ﻣﯩﺮﺯﺍﺕ ﺋﺎﻟﯩﻤﻨﯩﯔ ﺋﻮﺭﯗﻧﻠﯩﺸﯩﺪﯨﻜﻰ "ﺗﺎﺭ ﻛﻮﭼﺎ " ﻧﺎﺧﺸﯩﺴﯩﻨﻰ ﺋﺎﯕﻠﯩﻤﯩﻐﺎﻥ ﺋﯘﻳﻐﯘﺭ ﻳﻮﻕ ﺑﯚﻟﯘﺷﻰ ﻣﯘﻣﻜﯩﻦ. ﺋﺎﺗﺎﻗﻠﯩﻖ ﻧﺎﺧﺸﯩﭽﻰ ﻣﯩﺮﺯﺍﺕ ﺋﺎﻟﯩﻢ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ 5 - ﺋﻮﺗﺘﯘﺭﺍ ﻣﻪﻛﺘﻪﭘﻨﯩﯔ ﻣﯘﺯﯨﻜﺎ ﺋﻮﻗﯘﺗﻘﯘﭼﯩﺴﻰ ﺑﻮﻟﯘﭖ، ﺋﯘ 90 - ﻳﯩﻠﻼﺭﺩﺍ ﺋﯚﺯﯨﻨﯩﯔ ﻳﯘﻗﯩﺮﻯ ﻣﺎﻫﺎﺭﻩﺕ ﺑﯩﻠﻪﻥ ﺋﻮﺭﯗﻧﻠﯩﻐﺎﻥ "ﺗﺎﺭ ﻛﻮﭼﺎ"، "ﺋﺎﺟﺮﺍﺷﻤﺎﯕﻼﺭ ﺋﺎﺗﺎ - ﺋﺎﻧﯩﻼﺭ"ﻧﺎﻣﻠﯩﻖ ﻧﺎﺧﺸﯩﻠﯩﺮﻯ ﺑﯩﻠﻪﻥ ﺋﯘﻳﻐﯘﺭ ﺧﻪﻟﻘﻰ ﺋﺎﺭﯨﺴﯩﺪﺍ ﺗﻮﻧﯘﻟﯘﺷﻘﺎ ﺑﺎﺷﻠﯩﻐﺎﻥ ﺋﯩﺪﻯ.

ﻫﺎﺯﯨﺮ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﻣﯩﺮﺯﺍﺕ ﺋﺎﻟﯩﻤﻨﯩﯔ ﺳﯩﺮﻟﯩﻖ ﺋﯚﻟﯜﻣﻰ ﻫﻪﻗﻘﯩﺪﻩ ﺧﯩﻠﻤﯘ - ﺧﯩﻞ ﭘﻪﺭﻩﺯﻟﻪﺭ ﺑﻮﻟﯘﻧﻤﺎﻗﺘﺎ. ﻣﯩﺮﺯﺍﺕ ﺋﺎﻟﯩﻤﻨﯩﯔ ﺑﯩﺮ ﻛﻪﺳﯩﭙﺪﯨﺸﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﻣﯩﺮﺯﺍﺕ ﺋﺎﻟﯩﻤﻨﯩﯔ ﺟﻪﺳﯩﺘﻰ 4 - ﺋﺎﯞﻏﯘﺳﺖ ﻛﯜﻧﻰ ﺋﯚﺯ ﺋﻮﻳﻰ ﺋﻪﺗﺮﺍﭘﯩﺪﯨﻜﻰ ﺑﯩﺮ ﻛﻮﭼﯩﻐﺎ ﺑﺎﺷﻘﯩﻼﺭ ﺗﻪﺭﯨﭙﯩﺪﯨﻦ ﺗﻮﺧﺘﯩﺘﯩﭗ ﻗﻮﻳﯘﻟﻐﺎﻥ ﺋﺎﭘﺘﻮﻣﻮﺑﯩﻠﻰ ﺋﯩﭽﯩﺪﯨﻦ ﺗﯧﭙﯩﻠﻐﺎﻥ ﺑﻮﻟﯘﭖ، ﺑﯘ ﻛﯩﺸﻰ ﺑﯩﺰﮔﻪ ﻣﯩﺮﺯﺍﺕ ﺋﺎﻟﯩﻤﻨﯩﯔ ﻧﺎﻫﺎﻳﯩﺘﻰ ﻗﻪﺑﯩﻬ ﺋﯘﺳﯘﻟﻼﺭ ﺑﯩﻠﻪﻥ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ، ﺳﺎﻗﭽﯩﻼﺭﻧﯩﯔ ﺋﯘﻧﯩﯔ ﺋﺎﻳﺎﻟﻰ ﯞﻩ ﺋﯘﺭﯗﻕ - ﺗﯘﻏﻘﺎﻧﻠﯩﺮﯨﻨﯩﯔ ﺑﯘ ﻫﻪﻗﺘﻪ ﻛﯚﭖ ﺳﯚﺯﻟﯩﺸﯩﻨﻰ ﭼﻪﻛﻠﯩﮕﻪﻧﻠﯩﻜﯩﻨﻰ، ﺷﯘﯕﺎ ﺋﯚﺯﯨﻨﯩﯖﻤﯘ ﺑﯘ ﻫﻪﻗﺘﻪ ﻛﻮﭖ ﺳﯚﺯﻟﯩﻴﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ.

 ﻣﯩﺮﺯﺍﺕ ﺋﺎﻟﯩﻤﻨﯩﯔ ﭼﻪﺗﺌﻪﻟﺪﯨﻜﻰ ﺑﯩﺮ ﺗﯘﻏﻘﯩﻨﻰ ﺋﯚﺯﯨﻨﯩﯔ ﻣﯩﺮﺯﺍﺕ ﺋﺎﻟﯩﻤﻨﯩﯔ ﺋﯚﻟﯜﻣﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻧﻰ ﺑﺎﺷﻘﯩﻼﺭﺩﯨﻦ ﺋﺎﯕﻠﯩﻐﺎﻧﻠﯩﻘﯩﻨﻰ، ﺋﻪﻣﻤﺎ ﻣﻪﺭﻫﯘﻣﻨﯩﯔ ﻧﯧﻤﻪ ﺳﻪﯞﻩﺑﺘﯩﻦ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ ﻫﻪﺗﺘﺎ ﺋﯘﻧﯩﯔ ﺭﺍﺳﺘﺘﯩﻨﻼ ﺋﯚﻟﯜﭖ ﻛﻪﺗﻜﻪﻧﻠﯩﻜﯩﮕﻪ ﻫﯧﻠﯩﻐﯩﭽﻪ ﺋﯩﺸﯩﻨﻪﻟﻤﻪﻳﯟﺍﺗﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ.

ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﯨﺪﻩ ﻣﯩﺮﺯﺍﺕ ﺋﺎﻟﯩﻤﻨﯩﯔ ﺋﯚﻟﯜﻣﻰ ﻫﻪﻗﻘﯩﺪﻩ ﺑﯩﺮ ﻗﻪﺩﻩﺭ ﺗﻪﭘﺴﯩﻠﯩﻲ ﺧﻪﯞﻩﺭ ﺑﯧﺮﯨﻠﮕﻪﻥ ﺑﻮﻟﯘﭖ، ﯞﻩﺗﯩﻨﯩﻢ ﺗﻮﺭ ﺑﯧﺘﯩﻨﯩﯔ 8 - ﺋﺎﻳﻨﯩﯔ 24 - ﻛﯜﻧﯩﺪﯨﻜﻰ ﺧﻪﯞﯨﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﻣﻪﺭﻫﯘﻡ 2009 - ﻳﯩﻠﻰ 8 - ﺋﺎﻳﻨﯩﯔ 2 - ﻛﯜﻧﻰ (ﻳﻪﻛﺸﻪﻧﺒﻪ) ﺋﯚﻳﯩﺪﯨﻦ ﺳﯩﺮﺗﻘﺎ ﭼﯩﻘﯩﭗ ﻛﻪﺗﻜﻪﻧﭽﻪ ﺩﯦﺮﯨﻜﻰ ﺑﻮﻟﻤﯩﻐﺎﻥ، 8 - ﺋﺎﻳﻨﯩﯔ 4 - ﻛﯜﻧﻰ ﻣﯩﺮﺯﺍﺕ ﺋﺎﻟﯩﻤﻨﯩﯔ ﺋﯚﻳﯩﮕﻪ ﻳﯧﻘﯩﻦ ﺑﯩﺮ ﻛﻮﭼﯩﺪﺍ ﺗﻮﺧﺘﯩﺘﯩﭗ ﻗﻮﻳﯘﻟﻐﺎﻥ ﺋﺎﭘﺘﻮﻣﻮﺑﯩﻠﻰ ﺋﯩﭽﯩﺪﯨﻦ ﻣﻪﺭﻫﯘﻣﻨﯩﯔ ﺟﻪﺳﯩﺘﻰ ﺗﯧﭙﯩﻠﻐﺎﻥ، ﺑﯘ ﭼﺎﻏﺪﺍ ﺟﻪﺳﻪﺕ ﺳﯧﺴﯩﺸﻘﺎ ﺑﺎﺷﻠﯩﻐﺎﻥ ﺑﻮﻟﯘﭖ، ﺑﯧﺸﯩﻐﺎ ﻗﺎﺭﺍ ﺧﺎﻟﺘﺎ ﻛﯩﻴﺪﯛﺭﯛﻟﮕﻪﻥ ﻫﺎﻟﺪﺍ ﺗﺎﺷﻼﭖ ﻗﻮﻳﯘﻟﻐﺎﻥ، ﺑﯩﺮ ﻛﯚﺯﻯ ﭼﺎﭼﺮﺍﭖ ﭼﯩﻘﯩﭗ ﻛﻪﺗﻜﻪﻥ، ﺑﻪﺩﯨﻨﯩﺪﻩ ﺗﺎﻳﺎﻕ ﺯﻩﺭﺑﯩﺴﯩﻨﯩﯔ ﺋﯩﺰﻟﯩﺮﻯ ﻗﺎﻟﻐﺎﻥ. ﻣﯩﺮﺯﺍﺕ ﺋﺎﻟﯩﻤﻨﯩﯔ ﺋﺎﻳﺎﻟﻰ ﯞﻩ ﺋﺎﭼﯩﺴﻰ ﺟﻪﺳﻪﺗﻨﻰ ﺋﻪﺩﻟﯩﻴﻪ ﺩﻭﺧﺘﯘﺭﻟﯩﺮﯨﻐﺎ ﺗﻪﻛﺸﯜﺭﺗﻜﻪﻥ. ﻫﯚﻛﯜﻣﻪﺗﻨﯩﯔ ﺋﻪﺩﻟﯩﻴﻪ ﺩﻭﺧﺘﯘﺭﻟﯩﺮﻯ، "ﻳﯜﺭﻩﻙ ﻛﯧﺴﯩﻠﻰ ﺑﯩﻠﻪﻥ ﺋﯚﻟﮕﻪﻥ" ﺩﯦﮕﻪﻥ ﺧﯘﻻﺳﯩﻨﻰ ﻳﯧﺰﯨﭗ ﺑﻪﺭﮔﻪﻥ. ﻣﯩﺮﺯﺍﺕ ﺋﺎﻟﯩﻤﻨﯩﯔ ﺋﺎﺋﯩﻠﯩﺴﻰ ﺋﯚﻟﯜﻡ ﺳﻪﯞﻩﺑﻰ ﺋﺎﺷﻜﺎﺭﺍ ﺑﻮﻟﻤﯩﺴﺎ، ﻣﯧﻴﯩﺘﻨﻰ ﻳﻪﺭﻟﯩﻜﯩﺪﻩ ﻗﻮﻳﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﺟﻪﺳﻪﺗﻨﻰ 3 ﻛﯜﻥ ﺳﺎﻗﻠﯩﻐﺎﻥ ﺑﻮﻟﺴﯩﻤﯘ، ﺳﺎﻗﭽﯩﻼﺭﻧﯩﯔ ﺗﻪﻫﺪﯨﺖ ﯞﻩ ﺑﯧﺴﯩﻤﻰ ﺑﯩﻠﻪﻥ 8 - ﺋﺎﻳﻨﯩﯔ 7 - ﻛﯜﻧﻰ (ﺟﯜﻣﻪ) ﻳﻪﻧﺌﻪﻥ ﻳﻮﻟﯩﺪﯨﻜﻰ ﺋﯜﺯﯛﻣﺰﺍﺭ ﺭﯦﺴﺘﻮﺭﺍﻧﯩﻨﯩﯔ ﺋﯘﺩﯗﻟﯩﺪﯨﻜﻰ ﺟﯩﮕﺪﯨﻠﯩﻚ ﻣﻪﺳﭽﯩﺘﯩﺪﻩ ﺟﯜﻣﻪ ﻧﺎﻣﯩﺰﯨﺪﯨﻦ ﻛﯧﻴﯩﻦ ﻣﻪﺭﻫﯘﻣﻨﯩﯔ ﺟﯩﻨﺎﺯﺍ ﻧﺎﻣﯩﺰﻯ ﺋﻮﻗﯘﻟﻐﺎﻥ.

ﯞﻩﺗﯩﻨﯩﻢ ﺗﻮﺭ ﺑﯧﺘﯩﺪﯨﻜﻰ ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺟﯩﻨﺎﺯﺍ ﻧﺎﻣﯩﺰﯨﻐﺎ ﻗﺎﺗﻨﺎﺷﻘﺎﻥ ﺋﯘﻳﻐﯘﺭﻻﺭﻧﯩﯔ ﺳﺎﻧﻰ 4 - 5 ﻣﯩﯖﻐﺎ ﻳﻪﺗﻜﻪﻥ.ﺟﯩﻨﺎﺯﯨﻨﻰ ﻣﻪﺳﭽﯩﺘﺘﯩﻦ ﺋﯧﻠﯩﭗ ﭼﯩﻘﯩﯟﺍﺗﻘﺎﻥ ﯞﺍﻗﯩﺘﺘﺎ 10 ﺩﯨﻦ ﺋﺎﺭﺗﯘﻕ ﺳﺎﻗﭽﻰ ﺋﺎﭘﺘﻮﻣﻮﺑﯩﻠﻰ ﺟﺎﻣﺎﺋﻪﺗﻨﻰ ﻗﻮﺭﺷﯩﯟﺍﻟﻐﺎﻥ ﺑﻮﻟﯘﭖ، ﺟﺎﻣﺎﺋﻪﺕ ﻗﻮﺭﺍﻟﻠﯩﻖ ﺳﺎﻗﭽﻰ ﯞﻩ ﺋﻪﺳﻜﻪﺭﻟﻪﺭﻧﯩﯔ ﻧﺎﺯﺍﺭﯨﺘﻰ ﺋﺎﺳﺘﯩﺪﺍ ﻣﯧﻴﯩﺘﻨﻰ ﻗﻪﺑﺮﯨﺴﺘﺎﻧﻠﯩﻘﻘﺎ ﺋﯧﻠﯩﭗ ﻣﺎﯕﻐﺎﻥ.

ﻣﻪﺭﻫﯘﻣﻨﯩﯔ ﺋﯚﻟﯜﻡ ﺳﻪﯞﻩﺑﻰ ﻫﻪﻗﻘﯩﺪﻩ، ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﯨﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، 2 - ﺋﺎﯞﻏﯘﺳﺖ ﻛﯜﻧﻰ ﻛﯧﭽﯩﺪﻩ ﻣﯩﺮﺯﺍﺕ ﺋﺎﻟﯩﻢ ﺑﯩﺮ ﺋﺎﻏﯩﻨﯩﺴﯩﮕﻪ ﺗﯧﻠﯧﻔﻮﻥ ﻗﯩﻠﯩﭗ، ﺋﯚﺯﯨﻨﯩﯔ ﺋﺎﺟﺎﻳﯩﭗ ﺩﻩﻫﺸﻪﺗﻠﯩﻚ ﺑﯩﺮ ﻣﻪﻧﺰﯨﺮﯨﻨﻰ ﻛﯚﺭﯛﭖ ﻗﺎﻟﻐﺎﻧﻠﯩﻘﯩﻨﻰ، ﻗﻮﺭﺍﻟﻠﯩﻖ ﺳﺎﻗﭽﯩﻼﺭﻧﯩﯔ ﺋﺎﺭﻗﯩﺴﯩﺪﯨﻦ ﻗﻮﻏﻼﯞﺍﺗﻘﺎﻧﻠﯩﻘﯩﻨﻰ ﺩﻩﯞﺍﺗﻘﯩﻨﯩﺪﺍ، ﻣﻪﺭﻫﯘﻣﻨﯩﯔ ﺗﯧﻠﯧﻔﻮﻧﻰ ﺋﯜﺯﯛﻟﯜﭖ ﻛﻪﺗﻜﻪﻥ ﺋﯩﻜﻪﻥ.

ﻫﺎﺯﯨﺮ ﻣﯩﺮﺯﺍﺕ ﺋﺎﻟﯩﻤﻨﯩﯔ ﺋﯚﻟﯜﻡ ﺳﻪﯞﻩﺑﻰ ﻫﻪﻗﻘﯩﺪﻩ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺗﯜﺭﻟﯜﻙ ﭘﻪﺭﻩﺯﻟﻪﺭ ﺑﻮﻟﯘﯞﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﻪﺕ ﺗﻪﺭﻩﭖ ﺑﯘ ﻫﻪﻗﺘﻪ ﺋﯧﻨﯩﻖ ﺋﯘﭼﯘﺭ ﺑﻪﺭﻣﯩﮕﻪﻥ.

ﺭﺍﺩﯨﺌﻮﻣﯩﺰ ﻣﻪﺭﻫﯘﻣﻨﯩﯔ ﺋﯚﻟﯜﻡ ﺳﻪﯞﻩﺑﻰ ﻫﻪﻗﻘﯩﺪﻩ ﺋﻪﻫﯟﺍﻝ ﺋﯩﮕﯩﻠﻪﺵ ﻣﻪﻗﺴﯩﺘﯩﺪﻩ ﺋﯜﺭﯛﻣﭽﯩﮕﻪ ﺗﯧﻠﯧﻔﻮﻥ ﻗﯩﻠﻐﺎﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺋﯜﺭﯛﻣﭽﻰ ﺑﯩﻠﻪﻥ ﺑﻮﻟﻐﺎﻥ ﺗﯧﻠﯧﻔﻮﻥ ﺋﺎﻻﻗﯩﺴﻰ ﺗﯧﺨﻰ ﺋﻪﺳﻠﯩﮕﻪ ﻛﻪﻟﻤﯩﮕﻪﻧﻠﯩﻜﻰ ﺋﯜﭼﯜﻥ ﺗﯧﺨﯩﻤﯘ ﺋﯧﻨﯩﻖ ﺋﯘﭼﯘﺭﻏﺎ ﺋﯧﺮﯨﺸﯩﺶ ﺋﯩﻤﻜﺎﻧﯩﻴﯩﺘﻰ ﺑﻮﻟﻤﯩﺪﻯ. ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﺩﯨﻦ ﺋﻪﻫﯟﺍﻟﻨﻰ ﺑﯩﻠﯩﺪﯨﻐﺎﻧﻼﺭﻧﯩﯔ ﺑﯩﺰﮔﻪ ﺋﯘﭼﯘﺭ ﻳﻪﺗﻜﯜﺯﯛﺷﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ.