻠﻰ ﻗﯩﻠﯩﻨﻐﺎﻧﻠﯩﻘﯩﻨﯩﯔ 72 ﻳﯩﻠﻠﯩﻘﯩﻐﺎ ﺑﯧﻐﯩﺸﻼﻧﻐﺎﻥ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﻰ ﺑﯩﻠﻪﻥ ﺑﯩﺮﻟﯩﻜﺘﻪ ﻳﻪﻧﻪ، ﺳﯩﺪﻧﯧﻲ ﺷﻪﻫﯩﺮﯨﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭ ﺋﺎﻧﺎ ﺗﯩﻞ ﻣﻪﻛﺘﯩﭙﻰ ﻗﯘﺭﯗﻟﻐﺎﻧﻠﯩﻘﯩﻨﯩﯔ 3 ﻳﯩﻠﻠﯩﻖ ﻣﻪﺭﯨﻜﯩﺴﯩﻤﯘ ﺑﯩﺮﻟﯩﻜﺘﻪ ﺧﺎﺗﯩﺮﯨﻠﻪﻧﺪﻯ.

ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﯩﺪﻩ، ﺋﯘﻳﻐﯘﺭ ﺋﺎﻧﺎ ﺗﯩﻞ ﻣﻪﻛﺘﯩﭙﯩﻨﯩﯔ ﺑﯩﺮ ﻗﯩﺴﯩﻢ ﺋﻮﻗﯘﻏﯘﭼﯩﻠﯩﺮﻯ ﻣﻪﻣﺘﯩﻠﻰ ﺋﻪﭘﻪﻧﺪﻯ ﺋﻪﺳﻪﺭﻟﯩﺮﯨﺪﯨﻦ ﺩﯦﻜﻼﻣﺎﺗﺴﯩﻴﻪ ﻗﯩﻠﺪﻯ.

ﻫﺎﺯﯨﺮ ﺳﯩﺪﻧﯧﻲ ﺋﯘﻳﻐﯘﺭ ﺋﺎﻧﺎ ﺗﯩﻠﻰ ﻣﻪﻛﺘﯩﭙﯩﺪﻩ ﺋﻮﻗﯘﯞﺍﺗﻘﺎﻥ ﺋﯘﻳﻐﯘﺭ ﻗﯩﺰﻯ ﺷﯧﺮﯨﻨﺌﺎﻳﻨﯩﯔ ﺩﯦﻜﻼﻣﺎﺗﺴﯩﻴﯩﺴﻰ، ﻳﻪﻧﻰ، ﺷﯧﺮﯨﻨﺌﺎﻳﻨﯩﯔ ﻣﻪﻣﺘﯩﻠﻰ ﺋﻪﭘﻪﻧﺪﯨﻤﻨﯩﯔ "ﺑﯩﺰ ﺋﯘﻳﻐﯘﺭﻧﯩﯔ ﺑﺎﻟﯩﻠﯩﺮﻯ" ﻧﺎﻣﻠﯩﻖ ﺷﯧﺌﯩﺮﯨﻨﻰ ﺋﯩﻨﺘﺎﻳﯩﻦ ﺭﺍﯞﺍﻥ ﯞﻩ ﺟﺎﺭﺍﯕﻠﯩﻖ ﺩﯦﻜﻼﻣﺎﺗﺴﯩﻴﻪ ﻗﯩﻠﻐﺎﻧﻠﯩﻘﻰ ﻳﯩﻐﯩﻦ ﻗﺎﺗﻨﺎﺷﻘﯘﭼﯩﻠﯩﺮﯨﻨﻰ ﻫﻪﻳﺮﺍﻥ ﻗﺎﻟﺪﯗﺭﺩﻯ. ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﺷﯧﺌﯩﺮﻟﯩﺮﯨﻨﻰ ﺩﯦﻜﻼﻣﺎﺗﺴﯩﻴﻪ ﻗﯩﻠﻐﺎﻧﻼﺭ ﺋﯩﭽﯩﺪﻩ ﻳﻪﻧﻪ، ﺋﻮﻗﯘﺵ ﻳﯧﺸﯩﻐﺎ ﺋﻪﻣﺪﯨﻼ ﺗﻮﺷﻘﺎﻥ ﺋﯚﺳﻤﯜﺭ ﺋﯘﻳﻐﯘﺭﻻﺭﻣﯘ ﺑﺎﺭ ﺋﯩﺪﻯ. ﺋﯘﻻﺭﻣﯘ ﺋﯚﺯﯨﻨﯩﯔ ﺟﺎﻧﻠﯩﻖ ﺩﯦﻜﻼﻣﺎﺗﺴﯩﻴﯩﻠﯩﺮﻯ ﺑﯩﻠﻪﻥ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﯩﮕﻪ ﺋﺎﻻﻫﯩﺪﻩ ﺗﯜﺱ ﻗﻮﺷﺘﻰ.

ﻣﻪﺯﻛﯘﺭ ﭘﺎﺋﺎﻟﯩﻴﻪﺗﻨﻰ ﺋﯘﻳﯘﺷﺘﯘﺭﻏﺎﻥ ﺳﻪﻟﯩﻤﻪ ﻛﺎﻣﺎﻝ ﺧﺎﻧﯩﻢ، ﭘﺎﺋﺎﻟﯩﻴﻪﺗﻨﯩﯔ ﺋﻮﺭﯗﻧﻼﺷﺘﯘﺭﯗﻟﯘﺷﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺋﯘﻳﻐﯘﺭ ﻣﯩﻠﻠﯩﻲ ﻣﺎﺋﺎﺭﯨﭙﻰ، ﺋﯘﻳﻐﯘﺭ ﺗﯩﻠﻰ ﯞﻩ ﺋﯘﻳﻐﯘﺭ ﻛﯩﻤﻠﯩﻜﻰ ﻣﯩﺴﻠﯩﺴﯩﺰ ﻛﺮﯨﺰﯨﺴﻘﺎ ﺩﯗﭺ ﻛﯧﻠﯩﯟﺍﺗﻘﺎﻥ ﺑﯜﮔﯜﻧﻜﻰ ﻛﯜﻧﯩﺪﻩ، ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﻨﯩﯔ ﻣﻪﻣﺘﯩﻠﻰ ﺋﻪﭘﻪﻧﺪﯨﺪﻩﻙ ﺋﻮﺕ ﻳﯜﺭﻩﻙ، ﭘﯩﺪﺍﻛﺎﺭ ﻣﺎﺋﺎﺭﯨﭙﭽﯩﻼﺭﻧﯩﯔ ﻫﺎﻳﺎﺕ ﭘﺎﺋﺎﻟﯩﻴﯩﺘﯩﻨﻰ ﺋﯚﮔﯩﻨﯩﺸﻰ ﺋﯩﻨﺘﺎﻳﯩﻦ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ، ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﻣﻪﻣﺘﯩﻠﻰ ﺋﻪﭘﻪﻧﺪﻯ ﻗﻪﺗﻠﻰ ﻗﯩﻠﯩﻨﻐﺎﻧﻠﯩﻘﻰ ﯞﻩ ﺑﯩﻠﻪﻥ ﺋﺎﻧﺎ ﺗﯩﻞ ﻣﻪﻛﺘﯩﭙﯩﻨﯩﯔ 3 ﻳﯩﻠﻠﯩﻘﻨﻰ ﺑﯩﺮﻟﯩﻜﺘﻪ ﺧﺎﺗﯩﺮﯨﻠﻪﺷﻨﯩﯔ ﺋﻪﻫﻤﯩﻴﯩﺘﻰ ﺋﯜﺳﺘﯩﺪﻩ ﺗﻮﺧﺘﺎﻟﻐﺎﻥ ﻣﻪﻣﻪﺗﺠﺎﻥ، ﻣﻪﻣﺘﯩﻠﻰ ﺋﻪﭘﻪﻧﺪﯨﻨﯩﯔ ﻫﺎﻳﺎﺕ ﭘﺎﺋﺎﻟﯩﻴﯩﺘﯩﻨﻰ ﺋﻪﺳﻠﻪﭖ ﺋﯚﺗﯜﺵ ﭼﻪﺗﺌﻪﻟﻠﻪﺭﺩﻩ ﻳﺎﺷﺎﻳﺪﯨﻐﺎﻥ ﺋﯘﻳﻐﯘﺭﻻﺭﻏﺎ ﻣﯩﻠﻠﯩﻲ ﻛﯩﻤﻠﯩﻚ ﺗﯘﻳﻐﯘﺳﯩﻨﻰ ﻳﯧﺘﯩﻠﺪﯛﺭﯛﺷﺘﻪ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻣﻪﻣﻪﺗﺠﺎﻥ ﺋﻪﭘﻪﻧﺪﻯ ﺋﺎﯞﺳﺘﺮﺍﻟﯩﻴﯩﻨﯩﯔ ﺳﯩﺪﻧﯧﻲ ﺷﻪﻫﯩﺮﯨﺪﻩ ﻳﺎﺷﺎﻳﺪﯨﻐﺎﻥ ﺑﻮﻟﯘﭖ، ﺋﯘ ﻧﯚﯞﻩﺗﺘﻪ ﻣﻪﺯﻛﯘﺭ ﻣﻪﻛﺘﻪﭘﻨﯩﯔ ﻣﺎﻟﯩﻴﻪ ﯞﻩ ﺋﻮﻗﯘﻏﯘﭼﯩﻼﺭﻧﻰ ﺗﯩﺰﯨﻤﻼﺵ ﺋﯩﺸﻠﯩﺮﯨﻨﻰ ﺋﯜﺳﺘﯩﮕﻪ ﺋﯧﻠﯩﭗ ﻛﻪﻟﻤﻪﻛﺘﻪ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘﻧﺪﯨﻦ 3 ﻳﯩﻞ ﻣﯘﻗﻪﺩﺩﻩﻡ ﺋﺎﯞﺳﺘﺮﺍﻟﯩﻴﯩﻨﯩﯔ ﺳﯩﺪﻧﯧﻲ ﺷﻪﻫﯩﺮﯨﺪﻩ ﻗﯘﺭﯗﻟﻐﺎﻥ ﺋﯘﻳﻐﯘﺭ ﺋﺎﻧﺎ ﺗﯩﻞ ﻣﻪﻛﺘﯩﭙﯩﮕﻪ 30 ﻏﺎ ﻳﯧﻘﯩﻦ ﺋﯘﻳﻐﯘﺭ ﺋﻮﻗﯘﻏﯘﭼﻰ ﺗﯩﺰﯨﻤﻼﺗﻘﺎﻥ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ 15 ﻧﻪﭘﻪﺭﮔﻪ ﻳﯧﻘﯩﻦ ﺋﯘﻳﻐﯘﺭ ﺋﻮﻗﯘﻏﯘﭼﻰ ﺋﺎﻧﺎ ﺗﯩﻠﯩﻨﻰ ﺋﯚﮔﯩﻨﯩﺶ ﺋﯘﭼﯘﻥ ﻫﻪﺭ ﻫﻪﭘﺘﻪ ﺋﺎﺧﯩﺮﯨﺪﺍ ﺑﯩﺮ ﻗﯧﺘﯩﻢ ﻣﻪﺯﻛﯘﺭ ﻣﻪﻛﺘﻪﭘﻜﻪ ﻳﯩﻐﯩﻠﯩﺸﯩﺪﯨﻜﻪﻥ.

30 - ﻣﺎﻱ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﯩﮕﻪ ﻗﺎﺗﻨﺎﺷﻘﺎﻥ ﺋﺎﺗﺎ - ﺋﺎﻧﯩﻼﺭﻧﯩﯔ ﺋﻮﺭﺗﺎﻕ ﻫﯧﺲ ﻗﯩﻠﻐﯩﻨﻰ ﺑﻮﻳﯩﭽﻪ ﺋﯧﻴﺘﻘﺎﻧﺪﺍ، ﺋﯘﻻﺭ ﺋﯘﻳﻐﯘﺭ ﻣﯩﻠﻠﯩﻲ ﻛﯩﻤﻠﯩﻚ ﺗﯘﻳﻐﯘﺳﯩﻨﻰ ﺋﯚﺯ ﭘﻪﺭﺯﻩﻧﺘﻠﯩﺮﯨﮕﻪ ﺳﯩﯖﺪﯛﺭﯛﺵ ﺋﯜﭼﯜﻥ، ﺋﯚﺯ ﭘﻪﺭﺯﻩﻧﺘﻠﯩﺮﯨﻨﻰ ﻣﻪﺯﻛﯘﺭ ﺋﺎﻧﺎ ﺗﯩﻞ ﻣﻪﻛﺘﯩﭙﯩﮕﻪ ﺋﯧﻠﯩﭗ ﻛﯧﻠﯩﺸﯩﺪﯨﻜﻪﻥ.

ﺑﯩﺮ ﭘﻪﺭﺯﻩﻧﺘﻰ ﺳﯩﺪﻧﯧﻲ ﺋﯘﻳﻐﯘﺭ ﺋﺎﻧﺎ ﺗﯩﻞ ﻣﻪﻛﺘﯩﭙﯩﺪﻩ ﺋﻮﻗﯘﻳﺪﯨﻐﺎﻥ ﺩﯨﻠﻤﯘﺭﺍﺕ ﺋﻪﭘﻪﻧﺪﻯ ﻣﻪﻛﺘﻪﭖ ﻗﯘﺭﯗﻟﻐﺎﻧﺪﯨﻦ ﺑﯘﻳﺎﻥ ﻣﻪﺯﻛﯘﺭ ﻣﻪﻛﺘﻪﭘﺘﻪ ﺋﻮﻗﯘﯞﺍﺗﻘﺎﻥ ﺋﻮﻗﯘﻏﯘﭼﯩﻼﺭﻧﻰ ﺗﻮﺷﯘﺵ ﯞﻩﺯﯨﭙﯩﺴﯩﻨﯩﻤﯘ ﺋﯜﺳﺘﯩﮕﻪ ﺋﺎﻟﻐﺎﻥ.

ﺋﯩﻜﻜﻰ ﭘﻪﺭﺯﻩﻧﺘﯩﻨﻰ ﻣﻪﺯﻛﯘﺭ ﻣﻪﻛﺘﻪﭘﻜﻪ ﺋﯧﻠﯩﭗ ﻛﯧﻠﯩﭗ ﺋﯘﻳﻐﯘﺭﭼﻪ ﺋﯚﮔﯩﺘﯩﺸﺘﯩﻜﻰ ﺳﻪﯞﻩﺑﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﮔﯜﻟﻤﯩﺮﻩ ﺧﺎﻧﯩﻢ، ﭼﻪﺗﺌﻪﻟﻠﻪﺭﺩﻩ ﻳﺎﺷﺎﻳﺪﯨﻐﺎﻥ ﺋﯘﻳﻐﯘﺭﻻﺭﻧﯩﯔ ﻫﻪﻣﻤﯩﺴﻰ ﺩﯦﮕﯩﺪﻩﻙ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻣﻪﻧﭙﻪﺋﻪﺗﻰ ﺋﯜﭼﯜﻥ ﺯﻭﺭ ﺗﯚﻫﭙﯩﻠﻪﺭﻧﻰ ﻗﻮﺷﯘﭖ ﻛﯧﺘﻪﻟﻤﻪﻳﺪﯨﻐﺎﻧﻠﯩﻘﯩﻨﻰ، ﺋﻪﻣﻤﺎ ﭘﻪﺭﺯﻩﻧﺘﻠﯩﺮﯨﻨﻰ ﺋﯘﻳﻐﯘﺭ ﺭﻭﻫﻰ ﺑﯩﻠﻪﻥ ﻳﯘﻏﯘﺭﯗﭖ ﭼﻮﯓ ﻗﯩﻠﯩﺸﯩﻨﯩﯖﻤﯘ ﯞﻩﺗﻪﻧﭙﻪﺭﯞﻩﺭﻟﯩﻚ ﺟﯜﻣﻠﯩﺴﯩﮕﻪ ﻛﯩﺮﯨﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ ﯞﻩ ﺋﺎﻧﺎ ﺗﯩﻠﯩﻤﯩﺰﻧﻰ ﭘﻪﺭﺯﻩﻧﺘﻠﯩﺮﯨﻤﮕﻪ ﺋﯚﮔﯩﺘﯩﺶ ﻣﯧﻨﯩﯔ ﺑﯩﺮ ﺧﯩﻞ ﻛﯜﺭﯨﺸﯩﻢ ﺩﯦﺪﻯ."
 
ﺳﻪﻟﯩﻤﻪ ﻛﺎﻣﺎﻝ ﺧﺎﻧﯩﻢ ﺋﺎﺧﯩﺮﯨﺪﺍ ﺳﯩﺪﻧﯧﻲ ﺋﯘﻳﻐﯘﺭ ﺋﺎﻧﺎ ﺗﯩﻞ ﻣﻪﻛﺘﯩﭙﯩﻨﯩﯔ ﻗﯘﺭﯗﻟﯘﺵ ﺳﻪﯞﻩﺑﻠﯩﺮﻯ ﯞﻩ ﻣﻪﻣﺘﯩﻠﻰ ﺋﻪﭘﻪﻧﺪﻯ ﺗﯩﻜﻠﯩﮕﻪﻥ "ﺋﯚﺯﯨﻨﻰ ﺑﯧﻐﯩﺸﻼﺵ ﺭﻭﻫﻰ" ﻫﻪﻗﻘﺪﻩ ﺗﻮﺧﺘﺎﻟﺪﻯ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز