ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﺑﺎﺵ ﻣﯩﻨﯩﺴﺘﯩﺮﻟﯩﻚ ﺗﺎﺭﻣﯩﻘﯩﺪﯨﻜﻰ ﺋﺎﺗﺎﺗﯜﺭﻙ ﻣﻪﺩﻩﻧﯩﻴﻪﺕ ﺗﻪﺗﻘﯩﻘﺎﺕ ﺋﯩﺪﺍﺭﯨﺴﻰ ﯞﻩ ﺋﺎﻗﺸﻪﻫﻪﺭ ﺷﻪﻫﻪﺭﻟﯩﻚ ﻫﯚﻛﯜﻣﯩﺘﻰ ﺋﻮﺭﺗﺎﻗﻠﯩﺸﯩﭗ ﺋﯚﺗﻜﯜﺯﮔﻪﻥ "21 - ﺋﻪﺳﯩﺮﻧﻰ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﺋﺎﺭﻗﯩﻠﯩﻖ ﭼﯜﺷﯜﻧﯩﺶ" ﻣﺎﯞﺯﯗﻟﯘﻕ ﺧﻪﻟﻘﺌﺎﺭﺍﻟﯩﻖ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ ﺗﯜﺭﻛﯩﻴﯩﻨﯩﯔ ﺋﺎﻗﺸﻪﻫﻪﺭ ﺩﯦﮕﻪﻥ ﻳﯧﺮﯨﺪﻩ ﺭﻩﺳﻤﯩﻲ ﺑﺎﺷﻼﻧﺪﻯ.

8 - ﻣﺎﻱ ﻛﯜﻧﻰ ﺋﻪﺗﯩﮕﻪﻥ ﺋﺎﻗﺸﻪﻫﻪﺭ ﻣﻪﺩﻩﻧﯩﻴﻪﺕ ﻣﻪﺭﻛﯩﺰﯨﺪﻩ ﺭﻩﺳﻤﯩﻲ ﺑﺎﺷﻼﻧﻐﺎﻥ ﻳﯩﻐﯩﻨﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﺗﯜﺭﻛﯩﻴﻪ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﺪﯨﻦ ﺋﻮﺭﺧﺎﻥ ﺋﻪﺭﺩﻩﻡ، ﺋﻪﺧﻤﻪﺕ ﺑﯘﻳﯘﻛﺎﻗﻘﺎﺷﻼﺭ، ﻫﯘﺳﻨﯘ ﺗﯘﻧﺎ، ﻛﻮﻧﻴﺎ ﯞﺍﻟﯩﻴﺴﻰ ﺋﻮﺳﻤﺎﻥ ﺋﺎﻳﺪﯨﻦ، ﺋﺎﺗﺎﺗﯜﺭﻙ ﻣﻪﺩﻩﻧﯩﻴﻪﺕ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺑﺎﺷﻠﯩﻘﻰ ﭘﺮﻭﻑ. ﺩﺭ. ﺋﻮﺳﻤﺎﻥ ﺧﻮﺭﺍﺗﺎ ﯞﻩ ﺋﺎﻗﺸﻪﻫﻪﺭ ﺑﺎﺷﻠﯩﻘﻰ ﻣﯘﺳﺘﺎﻓﺎ ﺑﺎﻟﻮﻏﻠﻰ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ﻗﺎﺗﻨﺎﺷﻘﺎﻥ ﯞﻩ ﺳﯚﺯ ﻗﯩﻠﻐﺎﻥ. ﺑﯘ ﻳﯩﻐﯩﻨﺪﺍ ﺋﻪﺯﻩﺭﺑﻪﻳﺠﺎﻥ، ﮔﺮﯗﺯﯨﻴﻪ، ﻟﯩﺘﯟﺍ ﻗﺎﺯﺍﻗﯩﺴﺘﺎﻥ، ﺋﯚﺯﺑﯧﻜﯩﺴﺘﺎﻥ، ﻣﺎﻛﯧﺪﻭﻧﯩﻴﻪ، ﺗﺎﺗﺎﺭﯨﺴﺘﺎﻥ، ﺭﯗﺳﯩﻴﻪ ﮔﻮﻟﻼﻧﺪﯨﻴﻪ ﯞﻩ ﺗﯜﺭﻛﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻥ 96 ﺗﻪﺗﻘﯩﻘﺎﺗﭽﻰ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﻫﻪﻗﻘﯩﺪﻩ ﻳﺎﺯﻏﺎﻥ ﺋﯩﻠﻤﯩﻲ ﻣﺎﻗﺎﻟﯩﻠﯩﺮﯨﻨﻰ ﺋﻮﻗﯘﭖ ﺋﯚﺗﻜﻪﻥ.

"21 - ﺋﻪﺳﯩﺮﻧﻰ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﺋﺎﺭﻗﯩﻠﯩﻖ ﭼﯜﺷﯩﻨﯩﺶ" ﻣﺎﯞﺯﯗﻟﯘﻕ ﺧﻪﻟﻘﺌﺎﺭﺍﻟﯩﻖ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﺳﯚﺯ ﻗﯩﻠﻐﺎﻥ، ﺋﺎﻗﺸﻪﻫﻪﺭ ﺷﻪﻫﻪﺭ ﺑﺎﺷﻠﯩﻘﻰ ﻣﯘﺳﺘﺎﻓﺎ ﺑﺎﻟﻮﻏﻠﻰ، ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﻟﻪﺗﯩﭙﯩﻠﯩﺮﯨﺪﻩ ﺋﯚﺗﻜﯜﺭ ﺑﯩﺮ ﺋﻪﻗﯩﻞ ﯞﻩ ﭘﯜﺗﯜﻥ ﺋﯩﻨﺴﺎﻧﻼﺭ ﺋﯧﻠﯩﺸﻘﺎ ﺗﯧﮕﯩﺸﻠﯩﻚ ﺳﺎﯞﺍﻕ ﺑﺎﺭﻟﯩﻘﯩﻨﻰ ﺋﯧﻴﺘﻘﺎﻥ. ﺑﯘﻧﯩﯖﻐﺎ ﺑﯩﺮ ﻣﯩﺴﺎﻝ ﻛﻪﻟﺘﯜﺭﯛﭖ، ﻧﻪﺳﯩﺮﺩﯨﻦ `ﺋﻪﭘﻪﻧﺪﯨﻨﯩﯔ ﺳﯧﻨﯩﯖﻤﯘ ﺗﻮﻏﺮﺍ `ﺩﯦﮕﻪﻥ ﻟﻪﺗﯩﭙﯩﺴﯩﺪﻩ، ﻫﻪﺭ ﺑﯩﺮ ﺋﺎﺩﻩﻣﻨﯩﯔ ﺋﯚﺯﯨﮕﻪ ﻛﯚﺭﻩ ﺗﻮﻏﺮﺍ ﺩﻩﭖ ﻗﺎﺭﯨﻐﺎﻥ ﻧﻪﺭﺳﯩﺴﯩﻨﯩﯔ ﺑﺎﺭﻟﯩﻘﯩﻨﻰ ﺋﯩﭙﺎﺩﻩ ﻗﯩﻠﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ. ﻳﻪﻧﻪ ﺑﯩﺮ ﻟﻪﺗﯩﭙﯩﺴﯩﺪﻩ ﻗﻮﺷﻨﯩﺴﯩﻨﯩﯔ ﻗﺎﺯﯨﻨﯩﻨﻰ ﺗﯘﻏﺪﯗﺭﯗﭖ ﺋﯚﻟﺘﯜﺭﮔﻪﻥ ﺑﻮﻟﯘﭖ، ﺑﯘﻧﯩﯖﺪﺍ ﺑﺎﺷﻘﯩﻼﺭﺩﯨﻦ ﺋﯧﻠﯩﺸﻨﯩﯔ ﺋﺎﺳﺎﻥ ﺑﯧﺮﯨﺸﻨﯩﯔ ﻗﺎﻧﭽﯩﻠﯩﻚ ﻗﯧﻴﯩﻦ ﺋﯩﻜﻪﻧﻠﯩﻜﻰ ﺋﯩﭙﺎﺩﻩ ﻗﯩﻠﯩﻨﻐﺎﻥ. ﺷﻪﻫﻪﺭ ﺑﺎﺷﻠﯩﻘﻰ ﻣﯘﺳﺘﺎﻓﺎ ﺑﺎﻟﻮﻏﻠﻰ ﺳﯚﺯﯨﺪﻩ ﻳﻪﻧﻪ، ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﯩﯔ ﺩﯗﻧﻴﺎﺩﺍ ﻫﻪﺟﯟﯨﻲ ﺧﯘﺷﺎﻟﻠﯩﻘﻨﯩﯔ ﺳﯩﻤﯟﻭﻟﻰ ﺋﯩﻜﻪﻧﻠﯩﻜﯩﻨﻰ، ﺧﯘﺷﺎﻟﻠﯩﻘﻨﯩﯔ ﺑﻮﻟﺴﺎ ﺑﻪﺧﺖ ﯞﻩ ﺳﺎﻻﻣﻪﺗﻠﯩﻜﻨﯩﯔ ﺩﻭﺭﯨﺴﻰ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﻘﺎﻥ.

ﭘﺎﺭﻻﻣﯧﻨﺖ ﺋﻪﺯﺍﺳﻰ ﺋﻮﺭﺧﺎﻥ ﺋﻪﺭﺩﻩﻡ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﻗﯩﻠﻐﺎﻥ ﺳﯚﺯﯨﺪﻩ، ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﯩﯔ ﻟﻪﺗﯩﭙﯩﻠﯩﺮﯨﺪﻩ ﺧﻪﻟﻘﻨﯩﯔ ﺗﯘﺭﻣﯘﺷﻰ ﺋﻪﻛﺲ ﺋﻪﺗﺘﯜﺭﯛﻟﮕﻪﻧﻠﯩﻜﯩﻨﻰ، ﻟﻪﺗﯩﭙﯩﻠﻪﺭﺩﻩ ﺋﯚﺗﻜﯜﺭ ﺋﻪﻗﯩﻞ ﭘﺎﺭﺍﺳﻪﺗﻨﯩﯔ ﺑﺎﺭﻟﯩﻘﯩﻨﻰ، 21 - ﺋﻪﺳﯩﺮﺩﻩ ﭘﯜﺗﯜﻥ ﺩﯗﻧﻴﺎ ﺋﯩﻨﺴﺎﻧﻠﯩﺮﯨﻨﯩﯔ ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﻰ ﺋﻮﻗﯘﺵ ﺋﺎﺭﻗﯩﻠﯩﻖ ﺧﯘﺷﺎﻟﻠﯩﻖ ﺋﯩﺰﺩﯨﺸﻰ ﻛﯧﺮﻩﻛﻠﯩﻜﯩﻨﻰ ﺋﯧﻴﺘﻘﺎﻥ.

ﺑﯩﺰ ﺑﯘ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ ﻫﻪﻗﻘﯩﺪﻩ ﺗﯧﺨﯩﻤﯘ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺑﯘ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﯟﺍﺗﻘﺎﻥ ﺋﯩﺰﻣﯩﺮ ﺋﻪﮔﻪ ﺋﯘﻧﯩﯟﯦﺮﺳﯩﺘﯧﺘﻰ ﺗﯜﺭﻙ ﺩﯗﻧﻴﺎﺳﻰ ﺗﻪﺗﻘﯩﻘﺎﺕ ﺋﯩﻨﺴﺘﯩﺘﯘﺗﻰ ﻣﯘﺩﯨﺮﻯ، ﺧﻪﻟﻖ ﺋﻪﺩﻩﺑﯩﻴﺎﺗﻰ ﭘﺮﻭﻓﯧﺴﺴﻮﺭﻯ ﻓﯩﻜﺮﻩﺕ ﺗﯜﺭﻛﻤﻪﻥ ﺋﻪﭘﻪﻧﺪﻯ ﺑﯩﻠﻪﻥ ﺗﯧﻠﯧﻔﻮﻥ ﺯﯨﻴﺎﺭﯨﺘﻰ ﺋﯧﻠﯩﭗ ﺑﺎﺭﺩﯗﻕ.

ﭘﺮﻭﻑ. ﺩﺭ. ﻓﯩﻜﺮﻩﺕ ﺗﯜﺭﻛﻤﻪﻥ ﺋﻪﭘﻪﻧﺪﻯ ﺋﯚﺯﯨﻨﯩﯔ ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﯩﯔ ﻗﻪﺑﺮﯨﺴﯩﻨﯩﯔ ﺑﯧﺸﯩﺪﺍ ﺩﯗﺋﺎ ﻗﯩﻠﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻨﻼ ﺭﺍﺩﯨﺌﻮﻏﺎ ﮔﻪﭖ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﯚﺯﯨﻨﻰ ﺑﻪﻛﻼ ﺑﻪﺧﺘﻠﯩﻚ ﻫﯧﺲ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "    ﺑﯩﺰ ﻫﺎﺯﯨﺮ ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﯩﯔ ﻛﯚﺭﮔﻪﻥ ﺋﺎﯕﻠﯩﻐﺎﻥ ﺋﻮﻳﻠﯩﻐﺎﻧﻠﯩﺮﯨﻨﻰ ﻫﯧﺲ ﻗﯩﻠﯩﯟﺍﺗﯩﻤﯩﺰ، ﭼﯜﻧﻜﻰ ﻫﺎﺯﯨﺮ ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﯩﯔ ﻗﻪﺑﺮﯨﺴﯩﻨﯩﯔ ﺑﯧﺸﯩﺪﺍ ﺩﯗﺋﺎ ﻗﯩﻠﯩﭗ ﭼﯩﻘﺘﯘﻕ. 800 - ﻳﯩﻠﺪﯨﻦ ﺑﯧﺮﻯ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﻛﯜﻧﺪﯨﻦ ﻛﯜﻧﮕﻪ ﺟﺎﻧﻠﯩﻨﯩﭗ ﺑﯩﺰﻧﻰ ﭼﺎﻗﯩﺮﯨﯟﺍﺗﯩﺪﯗ. ﺑﯜﮔﯜﻧﻜﻰ ﻛﯜﻧﺪﻩ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﺋﯩﻨﺴﺎﻧﻠﯩﻖ ﺋﺎﻟﯩﻤﯩﻨﻰ ﺑﯩﺮ ﻳﻪﺭﮔﻪ ﺋﯧﻠﯩﭗ ﻛﯧﻠﯩﭗ، ﺑﯩﺮ ﺑﯩﺮﻯ ﺑﯩﻠﻪﻥ ﺩﯨﺌﺎﻟﻮﮒ ﻗﯘﺭﯗﺷﻘﺎ، ﺑﯩﺮ ﺑﯩﺮﯨﻨﻰ ﺳﯚﻳﯜﺷﻜﻪ، ﺑﯩﺮ ﺑﯩﺮﯨﮕﻪ ﺯﯗﻟﯘﻡ ﻗﯩﻠﻤﺎﺳﻠﯩﻘﻘﺎ ﭼﺎﻗﯩﺮﯨﯟﺍﺗﯩﺪﯗ. ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﺩﯦﮕﻪﻧﻠﯩﻚ ﺧﯘﺷﺎﻟﻠﯩﻖ، ﺑﻪﺧﺘﻠﯩﻚ ﺩﯦﻤﻪﻛﺘﯘﺭ. ﺋﻪﻣﻤﺎ ﺑﯜﮔﯜﻥ ﺩﯗﻧﻴﺎﻧﯩﯔ ﻧﯘﺭﻏﯘﻥ ﻳﻪﺭﻟﯩﺮﯨﺪﻩ ﺯﯗﻟﯘﻡ، ﻛﯚﺯ ﻳﯧﺸﻰ ﺩﺍﯞﺍﻡ ﻗﯩﻠﯩﯟﺍﺗﯩﺪﯗ، ﺷﯘﯕﺎ ﻣﯩﻠﻠﻪﺗﻠﻪﺭﻧﻰ ﺑﯩﺮ - ﺑﯩﺮﯨﻨﻰ ﺳﯚﻳﯜﺷﻜﻪ ﭼﺎﻗﯩﺮﯨﯟﺍﺗﯩﺪﯗ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ. ﻣﻪﻥ ﻫﺎﺯﯨﺮ ﺋﯚﺯﯛﻣﻨﻰ ﺑﻪﻛﻼ ﺑﻪﺧﺘﻠﯩﻚ ﻫﯧﺲ ﻗﯩﻠﯩﯟﺍﺗﯩﻤﻪﻥ."

ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﯩﯔ 700 ﻳﯩﻞ ﺑﯘﺭﯗﻧﻘﻰ ﻟﻪﺗﯩﭙﯩﻠﯩﺮﯨﺪﻩ ﺑﯜﮔﯜﻧﻜﻰ ﺋﻪﻫﯟﺍﻟﻨﯩﯔ ﺋﺎﯕﻠﯩﺘﯩﻠﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ ﭘﺮﻭﻑ. ﺩﺭ. ﻓﯩﻜﺮﻩﺕ ﺗﯜﺭﻛﻤﻪﻥ ﺋﻪﭘﻪﻧﺪﻯ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﻰ ﺧﻪﻟﻘﯩﻤﯩﺰ ﺯﺍﻣﺎﻥ ﯞﻩ ﻣﺎﻛﺎﻧﯩﯔ ﺳﯩﺮﺗﯩﻐﺎ ﭼﯩﻘﺎﺭﻏﺎﻥ. ﺷﯘﯕﺎ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ 12 - 13 - 14 - 15 - ﺋﻪﺳﯩﺮﻧﯩﯔ ﺋﺎﺩﯨﻤﻰ ﺋﻪﻣﻪﺱ، ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﻫﻪﺭ ﺋﻪﺳﯩﺮﻧﯩﯔ ﺋﺎﺩﯨﻤﻰ. ﺧﻪﻟﻖ ﺋﯘﻧﯩﯖﻐﺎ ﻗﻪﻟﺒﯩﺪﻩ ﺷﯘﻧﺪﺍﻕ ﺑﯩﺮ ﻳﻪﺭ ﺑﻪﺭﮔﻪﻧﻜﻰ، ﺳﻪﻥ ﺯﺍﻣﺎﻥ ﯞﻩ ﻣﺎﻛﺎﻧﯩﯔ ﺳﯩﺮﺗﯩﺪﺍ ﺩﯦﮕﻪﻥ. ﺷﯘﯕﺎ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ 21 - ﺋﻪﺳﯩﺮﺩﻩ ﺑﺎﺭﻣﯘ ﺩﻩﭖ ﺳﻮﺭﺍﺵ ﺧﻪﻟﻘﻨﯩﯔ ﺑﯘ ﺋﯩﺪﯨﻴﯩﺴﯩﺪﻩ ﺧﯩﻼﭘﺘﯘﺭ. ﻣﯧﻨﯩﯔ ﺋﯩﻠﻤﯩﻲ ﻣﺎﻗﺎﻟﻪﻣﻨﯩﯔ ﺗﯧﻤﯩﺴﯩﻤﯘ ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﯩﯔ ﻛﯚﺯﻯ ﺑﯩﻠﻪﻥ 21 - ﺋﻪﺳﯩﺮﮔﻪ ﻗﺎﺭﺍﺵ ﺋﯩﺪﻯ. ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﯩﯔ ﭘﯜﺗﯜﻥ ﻟﻪﺗﯩﭙﯩﻠﯩﺮﯨﺪﯨﻦ 21 - ﺋﻪﺳﯩﺮﻧﯩﯔ ﺋﯩﺰﻟﯩﺮﯨﻨﻰ ﺗﺎﭘﺎﻻﻳﺴﯩﺰ. ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﯩﯔ 700 ﻳﯩﻞ ﺑﯘﺭﯗﻧﻘﻰ ﻟﻪﺗﯩﭙﯩﻠﯩﺮﯨﺪﻩ ﺑﯜﮔﯜﻥ ﺋﺎﯕﻠﯩﺘﯩﻠﻐﺎﻥ."

ﭘﺮﻭﻑ. ﺩﺭ. ﻓﯩﻜﺮﻩﺕ ﺗﯜﺭﻛﻤﻪﻥ ﺋﻪﭘﻪﻧﺪﻯ ﻧﻪﺳﯩﺮﺩﯨﻦ ﺋﻪﭘﻪﻧﺪﯨﻨﯩﯔ ﭘﯜﺗﯜﻥ ﺗﯜﺭﻙ ﺩﯗﻧﻴﺎﺳﯩﻨﯩﯔ ﺋﻮﺭﺗﺎﻕ ﻗﯩﻤﻤﯩﺘﻰ ﺋﯩﻜﻪﻧﻠﯩﻜﯩﻨﻰ، ﺷﯘﯕﺎ ﺑﯘ ﻳﯩﻐﯩﻨﻐﺎ ﻗﺎﺗﻨﺎﺷﻘﺎﻧﻼﺭﻧﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻫﯚﺭﻟﯜﻛﻰ ﺋﯜﭼﯜﻥ ﺩﯗﺋﺎ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ: "ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺧﯩﻴﺎﻟﻰ ﺋﻮﻱ ﭘﯩﻜﺮﻯ، ﺑﯩﺮ ﻧﻪﺭﺳﯩﮕﻪ ﺑﻪﺭﮔﻪﻥ ﺭﯦﺌﺎﻛﺴﯩﻴﯩﺴﻰ ﺋﻮﺭﺗﺎﻕ. ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﻧﻪﺩﻩ ﺑﻮﻟﺴﺎ ﺑﻮﻟﺴﯘﻥ ﻫﻪﻣﻤﯩﺴﻰ ﺋﻮﺧﺸﺎﺵ ﻧﻪﺭﺳﯩﻨﻰ ﺋﻮﻳﻼﻳﺪﯗ. ﺷﯘﯕﺎ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﭘﯜﺗﯜﻥ ﺗﯜﺭﻙ ﺩﯗﻧﻴﺎﺳﯩﺪﺍ ﺋﻮﺧﺸﺎﺵ ﺩﻩﺭﯨﺠﯩﺪﻩ ﺑﯩﻠﯩﻨﯩﺪﯗ، ﻳﺎﺧﺸﻰ ﻛﯚﺭﯛﻟﯩﺪﯗ. ﻳﻪﻧﻰ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺋﻮﻱ ﭘﯩﻜﺮﯨﻨﯩﯔ ﺗﻪﺭﺟﯩﻤﺎﻧﯩﺪﯗﺭ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﺋﺎﻟﻼﻫ ﻳﺎﺭﺩﻩﻡ ﻗﯩﻠﺴﯘﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﭘﯜﺗﯜﻥ ﺋﯧﺰﯨﻠﯩﯟﺍﺗﻘﺎﻥ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﺳﺎﻻﻣﯩﻤﯩﺰﻧﻰ ﻳﻮﻟﻼﻳﻤﯩﺰ."

ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﺗﯜﺭﻛﯩﻴﯩﻨﯩﯔ ﺋﻪﺳﻜﻰ ﺷﻪﻫﻪﺭ ﯞﯨﻼﻳﯩﺘﯩﻨﯩﯔ ﺳﯩﯟﺭﯨﻬﯩﺴﺎﺭ ﻧﺎﻫﯩﻴﯩﺴﯩﻨﯩﯔ ﺧﻮﺭﺗﯘ ﻳﯧﺰﯨﺴﯩﺪﺍ ﺗﯘﻏﯘﻟﻐﺎﻥ ﺑﻮﻟﯘﭖ، ﺗﯜﺭﻛﯩﻴﯩﻨﯩﯔ ﺋﺎﻗﺸﻪﻫﻪﺭ ﺩﯦﮕﻪﻥ ﻳﯧﺮﯨﺪﻩ ﯞﺍﭘﺎﺕ ﺑﻮﻟﻐﺎﻥ. ﺋﯘﻧﯩﯔ ﺩﺍﺩﯨﺴﻰ ﺧﻮﺭﺗﯘ ﻳﯧﺰﯨﺴﯩﻨﯩﯔ ﺋﯩﻤﺎﻣﻰ ﺋﺎﺑﺪﯗﻟﻼﻫ ﺋﻪﭘﻪﻧﺪﻯ، ﺋﺎﻧﯩﺴﻰ ﺧﻮﺭﺗﯘ ﻳﯧﺰﯨﺴﯩﺪﯨﻦ ﺳﯩﺪﯨﻘﺎ ﺧﺎﺗﯘﻧﺪﯗﺭ. ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﺳﯩﯟﺭﯨﻬﯩﺴﺎﺭﺩﯨﻜﻰ ﻣﻪﺩﺭﯨﺴﻨﻰ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ، ﺩﺍﺩﯨﺴﻰ ﺋﯚﺯ ﻳﯘﺭﺗﻰ ﺧﻮﺭﺗﯘ ﻳﯧﺰﯨﺴﯩﻐﺎ ﻛﯧﻠﯩﭗ ﺩﺍﺩﯨﺴﯩﻨﯩﯔ ﺋﻮﺭﻧﯩﻐﺎ ﺋﯘ ﻳﯧﺰﯨﻨﯩﯔ ﺋﯩﻤﺎﻣﻰ ﺑﻮﻟﻐﺎﻥ. ﺋﯘ 1237 - ﻳﯩﻠﯩﺪﺍ ﺧﻮﺭﺗﯘ ﻳﯧﺰﯨﺴﯩﺪﯨﻦ ﺋﺎﻗﺸﻪﻫﻪﺭﮔﻪ ﻛﯚﭼﯜﭖ ﻛﯧﻠﯩﭗ ﺟﺎﻳﻼﺷﻘﺎﻥ ﺑﻮﻟﯘﭖ، ﺋﯘ ﻳﻪﺭﺩﻩ ﺑﯩﺮ ﻣﻪﺯﮔﯩﻞ ﺋﯩﻤﺎﻡ ﻛﯧﻴﯩﻦ ﻗﺎﺯﻯ ﺑﻮﻟﯘﭖ ﺋﯩﺸﻠﯩﮕﻪﻥ. ﺋﺎﻗﺸﻪﻫﻪﺭﺩﻩ ﯞﺍﭘﺎﺕ ﺑﻮﻟﻐﺎﻥ ﺑﻮﻟﯘﭖ، ﻫﺎﺯﯨﺮ ﻗﻪﺑﺮﯨﺴﻰ ﺋﺎﻗﺸﻪﻫﻪﺭﺩﯨﺪﯗﺭ. ﻫﻪﺭ ﻳﯩﻠﻰ ﺋﺎﻗﺸﻪﻫﻪﺭﺩﻩ ﻧﻪﺳﯩﺮﺩﯨﻦ ﺋﻪﭘﻪﻧﺪﻯ ﻫﻪﻗﻘﯩﺪﻩ ﻫﻪﺭ ﺧﯩﻞ ﭘﺎﺋﺎﻟﯩﻴﻪﺗﻠﻪﺭ ﺋﯚﺗﻜﯜﺯﯛﻟﻤﻪﻛﺘﻪ.