ﺑﯘ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﯨﻜﻰ ﺋﯩﻨﻜﺎﺳﻼﺭﻧﻰ ﺗﯧﺨﯩﻤﯘ ﺋﯧﻨﯩﻘﻼﺵ ﻣﻪﻗﺴﯩﺘﯩﺪﻩ "ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺑﺎﻟﯩﻼﺭ ﭘﺎﺭﺍﯞﺍﻧﻠﯩﻖ ﺋﻮﺭﻧﻰ " ﻏﺎ ﻛﯚﭖ ﻗﯧﺘﯩﻢ ﺗﯧﻠﯧﻔﻮﻥ ﻗﯩﻠﯩﭗ، ﺑﯘ ﺋﻮﺭﯗﻧﻨﯩﯔ ﺑﺎﺷﻠﯩﻘﻰ ﺟﺎﯓ ﺩﻭﯕﻔﺎﯓ ﺧﺎﻧﯩﻢ ﺑﯩﻠﻪﻥ ﺳﯚﻫﺒﻪﺗﻠﻪﺷﻤﻪﻛﭽﻰ ﺑﻮﻟﻐﺎﻥ ﺑﻮﻟﺴﺎﻗﻤﯘ، ﺋﻪﻣﻤﺎ ﺗﯧﻠﯧﻔﻮﻥ ﺋﺎﻟﻐﺎﻥ ﻧﯚﯞﻩﺗﭽﻰ ﺧﺎﺩﯨﻢ، ﺑﯩﺰﻧﯩﯔ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﺪﯨﻦ ﺗﯧﻠﯧﻔﻮﻥ ﻗﯩﻠﻐﺎﻧﻠﯩﻘﯩﻤﯩﺰﻧﻰ ﺑﯩﻠﮕﻪﻧﺪﯨﻦ ﻛﯧﻴﯩﻦ، ﺋﯩﺪﺍﺭﻩ ﺑﺎﺷﻠﯩﻘﯩﻤﯩﺰ ﻳﻮﻕ، ﺩﯦﮕﻪﻥ ﺑﺎﻫﺎﻧﻪ ﺑﯩﻠﻪﻥ، ﺟﺎﯓ ﺧﺎﻧﯩﻤﻨﯩﯔ ﺗﯧﻠﯧﻔﻮﻥ ﻧﻮﻣﯘﺭﯨﻨﻰ ﺋﯘﻻﭖ ﺑﻪﺭﻣﯩﺪﻯ. ﻟﯧﻜﯩﻦ، ﺳﺎﻻﻳﯩﺘﯩﻤﯩﺰﻧﻰ ﺋﯚﺯﮔﻪﺭﺗﯩﭗ ﺳﯚﺯﻟﯩﺸﯩﺶ ﺋﺎﺭﻗﯩﻠﯩﻖ، ﻧﯚﯞﻩﺗﭽﻰ ﺧﺎﺩﯨﻤﻨﯩﯔ ﺗﯧﻠﯧﻔﻮﻧﻨﻰ ﻛﯧﭽﯩﻠﯩﻚ ﺋﯩﺴﻤﯩﻨﯩﺪﺍ ﺋﯩﺸﻠﻪﻳﺪﯨﻐﺎﻥ ﯞﺍﯓ ﺧﺎﻧﯩﻤﻐﺎ ﺋﯘﻻﭖ ﺑﯧﺮﯨﺸﯩﻨﻰ ﻗﻮﻟﻐﺎ ﻛﻪﻟﺘﯜﺭﺩﯗﻕ.
 
ﯞﺍﯓ ﺧﺎﻧﯩﻢ ﺳﻮﺋﺎﻟﻠﯩﺮﯨﻤﯩﺰﻏﺎ ﻧﺎﻫﺎﻳﯩﺘﻰ ﺳﻪﮔﻪﻛﻠﯩﻚ ﺑﯩﻠﻪﻥ، ﻫﻪﻡ ﺋﯧﻬﺘﯩﻴﺎﺗﭽﺎﻥ، ﻫﻪﻡ ﺋﻪﺩﻩﭖ - ﻗﺎﺋﯩﺪﯨﺪﯨﻦ ﭼﯩﻘﯩﭗ ﻛﻪﺗﻤﯩﮕﻪﻥ ﻫﺎﻟﺪﺍ ﺟﺎﯞﺍﺏ ﺑﻪﺭﺩﻯ. ﯞﺍﯓ ﺧﺎﻧﯩﻢ ﺑﯩﺰﻧﯩﯔ ﺑﯘ ﻳﻪﺭﺩﯨﻜﻰ ﺑﺎﻟﯩﻼﺭﻧﯩﯔ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺳﻮﺭﯨﻐﺎﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ، ﺑﯘ ﻳﻪﺭﺩﻩ ﺋﺎﺳﺎﺳﻪﻥ ﺯﯦﻬﻨﻰ ﺋﺎﺟﯩﺰ ﺑﺎﻟﯩﻼﺭﻧﯩﯔ ﺑﺎﺭﻟﯩﻘﯩﻨﻰ، ﺋﻪﻣﻤﺎ ﺳﺎﻏﻼﻡ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﯩﯖﻤﯘ ﺑﺎﺭﻟﯩﻘﯩﻨﻰ، ﺋﻪﻟﯟﻩﺗﺘﻪ ﻧﺎﻫﺎﻳﯩﺘﻰ ﺋﻮﻣﺎﻕ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﻰ ﺑﯧﻘﯩﯟﯦﻠﯩﺸﻘﺎ ﺑﻮﻟﯘﺩﯨﻐﺎﻧﻠﯩﻘﯩﻨﻰ، ﺑﺎﻟﯩﻼﺭﻧﯩﯔ ﺗﻪﭘﺴﯩﻠﻰ ﺋﻪﻫﯟﺍﻟﯩﻨﻰ ﻳﻪﻧﯩﻼ ﻣﯘﺷﯘ ﺋﯩﺸﻘﺎ ﻣﻪﺳﺌﯘﻝ ﺑﻮﻟﻐﺎﻥ ﻣﻪﺧﺴﯘﺱ ﺧﺎﺩﯨﻤﺪﯨﻦ ﺋﯩﮕﯩﻠﯩﺸﯩﻤﯩﺰﻧﻰ ﺋﯧﻴﺘﺘﻰ.

ﺋﯩﻠﮕﯩﺮﻯ ﻣﻪﺯﻛﯘﺭ ﺑﺎﻟﯩﻼﺭ ﭘﺎﺭﺍﯞﺍﻧﻠﯩﻖ ﺋﻮﺭﻧﯩﺪﺍ 10 ﻳﯩﻞ ﺋﯩﺸﻠﯩﮕﻪﻥ، ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺋﺎﻣﺎﻧﮕﯜﻝ ﺧﺎﻧﯩﻢ ﯞﻩ ﻣﯘﺗﻪﻟﻠﯩﭗ ﺋﻪﭘﻪﻧﺪﻯ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﯩﯔ ﻣﯩﻠﻠﯩﻲ ﺋﯚﺭﭖ - ﺋﺎﺩﻩﺗﻠﯩﺮﯨﮕﻪ ﻫﯚﺭﻣﻪﺕ ﻗﯩﻠﯩﻨﻤﺎﻳﺪﯨﻐﺎﻧﻠﯩﻘﻰ، ﻫﻪﺗﺘﺎ ﺋﯘﻳﻐﯘﺭ ﺑﺎﻟﯩﻼﺭﻏﺎ ﻣﯘﺳﯘﻟﻤﺎﻧﭽﻪ ﺑﻮﻟﻤﯩﻐﺎﻥ ﺗﺎﻣﺎﻗﻼﺭﻧﻰ ﻳﯧﮕﯜﺯﮔﻪﻧﻠﯩﻜﯩﻨﻰ ﺋﯩﻨﻜﺎﺱ ﻗﯩﻠﻐﺎﻥ ﺋﯩﺪﻯ.
 
ﯞﺍﯓ ﺧﺎﻧﯩﻢ ﺑﯩﺰﻧﯩﯔ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﯩﯔ ﺳﺎﻧﻰ، ﺋﯘﻻﺭﻧﯩﯔ ﺋﯩﺴﻤﻰ، ﺋﯘﻳﻐﯘﺭ ﺑﺎﻟﯩﻠﯩﺮﯨﻨﯩﯔ ﺗﺎﻣﯩﻘﻰ، ﺑﺎﻟﯩﻼﺭ ﭘﺎﺭﺍﯞﺍﻧﻠﯩﻖ ﺋﻮﺭﻧﯩﺪﺍ ﻣﯘﺳﯘﻟﻤﺎﻧﭽﻪ ﺋﺎﺷﺨﺎﻧﺎ ﻫﻪﻡ ﻣﯘﺳﯘﻟﻤﺎﻥ ﺋﺎﺷﭙﻪﺯﻟﻪﺭﻧﯩﯔ ﺑﺎﺭ - ﻳﻮﻗﻠﯘﻗﻰ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﯨﻜﻰ ﺳﻮﺋﺎﻟﻠﯩﺮﯨﻤﯩﺰﻏﺎ ﺋﺎﻣﺎﻝ ﺑﺎﺭ ﺋﯚﺯﯨﻨﻰ ﻗﺎﭼﯘﺭﯗﭖ ﺗﯘﺭﯗﭖ ﺟﺎﯞﺍﺏ ﺑﻪﺭﺩﻯ. ﯞﺍﯓ ﺧﺎﻧﯩﻢ ﺑﯩﺰﻧﯩﯔ ﺑﯘ ﻳﻪﺭﺩﻩ ﻣﯘﺳﯘﻟﻤﺎﻧﭽﻪ ﺋﺎﺷﺨﺎﻧﯩﻨﯩﯔ ﺑﺎﺭ - ﻳﻮﻗﻠﯘﻗﻰ ﻫﻪﻗﻘﯩﺪﻩ ﺳﻮﺭﯨﻐﺎﻥ ﺳﻮﺋﺎﻟﯩﻤﯩﺰﻏﺎ ﺑﯘ ﻳﻪﺭﺩﻩ ﺗﺎﻣﺎﻗﻼﺭﻧﯩﯔ ﺋﻪﻟﯟﻩﺗﺘﻪ ﻣﯘﺳﯘﻟﻤﺎﻧﭽﻪ ﺋﯩﻜﻪﻧﻠﯩﻜﯩﻨﻰ، ﻣﯘﺳﯘﻟﻤﺎﻥ ﺋﺎﺷﭙﻪﺯﻟﻪﺭﻧﯩﯔ ﺑﺎﺭﻟﯩﻘﯩﻨﻰ ﺋﯧﻴﺘﺘﻰ. ﺋﻪﻣﻤﺎ ﺋﻪﺷﯘ ﻣﯘﺳﯘﻟﻤﺎﻥ ﺋﺎﺷﭙﻪﺯﻟﻪﺭ ﺑﯩﻠﻪﻥ ﻛﯚﺭﯛﺷﻤﻪﻛﭽﻰ ﺋﯩﻜﻪﻧﻠﯩﻜﯩﻤﯩﺰﻧﻰ ﺑﯩﻠﮕﯩﻨﯩﺪﻩ، ﺩﻩﺭﻫﺎﻟﻼ ﺋﯚﺯﯨﻨﯩﯔ ﺋﯘﻻﺭﻧﻰ ﺗﯧﻠﯧﻔﻮﻧﻐﺎ ﭼﺎﻗﯩﺮﯨﭗ ﻗﻮﻳﺎﻟﻤﺎﻳﺪﯨﻐﺎﻧﻠﯩﻐﯩﻨﻰ، ﺋﯘﻻﺭﻧﯩﯔ ﺗﯧﻠﯧﻔﻮﻥ ﻧﻮﻣﯘﺭﯨﻨﯩﻤﯘ ﺧﺎﻟﯩﻐﺎﻧﭽﻪ ﺑﯧﺮﻩﻟﻤﻪﻳﺪﯨﻐﺎﻧﻠﯩﻐﯩﻨﻰ ﺋﯧﻴﺘﯩﭗ، ﺋﯚﺯﯨﻨﯩﯔ ﺑﻪﺯﻯ ﻧﺎﺯﯗﻙ ﻣﻪﺳﯩﻠﯩﻠﻪﺭﮔﻪ ﺟﺎﯞﺍﺏ ﺑﯧﺮﯨﺸﻰ ﺋﻪﭘﺴﯩﺰ ﺋﯩﻜﻪﻧﻠﯩﻜﯩﻨﻰ ﻗﺎﻳﺘﺎ - ﻗﺎﻳﺘﺎ ﺗﻪﻛﯩﺘﻠﯩﺪﻯ. ﺋﯘ ﺑﯩﺰﻧﯩﯔ "ﺋﯘﻧﺪﺍﻗﺘﺎ ﺋﻪﺷﯘ ﺋﯘﻳﻐﯘﺭ ﺋﺎﺷﭙﻪﺯ ﺑﯩﻠﻪﻥ ﺳﯚﺯﻟﻪﺷﺴﻪﻡ ﺑﻮﻻﻣﺪﯗ ؟" ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﻣﯘﻧﺪﺍﻕ ﺟﺎﯞﺍﺏ ﺑﻪﺭﺩﻯ.

ﯞﺍﯓ ﺧﺎﻧﯩﻢ : ﻫﺎﺯﯨﺮ ﺋﯘﻻﺭ ﺑﯘ ﻳﻪﺭﺩﻩ ﻳﻮﻕ.
ﻣﯘﻫﺒﯩﺮ : ﺋﻪﻣﯩﺴﻪ ﺋﯘﻻﺭﻧﯩﯔ ﺗﯧﻠﯧﻔﻮﻥ ﻧﻮﻣﯘﺭﯨﻨﻰ ﺑﯧﺮﻩﻟﻪﻣﺴﯩﺰ ؟
ﯞﺍﯓ ﺧﺎﻧﯩﻢ : ﻛﻪﭼﯘﺭﯗﯓ، ﺋﯘﻻﺭﻧﯩﯔ ﺗﯧﻠﯧﻔﻮﻥ ﻧﻮﻣﯘﺭﯨﻨﻰ ﺳﯩﺰﮔﻪ ﺑﯧﺮﻩﻟﻤﻪﻳﻤﻪﻥ. ﺳﯩﺰ ﺑﻪﻙ ﺟﯩﻖ ﻣﻪﺳﯩﻠﯩﻠﻪﺭﻧﻰ ﺳﻮﺭﺍﭖ ﻛﻪﺗﺘﯩﯖﯩﺰ، ﺑﯘ ﻣﻪﺳﯩﻠﯩﮕﻪ ﻣﯧﻨﯩﯔ ﺟﺎﯞﺍﺏ ﺑﯧﺮﯨﺸﯩﻢ ﺋﻪﭘﺴﯩﺰ، ﺋﻪﺗﯩﻠﯩﻜﻜﻪ ﺋﯚﺯﯨﯖﯩﺰ ﻛﯧﻠﯩﭗ، ﺑﯘ ﺋﯩﺸﻘﺎ ﻣﻪﻫﺴﯘﺱ ﺧﺎﺩﯨﻢ ﺑﯩﻠﻪﻥ ﭘﺎﺭﺍﯕﻠﯩﺸﯩﯔ.

ﯞﺍﯓ ﺧﺎﻧﯩﻢ، ﻣﯘﺧﺒﯩﺮﻧﯩﯔ ﺋﻪﮔﻪﺭ ﺑﯘ ﺋﻮﺭﯗﻧﻨﻰ ﺯﯨﻴﺎﺭﻩﺕ ﻗﯩﻠﻤﺎﻗﭽﻰ ﺑﻮﻟﺴﺎﻕ ﭼﻮﻗﯘﻡ ﺋﺎﯞﺍﻝ ﺋﯩﺪﺍﺭﻩ ﺑﺎﺷﻠﯩﻘﯩﻨﯩﯔ ﺭﯗﺧﺴﯩﺘﯩﻨﻰ ﺋﯧﻠﯩﺶ ﻛﯧﺮﻩﻛﻠﯩﻜﯩﻨﻰ، ﺑﺎﻟﯩﻼﺭ ﺑﯩﻠﻪﻥ ﺧﺎﻟﯩﻐﺎﻧﭽﻪ ﻛﯚﺭﯛﺷﯜﺷﻜﻪ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺋﻪﯓ ﻳﺎﺧﺸﯩﺴﻰ ﺋﻪﺗﯩﻠﯩﻜﻜﻪ ﻣﯘﺷﯘ ﺋﯩﺸﻘﺎ ﻣﻪﺳﺌﯘﻝ ﺧﺎﺩﯨﻤﻐﺎ ﺗﯧﻠﯧﻔﻮﻥ ﻗﯩﻠﯩﭗ، ﺋﯘﻧﯩﯖﺪﯨﻦ ﺗﻪﭘﺴﯩﻠﻰ ﺋﻪﻫﯟﺍﻟﻨﻰ ﺳﻮﺭﯨﺸﯩﻤﯩﺰ ﻛﯧﺮﻩﻛﻠﯩﻜﯩﻨﻰ ﺋﯧﻴﺘﺘﻰ.

ﺑﺎﻟﯩﻼﺭ ﭘﺎﺭﺍﯞﺍﻧﻠﯩﻖ ﺋﻮﺭﻧﯩﺪﺍ 10 ﻳﯩﻞ ﺋﯩﺸﻠﯩﮕﻪﻥ ﻣﻪﺯﻛﯘﺭ ﺋﯩﻜﻜﻰ ﺋﯘﻳﻐﯘﺭ ﻣﻪﺯﻛﯘﺭ ﺋﻮﺭﯗﻧﺪﯨﻜﻰ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﯩﯔ ﺋﯩﺴﯩﻢ - ﻓﺎﻣﯩﻠﯩﺮﯨﻨﯩﯔ ﺧﯩﺘﺎﻳﭽﯩﻐﺎ ﺋﯚﺯﮔﻪﺭﺗﯩﯟﯦﺘﯩﻠﯩﺪﯨﻐﺎﻧﻠﯩﻘﻰ ﻫﻪﺗﺘﺎ ﺋﯘﻻﺭﻧﯩﯔ ﺋﯩﭽﻜﯩﺮﯨﺪﯨﻜﻰ ﺧﯩﺘﺎﻳﻼﺭﻏﺎ ﺑﯧﻘﯩﯟﯦﻠﯩﺸﻘﺎ ﺑﯧﺮﯨﯟﯦﺘﯩﻠﮕﻪﻧﻠﯩﻜﯩﻨﻰ ﺋﯩﻨﻜﺎﺱ ﻗﯩﻠﻐﺎﻥ ﺋﯩﺪﻯ.

ﺋﻪﻣﻤﺎ، ﯞﺍﯓ ﺧﺎﻧﯩﻢ ﺑﯘ ﻳﻪﺭﺩﯨﻜﻰ ﺑﺎﻟﯩﻼﺭﻧﯩﯔ ﺋﯘﻳﻐﯘﺭﭼﻪ ﺋﯩﺴﻤﻰ ﺑﺎﺭ - ﻳﻮﻗﻠﯩﻐﻰ ﻫﻪﻗﻘﯩﺪﯨﻜﻰ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ، ﺋﻪﻟﯟﻩﺗﺘﻪ ﺑﯘ ﺑﺎﻟﯩﻼﺭﻧﯩﯔ ﺋﯘﻳﻐﯘﺭﭼﻪ ﺋﯩﺴﻤﻰ ﺑﺎﺭﻟﯩﻘﯩﻨﻰ ﺗﻪﻛﯩﺘﻠﯩﺪﻯ ﻫﻪﻣﺪﻩ ﺧﻪﻧﺰﯗﭼﻪ ﺋﯩﺴﻤﯩﻤﯘ ﺑﺎﺭﻟﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﺪﻯ. ﺋﯘ ﺑﯩﺰﻧﯩﯔ ﺑﯘ ﺑﺎﻟﯩﻼﺭﻏﺎ ﻧﯧﻤﻪ ﺋﯜﭼﯜﻥ ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﯩﻨﯩﯔ ﺭﺍﻳﻮﻥ ﻧﺎﻣﻰ " ﺷﯩﻨﺠﻴﺎﯓ " ﺩﯦﮕﻪﻥ ﻧﺎﻣﻨﯩﯔ ﺩﻩﺳﻠﻪﭘﻜﻰ ﺧﯧﺘﻰ " ﺷﯩﻦ " ﺧﯧﺘﯩﻨﯩﯔ ﺑﻪﺯﻯ ﺋﯘﻳﻐﯘﺭ ﺑﺎﻟﯩﻠﯩﺮﯨﻐﺎ ﻓﺎﻣﯩﻠﻪ ﻗﯩﻠﯩﭗ ﺋﯩﺸﻠﯩﺘﯩﻠﮕﻪﻧﻠﯩﻜﯩﻨﻰ، ﺋﯘﻻﺭﻧﯩﯔ ﺋﯜﺭﯛﻣﭽﯩﻨﯩﯔ ﻗﺎﻳﺴﻰ ﺭﺍﻳﻮﻧﻠﯩﺮﯨﺪﯨﻦ ﺋﯧﻠﯩﭗ ﻛﯧﻠﯩﻨﮕﻪﻧﻠﯩﻜﯩﻨﯩﯔ ﺋﯧﻨﯩﻖ ﺑﻮﻟﯩﺸﻰ ﺋﯜﭼﯜﻥ، ﺑﯘ ﺋﯘﻳﻐﯘﺭ ﺑﺎﻟﯩﻠﯩﺮﯨﻐﺎ ﺷﯩﻦ ﺗﻴﺎﻧﭽﯘ، ﺷﯩﻦ ﺧﯥ ﺩﯨﮕﻪﻧﺪﻩﻙ ﺋﯩﺴﯩﻤﻼﺭﻧﯩﯔ ﻗﻮﻳﯘﻟﻐﺎﻧﻠﯩﻐﯩﻨﻰ ﺋﯩﻨﻜﺎﺭ ﻗﯩﻠﻤﯩﺪﻯ. ﺋﯘﻧﯩﯔ ﺩﯦﻴﯩﺸﯩﭽﻪ ﻣﯘﺷﯘﻧﺪﺍﻕ ﺋﺎﺗﯩﻐﺎﻧﺪﺍ، ﺑﯘ ﺑﺎﻟﯩﻼﺭﻧﻰ ﭘﻪﺭﻗﻠﻪﻧﺪﯛﺭﯛﺷﻜﻪ ﺋﺎﺳﺎﻥ ﺑﻮﻟﻐﯘﺩﻩﻙ.

ﯞﺍﯓ ﺧﺎﻧﯩﻢ، ﺑﯘ ﺑﺎﻟﯩﻼﺭﻧﯩﯔ ﻗﺎﻳﺴﻰ ﺗﯩﻠﺪﺍ ﺳﯚﺯﻟﻪﻳﺪﯨﻐﺎﻧﻠﯩﻐﻰ ﻣﻪﺳﯩﻠﯩﺴﯩﮕﻪ ﺟﺎﯞﺍﺏ ﺑﯧﺮﯨﭗ، ﺑﯘ ﺑﺎﻟﯩﻼﺭ ﻛﯩﭽﯩﻚ ﺑﻮﻟﻐﯩﻨﻰ ﺋﯜﭼﯜﻥ، ﺑﯘ ﺑﺎﻟﯩﻼﺭﻧﯩﯔ ﺋﻪﻟﯟﻩﺗﺘﻪ ﺋﻮﺯ ﺋﺎﻧﺎ ﺗﯩﻠﻰ ﺑﻮﻟﻐﺎﻥ ﺋﯘﻳﻐﯘﺭ ﺗﯩﻠﯩﺪﺍ ﺳﯚﺯﻟﯩﺸﻪﻟﻤﻪﻳﺪﯨﻐﺎﻧﻠﯩﻐﯩﻨﻰ، ﺑﯘ ﻳﻪﺭﮔﻪ ﻛﻪﻟﮕﻪﻥ ﺑﺎﻟﯩﻼﺭﻧﯩﯔ ﺋﺎﺗﺎ - ﺋﺎﻧﯩﺴﯩﺪﯨﻦ ﺋﯚﮔﯩﻨﯩﯟﺍﻟﻐﺎﻥ ﺋﯘﻳﻐﯘﺭﭼﯩﻨﻰ ﺑﯩﻠﯩﺪﯨﻐﺎﻧﻠﯩﻐﯩﻨﻰ ﺋﯧﻴﺘﯩﭗ ﺑﻪﺭﺩﻯ.

ﺋﯘﻳﻐﯘﺭ ﺑﺎﻟﯩﻠﯩﺮﯨﻨﻰ ﺋﯩﭽﻜﯩﺮﯨﺪﯨﻜﻰ ﺧﯩﺘﺎﻳﻼﺭﻏﺎ ﺑﯧﻘﯩﯟﯦﻠﯩﺸﻰ ﺋﯜﭼﯜﻥ ﺑﯧﺮﯨﻠﯩﺪﯨﻐﺎﻧﻠﯩﻐﻰ ﻫﻪﻗﻘﯩﺪﯨﻜﻰ ﺳﻮﺋﺎﻟﯩﻤﯩﺰﻏﺎ ﯞﺍﯓ ﺧﺎﻧﯩﻢ ﺋﯚﺯﯨﻨﯩﯔ ﺑﯘ ﻣﻪﺳﯩﻠﯩﮕﻪ ﺟﺎﯞﺍﺏ ﺑﯧﺮﻩﻟﻤﻪﻳﺪﯨﻐﺎﻧﻠﯩﻐﯩﻨﻰ، ﺑﺎﻟﯩﻼﺭﻧﯩﯔ ﻛﯩﻤﻠﻪﺭﮔﻪ ﺑﯧﻘﯩﯟﯦﻠﯩﺸﻘﺎ ﺑﯧﺮﯨﻠﯩﺪﯨﻐﺎﻧﻠﯩﻐﻰ ﺷﯘ ﺑﺎﻟﯩﻨﯩﯔ ﯞﻩ ﺑﯧﻘﯩﯟﺍﻟﻐﯘﭼﻰ ﺋﺎﺋﯩﻠﯩﻨﯩﯔ ﻣﻪﺧﭙﯩﻴﻪﺗﻠﯩﻜﻰ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﺪﻯ.
 
ﯞﺍﯓ ﺧﺎﻧﯩﻢ ﺑﯩﺰﻧﯩﯔ ﺑﺎﻟﯩﻼﺭ ﭘﺎﺭﺍﯞﺍﻧﻠﯩﻖ ﺋﻮﺭﻧﯩﺪﯨﻜﻰ ﺋﯘﻳﻐﯘﺭ ﺑﺎﻟﯩﻼﺭﻧﯩﯔ ﺋﻪﻫﯟﺍﻟﯩﻐﺎ ﺋﺎﺋﯩﺖ ﺋﯩﻨﻜﺎﺳﻼﺭﻧﻰ ﺑﺎﺷﻘﯩﻼﺭﺩﯨﻦ ﺋﺎﯕﻠﯩﻐﯩﻨﯩﻤﯩﺰﻧﻰ، ﺑﯘ ﻳﻪﺭﻧﯩﯔ ﺧﺎﺩﯨﻤﻰ ﺋﺎﺭﻗﯩﻠﯩﻖ ﺑﯘ ﻣﻪﺳﯩﻠﯩﻨﯩﯔ ﺭﺍﺳﺖ - ﻳﺎﻟﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﺵ ﻧﯩﻴﯩﺘﯩﺪﻩ ﺋﯩﻜﻪﻧﻠﯩﻜﯩﻤﯩﺰﻧﻰ ﺑﯩﻠﮕﯩﻨﯩﺪﯨﻦ ﻛﯧﻴﯩﻦ ﺑﯘ ﻳﻪﺭﺩﻩ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﺋﯚﺭﭖ - ﺋﺎﺩﯨﺘﯩﮕﻪ ﻫﯚﺭﻣﻪﺕ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﺵ ﺑﯩﻠﻪﻥ ﺑﯩﻠﻠﻪ، ﺋﯚﺯﯨﻨﯩﯔ ﺑﻪﺯﻯ ﻧﺎﺯﯗﻙ ﻣﻪﺳﯩﻠﯩﻠﻪﺭﮔﻪ ﺟﺎﯞﺍﺏ ﺑﯧﺮﻩﻟﻤﻪﻳﺪﯨﻐﺎﻧﻠﯩﻐﯩﻨﻰ، ﻣﯧﻨﯩﯔ ﺋﯘﻧﻰ ﺗﻮﻏﺮﺍ ﭼﯜﺷﯩﻨﯩﺸﯩﻤﻨﻰ، ﺑﯘ ﺋﯩﺸﻨﻰ ﻣﯘﺷﯘ ﺋﯩﺸﻘﺎ ﻣﻪﺳﺌﯘﻝ ﺧﺎﺩﯨﻢ ﺑﯩﻠﻪﻥ ﺳﯚﺯﻟﯩﺸﯩﺸﯩﻤﯩﺰﻧﻰ ﺋﯧﻴﺘﺘﻰ.

ﺑﺎﻟﯩﻼﺭ ﭘﺎﺭﺍﯞﺍﻧﻠﯩﻖ ﺋﻮﺭﺩﯨﺪﺍ ﻳﯜﺯ ﺑﻪﺭﮔﻪﻥ ﺑﯩﺮ ﻗﺎﺗﺎﺭ ﺋﻪﻫﯟﺍﻟﻼﺭ، ﻣﯩﻠﻠﯩﻲ ﻛﻪﻣﺴﯩﺘﯩﺶ ﺑﯩﻠﻪﻥ ﺑﺎﻏﻠﯩﻨﯩﺸﻠﯩﻖ ﻣﻪﺳﯩﻠﯩﻠﻪﺭﻧﯩﯔ ﺑﯩﺮ ﻗﯩﺴﻤﻰ ﺋﯩﻜﻪﻧﻠﯩﻜﻰ ﻣﻪﻟﯘﻡ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز