ﻛﯜﺭﻩﺵ ﻛﯚﺳﻪﻥ ﺋﻪﭘﻪﻧﺪﯨﻨﯩﯔ ﻧﺎﻣﻰ ﻳﺎﻟﻐﯘﺯ ﺋﯘﻳﻐﯘﺭ ﺧﻪﻟﻘﻰ ﺋﺎﺭﯨﺴﯩﺪﯨﻼ ﻣﻪﺷﻬﯘﺭ ﺑﻮﻟﯘﭘﻼ ﻗﺎﻟﻤﺎﻱ، ﺑﻪﻟﻜﻰ ﺷﯩﯟﯦﺘﺴﯩﻴﯩﺪﯨﻤﯘ ﺋﻪﻝ ﺋﺎﺭﯨﺴﯩﻐﺎ ﺗﺎﺭﺍﻟﻐﺎﻥ، ﺷﯟﯦﺘﺴﯩﻴﻪ ﺋﺎﺧﺒﺎﺭﺍﺗﻠﯩﺮﯨﺪﯨﻤﯘ ﺗﻮﻧﯘﻟﻐﺎﻥ ﺋﯩﺪﻯ. ﺋﯘﻧﯩﯔ "ﺋﺎﺗﻼﻧﺪﯗﻕ"، ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﺘﯩﻘﻼﻝ ﻣﺎﺭﺷﻰ"، "ﺑﯩﺰ" ﻗﺎﺗﺎﺭﻟﯩﻖ ﺑﯩﺮ ﺗﯜﺭﻛﯜﻡ ﻧﺎﺧﺸﺎ - ﻣﯘﺯﯨﻜﯩﻠﯩﺮﻯ ﺷﯩﯟﯦﺘﺴﯩﻴﻪﻧﯩﯔ ﭼﻮﯓ ﺳﻪﻫﻨﯩﻠﯩﺮﯨﺪﻩ ﺋﻮﺭﻛﯩﺴﺘﯩﺮﻻﺭ ﺑﯩﻠﻪﻥ ﺋﻮﺭﯗﻧﺪﯨﻠﯩﭗ، ﺷﯩﯟﯦﺖ ﺧﻪﻟﻘﻰ ﺋﺎﺭﯨﺴﯩﺪﺍ ﺯﻭﺭ ﺩﺍﻏﺪﯗﻏﺎ ﻗﻮﺯﻏﯩﻐﺎﻥ ﺑﻮﻟﺴﺎ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺑﯘ ﻧﺎﺧﺸﺎ - ﻣﯘﺯﯨﻜﯩﻠﯩﺮﻯ ﺋﺎﺭﻗﯩﻠﯩﻖ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﺎﺭﺯﯗ - ﺋﺎﺭﻣﺎﻧﻠﯩﺮﯨﻨﻰ ﯞﻩ ﺑﯜﮔﯜﻧﻜﻰ ﺳﯩﻴﺎﺳﯩﻲ ﺗﻪﻗﺪﯨﺮﯨﻨﻰ ﺷﯩﯟﯦﺖ ﺧﻪﻟﻘﯩﮕﻪ ﺑﯩﻠﺪﯛﺭﮔﻪﻥ ﺋﯩﺪﻯ.

ﻛﯜﺭﻩﺵ ﻛﯚﺳﻪﻥ ﺋﻪﭘﻪﻧﺪﯨﻨﯩﯔ ﺑﯩﺰﮔﻪ ﻗﺎﻟﺪﯗﺭﻏﺎﻥ ﺑﯘ ﻗﯩﻤﻤﻪﺗﻠﯩﻚ ﺳﻪﻧﺌﻪﺕ ﻣﯩﺮﺍﺳﻠﯩﺮﻯ ﯞﻩ ﻣﻪﺭﻫﯘﻡ ﻫﺎﻳﺎﺕ ﯞﺍﻗﺘﯩﺪﺍ ﺋﯩﺸﻠﻪﺗﻜﻪﻥ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺳﺎﺯﻟﯩﺮﻯ ﺑﯜﮔﯜﻧﻜﻰ ﻛﯜﻧﺪﻩ ﺷﯟﯦﺘﺴﯩﻴﻪ ﺩﯙﻟﻪﺗﻠﯩﻚ ﻣﯘﺯﯨﻜﺎ ﻣﯘﺯﯦﻴﻰ ﺗﻪﺭﯨﭙﯩﺪﯨﻦ ﺭﻩﺗﻠﯩﻨﯩﭗ ﻣﯘﺯﯦﻴﻨﯩﯔ ﺋﯧﺘﯩﺒﺎﺭﻟﯩﻖ ﺑﺎﻳﻠﯩﻘﻠﯩﺮﻯ ﺳﯜﭘﯩﺘﯩﺪﻩ ﻛﯚﺭﮔﻪﺯﻣﯩﮕﻪ ﻗﯘﻳﯘﻟﯘﺵ ﺋﺎﻟﺪﯨﺪﺍ ﺗﯘﺭﯨﺪﯗ.

ﺷﯩﯟﯦﺘﺴﯩﻴﻪ ﺩﯙﻟﻪﺗﻠﯩﻚ ﻣﯘﺯﯨﻜﺎ ﻣﯘﺯﯦﻴﻰ 100 ﻳﯩﻠﺪﯨﻦ ﺋﺎﺭﺗﯘﻕ ﺗﺎﺭﯨﺨﻘﺎ ﺋﯩﮕﻪ ﻗﻪﺩﯨﻤﻰ ﻣﯘﺯﯦﻴﻼﺭﻧﯩﯔ ﺑﯩﺮﻯ ﺑﻮﻟﯘﭖ، ﺑﯘ ﻣﯘﺯﯦﻴﺪﺍ 11500 ﺧﯩﻠﺪﯨﻦ ﺋﺎﺭﺗﯘﻕ ﻫﻪﺭ ﺧﯩﻞ ﺗﯧﻤﯩﻼﺭﺩﯨﻜﻰ ﻣﺎﺗﯧﺮﯨﻴﺎﻟﻼﺭ ﺳﺎﻗﻼﻧﻐﺎﻥ. ﺑﯘﻧﯩﯔ ﺋﯩﭽﯩﺪﻩ ﺋﻪﯓ ﻛﯚﭖ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯨﻐﺎﻥ ﺗﯜﺭ ﺳﺎﺯ ﺗﯜﺭﻟﯩﺮﻯ ﺑﻮﻟﯘﭖ، ﺟﻪﻣﺌﻰ 5500 ﺧﯩﻠﺪﯨﻦ ﺋﺎﺷﻘﺎﻥ. ﺑﯘﻻﺭﻧﯩﯔ ﺋﯩﭽﯩﺪﻩ 400 ﻳﯩﻠﻠﯩﻖ ﺗﺎﺭﯨﺨﻘﺎ ﺋﯩﮕﻪ ﺳﺎﺯﻻﺭﻣﯘ ﺑﺎﺭ. ﺋﯘﻳﻐﯘﺭ ﺳﺎﺯﻟﯩﺮﯨﻨﯩﯔ ﯞﻩ ﺑﯩﺮ ﺷﻪﺧﺴﯩﻨﯩﯔ ﻣﯘﺯﯨﻜﺎ ﺋﻪﺳﻪﺭﻟﯩﺮﯨﻨﯩﯔ ﻳﺎﯞﺭﯗﭘﺎ ﺩﯙﻟﻪﺗﻠﯩﺮﯨﺪﯨﻜﻰ ﺩﺍﯕﻠﯩﻖ ﻣﯘﺯﯨﻜﺎ ﻣﯘﺯﯦﻴﯩﻐﺎ ﻗﯘﻳﯘﻟﯘﺷﻰ ﺩﯗﻧﻴﺎﺩﺍ ﺗﯧﺨﻰ ﺗﯘﻧﺠﻰ ﻗﯧﺘﯩﻤﻠﯩﻖ ﺋﯩﺶ ﺑﻮﻟﯘﭖ، ﺋﯘﻳﻐﯘﺭ ﻣﯘﺯﯨﻜﯩﺴﯩﻨﯩﯔ ﻳﺎﯞﺭﻭﭘﺎﺩﺍ ﺳﺎﻗﻠﯩﻨﯩﺸﻰ ﯞﻩ ﺗﻪﺗﻘﯩﻖ ﻗﯩﻠﯩﻨﯩﺸﯩﺪﺍ ﻧﺎﻫﺎﻳﯩﺘﻰ ﻣﯘﻫﯩﻤﺪﯗﺭ.

ﺷﯟﯦﺘﺴﯩﻴﻪ ﺩﯙﻟﻪﺗﻠﯩﻚ ﻣﯘﺯﯨﻜﺎ ﻣﯘﺯﯨﻴﯩﻨﯩﯔ ﺋﯘﭼﯘﺭﻟﯩﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻛﯚﺭﻩﺵ ﻛﯚﺳﻪﻥ ﺋﻪﭘﻪﻧﺪﯨﻨﯩﯔ ﺑﺎﺭﻟﯩﻖ ﻧﺎﺧﺸﯩﻠﯩﺮﯨﻨﻰ ﻣﯘﺯﯦﻲ ﺗﻪﺭﯨﭙﯩﺪﯨﻦ ﺋﯧﻨﮕﻠﯩﺰ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﺸﻘﺎ ﺷﯩﯟﯦﺖ ﻣﯘﺗﻪﺧﻪﺳﺴﯩﺴﻠﻪﺭ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺑﻮﻟﯘﭖ، ﻣﯘﺯﯦﻴﻐﺎ ﻧﺎﺧﺸﯩﻼﺭﻧﯩﯔ ﺋﯧﻨﮕﯩﻠﯩﺰﭼﻪ ﺗﻪﺭﺟﯩﻤﯩﻠﯩﺮﻯ، ﻛﯜﺭﻩﺵ ﻛﯚﺳﻪﻥ ﺋﻪﭘﻪﻧﺪﯨﻨﯩﯔ ﻫﺎﻳﺎﺗﻰ، ﺳﻪﻧﺌﻪﺕ ﻧﻪﺗﯩﺠﯩﻠﯩﺮﻯ ﯞﻩ ﺋﯩﺪﯨﻴﯩﺴﻰ ﺳﯩﺴﺘﯧﻤﯩﻠﯩﻖ ﺗﻪﺗﻘﯩﻖ ﻗﯩﻠﯩﻨﯩﭗ ﻗﻮﻳﯘﻟﯩﺪﯨﻜﻪﻥ. ﺑﯘ ﻣﺎﺗﯧﺮﯨﻴﺎﻟﻼﺭ ﻳﻪﻧﻪ ﺋﯘﻳﻐﯘﺭ ﻣﯘﺯﯨﻜﯩﻠﯩﺮﻯ ﻫﻪﻗﻘﯩﺪﯨﻜﻰ ﭼﯜﺷﻪﻧﭽﯩﻠﻪﺭﻧﯩﻤﯘ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯨﻜﻪﻥ.

ﺑﯩﺰ ﻣﻪﺭﻫﯘﻣﻨﯩﯔ ﺑﯘ ﺗﯘﻏﯘﻟﻐﺎﻥ ﻛﯜﻧﯩﺪﻩ،ﻣﻪﺭﻫﯘﻣﻨﻰ ﻗﺎﻳﻐﯘ ﺋﯩﭽﯩﺪﻩ ﺋﻪﺳﻠﻪﺵ ﺑﯩﻠﻪﻥ ﺑﯩﺮﮔﻪ ﺋﯘ ﺋﯚﺯﻯ ﻫﺎﻳﺎﺕ ﯞﺍﻗﺘﯩﺪﺍ ﺋﻪﯓ ﻳﺎﺧﺸﻰ ﻛﯚﺭﯨﺪﯨﻐﺎﻥ، ﺷﯟﯦﺘﺴﯩﻴﻪ ﺋﻮﺭﻛﯧﺴﺘﯩﺮﻯ ﺗﻪﺭﯨﭙﯩﺪﯨﻦ ﺋﻮﺭﯗﻧﺪﯨﻠﯩﭗ، ﺷﯟﯦﺘﺴﯩﻴﻪ ﻣﯘﺭﺍﺳﯩﻢ ﻣﯘﺯﯨﻜﯩﻠﯩﺮﻯ ﻗﺎﺗﺎﺭﯨﻐﺎ ﻛﯩﺮﮔﯜﺯﯛﻟﮕﻪﻥ "ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﺘﯩﻘﻼﻝ ﻣﺎﺭﺷﻰ" ﻧﯩﯔ ﺋﯚﺯﻯ ﺋﯧﻴﺘﻘﺎﻥ ﻧﯘﺳﺨﯩﺴﯩﻨﻰ ﻫﯘﺯﯗﺭﯨﯖﻼﺭﻏﺎ ﺳﯘﻧﺪﯗﻕ. ﮔﻪﺭﭼﻪ ﻣﻪﺭﻫﯘﻡ ﺑﯘ ﻣﺎﺭﺷﻨﻰ ﭼﻮﯓ ﺧﻮﺭ ﺷﻪﻛﯩﻠﺪﻩ ﺋﯧﻴﺘﻘﯘﺯﯗﺵ ﺋﯜﭼﯜﻥ ﻛﯚﭖ ﺗﯩﺮﯨﺸﻘﺎﻥ ﺑﻮﻟﺴﯩﻤﯘ، ﻣﯘﺭﺍﺩﯨﻐﺎ ﻳﻪﺗﻤﻪﻱ ﺑﯩﺰ ﺑﯩﻠﻪﻥ ﯞﯨﺪﺍﻻﺷﺘﻰ. ﺋﯘ ﺑﯘ ﻣﺎﺭﺷﻨﻰ 2004 - ﻳﯩﻠﻠﯩﻖ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺩﯙﻟﻪﺕ ﺑﺎﻳﺮﯨﻤﯩﻨﻰ ﺧﺎﺗﯩﺮﯨﻠﻪﺵ ﻛﯜﻧﯩﺪﻩ ﺋﯚﺯﻯ ﺗﯘﻧﺠﻰ ﻗﯧﺘﯩﻢ ﺋﯧﻴﺘﻘﺎﻥ ﺋﯩﺪﻯ.