ﺋﺎﺭﯨﺪﯨﻦ ﺋﯩﻜﻜﻰ ﻛﯜﻥ ﺋﯚﺗﻜﻪﻧﺪﻩ ﺑﯘ ﺗﻪﺷﻜﯩﻼﺕ ﺩﯙﻟﻪﺕ ﺋﺎﺭﻣﯩﻴﯩﺴﯩﮕﻪ ﻫﯘﺟﯘﻡ ﻗﯩﻠﯩﭗ 26 ﺋﻪﺳﻜﻪﺭﻧﻰ ﺋﯚﻟﺘﯜﺭﮔﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﺪﻯ. ﺋﻪﻣﻤﺎ، ﻧﯧﮕﯩﺮﯨﻴﻪ ﺑﯘ ﺧﻪﯞﻩﺭﻧﻰ ﺋﯩﻨﻜﺎﺭ ﻗﯩﻠﺪﻯ.

ﻣﻪﺯﻛﯘﺭ ﺗﻪﺷﻜﯩﻼﺕ ﺑﯜﮔﯜﻥ ﻳﻪﻧﻪ ﺩﯙﻟﻪﺕ ﺋﺎﺭﻣﯩﻴﯩﺴﻰ ﺑﯩﻠﻪﻥ ﺗﻮﻗﯘﻧﯘﺷﻘﺎﻧﻠﯩﻘﯩﻨﻰ، ﺭﺍﻳﻮﻧﺪﯨﻜﻰ ﺑﯩﺮ ﻗﺎﻧﭽﻪ ﻧﯧﻔﯩﺖ ﺑﺎﺯﯨﺴﯩﻨﻰ ﭘﺎﺭﺗﻼﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﻏﻪﻟﯩﺒﻪ ﺗﻪﻧﺘﻪﻧﯩﺴﻰ ﻗﯩﻠﺪﻯ. ﻧﯧﮕﯩﺮﯨﻴﻪ ﺩﯙﻟﻪﺕ ﺋﺎﺭﻣﯩﻴﯩﺴﯩﻨﯩﯔ ﻗﻮﻣﺎﻧﺪﺍﻧﻰ ﺳﺎﮔﯩﺮ ﻣﯘﺳﺎ ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﺑﯘ ﻗﯧﺘﯩﻤﻘﻰ ﺑﺎﻳﺎﻧﺎﺗﯩﻨﯩﯔ ﺗﻮﻏﺮﯨﻠﯩﻘﯩﻨﻰ ﺑﯩﻠﺪﯛﺭﺩﻯ ﯞﻩ ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﻜﻰ ﺗﻮﻗﯘﻧﯘﺷﻨﯩﯔ 1 ﺳﺎﺋﻪﺕ ﺩﺍﯞﺍﻡ ﻗﯩﻠﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﺪﻯ.

ﺩﯦﻠﺘﺎ ﺋﺎﺯﺍﺩﻟﯩﻖ ﺗﻪﺷﻜﯩﻼﺗﻰ 1990 ‏ - ﻳﯩﻠﻼﺭﺩﺍ ﻗﯘﺭﯗﻟﻐﺎﻥ، ﺋﯘﻻﺭ ﺋﯚﺯﻟﯩﺮﯨﻨﻰ ﻧﯧﮕﯩﺮﯨﻴﯩﺪﯨﻜﻰ ﺋﯧﺘﻨﯩﻚ ﮔﯘﺭﯗﭘﭙﯩﻼﺭﺩﯨﻦ ﺑﯩﺮﻯ ﺋﻮﮔﻮﻧﯩﻴﻼﺭﻧﯩﯔ ﯞﻩﻛﯩﻠﻰ ﺩﻩﭖ ﻗﺎﺭﺍﻳﺪﯗ. ﺋﻮﮔﻮﻧﯩﻴﻼﺭ ﻧﯧﮕﯩﺮﯨﻴﯩﻨﯩﯔ ﺟﻪﻧﯘﺑﯩﺪﯨﻜﻰ ﻧﯧﮕﯩﺮ ﺩﯦﻠﺘﯩﺴﯩﺪﺍ ﻳﺎﺷﺎﻳﺪﯨﻐﺎﻥ ﻳﻪﺭﻟﯩﻚ ﻣﯩﻠﻠﻪﺗﻠﻪﺭﺩﯨﻦ ﺑﯩﺮﻯ ﺑﻮﻟﯘﭖ، ﻧﻮﭘﯘﺳﻰ ﺑﯩﺮ ﻣﯩﻠﻴﻮﻥ ﺋﻪﺗﺮﺍﭘﯩﺪﺍ. ﺋﻮﮔﻮﻧﯩﻴﻪ ﻧﯧﮕﯩﺮﯨﻴﯩﻨﯩﯔ ﺋﺎﺳﺎﺳﻠﯩﻖ ﻧﯧﻔﯩﺖ ﺑﺎﺯﯨﺴﻰ.

ﺋﻮﮔﻮﻧﯩﻴﻼﺭ، ﻧﯧﮕﯩﺮﯨﻴﯩﻨﯩﯔ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﯩﺪﯨﻜﻰ ﺗﻪﯕﭙﯘﯕﺴﯩﺰﻟﯩﻘﺘﯩﻦ ﺷﯩﻜﺎﻳﻪﺗﭽﻰ. ﺩﯦﻠﺘﺎ ﺋﺎﺯﺍﺩﻟﯩﻖ ﺗﻪﺷﻜﯩﻼﺗﻰ ﺑﯜﮔﯜﻧﻜﻰ ﺑﺎﻳﺎﻧﺎﺗﯩﺪﺍ ﻣﯘﻧﺪﺍﻕ ﺩﻩﻳﺪﯗ: " ﺑﯩﺰ 50 ﻳﯩﻠﺪﯨﻦ ﺑﯧﺮﻯ ﺩﻩﺭﺩﯨﻤﯩﺰﻧﻰ، ﺋﯧﻐﯩﺰ ﺋﺎﺭﻗﯩﻠﯩﻖ، ﻗﻪﻟﻪﻡ ﺋﺎﺭﻗﯩﻠﯩﻖ ﯞﻩ ﻟﻮﺯﯗﻧﻜﯩﻼﺭ ﺋﺎﺭﻗﯩﻠﯩﻖ ﺑﯩﻠﺪﯛﺭﯛﭖ ﻛﻪﻟﺪﯗﻕ، ﺋﺎﯞﺍﺯﯨﻤﯩﺰﻏﺎ ﻗﯘﻻﻕ ﺳﺎﻟﻐﯘﭼﯩﻼﺭ ﭼﯩﻘﻤﯩﺪﻯ، ﺑﯘ ﻗﯧﺘﯩﻤﻘﻰ ﻫﯘﺟﯘﻣﯩﻤﯩﺰ، ﻧﯧﮕﯩﺮﯨﻴﻪ ﻫﯚﻛﯜﻣﯩﺘﻰ ﺋﻮﮔﻮﻧﯩﻴﻼﺭﻧﯩﯔ ﻫﻮﻗﯘﻗﯩﻨﻰ ﺗﻮﻟﯘﻕ ﺗﻮﻧﯘﻏﺎﻥ، ﺋﺎﺩﺍﻟﻪﺗﺴﯩﺰﻟﯩﻜﻠﻪﺭﮔﻪ ﺧﺎﺗﯩﻤﻪ ﺑﯧﺮﯨﺶ ﺋﯜﭼﯜﻥ ﺑﯩﺰ ﺑﯩﻠﻪﻥ ﺳﯚﻫﺒﻪﺕ ﺋﯜﺳﺘﯩﻠﯩﮕﻪ ﻛﻪﻟﮕﻪﻧﮕﻪ ﻗﻪﺩﻩﺭ ﺩﺍﯞﺍﻣﻠﯩﺸﯩﺪﯗ." ﺩﯦﻠﺘﺎ ﺋﺎﺯﺍﺩﻟﯩﻖ ﺗﻪﺷﻜﯩﻼﺗﻰ 2006 ‏ - ﻳﯩﻠﺪﯨﻦ ﺑﺎﺷﻼﭖ ﻗﻮﺭﺍﻟﻠﯩﻖ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺸﻨﻰ ﺑﺎﺷﻠﯩﻐﺎﻥ.

ﻧﯧﻔﯩﺘﻠﯩﻜﻠﻪﺭﮔﻪ ﺋﻮﺕ ﻗﻮﻳﯘﺵ، ﻧﯧﻔﯩﺖ ﺗﯘﺭﯗﺑﯩﻠﯩﺮﯨﻨﻰ ﭘﺎﺭﺗﻠﯩﺘﯩﺶ ﺋﯘﻻﺭﻧﯩﯔ ﺋﺎﺳﺎﺳﻠﯩﻖ ﻛﯜﺭﻩﺵ ﺷﻪﻛﻠﻰ ﺑﻮﻟﯘﭖ ﻛﻪﻟﻤﻪﻛﺘﻪ. ﻣﻪﺯﻛﯘﺭ ﺗﻪﺷﻜﯩﻼﺕ 2006 ‏ - ﻳﯩﻠﺪﯨﻜﻰ ﺑﺎﻳﺎﻧﺎﺗﯩﺪﺍ، ﺋﯚﺯ ﺗﯘﭘﺮﺍﻗﻠﯩﺮﯨﺪﺍ ﻧﯧﻔﯩﺖ ﺋﯩﺸﻠﻪﭘﭽﯩﻘﯩﺮﯨﺶ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﭼﻪﺗﺌﻪﻝ ﺷﯩﺮﻛﻪﺗﻠﯩﺮﯨﻨﻰ ﭘﺎﺋﺎﻟﯩﻴﯩﺘﯩﻨﻰ ﺗﻮﺧﺘﯩﺘﯩﺸﻘﺎ ﭼﺎﻗﯩﺮﻏﺎﻥ، ﻧﯧﮕﯩﺮﯨﻴﻪ ﺩﯙﻟﻪﺕ ﺋﺎﺭﻣﯩﻴﯩﺴﯩﻨﯩﯔ ﺋﯘﻻﺭﻧﯩﯔ ﻫﺎﻳﺎﺗﻰ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﯨﻴﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ. 2006 ‏ - ﻳﯩﻠﺪﯨﻜﻰ ﺑﯩﺮ ﻗﺎﺗﺎﺭ ﻫﯘﺟﯘﻣﻼﺭﺩﯨﻦ ﻛﯧﻴﯩﻦ، ﺑﯩﺮ ﻗﯩﺴﯩﻢ ﭼﻪﺗﺌﻪﻝ ﺷﯩﺮﻛﻪﺗﻠﯩﺮﻯ ﺋﯩﺸﻠﻪﭘﭽﯩﻘﯩﺮﯨﺸﯩﻨﻰ ﺗﻮﺧﺘﺎﺗﻘﺎﻥ، ﺑﯘﻧﯩﯔ ﺑﯩﻠﻪﻥ ﻧﯧﮕﯩﺮﯨﻴﯩﻨﯩﯔ ﻧﯧﻔﯩﺖ ﺋﯩﺸﻠﻪﭘﭽﯩﻘﯩﺮﯨﺸﯩﺪﺍ %10 ﺗﯚﯞﻩﻧﻠﻪﺵ ﺑﻮﻟﻐﺎﻥ، ﻣﻪﺭﻛﯩﺰﻯ ﻫﯚﻛﯜﻣﻪﺕ ﯞﻩﺯﯨﻴﻪﺗﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺵ ﺋﯜﭼﯜﻥ ﺋﻮﮔﻮﻧﯩﻴﯩﻨﯩﯔ ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺵ ﺋﯜﭼﯜﻥ ﺭﺍﻳﻮﻧﺪﺍ ﺗﯘﺗﻘﯘﻥ ﻗﯩﻠﯩﺶ ﯞﻩ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﻰ ﺋﯧﻠﯩﭗ ﺑﺎﺭﻏﺎﻥ.

ﺋﻮﮔﻮﻧﯩﻴﻼﺭﻧﯩﯔ ﻣﯩﻠﻠﯩﻲ ﻫﻪﺭﯨﻜﻪﺕ ﻳﯧﺘﻪﻛﭽﯩﻠﯩﺮﻯ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﻛﯜﭼﻠﯩﺮﯨﻨﯩﯔ ﺳﯜﻳﯩﻘﻪﺳﺘﻠﯩﺮﻯ ﺑﯩﻠﻪﻥ ﺋﯚﻟﺘﯜﺭﯛﻟﮕﻪﻥ، 2000 ﺩﯨﻦ ﺋﺎﺭﺗﯘﻕ ﻛﯩﺸﻰ ﺗﯜﺭﻣﯩﮕﻪ ﺗﺎﺷﻼﻧﻐﺎﻥ. ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ 2005 ‏ - ﻳﯩﻠﻠﯩﻖ ﺩﻭﻛﻼﺗﯩﺪﺍ، ﻧﯧﮕﯩﺮﯨﻴﻪ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﻰ ﻧﺎﭼﺎﺭ ﺩﻩﭖ ﺗﻪﻧﻘﯩﺪﻟﻪﻧﮕﻪﻥ ﯞﻩ ﺋﻮﮔﻮﻧﯩﻴﻼﺭﻧﯩﯔ ﻫﻪﻗﺴﯩﺰ ﻣﯘﺋﺎﻣﯩﻠﯩﮕﻪ ﻳﻮﻟﯘﻗﯘﯞﺍﺗﻘﺎﻧﻠﯩﻘﻰ ﺑﺎﻳﺎﻥ ﻗﯩﻠﻐﺎﻥ. ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻤﯘ، ﻧﯧﮕﯩﺮﯨﻴﻪ ﻫﯚﻛﯜﻣﯩﺘﯩﻨﻰ ﺋﻮﮔﻮﻧﯩﻴﯩﺪﯨﻜﻰ ﻣﯘﻗﯩﻤﺴﯩﺰﻟﯩﻘﻨﯩﯔ ﺳﻪﯞﻩﺑﻜﺎﺭﻯ ﺩﻩﭖ ﺋﻪﻳﯩﺒﻠﻪﭖ ﻛﻪﻟﻤﻪﻛﺘﻪ.

ﻧﯧﮕﯩﺮ ﺩﯦﻠﺘﯩﺴﯩﺪﯨﻜﻰ ﭼﻪﺗﺌﻪﻝ ﻧﯧﻔﯩﺖ ﺷﯩﺮﻛﻪﺗﻠﯩﺮﻯ ﺋﺎﺭﯨﺴﯩﺪﺍ ﺧﯩﺘﺎﻱ ﻧﯧﻔﯩﺖ ﺷﯩﺮﻛﯩﺘﯩﻤﯘ ﺑﺎﺭ، ﺋﻪﻣﻤﺎ ﺑﯘ ﻗﯧﺘﯩﻢ ﻫﯘﺟﯘﻣﻐﺎ ﺋﯘﭼﺮﯨﻐﺎﻥ ﻧﯧﻔﯩﺖ ﻗﯘﺭﯗﻟﯘﺷﻠﯩﺮﯨﻨﯩﯔ ﺋﺎﺭﯨﺴﯩﺪﺍ ﺧﯩﺘﺎﻱ ﺷﯩﺮﻛﯩﺘﯩﻨﯩﯔ ﺯﯨﻴﺎﻧﻐﺎ ﺋﯘﭼﺮﯨﻐﺎﻥ - ﺋﯘﭼﺮﯨﻤﯩﻐﺎﻧﻠﯩﻘﻰ ﻣﻪﻟﯘﻡ ﺋﻪﻣﻪﺱ. ﻧﯧﮕﯩﺮﯨﻴﻪ ﺑﯩﻠﻪﻥ ﺧﯩﺘﺎﻱ ﺋﺎﺭﯨﺴﯩﺪﯨﻜﻰ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺕ 35 ﻳﯩﻠﻠﯩﻖ ﺗﺎﺭﯨﺨﻘﺎ ﺋﯩﮕﻪ؛ ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﺍ 2006 ‏ - 2007 ‏ - ﻳﯩﻠﻠﯩﺮﻯ ﺋﺎﺭﯨﺴﯩﺪﺍ ﺋﯩﻘﺘﯩﺴﺎﺩﯨﻲ ﻫﻪﻣﻜﺎﺭﻟﯩﻘﻨﻰ ﻛﯜﭼﻪﻳﺘﯩﺶ ﻣﻪﻗﺴﯩﺘﯩﺪﻩ ﺑﯩﺮ ﻗﺎﺗﺎﺭ ﻛﯧﻠﯩﺸﯩﻤﻠﻪﺭ ﺗﯜﺯﯛﻟﮕﻪﻥ.

ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﺧﯩﺘﺎﻳﻨﯩﯔ ﺩﯗﻧﻴﺎﺩﯨﻜﻰ ﺗﯧﻨﭽﺴﯩﺰ ﺭﺍﻳﻮﻧﻼﺭﺩﺍ، ﺑﻮﻟﯘﭘﻤﯘ ﺩﯨﻜﺘﺎﺗﻮﺭ ﻫﺎﻛﯩﻤﯩﻴﻪﺕ ﻫﯚﻛﯜﻡ ﺳﯜﺭﯛﯞﺍﺗﻘﺎﻥ ﺩﯙﻟﻪﺗﻠﻪﺭ ﺑﯩﻠﻪﻥ ﺋﯩﻘﺘﯩﺴﺎﺩﯨﻲ ﻫﻪﻣﻜﺎﺭﻟﯩﻖ ﺋﻮﺭﻧﯩﺘﯩﺸﯩﻨﻰ ﺋﻪﻳﯩﺒﻠﻪﭖ ﻛﻪﻟﻤﻪﻛﺘﻪ. ﺑﻮﻟﯘﭘﻤﯘ ﻣﯘﺗﻪﺧﻪﺳﺴﯩﺴﻠﻪﺭ، ﺧﯩﺘﺎﻳﻨﯩﯔ ﺑﯘ ﺗﯜﺭ ﻫﻪﻣﻜﺎﺭﻟﯩﻘﻠﯩﺮﯨﻨﻰ ﺋﺎﻗﯩﯟﻩﺕ ﺋﯚﺯﻟﯩﺮﯨﻨﻰ ﺯﯨﻴﺎﻧﻐﺎ ﺋﯘﭼﺮﯨﺘﯩﺪﯗ ﺩﻩﭖ ﺋﺎﮔﺎﻫﻼﻧﺪﯗﺭﻣﺎﻗﺘﺎ.

3 ‏ ﺋﺎﻳﻨﯩﯔ ﺋﺎﻟﺪﯨﺪﺍ ﺑﯘ ﺗﯧﻤﯩﺪﺍ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻥ ﺋﺎﻣﯧﺮﯨﻜﯩﻠﯩﻖ ﺑﯩﺮ ﻣﯘﺗﻪﺧﻪﺳﺴﯩﺲ ﺧﯩﺘﺎﻳﻨﯩﯔ ﺋﯘﻳﻐﯘﺭ ﺭﺍﻳﻮﻧﻰ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﻧﯧﻔﯩﺖ ﻗﯘﺭﯗﻟﯘﺷﯩﻨﯩﯔ ﺧﻪﯞﭖ ﺋﺎﺳﺘﯩﺪﺍ ﺋﯩﻜﻪﻧﻠﯩﻜﯩﻨﻰ، ﺑﯘ ﻗﯘﺭﯗﻟﯘﺷﻼﺭﻧﯩﯔ ﻫﺎﻣﺎﻥ ﺑﯩﺮ ﻛﯜﻧﻰ ﺭﺍﻳﻮﻧﺪﯨﻜﻰ ﻗﺎﺭﺷﻰ ﮔﯘﺭﯗﭘﭙﯩﻼﺭﻧﯩﯔ ﻫﯘﺟﯘﻣﯩﻐﺎ ﺋﯘﭼﺮﺍﻳﺪﯨﻐﺎﻧﻠﯩﻘﯩﻨﻰ، ﺋﯘﺯﯗﻥ ﻣﯘﺳﺎﭘﯩﻠﯩﻚ ﻧﯧﻔﯩﺖ ﺗﯘﺭﯗﺑﯩﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﻛﺎﭘﺎﻟﻪﺕ ﺋﺎﺳﺘﯩﻐﺎ ﺋﯧﻠﯩﺸﻨﯩﯔ ﻣﯘﻣﻜﯩﻦ ﺋﻪﻣﻪﺳﻠﯩﻜﯩﻨﻰ ﺋﻪﺳﻜﻪﺭﺗﻜﻪﻥ ﺋﯩﺪﻯ.

ﻣﻪﺯﻛﯘﺭ ﻣﯘﺗﻪﺧﻪﺳﺴﯩﺲ ﻳﻪﻧﻪ، ﺷﯘ ﻗﯧﺘﯩﻤﻘﻰ ﻣﺎﻗﺎﻟﯩﺴﯩﺪﻩ، ﺧﯩﺘﺎﻳﻨﯩﯔ ﺋﺎﺳﺎﺳﻠﯩﻖ ﺋﻪﻧﺪﯨﺸﯩﺴﯩﻨﯩﯔ ﺗﯩﺒﻪﺕ ﺋﻪﻣﻪﺱ، ﺋﯘﻳﻐﯘﺭ ﺭﺍﻳﻮﻧﻰ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻳﻨﯩﯔ ﻫﺎﺯﯨﺮﻗﻰ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﯩﯔ ﻏﺎﻳﯩﺴﯩﻨﯩﯔ ﻧﯧﻔﯩﺖ ﻗﯘﺩﯗﻗﻠﯩﺮﯨﻨﻰ ﺋﺎﺳﺎﺱ ﻗﯩﻠﻐﺎﻥ ﺋﯩﻘﺘﯩﺴﺎﺩﯨﻲ ﻗﯘﺭﯗﻟﯘﺷﻠﯩﺮﯨﻨﯩﯔ ﺯﯨﻴﺎﻧﻐﺎ ﺋﯘﭼﺮﯨﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻥ ﺋﯩﺪﻯ.

ﺩﯦﻠﺘﺎ ﺋﺎﺯﺍﺩﻟﯩﻖ ﺗﻪﺷﻜﯩﻼﺗﯩﻨﯩﯔ ﺋﯚﺯ ﺭﺍﻳﻮﻧﯩﺪﺍ ﺋﯧﻠﯩﭗ ﺑﺎﺭﻏﺎﻥ ﻧﯧﻔﯩﺖ ﺑﺎﺯﯨﻠﯩﺮﯨﻐﺎ ﻗﺎﺭﯨﺘﺎ ﺋﯧﻠﯩﭗ ﺑﺎﺭﻏﺎﻥ ﺑﯘ ﻗﯧﺘﯩﻤﻘﻰ ﻫﯘﺟﯘﻣﻠﯩﺮﻯ، ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺧﯩﺘﺎﻱ ﻧﯧﻔﯩﺖ ﺑﺎﺯﯨﻠﯩﺮﻯ ﻫﻪﻗﻘﯩﺪﯨﻜﻰ ﺗﻪﺧﻤﯩﻨﻠﯩﺮﯨﻨﯩﯔ ﺧﺎﺗﺎ ﺋﻪﻣﻪﺳﻠﯩﻜﯩﺪﯨﻦ ﺑﯩﺸﺎﺭﻩﺕ ﺑﻪﺭﻣﻪﻛﺘﻪ.