ﻟﯧﻜﯩﻦ ﺋﯘﻧﯩﯔ ﻫﺎﺯﯨﺮ ﻗﻪﻳﻪﺭﺩﻩ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻧﻠﯩﻘﻰ ﻣﻪﻟﯘﻡ ﺋﻪﻣﻪﺱ، ﺷﯘﻧﺪﺍﻗﻼ ﺩﺍﺋﯩﺮﯨﻠﻪﺭ ﺋﯘﻧﯩﯔ ﺋﯩﺰ‏- ﺩﯦﺮﯨﻜﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﺋﯘﭼﯘﺭ ﺑﻪﺭﻣﯩﮕﻪﻥ. ﻣﯘﻫﻪﻣﻤﻪﺗﺠﺎﻧﻨﯩﯔ ﺳﻪﻟﻜﯩﻦ ﺗﻮﺭ ﺑﯧﻜﯩﺘﯩﺪﯨﻜﻰ ﺑﯩﺮ ﺗﻮﺭﺩﯨﺸﻰ ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺋﯘ ﺋﯩﺰ ‏- ﺩﯦﺮﻩﻛﺴﯩﺰ ﻳﻮﻗﺎﭖ ﻛﯧﺘﯩﺸﺘﯩﻦ ﺑﯘﺭﯗﻥ ﻳﯜﺯ ﺑﻪﺭﮔﻪﻥ ﺋﯩﺸﻼﺭ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ 5 ‏- ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺋﯧﻠﯩﭗ ﺑﺎﺭﻏﺎﻥ ﻛﻪﯓ ﻛﯚﻟﻪﻣﻠﯩﻚ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﺪﻩ ﺗﯩﻎ ﺋﯘﭼﯩﻨﻰ ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﯨﮕﻪ ﻗﺎﺭﯨﺘﯩﭗ، ﺗﻮﺭ ﺑﺎﺷﻘﯘﺭﻏﯘﭼﯩﻼﺭ ﯞﻩ ﺗﻮﺭ ﻗﻮﻟﻼﻧﻐﯘﭼﯩﻼﺭﻧﻰ ﻗﻮﻟﻐﺎ ﺋﺎﻟﻐﺎﻥ ﯞﻩ ﺗﯘﺗﻘﯘﻥ ﻗﯩﻠﻐﺎﻥ.

ﻣﯘﻫﻪﻣﻤﻪﺗﺠﺎﻥ ﺋﺎﺑﺪﯗﻟﻼ ﺷﯘ ﻗﺎﺗﺎﺭﺩﺍ ﺋﯩﺰ ‏- ﺩﯦﺮﻩﻛﺴﯩﺰ ﻳﻮﻗﺎﻟﻐﺎﻥ ﺗﻮﺭ ﺑﺎﺷﻘﯘﺭﻏﯘﭼﯩﻼﺭﻧﯩﯔ ﺑﯩﺮﻯ ﺋﯩﺪﻯ. ﺩﻭﺳﺘﻠﯩﺮﻯ ﺑﯩﻠﻪﻥ ﺋﺎﺧﯩﺮﻗﻰ ﻗﯧﺘﯩﻢ 7 ‏- ﺋﺎﻳﻨﯩﯔ 16 ‏- ﻛﯜﻧﻰ ﺋﺎﻻﻗﻪ ﻗﯩﻠﻐﺎﻥ ﻣﯘﻫﻪﻣﻤﻪﺗﺠﺎﻥ ﺷﯘﻧﯩﯖﺪﯨﻦ ﺑﯧﺮﻯ ﺋﯩﺰ ‏- ﺩﯦﺮﻩﻛﺴﯩﺰ.

ﻣﯘﻫﻪﻣﻤﻪﺗﺠﺎﻧﻨﯩﯔ ﺳﻪﻟﻜﯩﻨﺪﯨﻜﻰ ﺑﯩﺮ ﺗﻮﺭﺩﯦﺸﻰ، ﻣﯘﻫﻪﻣﻤﻪﺗﺠﺎﻥ ﺋﯩﺰ ‏- ﺩﯦﺮﻩﻛﺴﯩﺰ ﻳﻮﻗﺎﭖ ﻛﯧﺘﯩﺸﺘﯩﻦ ﺑﯘﺭﯗﻥ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﺩﺍﺋﯩﺮﯨﻠﯩﺮﻯ ﺋﯘﻧﯩﯔ ﭘﯩﻴﯩﻐﺎ ﭼﯜﺷﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﻣﯚﻫﺘﻪﺭﺭﻩﻡ ﺋﻮﻗﯘﺭﻣﻪﻧﻠﻪﺭ، ﺑﯘ ﭘﺮﻭﮔﺮﺍﻣﻤﯩﻤﯩﺰﺩﺍ ﺳﻪﻟﻜﯩﻦ ﺗﻮﺭﯨﻨﯩﯔ ﺑﺎﺷﻘﯘﺭﻏﯘﭼﯩﺴﻰ، ﺧﯩﺘﺎﻱ ﻣﻪﺭﻛﯩﺰﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﻣﯘﺧﺒﯩﺮﻯ ﻣﯘﻫﻪﻣﻤﻪﺗﺠﺎﻥ ﺋﺎﺑﺪﯗﻟﻼﻧﯩﯔ ﺳﻪﻟﻜﯩﻦ ﺗﻮﺭ ﺑﯧﻜﯩﺘﯩﺪﯨﻜﻰ ﺑﯩﺮ ﺗﻮﺭﺩﯦﺸﻰ ﺑﯩﻠﻪﻥ ﻣﯘﻫﻪﻣﻤﻪﺗﺠﺎﻥ ﺋﺎﺑﺪﯗﻟﻼ ﻫﻪﻗﻘﯩﺪﻩ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﯩﺘﯩﻤﯩﺰﻧﻰ ﺳﯩﻠﻪﺭﮔﻪ ﺳﯘﻧﺪﯗﻕ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﺳﯚﻫﺒﯩﺘﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.